Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

वाल्मीकि-रामायणम्       vālmīki-rāmāyaṇam - book-2, chapter-85

Use the following checkboxes to set the display options for this chapter (You can also control the display of each verse separately):
what would you like to see in each verse:
कृतबुद्धिं निवासाय तथैव स मुनिस्तदा ।
भरतं कैकयी पुत्रमातिथ्येन न्यमन्त्रयत् ॥१॥
1. kṛtabuddhiṃ nivāsāya tathaiva sa munistadā ,
bharataṃ kaikayī putramātithyena nyamantrayat.
1. kṛtabuddhim nivāsāya tathā eva saḥ muniḥ tadā
bharatam kaikayī putram ātithyena nyamantrayat
1. tadā saḥ muniḥ kṛtabuddhim nivāsāya tathā eva
bharatam kaikayī putram ātithyena nyamantrayat
1. Then, that sage, having resolved to provide accommodation, accordingly invited Bharata, Kaikeyi's son, with hospitality.
Go to verse view
अब्रवीद्भरतस्त्वेनं नन्विदं भवता कृतम् ।
पाद्यमर्घ्यं तथातिथ्यं वने यदूपपद्यते ॥२॥
2. abravīdbharatastvenaṃ nanvidaṃ bhavatā kṛtam ,
pādyamarghyaṃ tathātithyaṃ vane yadūpapadyate.
2. abravīt bharataḥ tu enam nanu idam bhavatā kṛtam
pādyam arghyam tathā ātithyam vane yat upapadyate
2. bharataḥ tu enam abravīt nanu idam yat vane upapadyate
pādyam arghyam tathā ātithyam bhavatā kṛtam
2. Bharata then said to him, 'Surely, you have already offered this, which is appropriate in the forest: foot-water, a respectful offering, and hospitality.'
Go to verse view
अथोवाच भरद्वाजो भरतं प्रहसन्निव ।
जाने त्वां प्रीति संयुक्तं तुष्येस्त्वं येन केन चित् ॥३॥
3. athovāca bharadvājo bharataṃ prahasanniva ,
jāne tvāṃ prīti saṃyuktaṃ tuṣyestvaṃ yena kena cit.
3. atha uvāca bharadvājaḥ bharatam prahasan iva jāne
tvām prīti saṃyuktam tuṣyesi tvam yena kena cit
3. atha bharadvājaḥ prahasan iva bharatam uvāca jāne
tvām prīti saṃyuktam tvam yena kena cit tuṣyesi
3. Then Bharadvaja said to Bharata, as if smiling, 'I know you are full of affection, and you would be satisfied with anything.'
Go to verse view
सेनायास्तु तवैतस्याः कर्तुमिच्छामि भोजनम् ।
मम प्रितिर्यथा रूपा त्वमर्हो मनुजर्षभ ॥४॥
4. senāyāstu tavaitasyāḥ kartumicchāmi bhojanam ,
mama pritiryathā rūpā tvamarho manujarṣabha.
4. senāyāḥ tu tava etasyāḥ kartum icchāmi bhojanam
mama prītiḥ yathā rūpā tvam arhaḥ manujarṣabha
4. tu icchāmi tava etasyāḥ senāyāḥ bhojanam kartum
tvam manujarṣabha mama prītiḥ yathā rūpā arhaḥ
4. However, I wish to arrange a feast for this army of yours. You, O best of men, are worthy of my affection in its full measure.
Go to verse view
किमर्थं चापि निक्षिप्य दूरे बलमिहागतः ।
कस्मान्नेहोपयातो ऽसि सबलः पुरुषर्षभ ॥५॥
5. kimarthaṃ cāpi nikṣipya dūre balamihāgataḥ ,
kasmānnehopayāto'si sabalaḥ puruṣarṣabha.
5. kimartham ca api nikṣipya dūre balam iha āgataḥ
kasmāt na iha upāyātaḥ asi sabalaḥ puruṣarṣabha
5. puruṣarṣabha,
kimartham ca api balam dūre nikṣipya iha āgataḥ? kasmāt sabalaḥ iha na upāyātaḥ asi?
5. O best among men (puruṣarṣabha), why have you come here after leaving your army far away? And why have you not arrived here with your forces?
Go to verse view
भरतः प्रत्युवाचेदं प्राञ्जलिस्तं तपोधनम् ।
ससैन्यो नोपयातो ऽस्मि भगवन्भगवद्भयात् ॥६॥
6. bharataḥ pratyuvācedaṃ prāñjalistaṃ tapodhanam ,
sasainyo nopayāto'smi bhagavanbhagavadbhayāt.
6. bharataḥ prati uvāca idam prāñjaliḥ tam tapodhanam
sasainyaḥ na upāyātaḥ asmi bhagavan bhagavat bhayāt
6. bharataḥ prāñjaliḥ tam tapodhanam idam prati uvāca.
bhagavan,
bhagavat bhayāt sasainyaḥ na upāyātaḥ asmi.
6. Bharata, with folded hands, replied this to that ascetic (tapas): 'O venerable one (bhagavat), I have not arrived with my army due to fear of you, the venerable one (bhagavat).'
Go to verse view
वाजि मुख्या मनुष्याश्च मत्ताश्च वर वारणाः ।
प्रच्छाद्य महतीं भूमिं भगवन्ननुयान्ति माम् ॥७॥
7. vāji mukhyā manuṣyāśca mattāśca vara vāraṇāḥ ,
pracchādya mahatīṃ bhūmiṃ bhagavannanuyānti mām.
7. vāji mukhyāḥ manuṣyāḥ ca mattāḥ ca vara vāraṇāḥ
pracchādya mahatīm bhūmim bhagavan anuyānti mām
7. bhagavan,
vāji mukhyāḥ ca manuṣyāḥ ca mattāḥ ca vara vāraṇāḥ (te) mahatīm bhūmim pracchādya mām anuyānti.
7. O venerable one (bhagavat), the foremost horses and men, and excellent, rutting elephants follow me, covering a great portion of the earth.
Go to verse view
ते वृक्षानुदकं भूमिमाश्रमेषूटजांस्तथा ।
न हिंस्युरिति तेनाहमेक एवागतस्ततः ॥८॥
8. te vṛkṣānudakaṃ bhūmimāśrameṣūṭajāṃstathā ,
na hiṃsyuriti tenāhameka evāgatastataḥ.
8. te vṛkṣān udakam bhūmim āśrameṣu uṭajān tathā
na hiṃsyuḥ iti tena aham ekaḥ eva āgataḥ tataḥ
8. te vṛkṣān udakam bhūmim tathā āśrameṣu uṭajān na hiṃsyuḥ iti,
tena tataḥ ekaḥ eva aham āgataḥ.
8. So that they (my army) might not harm the trees, water, land, and also the huts (uṭaja) within the hermitages (āśrama), for that reason I have come here alone.
Go to verse view
आनीयतामितः सेनेत्याज्ञप्तः परमर्षिणा ।
तथा तु चक्रे भरतः सेनायाः समुपागमम् ॥९॥
9. ānīyatāmitaḥ senetyājñaptaḥ paramarṣiṇā ,
tathā tu cakre bharataḥ senāyāḥ samupāgamam.
9. ānīyatām itaḥ senā iti ājñaptaḥ paramarṣiṇā
| tathā tu cakre bharataḥ senāyāḥ samupāgamam
9. paramarṣiṇā itaḥ senā ānīyatām iti ājñaptaḥ
bharataḥ tathā senāyāḥ samupāgamam tu cakre
9. Thus commanded by the great sage, 'Let the army be brought from here,' Bharata accordingly arranged for the arrival of the army.
Go to verse view
अग्निशालां प्रविश्याथ पीत्वापः परिमृज्य च ।
आतिथ्यस्य क्रियाहेतोर्विश्वकर्माणमाह्वयत् ॥१०॥
10. agniśālāṃ praviśyātha pītvāpaḥ parimṛjya ca ,
ātithyasya kriyāhetorviśvakarmāṇamāhvayat.
10. agniśālām praviśya atha pītvā apaḥ parimṛjya ca
| ātithyasya kriyāhetoḥ viśvakarmāṇam āhvayat
10. atha agniśālām praviśya ca apaḥ pītvā parimṛjya
ātithyasya kriyāhetoḥ viśvakarmāṇam āhvayat
10. Then, having entered the fire-hall, and having drunk water and purified himself, he invoked Viśvakarman for the purpose of extending hospitality.
Go to verse view
आह्वये विश्वकर्माणमहं त्वष्टारमेव च ।
आतिथ्यं कर्तुमिच्छामि तत्र मे संविधीयताम् ॥११॥
11. āhvaye viśvakarmāṇamahaṃ tvaṣṭārameva ca ,
ātithyaṃ kartumicchāmi tatra me saṃvidhīyatām.
11. āhvaye viśvakarmāṇam aham tvaṣṭāram eva ca |
ātithyam kartum icchāmi tatra me saṃvidhīyatām
11. aham viśvakarmāṇam ca eva tvaṣṭāram āhvaye
ātithyam kartum icchāmi tatra me saṃvidhīyatām
11. I invoke Viśvakarman, and indeed Tvaṣṭar as well. I wish to perform hospitality; therefore, let arrangements be made for me there.
Go to verse view
प्राक् स्रोतसश्च या नद्यः प्रत्यक् स्रोतस एव च ।
पृथिव्यामन्तरिक्षे च समायान्त्वद्य सर्वशः ॥१२॥
12. prāk srotasaśca yā nadyaḥ pratyak srotasa eva ca ,
pṛthivyāmantarikṣe ca samāyāntvadya sarvaśaḥ.
12. prāk srotasaḥ ca yāḥ nadyaḥ pratyak srotasaḥ eva ca
| pṛthivyām antarikṣe ca samāyāntu adya sarvaśaḥ
12. ca yāḥ prāk srotasaḥ nadyaḥ ca eva pratyak srotasaḥ
pṛthivyām ca antarikṣe adya sarvaśaḥ samāyāntu
12. And may all those rivers, both those with eastward currents and those with westward currents, on earth and in the atmosphere, come here today from all sides.
Go to verse view
अन्याः स्रवन्तु मैरेयं सुरामन्याः सुनिष्ठिताम् ।
अपराश्चोदकं शीतमिक्षुकाण्डरसोपमम् ॥१३॥
13. anyāḥ sravantu maireyaṃ surāmanyāḥ suniṣṭhitām ,
aparāścodakaṃ śītamikṣukāṇḍarasopamam.
13. anyāḥ sravantu maireyam surām anyāḥ suniṣṭhitām
aparāḥ ca udakam śītam ikṣukāṇḍarasopamam
13. anyāḥ maireyam sravantu anyāḥ surām suniṣṭhitām
ca aparāḥ śītam udakam ikṣukāṇḍarasopamam
13. Let some [rivers] flow with Maireya liquor, others with well-prepared wine, and still others with cold water resembling sugarcane juice.
Go to verse view
आह्वये देवगन्धर्वान् विश्वावसुहहाहुहून् ।
तथैवाप्सरसो देवीर्गन्धर्वीश्चापि सर्वशः ॥१४॥
14. āhvaye devagandharvān viśvāvasuhahāhuhūn ,
tathaivāpsaraso devīrgandharvīścāpi sarvaśaḥ.
14. āhvaye devagandharvān viśvāvasuhahāhuhūn tathā
eva apsarasaḥ devīḥ gandharvīḥ ca api sarvaśaḥ
14. āhvaye devagandharvān viśvāvasuhahāhuhūn tathā
eva devīḥ apsarasaḥ ca gandharvīḥ api sarvaśaḥ
14. I invoke the celestial Gandharvas - Viśvāvasu, Hāhā, and Huhū - and similarly, all the divine Apsarases and female Gandharvas.
Go to verse view
घृताचीमथ विश्वाचीं मिश्रकेशीमलम्बुसाम् ।
शक्रं याश्चोपतिष्ठन्ति ब्रह्माणं याश्च भामिनीः ।
सर्वास्तुम्बुरुणा सार्धमाह्वये सपरिच्छदाः ॥१५॥
15. ghṛtācīmatha viśvācīṃ miśrakeśīmalambusām ,
śakraṃ yāścopatiṣṭhanti brahmāṇaṃ yāśca bhāminīḥ ,
sarvāstumburuṇā sārdhamāhvaye saparicchadāḥ.
15. ghṛtācīm atha viśvācīm miśrakeśīm
alambusām śakram yāḥ ca upatiṣṭhanti
brahmāṇam yāḥ ca bhāminīḥ sarvāḥ
tumburuṇā sārdham āhvaye saparicchadāḥ
15. āhvaye ghṛtācīm atha viśvācīm
miśrakeśīm alambusām ca yāḥ bhāminīḥ
śakram ca brahmāṇam upatiṣṭhanti
sarvāḥ tumburuṇā sārdham saparicchadāḥ
15. I invoke Ghṛtācī, Viśvācī, Miśrakeśī, Alambuṣā, and those other beautiful Apsarases who attend upon Indra and Brahmā; I invoke all of them along with their retinues, accompanied by Tumburu.
Go to verse view
वनं कुरुषु यद्दिव्यं वासो भूषणपत्रवत् ।
दिव्यनारीफलं शश्वत्तत् कौबेरमिहैव तु ॥१६॥
16. vanaṃ kuruṣu yaddivyaṃ vāso bhūṣaṇapatravat ,
divyanārīphalaṃ śaśvattat kauberamihaiva tu.
16. vanam kuruṣu yat divyam vāsaḥ bhūṣaṇapatravat
divyanārīphalam śaśvat tat kauberam iha eva tu
16. yat divyam vanam kuruṣu vāsaḥ bhūṣaṇapatravat
divyanārīphalam śaśvat tat kauberam iha eva tu
16. The divine forest in the Kuru country, which always yields clothing, leafy ornaments, and fruits in the form of divine women – that very forest, belonging to Kubera, is indeed here.
Go to verse view
इह मे भगवान् सोमो विधत्तामन्नमुत्तमम् ।
भक्ष्यं भोज्यं च चोष्यं च लेह्यं च विविधं बहु ॥१७॥
17. iha me bhagavān somo vidhattāmannamuttamam ,
bhakṣyaṃ bhojyaṃ ca coṣyaṃ ca lehyaṃ ca vividhaṃ bahu.
17. iha me bhagavān somaḥ vidhattām annam uttamam
bhakṣyam bhojyam ca coṣyam ca lehyam ca vividham bahu
17. iha bhagavān somaḥ me annam uttamam bhakṣyam bhojyam
ca coṣyam ca lehyam ca vividham bahu vidhattām
17. Here, may the revered Soma grant me excellent food: various and abundant provisions that are chewed, eaten, sucked, and licked.
Go to verse view
विचित्राणि च माल्यानि पादपप्रच्युतानि च ।
सुरादीनि च पेयानि मांसानि विविधानि च ॥१८॥
18. vicitrāṇi ca mālyāni pādapapracyutāni ca ,
surādīni ca peyāni māṃsāni vividhāni ca.
18. vicitrāṇi ca mālyāni pādapapracyutāni ca
surādīni ca peyāni māṃsāni vividhāni ca
18. vicitrāṇi ca mālyāni pādapapracyutāni ca
surādīni ca peyāni vividhāni ca māṃsāni ca
18. And various garlands fallen from trees, and drinks like liquor, and diverse kinds of meats.
Go to verse view
एवं समाधिना युक्तस्तेजसाप्रतिमेन च ।
शिक्षास्वरसमायुक्तं तपसा चाब्रवीन्मुनिः ॥१९॥
19. evaṃ samādhinā yuktastejasāpratimena ca ,
śikṣāsvarasamāyuktaṃ tapasā cābravīnmuniḥ.
19. evam samādhinā yuktaḥ tejasā apratimena ca
śikṣāsvarasamāyuktam tapasā ca abravīt muniḥ
19. evam muniḥ samādhinā apratimena tejasā ca
yuktaḥ śikṣāsvarasamāyuktam tapasā ca abravīt
19. Thus, the sage (muni), endowed with deep contemplation (samādhi) and incomparable radiance, spoke with asceticism (tapas) combined with instruction and proper intonation.
Go to verse view
मनसा ध्यायतस्तस्य प्राङ्मुखस्य कृताञ्जलेः ।
आजग्मुस्तानि सर्वाणि दैवतानि पृथक्पृथक् ॥२०॥
20. manasā dhyāyatastasya prāṅmukhasya kṛtāñjaleḥ ,
ājagmustāni sarvāṇi daivatāni pṛthakpṛthak.
20. manasā dhyāyataḥ tasya prāṅmukhasya kṛtāñjaleḥ
ājagmuḥ tāni sarvāṇi devatāni pṛthakpṛthak
20. manasā dhyāyataḥ prāṅmukhasya kṛtāñjaleḥ tasya
tāni sarvāṇi devatāni pṛthakpṛthak ājagmuḥ
20. As he, facing east and with folded hands, was meditating (dhyāna) with his mind, all those deities came separately.
Go to verse view
मलयं दुर्दुरं चैव ततः स्वेदनुदो ऽनिलः ।
उपस्पृश्य ववौ युक्त्या सुप्रियात्मा सुखः शिवः ॥२१॥
21. malayaṃ durduraṃ caiva tataḥ svedanudo'nilaḥ ,
upaspṛśya vavau yuktyā supriyātmā sukhaḥ śivaḥ.
21. malayam durduram ca eva tataḥ svedanudaḥ anilaḥ
upaspṛśya vavau yuktyā supriyātmā sukhaḥ śivaḥ
21. tataḥ supriyātmā sukhaḥ śivaḥ svedanudaḥ anilaḥ
malayam durduram ca eva upaspṛśya yuktyā vavau
21. Then, a pleasant, auspicious, and delightful wind (ātman), which dispels sweat, blew appropriately, having first touched the Malaya and Durdura (mountains).
Go to verse view
ततो ऽभ्यवर्तन्त घना दिव्याः कुसुमवृष्टयः ।
देवदुन्दुभिघोषश्च दिक्षु सर्वासु शुश्रुवे ॥२२॥
22. tato'bhyavartanta ghanā divyāḥ kusumavṛṣṭayaḥ ,
devadundubhighoṣaśca dikṣu sarvāsu śuśruve.
22. tataḥ abhyavartanta ghanāḥ divyāḥ kusumavṛṣṭayaḥ
devadundubhīghoṣaḥ ca dikṣu sarvāsu śuśruve
22. tataḥ divyāḥ ghanāḥ kusumavṛṣṭayaḥ abhyavartanta
ca devadundubhīghoṣaḥ sarvāsu dikṣu śuśruve
22. Then, thick, divine showers of flowers fell. And the sound of divine drums was heard in all directions.
Go to verse view
प्रववुश्चोत्तमा वाता ननृतुश्चाप्सरोगणाः ।
प्रजगुर्देवगन्धर्वा वीणा प्रमुमुचुः स्वरान् ॥२३॥
23. pravavuścottamā vātā nanṛtuścāpsarogaṇāḥ ,
prajagurdevagandharvā vīṇā pramumucuḥ svarān.
23. pravavuḥ ca uttamāḥ vātāḥ nanṛtuḥ ca apsarogaṇāḥ
prajaguḥ devagandharvāḥ vīṇāḥ pramumucuḥ svarān
23. uttamāḥ vātāḥ ca pravavuḥ ca apsarogaṇāḥ nanṛtuḥ
devagandharvāḥ prajaguḥ vīṇāḥ svarān pramumucuḥ
23. Excellent winds blew, and groups of Apsaras danced. The divine Gandharvas sang, and lutes (vīṇās) emitted their melodies.
Go to verse view
स शब्दो द्यां च भूमिं च प्राणिनां श्रवणानि च ।
विवेशोच्चारितः श्लक्ष्णः समो लयगुणान्वितः ॥२४॥
24. sa śabdo dyāṃ ca bhūmiṃ ca prāṇināṃ śravaṇāni ca ,
viveśoccāritaḥ ślakṣṇaḥ samo layaguṇānvitaḥ.
24. saḥ śabdaḥ dyām ca bhūmim ca prāṇinām śravaṇāni
ca viveśa uccāritaḥ ślakṣṇaḥ samaḥ layaguṇānvitaḥ
24. saḥ ślakṣṇaḥ samaḥ layaguṇānvitaḥ uccāritaḥ śabdaḥ
dyām ca bhūmim ca prāṇinām śravaṇāni ca viveśa
24. That soft, even, rhythmically endowed sound, when produced, entered both heaven and earth, and the ears of all living beings.
Go to verse view
तस्मिन्नुपरते शब्दे दिव्ये श्रोत्रसुखे नृणाम् ।
ददर्श भारतं सैन्यं विधानं विश्वकर्मणः ॥२५॥
25. tasminnuparate śabde divye śrotrasukhe nṛṇām ,
dadarśa bhārataṃ sainyaṃ vidhānaṃ viśvakarmaṇaḥ.
25. tasmin uparate śabde divye śrotrasukhe nṛṇām
dadarśa bhāratam sainyam vidhānam viśvakarmaṇaḥ
25. nṛṇām śrotrasukhe divye śabde tasmin uparate (saḥ)
bhāratam sainyam viśvakarmaṇaḥ vidhānam dadarśa
25. When that divine sound, pleasant to the ears of men, ceased, he saw the Bharata army, an arrangement (vidhānam) crafted by Viśvakarman.
Go to verse view
बभूव हि समा भूमिः समन्तात् पञ्चयोजनम् ।
शाद्वलैर्बहुभिश्छन्ना नीलवैदूर्यसंनिभैः ॥२६॥
26. babhūva hi samā bhūmiḥ samantāt pañcayojanam ,
śādvalairbahubhiśchannā nīlavaidūryasaṃnibhaiḥ.
26. babhūva hi samā bhūmiḥ samantāt pañcayojanam
śādvalaiḥ bahubhiḥ channā nīlavaidūryasaṃnibhaiḥ
26. bhūmiḥ samā babhūva hi samantāt pañcayojanam
bahubhiḥ nīlavaidūryasaṃnibhaiḥ śādvalaiḥ channā
26. Indeed, the ground became level for five *yojana*s all around, covered with many green lawns resembling blue lapis lazuli.
Go to verse view
तस्मिन्बिल्वाः कपित्थाश्च पनसा बीजपूरकाः ।
आमलक्यो बभूवुश्च चूताश्च फलभूषणाः ॥२७॥
27. tasminbilvāḥ kapitthāśca panasā bījapūrakāḥ ,
āmalakyo babhūvuśca cūtāśca phalabhūṣaṇāḥ.
27. tasmin bilvāḥ kapitthāḥ ca panasāḥ bījapūrakāḥ
āmalakyaḥ babhūvuḥ ca cūtāḥ ca phalabhūṣaṇāḥ
27. tasmin bilvāḥ ca kapitthāḥ ca panasāḥ bījapūrakāḥ
ca āmalakyaḥ ca cūtāḥ phalabhūṣaṇāḥ babhūvuḥ
27. On it, bael trees, wood apple trees, jackfruit trees, and citron trees, as well as Amalaka trees and mango trees, became adorned with fruits.
Go to verse view
उत्तरेभ्यः कुरुभ्यश्च वनं दिव्योपभोगवत् ।
आजगाम नदी दिव्या तीरजैर्बहुभिर्वृता ॥२८॥
28. uttarebhyaḥ kurubhyaśca vanaṃ divyopabhogavat ,
ājagāma nadī divyā tīrajairbahubhirvṛtā.
28. uttarebhyaḥ kurubhyaḥ ca vanam divyopabhogavat
ājagāma nadī divyā tīrajaiḥ bahubhiḥ vṛtā
28. uttarebhyaḥ kurubhyaḥ ca divyopabhogavat vanam
ājagāma divyā nadī bahubhiḥ tīrajaiḥ vṛtā
28. And from the Northern Kurus, a divine forest endowed with heavenly enjoyments came, as did a divine river surrounded by many bank-dwelling creatures.
Go to verse view
चतुःशालानि शुभ्राणि शालाश्च गजवाजिनाम् ।
हर्म्यप्रासादसंघातास्तोरणानि शुभानि च ॥२९॥
29. catuḥśālāni śubhrāṇi śālāśca gajavājinām ,
harmyaprāsādasaṃghātāstoraṇāni śubhāni ca.
29. caturśālāni śubhrāṇi śālāḥ ca gajavājīnām
harmyaprāsādasaṃghātāḥ toraṇāni śubhāni ca
29. śubhrāṇi caturśālāni ca gajavājīnām śālāḥ ca
harmyaprāsādasaṃghātāḥ ca śubhāni toraṇāni
29. (The city had) bright four-sided mansions, and stables for elephants and horses, as well as clusters of palaces and lofty buildings, and beautiful archways.
Go to verse view
सितमेघनिभं चापि राजवेश्म सुतोरणम् ।
शुक्लमाल्यकृताकारं दिव्यगन्धसमुक्षितम् ॥३०॥
30. sitameghanibhaṃ cāpi rājaveśma sutoraṇam ,
śuklamālyakṛtākāraṃ divyagandhasamukṣitam.
30. sitameghanibham ca api rājaveśma sutoraṇam
śuklamālyakṛtākāram divyagandhasamukṣitam
30. api ca rājaveśma sutoraṇam sitameghanibham
śuklamālyakṛtākāram divyagandhasamukṣitam
30. Also, the royal palace, adorned with beautiful gateways, resembled a white cloud. Its appearance was enhanced by white garlands, and it was profusely sprinkled with divine fragrances.
Go to verse view
चतुरस्रमसंबाधं शयनासनयानवत् ।
दिव्यैः सर्वरसैर्युक्तं दिव्यभोजनवस्त्रवत् ॥३१॥
31. caturasramasaṃbādhaṃ śayanāsanayānavat ,
divyaiḥ sarvarasairyuktaṃ divyabhojanavastravat.
31. caturasram asaṃbādham śayanāsanayānavat divyaiḥ
sarvarasaiḥ yuktam divyabhojanavastravat
31. caturasram asaṃbādham śayanāsanayānavat divyaiḥ
sarvarasaiḥ yuktam divyabhojanavastravat
31. It was quadrangular and spacious, equipped with beds, seats, and conveyances. It was furnished with all divine tastes (or essences) and provided with divine food and clothing.
Go to verse view
उपकल्पित सर्वान्नं धौतनिर्मलभाजनम् ।
कॢप्तसर्वासनं श्रीमत् स्वास्तीर्णशयनोत्तमम् ॥३२॥
32. upakalpita sarvānnaṃ dhautanirmalabhājanam ,
kḷptasarvāsanaṃ śrīmat svāstīrṇaśayanottamam.
32. upakalpita sarvānnam dhautanirmalabhājanam
kḷptasarvāsanam śrīmat svāstīrṇaśayanottamam
32. upakalpita sarvānnam dhautanirmalabhājanam
kḷptasarvāsanam śrīmat svāstīrṇaśayanottamam
32. All kinds of food were prepared, and the vessels were washed and clean. All seats were arranged, and it featured splendid, excellent, and well-spread beds.
Go to verse view
प्रविवेश महाबाहुरनुज्ञातो महर्षिणा ।
वेश्म तद् रत्नसंपूर्णं भरतः कैकयीसुतः ॥३३॥
33. praviveśa mahābāhuranujñāto maharṣiṇā ,
veśma tad ratnasaṃpūrṇaṃ bharataḥ kaikayīsutaḥ.
33. praviveśa mahābāhuḥ anujñātaḥ maharṣiṇā veśma
tat ratnasaṃpūrṇam bharataḥ kaikayīsutaḥ
33. bharataḥ kaikayīsutaḥ mahābāhuḥ maharṣiṇā
anujñātaḥ tat ratnasaṃpūrṇam veśma praviveśa
33. The mighty-armed Bharata, son of Kaikeyī, having been permitted by the great sage, entered that palace which was filled with jewels.
Go to verse view
अनुजग्मुश्च तं सर्वे मन्त्रिणः सपुरोहिताः ।
बभूवुश्च मुदा युक्ता तं दृष्ट्वा वेश्म संविधिम् ॥३४॥
34. anujagmuśca taṃ sarve mantriṇaḥ sapurohitāḥ ,
babhūvuśca mudā yuktā taṃ dṛṣṭvā veśma saṃvidhim.
34. anujagmuḥ ca tam sarve mantriṇaḥ sapurohitāḥ
babhūvuḥ ca mudā yuktāḥ tam dṛṣṭvā veśma saṃvidhim
34. sarve sapurohitāḥ mantriṇaḥ ca tam anujagmuḥ ca
tam veśma saṃvidhim dṛṣṭvā mudā yuktāḥ babhūvuḥ
34. And all the ministers, accompanied by the priests, followed him. Seeing the splendid arrangement of that palace, they were filled with joy.
Go to verse view
तत्र राजासनं दिव्यं व्यजनं छत्रमेव च ।
भरतो मन्त्रिभिः सार्धमभ्यवर्तत राजवत् ॥३५॥
35. tatra rājāsanaṃ divyaṃ vyajanaṃ chatrameva ca ,
bharato mantribhiḥ sārdhamabhyavartata rājavat.
35. tatra rājāsanam divyam vyajanam chatram eva ca
bharataḥ mantribhiḥ sārdham abhyavartata rājavat
35. tatra divyam rājāsanam vyajanam chatram ca eva
bharataḥ mantribhiḥ sārdham abhyavartata rājavat
35. There was the splendid royal throne, along with a fan and a parasol. Bharata, accompanied by his ministers, conducted himself like a king.
Go to verse view
आसनं पूजयामास रामायाभिप्रणम्य च ।
वालव्यजनमादाय न्यषीदत् सचिवासने ॥३६॥
36. āsanaṃ pūjayāmāsa rāmāyābhipraṇamya ca ,
vālavyajanamādāya nyaṣīdat sacivāsane.
36. āsanam pūjayāmāsa rāmāya abhipraṇamya ca
vālavyajanam ādāya nyaṣīdat sacivāsane
36. rāmāya abhipraṇamya āsanam pūjayāmāsa ca
vālavyajanam ādāya sacivāsane nyaṣīdat
36. Having bowed down to Rāma, he honored the royal throne. And taking up the yak-tail whisk, he sat down on a minister's seat.
Go to verse view
आनुपूर्व्यान्निषेदुश्च सर्वे मन्त्रपुरोहिताः ।
ततः सेनापतिः पश्चात् प्रशास्ता च निषेदतुः ॥३७॥
37. ānupūrvyānniṣeduśca sarve mantrapurohitāḥ ,
tataḥ senāpatiḥ paścāt praśāstā ca niṣedatuḥ.
37. ānupūrvyāt niṣeduḥ ca sarve mantrapurohitāḥ |
tataḥ senāpatiḥ paścāt praśāstā ca niṣedatuḥ
37. sarve mantrapurohitāḥ ānupūrvyāt ca niṣeduḥ
tataḥ senāpatiḥ praśāstā ca paścāt niṣedatuḥ
37. All the counselors and priests sat down in proper order. Subsequently, the general and the commander also sat down.
Go to verse view
ततस्तत्र मुहूर्तेन नद्यः पायसकर्दमाः ।
उपातिष्ठन्त भरतं भरद्वाजस्य शासनत् ॥३८॥
38. tatastatra muhūrtena nadyaḥ pāyasakardamāḥ ,
upātiṣṭhanta bharataṃ bharadvājasya śāsanat.
38. tataḥ tatra muhūrtena nadyaḥ pāyasakardamāḥ
| upātiṣṭhanta bharataṃ bharadvājasya śāsanāt
38. tataḥ tatra muhūrtena bharadvājasya śāsanāt
pāyasakardamāḥ nadyaḥ bharataṃ upātiṣṭhanta
38. Then, in that place, within a moment, rivers whose mud was made of rice-pudding appeared before Bharata, by the instruction of Bharadvaja.
Go to verse view
तासामुभयतः कूलं पाण्डुमृत्तिकलेपनाः ।
रम्याश्चावसथा दिव्या ब्रह्मणस्तु प्रसादजाः ॥३९॥
39. tāsāmubhayataḥ kūlaṃ pāṇḍumṛttikalepanāḥ ,
ramyāścāvasathā divyā brahmaṇastu prasādajāḥ.
39. tāsām ubhayataḥ kūlaṃ pāṇḍumṛttikalepanāḥ | ramyāḥ
ca avasathāḥ divyāḥ brahmaṇaḥ tu prasādajāḥ
39. tāsām ubhayataḥ kūlaṃ pāṇḍumṛttikalepanāḥ ramyāḥ
ca divyāḥ avasathāḥ tu brahmaṇaḥ prasādajāḥ
39. On both banks of those rivers, beautiful and divine dwellings, plastered with white clay, which were born from the grace (prasāda) of Brahma, came into being.
Go to verse view
तेनैव च मुहूर्तेन दिव्याभरणभूषिताः ।
आगुर्विंशतिसाहस्रा ब्रह्मणा प्रहिताः स्त्रियः ॥४०॥
40. tenaiva ca muhūrtena divyābharaṇabhūṣitāḥ ,
āgurviṃśatisāhasrā brahmaṇā prahitāḥ striyaḥ.
40. tena eva ca muhūrtena divyābharaṇabhūṣitāḥ |
āguḥ viṃśatisāhasrāḥ brahmaṇā prahitāḥ striyaḥ
40. tena eva ca muhūrtena brahmaṇā prahitāḥ
divyābharaṇabhūṣitāḥ viṃśatisāhasrāḥ striyaḥ āguḥ
40. And at that very moment, twenty thousand women, adorned with divine ornaments and dispatched by Brahma, arrived.
Go to verse view
सुवर्णमणिमुक्तेन प्रवालेन च शोभिताः ।
आगुर्विंशतिसाहस्राः कुबेरप्रहिताः स्त्रियः ॥४१॥
41. suvarṇamaṇimuktena pravālena ca śobhitāḥ ,
āgurviṃśatisāhasrāḥ kuberaprahitāḥ striyaḥ.
41. suvarṇamaṇimuktena pravālena ca śobhitāḥ āguḥ
viṃśati sāhasrāḥ kubera-prahitāḥ striyaḥ
41. kubera-prahitāḥ striyaḥ suvarṇamaṇimuktena
pravālena ca śobhitāḥ viṃśati sāhasrāḥ āguḥ
41. Twenty thousand women, sent by Kubera and adorned with gold, gems, pearls, and coral, arrived.
Go to verse view
याभिर्गृहीतः पुरुषः सोन्माद इव लक्ष्यते ।
आगुर्विंशतिसाहस्रा नन्दनादप्सरोगणाः ॥४२॥
42. yābhirgṛhītaḥ puruṣaḥ sonmāda iva lakṣyate ,
āgurviṃśatisāhasrā nandanādapsarogaṇāḥ.
42. yābhiḥ gṛhītaḥ puruṣaḥ sa-unmādaḥ iva lakṣyate
āguḥ viṃśati sāhasrāḥ nandanāt apsaras-gaṇāḥ
42. yābhiḥ gṛhītaḥ puruṣaḥ sa-unmādaḥ iva lakṣyate,
nandanāt viṃśati sāhasrāḥ apsaras-gaṇāḥ āguḥ
42. From Nandana arrived twenty thousand throngs of Apsaras (celestial nymphs), by whom a man, if seized, appears as if mad.
Go to verse view
नारदस्तुम्बुरुर्गोपः पर्वतः सूर्यवर्चसः ।
एते गन्धर्वराजानो भरतस्याग्रतो जगुः ॥४३॥
43. nāradastumbururgopaḥ parvataḥ sūryavarcasaḥ ,
ete gandharvarājāno bharatasyāgrato jaguḥ.
43. nāradaḥ tumburuḥ gopaḥ parvataḥ sūryavarcasaḥ
ete gandharva-rājānaḥ bharatasya agrataḥ jaguḥ
43. nāradaḥ tumburuḥ gopaḥ parvataḥ sūryavarcasaḥ
ete gandharva-rājānaḥ bharatasya agrataḥ jaguḥ
43. Narada, Tumburu, Gopa, Parvata, and Sūryavarcas – these kings of Gandharvas sang before Bharata.
Go to verse view
अलम्बुसा मिश्रकेशी पुण्डरीकाथ वामना ।
उपानृत्यंस्तु भरतं भरद्वाजस्य शासनात् ॥४४॥
44. alambusā miśrakeśī puṇḍarīkātha vāmanā ,
upānṛtyaṃstu bharataṃ bharadvājasya śāsanāt.
44. alambusā miśrakeśī puṇḍarīkā atha vāmanā
upānṛtyan tu bharataṃ bharadvājasya śāsanāt
44. bharadvājasya śāsanāt alambusā miśrakeśī
puṇḍarīkā atha vāmanā tu bharataṃ upānṛtyan
44. Alambusa, Miśrakeśī, Puṇḍarīkā, and Vāmanā danced for Bharata at the command of Bharadvāja.
Go to verse view
यानि माल्यानि देवेषु यानि चैत्ररथे वने ।
प्रयागे तान्यदृश्यन्त भरद्वाजस्य शासनात् ॥४५॥
45. yāni mālyāni deveṣu yāni caitrarathe vane ,
prayāge tānyadṛśyanta bharadvājasya śāsanāt.
45. yāni mālyāni deveṣu yāni caitrarathe vane
prayāge tāni adṛśyanta bharadvājasya śāsanāt
45. yāni mālyāni deveṣu yāni caitrarathe vane
tāni bharadvājasya śāsanāt prayāge adṛśyanta
45. Whatever garlands were among the gods, and whatever were in the Caitraratha forest, all those were seen in Prayaga by the command of Bharadvaja.
Go to verse view
बिल्वा मार्दङ्गिका आसञ् शम्या ग्राहा बिभीतकाः ।
अश्वत्था नर्तकाश्चासन्भरद्वाजस्य तेजसा ॥४६॥
46. bilvā mārdaṅgikā āsañ śamyā grāhā bibhītakāḥ ,
aśvatthā nartakāścāsanbharadvājasya tejasā.
46. bilvāḥ mārdaṅgikāḥ āsan śamyāḥ grāhāḥ bibhītakāḥ
aśvatthāḥ nartakāḥ ca āsan bharadvājasya tejasā
46. bilvāḥ mārdaṅgikāḥ āsan śamyāḥ grāhāḥ bibhītakāḥ
aśvatthāḥ ca nartakāḥ āsan bharadvājasya tejasā
46. The Bilva trees became drummers, the Śamyā trees became performers, and the Bibhītaka trees and Aśvattha trees became dancers, all by the spiritual power (tejas) of Bharadvaja.
Go to verse view
ततः सरलतालाश्च तिलका नक्तमालकाः ।
प्रहृष्टास्तत्र संपेतुः कुब्जाभूताथ वामनाः ॥४७॥
47. tataḥ saralatālāśca tilakā naktamālakāḥ ,
prahṛṣṭāstatra saṃpetuḥ kubjābhūtātha vāmanāḥ.
47. tataḥ saralatālāḥ ca tilakāḥ naktamālakāḥ
prahṛṣṭāḥ tatra sampeṭuḥ kubjābhūtāḥ atha vāmanāḥ
47. tataḥ saralatālāḥ ca tilakāḥ naktamālakāḥ
prahṛṣṭāḥ kubjābhūtāḥ atha vāmanāḥ tatra sampeṭuḥ
47. Then, the Sarala, Tāla, Tilaka, and Naktamalaka trees, exceedingly joyful, arrived there, transformed into hunchbacks and dwarfs.
Go to verse view
शिंशपामलकी जम्बूर्याश्चान्याः कानने लताः ।
प्रमदा विग्रहं कृत्वा भरद्वाजाश्रमे ऽवसन् ॥४८॥
48. śiṃśapāmalakī jambūryāścānyāḥ kānane latāḥ ,
pramadā vigrahaṃ kṛtvā bharadvājāśrame'vasan.
48. śiṃśapā amalakī jambūḥ yāḥ ca anyāḥ kānane latāḥ
pramadāḥ vigrahaṃ kṛtvā bharadvājāśrame avasan
48. śiṃśapā amalakī jambūḥ ca yāḥ anyāḥ latāḥ kānane
pramadāḥ vigrahaṃ kṛtvā bharadvājāśrame avasan
48. The Shimsapa, Amalaki, Jambu, and other creepers in the forest, having assumed the forms of beautiful women, resided in Bharadvaja's hermitage.
Go to verse view
सुरां सुरापाः पिबत पायसं च बुभुक्शिताः ।
मांसनि च सुमेध्यानि भक्ष्यन्तां यावदिच्छथ ॥४९॥
49. surāṃ surāpāḥ pibata pāyasaṃ ca bubhukśitāḥ ,
māṃsani ca sumedhyāni bhakṣyantāṃ yāvadicchatha.
49. surām surāpāḥ pibata pāyasam ca bubhukṣitāḥ |
māṃsāni ca sumedhyāni bhakṣyantām yāvat icchatha
49. surāpāḥ surām pibata bubhukṣitāḥ pāyasam ca
sumedhyāni māṃsāni ca yāvat icchatha bhakṣyantām
49. O drinkers of wine, drink wine! And you who are hungry, consume milk-rice pudding and wholesome meats as much as you desire.
Go to verse view
उत्साद्य स्नापयन्ति स्म नदीतीरेषु वल्गुषु ।
अप्येकमेकं पुरुषं प्रमदाः सत्प चाष्ट च ॥५०॥
50. utsādya snāpayanti sma nadītīreṣu valguṣu ,
apyekamekaṃ puruṣaṃ pramadāḥ satpa cāṣṭa ca.
50. utsādya snāpayanti sma nadītīreṣu valguṣu |
api ekam ekam puruṣam pramadāḥ sapta ca aṣṭa ca
50. sapta ca aṣṭa ca pramadāḥ valguṣu nadītīreṣu
api ekam ekam puruṣam utsādya snāpayanti sma
50. Seven or eight beautiful women would massage each man and make him bathe on the lovely river banks.
Go to verse view
संवहन्त्यः समापेतुर्नार्यो रुचिरलोचनाः ।
परिमृज्य तथान्योन्यं पाययन्ति वराङ्गनाः ॥५१॥
51. saṃvahantyaḥ samāpeturnāryo ruciralocanāḥ ,
parimṛjya tathānyonyaṃ pāyayanti varāṅganāḥ.
51. saṃvahantyaḥ samāpetuḥ nāryaḥ ruciralocanāḥ |
parimṛjya tathā anyonyam pāyayanti varāṅganāḥ
51. saṃvahantyaḥ ruciralocanāḥ nāryaḥ samāpetuḥ
tathā varāṅganāḥ anyonyam parimṛjya pāyayanti
51. Beautiful-eyed women gathered, attending (to the guests). And similarly, excellent women, after massaging each other, also made each other drink.
Go to verse view
हयान् गजान् खरानुष्ट्रांस्तथैव सुरभेः सुतान् ।
इक्षूंश्च मधुजालांश्च भोजयन्ति स्म वाहनान् ।
इक्ष्वाकुवरयोधानां चोदयन्तो महाबलाः ॥५२॥
52. hayān gajān kharānuṣṭrāṃstathaiva surabheḥ sutān ,
ikṣūṃśca madhujālāṃśca bhojayanti sma vāhanān ,
ikṣvākuvarayodhānāṃ codayanto mahābalāḥ.
52. hayān gajān kharān uṣṭrān tathā eva
surabheḥ sutān | ikṣūn ca madhujālān
ca bhojayanti sma vāhanān |
ikṣvākuvara yodhānām codayantaḥ mahābalāḥ
52. mahābalāḥ ikṣvākuvarayodhānām
codayantaḥ tathā eva hayān gajān kharān
uṣṭrān surabheḥ sutān vāhanān
ikṣūn ca madhujālān ca bhojayanti sma
52. The powerful ones, while encouraging the best warriors of the Ikshvaku dynasty, fed the mounts - horses, elephants, donkeys, camels, and cattle, the offspring of Surabhi - with sugarcane and honeycombs.
Go to verse view
नाश्वबन्धो ऽश्वमाजानान्न गजं कुञ्जरग्रहः ।
मत्तप्रमत्तमुदिता चमूः सा तत्र संबभौ ॥५३॥
53. nāśvabandho'śvamājānānna gajaṃ kuñjaragrahaḥ ,
mattapramattamuditā camūḥ sā tatra saṃbabhau.
53. na aśvabandhaḥ aśvam ājānāt na gajam kuñjaragrahaḥ
matta-pramatta-muditā camūḥ sā tatra saṃbabhau
53. aśvabandhaḥ aśvam na ājānāt kuñjaragrahaḥ gajam
na sā matta-pramatta-muditā camūḥ tatra saṃbabhau
53. Neither did the horse-keeper recognize his horse, nor the elephant-driver his elephant. That army, intoxicated, bewildered, and joyous, shone forth there.
Go to verse view
तर्पिता सर्वकामैस्ते रक्तचन्दनरूषिताः ।
अप्सरोगणसंयुक्ताः सैन्या वाचमुदैरयन् ॥५४॥
54. tarpitā sarvakāmaiste raktacandanarūṣitāḥ ,
apsarogaṇasaṃyuktāḥ sainyā vācamudairayan.
54. tarpitā sarvakāmaiḥ te raktacandanarūṣitāḥ
apsarogaṇasaṃyuktāḥ sainyāḥ vācam udairayan
54. sarvakāmaiḥ tarpitāḥ raktacandanarūṣitāḥ
apsarogaṇasaṃyuktāḥ te sainyāḥ vācam udairayan
54. Satisfied with all their desires and smeared with red sandalwood, those soldiers, accompanied by throngs of celestial nymphs (apsaras), uttered these words.
Go to verse view
नैवायोध्यां गमिष्यामो न गमिष्याम दण्डकान् ।
कुशलं भरतस्यास्तु रामस्यास्तु तथा सुखम् ॥५५॥
55. naivāyodhyāṃ gamiṣyāmo na gamiṣyāma daṇḍakān ,
kuśalaṃ bharatasyāstu rāmasyāstu tathā sukham.
55. na eva ayodhyām gamiṣyāmaḥ na gamiṣyāma daṇḍakān
kuśalam bharatasya astu rāmasya astu tathā sukham
55. ayodhyām eva na gamiṣyāmaḥ daṇḍakān na gamiṣyāma
bharatasya kuśalam astu tathā rāmasya sukham astu
55. We will certainly not go to Ayodhya, nor will we go to the Dandaka forests. May there be well-being for Bharata, and likewise, happiness for Rama.
Go to verse view
इति पादातयोधाश्च हस्त्यश्वारोहबन्धकाः ।
अनाथास्तं विधिं लब्ध्वा वाचमेतामुदैरयन् ॥५६॥
56. iti pādātayodhāśca hastyaśvārohabandhakāḥ ,
anāthāstaṃ vidhiṃ labdhvā vācametāmudairayan.
56. iti pādātayodhāḥ ca hastyaśvārohabandhakāḥ
anāthāḥ tam vidhim labdhvā vācam etām udairayan
56. iti pādātayodhāḥ ca hastyaśvārohabandhakāḥ
anāthāḥ tam vidhim labdhvā etām vācam udairayan
56. Thus, the foot-soldiers, and the elephant and horse riders, having attained that favorable condition while being helpless, uttered these very words.
Go to verse view
संप्रहृष्टा विनेदुस्ते नरास्तत्र सहस्रशः ।
भरतस्यानुयातारः स्वर्गे ऽयमिति चाब्रुवन् ॥५७॥
57. saṃprahṛṣṭā vineduste narāstatra sahasraśaḥ ,
bharatasyānuyātāraḥ svarge'yamiti cābruvan.
57. saṃprahṛṣṭāḥ vineduḥ te narāḥ tatra sahasraśaḥ
bharatasya anuyātāraḥ svarge ayam iti ca abruvan
57. tatra bharatasya anuyātāraḥ te narāḥ sahasraśaḥ
saṃprahṛṣṭāḥ vineduḥ ca ayam svarge iti abruvan
57. Thousands of Bharata's followers, greatly delighted, cried out there, saying, "This is heaven!" and they spoke.
Go to verse view
ततो भुक्तवतां तेषां तदन्नममृतोपमम् ।
दिव्यानुद्वीक्ष्य भक्ष्यांस्तानभवद्भक्षणे मतिः ॥५८॥
58. tato bhuktavatāṃ teṣāṃ tadannamamṛtopamam ,
divyānudvīkṣya bhakṣyāṃstānabhavadbhakṣaṇe matiḥ.
58. tataḥ bhuktavatām teṣām tat annam amṛtopamam divyān
udvīkṣya bhakṣyān tān abhavat bhakṣaṇe matiḥ
58. tataḥ tat amṛtopamam annam bhuktavatām teṣām divyān
tān bhakṣyān udvīkṣya bhakṣaṇe matiḥ abhavat
58. Then, even after those who had partaken of that nectar-like food, a desire arose in them to consume those other divine delicacies upon seeing them.
Go to verse view
प्रेष्याश्चेट्यश्च वध्वश्च बलस्थाश्चापि सर्वशः ।
बभूवुस्ते भृशं तृप्ताः सर्वे चाहतवाससः ॥५९॥
59. preṣyāśceṭyaśca vadhvaśca balasthāścāpi sarvaśaḥ ,
babhūvuste bhṛśaṃ tṛptāḥ sarve cāhatavāsasaḥ.
59. preṣyāḥ ceṭyaḥ ca vadhvaḥ ca balasthāḥ ca api sarvaśaḥ
babhūvuḥ te bhṛśam tṛptāḥ sarve ca āhatavāsasaḥ
59. preṣyāḥ ceṭyaḥ ca vadhvaḥ ca balasthāḥ ca api sarvaśaḥ
te sarve bhṛśam tṛptāḥ ca āhatavāsasaḥ babhūvuḥ
59. All of them - the servants, maidservants, wives, and soldiers - became exceedingly satisfied, and all were clothed in fresh, unsoiled garments.
Go to verse view
कुञ्जराश्च खरोष्ट्रश्च गोऽश्वाश्च मृगपक्षिणः ।
बभूवुः सुभृतास्तत्र नान्यो ह्यन्यमकल्पयत् ॥६०॥
60. kuñjarāśca kharoṣṭraśca go'śvāśca mṛgapakṣiṇaḥ ,
babhūvuḥ subhṛtāstatra nānyo hyanyamakalpayat.
60. kuñjarāḥ ca kharoṣṭrāḥ ca goaśvāḥ ca mṛgapakṣiṇaḥ
babhūvuḥ subhṛtāḥ tatra na anyaḥ hi anyam akalpayat
60. tatra kuñjarāḥ ca kharoṣṭrāḥ ca goaśvāḥ ca mṛgapakṣiṇaḥ
subhṛtāḥ babhūvuḥ hi anyaḥ anyam na akalpayat
60. Elephants, donkeys and camels, cows and horses, and deer and birds - all became well-nourished there. Indeed, no one had to make provisions for another, as all were fully cared for.
Go to verse view
नाशुक्लवासास्तत्रासीत् क्षुधितो मलिनो ऽपि वा ।
रजसा ध्वस्तकेशो वा नरः कश्चिददृश्यत ॥६१॥
61. nāśuklavāsāstatrāsīt kṣudhito malino'pi vā ,
rajasā dhvastakeśo vā naraḥ kaścidadṛśyata.
61. na aśuklavāsāḥ tatra āsīt kṣudhitaḥ malinaḥ api
vā rajasā dhvastakeśaḥ vā naraḥ kaścit adṛśyata
61. tatra kaścit naraḥ na adṛśyata aśuklavāsāḥ vā
kṣudhitaḥ vā malinaḥ vā rajasā dhvastakeśaḥ vā
61. No one there was seen wearing unclean garments, nor was anyone hungry, dirty, or with hair dishevelled by dust.
Go to verse view
आजैश्चापि च वाराहैर्निष्ठानवरसंचयैः ।
फलनिर्यूहसंसिद्धैः सूपैर्गन्धरसान्वितैः ॥६२॥
62. ājaiścāpi ca vārāhairniṣṭhānavarasaṃcayaiḥ ,
phalaniryūhasaṃsiddhaiḥ sūpairgandharasānvitaiḥ.
62. ajaiḥ ca api ca vārāhaiḥ niṣṭānavarasaṃcayaiḥ
phalaniryūhasaṃsiddhaiḥ sūpaiḥ gandharasānviteḥ
62. ajaiḥ ca api ca vārāhaiḥ,
niṣṭānavarasaṃcayaiḥ,
phalaniryūhasaṃsiddhaiḥ gandharasānviteḥ sūpaiḥ
62. Dishes of goat and boar meat, along with collections of various excellent cooked foods, and soups prepared perfectly with fruit extracts, endowed with delightful aromas and flavors.
Go to verse view
पुष्पध्वजवतीः पूर्णाः शुक्लस्यान्नस्य चाभितः ।
ददृशुर्विस्मितास्तत्र नरा लौहीः सहस्रशः ॥६३॥
63. puṣpadhvajavatīḥ pūrṇāḥ śuklasyānnasya cābhitaḥ ,
dadṛśurvismitāstatra narā lauhīḥ sahasraśaḥ.
63. puṣpadhvajavatīḥ pūrṇāḥ śuklasya annasya ca abhitaḥ
dadṛśuḥ vismitāḥ tatra narāḥ lauhīḥ sahasraśaḥ
63. tatra vismitāḥ narāḥ,
puṣpadhvajavatīḥ pūrṇāḥ śuklasya annasya ca abhitaḥ lauhīḥ sahasraśaḥ dadṛśuḥ
63. There, astonished men saw thousands of iron vessels, decorated with flower banners, filled all around with white food.
Go to verse view
बभूवुर्वनपार्श्वेषु कूपाः पायसकर्दमाः ।
ताश्च कामदुघा गावो द्रुमाश्चासन्मधुश्च्युतः ॥६४॥
64. babhūvurvanapārśveṣu kūpāḥ pāyasakardamāḥ ,
tāśca kāmadughā gāvo drumāścāsanmadhuścyutaḥ.
64. babhūvuḥ vanapārśveṣu kūpāḥ pāyasakardamāḥ tāḥ
ca kāmadughāḥ gāvaḥ drumāḥ ca āsan madhuścyutaḥ
64. vanapārśveṣu pāyasakardamāḥ kūpāḥ babhūvuḥ; tāḥ ca kāmadughāḥ gāvaḥ,
ca drumāḥ madhuścyutaḥ āsan
64. On the edges of the forest, there were wells with mud like rice pudding. And those cows yielded all desires, while the trees dripped honey.
Go to verse view
वाप्यो मैरेयपूर्णाश्च मृष्टमांसचयैर्वृताः ।
प्रतप्तपिठरैश्चापि मार्गमायूरकौक्कुटैः ॥६५॥
65. vāpyo maireyapūrṇāśca mṛṣṭamāṃsacayairvṛtāḥ ,
prataptapiṭharaiścāpi mārgamāyūrakaukkuṭaiḥ.
65. vāpyaḥ maireyapurṇāḥ ca mṛṣṭamāṃsacayaiḥ vṛtāḥ
prataptapiṭharaiḥ ca api mārgamāyūrakaukkuṭaiḥ
65. vāpyaḥ maireyapurṇāḥ mṛṣṭamāṃsacayaiḥ vṛtāḥ ca
prataptapiṭharaiḥ api mārgamāyūrakaukkuṭaiḥ ca
65. Ponds were filled with Maireya liquor and surrounded by piles of delicious meat. There were also heated cooking pots containing venison, peacock, and chicken.
Go to verse view
पात्रीणां च सहस्राणि शातकुम्भमयानि च ।
स्थाल्यः कुम्भ्यः करम्भ्यश्च दधिपूर्णाः सुसंस्कृताः ।
यौवनस्थस्य गौरस्य कपित्थस्य सुगन्धिनः ॥६६॥
66. pātrīṇāṃ ca sahasrāṇi śātakumbhamayāni ca ,
sthālyaḥ kumbhyaḥ karambhyaśca dadhipūrṇāḥ susaṃskṛtāḥ ,
yauvanasthasya gaurasya kapitthasya sugandhinaḥ.
66. pātrīṇām ca sahasrāṇi śātakuṃbhamayāni
ca sthālyaḥ kumbhyaḥ karambhyaḥ ca
dadhipūrṇāḥ susaṃskṛtāḥ yauvanasthasya
gaurasya kapitthasya sugandhinaḥ
66. śātakuṃbhamayāni pātrīṇām sahasrāṇi
ca sthālyaḥ kumbhyaḥ karambhyaḥ ca
yauvanasthasya gaurasya sugandhinaḥ
kapitthasya dadhipūrṇāḥ susaṃskṛtāḥ
66. Thousands of golden vessels were present. Large pots, pitchers, and dishes were filled with well-prepared curds, derived from a young, white cow, and fragrant wood apple.
Go to verse view
ह्रदाः पूर्णा रसालस्य दध्नः श्वेतस्य चापरे ।
बभूवुः पायसस्यान्ते शर्करायाश्च संचयाः ॥६७॥
67. hradāḥ pūrṇā rasālasya dadhnaḥ śvetasya cāpare ,
babhūvuḥ pāyasasyānte śarkarāyāśca saṃcayāḥ.
67. hradāḥ pūrṇāḥ rasālasya dadhnaḥ śvetasya ca apare
babhūvuḥ pāyasasya ante śarkarāyāḥ ca saṃcayāḥ
67. hradāḥ rasālasya pūrṇāḥ apare ca śvetasya dadhnaḥ
(pūrṇāḥ) babhūvuḥ ante pāyasasya ca śarkarāyāḥ saṃcayāḥ
67. Pools were full of mango juice, and others were full of white curds. Lastly, there were also piles of rice pudding and sugar.
Go to verse view
कल्कांश्चूर्णकषायांश्च स्नानानि विविधानि च ।
ददृशुर्भाजनस्थानि तीर्थेषु सरितां नराः ॥६८॥
68. kalkāṃścūrṇakaṣāyāṃśca snānāni vividhāni ca ,
dadṛśurbhājanasthāni tīrtheṣu saritāṃ narāḥ.
68. kalkān cūrṇakaṣāyān ca snānāni vividhāni ca
dadṛśuḥ bhājanasthāni tīrtheṣu saritām narāḥ
68. narāḥ tīrtheṣu saritām bhājanasthāni vividhāni
kalkān cūrṇakaṣāyān ca snānāni ca dadṛśuḥ
68. The people saw various pastes, powdered astringents, and bathing preparations, all kept in vessels, at the sacred bathing places (tīrtha) of the rivers.
Go to verse view
शुक्लानंशुमतश्चापि दन्तधावनसंचयान् ।
शुक्लांश्चन्दनकल्कांश्च समुद्गेष्ववतिष्ठतः ॥६९॥
69. śuklānaṃśumataścāpi dantadhāvanasaṃcayān ,
śuklāṃścandanakalkāṃśca samudgeṣvavatiṣṭhataḥ.
69. śuklān aṃśumataḥ ca api dantadhāvanasaṃcayān
śuklān candanakalkān ca samudgeṣu avatiṣṭhataḥ
69. ca api śuklān aṃśumataḥ dantadhāvanasaṃcayān
ca śuklān candanakalkān samudgeṣu avatiṣṭhataḥ
69. And also white, radiant collections of tooth-cleaning materials, and white sandalwood pastes, remaining in small caskets.
Go to verse view
दर्पणान्परिमृष्टांश्च वाससां चापि संचयान् ।
पादुकोपानहां चैव युग्मान्यत्र सहस्रशः ॥७०॥
70. darpaṇānparimṛṣṭāṃśca vāsasāṃ cāpi saṃcayān ,
pādukopānahāṃ caiva yugmānyatra sahasraśaḥ.
70. darpaṇān parimṛṣṭān ca api vāsasām ca api saṃcayān
pādukopanahām ca eva yugmāni atra sahasraśaḥ
70. atra ca api parimṛṣṭān darpaṇān ca api vāsasām
saṃcayān ca eva pādukopanahām yugmāni sahasraśaḥ
70. And also well-polished mirrors, and collections of clothes, and indeed thousands of pairs of sandals and shoes were there.
Go to verse view
आञ्जनीः कङ्कतान् कूर्चांश्छत्राणि च धनूंषि च ।
मर्मत्राणानि चित्राणि शयनान्यासनानि च ॥७१॥
71. āñjanīḥ kaṅkatān kūrcāṃśchatrāṇi ca dhanūṃṣi ca ,
marmatrāṇāni citrāṇi śayanānyāsanāni ca.
71. āñjanīḥ kaṅkatān kūrcān chatrāṇi ca dhanūṃṣi
ca marmatrāṇāni citrāṇi śayanāni āsanāni ca
71. āñjanīḥ kaṅkatān kūrcān ca chatrāṇi ca dhanūṃṣi
citrāṇi marmatrāṇāni śayanāni ca āsanāni
71. Collyrium boxes, combs, brushes, and umbrellas, and bows, various body armors, beds, and seats.
Go to verse view
प्रतिपानह्रदान्पूर्णान् खरोष्ट्रगजवाजिनाम् ।
अवगाह्य सुतीर्थांश्च ह्रदान् सोत्पल पुष्करान् ॥७२॥
72. pratipānahradānpūrṇān kharoṣṭragajavājinām ,
avagāhya sutīrthāṃśca hradān sotpala puṣkarān.
72. pratipānahradān pūrṇān kharoṣṭragajavājinām
avagāhya sutīrthān ca hradān sotpalapuṣkarān
72. kharoṣṭragajavājinām pūrṇān pratipānahradān
ca sutīrthān sotpalapuṣkarān hradān avagāhya
72. Full drinking ponds for donkeys, camels, elephants, and horses, and also ponds with excellent bathing banks (tīrtha), containing lotuses and water-lilies, suitable for immersion.
Go to verse view
नीलवैदूर्यवर्णांश्च मृदून्यवससंचयान् ।
निर्वापार्थं पशूनां ते ददृशुस्तत्र सर्वशः ॥७३॥
73. nīlavaidūryavarṇāṃśca mṛdūnyavasasaṃcayān ,
nirvāpārthaṃ paśūnāṃ te dadṛśustatra sarvaśaḥ.
73. nīlavaidūryavarṇān ca mṛdūn yavasa-saṃcayān
nirvāpārtham paśūnām te dadṛśuḥ tatra sarvaśaḥ
73. te tatra sarvaśaḥ dadṛśuḥ mṛdūn nīlavaidūryavarṇān
ca yavasa-saṃcayān paśūnām nirvāpārtham
73. They saw everywhere soft, blue-lapis-lazuli-colored heaps of fodder for the sustenance of the animals.
Go to verse view
व्यस्मयन्त मनुष्यास्ते स्वप्नकल्पं तदद्भुतम् ।
दृष्ट्वातिथ्यं कृतं तादृग्भरतस्य महर्षिणा ॥७४॥
74. vyasmayanta manuṣyāste svapnakalpaṃ tadadbhutam ,
dṛṣṭvātithyaṃ kṛtaṃ tādṛgbharatasya maharṣiṇā.
74. vyasmayanta manuṣyāḥ te svapnakalpam tat adbhutam
dṛṣṭvā ātithyam kṛtam tādṛk bharatasya maharṣiṇā
74. te manuṣyāḥ vyasmayanta tat svapnakalpam adbhutam
dṛṣṭvā tādṛk ātithyam kṛtam bharatasya maharṣiṇā
74. Those men were greatly amazed by that dream-like marvel, having seen such hospitality shown to Bharata by the great sage.
Go to verse view
इत्येवं रममाणानां देवानामिव नन्दने ।
भरद्वाजाश्रमे रम्ये सा रात्रिर्व्यत्यवर्तत ॥७५॥
75. ityevaṃ ramamāṇānāṃ devānāmiva nandane ,
bharadvājāśrame ramye sā rātrirvyatyavartata.
75. iti evam ramamāṇānām devānām iva nandane
bharadvāja-āśrame ramye sā rātriḥ vyatyavartata
75. iti evam ramamāṇānām devānām iva nandane ramye
bharadvāja-āśrame sā rātriḥ vyatyavartata
75. While they enjoyed themselves in Bharadvāja's charming hermitage (āśrama), like gods in the Nandana garden, that night passed.
Go to verse view
प्रतिजग्मुश्च ता नद्यो गन्धर्वाश्च यथागतम् ।
भरद्वाजमनुज्ञाप्य ताश्च सर्वा वराङ्गनाः ॥७६॥
76. pratijagmuśca tā nadyo gandharvāśca yathāgatam ,
bharadvājamanujñāpya tāśca sarvā varāṅganāḥ.
76. pratijagmuḥ ca tāḥ nadyaḥ gandharvāḥ ca yathāgatam
bharadvājam anujñāpya tāḥ ca sarvāḥ varāṅganāḥ
76. tāḥ nadyaḥ ca gandharvāḥ ca tāḥ ca sarvāḥ varāṅganāḥ
bharadvājam anujñāpya pratijagmuḥ yathāgatam
76. And those river goddesses, and the Gandharvas, and all those beautiful women returned as they had come, after taking leave of Bharadvāja.
Go to verse view
तथैव मत्ता मदिरोत्कटा नरास्तथैव दिव्यागुरुचन्दनोक्षिताः ।
तथैव दिव्या विविधाः स्रगुत्तमाः पृथक्प्रकीर्णा मनुजैः प्रमर्दिताः ॥७७॥
77. tathaiva mattā madirotkaṭā narāstathaiva divyāgurucandanokṣitāḥ ,
tathaiva divyā vividhāḥ sraguttamāḥ pṛthakprakīrṇā manujaiḥ pramarditāḥ.
77. tathā eva mattāḥ madirotkaṭāḥ narāḥ
tathā eva divyāgurucandanokṣitāḥ tathā
eva divyāḥ vividhāḥ srak uttamāḥ
pṛthak prakīrṇāḥ manujaiḥ pramarditāḥ
77. tathā eva narāḥ mattāḥ madirotkaṭāḥ
tathā eva divyāgurucandanokṣitāḥ tathā
eva divyāḥ vividhāḥ uttamāḥ srak
pṛthak prakīrṇāḥ manujaiḥ pramarditāḥ
77. Just so, men were intoxicated and overwhelmed by liquor, and likewise, they were sprinkled with divine agallochum and sandalwood. Similarly, various excellent divine garlands, strewn about, were trampled by these very men.
Go to verse view
Previous Chapter Next Chapter

Links to all chapters:

bāla kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76

ayodhyā kāṇḍa (current book)

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 (current chapter) Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111

araṇya kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71

kiṣkindhā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

sundara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

yuddha kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116

uttara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100