Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

वाल्मीकि-रामायणम्       vālmīki-rāmāyaṇam - book-4, chapter-27

Use the following checkboxes to set the display options for this chapter (You can also control the display of each verse separately):
what would you like to see in each verse:
स तदा वालिनं हत्वा सुग्रीवमभिषिच्य च ।
वसन्माल्यवतः पृष्टे रामो लक्ष्मणमब्रवीत् ॥१॥
1. sa tadā vālinaṃ hatvā sugrīvamabhiṣicya ca ,
vasanmālyavataḥ pṛṣṭe rāmo lakṣmaṇamabravīt.
1. sa tadā vālinam hatvā sugrīvam abhiṣicya ca
vasan mālyavataḥ pṛṣṭe rāmaḥ lakṣmaṇam abravīt
1. sa tadā vālinam hatvā sugrīvam abhiṣicya ca,
mālyavataḥ pṛṣṭe vasan,
rāmaḥ lakṣmaṇam abravīt
1. Then, after he had killed Valin and consecrated Sugriva, Rama, dwelling on the peak of Mount Malyavat, spoke to Lakshmana.
अयं स कालः संप्राप्तः समयो ऽद्य जलागमः ।
संपश्य त्वं नभो मेघैः संवृतं गिरिसंनिभैः ॥२॥
2. ayaṃ sa kālaḥ saṃprāptaḥ samayo'dya jalāgamaḥ ,
saṃpaśya tvaṃ nabho meghaiḥ saṃvṛtaṃ girisaṃnibhaiḥ.
2. ayam sa kālaḥ samprāptaḥ samayaḥ adya jalāgamaḥ
saṁpaśya tvam nabhaḥ meghaiḥ saṁvṛtam girisaṁnibhaiḥ
2. ayam sa kālaḥ samprāptaḥ.
adya jalāgamaḥ samayaḥ.
tvam girisaṁnibhaiḥ meghaiḥ saṁvṛtam nabhaḥ saṁpaśya
2. This is that very time, the season of the water's arrival (jalāgama) has now come. Behold the sky, covered by clouds resembling mountains.
नव मास धृतं गर्भं भास्कारस्य गभस्तिभिः ।
पीत्वा रसं समुद्राणां द्यौः प्रसूते रसायनम् ॥३॥
3. nava māsa dhṛtaṃ garbhaṃ bhāskārasya gabhastibhiḥ ,
pītvā rasaṃ samudrāṇāṃ dyauḥ prasūte rasāyanam.
3. nava māsa dhṛtam garbham bhāskārasya gabhastibhiḥ
pītvā rasam samudrāṇām dyauḥ prasūte rasāyanam
3. dyauḥ bhāskārasya gabhastibhiḥ nava māsa garbham
dhṛtam samudrāṇām rasam pītvā rasāyanam prasūte
3. The sky, having conceived (held an embryo) for nine months through the sun's rays, and having absorbed the essence of the oceans, gives birth to the life-giving elixir (rasāyanam).
शक्यमम्बरमारुह्य मेघसोपानपङ्क्तिभिः ।
कुटजार्जुनमालाभिरलंकर्तुं दिवाकरम् ॥४॥
4. śakyamambaramāruhya meghasopānapaṅktibhiḥ ,
kuṭajārjunamālābhiralaṃkartuṃ divākaram.
4. śakyam ambaram āruhya meghasopānapaṅktibhiḥ
kuṭajārajunamālābhiḥ alaṃkartum divākaram
4. meghasopānapaṅktibhiḥ ambaram āruhya
kuṭajārajunamālābhiḥ divākaram alaṃkartum śakyam
4. It is possible to climb into the sky, using the rows of clouds as stairs, and to adorn the sun with garlands made of kuṭaja and arjuna flowers.
संध्यारागोत्थितैस्ताम्रैरन्तेष्वधिकपाण्डुरैः ।
स्निग्धैरभ्रपटच्छदैर्बद्धव्रणमिवाम्बरम् ॥५॥
5. saṃdhyārāgotthitaistāmrairanteṣvadhikapāṇḍuraiḥ ,
snigdhairabhrapaṭacchadairbaddhavraṇamivāmbaram.
5. sandhyārāgotthitaiḥ tāmraiḥ anteṣu adhikapāṇḍuraiḥ
snigdhaiḥ abhrapaṭacchadaiḥ baddhavraṇam iva ambaram
5. ambaram sandhyārāgotthitaiḥ tāmraiḥ anteṣu adhikapāṇḍuraiḥ
snigdhaiḥ abhrapaṭacchadaiḥ baddhavraṇam iva
5. The sky, with its smooth, cloth-like clouds, which are coppery due to the twilight glow and very pale at their edges, appears as if it has a bandaged wound.
मन्दमारुतनिःश्वासं संध्याचन्दनरञ्जितम् ।
आपाण्डुजलदं भाति कामातुरमिवाम्बरम् ॥६॥
6. mandamārutaniḥśvāsaṃ saṃdhyācandanarañjitam ,
āpāṇḍujaladaṃ bhāti kāmāturamivāmbaram.
6. mandamārutaniḥśvāsam sandhyācandana-rañjitam
āpāṇḍujaladam bhāti kāmāturam iva ambaram
6. ambaram mandamārutaniḥśvāsam sandhyācandana-rañjitam
āpāṇḍujaladam kāmāturam iva bhāti
6. The sky appears to be love-sick, with the gentle breeze as its breath, colored by the twilight's sandalwood-like hue, and bearing pale clouds.
एषा धर्मपरिक्लिष्टा नववारिपरिप्लुता ।
सीतेव शोकसंतप्ता मही बाष्पं विमुञ्चति ॥७॥
7. eṣā dharmaparikliṣṭā navavāripariplutā ,
sīteva śokasaṃtaptā mahī bāṣpaṃ vimuñcati.
7. eṣā dharma-parikliṣṭā nava-vāri-pariplutā
sīteva śoka-saṃtaptā mahī bāṣpam vimuñcati
7. eṣā mahī dharma-parikliṣṭā nava-vāri-pariplutā
śoka-saṃtaptā sīteva bāṣpam vimuñcati
7. This earth, afflicted in her intrinsic nature (dharma) and inundated by fresh waters, sheds tears (vapor) like Sītā tormented by sorrow.
मेघोदरविनिर्मुक्ताः कह्लारसुखशीतलाः ।
शक्यमञ्जलिभिः पातुं वाताः केतकिगन्धिनः ॥८॥
8. meghodaravinirmuktāḥ kahlārasukhaśītalāḥ ,
śakyamañjalibhiḥ pātuṃ vātāḥ ketakigandhinaḥ.
8. meghodara-vinirmuktāḥ kahllāra-sukha-śītalāḥ
śakyam añjalibhiḥ pātum vātāḥ ketaki-gandhinaḥ
8. meghodara-vinirmuktāḥ kahllāra-sukha-śītalāḥ
ketaki-gandhinaḥ vātāḥ añjalibhiḥ pātum śakyam
8. The winds, released from the heart of the clouds, are pleasantly cool like water lilies and fragrant with the scent of ketaki flowers; they are so refreshing that one could (metaphorically) drink them with cupped hands.
एष फुल्लार्जुनः शैलः केतकैरधिवासितः ।
सुग्रीव इव शान्तारिर्धाराभिरभिषिच्यते ॥९॥
9. eṣa phullārjunaḥ śailaḥ ketakairadhivāsitaḥ ,
sugrīva iva śāntārirdhārābhirabhiṣicyate.
9. eṣaḥ phullārjunaḥ śailaḥ ketakaiḥ adhivāsitaḥ
sugrīvaḥ iva śāntāriḥ dhārābhiḥ abhiṣicyate
9. eṣaḥ phullārjunaḥ ketakaiḥ adhivāsitaḥ śailaḥ
śāntāriḥ sugrīvaḥ iva dhārābhiḥ abhiṣicyate
9. This mountain, adorned with flowering Arjuna trees and perfumed by ketaki flowers, is being consecrated by the streams of rain, just as Sugrīva, with his enemies pacified, was consecrated.
मेघकृष्णाजिनधरा धारायज्ञोपवीतिनः ।
मारुतापूरितगुहाः प्राधीता इव पर्वताः ॥१०॥
10. meghakṛṣṇājinadharā dhārāyajñopavītinaḥ ,
mārutāpūritaguhāḥ prādhītā iva parvatāḥ.
10. megha-kṛṣṇājina-dharāḥ dhārā-yajñopavītinaḥ
māruta-āpūrita-guhāḥ prādhītāḥ iva parvatāḥ
10. megha-kṛṣṇājina-dharāḥ dhārā-yajñopavītinaḥ
māruta-āpūrita-guhāḥ parvatāḥ prādhītāḥ iva
10. The mountains, draped in dark clouds like deer skins, adorned with streams of rain as their sacred threads, and with their caves echoing with the winds, appear like Vedic students engaged in study or recitation.
कशाभिरिव हैमीभिर्विद्युद्भिरिव ताडितम् ।
अन्तःस्तनितनिर्घोषं सवेदनमिवाम्बरम् ॥११॥
11. kaśābhiriva haimībhirvidyudbhiriva tāḍitam ,
antaḥstanitanirghoṣaṃ savedanamivāmbaram.
11. kaśābhiḥ iva haimībhiḥ vidyudbhiḥ iva tāḍitam
antaḥstanitanirghoṣam savedanam iva ambaram
11. ambaram haimībhiḥ kaśābhiḥ iva vidyudbhiḥ iva
tāḍitam antaḥstanitanirghoṣam savedanam iva
11. The sky (ambaram) appears as if struck by golden whips, or by lightning flashes, with a rumbling sound within, as if it were feeling pain.
नीलमेघाश्रिता विद्युत् स्फुरन्ती प्रतिभाति मे ।
स्फुरन्ती रावणस्याङ्के वैदेहीव तपस्विनी ॥१२॥
12. nīlameghāśritā vidyut sphurantī pratibhāti me ,
sphurantī rāvaṇasyāṅke vaidehīva tapasvinī.
12. nīlameghāśritā vidyut sphurantī pratibhāti me
sphurantī rāvaṇasya aṅke vaidehī iva tapasvinī
12. nīlameghāśritā sphurantī vidyut me pratibhāti
rāvaṇasya aṅke sphurantī tapasvinī vaidehī iva
12. The lightning, which is flickering and dwelling within the dark clouds, appears to me like the suffering (tapasvinī) Vaidehī (Sītā) trembling in Rāvaṇa's embrace.
इमास्ता मन्मथवतां हिताः प्रतिहता दिशः ।
अनुलिप्ता इव घनैर्नष्टग्रहनिशाकराः ॥१३॥
13. imāstā manmathavatāṃ hitāḥ pratihatā diśaḥ ,
anuliptā iva ghanairnaṣṭagrahaniśākarāḥ.
13. imāḥ tāḥ manmathavatām hitāḥ pratihatāḥ diśaḥ
anuliptāḥ iva ghanaiḥ naṣṭagrahaniśākarāḥ
13. imāḥ tāḥ diśaḥ manmathavatām hitāḥ pratihatāḥ
ghanaiḥ anuliptāḥ iva naṣṭagrahaniśākarāḥ
13. These directions, usually favorable to those afflicted by passion (manmatha), are now hostile and obstructed. They appear as if smeared by dense clouds, with their planets and moon having vanished.
क्व चिद्बाष्पाभिसंरुद्धान् वर्षागमसमुत्सुकान् ।
कुटजान्पश्य सौमित्रे पुष्टितान् गिरिसानुषु ।
मम शोकाभिभूतस्य कामसंदीपनान् स्थितान् ॥१४॥
14. kva cidbāṣpābhisaṃruddhān varṣāgamasamutsukān ,
kuṭajānpaśya saumitre puṣṭitān girisānuṣu ,
mama śokābhibhūtasya kāmasaṃdīpanān sthitān.
14. kva cit bāṣpābhisaṃruddhān
varṣāgamasamutsukān kuṭajān paśya saumitre
puṣpitān girisānuṣu mama
śokābhibhūtasya kāmasandīpanān sthitān
14. saumitre kva cit girisānuṣu
bāṣpābhisaṃruddhān varṣāgamasamutsukān
puṣpitān mama śokābhibhūtasya
kāmasandīpanān sthitān kuṭajān paśya
14. O Saumitri (Lakṣmaṇa), behold the Kutaja flowers scattered here and there on the mountain slopes. They are covered in mist, eagerly awaiting the arrival of the rainy season, blooming, and standing there, yet they only ignite passion in me who is overcome by grief.
रजः प्रशान्तं सहिमो ऽद्य वायुर्निदाघदोषप्रसराः प्रशान्ताः ।
स्थिता हि यात्रा वसुधाधिपानां प्रवासिनो यान्ति नराः स्वदेशान् ॥१५॥
15. rajaḥ praśāntaṃ sahimo'dya vāyurnidāghadoṣaprasarāḥ praśāntāḥ ,
sthitā hi yātrā vasudhādhipānāṃ pravāsino yānti narāḥ svadeśān.
15. rajaḥ praśāntam sahimaḥ adya vāyuḥ
nidāghadoṣaprasarāḥ praśāntāḥ
sthitā hi yātrā vasudhādhipānām
pravāsinaḥ yānti narāḥ svadeśān
15. adya vāyuḥ sahimaḥ rajaḥ praśāntam
nidāghadoṣaprasarāḥ praśāntāḥ
hi vasudhādhipānām yātrā sthitā
pravāsinaḥ narāḥ svadeśān yānti
15. The dust has settled, and the wind is now chilly. The widespread discomforts of the summer season have abated. Indeed, the expeditions of rulers have come to a halt, and travelers are returning to their own countries.
संप्रस्थिता मानसवासलुब्धाः प्रियान्विताः संप्रति चक्रवाकः ।
अभीक्ष्णवर्षोदकविक्षतेषु यानानि मार्गेषु न संपतन्ति ॥१६॥
16. saṃprasthitā mānasavāsalubdhāḥ priyānvitāḥ saṃprati cakravākaḥ ,
abhīkṣṇavarṣodakavikṣateṣu yānāni mārgeṣu na saṃpatanti.
16. saṃprasthitā mānasavāsalubdhāḥ priyānvitāḥ samprati cakravākaḥ
abhīkṣṇavarṣodakavikṣateṣu yānāni mārgeṣu na saṃpatanti
16. samprati priyānvitāḥ mānasavāsalubdhāḥ cakravākaḥ saṃprasthitā
abhīkṣṇavarṣodakavikṣateṣu mārgeṣu yānāni na saṃpatanti
16. Now, the chakravāka birds, accompanied by their mates and eager to dwell in Lake Manasa, have departed. Vehicles cannot proceed smoothly on the roads, which are damaged by frequent rainwater.
क्व चित् प्रकाशं क्व चिदप्रकाशं नभः प्रकीर्णाम्बुधरं विभाति ।
क्व चित् क्व चित् पर्वतसंनिरुद्धं रूपं यथा शान्तमहार्णवस्य ॥१७॥
17. kva cit prakāśaṃ kva cidaprakāśaṃ nabhaḥ prakīrṇāmbudharaṃ vibhāti ,
kva cit kva cit parvatasaṃniruddhaṃ rūpaṃ yathā śāntamahārṇavasya.
17. kva cit prakāśam kva cit aprakāśam
nabhaḥ prakīrṇāmbudharam vibhāti
kva cit kva cit parvatasaṃniruddham
rūpam yathā śāntamahārṇavasya
17. prakīrṇāmbudharam nabhaḥ kva cit
prakāśam kva cit aprakāśam vibhāti
kva cit kva cit parvatasaṃniruddham
rūpam yathā śāntamahārṇavasya
17. The sky appears, sometimes clear and sometimes dark, adorned with scattered clouds. Here and there, its form, confined by mountains, resembles that of a calm great ocean.
व्यामिश्रितं सर्जकदम्बपुष्पैर्नवं जलं पर्वतधातुताम्रम् ।
मयूरकेकाभिरनुप्रयातं शैलापगाः शीघ्रतरं वहन्ति ॥१८॥
18. vyāmiśritaṃ sarjakadambapuṣpairnavaṃ jalaṃ parvatadhātutāmram ,
mayūrakekābhiranuprayātaṃ śailāpagāḥ śīghrataraṃ vahanti.
18. vyāmiśritam sarjakadambapuṣpaiḥ navam jalam parvatadhātutāmram
mayūrakekābhiḥ anuprayātam śailāpagāḥ śīghrataram vahanti
18. śailāpagāḥ sarjakadambapuṣpaiḥ vyāmiśritam parvatadhātutāmram
mayūrakekābhiḥ anuprayātam navam jalam śīghrataram vahanti
18. The mountain rivers carry their fresh waters, mingled with sarja and kadamba flowers, reddened by mountain minerals, and accompanied by the cries of peacocks, flowing very swiftly.
रसाकुलं षट्पदसंनिकाशं प्रभुज्यते जम्बुफलं प्रकामम् ।
अनेकवर्णं पवनावधूतं भूमौ पतत्याम्रफलं विपक्वम् ॥१९॥
19. rasākulaṃ ṣaṭpadasaṃnikāśaṃ prabhujyate jambuphalaṃ prakāmam ,
anekavarṇaṃ pavanāvadhūtaṃ bhūmau patatyāmraphalaṃ vipakvam.
19. rasa-ākulam ṣaṭpada-saṃnikāśam
prabhujyate jambu-phalam prakāmam
aneka-varṇam pavana-avadhūtam
bhūmau patati āmra-phalam vipakvam
19. rasa-ākulam ṣaṭpada-saṃnikāśam
jambu-phalam prakāmam prabhujyate
pavana-avadhūtam aneka-varṇam
vipakvam āmra-phalam bhūmau patati
19. The juicy jambu fruit, resembling the dark color of bees, is amply enjoyed. A fully ripe, multi-colored mango fruit, shaken by the wind, falls to the ground.
विद्युत्पताकाः सबलाक मालाः शैलेन्द्रकूटाकृतिसंनिकाशाः ।
गर्जन्ति मेघाः समुदीर्णनादा मत्तगजेन्द्रा इव संयुगस्थः ॥२०॥
20. vidyutpatākāḥ sabalāka mālāḥ śailendrakūṭākṛtisaṃnikāśāḥ ,
garjanti meghāḥ samudīrṇanādā mattagajendrā iva saṃyugasthaḥ.
20. vidyut-patākāḥ sa-balākāḥ mālāḥ
śailendra-kūṭa-ākṛti-saṃnikāśāḥ
garjanti meghāḥ sam-udīrṇa-nādāḥ
matta-gajendrāḥ iva saṃyuga-sthāḥ
20. vidyut-patākāḥ sa-balākāḥ mālāḥ śailendra-kūṭa-ākṛti-saṃnikāśāḥ sam-udīrṇa-nādāḥ meghāḥ,
saṃyuga-sthāḥ matta-gajendrāḥ iva,
garjanti.
20. The clouds, bearing lightning as banners, adorned with lines of cranes, and resembling the forms of great mountain peaks, roar with loud sounds, just like rutting lordly elephants standing in battle formation.
मेघाभिकामी परिसंपतन्ती संमोदिता भाति बलाकपङ्क्तिः ।
वातावधूता वरपौण्डरीकी लम्बेव माला रचिताम्बरस्य ॥२१॥
21. meghābhikāmī parisaṃpatantī saṃmoditā bhāti balākapaṅktiḥ ,
vātāvadhūtā varapauṇḍarīkī lambeva mālā racitāmbarasya.
21. megha-abhikāmī parisampatantī
sammoditā bhāti balāka-paṅktiḥ
vāta-avadhūtā vara-pauṇḍarīkī
lambā iva mālā racita-ambarasya
21. megha-abhikāmī parisampatantī sammoditā balāka-paṅktiḥ bhāti vāta-avadhūtā vara-pauṇḍarīkī lambā mālā iva,
racita-ambarasya bhāti.
21. A line of cranes, delighting in and flying around the clouds, appears splendid. It shines like a long garland of excellent white lotuses, swayed by the wind, in the adorned sky.
निद्रा शनैः केशवमभ्युपैति द्रुतं नदी सागरमभ्युपैति ।
हृष्टा बलाका घनमभ्युपैति कान्ता सकामा प्रियमभ्युपैति ॥२२॥
22. nidrā śanaiḥ keśavamabhyupaiti drutaṃ nadī sāgaramabhyupaiti ,
hṛṣṭā balākā ghanamabhyupaiti kāntā sakāmā priyamabhyupaiti.
22. nidrā śanaiḥ keśavam abhi-upaiti
| drutam nadī sāgaram abhi-upaiti
| hṛṣṭā balākā ghanam abhi-upaiti
| sa-kāmā kāntā priyam abhi-upaiti
22. nidrā śanaiḥ keśavam abhi-upaiti nadī drutam sāgaram abhi-upaiti hṛṣṭā balākā ghanam abhi-upaiti sa-kāmā kāntā priyam abhi-upaiti.
22. Sleep slowly approaches Keśava. A river swiftly approaches the ocean. A delighted crane approaches the cloud. A desirous beloved woman approaches her beloved.
जाता वनान्ताः शिखिसुप्रनृत्ता जाताः कदम्बाः सकदम्बशाखाः ।
जाता वृषा गोषु समानकामा जाता मही सस्यवनाभिरामा ॥२३॥
23. jātā vanāntāḥ śikhisupranṛttā jātāḥ kadambāḥ sakadambaśākhāḥ ,
jātā vṛṣā goṣu samānakāmā jātā mahī sasyavanābhirāmā.
23. jātā vanāntāḥ śikhisupranṛttāḥ jātāḥ kadambāḥ sakadambaśākhāḥ
jātā vṛṣāḥ goṣu samānakāmāḥ jātā mahī sasyavanābhirāmā
23. vanāntāḥ śikhisupranṛttāḥ jātāḥ kadambāḥ sakadambaśākhāḥ
jātāḥ vṛṣāḥ goṣu samānakāmāḥ jātāḥ mahī sasyavanābhirāmā jātā
23. The edges of the forests have become vibrant with the beautiful dancing of peacocks. Kadamba trees are now adorned with their branches. Bulls have become equally eager among the cows, and the earth has become delightful with its crops and forests.
वहन्ति वर्षन्ति नदन्ति भान्ति ध्यायन्ति नृत्यन्ति समाश्वसन्ति ।
नद्यो घना मत्तगजा वनान्ताः प्रियाविनीहाः शिखिनः प्लवंगाः ॥२४॥
24. vahanti varṣanti nadanti bhānti dhyāyanti nṛtyanti samāśvasanti ,
nadyo ghanā mattagajā vanāntāḥ priyāvinīhāḥ śikhinaḥ plavaṃgāḥ.
24. vahanti varṣanti nadanti bhānti
dhyāyanti nṛtyanti samāśvasanti
nadyaḥ ghanāḥ mattagajāḥ vanāntāḥ
priyāvinīhāḥ śikhinaḥ plavaṅgāḥ
24. nadyaḥ vahanti ghanāḥ varṣanti
mattagajāḥ nadanti vanāntāḥ bhānti
priyāvinīhāḥ dhyāyanti śikhinaḥ
nṛtyanti plavaṅgāḥ samāśvasanti
24. Rivers flow, clouds rain, intoxicated elephants roar, forest edges glow, those longing for their beloveds ponder, peacocks dance, and monkeys find relief.
प्रहर्षिताः केतकपुष्पगन्धमाघ्राय हृष्टा वननिर्झरेषु ।
प्रपात शब्दाकुलिता गजेन्द्राः सार्धं मयूरैः समदा नदन्ति ॥२५॥
25. praharṣitāḥ ketakapuṣpagandhamāghrāya hṛṣṭā vananirjhareṣu ,
prapāta śabdākulitā gajendrāḥ sārdhaṃ mayūraiḥ samadā nadanti.
25. praharṣitāḥ ketakapuṣpagandham
āghrāya hṛṣṭāḥ vananirjhareṣu
prapātaśabdākulitāḥ gajendrāḥ
sārdham mayūraiḥ samadāḥ nadanti
25. gajendrāḥ ketakapuṣpagandham
āghrāya vananirjhareṣu praharṣitāḥ
hṛṣṭāḥ prapātaśabdākulitāḥ (ca)
sārdham mayūraiḥ samadāḥ nadanti
25. The great elephants, highly delighted and joyful by smelling the fragrance of Ketaka flowers near the forest springs, and agitated by the sound of waterfalls, roar loudly along with the proud peacocks.
धारानिपातैरभिहन्यमानाः कदम्बशाखासु विलम्बमानाः ।
क्षणार्जितं पुष्परसावगाढं शनैर्मदं षट्चरणास्त्यजन्ति ॥२६॥
26. dhārānipātairabhihanyamānāḥ kadambaśākhāsu vilambamānāḥ ,
kṣaṇārjitaṃ puṣparasāvagāḍhaṃ śanairmadaṃ ṣaṭcaraṇāstyajanti.
26. dhārānipātaiḥ abhihanyamānāḥ kadambaśākhāsu vilambamānāḥ
kṣaṇārjitam puṣparasāvagāḍham śanaiḥ madam ṣaṭcaraṇāḥ tyajanti
26. dhārānipātaiḥ abhihanyamānāḥ kadambaśākhāsu vilambamānāḥ
ṣaṭcaraṇāḥ kṣaṇārjitam puṣparasāvagāḍham madam śanaiḥ tyajanti
26. The bees, being struck by the heavy downpour and hanging on the Kadamba branches, slowly abandon their intoxication, which they had briefly acquired by immersing themselves in flower nectar.
अङ्गारचूर्णोत्करसंनिकाशैः फलैः सुपर्याप्त रसैः समृद्धैः ।
जम्बूद्रुमाणां प्रविभान्ति शाखा निलीयमाना इव षट्पदौघैः ॥२७॥
27. aṅgāracūrṇotkarasaṃnikāśaiḥ phalaiḥ suparyāpta rasaiḥ samṛddhaiḥ ,
jambūdrumāṇāṃ pravibhānti śākhā nilīyamānā iva ṣaṭpadaughaiḥ.
27. aṅgāracūrṇotkarasaṃnikāśaiḥ
phalaiḥ suparyāpta rasaiḥ samṛddhaiḥ
jambūdrumāṇām pravibhānti
śākhāḥ nilīyamānāḥ iva ṣaṭpadaughaiḥ
27. jambūdrumāṇām śākhāḥ aṅgāracūrṇotkarasaṃnikāśaiḥ suparyāpta rasaiḥ samṛddhaiḥ phalaiḥ pravibhānti,
ṣaṭpadaughaiḥ nilīyamānāḥ iva
27. The branches of the rose-apple (jambu) trees, laden with abundant, juicy fruits resembling heaps of charcoal powder, shine brilliantly, appearing as if they are hidden by swarms of bees.
तडित्पताकाभिरलंकृतानामुदीर्णगम्भीरमहारवाणाम् ।
विभान्ति रूपाणि बलाहकानां रणोद्यतानामिव वारणानाम् ॥२८॥
28. taḍitpatākābhiralaṃkṛtānāmudīrṇagambhīramahāravāṇām ,
vibhānti rūpāṇi balāhakānāṃ raṇodyatānāmiva vāraṇānām.
28. taḍitpatākābhiḥ alaṃkṛtānām udīrṇagambhīramahāravāṇām
vibhānti rūpāṇi balāhakānām raṇodyatānām iva vāraṇānām
28. balāhakānām taḍitpatākābhiḥ alaṃkṛtānām udīrṇagambhīramahāravāṇām
rūpāṇi raṇodyatānām vāraṇānām iva vibhānti
28. The appearances of the clouds, adorned with flashes of lightning as banners and making deep, surging roars, shine brilliantly, just like elephants eager for battle.
मार्गानुगः शैलवनानुसारी संप्रस्थितो मेघरवं निशम्य ।
युद्धाभिकामः प्रतिनागशङ्की मत्तो गजेन्द्रः प्रतिसंनिवृत्तः ॥२९॥
29. mārgānugaḥ śailavanānusārī saṃprasthito megharavaṃ niśamya ,
yuddhābhikāmaḥ pratināgaśaṅkī matto gajendraḥ pratisaṃnivṛttaḥ.
29. mārgānugaḥ śailavanānusārī
saṃprasthitaḥ megharavam niśamya
yuddhābhikāmaḥ pratināgaśaṅkī
mattaḥ gajendraḥ pratisaṃnivṛttaḥ
29. mattaḥ gajendraḥ,
mārgānugaḥ śailavanānusārī saṃprasthitaḥ (san),
megharavam niśamya,
yuddhābhikāmaḥ pratināgaśaṅkī (san),
pratisaṃnivṛttaḥ
29. An intoxicated (in musth) lordly elephant, who had set out following the path through the mountain forests, upon hearing the roar of the clouds, mistook it for a rival elephant and, eager for battle, turned back.
मुक्तासकाशं सलिलं पतद्वै सुनिर्मलं पत्रपुटेषु लग्नम् ।
हृष्टा विवर्णच्छदना विहंगाः सुरेन्द्रदत्तं तृषिताः पिबन्ति ॥३०॥
30. muktāsakāśaṃ salilaṃ patadvai sunirmalaṃ patrapuṭeṣu lagnam ,
hṛṣṭā vivarṇacchadanā vihaṃgāḥ surendradattaṃ tṛṣitāḥ pibanti.
30. muktāsakāśam salilam patat vai
sunirmalam patrapuṭeṣu lagnam
hṛṣṭāḥ vivarṇacchadanāḥ vihaṃgāḥ
surendradattam tṛṣitāḥ pibanti
30. tṛṣitāḥ vivarṇacchadanāḥ hṛṣṭāḥ
vihaṃgāḥ muktāsakāśam sunirmalam
patat (ca) patrapuṭeṣu lagnam
surendradattam salilam vai pibanti
30. Thirsty birds, with their discolored feathers, joyfully drink the very clear, pearl-like water that has fallen and settled in the leaf-cups, a gift from Indra, the lord of gods.
नीलेषु नीला नववारिपूर्णा मेघेषु मेघाः प्रविभान्ति सक्ताः ।
दवाग्निदग्धेषु दवाग्निदग्धाः शैलेषु शैला इव बद्धमूलाः ॥३१॥
31. nīleṣu nīlā navavāripūrṇā megheṣu meghāḥ pravibhānti saktāḥ ,
davāgnidagdheṣu davāgnidagdhāḥ śaileṣu śailā iva baddhamūlāḥ.
31. nīleṣu nīlāḥ navavāripūrṇāḥ
megheṣu meghāḥ pravibhānti saktāḥ
davāgnidagdheṣu davāgnidagdhāḥ
śaileṣu śailāḥ iva baddhamūlāḥ
31. navavāripūrṇāḥ saktāḥ nīlāḥ meghāḥ
nīleṣu megheṣu pravibhānti;
davāgnidagdheṣu śaileṣu baddhamūlāḥ
davāgnidagdhāḥ śailāḥ iva (pravibhānti)
31. Blue clouds, full of fresh water, appear prominent and attached amidst other blue clouds. Similarly, deeply rooted mountains, scarred by forest fires, appear as if burned by forest fires among other mountains (also affected by forest fires).
मत्ता गजेन्द्रा मुदिता गवेन्द्रा वनेषु विश्रान्ततरा मृगेन्द्राः ।
रम्या नगेन्द्रा निभृता नगेन्द्राः प्रक्रीडितो वारिधरैः सुरेन्द्रः ॥३२॥
32. mattā gajendrā muditā gavendrā vaneṣu viśrāntatarā mṛgendrāḥ ,
ramyā nagendrā nibhṛtā nagendrāḥ prakrīḍito vāridharaiḥ surendraḥ.
32. mattāḥ gajendrāḥ muditāḥ gavendrāḥ
vaneṣu viśrāntatarāḥ mṛgendrāḥ
ramyāḥ nagendrāḥ nibhṛtāḥ nagendrāḥ
prakrīḍitaḥ vāridharaiḥ surendraḥ
32. mattāḥ gajendrāḥ,
muditāḥ gavendrāḥ,
vaneṣu viśrāntatarāḥ mṛgendrāḥ,
ramyāḥ nagendrāḥ,
nibhṛtāḥ nagendrāḥ,
(ca); surendraḥ vāridharaiḥ prakrīḍitaḥ
32. Elephants are in rut, bulls are joyful, and lions (mṛgendrāḥ) are very much at rest in the forests. Mountains (nagendrāḥ) are charming, and (other) mountains are secluded. The king of the gods, Indra, is sporting with the rain-bearing clouds.
वृत्ता यात्रा नरेन्द्राणां सेना प्रतिनिवर्तते ।
वैराणि चैव मार्गाश्च सलिलेन समीकृताः ॥३३॥
33. vṛttā yātrā narendrāṇāṃ senā pratinivartate ,
vairāṇi caiva mārgāśca salilena samīkṛtāḥ.
33. vṛttā yātrā narendrāṇām senā pratinivartate
vairāṇi ca eva mārgāḥ ca salilena samīkṛtāḥ
33. narendrāṇām yātrā vṛttā,
senā pratinivartate; ca eva vairāṇi ca mārgāḥ salilena samīkṛtāḥ
33. The expeditions of kings have ceased, and the army returns. Both hostilities and the roads themselves are smoothed out by the (rain) water.
मासि प्रौष्ठपदे ब्रह्म ब्राह्मणानां विवक्षताम् ।
अयमध्यायसमयः सामगानामुपस्थितः ॥३४॥
34. māsi prauṣṭhapade brahma brāhmaṇānāṃ vivakṣatām ,
ayamadhyāyasamayaḥ sāmagānāmupasthitaḥ.
34. māsi prauṣṭhapade brahma brāhmaṇānām vivakṣatām
ayam adhyāyasamayaḥ sāmagānām upasthitaḥ
34. prauṣṭhapade māsi brāhmaṇānām vivakṣatām ayam adhyāyasamayaḥ upasthitaḥ,
(he) brahma,
sāmagānām
34. O Brahmā, in the month of Bhādrapada (August-September), this period for study has arrived for Brahmins who wish to recite, especially for the chanters of the Sama Veda.
निवृत्तकर्मायतनो नूनं संचितसंचयः ।
आषाढीमभ्युपगतो भरतः कोषकाधिपः ॥३५॥
35. nivṛttakarmāyatano nūnaṃ saṃcitasaṃcayaḥ ,
āṣāḍhīmabhyupagato bharataḥ koṣakādhipaḥ.
35. nivṛtta-karma-āyatanaḥ nūnam saṃcita-saṃcayaḥ
āṣāḍhīm abhyupagataḥ bharataḥ koṣaka-adhipaḥ
35. nūnam bharataḥ koṣaka-adhipaḥ nivṛtta-karma-āyatanaḥ
saṃcita-saṃcayaḥ āṣāḍhīm abhyupagataḥ
35. Surely, Bharata, the chief of the treasury, having concluded his activities (karma) and amassed resources, has thus entered the rainy season.
नूनमापूर्यमाणायाः सरय्वा वधते रयः ।
मां समीक्ष्य समायान्तमयोध्याया इव स्वनः ॥३६॥
36. nūnamāpūryamāṇāyāḥ sarayvā vadhate rayaḥ ,
māṃ samīkṣya samāyāntamayodhyāyā iva svanaḥ.
36. nūnam āpūryamāṇāyāḥ sarayvāḥ vardhate rayaḥ
mām samīkṣya samāyāntam ayodhyāyāḥ iva svanaḥ
36. nūnam āpūryamāṇāyāḥ sarayvāḥ rayaḥ vardhate
mām samīkṣya samāyāntam ayodhyāyāḥ svanaḥ iva
36. Surely, the current of the river Sarayū, now being filled with water, is increasing. It sounds like the roar of Ayodhya itself, coming to meet me as I approach.
इमाः स्फीतगुणा वर्षाः सुग्रीवः सुखमश्नुते ।
विजितारिः सदारश्च राज्ये महति च स्थितः ॥३७॥
37. imāḥ sphītaguṇā varṣāḥ sugrīvaḥ sukhamaśnute ,
vijitāriḥ sadāraśca rājye mahati ca sthitaḥ.
37. imāḥ sphīta-guṇāḥ varṣāḥ sugrīvaḥ sukham aśnute
vijita-ariḥ sa-dāraḥ ca rājye mahati ca sthitaḥ
37. sugrīvaḥ vijita-ariḥ sa-dāraḥ ca mahati rājye
sthitaḥ ca imāḥ sphīta-guṇāḥ varṣāḥ sukham aśnute
37. Sugriva, having conquered his foes and reunited with his wife, is now established in his vast kingdom, and he enjoys these rainy seasons with all their abundant virtues.
अहं तु हृतदारश्च राज्याच्च महतश्च्युतः ।
नदीकूलमिव क्लिन्नमवसीदामि लक्ष्मण ॥३८॥
38. ahaṃ tu hṛtadāraśca rājyācca mahataścyutaḥ ,
nadīkūlamiva klinnamavasīdāmi lakṣmaṇa.
38. aham tu hṛta-dāraḥ ca rājyāt ca mahataḥ cyutaḥ
nadī-kūlam iva klinnam avasīdāmi lakṣmaṇa
38. lakṣmaṇa tu aham hṛta-dāraḥ ca mahataḥ rājyāt
ca cyutaḥ nadī-kūlam klinnam iva avasīdāmi
38. But I, with my wife abducted and fallen from my vast kingdom, am sinking, Lakshmana, like a waterlogged riverbank.
शोकश्च मम विस्तीर्णो वर्षाश्च भृशदुर्गमाः ।
रावणश्च महाञ् शत्रुरपारं प्रतिभाति मे ॥३९॥
39. śokaśca mama vistīrṇo varṣāśca bhṛśadurgamāḥ ,
rāvaṇaśca mahāñ śatrurapāraṃ pratibhāti me.
39. śokaḥ ca mama vistīrṇaḥ varṣāḥ ca bhṛśadurgamāḥ
rāvaṇaḥ ca mahān śatruḥ apāram pratibhāti me
39. mama śokaḥ vistīrṇaḥ ca varṣāḥ ca bhṛśadurgamāḥ
rāvaṇaḥ ca mahān śatruḥ apāram me pratibhāti
39. My grief is immense, and the monsoon season makes travel exceedingly difficult. Furthermore, Ravana appears to me as a great and insurmountable foe.
अयात्रां चैव दृष्ट्वेमां मार्गांश्च भृशदुर्गमान् ।
प्रणते चैव सुग्रीवे न मया किं चिदीरितम् ॥४०॥
40. ayātrāṃ caiva dṛṣṭvemāṃ mārgāṃśca bhṛśadurgamān ,
praṇate caiva sugrīve na mayā kiṃ cidīritam.
40. ayātrām ca eva dṛṣṭvā imām mārgān ca bhṛśadurgamān
praṇate ca eva sugrīve na mayā kim cit īritam
40. imām ayātrām ca eva bhṛśadurgamān mārgān ca dṛṣṭvā
ca eva praṇate sugrīve mayā kim cit na īritam
40. Despite perceiving this impossibility of travel and the exceedingly difficult paths, and with Sugriva having bowed down in respect, nothing was said by me.
अपि चातिपरिक्लिष्टं चिराद्दारैः समागतम् ।
आत्मकार्यगरीयस्त्वाद्वक्तुं नेच्छामि वानरम् ॥४१॥
41. api cātiparikliṣṭaṃ cirāddāraiḥ samāgatam ,
ātmakāryagarīyastvādvaktuṃ necchāmi vānaram.
41. api ca atiparikliṣṭam cirāt dāraiḥ samāgatam
ātmakāryagarīyastvāt vaktum na icchāmi vānaram
41. api ca atiparikliṣṭam cirāt dāraiḥ samāgatam
vānaram ātmakāryagarīyastvāt vaktum na icchāmi
41. Moreover, although he (Sugriva) is greatly distressed and has been reunited with his wives after a long separation, I do not wish to speak to him (the monkey king) because of the supreme importance of my own purpose.
स्वयमेव हि विश्रम्य ज्ञात्वा कालमुपागतम् ।
उपकारं च सुग्रीवो वेत्स्यते नात्र संशयः ॥४२॥
42. svayameva hi viśramya jñātvā kālamupāgatam ,
upakāraṃ ca sugrīvo vetsyate nātra saṃśayaḥ.
42. svayam eva hi viśramya jñātvā kālam upāgatam
upakāram ca sugrīvaḥ vetsyate na atra saṃśayaḥ
42. sugrīvaḥ svayam eva hi viśramya kālam upāgatam
jñātvā ca upakāram vetsyate atra saṃśayaḥ na
42. Indeed, Sugriva himself, after resting and recognizing that the appropriate time has arrived, will surely understand his obligation (upakāra). There is no doubt about this.
तस्मात् कालप्रतीक्षो ऽहं स्थितो ऽस्मि शुभलक्षण ।
सुग्रीवस्य नदीनां च प्रसादमनुपालयन् ॥४३॥
43. tasmāt kālapratīkṣo'haṃ sthito'smi śubhalakṣaṇa ,
sugrīvasya nadīnāṃ ca prasādamanupālayan.
43. tasmāt kālaprátīkṣaḥ aham sthitaḥ asmi śubhalakṣaṇa
sugrīvasya nadīnām ca prasādam anupālayan
43. śubhalakṣaṇa tasmāt aham kālaprátīkṣaḥ sthitaḥ
asmi sugrīvasya ca nadīnām prasādam anupālayan
43. Therefore, O auspicious one, I remain awaiting the opportune time, anticipating the favor of Sugriva and the rivers.
उपकारेण वीरो हि प्रतिकारेण युज्यते ।
अकृतज्ञो ऽप्रतिकृतो हन्ति सत्त्ववतां मनः ॥४४॥
44. upakāreṇa vīro hi pratikāreṇa yujyate ,
akṛtajño'pratikṛto hanti sattvavatāṃ manaḥ.
44. upakāreṇa vīraḥ hi pratikāreṇa yujyate
akṛtajñaḥ apratikṛtaḥ hanti sattvavatām manaḥ
44. hi vīraḥ upakāreṇa pratikāreṇa yujyate
akṛtajñaḥ apratikṛtaḥ sattvavatām manaḥ hanti
44. Indeed, a brave person is bound to a return favor by a good deed. An ungrateful individual, who does not reciprocate, hurts the heart of noble persons.
अथैवमुक्तः प्रणिधाय लक्ष्मणः कृताञ्जलिस्तत् प्रतिपूज्य भाषितम् ।
उवाच रामं स्वभिराम दर्शनं प्रदर्शयन्दर्शनमात्मनः शुभम् ॥४५॥
45. athaivamuktaḥ praṇidhāya lakṣmaṇaḥ kṛtāñjalistat pratipūjya bhāṣitam ,
uvāca rāmaṃ svabhirāma darśanaṃ pradarśayandarśanamātmanaḥ śubham.
45. atha evam uktaḥ praṇidhāya lakṣmaṇaḥ
kṛtāñjaliḥ tat pratipūjya bhāṣitam
uvāca rāmam svabhirāma darśanam
pradarśayan darśanam ātmanaḥ śubham
45. atha evam uktaḥ lakṣmaṇaḥ praṇidhāya
kṛtāñjaliḥ tat bhāṣitam pratipūjya
svabhirāma darśanam rāmam uvāca
ātmanaḥ śubham darśanam pradarśayan
45. Then, thus addressed, Lakshmana, having paid attention and with folded hands, honored that speech. He then spoke to Rama, whose appearance was very charming, displaying his own auspicious view (ātman).
यथोक्तमेतत्तव सर्वमीप्सितं नरेन्द्र कर्ता नचिराद्धरीश्वरः ।
शरत्प्रतीक्षः क्षमतामिमं भवाञ्जलप्रपातं रिपुनिग्रहे धृतः ॥४६॥
46. yathoktametattava sarvamīpsitaṃ narendra kartā nacirāddharīśvaraḥ ,
śaratpratīkṣaḥ kṣamatāmimaṃ bhavāñjalaprapātaṃ ripunigrahe dhṛtaḥ.
46. yathā uktam etat tava sarvam īpsitam
narendra kartā nacirāt harīśvaraḥ
śaratpratīkṣaḥ kṣamatām imam
bhavān jalaprapātam ripunigrahe dhṛtaḥ
46. narendra yathā uktam etat tava sarvam
īpsitam harīśvaraḥ nacirāt kartā
ripunigrahe dhṛtaḥ bhavān
śaratpratīkṣaḥ imam jalaprapātam kṣamatām
46. O King (narendra), this entire desired outcome, as spoken, the lord of monkeys (harīśvara) will accomplish without delay. You (bhavān), resolute in subduing enemies, should patiently endure this season of heavy rainfall, awaiting autumn.

Links to all chapters:

bāla kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76

ayodhyā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111

araṇya kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71

kiṣkindhā kāṇḍa (current book)

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 (current chapter) Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

sundara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

yuddha kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116

uttara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100