Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

वाल्मीकि-रामायणम्       vālmīki-rāmāyaṇam - book-5, chapter-11

Use the following checkboxes to set the display options for this chapter (You can also control the display of each verse separately):
what would you like to see in each verse:
विमानात्तु सुसंक्रम्य प्राकारं हरियूथपः ।
हनूमान् वेगवानासीद् यथा विद्युद्घनान्तरे ॥१॥
1. vimānāttu susaṃkramya prākāraṃ hariyūthapaḥ ,
hanūmān vegavānāsīd yathā vidyudghanāntare.
1. vimānāt tu susaṃkramya prākāram hariyūthapaḥ
hanūmān vegavān āsīt yathā vidyut ghanāntare
1. tu hariyūthapaḥ hanūmān vimānāt prākāram susaṃkramya
yathā vidyut ghanāntare āsīt vegavān āsīt
1. However, the chief of the monkeys (Hanumān), having skillfully moved from the aerial chariot to the rampart, became swift like lightning amidst the clouds.
संपरिक्रम्य हनुमान् रावणस्य निवेशनान् ।
अदृष्ट्वा जानकीं सीतामब्रवीद्वचनं कपिः ॥२॥
2. saṃparikramya hanumān rāvaṇasya niveśanān ,
adṛṣṭvā jānakīṃ sītāmabravīdvacanaṃ kapiḥ.
2. saṃparikramya hanumān rāvaṇasya niveśanān
adṛṣṭvā jānakīm sītām abravīt vacanam kapiḥ
2. hanumān kapiḥ rāvaṇasya niveśanān saṃparikramya
jānakīm sītām adṛṣṭvā vacanam abravīt
2. Having thoroughly searched Ravana's dwellings and not having found Sita, the daughter of Janaka, Hanuman, the monkey (kapi), spoke these words.
भूयिष्ठं लोडिता लङ्का रामस्य चरता प्रियम् ।
न हि पश्यामि वैदेहीं सीतां सर्वाङ्गशोभनाम् ॥३॥
3. bhūyiṣṭhaṃ loḍitā laṅkā rāmasya caratā priyam ,
na hi paśyāmi vaidehīṃ sītāṃ sarvāṅgaśobhanām.
3. bhūyiṣṭham loḍitā laṅkā rāmasya caratā priyam
na hi paśyāmi vaidehīm sītām sarvāṅgaśobhanām
3. rāmasya priyam caratā laṅkā bhūyiṣṭham loḍitā.
hi na vaidehīm sītām sarvāṅgaśobhanām paśyāmi.
3. Lanka has been extensively searched by me, who am performing this dear service for Rama. Yet, I certainly do not see Sita, the princess of Videha (vaidehī), who is beautiful in every limb.
पल्वलानि तटाकानि सरांसि सरितस्तथा ।
नद्यो ऽनूपवनान्ताश्च दुर्गाश्च धरणीधराः ।
लोडिता वसुधा सर्वा न च पश्यामि जानकीम् ॥४॥
4. palvalāni taṭākāni sarāṃsi saritastathā ,
nadyo'nūpavanāntāśca durgāśca dharaṇīdharāḥ ,
loḍitā vasudhā sarvā na ca paśyāmi jānakīm.
4. palvalāni taṭākāni sarāṃsi saritaḥ
tathā nadyaḥ anūpavanāntāḥ ca
durgāḥ ca dharaṇīdharāḥ loḍitā
vasudhā sarvā na ca paśyāmi jānakīm
4. palvalāni taṭākāni sarāṃsi saritaḥ tathā nadyaḥ anūpavanāntāḥ ca durgāḥ ca dharaṇīdharāḥ sarvā vasudhā loḍitā.
ca jānakīm na paśyāmi.
4. Ponds, lakes, large lakes, and rivers, as well as greater rivers, marshy forest edges, difficult terrains, and mountains - the entire earth has been searched. Yet, I do not see Janaki (jānakī).
इह संपातिना सीता रावणस्य निवेशने ।
आख्याता गृध्रराजेन न च पश्यामि तामहम् ॥५॥
5. iha saṃpātinā sītā rāvaṇasya niveśane ,
ākhyātā gṛdhrarājena na ca paśyāmi tāmaham.
5. iha saṃpātinā sītā rāvaṇasya niveśane
ākhyātā gṛdhrarājena na ca paśyāmi tām aham
5. iha gṛdhrarājena saṃpātinā sītā rāvaṇasya niveśane ākhyātā.
ca aham tām na paśyāmi.
5. Here, Sita was indicated by Sampati, the king of vultures (gṛdhrarāja), to be in Ravana's dwelling. Yet, I myself do not see her.
किं नु सीताथ वैदेही मैथिली जनकात्मजा ।
उपतिष्ठेत विवशा रावणं दुष्टचारिणम् ॥६॥
6. kiṃ nu sītātha vaidehī maithilī janakātmajā ,
upatiṣṭheta vivaśā rāvaṇaṃ duṣṭacāriṇam.
6. kim nu sītā atha vaidehī maithilī janakātmajā
upatiṣṭheta vivaśā rāvaṇam duṣṭacāriṇam
6. sītā atha vaidehī maithilī janakātmajā kim
nu vivaśā duṣṭacāriṇam rāvaṇam upatiṣṭheta
6. How could Sītā – Vaidehī, Maithilī, Janakātmajā – ever helplessly submit to Rāvaṇa, the one with evil conduct?
क्षिप्रमुत्पततो मन्ये सीतामादाय रक्षसः ।
बिभ्यतो रामबाणानामन्तरा पतिता भवेत् ॥७॥
7. kṣipramutpatato manye sītāmādāya rakṣasaḥ ,
bibhyato rāmabāṇānāmantarā patitā bhavet.
7. kṣipram utpatataḥ manye sītām ādāya rakṣasaḥ
bibhyataḥ rāmabāṇānām antarā patitā bhavet
7. manye kṣipram sītām ādāya utpatataḥ rakṣasaḥ
rāmabāṇānām bibhyataḥ antarā patitā bhavet
7. I believe that the demon, who quickly flew up carrying Sītā, must have fallen midway, terrified of Rāma's arrows.
अथ वा ह्रियमाणायाः पथि सिद्धनिषेविते ।
मन्ये पतितमार्याया हृदयं प्रेक्ष्य सागरम् ॥८॥
8. atha vā hriyamāṇāyāḥ pathi siddhaniṣevite ,
manye patitamāryāyā hṛdayaṃ prekṣya sāgaram.
8. atha vā hriyamāṇāyāḥ pathi siddhaniṣevite
manye patitam āryāyāḥ hṛdayam prekṣya sāgaram
8. atha vā manye hriyamāṇāyāḥ siddhaniṣevite
pathi sāgaram prekṣya āryāyāḥ hṛdayam patitam
8. Or perhaps, I think that as the noble lady (āryā) was being carried away on the path frequented by perfected beings (siddha), her heart fell out upon seeing the ocean.
रावणस्योरुवेगेन भुजाभ्यां पीडितेन च ।
तया मन्ये विशालाक्ष्या त्यक्तं जीवितमार्यया ॥९॥
9. rāvaṇasyoruvegena bhujābhyāṃ pīḍitena ca ,
tayā manye viśālākṣyā tyaktaṃ jīvitamāryayā.
9. rāvaṇasya uruvegena bhujābhyām pīḍitena ca
tayā manye viśālākṣyā tyaktam jīvitam āryayā
9. manye rāvaṇasya uruvegena ca bhujābhyām
pīḍitena tayā viśālākṣyā āryayā jīvitam tyaktam
9. I believe that her life (jīvita) was abandoned by that noble (āryā), wide-eyed lady, due to being crushed by Rāvaṇa's powerful arms.
उपर्युपरि वा नूनं सागरं क्रमतस्तदा ।
विवेष्टमाना पतिता समुद्रे जनकात्मजा ॥१०॥
10. uparyupari vā nūnaṃ sāgaraṃ kramatastadā ,
viveṣṭamānā patitā samudre janakātmajā.
10. uparyupari vā nūnam sāgaram kramataḥ tadā
viveṣṭamānā patitā samudre janakātmajā
10. vā nūnam janakātmajā tadā sāgaram uparyupari
kramataḥ viveṣṭamānā samudre patitā
10. Or indeed, Janaka's daughter (Sītā), while moving high above the ocean, would have surely fallen, writhing, into the sea.
आहो क्षुद्रेण चानेन रक्षन्ती शीलमात्मनः ।
अबन्धुर्भक्षिता सीता रावणेन तपस्विनी ॥११॥
11. āho kṣudreṇa cānena rakṣantī śīlamātmanaḥ ,
abandhurbhakṣitā sītā rāvaṇena tapasvinī.
11. āho kṣudreṇa ca anena rakṣantī śīlam ātmanaḥ
abandhuḥ bhakṣitā sītā rāvaṇena tapasvinī
11. āho abandhuḥ tapasvinī sītā ātmanaḥ śīlam
rakṣantī anena kṣudreṇa rāvaṇena ca bhakṣitā
11. Oh! Perhaps this pitiable (tapasvinī) Sītā, without kinsmen and protecting her own character (śīlam), has been devoured by this vile (kṣudra) Rāvaṇa.
अथ वा राक्षसेन्द्रस्य पत्नीभिरसितेक्षणा ।
अदुष्टा दुष्टभावाभिर्भक्षिता सा भविष्यति ॥१२॥
12. atha vā rākṣasendrasya patnībhirasitekṣaṇā ,
aduṣṭā duṣṭabhāvābhirbhakṣitā sā bhaviṣyati.
12. atha vā rākṣasendrasya patnībhiḥ asitekṣaṇā
aduṣṭā duṣṭabhāvābhiḥ bhakṣitā sā bhaviṣyati
12. atha vā asitekṣaṇā aduṣṭā sā rākṣasendrasya
duṣṭabhāvābhiḥ patnībhiḥ bhakṣitā bhaviṣyati
12. Or alternatively, she, the dark-eyed and innocent (aduṣṭā) one, will have been devoured by the wickedly intentioned (duṣṭabhāva) wives of the king of rākṣasas (Rāvaṇa).
संपूर्णचन्द्रप्रतिमं पद्मपत्रनिभेक्षणम् ।
रामस्य ध्यायती वक्त्रं पञ्चत्वं कृपणा गता ॥१३॥
13. saṃpūrṇacandrapratimaṃ padmapatranibhekṣaṇam ,
rāmasya dhyāyatī vaktraṃ pañcatvaṃ kṛpaṇā gatā.
13. saṃpūrṇacandrapratimam padmapatranibhekṣaṇam
rāmasya dhyāyatī vaktram pañcatvam kṛpaṇā gatā
13. kṛpaṇā rāmasya saṃpūrṇacandrapratimam
padmapatranibhekṣaṇam vaktram dhyāyatī pañcatvam gatā
13. The miserable (kṛpaṇā) Sītā, meditating on Rāma's face – which is like the full moon and has eyes resembling lotus petals – has met her death.
हा राम लक्ष्मणेत्येव हायोध्येति च मैथिली ।
विलप्य बहु वैदेही न्यस्तदेहा भविष्यति ॥१४॥
14. hā rāma lakṣmaṇetyeva hāyodhyeti ca maithilī ,
vilapya bahu vaidehī nyastadehā bhaviṣyati.
14. hā rāma lakṣmaṇa iti eva hā ayodhyā iti ca maithilī
| vilapya bahu vaidehī nyastadehā bhaviṣyati
14. maithilī vaidehī hā rāma lakṣmaṇa iti eva hā
ayodhyā iti ca bahu vilapya nyastadehā bhaviṣyati
14. Calling out "Oh Rāma! Oh Lakṣmaṇa!" and "Oh Ayodhyā!" – Maithilī (Sītā), having lamented profusely, will abandon her body.
अथ वा निहिता मन्ये रावणस्य निवेशने ।
नूनं लालप्यते मन्दं पञ्जरस्थेव शारिका ॥१५॥
15. atha vā nihitā manye rāvaṇasya niveśane ,
nūnaṃ lālapyate mandaṃ pañjarastheva śārikā.
15. atha vā nihitā manye rāvaṇasya niveśane |
nūnam lālapyate mandam pañjarasthā iva śārikā
15. atha vā manye (sā) rāvaṇasya niveśane nihitā
nūnam sā pañjarasthā śārikā iva mandam lālapyate
15. Alternatively, I believe she is being held in Rāvaṇa's residence. Surely, she must be lamenting softly there, like a starling confined to a cage.
जनकस्य कुले जाता रामपत्नी सुमध्यमा ।
कथमुत्पलपत्राक्षी रावणस्य वशं व्रजेत् ॥१६॥
16. janakasya kule jātā rāmapatnī sumadhyamā ,
kathamutpalapatrākṣī rāvaṇasya vaśaṃ vrajet.
16. janakasya kule jātā rāmapatnī sumadhyamā |
katham utpalapatrākṣī rāvaṇasya vaśam vrajet
16. janakasya kule jātā rāmapatnī sumadhyamā
utpalapatrākṣī (sā) rāvaṇasya vaśam katham vrajet
16. How could she, born into Janaka's family, the slender-waisted wife of Rāma, whose eyes resemble lotus petals, ever fall under Rāvaṇa's control?
विनष्टा वा प्रनष्टा वा मृता वा जनकात्मजा ।
रामस्य प्रियभार्यस्य न निवेदयितुं क्षमम् ॥१७॥
17. vinaṣṭā vā pranaṣṭā vā mṛtā vā janakātmajā ,
rāmasya priyabhāryasya na nivedayituṃ kṣamam.
17. vinaṣṭā vā pranaṣṭā vā mṛtā vā janakātmajā |
rāmasya priyabhāryasya na nivedayitum kṣamam
17. janakātmajā (sā) vinaṣṭā vā pranaṣṭā vā mṛtā vā
priyabhāryasya rāmasya (tām etad) nivedayitum na kṣamam
17. Whether Janaka's daughter (Sītā) is lost, completely destroyed, or dead, it is not appropriate to report such news to Rāma, whose beloved wife she is.
निवेद्यमाने दोषः स्याद्दोषः स्यादनिवेदने ।
कथं नु खलु कर्तव्यं विषमं प्रतिभाति मे ॥१८॥
18. nivedyamāne doṣaḥ syāddoṣaḥ syādanivedane ,
kathaṃ nu khalu kartavyaṃ viṣamaṃ pratibhāti me.
18. nivedyamāne doṣaḥ syāt doṣaḥ syāt anivedane
kathaṃ nu khalu kartavyaṃ viṣamam pratibhāti me
18. A fault would arise if I report it, and a fault would arise if I do not report it. How indeed should this be done? The situation seems perplexing to me.
अस्मिन्नेवंगते कर्ये प्राप्तकालं क्षमं च किम् ।
भवेदिति मतिं भूयो हनुमान्प्रविचारयन् ॥१९॥
19. asminnevaṃgate karye prāptakālaṃ kṣamaṃ ca kim ,
bhavediti matiṃ bhūyo hanumānpravicārayan.
19. asmin evaṃgate karye prāptakālaṃ kṣamaṃ ca kim
bhavet iti matiṃ bhūyaḥ hanumān pravicārayan
19. What would be timely and suitable in this matter, which has thus reached this state? Reflecting in this way, Hanumān deliberated further.
यदि सीतामदृष्ट्वाहं वानरेन्द्रपुरीमितः ।
गमिष्यामि ततः को मे पुरुषार्थो भविष्यति ॥२०॥
20. yadi sītāmadṛṣṭvāhaṃ vānarendrapurīmitaḥ ,
gamiṣyāmi tataḥ ko me puruṣārtho bhaviṣyati.
20. yadi sītām adṛṣṭvā ahaṃ vānarendrapurīm itaḥ
gamiṣyāmi tataḥ kaḥ me puruṣārthaḥ bhaviṣyati
20. If I return from here to the city of the vānara king without seeing Sītā, then what will be my ultimate human objective (puruṣārtha)?
ममेदं लङ्घनं व्यर्थं सागरस्य भविष्यति ।
प्रवेशश्चिव लङ्काया राक्षसानां च दर्शनम् ॥२१॥
21. mamedaṃ laṅghanaṃ vyarthaṃ sāgarasya bhaviṣyati ,
praveśaściva laṅkāyā rākṣasānāṃ ca darśanam.
21. mama idaṃ laṅghanaṃ vyarthaṃ sāgarasya bhaviṣyati
praveśaḥ ca iha laṅkāyāḥ rākṣasānām ca darśanam
21. This crossing of the ocean by me will be in vain, as will my entry into Laṅkā and the sight of the rākṣasas.
किं वा वक्ष्यति सुग्रीवो हरयो व समागताः ।
किष्किन्धां समनुप्राप्तौ तौ वा दशरथात्मजौ ॥२२॥
22. kiṃ vā vakṣyati sugrīvo harayo va samāgatāḥ ,
kiṣkindhāṃ samanuprāptau tau vā daśarathātmajau.
22. kim vā vakṣyati sugrīvaḥ harayaḥ vā samāgatāḥ
kiṣkindhām samanuprāptau tau vā daśarathātmajau
22. tau daśarathātmajau kiṣkindhām samanuprāptau vā
sugrīvaḥ kim vā vakṣyati vā harayaḥ samāgatāḥ
22. What will Sugrīva say, or what will the assembled monkeys say, when those two sons of Daśaratha have arrived in Kiṣkindhā?
गत्वा तु यदि काकुत्स्थं वक्ष्यामि परमप्रियम् ।
न दृष्टेति मया सीता ततस्त्यक्ष्यन्ति जीवितम् ॥२३॥
23. gatvā tu yadi kākutsthaṃ vakṣyāmi paramapriyam ,
na dṛṣṭeti mayā sītā tatastyakṣyanti jīvitam.
23. gatvā tu yadi kākutstham vakṣyāmi paramapriyam
na dṛṣṭā iti mayā sītā tataḥ tyakṣyanti jīvitam
23. yadi gatvā tu paramapriyam kākutstham mayā sītā
na dṛṣṭā iti vakṣyāmi tataḥ jīvitam tyakṣyanti
23. If, upon returning, I tell the highly beloved son of Kakutstha (Rāma) that Sītā has not been seen by me, then they (Rāma and Lakṣmaṇa) will surely abandon their lives.
परुषं दारुणं क्रूरं तीक्ष्णमिन्द्रियतापनम् ।
सीतानिमित्तं दुर्वाक्यं श्रुत्वा स न भविष्यति ॥२४॥
24. paruṣaṃ dāruṇaṃ krūraṃ tīkṣṇamindriyatāpanam ,
sītānimittaṃ durvākyaṃ śrutvā sa na bhaviṣyati.
24. paruṣam dāruṇam krūram tīkṣṇam indriyatāpanam
sītānimittam durvākyam śrutvā sa na bhaviṣyati
24. sītānimittam paruṣam dāruṇam krūram tīkṣṇam
indriyatāpanam durvākyam śrutvā sa na bhaviṣyati
24. Having heard such harsh, dreadful, cruel, sharp, and sense-tormenting bad words concerning Sītā, he (Rāma) will cease to exist.
तं तु कृच्छ्रगतं दृष्ट्वा पञ्चत्वगतमानसं ।
भृशानुरक्तो मेधावी न भविष्यति लक्ष्मणः ॥२५॥
25. taṃ tu kṛcchragataṃ dṛṣṭvā pañcatvagatamānasaṃ ,
bhṛśānurakto medhāvī na bhaviṣyati lakṣmaṇaḥ.
25. tam tu kṛcchragatam dṛṣṭvā pañcatvagatamanasam
bhṛśānuraktaḥ medhāvī na bhaviṣyati lakṣmaṇaḥ
25. kṛcchragatam pañcatvagatamanasam tam dṛṣṭvā tu
bhṛśānuraktaḥ medhāvī lakṣmaṇaḥ na bhaviṣyati
25. Having seen him (Rāma) fallen into such distress, with his mind ready to depart (i.e., on the verge of death), the deeply devoted and intelligent Lakṣmaṇa will also cease to exist.
विनष्टौ भ्रातरौ श्रुत्वा भरतो ऽपि मरिष्यति ।
भरतं च मृतं दृष्ट्वा शत्रुघ्नो न भविष्यति ॥२६॥
26. vinaṣṭau bhrātarau śrutvā bharato'pi mariṣyati ,
bharataṃ ca mṛtaṃ dṛṣṭvā śatrughno na bhaviṣyati.
26. vinaṣṭau bhrātarau śrutvā bharataḥ api mariṣyati
bharatam ca mṛtam dṛṣṭvā śatrughnaḥ na bhaviṣyati
26. bharataḥ vinaṣṭau bhrātarau śrutvā api mariṣyati
śatrughnaḥ mṛtam bharatam ca dṛṣṭvā na bhaviṣyati
26. When Bharata hears that his two brothers have perished, he too will die. And when Shatrughna sees Bharata dead, he will not survive.
पुत्रान्मृतान् समीक्ष्याथ न भविष्यन्ति मातरः ।
कौसल्या च सुमित्रा च कैकेयी च न संशयः ॥२७॥
27. putrānmṛtān samīkṣyātha na bhaviṣyanti mātaraḥ ,
kausalyā ca sumitrā ca kaikeyī ca na saṃśayaḥ.
27. putrān mṛtān samīkṣya atha na bhaviṣyanti mātaraḥ
kausalyā ca sumitrā ca kaikeyī ca na saṃśayaḥ
27. mātaraḥ putrān mṛtān samīkṣya atha na bhaviṣyanti
kausalyā ca sumitrā ca kaikeyī ca na saṃśayaḥ
27. After seeing their sons dead, the mothers too will not survive. This applies to Kausalya, Sumitra, and Kaikeyi, without a doubt.
कृतज्ञः सत्यसंधश्च सुग्रीवः प्लवगाधिपः ।
रामं तथा गतं दृष्ट्वा ततस्त्यक्ष्यन्ति जीवितम् ॥२८॥
28. kṛtajñaḥ satyasaṃdhaśca sugrīvaḥ plavagādhipaḥ ,
rāmaṃ tathā gataṃ dṛṣṭvā tatastyakṣyanti jīvitam.
28. kṛtajñaḥ satyasaṃdhaḥ ca sugrīvaḥ plavagādhipaḥ
rāmam tathā gatam dṛṣṭvā tataḥ tyakṣyanti jīvitam
28. kṛtajñaḥ satyasaṃdhaḥ ca plavagādhipaḥ sugrīvaḥ
tathā gatam rāmam dṛṣṭvā tataḥ jīvitam tyakṣyanti
28. Sugriva, the grateful (kṛtajña) and truthful (satyasaṃdha) lord of the monkeys, upon seeing Rama thus departed, then many will abandon their lives.
दुर्मना व्यथिता दीना निरानन्दा तपस्विनी ।
पीडिता भर्तृशोकेन रुमा त्यक्ष्यति जीवितम् ॥२९॥
29. durmanā vyathitā dīnā nirānandā tapasvinī ,
pīḍitā bhartṛśokena rumā tyakṣyati jīvitam.
29. durmanā vyathitā dīnā nirānandā tapasvinī
pīḍitā bhartṛśokena rumā tyakṣyati jīvitam
29. durmanā vyathitā dīnā nirānandā tapasvinī
bhartṛśokena pīḍitā rumā jīvitam tyakṣyati
29. Ruma, distressed in mind (durmanā), afflicted, miserable, joyless, and pitiable (tapasvinī), tormented by the grief for her husband, will abandon her life.
वालिजेन तु दुःखेन पीडिता शोककर्शिता ।
पञ्चत्वगमने राज्ञस्तारापि न भविष्यति ॥३०॥
30. vālijena tu duḥkhena pīḍitā śokakarśitā ,
pañcatvagamane rājñastārāpi na bhaviṣyati.
30. vālijena tu duḥkhena pīḍitā śokakarśitā
pañcatvagamane rājñaḥ tārā api na bhaviṣyati
30. tārā api vālijena duḥkhena pīḍitā śokakarśitā
rājñaḥ pañcatvagamane na bhaviṣyati
30. Tortured by the suffering caused by Vāli and emaciated by grief, even Tārā will not survive the king's death.
मातापित्रोर्विनाशेन सुग्रीव व्यसनेन च ।
कुमारो ऽप्यङ्गदः कस्माद्धारयिष्यति जीवितम् ॥३१॥
31. mātāpitrorvināśena sugrīva vyasanena ca ,
kumāro'pyaṅgadaḥ kasmāddhārayiṣyati jīvitam.
31. mātāpitroḥ vināśena sugrīva vyasanena ca
kumāraḥ api aṅgadaḥ kasmāt dhārayiṣyati jīvitam
31. sugrīva mātāpitroḥ vināśena ca vyasanena api
kumāraḥ aṅgadaḥ kasmāt jīvitam dhārayiṣyati
31. O Sugrīva, how will prince Aṅgada sustain his life, due to the destruction of his parents and also by misfortune?
भर्तृजेन तु शोकेन अभिभूता वनौकसः ।
शिरांस्यभिहनिष्यन्ति तलैर्मुष्टिभिरेव च ॥३२॥
32. bhartṛjena tu śokena abhibhūtā vanaukasaḥ ,
śirāṃsyabhihaniṣyanti talairmuṣṭibhireva ca.
32. bhartṛjena tu śokena abhibhūtā vanaukasaḥ
śirāṃsi abhihaniṣyanti talaiḥ muṣṭibhiḥ eva ca
32. tu bhartṛjena śokena abhibhūtā vanaukasaḥ
talaiḥ muṣṭibhiḥ eva ca śirāṃsi abhihaniṣyanti
32. Overwhelmed by the grief caused by their lord's death, the forest-dwellers will strike their heads with their palms and with their fists.
सान्त्वेनानुप्रदानेन मानेन च यशस्विना ।
लालिताः कपिराजेन प्राणांस्त्यक्ष्यन्ति वानराः ॥३३॥
33. sāntvenānupradānena mānena ca yaśasvinā ,
lālitāḥ kapirājena prāṇāṃstyakṣyanti vānarāḥ.
33. sāntvena anupradānena mānena ca yaśasvinā
lālitāḥ kapirājena prāṇān tyakṣyanti vānarāḥ
33. kapirājena sāntvena anupradānena ca yaśasvinā
mānena lālitāḥ vānarāḥ prāṇān tyakṣyanti
33. The Vānaras, having been cherished by the king of monkeys with comfort, gifts, and glorious respect, will give up their lives.
न वनेषु न शैलेषु न निरोधेषु वा पुनः ।
क्रीडामनुभविष्यन्ति समेत्य कपिकुञ्जराः ॥३४॥
34. na vaneṣu na śaileṣu na nirodheṣu vā punaḥ ,
krīḍāmanubhaviṣyanti sametya kapikuñjarāḥ.
34. na vaneṣu na śaileṣu na nirodheṣu vā punaḥ
krīḍām anubhavisyanti sametya kapikuñjarāḥ
34. kapikuñjarāḥ sametya vaneṣu na śaileṣu na
nirodheṣu vā punaḥ krīḍām anubhavisyanti
34. The great monkeys, after gathering, will no longer find enjoyment in forests, on mountains, or in enclosed spaces.
सपुत्रदाराः सामात्या भर्तृव्यसनपीडिताः ।
शैलाग्रेभ्यः पतिष्यन्ति समेत्य विषमेषु च ॥३५॥
35. saputradārāḥ sāmātyā bhartṛvyasanapīḍitāḥ ,
śailāgrebhyaḥ patiṣyanti sametya viṣameṣu ca.
35. sa-putra-dārāḥ sa-amātyāḥ bhartṛ-vyasana-pīḍitāḥ
śaila-agrebhyaḥ patiṣyanti sametya viṣameṣu ca
35. bhartṛ-vyasana-pīḍitāḥ sa-putra-dārāḥ sa-amātyāḥ
sametya śaila-agrebhyaḥ viṣameṣu ca patiṣyanti
35. Afflicted by their lord's misfortune, they, along with their sons, wives, and ministers, will gather and fall from mountain peaks and into perilous places.
विषमुद्बन्धनं वापि प्रवेशं ज्वलनस्य वा ।
उपवासमथो शस्त्रं प्रचरिष्यन्ति वानराः ॥३६॥
36. viṣamudbandhanaṃ vāpi praveśaṃ jvalanasya vā ,
upavāsamatho śastraṃ pracariṣyanti vānarāḥ.
36. viṣam udbandhanam vā api praveśam jvalanasya
vā upavāsam atho śastram pracariṣyanti vānarāḥ
36. vānarāḥ viṣam udbandhanam vā api jvalanasya
praveśam vā upavāsam atho śastram pracariṣyanti
36. The monkeys will resort to taking poison, or hanging themselves, or entering a fire, or fasting, or using a weapon.
घोरमारोदनं मन्ये गते मयि भविष्यति ।
इक्ष्वाकुकुलनाशश्च नाशश्चैव वनौकसाम् ॥३७॥
37. ghoramārodanaṃ manye gate mayi bhaviṣyati ,
ikṣvākukulanāśaśca nāśaścaiva vanaukasām.
37. ghoram ārodanam manye gate mayi bhaviṣyati
ikṣvāku-kula-nāśaḥ ca nāśaḥ ca eva vanaukasām
37. manye mayi gate ghoram ārodanam bhaviṣyati,
ikṣvāku-kula-nāśaḥ ca vanaukasām nāśaḥ ca eva
37. I believe that a terrible wailing will ensue after my departure, along with the ruin of the Ikṣvāku lineage and, indeed, of the forest-dwelling monkeys.
सो ऽहं नैव गमिष्यामि किष्किन्धां नगरीमितः ।
न हि शक्ष्याम्यहं द्रष्टुं सुग्रीवं मैथिलीं विना ॥३८॥
38. so'haṃ naiva gamiṣyāmi kiṣkindhāṃ nagarīmitaḥ ,
na hi śakṣyāmyahaṃ draṣṭuṃ sugrīvaṃ maithilīṃ vinā.
38. saḥ aham na eva gamiṣyāmi kiṣkindhām nagarīm itaḥ
na hi śakṣyāmi aham draṣṭum sugrīvam maithilīm vinā
38. saḥ aham itaḥ nagarīm kiṣkindhām na eva gamiṣyāmi
aham maithilīm vinā sugrīvam draṣṭum na hi śakṣyāmi
38. Therefore, I will certainly not go to the city of Kiṣkindhā from this place. Indeed, I will not be able to see Sugrīva without Maithilī.
मय्यगच्छति चेहस्थे धर्मात्मानौ महारथौ ।
आशया तौ धरिष्येते वनराश्च मनस्विनः ॥३९॥
39. mayyagacchati cehasthe dharmātmānau mahārathau ,
āśayā tau dhariṣyete vanarāśca manasvinaḥ.
39. mayi agacchati ca ihasthe dharmātmānau mahārathau
āśayā tau dhariṣyete vanarāḥ ca manasvinaḥ
39. mayi agacchati ca ihasthe tau dharmātmānau
mahārathau ca manasvinaḥ vanarāḥ āśayā dhariṣyete
39. If I do not go and remain here, those two great warriors, righteous in their souls (ātman) according to natural law (dharma), and the high-minded Vānaras, will be sustained only by hope.
हस्तादानो मुखादानो नियतो वृक्षमूलिकः ।
वानप्रस्थो भविष्यामि अदृष्ट्वा जनकात्मजाम् ॥४०॥
40. hastādāno mukhādāno niyato vṛkṣamūlikaḥ ,
vānaprastho bhaviṣyāmi adṛṣṭvā janakātmajām.
40. hastādānaḥ mukhādānaḥ niyataḥ vṛkṣamūlikaḥ
vānaprasthaḥ bhaviṣyāmi adṛṣṭvā janakātmajām
40. janakātmajām adṛṣṭvā aham niyataḥ hastādānaḥ
mukhādānaḥ vṛkṣamūlikaḥ vānaprasthaḥ bhaviṣyāmi
40. Without seeing Janaka's daughter, I will become a self-controlled forest hermit (vānaprastha), gathering my food with my hands or directly with my mouth, and residing at the foot of a tree.
सागरानूपजे देशे बहुमूलफलोदके ।
चितां कृत्वा प्रवेक्ष्यामि समिद्धमरणीसुतम् ॥४१॥
41. sāgarānūpaje deśe bahumūlaphalodake ,
citāṃ kṛtvā pravekṣyāmi samiddhamaraṇīsutam.
41. sāgarānūpaje deśe bahumūlaphalodake citām
kṛtvā pravekṣyāmi samiddham araṇīsutam
41. sāgarānūpaje bahumūlaphalodake deśe citām
kṛtvā samiddham araṇīsutam pravekṣyāmi
41. In a region along the seashore, abundant with roots, fruits, and water, I will prepare a pyre and enter the blazing fire.
उपविष्टस्य वा सम्यग् लिङ्गिनं साधयिष्यतः ।
शरीरं भक्षयिष्यन्ति वायसाः श्वापदानि च ॥४२॥
42. upaviṣṭasya vā samyag liṅginaṃ sādhayiṣyataḥ ,
śarīraṃ bhakṣayiṣyanti vāyasāḥ śvāpadāni ca.
42. upaviṣṭasya vā samyak liṅginam sādhayiṣyataḥ
śarīram bhakṣayiṣyanti vāyasāḥ śvāpadāni ca
42. vāyasāḥ ca śvāpadāni upaviṣṭasya vā samyak
liṅginam sādhayiṣyataḥ śarīram bhakṣayiṣyanti
42. Crows and carnivorous animals will devour the body of one who is (just) seated [for a fast], or of one who properly performs an ascetic observance (liṅgin).
इदमप्य् ऋषिभिर्दृष्टं निर्याणमिति मे मतिः ।
सम्यगापः प्रवेक्ष्यामि न चेत् पश्यामि जानकीम् ॥४३॥
43. idamapy ṛṣibhirdṛṣṭaṃ niryāṇamiti me matiḥ ,
samyagāpaḥ pravekṣyāmi na cet paśyāmi jānakīm.
43. idam api ṛṣibhiḥ dṛṣṭam niryāṇam iti me matiḥ
samyak āpaḥ pravekṣyāmi na cet paśyāmi jānakīm
43. idam api ṛṣibhiḥ dṛṣṭam niryāṇam iti me matiḥ
cet jānakīm na paśyāmi samyak āpaḥ pravekṣyāmi
43. My conviction is that this kind of departure (niryāṇa) has also been approved by sages (ṛṣi). If I do not see Janaki, I will properly enter the waters.
सुजातमूला सुभगा कीर्तिमालायशस्विनी ।
प्रभग्ना चिररात्रीयं मम सीतामपश्यतः ॥४४॥
44. sujātamūlā subhagā kīrtimālāyaśasvinī ,
prabhagnā cirarātrīyaṃ mama sītāmapaśyataḥ.
44. sujātamūlā subhagā kīrtimālā yaśasvinī
prabhagnā cirarātrī iyam mama sītām apaśyataḥ
44. mama sītām apaśyataḥ (eṣā) sujātamūlā subhagā
kīrtimālā yaśasvinī iyam cirarātrī prabhagnā
44. This long, long night of my not seeing Sītā, which was well-founded, auspicious, a garland of fame, and glorious, has now been shattered.
तापसो वा भविष्यामि नियतो वृक्षमूलिकः ।
नेतः प्रतिगमिष्यामि तामदृष्ट्वासितेक्षणाम् ॥४५॥
45. tāpaso vā bhaviṣyāmi niyato vṛkṣamūlikaḥ ,
netaḥ pratigamiṣyāmi tāmadṛṣṭvāsitekṣaṇām.
45. tāpasaḥ vā bhaviṣyāmi niyataḥ vṛkṣamūlikaḥ na
itaḥ pratigamiṣyāmi tām adṛṣṭvā asitekṣaṇām
45. vā aham niyataḥ vṛkṣamūlikaḥ tāpasaḥ bhaviṣyāmi
na itaḥ tām asitekṣaṇām adṛṣṭvā pratigamiṣyāmi
45. Alternatively, I will become an ascetic (tāpasa), self-controlled, dwelling at the foot of a tree (vṛkṣamūlika). I will not return from here without seeing that dark-eyed (asitekṣaṇā) one.
यदीतः प्रतिगच्छामि सीतामनधिगम्य ताम् ।
अङ्गदः सहितैः सर्वैर्वानरैर्न भविष्यति ॥४६॥
46. yadītaḥ pratigacchāmi sītāmanadhigamya tām ,
aṅgadaḥ sahitaiḥ sarvairvānarairna bhaviṣyati.
46. yadi itaḥ pratigacchāmi sītām anadhigamya tām
aṅgadaḥ sahitaiḥ sarvaiḥ vānaraiḥ na bhaviṣyati
46. yadi itaḥ tām sītām anadhigamya pratigacchāmi
aṅgadaḥ sarvaiḥ sahitaiḥ vānaraiḥ na bhaviṣyati
46. If I return from this place without having found Sītā, then Aṅgada, along with all the other monkeys, will not survive.
विनाशे बहवो दोषा जीवन्प्राप्नोति भद्रकम् ।
तस्मात् प्राणान्धरिष्यामि ध्रुवो जीवति संगमः ॥४७॥
47. vināśe bahavo doṣā jīvanprāpnoti bhadrakam ,
tasmāt prāṇāndhariṣyāmi dhruvo jīvati saṃgamaḥ.
47. vināśe bahavaḥ doṣāḥ jīvan prāpnoti bhadrakam
tasmāt prāṇān dhārayiṣyāmi dhruvaḥ jīvati saṃgamaḥ
47. vināśe bahavaḥ doṣāḥ jīvan bhadrakam prāpnoti
tasmāt prāṇān dhārayiṣyāmi jīvati saṃgamaḥ dhruvaḥ
47. There are many drawbacks in perishing; while living, one obtains auspicious things. Therefore, I will preserve my life, for reunion (saṃgama) is certain if one remains alive.
एवं बहुविधं दुःखं मनसा धारयन्मुहुः ।
नाध्यगच्छत्तदा पारं शोकस्य कपिकुञ्जरः ॥४८॥
48. evaṃ bahuvidhaṃ duḥkhaṃ manasā dhārayanmuhuḥ ,
nādhyagacchattadā pāraṃ śokasya kapikuñjaraḥ.
48. evam bahuvidham duḥkham manasā dhārayan muhuḥ
na adhyagacchat tadā pāram śokasya kapikuñjaraḥ
48. evam bahuvidham duḥkham manasā muhuḥ dhārayan
tadā kapikuñjaraḥ śokasya pāram na adhyagacchat
48. Thus, repeatedly contemplating this multi-faceted sorrow (duḥkha) in his mind, the foremost of monkeys (Hanuman) could not then reach the other shore of his grief (śoka).
रावणं वा वधिष्यामि दशग्रीवं महाबलम् ।
काममस्तु हृता सीता प्रत्याचीर्णं भविष्यति ॥४९॥
49. rāvaṇaṃ vā vadhiṣyāmi daśagrīvaṃ mahābalam ,
kāmamastu hṛtā sītā pratyācīrṇaṃ bhaviṣyati.
49. rāvaṇam vā vadhiṣyāmi daśagrīvam mahābalam
kāmam astu hṛtā sītā pratyācīrṇam bhaviṣyati
49. vā rāvaṇam daśagrīvam mahābalam vadhiṣyāmi
sītā hṛtā kāmam astu pratyācīrṇam bhaviṣyati
49. Or I will kill Rāvaṇa, the mighty (mahābala) ten-necked (Daśagrīva) one. Even if Sītā has been taken (hṛtā), retribution (pratyācīrṇa) will surely occur.
अथ वैनं समुत्क्षिप्य उपर्युपरि सागरम् ।
रामायोपहरिष्यामि पशुं पशुपतेरिव ॥५०॥
50. atha vainaṃ samutkṣipya uparyupari sāgaram ,
rāmāyopahariṣyāmi paśuṃ paśupateriva.
50. atha vai enam samutkṣipya upari upari sāgaram
rāmāya upahariṣyāmi paśum paśupateḥ iva
50. Then, having lifted her (Sītā) high above the ocean, I will present her to Rāma, just as an animal is offered to Paśupati.
इति चिन्ता समापन्नः सीतामनधिगम्य ताम् ।
ध्यानशोका परीतात्मा चिन्तयामास वानरः ॥५१॥
51. iti cintā samāpannaḥ sītāmanadhigamya tām ,
dhyānaśokā parītātmā cintayāmāsa vānaraḥ.
51. iti cintā samāpannaḥ sītām anadhigamya tām
dhyānaśokā parītātmā cintayāmāsa vānaraḥ
51. Having thus become filled with worry because he had not found that Sītā, the monkey (vānanra), his spirit (ātman) enveloped in deep contemplation (dhyāna) and sorrow, continued to ponder.
यावत् सीतां न पश्यामि रामपत्नीं यशस्विनीम् ।
तावदेतां पुरीं लङ्कां विचिनोमि पुनः पुनः ॥५२॥
52. yāvat sītāṃ na paśyāmi rāmapatnīṃ yaśasvinīm ,
tāvadetāṃ purīṃ laṅkāṃ vicinomi punaḥ punaḥ.
52. yāvat sītām na paśyāmi rāmapatnīm yaśasvinīm
tāvat etām purīm laṅkām vicinomi punaḥ punaḥ
52. As long as I do not see Sītā, the glorious wife of Rāma, I will search this city of Laṅkā again and again.
संपाति वचनाच्चापि रामं यद्यानयाम्यहम् ।
अपश्यन् राघवो भार्यां निर्दहेत् सर्ववानरान् ॥५३॥
53. saṃpāti vacanāccāpi rāmaṃ yadyānayāmyaham ,
apaśyan rāghavo bhāryāṃ nirdahet sarvavānarān.
53. sampāti vacanāt ca api rāmam yadi ānayāmi aham
apaśyan rāghavaḥ bhāryām nirdahet sarvavānarān
53. And even if I were to bring Rāma here, based on Sampāti's instructions, Rāghava (Rāma), upon not finding his wife, would surely incinerate all the monkeys.
इहैव नियताहारो वत्स्यामि नियतेन्द्रियः ।
न मत्कृते विनश्येयुः सर्वे ते नरवानराः ॥५४॥
54. ihaiva niyatāhāro vatsyāmi niyatendriyaḥ ,
na matkṛte vinaśyeyuḥ sarve te naravānarāḥ.
54. iha eva niyata-āhāraḥ vatsyāmi niyata-indriyaḥ
na mat-kṛte vinaśyeyuḥ sarve te nara-vānaraḥ
54. I will stay right here, observing a regulated diet and controlling my senses. Let not all those men and monkeys perish on my account.
अशोकवनिका चापि महतीयं महाद्रुमा ।
इमामभिगमिष्यामि न हीयं विचिता मया ॥५५॥
55. aśokavanikā cāpi mahatīyaṃ mahādrumā ,
imāmabhigamiṣyāmi na hīyaṃ vicitā mayā.
55. aśoka-vanikā ca api mahatī iyam mahā-drumā
imām abhigamiṣyāmi na hi iyam vicita mayā
55. I will go to this large Aśoka grove, which has mighty trees, for indeed, it has not yet been searched by me.
वसून् रुद्रांस्तथादित्यानश्विनौ मरुतो ऽपि च ।
नमस्कृत्वा गमिष्यामि रक्षसां शोकवर्धनः ॥५६॥
56. vasūn rudrāṃstathādityānaśvinau maruto'pi ca ,
namaskṛtvā gamiṣyāmi rakṣasāṃ śokavardhanaḥ.
56. vasūn rudrān tathā ādityān aśvinau marutaḥ api
ca namaskṛtvā gamiṣyāmi rakṣasām śoka-vardhanaḥ
56. Having saluted the Vasus, Rudras, Adityas, as well as the two Aśvins and the Maruts, I will proceed, [acting as] one who increases the sorrow of the Rākṣasas.
जित्वा तु राक्षसान्देवीमिक्ष्वाकुकुलनन्दिनीम् ।
संप्रदास्यामि रामाया यथासिद्धिं तपस्विने ॥५७॥
57. jitvā tu rākṣasāndevīmikṣvākukulanandinīm ,
saṃpradāsyāmi rāmāyā yathāsiddhiṃ tapasvine.
57. jitvā tu rākṣasān devīm ikṣvāku-kula-nandinīm
saṃpradāsyāmi rāmāyā yathā-siddhim tapasvine
57. Having indeed vanquished the Rākṣasas, I will deliver the princess, the joy of the Ikṣvāku lineage, to Rāma, the ascetic, as [I have achieved] success.
स मुहूर्तमिव ध्यात्वा चिन्ताविग्रथितेन्द्रियः ।
उदतिष्ठन्महाबाहुर्हनूमान्मारुतात्मजः ॥५८॥
58. sa muhūrtamiva dhyātvā cintāvigrathitendriyaḥ ,
udatiṣṭhanmahābāhurhanūmānmārutātmajaḥ.
58. saḥ muhūrtam iva dhyātvā cintā-vigrathita-indriyaḥ
udatiṣṭhat mahābāhuḥ hanumān māruta-ātmajaḥ
58. hanumān māruta-ātmajaḥ mahābāhuḥ cintā-vigrathita-indriyaḥ
saḥ muhūrtam iva dhyātvā udatiṣṭhat
58. Having pondered for a moment, his senses entangled by worry, the mighty-armed Hanuman, son of Maruta, stood up.
नमो ऽस्तु रामाय सलक्ष्मणाय देव्यै च तस्यै जनकात्मजायै ।
नमो ऽस्तु रुद्रेन्द्रयमानिलेभ्यो नमो ऽस्तु चन्द्रार्कमरुद्गणेभ्यः ॥५९॥
59. namo'stu rāmāya salakṣmaṇāya devyai ca tasyai janakātmajāyai ,
namo'stu rudrendrayamānilebhyo namo'stu candrārkamarudgaṇebhyaḥ.
59. namaḥ astu rāmāya salakṣmaṇāya devyai
ca tasyai janaka-ātmajāyai namaḥ
astu rudra-indra-yama-anilebhyaḥ
namaḥ astu candra-arka-marut-gaṇebhyaḥ
59. rāmāya salakṣmaṇāya namaḥ astu ca tasyai
devyai janaka-ātmajāyai namaḥ astu
rudra-indra-yama-anilebhyaḥ namaḥ astu
candra-arka-marut-gaṇebhyaḥ namaḥ astu
59. Salutations to Rama, along with Lakshmana! And salutations to that goddess, Janaka's daughter (Sītā)! Salutations to Rudra, Indra, Yama, and Anila! Salutations to the moon, the sun, and the hosts of Maruts!
स तेभ्यस्तु नमस्कृत्वा सुग्रीवाय च मारुतिः ।
दिशः सर्वाः समालोक्य अशोकवनिकां प्रति ॥६०॥
60. sa tebhyastu namaskṛtvā sugrīvāya ca mārutiḥ ,
diśaḥ sarvāḥ samālokya aśokavanikāṃ prati.
60. saḥ tebhyaḥ tu namaskṛtvā sugrīvāya ca mārutiḥ
diśaḥ sarvāḥ samālokya aśoka-vanikām prati
60. mārutiḥ saḥ tebhyaḥ tu sugrīvāya ca namaskṛtvā
sarvāḥ diśaḥ aśoka-vanikām prati samālokya
60. Having offered salutations to them and to Sugriva, Maruta's son (Hanuman) surveyed all directions towards the Ashoka grove.
स गत्वा मनसा पूर्वमशोकवनिकां शुभाम् ।
उत्तरं चिन्तयामास वानरो मारुतात्मजः ॥६१॥
61. sa gatvā manasā pūrvamaśokavanikāṃ śubhām ,
uttaraṃ cintayāmāsa vānaro mārutātmajaḥ.
61. saḥ gatvā manasā pūrvam aśoka-vanikām śubhām
uttaram cintayāmāsa vānaraḥ māruta-ātmajaḥ
61. saḥ vānaraḥ māruta-ātmajaḥ pūrvam manasā
śubhām aśoka-vanikām gatvā uttaram cintayāmāsa
61. Having first mentally proceeded to the beautiful Ashoka grove, that Vanara, the son of Maruta (Hanuman), then deeply pondered the next step.
ध्रुवं तु रक्षोबहुला भविष्यति वनाकुला ।
अशोकवनिका चिन्त्या सर्वसंस्कारसंस्कृता ॥६२॥
62. dhruvaṃ tu rakṣobahulā bhaviṣyati vanākulā ,
aśokavanikā cintyā sarvasaṃskārasaṃskṛtā.
62. dhruvam tu rakṣobahulā bhaviṣyati vanākulā
aśokavanikā cintyā sarvasaṃskārasaṃskṛtā
62. Indeed, the Ashoka grove will certainly be abundant with demons and teeming with trees. This Ashoka grove, endowed with all auspicious characteristics, must be carefully considered.
रक्षिणश्चात्र विहिता नूनं रक्षन्ति पादपान् ।
भगवानपि सर्वात्मा नातिक्षोभं प्रवायति ॥६३॥
63. rakṣiṇaścātra vihitā nūnaṃ rakṣanti pādapān ,
bhagavānapi sarvātmā nātikṣobhaṃ pravāyati.
63. rakṣiṇaḥ ca atra vihitāḥ nūnam rakṣanti pādapān
bhagavān api sarvātmā na atikṣobham pravāyati
63. And the guards appointed here certainly protect the trees. Even the revered one, the soul of all (sarvātmā), does not cause excessive agitation.
संक्षिप्तो ऽयं मयात्मा च रामार्थे रावणस्य च ।
सिद्धिं मे संविधास्यन्ति देवाः सर्षिगणास्त्विह ॥६४॥
64. saṃkṣipto'yaṃ mayātmā ca rāmārthe rāvaṇasya ca ,
siddhiṃ me saṃvidhāsyanti devāḥ sarṣigaṇāstviha.
64. saṃkṣiptaḥ ayam mayā ātmā ca rāmārthe rāvaṇasya ca
siddhim me saṃvidhāsyanti devāḥ sarṣigaṇāḥ tu iha
64. My very self (ātman) has been concisely prepared by me for the sake of Rāma and in relation to Rāvaṇa. The gods, along with the hosts of sages, will surely grant me success here.
ब्रह्मा स्वयम्भूर्भगवान्देवाश्चैव दिशन्तु मे ।
सिद्धिमग्निश्च वायुश्च पुरुहूतश्च वज्रधृत् ॥६५॥
65. brahmā svayambhūrbhagavāndevāścaiva diśantu me ,
siddhimagniśca vāyuśca puruhūtaśca vajradhṛt.
65. brahmā svayambhūḥ bhagavān devāḥ ca eva diśantu me
siddhim agniḥ ca vāyuḥ ca puruhūtaḥ ca vajradhṛt
65. May the revered self-existent Brahmā, and indeed all the gods, grant me success. And may Agni, and Vāyu, and Puruhūta (Indra), the wielder of the thunderbolt, also grant me success.
वरुणः पाशहस्तश्च सोमादित्यै तथैव च ।
अश्विनौ च महात्मानौ मरुतः सर्व एव च ॥६६॥
66. varuṇaḥ pāśahastaśca somādityai tathaiva ca ,
aśvinau ca mahātmānau marutaḥ sarva eva ca.
66. varuṇaḥ pāśahastaḥ ca somādityai tathā eva ca
aśvinau ca mahātmānau marutaḥ sarva eva ca
66. varuṇaḥ pāśahastaḥ ca somādityai tathā eva ca
aśvinau ca mahātmānau marutaḥ sarva eva ca
66. Varuṇa, holding a noose, as well as Soma and the Adityas, and the great-souled Aśvins, and all the Maruts.
सिद्धिं सर्वाणि भूतानि भूतानां चैव यः प्रभुः ।
दास्यन्ति मम ये चान्ये अदृष्टाः पथि गोचराः ॥६७॥
67. siddhiṃ sarvāṇi bhūtāni bhūtānāṃ caiva yaḥ prabhuḥ ,
dāsyanti mama ye cānye adṛṣṭāḥ pathi gocarāḥ.
67. siddhim sarvāṇi bhūtāni bhūtānām ca eva yaḥ prabhuḥ
dāsyanti mama ye ca anye adṛṣṭāḥ pathi gočarāḥ
67. sarvāṇi bhūtāni ca eva yaḥ prabhuḥ bhūtānām ca ye
anye adṛṣṭāḥ pathi gočarāḥ dāsyanti siddhim mama
67. All beings, and indeed he who is the lord of beings, and those other unseen ones who traverse the path, will give to me.
तदुन्नसं पाण्डुरदन्तमव्रणं शुचिस्मितं पद्मपलाशलोचनम् ।
द्रक्ष्ये तदार्यावदनं कदा न्वहं प्रसन्नताराधिपतुल्यदर्शनम् ॥६८॥
68. tadunnasaṃ pāṇḍuradantamavraṇaṃ śucismitaṃ padmapalāśalocanam ,
drakṣye tadāryāvadanaṃ kadā nvahaṃ prasannatārādhipatulyadarśanam.
68. tat unnasam pāṇḍuradantam avraṇam
śučismitam padmapalāśaločanam
drakṣye tat āryāvadanam kadā nu
aham prasannatārādhipatulyadarśanam
68. kadā nu aham drakṣye tat āryāvadanam
tat unnasam pāṇḍuradantam
avraṇam śučismitam padmapalāśaločanam
prasannatārādhipatulyadarśanam
68. When, indeed, shall I behold that noble face with its elevated nose, white teeth, unblemished purity, and pure smile, possessing eyes like lotus petals and an appearance like the serene lord of stars?
क्षुद्रेण पापेन नृशंसकर्मणा सुदारुणालांकृतवेषधारिणा ।
बलाभिभूता अबला तपस्विनी कथं नु मे दृष्टपथे ऽद्य सा भवेत् ॥६९॥
69. kṣudreṇa pāpena nṛśaṃsakarmaṇā sudāruṇālāṃkṛtaveṣadhāriṇā ,
balābhibhūtā abalā tapasvinī kathaṃ nu me dṛṣṭapathe'dya sā bhavet.
69. kṣudreṇa pāpena nṛśaṃsakarmaṇā
sudāruṇālaṅkṛtaveṣadhāriṇā
balābhibhūtā abalā tapasvinī katham
nu me dṛṣṭapathe adya sā bhavet
69. katham nu sā abalā tapasvinī
balābhibhūtā kṣudreṇa pāpena
nṛśaṃsakarmaṇā sudāruṇālaṅkṛtaveṣadhāriṇā
adya me dṛṣṭapathe bhavet
69. How can that helpless, pitiable woman, who was overpowered by force by a vile, sinful perpetrator of cruel deeds, clad in a terrifyingly ornate guise, appear before my eyes today?

Links to all chapters:

bāla kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76

ayodhyā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111

araṇya kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71

kiṣkindhā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

sundara kāṇḍa (current book)

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 (current chapter) Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

yuddha kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116

uttara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100