Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

वाल्मीकि-रामायणम्       vālmīki-rāmāyaṇam - book-7, chapter-35

Use the following checkboxes to set the display options for this chapter (You can also control the display of each verse separately):
what would you like to see in each verse:
अपृच्छत ततो रामो दक्षिणाशालयं मुनिम् ।
प्राञ्जलिर्विनयोपेत इदमाह वचो ऽर्थवत् ॥१॥
1. apṛcchata tato rāmo dakṣiṇāśālayaṃ munim ,
prāñjalirvinayopeta idamāha vaco'rthavat.
1. apṛcchata tataḥ rāmaḥ dakṣiṇāśālayaṃ munim
prāñjaliḥ vinayopetaḥ idam āha vacaḥ arthavat
1. tataḥ prāñjaliḥ vinayopetaḥ rāmaḥ dakṣiṇāśālayaṃ
munim apṛcchata idam arthavat vacaḥ āha
1. Then Rama, with folded hands and full of humility, addressed the sage residing in the southern region, speaking these meaningful words.
अतुलं बलमेताभ्यां वालिनो रावणस्य च ।
न त्वेतौ हनुमद्वीर्यैः समाविति मतिर्मम ॥२॥
2. atulaṃ balametābhyāṃ vālino rāvaṇasya ca ,
na tvetau hanumadvīryaiḥ samāviti matirmama.
2. atulaṃ balam etābhyām vālinaḥ rāvaṇasya ca na
tu etau hanumadvīryaiḥ samau iti matiḥ mama
2. vālinaḥ rāvaṇasya ca etābhyām atulaṃ balam tu
etau hanumadvīryaiḥ samau na iti mama matiḥ
2. The strength of Valin and Ravana is indeed incomparable. However, these two are not equal to the prowess of Hanuman; this is my opinion.
शौर्यं दाक्ष्यं बलं धैर्यं प्राज्ञता नयसाधनम् ।
विक्रमश्च प्रभावश्च हनूमति कृतालयाः ॥३॥
3. śauryaṃ dākṣyaṃ balaṃ dhairyaṃ prājñatā nayasādhanam ,
vikramaśca prabhāvaśca hanūmati kṛtālayāḥ.
3. śauryaṃ dākṣyaṃ balam dhairyaṃ prājñatā nayasādhanam
vikramaḥ ca prabhāvaḥ ca hanūmati kṛtālayāḥ
3. śauryaṃ dākṣyaṃ balam dhairyaṃ prājñatā nayasādhanam
vikramaḥ ca prabhāvaḥ ca hanūmati kṛtālayāḥ
3. Heroism, skill, strength, fortitude, wisdom, strategic capability, prowess, and influence have all made their abode in Hanuman.
दृष्ट्वोदधिं विषीदन्तीं तदैष कपिवाहिनीम् ।
समाश्वास्य कपीन्भूयो योजनानां शतं प्लुतः ॥४॥
4. dṛṣṭvodadhiṃ viṣīdantīṃ tadaiṣa kapivāhinīm ,
samāśvāsya kapīnbhūyo yojanānāṃ śataṃ plutaḥ.
4. dṛṣṭvā udadhim viṣīdantīm tadā eṣaḥ kapivāhinīm
samāśvāsya kapīn bhūyaḥ yojanānām śatam plutaḥ
4. eṣaḥ udadhim viṣīdantīm kapivāhinīm dṛṣṭvā tadā
kapīn samāśvāsya bhūyaḥ yojanānām śatam plutaḥ
4. Having seen the ocean, he then comforted the despondent monkey army, and subsequently leaped a hundred yojanas (a measure of distance).
धर्षयित्वा पुरीं लङ्कां रावणान्तःपुरं तथा ।
दृष्ट्वा संभाषिता चापि सीता विश्वासिता तथा ॥५॥
5. dharṣayitvā purīṃ laṅkāṃ rāvaṇāntaḥpuraṃ tathā ,
dṛṣṭvā saṃbhāṣitā cāpi sītā viśvāsitā tathā.
5. dharṣayitvā purīm laṅkām rāvaṇāntaḥpuram tathā
dṛṣṭvā saṃbhāṣitā ca api sītā viśvāṣitā tathā
5. Hanumān, having stormed the city of Laṅkā and also Rāvaṇa's inner palace, then saw Sītā, conversed with her, and thereby reassured her.
सेनाग्रगा मन्त्रिसुताः किंकरा रावणात्मजः ।
एते हनुमता तत्र एकेन विनिपातिताः ॥६॥
6. senāgragā mantrisutāḥ kiṃkarā rāvaṇātmajaḥ ,
ete hanumatā tatra ekena vinipātitāḥ.
6. senāgragāḥ mantrisutāḥ kiṅkarāḥ rāvaṇātmajaḥ
ete hanumatā tatra ekena vinipātitāḥ
6. The commanders of the army, the ministers' sons, attendants, and Rāvaṇa's son - these were all killed there by Hanumān, single-handedly.
भूयो बन्धाद्विमुक्तेन संभाषित्वा दशाननम् ।
लङ्का भस्मीकृता तेन पावकेनेव मेदिनी ॥७॥
7. bhūyo bandhādvimuktena saṃbhāṣitvā daśānanam ,
laṅkā bhasmīkṛtā tena pāvakeneva medinī.
7. bhūyaḥ bandhāt vimuktena saṃbhāṣitvā daśānanam
laṅkā bhasmīkṛtā tena pāvakena iva medinī
7. After being freed from captivity again, he (Hanumān), having conversed with the ten-headed Rāvaṇa, then reduced Laṅkā to ashes, just as the earth might be incinerated by a raging fire.
न कालस्य न शक्रस्य न विष्णोर्वित्तपस्य च ।
कर्माणि तानि श्रूयन्ते यानि युद्धे हनूमतः ॥८॥
8. na kālasya na śakrasya na viṣṇorvittapasya ca ,
karmāṇi tāni śrūyante yāni yuddhe hanūmataḥ.
8. na kālasya na śakrasya na viṣṇoḥ vittapasya ca
karmāṇi tāni śrūyante yāni yuddhe hanūmataḥ
8. Such deeds (karma), as were performed by Hanumān in battle, are not heard of (even) from Kāla (Time/Death), nor from Śakra (Indra), nor from Viṣṇu, nor from the lord of wealth (Kubera).
एतस्य बाहुवीर्येण लङ्का सीता च लक्ष्मणः ।
प्राप्तो मया जयश्चैव राज्यं मित्राणि बान्धवाः ॥९॥
9. etasya bāhuvīryeṇa laṅkā sītā ca lakṣmaṇaḥ ,
prāpto mayā jayaścaiva rājyaṃ mitrāṇi bāndhavāḥ.
9. etasya bāhuvīryeṇa laṅkā sītā ca lakṣmaṇaḥ
prāptaḥ mayā jayaḥ ca eva rājyam mitrāṇi bāndhavāḥ
9. etasya bāhuvīryeṇa mayā laṅkā sītā ca lakṣmaṇaḥ
jayaḥ ca eva rājyam mitrāṇi bāndhavāḥ prāptaḥ
9. Through the might of his arms, I regained Lanka, Sita, and Lakshmana, and also achieved victory, the kingdom, friends, and relatives.
हनूमान्यदि मे न स्याद्वानराधिपतेः सखा ।
प्रवृत्तमपि को वेत्तुं जानक्याः शक्तिमान्भवेत् ॥१०॥
10. hanūmānyadi me na syādvānarādhipateḥ sakhā ,
pravṛttamapi ko vettuṃ jānakyāḥ śaktimānbhavet.
10. hanūmān yadi me na syāt vānarādhipateḥ sakhā
pravṛttam api kaḥ vettum jānakyāḥ śaktimān bhavet
10. yadi vānarādhipateḥ sakhā hanūmān me na syāt,
kaḥ jānakyāḥ pravṛttam api vettum śaktimān bhavet?
10. If Hanumān, the friend of the lord of monkeys (Sugrīva), had not been available to me, who would have been capable of finding any news of Janakī (Sītā)?
किमर्थं वाली चैतेन सुग्रीवप्रियकाम्यया ।
तदा वैरे समुत्पन्ने न दग्धो वीरुधो यथा ॥११॥
11. kimarthaṃ vālī caitena sugrīvapriyakāmyayā ,
tadā vaire samutpanne na dagdho vīrudho yathā.
11. kimartham vālī ca etena sugrīvapriyakāmyayā
tadā vaire samutpanne na dagdhaḥ vīrudhaḥ yathā
11. kimartham sugrīvapriyakāmyayā etena tadā vaire
samutpanne vālī vīrudhaḥ yathā na dagdhaḥ?
11. For what reason was Vālī not destroyed by him (Rāma) like a mere plant, when that conflict had arisen, out of a desire to please Sugrīva?
न हि वेदितवान्मन्ये हनूमानात्मनो बलम् ।
यद्दृष्टवाञ्जीवितेष्टं क्लिश्यन्तं वानराधिपम् ॥१२॥
12. na hi veditavānmanye hanūmānātmano balam ,
yaddṛṣṭavāñjīviteṣṭaṃ kliśyantaṃ vānarādhipam.
12. na hi veditavān manye hanūmān ātmanaḥ balam
yat dṛṣṭavān jīviteṣṭam kliśyantam vānarādhipam
12. manye hanūmān ātmanaḥ balam na hi veditavān,
yat jīviteṣṭam kliśyantam vānarādhipam dṛṣṭavān.
12. I think Hanumān certainly did not know the strength of his own self (ātman), since he saw the king of monkeys (Sugrīva), who was dearer than life, suffering.
एतन्मे भगवन् सर्वं हनूमति महामुने ।
विस्तरेण यथातत्त्वं कथयामरपूजित ॥१३॥
13. etanme bhagavan sarvaṃ hanūmati mahāmune ,
vistareṇa yathātattvaṃ kathayāmarapūjita.
13. etat me bhagavan sarvam hanūmati mahāmune
vistareṇa yathātattvam kathaya amarapūjita
13. bhagavan mahāmune amarapūjita me hanūmati
etat sarvam yathātattvam vistareṇa kathaya
13. O revered one, O great sage, O you who are honored by the immortals, please explain all this about Hanumān to me in detail and according to the true nature of things.
राघवस्य वचः श्रुत्वा हेतुयुक्तमृषिस्ततः ।
हनूमतः समक्षं तमिदं वचनमब्रवीत् ॥१४॥
14. rāghavasya vacaḥ śrutvā hetuyuktamṛṣistataḥ ,
hanūmataḥ samakṣaṃ tamidaṃ vacanamabravīt.
14. rāghavasya vacaḥ śrutvā hetuyuktam ṛṣiḥ tataḥ
hanūmataḥ samakṣam tam idam vacanam abravīt
14. ṛṣiḥ tataḥ rāghavasya hetuyuktam vacaḥ śrutvā
hanūmataḥ samakṣam tam idam vacanam abravīt
14. Having heard Rāghava's well-reasoned words, the sage then spoke these words to him in the presence of Hanumān.
सत्यमेतद् रघुश्रेष्ठ यद्ब्रवीषि हनूमतः ।
न बले विद्यते तुल्यो न गतौ न मतौ परः ॥१५॥
15. satyametad raghuśreṣṭha yadbravīṣi hanūmataḥ ,
na bale vidyate tulyo na gatau na matau paraḥ.
15. satyam etat raghuśreṣṭha yat bravīṣi hanūmataḥ
na bale vidyate tulyaḥ na gatau na matau paraḥ
15. raghuśreṣṭha yat bravīṣi hanūmataḥ etat satyam
na bale tulyaḥ vidyate na gatau na matau paraḥ
15. O best of the Raghus, what you say about Hanumān is true. No one is found to be his equal in strength, nor in speed, nor is anyone superior in intelligence (mati).
अमोघशापैः शापस्तु दत्तो ऽस्य ऋषिभिः पुरा ।
न वेदिता बलं येन बली सन्नरिमर्दनः ॥१६॥
16. amoghaśāpaiḥ śāpastu datto'sya ṛṣibhiḥ purā ,
na veditā balaṃ yena balī sannarimardanaḥ.
16. amoghaśāpaiḥ śāpaḥ tu dattaḥ asya ṛṣibhiḥ purā
na veditā balam yena balī san arimardanaḥ
16. purā amoghaśāpaiḥ ṛṣibhiḥ asya śāpaḥ tu dattaḥ
yena balī arimardanaḥ san balam na veditā
16. Indeed, a curse was given to him long ago by sages whose curses are unfailing. By this curse, his strength was not known to him, even though he is mighty and a subduer of enemies.
बाल्ये ऽप्येतेन यत् कर्म कृतं राम महाबल ।
तन्न वर्णयितुं शक्यमतिबालतयास्य ते ॥१७॥
17. bālye'pyetena yat karma kṛtaṃ rāma mahābala ,
tanna varṇayituṃ śakyamatibālatayāsya te.
17. bālye api etena yat karma kṛtam rāma mahābala
tat na varṇayitum śakyam atibālatayā asya te
17. rāma mahābala bālye api etena yat kṛtam karma
asya atibālatayā tat te varṇayitum na śakyam
17. O mighty Rāma, whatever deeds were performed by him even in childhood, they cannot be fully described to you, owing to his extreme youth.
यदि वास्ति त्वभिप्रायस्तच्छ्रोतुं तव राघव ।
समाधाय मतिं राम निशामय वदाम्यहम् ॥१८॥
18. yadi vāsti tvabhiprāyastacchrotuṃ tava rāghava ,
samādhāya matiṃ rāma niśāmaya vadāmyaham.
18. yadi vā asti tu abhiprāyaḥ tat śrotum tava
rāghava samādhāya matim rāma niśāmaya vadāmi aham
18. rāghava tava tat śrotum abhiprāyaḥ tu yadi vā
asti rāma matim samādhāya niśāmaya aham vadāmi
18. But if you, O Rāghava, have a desire to hear that, then O Rāma, concentrate your mind and listen, I will tell (it).
सूर्यदत्तवरस्वर्णः सुमेरुर्नाम पर्वतः ।
यत्र राज्यं प्रशास्त्यस्य केषरी नाम वै पिता ॥१९॥
19. sūryadattavarasvarṇaḥ sumerurnāma parvataḥ ,
yatra rājyaṃ praśāstyasya keṣarī nāma vai pitā.
19. sūryadattavarasvarṇaḥ sumeruḥ nāma parvataḥ
yatra rājyam praśāsti asya keśarī nāma vai pitā
19. sūryadattavarasvarṇaḥ sumeruḥ nāma parvataḥ
yatra asya keśarī nāma vai pitā rājyam praśāsti
19. There is a mountain named Sumeru, adorned with gold granted as a boon by Sūrya (the sun deity). On it, his father, indeed named Keśarī, rules the kingdom.
तस्य भार्या बभूवेष्टा ह्यञ्जनेति परिश्रुता ।
जनयामास तस्यां वै वायुरात्मजमुत्तमम् ॥२०॥
20. tasya bhāryā babhūveṣṭā hyañjaneti pariśrutā ,
janayāmāsa tasyāṃ vai vāyurātmajamuttamam.
20. tasya bhāryā babhūva iṣṭā hi añjanā iti pariśrutā
janayāmāsa tasyām vai vāyuḥ ātmajam uttamam
20. tasya iṣṭā bhāryā hi añjanā iti pariśrutā babhūva
tasyām vai vāyuḥ uttamam ātmajam janayāmāsa
20. His beloved wife was Añjanā, indeed renowned (by that name). In her, Vāyu (the wind deity) begot an excellent son.
शालिशूकसमाभासं प्रासूतेमं तदाञ्जना ।
फलान्याहर्तुकामा वै निष्क्रान्ता गहने चरा ॥२१॥
21. śāliśūkasamābhāsaṃ prāsūtemaṃ tadāñjanā ,
phalānyāhartukāmā vai niṣkrāntā gahane carā.
21. śāliśūkasamābhāsam prāasūta imam tadā Añjanā
phalāni āhartukāmā vai niṣkrāntā gahane carā
21. tadā Añjanā śāliśūkasamābhāsam imam prāasūta
vai phalāni āhartukāmā gahane carā niṣkrāntā
21. Then Anjanā gave birth to him, who resembled a grain of rice. She had gone out, roaming in the dense forest, desiring to gather fruits.
एष मातुर्वियोगाच्च क्षुधया च भृशार्दितः ।
रुरोद शिशुरत्यर्थं शिशुः शरभराडिव ॥२२॥
22. eṣa māturviyogācca kṣudhayā ca bhṛśārditaḥ ,
ruroda śiśuratyarthaṃ śiśuḥ śarabharāḍiva.
22. eṣaḥ mātuḥ viyogāt ca kṣudhayā ca bhṛśārditaḥ
ruroda śiśuḥ atyartham śiśuḥ śarabharāṭ iva
22. eṣaḥ śiśuḥ mātuḥ viyogāt ca kṣudhayā ca
bhṛśārditaḥ atyartham ruroda śiśuḥ śarabharāṭ iva
22. This infant, greatly distressed by separation from his mother and by hunger, cried excessively, like a young lion.
ततोद्यन्तं विवस्वन्तं जपापुष्पोत्करोपमम् ।
ददृशे फललोभाच्च उत्पपात रविं प्रति ॥२३॥
23. tatodyantaṃ vivasvantaṃ japāpuṣpotkaropamam ,
dadṛśe phalalobhācca utpapāta raviṃ prati.
23. tataḥ udyantam vivasvantam japāpuṣpotkaropamam
dadṛśe phalalobhāt ca utpapāta ravim prati
23. tataḥ phalalobhāt ca japāpuṣpotkaropamam
udyantam vivasvantam dadṛśe ravim prati utpapāta
23. Then he saw the rising sun, which resembled a cluster of hibiscus flowers. And out of a desire for fruit, he flew up towards the sun.
बालार्काभिमुखो बालो बालार्क इव मूर्तिमान् ।
ग्रहीतुकामो बालार्कं प्लवते ऽम्बरमध्यगः ॥२४॥
24. bālārkābhimukho bālo bālārka iva mūrtimān ,
grahītukāmo bālārkaṃ plavate'mbaramadhyagaḥ.
24. bālārkābhimukhaḥ bālaḥ bālārkaḥ iva mūrtimān
grahītukāmaḥ bālārkam plavate ambara-madhyagaḥ
24. bālārkābhimukhaḥ bālaḥ mūrtimān bālārkaḥ iva
bālārkam grahītukāmaḥ ambara-madhyagaḥ plavate
24. The child, facing the rising sun, as if the rising sun itself were embodied, desiring to seize the rising sun, flew through the middle of the sky.
एतस्मिन्प्लवमाने तु शिशुभावे हनूमति ।
देवदानवसिद्धानां विस्मयः सुमहानभूत् ॥२५॥
25. etasminplavamāne tu śiśubhāve hanūmati ,
devadānavasiddhānāṃ vismayaḥ sumahānabhūt.
25. etasmin plavamāne tu śiśubhāve hanūmati
devadānavasiddhānām vismayaḥ sumahān abhūt
25. etasmin śiśubhāve hanūmati plavamāne tu
devadānavasiddhānām sumahān vismayaḥ abhūt
25. While this infant Hanuman was floating, a great astonishment arose among the gods, demons, and perfected beings (siddhas).
नाप्येवं वेगवान् वायुर्गरुडो न मनस्तथा ।
यथायं वायुपुत्रस्तु क्रमते ऽम्बरमुत्तमम् ॥२६॥
26. nāpyevaṃ vegavān vāyurgaruḍo na manastathā ,
yathāyaṃ vāyuputrastu kramate'mbaramuttamam.
26. na api evam vegavān vāyuḥ garuḍaḥ na manaḥ tathā
yathā ayam vāyuputraḥ tu kramate ambaram uttamam
26. vāyuḥ na api evam vegavān garuḍaḥ na manaḥ tathā
yathā ayam vāyuputraḥ tu uttamam ambaram kramate
26. Neither the wind, nor Garuḍa, nor the mind is as swift as this son of Vāyu, who indeed traverses the vast sky.
यदि तावच्छिशोरस्य ईदृशौ गतिविक्रमौ ।
यौवनं बलमासाद्य कथं वेगो भविष्यति ॥२७॥
27. yadi tāvacchiśorasya īdṛśau gativikramau ,
yauvanaṃ balamāsādya kathaṃ vego bhaviṣyati.
27. yadi tāvat śiśoḥ asya īdṛśau gativikramau
yauvanam balam āsādya katham vegaḥ bhaviṣyati
27. yadi tāvat asya śiśoḥ īdṛśau gativikramau
yauvanam balam āsādya katham vegaḥ bhaviṣyati
27. If this child already possesses such speed and prowess, then having attained youth and strength, how immense will his speed become?
तमनुप्लवते वायुः प्लवन्तं पुत्रमात्मनः ।
सूर्यदाहभयाद् रक्षंस्तुषारचयशीतलः ॥२८॥
28. tamanuplavate vāyuḥ plavantaṃ putramātmanaḥ ,
sūryadāhabhayād rakṣaṃstuṣāracayaśītalaḥ.
28. tam anuplavate vāyuḥ plavantam putram ātmanaḥ
sūryadāhabhayāt rakṣan tuṣāracayaśītalaḥ
28. vāyuḥ ātmanaḥ plavantam putram tam anuplavate
sūryadāhabhayāt rakṣan tuṣāracayaśītalaḥ
28. The wind god (Vāyu) follows his own son as he floats, protecting him from the sun's scorching heat, as Vāyu himself is cool, like a heap of frost.
बहुयोजनसाहस्रं क्रमत्येष ततो ऽम्बरम् ।
पितुर्बलाच्च बाल्याच्च भास्कराभ्याशमागतः ॥२९॥
29. bahuyojanasāhasraṃ kramatyeṣa tato'mbaram ,
piturbalācca bālyācca bhāskarābhyāśamāgataḥ.
29. bahuyojanasāhasram kramati eṣaḥ tataḥ ambaram
pituḥ balāt ca bālyāt ca bhāskarābhyāśam āgataḥ
29. eṣaḥ tataḥ ambaram bahuyojanasāhasram kramati
pituḥ balāt ca bālyāt ca bhāskarābhyāśam āgataḥ
29. This one (Hanuman) then traveled many thousands of yojanas through the sky, and due to his father's strength and his childlike innocence, he came near the sun.
शिशुरेष त्वदोषज्ञ इति मत्वा दिवाकरः ।
कार्यं चात्र समायत्तमित्येवं न ददाह सः ॥३०॥
30. śiśureṣa tvadoṣajña iti matvā divākaraḥ ,
kāryaṃ cātra samāyattamityevaṃ na dadāha saḥ.
30. śiśuḥ eṣaḥ tu adoṣajñaḥ iti matvā divākaraḥ
kāryam ca atra samāyattam iti evam na dadāha saḥ
30. divākaraḥ eṣaḥ śiśuḥ tu adoṣajñaḥ atra ca
kāryam samāyattam iti evam matvā saḥ na dadāha
30. Thinking 'this child is indeed innocent, and a purpose is connected with him here', the sun did not burn him.
यमेव दिवसं ह्येष ग्रहीतुं भास्करं प्लुतः ।
तमेव दिवसं राहुर्जिघृक्षति दिवाकरम् ॥३१॥
31. yameva divasaṃ hyeṣa grahītuṃ bhāskaraṃ plutaḥ ,
tameva divasaṃ rāhurjighṛkṣati divākaram.
31. yam eva divasam hi eṣaḥ grahītum bhāskaram plutaḥ
tam eva divasam rāhuḥ jighṛkṣati divākaram
31. eṣaḥ yam eva divasam bhāskaram grahītum plutaḥ
hi rāhuḥ tam eva divasam divākaram jighṛkṣati
31. On the very day that this one (Hanuman) sprang to seize the sun, on that very day Rāhu also desired to seize the sun.
अनेन च परामृष्टो राम सूर्यरथोपरि ।
अपक्रान्तस्ततस्त्रस्तो राहुश्चन्द्रार्कमर्दनः ॥३२॥
32. anena ca parāmṛṣṭo rāma sūryarathopari ,
apakrāntastatastrasto rāhuścandrārkamardanaḥ.
32. anena ca parāmṛṣṭaḥ rāma sūryarathopari
apakrāntaḥ tataḥ trastaḥ rāhuḥ candrārkamardanaḥ
32. rāma anena ca candrārkamardanaḥ rāhuḥ
sūryarathopari parāmṛṣṭaḥ tataḥ trastaḥ apakrāntaḥ
32. And, O Rāma, Rāhu, the tormentor of the moon and sun, was encountered by this one (Hanuman) on the sun's chariot, and terrified, he departed from there.
स इन्द्रभवनं गत्वा सरोषः सिंहिकासुतः ।
अब्रवीद्भ्रुकुटीं कृत्वा देवं देवगणैर्वृतम् ॥३३॥
33. sa indrabhavanaṃ gatvā saroṣaḥ siṃhikāsutaḥ ,
abravīdbhrukuṭīṃ kṛtvā devaṃ devagaṇairvṛtam.
33. saḥ indrabhavanam gatvā saroṣaḥ siṃhikāsutaḥ
abravīt bhrukuṭīm kṛtvā devam devagaṇaiḥ vṛtam
33. saroṣaḥ siṃhikāsutaḥ saḥ indrabhavanam gatvā
bhrukuṭīm kṛtvā devagaṇaiḥ vṛtam devam abravīt
33. The son of Siṃhikā (Rāhu), filled with anger, went to Indra's abode. Having frowned, he spoke to the god who was surrounded by divine attendants.
बुभुक्षापनयं दत्त्वा चन्द्रार्कौ मम वासव ।
किमिदं तत्त्वया दत्तमन्यस्य बलवृत्रहन् ॥३४॥
34. bubhukṣāpanayaṃ dattvā candrārkau mama vāsava ,
kimidaṃ tattvayā dattamanyasya balavṛtrahan.
34. bubhukṣāpanayam dattvā candrārkau mama vāsava
kim idam tat tvayā dattam anyasya balavṛtrahan
34. vāsava balavṛtrahan,
bubhukṣāpanayam candrārkau mama dattvā,
tat idam anyasya tvayā kim dattam?
34. O Vāsava (Indra), O slayer of Bala and Vṛtra, after you gave me the sun and moon to appease my hunger, what is this that you have given to another?
अद्याहं पर्वकाले तु जिघृक्षुः सूर्यमागतः ।
अथान्यो राहुरासाद्य जग्राह सहसा रविम् ॥३५॥
35. adyāhaṃ parvakāle tu jighṛkṣuḥ sūryamāgataḥ ,
athānyo rāhurāsādya jagrāha sahasā ravim.
35. adya aham parvakāle tu jighṛkṣuḥ sūryam āgataḥ
atha anyaḥ rāhuḥ āsādya jagrāha sahasā ravim
35. adya aham tu parvakāle sūryam jighṛkṣuḥ āgataḥ,
atha anyaḥ rāhuḥ āsādya sahasā ravim jagrāha
35. Today, at the time of the eclipse (parvakāla), I came intending to seize the sun. But then another (being), acting as Rāhu, having approached, suddenly seized the sun.
स राहोर्वचनं श्रुत्वा वासवः संभ्रमान्वितः ।
उत्पपातासनं हित्वा उद्वहन् काञ्चनस्रजम् ॥३६॥
36. sa rāhorvacanaṃ śrutvā vāsavaḥ saṃbhramānvitaḥ ,
utpapātāsanaṃ hitvā udvahan kāñcanasrajam.
36. saḥ rāhoḥ vacanam śrutvā vāsavaḥ sambhramānvitaḥ
utpapāta āsanam hitvā udvahan kāñcanasrajam
36. rāhoḥ vacanam śrutvā saḥ sambhramānvitaḥ vāsavaḥ
āsanam hitvā kāñcanasrajam udvahan utpapāta
36. Having heard Rāhu's words, Vāsava (Indra), filled with agitation, left his seat and sprang up, carrying his golden garland.
ततः कैलासकूटाभं चतुर्दन्तं मदस्रवम् ।
शृङ्गारकारिणं प्रांशुं स्वर्णघण्टाट्टहासिनम् ॥३७॥
37. tataḥ kailāsakūṭābhaṃ caturdantaṃ madasravam ,
śṛṅgārakāriṇaṃ prāṃśuṃ svarṇaghaṇṭāṭṭahāsinam.
37. tataḥ kailāsakūṭābham caturdantam madasravam
śṛṅgārakāriṇam prāṃśum svarṇaghaṇṭāṭṭahāsinam
37. tataḥ kailāsakūṭābham caturdantam madasravam
prāṃśum śṛṅgārakāriṇam svarṇaghaṇṭāṭṭahāsinam
37. Then, (there was an elephant) resembling a peak of Kailāsa, four-tusked, exuding ichor, magnificent, tall, and loudly sounding with golden bells.
इन्द्रः करीन्द्रमारुह्य राहुं कृत्वा पुरःसरम् ।
प्रायाद् यत्राभवत् सूर्यः सहानेन हनूमता ॥३८॥
38. indraḥ karīndramāruhya rāhuṃ kṛtvā puraḥsaram ,
prāyād yatrābhavat sūryaḥ sahānena hanūmatā.
38. indraḥ karīndram āruhya rāhum kṛtvā puraḥsaram
prāyāt yatra abhavat sūryaḥ saha anena hanūmatā
38. indraḥ karīndram āruhya rāhum puraḥsaram kṛtvā
saha anena hanūmatā yatra sūryaḥ abhavat prāyāt
38. Indra, having mounted the lord of elephants, and with Rāhu as his vanguard, went forth to where the sun was, along with Hanumat.
अथातिरभसेनागाद् राहुरुत्सृज्य वासवम् ।
अनेन च स वै दृष्ट आधावञ् शैलकूटवत् ॥३९॥
39. athātirabhasenāgād rāhurutsṛjya vāsavam ,
anena ca sa vai dṛṣṭa ādhāvañ śailakūṭavat.
39. atha atirabhasena āgāt rāhuḥ utsṛjya vāsavam
anena ca sa vai dṛṣṭaḥ ādhāvan śailakūṭavat
39. atha rāhuḥ atirabhasena vāsavam utsṛjya āgāt
ca sa anena dṛṣṭaḥ vai śailakūṭavat ādhāvan
39. Then Rāhu, with great impetuosity, approached, leaving Indra behind. And he (Rāhu) was indeed seen by Hanumat as he rushed forward like a mountain peak.
ततः सूर्यं समुत्सृज्य राहुमेवमवेक्ष्य च ।
उत्पपात पुनर्व्योम ग्रहीतुं सिंहिकासुतम् ॥४०॥
40. tataḥ sūryaṃ samutsṛjya rāhumevamavekṣya ca ,
utpapāta punarvyoma grahītuṃ siṃhikāsutam.
40. tataḥ sūryam samutsṛjya rāhum evam avekṣya ca
utpapāta punaḥ vyoma grahītum siṃhikāsutam
40. tataḥ sūryam samutsṛjya ca evam rāhum avekṣya
punaḥ vyoma siṃhikāsutam grahītum utpapāta
40. Then, abandoning the sun and having thus seen Rāhu, he (Hanumat) again flew up into the sky to seize the son of Siṃhikā (Rāhu).
उत्सृज्यार्कमिमं राम आधावन्तं प्लवंगमम् ।
दृष्ट्वा राहुः परावृत्य मुखशेषः पराङ्मुखः ॥४१॥
41. utsṛjyārkamimaṃ rāma ādhāvantaṃ plavaṃgamam ,
dṛṣṭvā rāhuḥ parāvṛtya mukhaśeṣaḥ parāṅmukhaḥ.
41. utsṛjya arkam imam rāma ādhāvantam plavaṅgamam
dṛṣṭvā rāhuḥ parāvṛtya mukhaśeṣaḥ parāṅmukhaḥ
41. rāma mukhaśeṣaḥ rāhuḥ ādhāvantam plavaṅgamam imam
arkam dṛṣṭvā arkam utsṛjya parāvṛtya parāṅmukhaḥ
41. O Rama, Rahu, who retains only his head, upon seeing this monkey (Hanuman) running towards the sun, released the sun, turned back, and averted his face.
इन्द्रमाशंसमानस्तु त्रातारं सिंहिकासुतः ।
इन्द्र इन्द्रेति संत्रासान्मुहुर्मुहुरभाषत ॥४२॥
42. indramāśaṃsamānastu trātāraṃ siṃhikāsutaḥ ,
indra indreti saṃtrāsānmuhurmuhurabhāṣata.
42. indram āśaṃsamānaḥ tu trātāram siṃhikāsutaḥ
indra indra iti saṃtrāsāt muhuḥ muhuḥ abhāṣata
42. siṃhikāsutaḥ tu indram trātāram āśaṃsamānaḥ
saṃtrāsāt indra indra iti muhuḥ muhuḥ abhāṣata
42. Simhika's son (Rahu), indeed hoping for Indra as a protector, repeatedly cried out 'Indra, Indra!' from great fear.
राहोर्विक्रोशमानस्य प्रागेवालक्षितः स्वरः ।
श्रुत्वेन्द्रोवाच मा भैषीरयमेनं निहन्म्यहम् ॥४३॥
43. rāhorvikrośamānasya prāgevālakṣitaḥ svaraḥ ,
śrutvendrovāca mā bhaiṣīrayamenaṃ nihanmyaham.
43. rāhoḥ vikrośamānasya prāk eva ālakṣitaḥ svaraḥ śrutvā
indraḥ uvāca mā bhaiṣīḥ ayam enam nihanmi aham
43. vikrośamānasya rāhoḥ svaraḥ prāk eva ālakṣitaḥ indraḥ
śrutvā uvāca mā bhaiṣīḥ ayam enam nihanmi aham
43. The voice of Rahu, who was crying out, was perceived even beforehand. Hearing this, Indra said, 'Do not fear! I myself will strike down this one (Hanuman).'
ऐरावतं ततो दृष्ट्वा महत्तदिदमित्यपि ।
फलं तं हस्तिराजानमभिदुद्राव मारुतिः ॥४४॥
44. airāvataṃ tato dṛṣṭvā mahattadidamityapi ,
phalaṃ taṃ hastirājānamabhidudrāva mārutiḥ.
44. airāvatam tataḥ dṛṣṭvā mahat tat idam iti api
phalam tam hastirājānam abhidudrāva mārutiḥ
44. tataḥ mārutiḥ airāvatam dṛṣṭvā "idam tat mahat
phalam api" iti tam hastirājānam abhidudrāva
44. Then, seeing Airavata, Hanuman (Māruti) ran towards that king of elephants, thinking, 'This too is a great fruit!'
तदास्य धावतो रूपमैरावतजिघृक्षया ।
मुहूर्तमभवद्घोरमिन्द्राग्न्योरिव भास्वरम् ॥४५॥
45. tadāsya dhāvato rūpamairāvatajighṛkṣayā ,
muhūrtamabhavadghoramindrāgnyoriva bhāsvaram.
45. tadā asya dhāvataḥ rūpam airāvata-jighṛkṣayā
muhūrtam abhavat ghoram indrāgnyoḥ iva bhāsvaram
45. tadā asya rūpam dhāvataḥ airāvata-jighṛkṣayā
muhūrtam ghoram bhāsvaram indrāgnyoḥ iva abhavat
45. At that time, his form, as he was rushing with the intention of seizing Airāvata, became terrifying and radiant for a moment, like that of Indra and Agni.
एवमाधावमानं तु नातिक्रुद्धः शचीपतिः ।
हस्तान्तेनातिमुक्तेन कुलिशेनाभ्यताडयत् ॥४६॥
46. evamādhāvamānaṃ tu nātikruddhaḥ śacīpatiḥ ,
hastāntenātimuktena kuliśenābhyatāḍayat.
46. evam ādhāvamānam tu na atikruddhaḥ śacīpatiḥ
hastāntena atimuktena kuliśena abhyatāḍayat
46. tu śacīpatiḥ na atikruddhaḥ evam ādhāvamānam
hastāntena atimuktena kuliśena abhyatāḍayat
46. But Śacīpati (Indra), though not exceedingly enraged, struck him, who was rushing thus, with his thunderbolt, which was released with great force from his hand.
ततो गिरौ पपातैष इन्द्रवज्राभिताडितः ।
पतमानस्य चैतस्य वामो हनुरभज्यत ॥४७॥
47. tato girau papātaiṣa indravajrābhitāḍitaḥ ,
patamānasya caitasya vāmo hanurabhajyata.
47. tataḥ girau papāta eṣaḥ indra-vajrābhitāḍitaḥ
patamānasya ca etasya vāmaḥ hanuḥ abhajyata
47. tataḥ eṣaḥ indra-vajrābhitāḍitaḥ girau papāta
ca etasya patamānasya vāmaḥ hanuḥ abhajyata
47. Then, this one, struck by Indra's thunderbolt, fell onto the mountain. And as he was falling, his left jaw was broken.
तस्मिंस्तु पतिते बाले वज्रताडनविह्वले ।
चुक्रोधेन्द्राय पवनः प्रजानामशिवाय च ॥४८॥
48. tasmiṃstu patite bāle vajratāḍanavihvale ,
cukrodhendrāya pavanaḥ prajānāmaśivāya ca.
48. tasmin tu patite bāle vajra-tāḍana-vihvale
cukrodha indrāya pavanaḥ prajānām aśivāya ca
48. tu tasmin bāle patite vajra-tāḍana-vihvale
pavanaḥ indrāya ca prajānām aśivāya cukrodha
48. But when that child fell, bewildered by the impact of the thunderbolt, the wind god (pavana) became enraged with Indra and at the misfortune of beings (prajā).
विण्मूत्राशयमावृत्य प्रजास्वन्तर्गतः प्रभुः ।
रुरोध सर्वभूतानि यथा वर्षाणि वासवः ॥४९॥
49. viṇmūtrāśayamāvṛtya prajāsvantargataḥ prabhuḥ ,
rurodha sarvabhūtāni yathā varṣāṇi vāsavaḥ.
49. viṇmūtrāśayam āvṛtya prajāsu antargataḥ prabhuḥ
rurodha sarvabhūtāni yathā varṣāṇi vāsavaḥ
49. prabhuḥ prajāsu antargataḥ viṇmūtrāśayam āvṛtya
sarvabhūtāni rurodha yathā vāsavaḥ varṣāṇi
49. The Lord (prabhu), residing within creatures and encompassing their physical bodies, confined all beings, just as Indra (Vāsava) restricts the rains.
वायुप्रकोपाद्भूतानि निरुच्छ्वासानि सर्वतः ।
संधिभिर्भज्यमानानि काष्ठभूतानि जज्ञिरे ॥५०॥
50. vāyuprakopādbhūtāni nirucchvāsāni sarvataḥ ,
saṃdhibhirbhajyamānāni kāṣṭhabhūtāni jajñire.
50. vāyuprkopāt bhūtāni nirucchvāsāni sarvataḥ
sandhibhiḥ bhajyamānāni kāṣṭhabhūtāni jajñire
50. vāyuprkopāt bhūtāni nirucchvāsāni sarvataḥ
sandhibhiḥ bhajyamānāni kāṣṭhabhūtāni jajñire
50. Due to the agitation of the wind, creatures everywhere became breathless. Their joints were being shattered, and they became rigid like wood.
निःस्वधं निर्वषट्कारं निष्क्रियं धर्मवर्जितम् ।
वायुप्रकोपात्त्रैलोक्यं निरयस्थमिवाबभौ ॥५१॥
51. niḥsvadhaṃ nirvaṣaṭkāraṃ niṣkriyaṃ dharmavarjitam ,
vāyuprakopāttrailokyaṃ nirayasthamivābabhau.
51. niḥsvadham nirvaṣaṭkāram niṣkriyam dharmavarjitam
vāyuprkopāt trailokyam nirayastham iva ābabhau
51. vāyuprkopāt trailokyam niḥsvadham nirvaṣaṭkāram
niṣkriyam dharmavarjitam nirayastham iva ābabhau
51. The three worlds (trailokyam), devoid of ancestral offerings (niḥsvadham) and oblations (nirvaṣaṭkāram) to deities, inactive, and bereft of their intrinsic nature (dharma), appeared, due to the agitation of the wind, as if they were in hell.
ततः प्रजाः सगन्धर्वाः सदेवासुरमानुषाः ।
प्रजापतिं समाधावन्नसुखार्ताः सुखैषिणः ॥५२॥
52. tataḥ prajāḥ sagandharvāḥ sadevāsuramānuṣāḥ ,
prajāpatiṃ samādhāvannasukhārtāḥ sukhaiṣiṇaḥ.
52. tataḥ prajāḥ sagandharvāḥ sadevāsuramānuṣāḥ
prajāpatim samādhāvan asukhārtāḥ sukhaiṣiṇaḥ
52. tataḥ prajāḥ sagandharvāḥ sadevāsuramānuṣāḥ
asukhārtāḥ sukhaiṣiṇaḥ prajāpatim samādhāvan
52. Then, the creatures (prajāḥ), accompanied by gandharvas, devas, asuras, and humans, distressed by suffering and longing for happiness, rushed towards Prajāpati.
ऊचुः प्राञ्जलयो देवा दरोदरनिभोदराः ।
त्वया स्म भगवन् सृष्टाः प्रजानाथ चतुर्विधाः ॥५३॥
53. ūcuḥ prāñjalayo devā darodaranibhodarāḥ ,
tvayā sma bhagavan sṛṣṭāḥ prajānātha caturvidhāḥ.
53. ūcuḥ prāñjalayaḥ devāḥ darodaranibhodarāḥ tvayā
sma bhagavan sṛṣṭāḥ prajānātha caturvidhāḥ
53. bhagavan prajānātha darodaranibhodarāḥ prāñjalayaḥ
devāḥ ūcuḥ tvayā caturvidhāḥ sṛṣṭāḥ sma
53. The gods, with folded hands and bellies resembling those of one suffering from ascites, said: "O Lord (bhagavan), O Lord of creatures, indeed, by you were the four kinds of beings created."
त्वया दत्तो ऽयमस्माकमायुषः पवनः पतिः ।
सो ऽस्मान्प्राणेश्वरो भूत्वा कस्मादेषो ऽद्य सत्तम ॥५४॥
54. tvayā datto'yamasmākamāyuṣaḥ pavanaḥ patiḥ ,
so'smānprāṇeśvaro bhūtvā kasmādeṣo'dya sattama.
54. tvayā dattaḥ ayam asmākam āyuṣaḥ pavanaḥ patiḥ saḥ
asmān prāṇeśvaraḥ bhūtvā kasmāt eṣaḥ adya sattama
54. sattama tvayā ayam asmākam āyuṣaḥ patiḥ pavanaḥ
dattaḥ saḥ prāṇeśvaraḥ bhūtvā adya kasmāt eṣaḥ asmān
54. This wind, the master of life, was given to us by you. Why does he, having become the lord of our life (prāṇa), today, O best among existents...
रुरोध दुःखं जनयन्नन्तःपुर इव स्त्रियः ।
तस्मात्त्वां शरणं प्राप्ता वायुनोपहता विभो ॥५५॥
55. rurodha duḥkhaṃ janayannantaḥpura iva striyaḥ ,
tasmāttvāṃ śaraṇaṃ prāptā vāyunopahatā vibho.
55. rurudha duḥkham janayan antaḥpure iva striyaḥ
tasmāt tvām śaraṇam prāptāḥ vāyunā upahatāḥ vibho
55. striyaḥ antaḥpure iva duḥkham janayan asmān rurudha
tasmāt vibho vāyunā upahatāḥ tvām śaraṇam prāptāḥ
55. Why does he, causing us suffering, confine us like women in a harem? Therefore, O all-pervading Lord (vibhu), afflicted by the wind (vāyu), we have come to you for refuge.
वायुसंरोधजं दुःखमिदं
नो नुद शत्रुहन् ॥५६॥
56. vāyusaṃrodhajaṃ duḥkhamidaṃ
no nuda śatruhan.
56. vāyusaṃrodhajam duḥkham
idam naḥ nuda śatruhan
56. śatruhan idam vāyusaṃrodhajam
naḥ duḥkham nuda
56. O slayer of enemies, dispel this suffering of ours, which arises from the obstruction of the wind (vāyu).
एतत् प्रजानां श्रुत्वा तु प्रजानाथः प्रजापतिः ।
कारणादिति तानुक्त्वा प्रजाः पुनरभाषत ॥५७॥
57. etat prajānāṃ śrutvā tu prajānāthaḥ prajāpatiḥ ,
kāraṇāditi tānuktvā prajāḥ punarabhāṣata.
57. etat prajānām śrutvā tu prajānāthaḥ prajāpatiḥ
kāraṇāt iti tān uktvā prajāḥ punar abhāṣata
57. prajānām etat śrutvā prajānāthaḥ prajāpatiḥ
tān kāraṇāt iti uktvā prajāḥ tu punar abhāṣata
57. Prajāpati, the lord of creatures, having heard this from his subjects, then spoke to them again, saying, 'this is the reason'.
यस्मिन् वः कारणे वायुश्चुक्रोध च रुरोध च ।
प्रजाः शृणुध्वं तत् सर्वं श्रोतव्यं चात्मनः क्षमम् ॥५८॥
58. yasmin vaḥ kāraṇe vāyuścukrodha ca rurodha ca ,
prajāḥ śṛṇudhvaṃ tat sarvaṃ śrotavyaṃ cātmanaḥ kṣamam.
58. yasmin vaḥ kāraṇe vāyuḥ cukrodha ca rurodha ca prajāḥ
śṛṇudhvaṃ tat sarvaṃ śrotavyaṃ ca ātmanaḥ kṣamam
58. prajāḥ vaḥ yasmin kāraṇe vāyuḥ cukrodha ca rurodha ca,
tat sarvaṃ śrotavyaṃ ca ātmanaḥ kṣamam śṛṇudhvaṃ
58. O subjects, listen to all of this that is to be heard and is beneficial for your own sake (ātman), the reason for which Vāyu became angry and obstructed you.
पुत्रस्तस्यामरेशेन इन्द्रेणाद्य निपातितः ।
राहोर्वचनमाज्ञाय राज्ञा वः कोपितो ऽनिलः ॥५९॥
59. putrastasyāmareśena indreṇādya nipātitaḥ ,
rāhorvacanamājñāya rājñā vaḥ kopito'nilaḥ.
59. putraḥ tasya amareśena indreṇa adya nipātitaḥ
rāhoḥ vacanam ājñāya rājñā vaḥ kopitaḥ anilaḥ
59. adya tasya putraḥ amareśena indreṇa nipātitaḥ.
rāhoḥ vacanam ājñāya rājñā vaḥ anilaḥ kopitaḥ.
59. Today, his son was struck down by Indra, the lord of the immortals. Vāyu was angered by the king (Indra), having taken into account the words of Rāhu, for you.
अशरीरः शरीरेषु वायुश्चरति पालयन् ।
शरीरं हि विना वायुं समतां याति रेणुभिः ॥६०॥
60. aśarīraḥ śarīreṣu vāyuścarati pālayan ,
śarīraṃ hi vinā vāyuṃ samatāṃ yāti reṇubhiḥ.
60. aśarīraḥ śarīreṣu vāyuḥ carati pālayan
śarīraṃ hi vinā vāyuṃ samatām yāti reṇubhiḥ
60. aśarīraḥ vāyuḥ śarīreṣu pālayan carati.
hi vinā vāyuṃ śarīraṃ reṇubhiḥ samatām yāti.
60. The bodiless wind (vāyu) moves through bodies, sustaining them. For indeed, without the wind (vāyu), a body attains the state of dust.
वायुः प्राणाः सुखं वायुर्वायुः सर्वमिदं जगत् ।
वायुना संपरित्यक्तं न सुखं विन्दते जगत् ॥६१॥
61. vāyuḥ prāṇāḥ sukhaṃ vāyurvāyuḥ sarvamidaṃ jagat ,
vāyunā saṃparityaktaṃ na sukhaṃ vindate jagat.
61. vayuḥ prāṇāḥ sukham vayuḥ vayuḥ sarvam idam jagat
| vayunā samparityaktam na sukham vindate jagat
61. vayuḥ prāṇāḥ (asti) vayuḥ sukham (asti) vayuḥ idam sarvam
jagat (asti) vayunā samparityaktam jagat sukham na vindate
61. Air (vāyu) is the vital breaths (prāṇāḥ); air is happiness; air is this entire universe. A world abandoned by air finds no happiness.
अद्यैव च परित्यक्तं वायुना जगदायुषा ।
अद्यैवेमे निरुच्छ्वासाः काष्ठकुड्योपमाः स्थिताः ॥६२॥
62. adyaiva ca parityaktaṃ vāyunā jagadāyuṣā ,
adyaiveme nirucchvāsāḥ kāṣṭhakuḍyopamāḥ sthitāḥ.
62. adya eva ca parityaktam vayunā jagat ayuṣā | adya
eva ime nirucchvāsāḥ kāṣṭhakudyopamāḥ sthitāḥ
62. ca adya eva vayunā jagat ayuṣā parityaktam (sattve)
adya eva ime nirucchvāsāḥ kāṣṭhakudyopamāḥ sthitāḥ
62. And indeed, the world, whose very life (āyus) has been abandoned by the vital force (vāyu) today, now stands breathless, like wooden walls.
तद् यामस्तत्र यत्रास्ते मारुतो रुक्प्रदो हि वः ।
मा विनाशं गमिष्याम अप्रसाद्यादितेः सुतम् ॥६३॥
63. tad yāmastatra yatrāste māruto rukprado hi vaḥ ,
mā vināśaṃ gamiṣyāma aprasādyāditeḥ sutam.
63. tat yāmaḥ tatra yatra āste marutaḥ rukpradaḥ hi
vaḥ | mā vināśam gamiṣyāma aprasādya aditeḥ sutam
63. tat yatra vaḥ rukpradaḥ marutaḥ āste tatra yāmaḥ
aditeḥ sutam aprasādya vināśam mā gamiṣyāma
63. Therefore, let us go to where Vayu (māruta), who indeed causes you pain, resides, lest we perish without propitiating the son of Aditi.
ततः प्रजाभिः सहितः प्रजापतिः सदेवगन्धर्वभुजंगगुह्यकः ।
जगाम तत्रास्यति यत्र मारुतः सुतं सुरेन्द्राभिहतं प्रगृह्य सः ॥६४॥
64. tataḥ prajābhiḥ sahitaḥ prajāpatiḥ sadevagandharvabhujaṃgaguhyakaḥ ,
jagāma tatrāsyati yatra mārutaḥ sutaṃ surendrābhihataṃ pragṛhya saḥ.
64. tataḥ prajābhiḥ sahitaḥ prajāpatiḥ
sa-deva-gandharva-bhujanga-guhyakaḥ
| jagāma tatra āste yatra marutaḥ
sutam surendra abhihatam pragṛhya saḥ
64. tataḥ prajāpatiḥ prajābhiḥ sahitaḥ
sa-deva-gandharva-bhujanga-guhyakaḥ
(ca) saḥ surendra abhihatam sutam
pragṛhya yatra marutaḥ āste tatra jagāma
64. Then Prajapati, accompanied by the creatures, along with gods, gandharvas, serpents, and guhyakas, went to where Vayu (māruta) resides, carrying that son who had been struck by the lord of the gods.
ततो ऽर्कवैश्वानरकाञ्चनप्रभं सुतं तदोत्सङ्गगतं सदागतेः ।
चतुर्मुखो वीक्ष्य कृपामथाकरोत् सदेवसिद्धर्षिभुजंगराक्षसः ॥६५॥
65. tato'rkavaiśvānarakāñcanaprabhaṃ sutaṃ tadotsaṅgagataṃ sadāgateḥ ,
caturmukho vīkṣya kṛpāmathākarot sadevasiddharṣibhujaṃgarākṣasaḥ.
65. tataḥ arkavaiśvānarakāñcanaprabham
sutam tadā utsaṅgagatam sadāgateḥ
caturmukhaḥ vīkṣya kṛpām atha akarot
sadevasiddharṣibhujagarākṣasaḥ
65. tataḥ caturmukhaḥ sadevasiddharṣibhujagarākṣasaḥ
sadāgateḥ tadā
utsaṅgagatam arkavaiśvānarakāñcanaprabham
sutam vīkṣya atha kṛpām akarot
65. Then, the four-faced Brahmā, accompanied by the gods, perfected beings (siddhas), sages (ṛṣis), serpent deities, and demons, seeing the son of Vāyu (the wind god) in his lap, a son who shone with the brilliance of the sun, fire, and gold, thereupon showed compassion.

Links to all chapters:

bāla kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76

ayodhyā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111

araṇya kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71

kiṣkindhā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

sundara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

yuddha kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116

uttara kāṇḍa (current book)

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 (current chapter) Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100