Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

वाल्मीकि-रामायणम्       vālmīki-rāmāyaṇam - book-1, chapter-17

Use the following checkboxes to set the display options for this chapter (You can also control the display of each verse separately):
what would you like to see in each verse:
निर्वृत्ते तु क्रतौ तस्मिन् हयमेधे महात्मनः ।
प्रतिगृह्य सुरा भागान्प्रतिजग्मुर्यथागतम् ॥१॥
1. nirvṛtte tu kratau tasmin hayamedhe mahātmanaḥ ,
pratigṛhya surā bhāgānpratijagmuryathāgatam.
1. nirvṛtte tu kratau tasmin hayamedhe mahātmanaḥ
pratigṛhya surāḥ bhāgān pratijagmuḥ yathāgatam
1. tu tasmin mahātmanaḥ hayamedhe kratau nirvṛtte
surāḥ bhāgān pratigṛhya yathāgatam pratijagmuḥ
1. But when that horse Vedic ritual (yajña) of the great-souled one was completed, the gods, having received their respective shares, returned from where they had come.
समाप्तदीक्षानियमः पत्नीगणसमन्वितः ।
प्रविवेश पुरीं राजा सभृत्यबलवाहनः ॥२॥
2. samāptadīkṣāniyamaḥ patnīgaṇasamanvitaḥ ,
praviveśa purīṃ rājā sabhṛtyabalavāhanaḥ.
2. samāptadīkṣāniyamaḥ patnīgaṇasamanvitaḥ
praviveśa purīm rājā sabhṛtyabalavāhanaḥ
2. samāptadīkṣāniyamaḥ patnīgaṇasamanvitaḥ
sabhṛtyabalavāhanaḥ rājā purīm praviveśa
2. The king, having completed his vows of consecration (dīkṣā) and accompanied by his multitude of wives, entered the city along with his servants, army, and vehicles.
यथार्हं पूजितास्तेन राज्ञा वै पृथिवीश्वराः ।
मुदिताः प्रययुर्देशान्प्रणम्य मुनिपुंगवम् ॥३॥
3. yathārhaṃ pūjitāstena rājñā vai pṛthivīśvarāḥ ,
muditāḥ prayayurdeśānpraṇamya munipuṃgavam.
3. yathārham pūjitāḥ tena rājñā vai pṛthivīśvarāḥ
muditāḥ prayayuḥ deśān praṇamya munipuṅgavam
3. pṛthivīśvarāḥ tena rājñā yathārham pūjitāḥ vai
muditāḥ munipuṅgavam praṇamya deśān prayayuḥ
3. The lords of the earth were duly honored by that king. Delighted, they departed to their respective countries after bowing to the foremost sage.
गतेषु पृथिवीशेषु राजा दशरथः पुनः ।
प्रविवेश पुरीं श्रीमान्पुरस्कृत्य द्विजोत्तमान् ॥४॥
4. gateṣu pṛthivīśeṣu rājā daśarathaḥ punaḥ ,
praviveśa purīṃ śrīmānpuraskṛtya dvijottamān.
4. gateṣu pṛthivīśeṣu rājā daśarathaḥ punaḥ
praviveśa purīm śrīmān puraskṛtya dvijottamān
4. pṛthivīśeṣu gateṣu punaḥ śrīmān rājā daśarathaḥ
dvijottamān puraskṛtya purīm praviveśa
4. When the lords of the earth had departed, the glorious King Daśaratha, having placed the best of the Brahmins (dvija) at the forefront, re-entered his city.
शान्तया प्रययौ सार्धमृश्यशृङ्गः सुपूजितः ।
अन्वीयमानो राज्ञाथ सानुयात्रेण धीमता ॥५॥
5. śāntayā prayayau sārdhamṛśyaśṛṅgaḥ supūjitaḥ ,
anvīyamāno rājñātha sānuyātreṇa dhīmatā.
5. śāntayā prayayau sārdham ṛśyaśṛṅgaḥ supūjitaḥ
anvīyamānaḥ rājñā atha sānuyātreṇa dhīmatā
5. supūjitaḥ ṛśyaśṛṅgaḥ śāntayā sārdham prayayau
atha dhīmatā sānuyātreṇa rājñā anvīyamānaḥ
5. Highly honored, Ṛṣyaśṛṅga departed with Śāntā, accompanied by the intelligent king and his retinue.
कौसल्याजनयद् रामं दिव्यलक्षणसंयुतम् ।
विष्णोरर्धं महाभागं पुत्रमिक्ष्वाकुनन्दनम् ॥६॥
6. kausalyājanayad rāmaṃ divyalakṣaṇasaṃyutam ,
viṣṇorardhaṃ mahābhāgaṃ putramikṣvākunandanam.
6. kausalyā ajayanat rāmam divyalakṣaṇasaṃyutam
viṣṇoḥ ardham mahābhāgam putram ikṣvākunandanam
6. kausalyā divyalakṣaṇasaṃyutam viṣṇoḥ ardham
mahābhāgam ikṣvākunandanam putram rāmam ajayanat
6. Kausalyā gave birth to Rāma, a son endowed with divine characteristics, a greatly fortunate one, who was a part of Viṣṇu, and the delight of the Ikṣvāku lineage.
कौसल्या शुशुभे तेन पुत्रेणामिततेजसा ।
यथा वरेण देवानामदितिर्वज्रपाणिना ॥७॥
7. kausalyā śuśubhe tena putreṇāmitatejasā ,
yathā vareṇa devānāmaditirvajrapāṇinā.
7. kausalyā śuśubhe tena putreṇa amitatejasā
yathā vareṇa devānām aditiḥ vajrapāṇinā
7. kausalyā tena amitatejasā putreṇa śuśubhe
yathā devānām vareṇa vajrapāṇinā aditiḥ
7. Kaushalya was adorned by that son of immeasurable splendor, just as Aditi shines by Indra (vajrapāṇinā), the chief of the gods.
भरतो नाम कैकेय्यां जज्ञे सत्यपराक्रमः ।
साक्षाद्विष्णोश्चतुर्भागः सर्वैः समुदितो गुणैः ॥८॥
8. bharato nāma kaikeyyāṃ jajñe satyaparākramaḥ ,
sākṣādviṣṇoścaturbhāgaḥ sarvaiḥ samudito guṇaiḥ.
8. bharataḥ nāma kaikeyyām jajñe satyaparākramaḥ
sākṣāt viṣṇoḥ caturbhāgaḥ sarvaiḥ samuditaḥ guṇaiḥ
8. kaikeyyām nāma bharataḥ satyaparākramaḥ jajñe (saḥ)
sākṣāt viṣṇoḥ caturbhāgaḥ sarvaiḥ guṇaiḥ samuditaḥ (āsīt)
8. From Kaikeyi was born Bharata, of true valor, who was directly a fourth portion of Vishnu (viṣṇu), endowed with all good qualities.
अथ लक्ष्मणशत्रुघ्नौ सुमित्राजनयत् सुतौ ।
वीरौ सर्वास्त्रकुशलौ विष्णोरर्धसमन्वितौ ॥९॥
9. atha lakṣmaṇaśatrughnau sumitrājanayat sutau ,
vīrau sarvāstrakuśalau viṣṇorardhasamanvitau.
9. atha lakṣmaṇaśatrughnau sumitrā ajanayat sutau
vīrau sarvāstrakauśalau viṣṇoḥ ardhasamanvitau
9. atha sumitrā lakṣmaṇaśatrughnau sutau ajanayat (tau)
vīrau sarvāstrakauśalau viṣṇoḥ ardhasamanvitau (ca āstām)
9. Then Sumitra bore two sons, Lakshmana and Shatrughna, both valiant, skilled in all weapons, and endowed with half the essence of Vishnu (viṣṇu).
राज्ञः पुत्रा महात्मानश्चत्वारो जज्ञिरे पृथक् ।
गुणवन्तो ऽनुरूपाश्च रुच्या प्रोष्ठपदोपमाः ॥१०॥
10. rājñaḥ putrā mahātmānaścatvāro jajñire pṛthak ,
guṇavanto'nurūpāśca rucyā proṣṭhapadopamāḥ.
10. rājñaḥ putrāḥ mahātmānaḥ catvāraḥ jajñire pṛthak
guṇavantaḥ anurūpāḥ ca rucyā proṣṭhapadopamāḥ
10. rājñaḥ catvāraḥ mahātmānaḥ putrāḥ pṛthak jajñire (te)
guṇavantaḥ anurūpāḥ ca rucyā proṣṭhapadopamāḥ (āsan)
10. The king's four great-souled (mahātman) sons were born individually, all virtuous, well-matched, and comparable to the Proṣṭhapada stars in their brilliance.
अतीत्यैकादशाहं तु नाम कर्म तथाकरोत् ।
ज्येष्ठं रामं महात्मानं भरतं कैकयीसुतम् ॥११॥
11. atītyaikādaśāhaṃ tu nāma karma tathākarot ,
jyeṣṭhaṃ rāmaṃ mahātmānaṃ bharataṃ kaikayīsutam.
11. atītya ekādaśāham tu nāma karma tathā akarot
jyeṣṭham rāmam mahātmānam bharatam kaikayīsutam
11. ekādaśāham atītya tu nāma karma tathā akarot
jyeṣṭham rāmam mahātmānam bharatam kaikayīsutam
11. After the eleventh day had passed, he performed the naming ceremony (karma). He named the eldest Rama, and the noble-minded (mahātman) Bharata, son of Kaikeyī.
सौमित्रिं लक्ष्मणमिति शत्रुघ्नमपरं तथा ।
वसिष्ठः परमप्रीतो नामानि कृतवांस्तदा ।
तेषां जन्मक्रियादीनि सर्वकर्माण्यकारयत् ॥१२॥
12. saumitriṃ lakṣmaṇamiti śatrughnamaparaṃ tathā ,
vasiṣṭhaḥ paramaprīto nāmāni kṛtavāṃstadā ,
teṣāṃ janmakriyādīni sarvakarmāṇyakārayat.
12. saumitrim lakṣmaṇam iti śatrughnam
aparam tathā vasiṣṭhaḥ paramaprītaḥ
nāmāni kṛtavān tadā teṣām
janmakriyādīni sarvakarmāṇi akārayat
12. tathā paramaprītaḥ vasiṣṭhaḥ
saumitrim lakṣmaṇam iti aparam śatrughnam
nāmāni kṛtavān tadā teṣām
janmakriyādīni sarvakarmāṇi akārayat
12. Similarly, the greatly pleased Vasishtha named Sumitra's son Lakshmana, and another, Shatrughna. He then performed their naming ceremonies and all other rites (karma), beginning with the birth ceremonies.
तेषां केतुरिव ज्येष्ठो रामो रतिकरः पितुः ।
बभूव भूयो भूतानां स्वयम्भूरिव संमतः ॥१३॥
13. teṣāṃ keturiva jyeṣṭho rāmo ratikaraḥ pituḥ ,
babhūva bhūyo bhūtānāṃ svayambhūriva saṃmataḥ.
13. teṣām ketuḥ iva jyeṣṭhaḥ rāmaḥ ratikaraḥ pituḥ
babhūva bhūyaḥ bhūtānām svayambhūḥ iva saṃmataḥ
13. teṣām jyeṣṭhaḥ rāmaḥ pituḥ ketuḥ iva ratikaraḥ
babhūva bhūyaḥ bhūtānām svayambhūḥ iva saṃmataḥ
13. Among them, the eldest Rama became like a banner [of distinction] for his father, bringing him great joy. He was also regarded with great esteem by all beings, much like Svayambhu (the Self-Existent).
सर्वे वेदविदः शूराः सर्वे लोकहिते रताः ।
सर्वे ज्ञानोपसंपन्नाः सर्वे समुदिता गुणैः ॥१४॥
14. sarve vedavidaḥ śūrāḥ sarve lokahite ratāḥ ,
sarve jñānopasaṃpannāḥ sarve samuditā guṇaiḥ.
14. sarve vedavidaḥ śūrāḥ sarve lokahite ratāḥ
sarve jñānopasaṃpannāḥ sarve samuditāḥ guṇaiḥ
14. sarve vedavidaḥ śūrāḥ sarve lokahite ratāḥ
sarve jñānopasaṃpannāḥ sarve guṇaiḥ samuditāḥ
14. All of them were knowers of the Vedas and valiant warriors. All were devoted to the welfare of the people. All were endowed with knowledge, and all were enriched with good qualities.
तेषामपि महातेजा रामः सत्यपराक्रमः ।
बाल्यात् प्रभृति सुस्निग्धो लक्ष्मणो लक्ष्मिवर्धनः ॥१५॥
15. teṣāmapi mahātejā rāmaḥ satyaparākramaḥ ,
bālyāt prabhṛti susnigdho lakṣmaṇo lakṣmivardhanaḥ.
15. teṣām api mahātejā rāmaḥ satyaparākramaḥ bālyāt
prabhṛti susnigdhaḥ lakṣmaṇaḥ lakṣmīvardhanaḥ
15. teṣām api lakṣmīvardhanaḥ lakṣmaṇaḥ bālyāt prabhṛti
mahātejāḥ satyaparākramaḥ rāmaḥ susnigdhaḥ
15. Among them, Lakshmana, the augmenter of prosperity, was exceedingly devoted from childhood onwards to the greatly effulgent Rama, whose valor was unfailing.
रामस्य लोकरामस्य भ्रातुर्ज्येष्ठस्य नित्यशः ।
सर्वप्रियकरस्तस्य रामस्यापि शरीरतः ॥१६॥
16. rāmasya lokarāmasya bhrāturjyeṣṭhasya nityaśaḥ ,
sarvapriyakarastasya rāmasyāpi śarīrataḥ.
16. rāmasya lokarāmasya bhrātuḥ jyeṣṭhasya nityaśaḥ
sarvapriyakaraḥ tasya rāmasya api śarīrataḥ
16. sarvapriyakaraḥ (lakṣmaṇaḥ) nityaśaḥ lokarāmasya jyeṣṭhasya
bhrātuḥ rāmasya tasya rāmasya śarīrataḥ api (āsīt)
16. Lakshmana constantly performed every pleasing service for Rama, his elder brother who delighted the people, becoming even to Rama like another body.
लक्ष्मणो लक्ष्मिसंपन्नो बहिःप्राण इवापरः ।
न च तेन विना निद्रां लभते पुरुषोत्तमः ।
मृष्टमन्नमुपानीतमश्नाति न हि तं विना ॥१७॥
17. lakṣmaṇo lakṣmisaṃpanno bahiḥprāṇa ivāparaḥ ,
na ca tena vinā nidrāṃ labhate puruṣottamaḥ ,
mṛṣṭamannamupānītamaśnāti na hi taṃ vinā.
17. lakṣmaṇaḥ lakṣmīsampannaḥ bahiḥprāṇaḥ
iva aparaḥ na ca tena vinā nidrām
labhate puruṣottamaḥ mṛṣṭam
annam upanītam aśnāti na hi tam vinā
17. lakṣmīsampannaḥ lakṣmaṇaḥ aparaḥ
bahiḥprāṇaḥ iva (āsīt) ca puruṣottamaḥ
tena vinā nidrām na labhate upanītam
mṛṣṭam annam api tam vinā na hi aśnāti
17. Lakshmana, endowed with auspicious signs, was like another external life-breath. And without him, Rama, the best among men (puruṣa), would not obtain sleep. Indeed, he would not eat delicious food even if it were brought to him, without him.
यदा हि हयमारूढो मृगयां याति राघवः ।
तदैनं पृष्ठतो ऽभ्येति सधनुः परिपालयन् ॥१८॥
18. yadā hi hayamārūḍho mṛgayāṃ yāti rāghavaḥ ,
tadainaṃ pṛṣṭhato'bhyeti sadhanuḥ paripālayan.
18. yadā hi hayam ārūḍhaḥ mṛgayām yāti rāghavaḥ tadā
enam pṛṣṭhataḥ abhyeti sadhanuḥ paripālayan
18. hi yadā rāghavaḥ hayam āruḍhaḥ mṛgayām yāti,
tadā (lakṣmaṇaḥ) enam pṛṣṭhataḥ sadhanuḥ paripālayan abhyeti
18. Indeed, whenever Rama, a descendant of Raghu, mounted a horse and went hunting, Lakshmana would then follow him from behind, protecting him with his bow.
भरतस्यापि शत्रुघ्नो लक्ष्मणावरजो हि सः ।
प्राणैः प्रियतरो नित्यं तस्य चासीत्तथा प्रियः ॥१९॥
19. bharatasyāpi śatrughno lakṣmaṇāvarajo hi saḥ ,
prāṇaiḥ priyataro nityaṃ tasya cāsīttathā priyaḥ.
19. bharatasya api śatrughnaḥ lakṣmaṇāvarajaḥ hi saḥ
prāṇaiḥ priyataraḥ nityam tasya ca āsīt tathā priyaḥ
19. śatrughnaḥ lakṣmaṇāvarajaḥ hi saḥ bharatasya api
prāṇaiḥ priyataraḥ nityam tasya ca tathā priyaḥ āsīt
19. Shatrughna, who was Lakshmana's younger brother, was also especially connected to Bharata. He (Shatrughna) was always dearer than life to Bharata, and thus equally beloved by him.
स चतुर्भिर्महाभागैः पुत्रैर्दशरथः प्रियैः ।
बभूव परमप्रीतो देवैरिव पितामहः ॥२०॥
20. sa caturbhirmahābhāgaiḥ putrairdaśarathaḥ priyaiḥ ,
babhūva paramaprīto devairiva pitāmahaḥ.
20. saḥ caturbhiḥ mahābhāgaiḥ putraiḥ daśarathaḥ
priyaiḥ babhūva paramaprītaḥ devaiḥ iva pitāmahaḥ
20. saḥ daśarathaḥ caturbhiḥ mahābhāgaiḥ priyaiḥ
putraiḥ devaiḥ iva pitāmahaḥ paramaprītaḥ babhūva
20. King Dasharatha, with his four greatly fortunate and beloved sons, became supremely pleased, just like Brahma (pitāmaha) with the gods.
ते यदा ज्ञानसंपन्नाः सर्वे समुदिता गुणैः ।
ह्रीमन्तः कीर्तिमन्तश्च सर्वज्ञा दीर्घदर्शिनः ॥२१॥
21. te yadā jñānasaṃpannāḥ sarve samuditā guṇaiḥ ,
hrīmantaḥ kīrtimantaśca sarvajñā dīrghadarśinaḥ.
21. te yadā jñānasaṃpannāḥ sarve samuditāḥ guṇaiḥ
hrīmantaḥ kīrtimantaḥ ca sarvajñāḥ dīrghadarśinaḥ
21. yadā te sarve jñānasaṃpannāḥ guṇaiḥ samuditāḥ
hrīmantaḥ kīrtimantaḥ ca sarvajñāḥ dīrghadarśinaḥ
21. When they (the sons) were all endowed with knowledge and fully possessed of virtues, they were modest, renowned, all-knowing, and far-sighted.
अथ राजा दशरथस्तेषां दारक्रियां प्रति ।
चिन्तयामास धर्मात्मा सोपाध्यायः सबान्धवः ॥२२॥
22. atha rājā daśarathasteṣāṃ dārakriyāṃ prati ,
cintayāmāsa dharmātmā sopādhyāyaḥ sabāndhavaḥ.
22. atha rājā daśarathaḥ teṣām dārakriyām prati
cintayāmāsa dharmātmā sa-upādhyāyaḥ sa-bāndhavaḥ
22. atha dharmātmā rājā daśarathaḥ sa-upādhyāyaḥ
sa-bāndhavaḥ teṣām dārakriyām prati cintayāmāsa
22. Then King Dasharatha, whose intrinsic nature (dharma) was righteousness, accompanied by his preceptors and relatives, began to deliberate concerning their marriages.
तस्य चिन्तयमानस्य मन्त्रिमध्ये महात्मनः ।
अभ्यागच्छन्महातेजो विश्वामित्रो महामुनिः ॥२३॥
23. tasya cintayamānasya mantrimadhye mahātmanaḥ ,
abhyāgacchanmahātejo viśvāmitro mahāmuniḥ.
23. tasya cintayamānasya mantrimadhye mahātmanaḥ
abhyāgacchat mahātejaḥ viśvāmitraḥ mahāmuniḥ
23. mahātmanaḥ tasya mantrimadhye cintayamānasya
mahātejaḥ mahāmuniḥ viśvāmitraḥ abhyāgacchat
23. While that great-souled one (ātman) was deliberating among his ministers, the greatly effulgent great sage Viśvāmitra approached.
स राज्ञो दर्शनाकाङ्क्षी द्वाराध्यक्षानुवाच ह ।
शीघ्रमाख्यात मां प्राप्तं कौशिकं गाधिनः सुतम् ॥२४॥
24. sa rājño darśanākāṅkṣī dvārādhyakṣānuvāca ha ,
śīghramākhyāta māṃ prāptaṃ kauśikaṃ gādhinaḥ sutam.
24. saḥ rājñaḥ darśanākāṅkṣī dvārādhyakṣān uvāca ha
śīghram ākhyāta mām prāptam kauśikam gādhinaḥ sutam
24. saḥ rājñaḥ darśanākāṅkṣī ha dvārādhyakṣān uvāca
śīghram mām gādhinaḥ sutam kauśikam prāptam ākhyāta
24. Desiring an audience with the king, he (Viśvāmitra) said to the doorkeepers, "Quickly announce that I, Kauśika, the son of Gādhi, have arrived."
तच्छ्रुत्वा वचनं तस्य राजवेश्म प्रदुद्रुवुः ।
संभ्रान्तमनसः सर्वे तेन वाक्येन चोदिताः ॥२५॥
25. tacchrutvā vacanaṃ tasya rājaveśma pradudruvuḥ ,
saṃbhrāntamanasaḥ sarve tena vākyena coditāḥ.
25. tat śrutvā vacanam tasya rājaveśma pradudruvuḥ
saṃbhrāntamanasaḥ sarve tena vākyena coditāḥ
25. tasya vacanam śrutvā tena vākyena coditāḥ
saṃbhrāntamanasaḥ sarve rājaveśma pradudruvuḥ
25. Having heard his words, all of them, with bewildered minds and impelled by that command, rushed to the king's palace.
ते गत्वा राजभवनं विश्वामित्रमृषिं तदा ।
प्राप्तमावेदयामासुर्नृपायेक्ष्वाकवे तदा ॥२६॥
26. te gatvā rājabhavanaṃ viśvāmitramṛṣiṃ tadā ,
prāptamāvedayāmāsurnṛpāyekṣvākave tadā.
26. te gatvā rājabhavanam viśvāmitram ṛṣim tadā
prāptam āvedayāmāsuḥ nṛpāya ikṣvākave tadā
26. te tadā rājabhavanam gatvā tadā nṛpāya
ikṣvākave prāptam ṛṣim viśvāmitram āvedayāmāsuḥ
26. Having gone to the king's palace, they then announced the arrival of the sage Viśvāmitra to King Ikṣvāku (Daśaratha).
तेषां तद्वचनं श्रुत्वा सपुरोधाः समाहितः ।
प्रत्युज्जगाम संहृष्टो ब्रह्माणमिव वासवः ॥२७॥
27. teṣāṃ tadvacanaṃ śrutvā sapurodhāḥ samāhitaḥ ,
pratyujjagāma saṃhṛṣṭo brahmāṇamiva vāsavaḥ.
27. teṣām tat vacanam śrutvā sa-purodhāḥ samāhitaḥ
pratyujjagāma saṃhṛṣṭaḥ brahmāṇam iva vāsavaḥ
27. teṣām tat vacanam śrutvā sa-purodhāḥ samāhitaḥ
saṃhṛṣṭaḥ vāsavaḥ iva brahmāṇam pratyujjagāma
27. Having heard their words, the king, accompanied by his chief priest and with a concentrated mind, went forth to meet him, greatly delighted, just as Vāsava (Indra) would meet Brahmā (brahman).
स दृष्ट्वा ज्वलितं दीप्त्या तापसं संशितव्रतम् ।
प्रहृष्टवदनो राजा ततो ऽर्घ्यमुपहारयत् ॥२८॥
28. sa dṛṣṭvā jvalitaṃ dīptyā tāpasaṃ saṃśitavratam ,
prahṛṣṭavadano rājā tato'rghyamupahārayat.
28. saḥ dṛṣṭvā jvalitam dīptyā tāpasam saṃśitavratam
pra-hṛṣṭa-vadanaḥ rājā tataḥ arghyam upahārayat
28. rājā saḥ dīptyā jvalitam saṃśitavratam tāpasam
dṛṣṭvā tataḥ pra-hṛṣṭa-vadanaḥ arghyam upahārayat
28. The king, having seen the ascetic who was blazing with splendor and steadfast in his vows, then, with a joyful face, offered the oblation (arghya).
स राज्ञः प्रतिगृह्यार्घ्यं शास्त्रदृष्ट्तेन कर्मणा ।
कुशलं चाव्ययं चैव पर्यपृच्छन्नराधिपम् ॥२९॥
29. sa rājñaḥ pratigṛhyārghyaṃ śāstradṛṣṭtena karmaṇā ,
kuśalaṃ cāvyayaṃ caiva paryapṛcchannarādhipam.
29. saḥ rājñaḥ pratigṛhya arghyam śāstra-dṛṣṭena karmaṇā
kuśalam ca avyayam ca eva paryapṛcchat narādhipam
29. saḥ rājñaḥ śāstra-dṛṣṭena karmaṇā arghyam pratigṛhya
narādhipam kuśalam ca avyayam ca eva paryapṛcchat
29. Having accepted the oblation (arghya) from the king, performed with the ritual actions prescribed by the sacred texts, the ascetic then inquired of the ruler (narādhipa) about his welfare and lasting prosperity.
वसिष्ठं च समागम्य कुशलं मुनिपुंगवः ।
ऋषींश्च तान्यथा न्यायं महाभागानुवाच ह ॥३०॥
30. vasiṣṭhaṃ ca samāgamya kuśalaṃ munipuṃgavaḥ ,
ṛṣīṃśca tānyathā nyāyaṃ mahābhāgānuvāca ha.
30. vasiṣṭham ca samāgamya kuśalam munipuṅgavaḥ
ṛṣīn ca tān yathā nyāyam mahābhāgān uvāca ha
30. munipuṅgavaḥ vasiṣṭham ca samāgamya kuśalam
tān mahābhāgān ṛṣīn ca yathā nyāyam uvāca ha
30. And having approached Vasiṣṭha, the foremost among sages (munipuṅgava) spoke words of welfare. He also addressed those illustrious sages appropriately.
ते सर्वे हृष्टमनसस्तस्य राज्ञो निवेशनम् ।
विविशुः पूजितास्तत्र निषेदुश्च यथार्थतः ॥३१॥
31. te sarve hṛṣṭamanasastasya rājño niveśanam ,
viviśuḥ pūjitāstatra niṣeduśca yathārthataḥ.
31. te sarve hṛṣṭamanasaḥ tasya rājñaḥ niveśanam
viviśuḥ pūjitāḥ tatra niṣeduḥ ca yathārthataḥ
31. te sarve hṛṣṭamanasaḥ tasyā rājñaḥ niveśanam
viviśuḥ pūjitāḥ ca tatra yathārthataḥ niṣeduḥ
31. All of them, with joyful minds, entered the palace of that king. They were honored there and seated appropriately.
अथ हृष्टमना राजा विश्वामित्रं महामुनिम् ।
उवाच परमोदारो हृष्टस्तमभिपूजयन् ॥३२॥
32. atha hṛṣṭamanā rājā viśvāmitraṃ mahāmunim ,
uvāca paramodāro hṛṣṭastamabhipūjayan.
32. atha hṛṣṭamanāḥ rājā viśvāmitram mahāmunim
uvāca paramodāraḥ hṛṣṭaḥ tam abhipūjayan
32. atha hṛṣṭamanāḥ paramodāraḥ rājā tam
mahāmunim viśvāmitram abhipūjayan hṛṣṭaḥ uvāca
32. Then the greatly joyful king, extremely generous, said to the great sage Viśvāmitra, honoring him.
यथामृतस्य संप्राप्तिर्यथा वर्षमनूदके ।
यथा सदृशदारेषु पुत्रजन्माप्रजस्य च ।
प्रनष्टस्य यथा लाभो यथा हर्षो महोदये ।
तथैवागमनं मन्ये स्वागतं ते महामुने ॥३३॥
33. yathāmṛtasya saṃprāptiryathā varṣamanūdake ,
yathā sadṛśadāreṣu putrajanmāprajasya ca ,
pranaṣṭasya yathā lābho yathā harṣo mahodaye ,
tathaivāgamanaṃ manye svāgataṃ te mahāmune.
33. yathā amṛtasya samprāptiḥ yathā varṣam anūdake
yathā sadṛśadāreṣu putrajammā aprajasyā ca
pranaṣṭasya yathā lābhaḥ yathā harṣaḥ mahodaye
tathā eva āgamanam manye svāgatam te mahāmune
33. mahāmune yathā amṛtasya samprāptiḥ yathā anūdake
varṣam yathā sadṛśadāreṣu aprajasyā ca
putrajammā yathā pranaṣṭasya lābhaḥ yathā mahodaye
harṣaḥ tathā eva te āgamanam svāgatam manye
33. Just as the attainment of nectar, just as rain upon a waterless land, just as the birth of a son to a childless man from a suitable wife, just as the recovery of something lost, and just as joy in a great prosperity - similarly, I consider your arrival a welcome, O great sage.
कं च ते परमं कामं करोमि किमु हर्षितः ।
पात्रभूतो ऽसि मे विप्र दिष्ट्या प्राप्तो ऽसि धार्मिक ।
अद्य मे सफलं जन्म जीवितं च सुजीवितम् ॥३४॥
34. kaṃ ca te paramaṃ kāmaṃ karomi kimu harṣitaḥ ,
pātrabhūto'si me vipra diṣṭyā prāpto'si dhārmika ,
adya me saphalaṃ janma jīvitaṃ ca sujīvitam.
34. kam ca te paramam kāmam karomi kim
u harṣitaḥ pātrabhūtaḥ asi me vipra
diṣṭyā prāptaḥ asi dhārmika adya me
saphalam janma jīvitam ca sujīvitam
34. ca kim harṣitaḥ kam te paramam kāmam
karomi u me vipra pātrabhūtaḥ asi
dhārmika diṣṭyā asi prāptaḥ adya me
janma saphalam ca jīvitam sujīvitam
34. What supreme desire shall I fulfill for you? What should I do, delighted as I am? You are indeed a worthy recipient for me, O Brahmin; fortunately, you, the righteous one, have arrived. Today, my birth has become fruitful, and my life well-lived.
पूर्वं राजर्षिशब्देन तपसा द्योतितप्रभः ।
ब्रह्मर्षित्वमनुप्राप्तः पूज्यो ऽसि बहुधा मया ॥३५॥
35. pūrvaṃ rājarṣiśabdena tapasā dyotitaprabhaḥ ,
brahmarṣitvamanuprāptaḥ pūjyo'si bahudhā mayā.
35. pūrvam rājarṣiśabdena tapasā dyotitaprabhaḥ
brahmarṣitvam anuprāptaḥ pūjyaḥ asi bahudhā mayā
35. mayā pūrvam rājarṣiśabdena tapasā dyotitaprabhaḥ
brahmarṣitvam anuprāptaḥ asi bahudhā pūjyaḥ
35. Formerly, your radiance was illumined by asceticism (tapas), and you were known as a royal sage (rājarṣi). Now, having attained the state of a brahmin sage (brahmarṣi), you are to be honored by me in many ways.
तदद्भुतमिदं विप्र पवित्रं परमं मम ।
शुभक्षेत्रगतश्चाहं तव संदर्शनात् प्रभो ॥३६॥
36. tadadbhutamidaṃ vipra pavitraṃ paramaṃ mama ,
śubhakṣetragataścāhaṃ tava saṃdarśanāt prabho.
36. tat adbhutam idam vipra pavitram paramam mama
śubhakṣetragataḥ ca aham tava saṃdarśanāt prabho
36. vipra prabho tat idam mama adbhutam paramam
pavitram ca aham tava saṃdarśanāt śubhakṣetragataḥ
36. O Brahmin, this is truly a wondrous, supremely purifying experience for me. Moreover, O Lord, by merely seeing you, I feel as if I have arrived at a sacred place.
ब्रूहि यत् प्रार्थितं तुभ्यं कार्यमागमनं प्रति ।
इच्छाम्यनुगृहीतो ऽहं त्वदर्थपरिवृद्धये ॥३७॥
37. brūhi yat prārthitaṃ tubhyaṃ kāryamāgamanaṃ prati ,
icchāmyanugṛhīto'haṃ tvadarthaparivṛddhaye.
37. brūhi yat prārthitam tubhyam kāryam āgamanam prati
icchāmi anugṛhītaḥ aham tvadarthaparivṛddhaye
37. yat kāryam tubhyam āgamanam prati prārthitam brūhi
aham tvadarthaparivṛddhaye anugṛhītaḥ icchāmi
37. Please tell me what you have requested, the purpose of your arrival. I desire to be obliged by contributing to the fulfillment of your objective.
कार्यस्य न विमर्शं च गन्तुमर्हसि कौशिक ।
कर्ता चाहमशेषेण दैवतं हि भवान्मम ॥३८॥
38. kāryasya na vimarśaṃ ca gantumarhasi kauśika ,
kartā cāhamaśeṣeṇa daivataṃ hi bhavānmama.
38. kāryasya na vimarśam ca gantum arhasi kauśika
kartā ca aham aśeṣeṇa daivatam hi bhavān mama
38. kauśika kāryasya vimarśam na ca gantum arhasi
hi bhavān mama daivatam aham aśeṣeṇa kartā
38. O Kauśika, you should not entertain any doubt regarding this task. I shall indeed accomplish it completely, for you are truly my deity.
इति हृदयसुखं निशम्य वाक्यं श्रुतिसुखमात्मवता विनीतमुक्तम् ।
प्रथितगुणयशा गुणैर्विशिष्टः परम ऋषिः परमं जगाम हर्षम् ॥३९॥
39. iti hṛdayasukhaṃ niśamya vākyaṃ śrutisukhamātmavatā vinītamuktam ,
prathitaguṇayaśā guṇairviśiṣṭaḥ parama ṛṣiḥ paramaṃ jagāma harṣam.
39. iti hṛdayasukham niśamya vākyam
śrutisukham ātmanvatā vinītam uktam
prathitaguṇayaśāḥ guṇaiḥ viśiṣṭaḥ
paramaḥ ṛṣiḥ paramam jagāma harṣam
39. iti (ātmanvatā vinītam uktam) hṛdayasukham ca śrutisukham vākyam niśamya,
(prathitaguṇayaśāḥ guṇaiḥ viśiṣṭaḥ) paramaḥ ṛṣiḥ paramam harṣam jagāma
39. Having heard these words, which were pleasing to the heart and agreeable to the ear, spoken humbly by the self-possessed (ātman), the great sage, whose fame for his qualities (guṇa) was widespread and who was distinguished by his virtues, attained supreme joy.

Links to all chapters:

bāla kāṇḍa (current book)

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 (current chapter) Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76

ayodhyā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111

araṇya kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71

kiṣkindhā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

sundara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

yuddha kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116

uttara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100