Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

वाल्मीकि-रामायणम्       vālmīki-rāmāyaṇam - book-3, chapter-45

Use the following checkboxes to set the display options for this chapter (You can also control the display of each verse separately):
what would you like to see in each verse:
रावणेन तु वैदेही तदा पृष्टा जिहीर्षुणा ।
परिव्राजकरूपेण शशंसात्मानमात्मना ॥१॥
1. rāvaṇena tu vaidehī tadā pṛṣṭā jihīrṣuṇā ,
parivrājakarūpeṇa śaśaṃsātmānamātmanā.
1. rāvaṇena tu vaidehī tadā pṛṣṭā jihīrṣuṇā
parivrājakarūpeṇa śaśaṃsa ātmānam ātmanā
1. tu tadā jihīrṣuṇā parivrājakarūpeṇa rāvaṇena
pṛṣṭā vaidehī ātmanā ātmānam śaśaṃsa
1. Then, Vaidehi (Sita), questioned by Ravana, who intended to abduct her and was disguised as an ascetic, described herself personally.
ब्राह्मणश्चातिथिश्चैष अनुक्तो हि शपेत माम् ।
इति ध्यात्वा मुहूर्तं तु सीता वचनमब्रवीत् ॥२॥
2. brāhmaṇaścātithiścaiṣa anukto hi śapeta mām ,
iti dhyātvā muhūrtaṃ tu sītā vacanamabravīt.
2. brāhmaṇaḥ ca atithiḥ ca eṣaḥ anuktaḥ hi śapeta
mām iti dhyātvā muhūrtam tu sītā vacanam abravīt
2. eṣaḥ brāhmaṇaḥ ca atithiḥ ca hi anuktaḥ mām śapeta
iti dhyātvā tu muhūrtam sītā vacanam abravīt
2. "This one (Ravana in disguise) is a Brahmin and also a guest. If he is not addressed, he might surely curse me." Having pondered thus for a moment, Sita then spoke these words.
दुहिता जनकस्याहं मैथिलस्य महात्मनः ।
सीता नाम्नास्मि भद्रं ते रामभार्या द्विजोत्तम ॥३॥
3. duhitā janakasyāhaṃ maithilasya mahātmanaḥ ,
sītā nāmnāsmi bhadraṃ te rāmabhāryā dvijottama.
3. duhitā janakasya aham maithilasya mahātmanaḥ
sītā nāmnā asmi bhadram te rāmabhāryā dvijottama
3. aham janakasya maithilasya mahātmanaḥ duhitā
asmi sītā nāmnā rāmabhāryā dvijottama te bhadram
3. I am Sītā, the daughter of Janaka, the great-souled king of Mithila. My name is Sītā, and I am Rāma's wife. May you be well, O best among the twice-born (brāhmaṇa).
संवत्सरं चाध्युषिता राघवस्य निवेशने ।
भुञ्जाना मानुषान्भोगान् सर्वकामसमृद्धिनी ॥४॥
4. saṃvatsaraṃ cādhyuṣitā rāghavasya niveśane ,
bhuñjānā mānuṣānbhogān sarvakāmasamṛddhinī.
4. saṃvatsaram ca adhyuṣitā rāghavasya niveśane
bhuñjānā mānuṣān bhogān sarvakāmasamṛddhinī
4. ca aham rāghavasya niveśane saṃvatsaram adhyuṣitā
mānuṣān bhogān bhuñjānā sarvakāmasamṛddhinī
4. And I resided for a year in Rāghava's abode, enjoying human pleasures and experiencing the fulfillment of all my desires.
ततः संवत्सरादूर्ध्वं सममन्यत मे पतिम् ।
अभिषेचयितुं रामं समेतो राजमन्त्रिभिः ॥५॥
5. tataḥ saṃvatsarādūrdhvaṃ samamanyata me patim ,
abhiṣecayituṃ rāmaṃ sameto rājamantribhiḥ.
5. tataḥ saṃvatsarāt ūrdhvam samamanyata me patim
abhiṣecayitum rāmam sametaḥ rājamantribhiḥ
5. tataḥ saṃvatsarāt ūrdhvam rājamantribhiḥ
sametaḥ me patim rāmam abhiṣecayitum samamanyata
5. Then, after a year, [King Daśaratha] resolved, along with his royal ministers, to anoint my husband, Rāma, [as crown prince].
तस्मिन् संभ्रियमाणे तु राघवस्याभिषेचने ।
कैकेयी नाम भर्तारं ममार्या याचते वरम् ॥६॥
6. tasmin saṃbhriyamāṇe tu rāghavasyābhiṣecane ,
kaikeyī nāma bhartāraṃ mamāryā yācate varam.
6. tasmin saṃbhriyamāṇe tu rāghavasya abhiṣecane
kaikeyī nāma bhartāram mama āryā yācate varam
6. tu tasmin rāghavasya abhiṣecane saṃbhriyamāṇe
mama āryā kaikeyī nāma bhartāram varam yācate
6. However, while that consecration of Rāghava (Rāma) was being prepared, my venerable mother-in-law, Kaikeyī by name, asked her husband (King Daśaratha) for a boon.
प्रतिगृह्य तु कैकेयी श्वशुरं सुकृतेन मे ।
मम प्रव्राजनं भर्तुर्भरतस्याभिषेचनम् ।
द्वावयाचत भर्तारं सत्यसंधं नृपोत्तमम् ॥७॥
7. pratigṛhya tu kaikeyī śvaśuraṃ sukṛtena me ,
mama pravrājanaṃ bharturbharatasyābhiṣecanam ,
dvāvayācata bhartāraṃ satyasaṃdhaṃ nṛpottamam.
7. pratigṛhya tu kaikeyī śvaśuram
sukṛtena me mama pravrājanam bhartuḥ
bharatasya abhiṣecanam dvau ayācata
bhartāram satyasaṃdham nṛpottamam
7. kaikeyī tu me śvaśuram sukṛtena
pratigṛhya satyasaṃdham nṛpottamam
bhartāram dvau ayācata: mama bhartuḥ
pravrājanam bharatasya abhiṣecanam
7. Kaikeyi, having indeed received from my father-in-law (King Daśaratha) by virtue of her past merit (which earned her a boon), asked her truthful husband, the best among kings, for two things: my husband's exile and Bharata's consecration.
नाद्य भोक्ष्ये न च स्वप्स्ये न पास्ये ऽहं कदा चन ।
एष मे जीवितस्यान्तो रामो यद्यभिषिच्यते ॥८॥
8. nādya bhokṣye na ca svapsye na pāsye'haṃ kadā cana ,
eṣa me jīvitasyānto rāmo yadyabhiṣicyate.
8. na adya bhokṣye na ca svapsye na pāsye aham kadā
cana eṣaḥ me jīvitasya antaḥ rāmaḥ yadi abhiṣicyate
8. aham adya na bhokṣye,
na ca svapsye,
na kadā cana pāsye.
yadi rāmaḥ abhiṣicyate,
eṣaḥ me jīvitasya antaḥ
8. (Kaikeyi declared:) "I will not eat today, nor will I sleep, nor will I ever drink. This is the end of my life if Rāma is consecrated."
इति ब्रुवाणां कैकेयीं श्वशुरो मे स मानदः ।
अयाचतार्थैरन्वर्थैर्न च याच्ञां चकार सा ॥९॥
9. iti bruvāṇāṃ kaikeyīṃ śvaśuro me sa mānadaḥ ,
ayācatārthairanvarthairna ca yācñāṃ cakāra sā.
9. iti bruvāṇām kaikeyīm śvaśuraḥ me saḥ mānadaḥ
ayācata arthaiḥ anvarthaiḥ na ca yācñām cakāra sā
9. me saḥ mānadaḥ śvaśuraḥ iti bruvāṇām kaikeyīm anvarthaiḥ arthaiḥ ayācata,
sā ca yācñām na cakāra
9. My father-in-law (King Daśaratha), that giver of honor, begged Kaikeyi, who was speaking thus, with appropriate and meaningful arguments, but she did not give up her demand.
मम भर्ता महातेजा वयसा पञ्चविंशकः ।
रामेति प्रथितो लोके गुणवान् सत्यवाक् शुचिः ।
विशालाक्षो महाबाहुः सर्वभूतहिते रतः ॥१०॥
10. mama bhartā mahātejā vayasā pañcaviṃśakaḥ ,
rāmeti prathito loke guṇavān satyavāk śuciḥ ,
viśālākṣo mahābāhuḥ sarvabhūtahite rataḥ.
10. mama bhartā mahātejāḥ vayasā
pañcaviṃśakaḥ rāmaḥ iti prathitaḥ loke
guṇavān satyavāk śuciḥ viśālākṣaḥ
mahābāhuḥ sarvabhūtahite rataḥ
10. mama bhartā mahātejāḥ vayasā pañcaviṃśakaḥ (saḥ) loke rāmaḥ iti prathitaḥ (asti).
(saḥ) guṇavān satyavāk śuciḥ viśālākṣaḥ mahābāhuḥ sarvabhūtahite rataḥ (ca asti)
10. My husband, Rāma, is greatly effulgent and twenty-five years of age. He is renowned in the world, virtuous, truthful, pure, broad-eyed, mighty-armed, and devoted to the welfare of all beings.
अभिषेकाय तु पितुः समीपं राममागतम् ।
कैकेयी मम भर्तारमित्युवाच द्रुतं वचः ॥११॥
11. abhiṣekāya tu pituḥ samīpaṃ rāmamāgatam ,
kaikeyī mama bhartāramityuvāca drutaṃ vacaḥ.
11. abhiṣekāya tu pituḥ samīpam rāmam āgatam
kaikeyī mama bhartāram iti uvāca drutam vacaḥ
11. tu rāmam pituḥ samīpam abhiṣekāya āgatam
kaikeyī mama bhartāram iti drutam vacaḥ uvāca
11. When Rama arrived near his father for the consecration, Kaikeyi quickly spoke these words to my husband.
तव पित्रा समाज्ञप्तं ममेदं शृणु राघव ।
भरताय प्रदातव्यमिदं राज्यमकण्टकम् ॥१२॥
12. tava pitrā samājñaptaṃ mamedaṃ śṛṇu rāghava ,
bharatāya pradātavyamidaṃ rājyamakaṇṭakam.
12. tava pitrā samājñaptam mama idam śṛṇu rāghava
bharatāya pradātavyam idam rājyam akaṇṭakam
12. rāghava tava pitrā mama samājñaptam idam śṛṇu
idam akaṇṭakam rājyam bharatāya pradātavyam
12. O Raghava, listen to this [command] given to me by your father: this undisputed kingdom is to be given to Bharata.
त्वया तु खलु वस्तव्यं नव वर्षाणि पञ्च च ।
वने प्रव्रज काकुत्स्थ पितरं मोचयानृतात् ॥१३॥
13. tvayā tu khalu vastavyaṃ nava varṣāṇi pañca ca ,
vane pravraja kākutstha pitaraṃ mocayānṛtāt.
13. tvayā tu khalu vastavyam nava varṣāṇi pañca ca
vane pravraja kākutstha pitaram mocaya anṛtāt
13. tu khalu tvayā nava pañca ca varṣāṇi vane vastavyam
kākutstha vane pravraja pitaram anṛtāt mocaya
13. But you, indeed, must reside in the forest for nine and five years [i.e., fourteen years]. O Kakutstha, go forth into the forest and release your father from his falsehood (anṛta).
तथेत्युवाच तां रामः कैकेयीमकुतोभयः ।
चकार तद्वचस्तस्या मम भर्ता दृढव्रतः ॥१४॥
14. tathetyuvāca tāṃ rāmaḥ kaikeyīmakutobhayaḥ ,
cakāra tadvacastasyā mama bhartā dṛḍhavrataḥ.
14. tathā iti uvāca tām rāmaḥ kaikeyīm akuto bhayaḥ
cakāra tat vacaḥ tasyāḥ mama bhartā dṛḍhavrataḥ
14. akuto bhayaḥ rāmaḥ tām kaikeyīm tathā iti uvāca
mama dṛḍhavrataḥ bhartā tasyāḥ tat vacaḥ cakāra
14. Fearless Rama said to Kaikeyi, 'So be it.' My husband [Dasharatha], firm in his vow (dṛḍhavrata), fulfilled her command.
दद्यान्न प्रतिगृह्णीयात् सत्यब्रूयान्न चानृतम् ।
एतद्ब्राह्मण रामस्य व्रतं ध्रुवमनुत्तमम् ॥१५॥
15. dadyānna pratigṛhṇīyāt satyabrūyānna cānṛtam ,
etadbrāhmaṇa rāmasya vrataṃ dhruvamanuttamam.
15. dadyāt na pratigṛhṇīyāt satyam brūyāt na ca anṛtam
etat brāhmaṇa rāmasya vratam dhruvam anuttamam
15. brāhmaṇa etat rāmasya dhruvam anuttamam vratam
dadyāt na pratigṛhṇīyāt satyam brūyāt ca na anṛtam
15. O Brahmin, this is Rama's constant and supreme vow: he should give, but never take; he should always speak the truth, and never falsehood.
तस्य भ्राता तु वैमात्रो लक्ष्मणो नाम वीर्यवान् ।
रामस्य पुरुषव्याघ्रः सहायः समरे ऽरिहा ॥१६॥
16. tasya bhrātā tu vaimātro lakṣmaṇo nāma vīryavān ,
rāmasya puruṣavyāghraḥ sahāyaḥ samare'rihā.
16. tasya bhrātā tu vaimātraḥ lakṣmaṇaḥ nāma vīryavān
rāmasya puruṣavyāghraḥ sahāyaḥ samare arihā
16. tu tasya vaimātraḥ nāma lakṣmaṇaḥ vīryavān
puruṣavyāghraḥ arihā rāmasya sahāyaḥ samare
16. Indeed, his step-brother, named Lakshmana, who is valorous, a tiger among men (puruṣa), and a slayer of enemies, is Rama's companion in battle.
स भ्राता लक्ष्मणो नाम धर्मचारी दृढव्रतः ।
अन्वगच्छद्धनुष्पाणिः प्रव्रजन्तं मया सह ॥१७॥
17. sa bhrātā lakṣmaṇo nāma dharmacārī dṛḍhavrataḥ ,
anvagacchaddhanuṣpāṇiḥ pravrajantaṃ mayā saha.
17. sa bhrātā lakṣmaṇaḥ nāma dharmacārī dṛḍhavrataḥ
anvagacchat dhanuṣpāṇiḥ pravrajantam mayā saha
17. sa bhrātā nāma lakṣmaṇaḥ dharmacārī dṛḍhavrataḥ
dhanuṣpāṇiḥ mayā saha pravrajantam anvagacchat
17. That brother, named Lakshmana, who observes the natural law (dharma) and is resolute in his vows, followed me, bow in hand, as I went into exile.
ते वयं प्रच्युता राज्यात् कैलेय्यास्तु कृते त्रयः ।
विचराम द्विजश्रेष्ठ वनं गम्भीरमोजसा ॥१८॥
18. te vayaṃ pracyutā rājyāt kaileyyāstu kṛte trayaḥ ,
vicarāma dvijaśreṣṭha vanaṃ gambhīramojasā.
18. te vayam pracyutāḥ rājyāt kaikeyīyāḥ tu kṛte
trayaḥ vicarāma dvijaśreṣṭha vanam gambhīram ojasā
18. dvijaśreṣṭha tu kaikeyīyāḥ kṛte te trayaḥ vayam
rājyāt pracyutāḥ gambhīram vanam ojasā vicarāma
18. O best of brahmins (dvijaśreṣṭha), for Kaikeyi's sake, we three, indeed deprived of the kingdom, wander through the deep forest with our strength.
समाश्वस मुहूर्तं तु शक्यं वस्तुमिह त्वया ।
आगमिष्यति मे भर्ता वन्यमादाय पुष्कलम् ॥१९॥
19. samāśvasa muhūrtaṃ tu śakyaṃ vastumiha tvayā ,
āgamiṣyati me bhartā vanyamādāya puṣkalam.
19. samāśvasa muhūrtam tu śakyam vastum iha tvayā
āgamiṣyati me bhartā vanyam ādāya puṣkalam
19. tvayā iha muhūrtam tu vastum śakyam samāśvasa
me bhartā puṣkalam vanyam ādāya āgamiṣyati
19. Please rest for a moment; it is possible for you to stay here. My husband will return, bringing a plentiful amount of forest fruits and roots.
स त्वं नाम च गोत्रं च कुलमाचक्ष्व तत्त्वतः ।
एकश्च दण्डकारण्ये किमर्थं चरसि द्विज ॥२०॥
20. sa tvaṃ nāma ca gotraṃ ca kulamācakṣva tattvataḥ ,
ekaśca daṇḍakāraṇye kimarthaṃ carasi dvija.
20. sa tvam nāma ca gotram ca kulam ācakṣva tattvataḥ
ekaḥ ca daṇḍakāraṇye kimartham carasi dvija
20. sa tvam nāma ca gotram ca kulam tattvataḥ ācakṣva
dvija ekaḥ ca kimartham daṇḍakāraṇye carasi
20. Therefore, you, tell me your name, family (gotra), and lineage truly. And why, O Brahmin, do you wander alone in the Daṇḍaka forest?
एवं ब्रुवत्यां सीतायां रामपत्न्यां महाबलः ।
प्रत्युवाचोत्तरं तीव्रं रावणो राक्षसाधिपः ॥२१॥
21. evaṃ bruvatyāṃ sītāyāṃ rāmapatnyāṃ mahābalaḥ ,
pratyuvācottaraṃ tīvraṃ rāvaṇo rākṣasādhipaḥ.
21. evam bruvatyām sītāyām rāmapatnyām mahābalaḥ
pratyuvāca uttaram tīvram rāvaṇaḥ rākṣasādhipaḥ
21. evam rāmapatnyām sītāyām bruvatyām mahābalaḥ
rākṣasādhipaḥ rāvaṇaḥ tīvram uttaram pratyuvāca
21. While Sītā, the wife of Rāma, was speaking thus, the immensely powerful Rāvaṇa, king of the Rākṣasas, gave a sharp reply.
येन वित्रासिता लोकाः सदेवासुरपन्नगाः ।
अहं स रावणो नाम सीते रक्षोगणेश्वरः ॥२२॥
22. yena vitrāsitā lokāḥ sadevāsurapannagāḥ ,
ahaṃ sa rāvaṇo nāma sīte rakṣogaṇeśvaraḥ.
22. yena vitrāṣitāḥ lokāḥ sadevāsurapannagāḥ
aham sa rāvaṇaḥ nāma sīte rakṣogaṇeśvaraḥ
22. sīte aham sa rāvaṇaḥ nāma,
yena sadevāsurapannagāḥ lokāḥ vitrāṣitāḥ rakṣogaṇeśvaraḥ
22. O Sītā, I am that Rāvaṇa by whom all the worlds - including gods, asuras, and nāgas - have been terrified; I am the lord of the Rākṣasa hordes.
त्वां तु काञ्चनवर्णाभां दृष्ट्वा कौशेयवासिनीम् ।
रतिं स्वकेषु दारेषु नाधिगच्छाम्यनिन्दिते ॥२३॥
23. tvāṃ tu kāñcanavarṇābhāṃ dṛṣṭvā kauśeyavāsinīm ,
ratiṃ svakeṣu dāreṣu nādhigacchāmyanindite.
23. tvām tu kāñcanavarṇābhām dṛṣṭvā kauśeyavāsinīm
ratim svakeṣu dāreṣu na adhigacchāmi anindite
23. anindite tvām tu kāñcanavarṇābhām kauśeyavāsinīm
dṛṣṭvā svakeṣu dāreṣu ratim na adhigacchāmi
23. O blameless one, having seen you, who shine with the luster of gold and are clad in silk, I no longer find pleasure in my own wives.
बह्वीनामुत्तमस्त्रीणामाहृतानामितस्ततः ।
सर्वासामेव भद्रं ते ममाग्रमहिषी भव ॥२४॥
24. bahvīnāmuttamastrīṇāmāhṛtānāmitastataḥ ,
sarvāsāmeva bhadraṃ te mamāgramahiṣī bhava.
24. bahvīnām uttamastrīṇām āhṛtānām itas tataḥ
sarvāsām eva bhadram te mama agramahiṣī bhava
24. te bhadram,
itas tataḥ āhṛtānām bahvīnām uttamastrīṇām sarvāsām eva mama agramahiṣī bhava
24. May good fortune be with you! Become my chief queen, surpassing all the many excellent women I have gathered from various places.
लङ्का नाम समुद्रस्य मध्ये मम महापुरी ।
सागरेण परिक्षिप्ता निविष्टा गिरिमूर्धनि ॥२५॥
25. laṅkā nāma samudrasya madhye mama mahāpurī ,
sāgareṇa parikṣiptā niviṣṭā girimūrdhani.
25. laṅkā nāma samudrasya madhye mama mahāpurī
sāgareṇa parikṣiptā niviṣṭā girimūrdhani
25. samudrasya madhye laṅkā nāma mama mahāpurī,
sāgareṇa parikṣiptā,
girimūrdhani niviṣṭā
25. My great city, named Lanka, lies in the middle of the ocean. It is surrounded by the ocean and situated on a mountain peak.
तत्र सीते मया सार्धं वनेषु विचरिष्यसि ।
न चास्यारण्यवासस्य स्पृहयिष्यसि भामिनि ॥२६॥
26. tatra sīte mayā sārdhaṃ vaneṣu vicariṣyasi ,
na cāsyāraṇyavāsasya spṛhayiṣyasi bhāmini.
26. tatra sīte mayā sārdham vaneṣu vicariṣyasi na
ca asyāḥ araṇyavāsasya spṛhayiṣyasi bhāmini
26. sīte bhāmini,
tatra mayā sārdham vaneṣu vicariṣyasi,
ca asyāḥ araṇyavāsasya na spṛhayiṣyasi
26. O Sita, O beautiful one, you will roam with me there in the groves, and you will not long for this forest life.
पञ्चदास्यः सहस्राणि सर्वाभरणभूषिताः ।
सीते परिचरिष्यन्ति भार्या भवसि मे यदि ॥२७॥
27. pañcadāsyaḥ sahasrāṇi sarvābharaṇabhūṣitāḥ ,
sīte paricariṣyanti bhāryā bhavasi me yadi.
27. pañcadāsyaḥ sahasrāṇi sarvābharaṇabhūṣitāḥ
sīte paricariṣyanti bhāryā bhavasi me yadi
27. sīte yadi me bhāryā bhavasi,
pañcadāsyaḥ sahasrāṇi sarvābharaṇabhūṣitāḥ paricariṣyanti
27. O Sītā, five thousand maidservants, adorned with all ornaments, will serve you if you become my wife.
रावणेनैवमुक्ता तु कुपिता जनकात्मजा ।
प्रत्युवाचानवद्याङ्गी तमनादृत्य राक्षसं ॥२८॥
28. rāvaṇenaivamuktā tu kupitā janakātmajā ,
pratyuvācānavadyāṅgī tamanādṛtya rākṣasaṃ.
28. rāvaṇena evam uktā tu kupitā janakātmajā
pratyuvāca anavadyāṅgī tam anādṛtya rākṣasam
28. rāvaṇena evam uktā tu kupitā anavadyāṅgī
janakātmajā tam rākṣasam anādṛtya pratyuvāca
28. But Janaka's daughter, Sītā, whose form was faultless, became enraged after being addressed thus by Rāvaṇa. Disregarding that demon (Rākṣasa), she replied to him.
महागिरिमिवाकम्प्यं महेन्द्रसदृशं पतिम् ।
महोदधिमिवाक्षोभ्यमहं राममनुव्रता ॥२९॥
29. mahāgirimivākampyaṃ mahendrasadṛśaṃ patim ,
mahodadhimivākṣobhyamahaṃ rāmamanuvratā.
29. mahāgirim iva akampyam mahendrasadṛśam patim
mahāudadhim iva akṣobhyam aham rāmam anuvratā
29. aham mahāgirim iva akampyam mahendrasadṛśam
mahāudadhim iva akṣobhyam patim rāmam anuvratā
29. I am devoted (bhakti) to Rāma, my husband, who is unshakable like a great mountain, resembles the great Indra, and is as unperturbed as the great ocean.
महाबाहुं महोरस्कं सिंहविक्रान्तगामिनम् ।
नृसिंहं सिंहसंकाशमहं राममनुव्रता ॥३०॥
30. mahābāhuṃ mahoraskaṃ siṃhavikrāntagāminam ,
nṛsiṃhaṃ siṃhasaṃkāśamahaṃ rāmamanuvratā.
30. mahābāhum mahāuraskam siṃhavikrāntagāminam
nṛsiṃham siṃhasaṃkāśam aham rāmam anuvratā
30. aham mahābāhum mahāuraskam siṃhavikrāntagāminam
nṛsiṃham siṃhasaṃkāśam rāmam anuvratā
30. I am devoted (bhakti) to Rāma, who possesses mighty arms, has a broad chest, walks with the valor of a lion, is like a lion among men, and resembles a lion.
पूर्णचन्द्राननं वीरं राजवत्सं जितेन्द्रियम् ।
पृथुकीर्तिं महाबाहुमहं राममनुव्रता ॥३१॥
31. pūrṇacandrānanaṃ vīraṃ rājavatsaṃ jitendriyam ,
pṛthukīrtiṃ mahābāhumahaṃ rāmamanuvratā.
31. pūrṇacandrānanam vīram rājavatsam jitendriyam
| pṛthukīrtim mahābāhum aham rāmam anuvratā
31. aham pūrṇacandrānanam vīram rājavatsam
jitendriyam pṛthukīrtim mahābāhum rāmam anuvratā
31. I am devoted to Rama, who possesses a face like the full moon, is heroic, a noble prince, one who has conquered his senses, widely renowned, and mighty-armed.
त्वं पुनर्जम्बुकः सिंहीं मामिहेच्छसि दुर्लभाम् ।
नाहं शक्या त्वया स्प्रष्टुमादित्यस्य प्रभा यथा ॥३२॥
32. tvaṃ punarjambukaḥ siṃhīṃ māmihecchasi durlabhām ,
nāhaṃ śakyā tvayā spraṣṭumādityasya prabhā yathā.
32. tvam punaḥ jambukaḥ siṃhīm mām iha icchasi durlabhām
| na aham śakyā tvayā spraṣṭum ādityasya prabhā yathā
32. punaḥ tvam iha durlabhām siṃhīm mām icchasi yathā ādityasya prabhā (asti),
(tathā) aham tvayā spraṣṭum na śakyā (asmi)
32. But you, like a jackal, desire me here, an unattainable lioness. Just as the sun's radiance is impossible to grasp, so I am not to be touched by you.
पादपान् काञ्चनान्नूनं बहून्पश्यसि मन्दभाक् ।
राघवस्य प्रियां भार्यां यस्त्वमिच्छसि रावण ॥३३॥
33. pādapān kāñcanānnūnaṃ bahūnpaśyasi mandabhāk ,
rāghavasya priyāṃ bhāryāṃ yastvamicchasi rāvaṇa.
33. pādapān kāñcanān nūnam bahūn paśyasi mandabhāk |
rāghavasya priyām bhāryām yaḥ tvam icchasi rāvaṇa
33. mandabhāk rāvaṇa,
tvam nūnam kāñcanān bahūn pādapān paśyasi yaḥ tvam rāghavasya priyām bhāryām icchasi (tathā tvam na labhate)
33. O ill-fated Ravana, you must surely be seeing many golden trees, since you desire Raghava's beloved wife.
क्षुधितस्य च सिंहस्य मृगशत्रोस्तरस्विनः ।
आशीविषस्य वदनाद्दंष्ट्रामादातुमिच्छसि ॥३४॥
34. kṣudhitasya ca siṃhasya mṛgaśatrostarasvinaḥ ,
āśīviṣasya vadanāddaṃṣṭrāmādātumicchasi.
34. kṣudhitasya ca siṃhasya mṛgaśatroḥ tarasvinaḥ
| āśīviṣasya vadanāt daṃṣṭrām ādātum icchasi
34. (tvam) kṣudhitasya mṛgaśatroḥ tarasvinaḥ siṃhasya
ca āśīviṣasya vadanāt daṃṣṭrām ādātum icchasi
34. You desire to extract a fang from the mouth of a hungry, powerful lion, the foe of deer, and from the mouth of a venomous snake.
मन्दरं पर्वतश्रेष्ठं पाणिना हर्तुमिच्छसि ।
कालकूटं विषं पीत्वा स्वस्तिमान् गन्तुमिच्छसि ॥३५॥
35. mandaraṃ parvataśreṣṭhaṃ pāṇinā hartumicchasi ,
kālakūṭaṃ viṣaṃ pītvā svastimān gantumicchasi.
35. mandaram parvataśreṣṭham pāṇinā hartum icchasi
| kālakūṭam viṣam pītvā svastimān gantum icchasi
35. pāṇinā parvataśreṣṭham mandaram hartum icchasi
svastimān kālakūṭam viṣam pītvā gantum icchasi
35. You wish to seize the foremost of mountains, Mandara, with your hand. You wish to depart safely after drinking the Kālakuṭa poison.
अक्षिसूच्या प्रमृजसि जिह्वया लेढि च क्षुरम् ।
राघवस्य प्रियां भार्यामधिगन्तुं त्वमिच्छसि ॥३६॥
36. akṣisūcyā pramṛjasi jihvayā leḍhi ca kṣuram ,
rāghavasya priyāṃ bhāryāmadhigantuṃ tvamicchasi.
36. akṣisūcyā pramṛjasi jihvayā leḍhi ca kṣuram |
rāghavasya priyām bhāryām adhigantum tvam icchasi
36. akṣisūcyā pramṛjasi jihvayā kṣuram ca leḍhi tvam
rāghavasya priyām bhāryām adhigantum icchasi
36. You try to rub (your eye) with an eye-needle and you lick a razor with your tongue. You wish to obtain the beloved wife of Rāghava (Rāma).
अवसज्य शिलां कण्ठे समुद्रं तर्तुमिच्छसि ।
सूर्या चन्द्रमसौ चोभौ प्राणिभ्यां हर्तुमिच्छसि ।
यो रामस्य प्रियां भार्यां प्रधर्षयितुमिच्छसि ॥३७॥
37. avasajya śilāṃ kaṇṭhe samudraṃ tartumicchasi ,
sūryā candramasau cobhau prāṇibhyāṃ hartumicchasi ,
yo rāmasya priyāṃ bhāryāṃ pradharṣayitumicchasi.
37. avasajya śilām kaṇṭhe samudram tartum
icchasi | sūryā candramasau ca ubhau
prāṇibhyām hartum icchasi | yaḥ rāmasya
priyām bhāryām pradharṣayitum icchasi
37. kaṇṭhe śilām avasajya samudram tartum
icchasi ubhau sūryā candramasau ca
prāṇibhyām hartum icchasi yaḥ rāmasya
priyām bhāryām pradharṣayitum icchasi
37. You wish to cross the ocean with a stone tied around your neck. You wish to seize both the sun and the moon with your two hands. You are the one who wishes to outrage Rāma's beloved wife.
अग्निं प्रज्वलितं दृष्ट्वा वस्त्रेणाहर्तुमिच्छसि ।
कल्याण वृत्तां रामस्य यो भार्यां हर्तुमिच्छसि ॥३८॥
38. agniṃ prajvalitaṃ dṛṣṭvā vastreṇāhartumicchasi ,
kalyāṇa vṛttāṃ rāmasya yo bhāryāṃ hartumicchasi.
38. agnim prajvalitam dṛṣṭvā vastreṇa āhartum icchasi
| kalyāṇavṛttām rāmasya yaḥ bhāryām hartum icchasi
38. prajvalitam agnim dṛṣṭvā vastreṇa āhartum icchasi
yaḥ rāmasya kalyāṇavṛttām bhāryām hartum icchasi
38. Having seen a blazing fire, you wish to carry it away with a cloth. You are the one who wishes to abduct Rāma's wife, who is of auspicious conduct.
अयोमुखानां शूलानामग्रे चरितुमिच्छसि ।
रामस्य सदृशीं भार्यां यो ऽधिगन्तुं त्वमिच्छसि ॥३९॥
39. ayomukhānāṃ śūlānāmagre caritumicchasi ,
rāmasya sadṛśīṃ bhāryāṃ yo'dhigantuṃ tvamicchasi.
39. ayomukhānām śūlānām agre caritum icchasi rāmasya
sadṛśīm bhāryām yaḥ adhigantum tvam icchasi
39. tvam yaḥ rāmasya sadṛśīm bhāryām adhigantum icchasi
(saḥ tvam) ayomukhānām śūlānām agre caritum icchasi
39. You wish to walk upon the tips of iron-pointed spears, you who desire to obtain a wife like Rama's.
यदन्तरं सिंहशृगालयोर्वने यदन्तरं स्यन्दनिकासमुद्रयोः ।
सुराग्र्यसौवीरकयोर्यदन्तरं तदन्तरं दाशरथेस्तवैव च ॥४०॥
40. yadantaraṃ siṃhaśṛgālayorvane yadantaraṃ syandanikāsamudrayoḥ ,
surāgryasauvīrakayoryadantaraṃ tadantaraṃ dāśarathestavaiva ca.
40. yat antaram siṃhaśṛgālayoḥ vane
yat antaram syandanikāsamudrayoḥ
surāgryasauvīrakayoḥ yat antaram
tat antaram dāśaratheḥ tava eva ca
40. vane siṃhaśṛgālayoḥ yat antaram
syandanikāsamudrayoḥ yat antaram
surāgryasauvīrakayoḥ yat antaram
tat antaram dāśaratheḥ tava eva ca
40. Whatever difference exists between a lion and a jackal in the forest, whatever difference there is between a small stream and an ocean, and whatever difference lies between excellent liquor and Sauvīra - that very difference exists between you and the son of Daśaratha, Rama.
यदन्तरं काञ्चनसीसलोहयोर्यदन्तरं चन्दनवारिपङ्कयोः ।
यदन्तरं हस्तिबिडालयोर्वने तदन्तरं दशरथेस्तवैव च ॥४१॥
41. yadantaraṃ kāñcanasīsalohayoryadantaraṃ candanavāripaṅkayoḥ ,
yadantaraṃ hastibiḍālayorvane tadantaraṃ daśarathestavaiva ca.
41. yat antaram kāñcanasīsalohayoḥ
yat antaram candanavāripaṅkayoḥ
yat antaram hastibiḍālayoḥ vane
tat antaram daśaratheḥ tava eva ca
41. vane kāñcanasīsalohayoḥ yat antaram
candanavāripaṅkayoḥ yat antaram
hastibiḍālayoḥ yat antaram
tat antaram daśaratheḥ tava eva ca
41. Whatever difference exists between gold and the combination of lead and iron, whatever difference there is between sandalwood-water and mud, and whatever difference lies between an elephant and a cat in the forest - that very difference exists between you and the son of Daśaratha, Rama.
यदन्तरं वायसवैनतेययोर्यदन्तरं मद्गुमयूरयोरपि ।
यदन्तरं सारसगृध्रयोर्वने तदन्तरं दाशरथेस्तवैव च ॥४२॥
42. yadantaraṃ vāyasavainateyayoryadantaraṃ madgumayūrayorapi ,
yadantaraṃ sārasagṛdhrayorvane tadantaraṃ dāśarathestavaiva ca.
42. yat antaram vāyasavainateyayoḥ
yat antaram madgumayūrayoḥ api yat
antaram sārasagṛdhrayoḥ vane
tat antaram dāśaratheḥ tava eva ca
42. vane vāyasavainateyayoḥ yat antaram
madgumayūrayoḥ api yat antaram
sārasagṛdhrayoḥ yat antaram
tat antaram dāśaratheḥ tava eva ca
42. Whatever difference exists between a crow and a Garuḍa (eagle), whatever difference there is also between a diver bird and a peacock, and whatever difference lies between a saras crane and a vulture in the forest - that very difference exists between you and the son of Daśaratha, Rama.
तस्मिन् सहस्राक्षसमप्रभावे रामे स्थिते कार्मुकबाणपाणौ ।
हृतापि ते ऽहं न जरां गमिष्ये वज्रं यथा मक्षिकयावगीर्णम् ॥४३॥
43. tasmin sahasrākṣasamaprabhāve rāme sthite kārmukabāṇapāṇau ,
hṛtāpi te'haṃ na jarāṃ gamiṣye vajraṃ yathā makṣikayāvagīrṇam.
43. tasmin sahasrākṣasamaprabhāve
rāme sthite kārmukabāṇapāṇau hṛtā
api te aham na jarām gamiṣye
vajram yathā makṣikayā avagīrṇam
43. kārmukabāṇapāṇau sahasrākṣasamaprabhāve rāme tasmin sthite te hṛtā api aham jarām na gamiṣye,
yathā makṣikayā avagīrṇam vajram (na gamiṣyati)
43. Even if I am abducted by you, I will not decay, just as a thunderbolt (vajra) swallowed by a fly does not perish, while Rama, who possesses a bow and arrows in his hands and whose might rivals that of Indra (Sahasrākṣa), is still present.
इतीव तद्वाक्यमदुष्टभावा सुदृष्टमुक्त्वा रजनीचरं तम् ।
गात्रप्रकम्पाद्व्यथिता बभूव वातोद्धता सा कदलीव तन्वी ॥४४॥
44. itīva tadvākyamaduṣṭabhāvā sudṛṣṭamuktvā rajanīcaraṃ tam ,
gātraprakampādvyathitā babhūva vātoddhatā sā kadalīva tanvī.
44. iti iva tat vākyam aduṣṭabhāvā
sudṛṣṭam uktvā rajanīcaram tam
gātraprkampāt vyathitā babhūva
vātoddhatā sā kadalī iva tanvī
44. aduṣṭabhāvā sā iti iva sudṛṣṭam tat vākyam tam rajanīcaram uktvā gātraprkampāt vyathitā babhūva,
vātoddhatā tanvī kadalī iva
44. Having thus spoken those well-reasoned words to that night-prowler (Rākṣasa), she, whose heart was unblemished, became distressed from the trembling of her limbs, like a slender plantain tree tossed by the wind.
तां वेपमानामुपलक्ष्य सीतां स रावणो मृत्युसमप्रभावः ।
कुलं बलं नाम च कर्म चात्मनः समाचचक्षे भयकारणार्थम् ॥४५॥
45. tāṃ vepamānāmupalakṣya sītāṃ sa rāvaṇo mṛtyusamaprabhāvaḥ ,
kulaṃ balaṃ nāma ca karma cātmanaḥ samācacakṣe bhayakāraṇārtham.
45. tām vepamānām upalakṣya sītām sa
rāvaṇaḥ mṛtyusamaprabhāvaḥ
kulam balam nāma ca karma ca ātmanaḥ
samācacakṣe bhayakāraṇārtham
45. mṛtyusamaprabhāvaḥ sa rāvaṇaḥ
tām vepamānām sītām upalakṣya
kulam balam nāma ca ātmanaḥ karma
ca bhayakāraṇārtham samācacakṣe
45. That Rāvaṇa, whose power was like that of death, observing Sītā trembling, then described his lineage, strength, name, and his own deeds (karma) to her, for the purpose of instilling fear.

Links to all chapters:

bāla kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76

ayodhyā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111

araṇya kāṇḍa (current book)

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 (current chapter) Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71

kiṣkindhā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

sundara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

yuddha kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116

uttara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100