Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

वाल्मीकि-रामायणम्       vālmīki-rāmāyaṇam - book-2, chapter-9

Use the following checkboxes to set the display options for this chapter (You can also control the display of each verse separately):
what would you like to see in each verse:
एवमुक्ता तु कैकेयी क्रोधेन ज्वलितानना ।
दीर्घमुष्णं विनिःश्वस्य मन्थरामिदमब्रवीत् ॥१॥
1. evamuktā tu kaikeyī krodhena jvalitānanā ,
dīrghamuṣṇaṃ viniḥśvasya mantharāmidamabravīt.
1. evam uktā tu kaikeyī krodhena jvalitānanā
dīrgham uṣṇam viniḥśvasya mantharām idam abravīt
1. evam uktā tu,
krodhena jvalitānanā kaikeyī dīrgham uṣṇam viniḥśvasya,
mantharām idam abravīt.
1. Thus addressed, Kaikeyī, her face inflamed with anger, sighed a long, hot breath and then spoke these words to Mantharā.
अद्य राममितः क्षिप्रं वनं प्रस्थापयाम्यहम् ।
यौवराज्येन भरतं क्षिप्रमेवाभिषेचये ॥२॥
2. adya rāmamitaḥ kṣipraṃ vanaṃ prasthāpayāmyaham ,
yauvarājyena bharataṃ kṣipramevābhiṣecaye.
2. adya rāmam itaḥ kṣipram vanam prasthāpayāmi aham
yauvarājyena bharatam kṣipram eva abhiṣecaye
2. aham adya itaḥ rāmam kṣipram vanam prasthāpayāmi
bharatam yauvarājyena kṣipram eva abhiṣecaye
2. Today, I will quickly send Rama from here to the forest. I will immediately anoint Bharata as the crown prince.
इदं त्विदानीं संपश्य केनोपायेन मन्थरे ।
भरतः प्राप्नुयाद् राज्यं न तु रामः कथं चन ॥३॥
3. idaṃ tvidānīṃ saṃpaśya kenopāyena manthare ,
bharataḥ prāpnuyād rājyaṃ na tu rāmaḥ kathaṃ cana.
3. idam tu idānīm saṃpaśya kena upāyena manthare
bharataḥ prāpnuyāt rājyam na tu rāmaḥ katham cana
3. manthare tu idānīm idam kena upāyena bharataḥ
rājyam prāpnuyāt rāmaḥ tu na katham cana saṃpaśya
3. But now, O Manthara, consider this: by what means Bharata may obtain the kingdom, and Rama should not, by any means.
एवमुक्ता तया देव्या मन्थरा पापदर्शिनी ।
रामार्थमुपहिंसन्ती कैकेयीमिदमब्रवीत् ॥४॥
4. evamuktā tayā devyā mantharā pāpadarśinī ,
rāmārthamupahiṃsantī kaikeyīmidamabravīt.
4. evam uktā tayā devyā mantharā pāpadarśinī
rāmārtham upahiṃsantī kaikeyīm idam abravīt
4. evam uktā tayā devyā,
pāpadarśinī rāmārtham upahiṃsantī mantharā idam kaikeyīm abravīt
4. Thus addressed by that queen, Manthara, who was evil-minded and intended harm towards Rama, spoke these words to Kaikeyi.
हन्तेदानीं प्रवक्ष्यामि कैकेयि श्रूयतां च मे ।
यथा ते भरतो राज्यं पुत्रः प्राप्स्यति केवलम् ॥५॥
5. hantedānīṃ pravakṣyāmi kaikeyi śrūyatāṃ ca me ,
yathā te bharato rājyaṃ putraḥ prāpsyati kevalam.
5. hanta idānīm pravakṣyāmi kaikeyī śrūyatām ca me
yathā te bharataḥ rājyam putraḥ prāpsyati kevalam
5. hanta idānīm kaikeyī me pravakṣyāmi ca śrūyatām
yathā te putraḥ bharataḥ kevalam rājyam prāpsyati
5. Now, O Kaikeyi, I will tell you, so listen to me: how your son Bharata alone will obtain the kingdom.
श्रुत्वैवं वचनं तस्या मन्थरायास्तु कैकयी ।
किं चिदुत्थाय शयनात् स्वास्तीर्णादिदमब्रवीत् ॥६॥
6. śrutvaivaṃ vacanaṃ tasyā mantharāyāstu kaikayī ,
kiṃ cidutthāya śayanāt svāstīrṇādidamabravīt.
6. śrutvā evam vacanam tasyāḥ mantharāyāḥ tu kaikeyī
kim cit utthāya śayanāt svāstīrṇāt idam abravīt
6. kaikeyī tasyāḥ mantharāyāḥ evam vacanam śrutvā
svāstīrṇāt śayanāt kim cit utthāya idam abravīt
6. Having heard such words from that Mantharā, Kaikeyī, rising somewhat from her well-spread bed, spoke this.
कथय त्वं ममोपायं केनोपायेन मन्थरे ।
भरतः प्राप्नुयाद् राज्यं न तु रामः कथं चन ॥७॥
7. kathaya tvaṃ mamopāyaṃ kenopāyena manthare ,
bharataḥ prāpnuyād rājyaṃ na tu rāmaḥ kathaṃ cana.
7. kathaya tvam mama upāyam kena upāyena manthare
bharataḥ prāpnuyāt rājyam na tu rāmaḥ katham cana
7. manthare tvam mama kena upāyena upāyam kathaya yena
bharataḥ rājyam prāpnuyāt tu rāmaḥ katham cana na prāpnuyāt
7. O Mantharā, tell me the means by which Bharata may obtain the kingdom, and by no means Rāma.
एवमुक्ता तया देव्या मन्थरा पापदर्शिनी ।
रामार्थमुपहिंसन्ती कुब्जा वचनमब्रवीत् ॥८॥
8. evamuktā tayā devyā mantharā pāpadarśinī ,
rāmārthamupahiṃsantī kubjā vacanamabravīt.
8. evam uktā tayā devyā mantharā pāpadarśinī
rāmārtham upahiṃsantī kubjā vacanam abravīt
8. tayā devyā evam uktā,
rāmārtham upahiṃsantī pāpadarśinī mantharā kubjā vacanam abravīt
8. Thus addressed by that queen (devī), Mantharā, the evil-minded hunchback, intent on harming Rāma, spoke these words.
तव देवासुरे युद्धे सह राजर्षिभिः पतिः ।
अगच्छत्त्वामुपादाय देवराजस्य साह्यकृत् ॥९॥
9. tava devāsure yuddhe saha rājarṣibhiḥ patiḥ ,
agacchattvāmupādāya devarājasya sāhyakṛt.
9. tava devāsure yuddhe saha rājarṣibhiḥ patiḥ
agacchat tvām upādāya devarājasya sāhyakṛt
9. tava patiḥ rājarṣibhiḥ saha devāsure yuddhe
tvām upādāya devarājasya sāhyakṛt agacchat
9. In the battle between the gods and asuras (devāsura), your husband, accompanied by the royal sages, went, taking you along, to assist the king of the gods.
दिशमास्थाय कैकेयि दक्षिणां दण्डकान्प्रति ।
वैजयन्तमिति ख्यातं पुरं यत्र तिमिध्वजः ॥१०॥
10. diśamāsthāya kaikeyi dakṣiṇāṃ daṇḍakānprati ,
vaijayantamiti khyātaṃ puraṃ yatra timidhvajaḥ.
10. diśam āsthāya kaikeyi dakṣiṇām daṇḍakān prati
vaijayantam iti khyātam puram yatra timidhvajaḥ
10. kaikeyi dakṣiṇām diśam daṇḍakān prati āsthāya yatra
vaijayantam iti khyātam puram yatra timidhvajaḥ
10. O Kaikeyi, heading south towards the Daṇḍaka forest, there is a city renowned as Vaijayanta, where Timidhvaja resides.
स शम्बर इति ख्यातः शतमायो महासुरः ।
ददौ शक्रस्य संग्रामं देवसंघैरनिर्जितः ॥११॥
11. sa śambara iti khyātaḥ śatamāyo mahāsuraḥ ,
dadau śakrasya saṃgrāmaṃ devasaṃghairanirjitaḥ.
11. saḥ śambaraḥ iti khyātaḥ śatamāyaḥ mahāsuraḥ
dadau śakrasya saṅgrāmam devasaṅghaiḥ anirjitaḥ
11. saḥ śambaraḥ iti khyātaḥ śatamāyaḥ mahāsuraḥ
devasaṅghaiḥ anirjitaḥ śakrasya saṅgrāmam dadau
11. That great demon (asura), known as Śambara, who possessed a hundred magical illusions (māyā), was undefeated even by the hosts of gods, and he challenged Indra to battle.
तस्मिन्महति संग्रामे राजा दशरथस्तदा ।
अपवाह्य त्वया देवि संग्रामान्नष्टचेतनः ॥१२॥
12. tasminmahati saṃgrāme rājā daśarathastadā ,
apavāhya tvayā devi saṃgrāmānnaṣṭacetanaḥ.
12. tasmin mahati saṅgrāme rājā daśarathaḥ tadā
apavāhya tvayā devi saṅgrāmāt naṣṭacetanaḥ
12. devi tasmin mahati saṅgrāme rājā daśarathaḥ
naṣṭacetanaḥ tadā tvayā saṅgrāmāt apavāhya
12. O Queen, in that great battle, King Daśaratha, having lost consciousness, was then carried away from the battlefield by you.
तत्रापि विक्षतः शस्त्रैः पतिस्ते रक्षितस्त्वया ।
तुष्टेन तेन दत्तौ ते द्वौ वरौ शुभदर्शने ॥१३॥
13. tatrāpi vikṣataḥ śastraiḥ patiste rakṣitastvayā ,
tuṣṭena tena dattau te dvau varau śubhadarśane.
13. tatra api vikṣataḥ śastraiḥ patiḥ te rakṣitaḥ tvayā
tuṣṭena tena dattau te dvau varau śubhadarśane
13. śubhadarśane tatra api śastraiḥ vikṣataḥ te patiḥ
tvayā rakṣitaḥ tena tuṣṭena te dvau varau dattau
13. Even there, your husband, wounded by weapons, was protected by you. Pleased by this, he granted you two boons, O beautiful one.
स त्वयोक्तः पतिर्देवि यदेच्छेयं तदा वरौ ।
गृह्णीयामिति तत्तेन तथेत्युक्तं महात्मना ।
अनभिज्ञा ह्यहं देवि त्वयैव कथितं पुरा ॥१४॥
14. sa tvayoktaḥ patirdevi yadeccheyaṃ tadā varau ,
gṛhṇīyāmiti tattena tathetyuktaṃ mahātmanā ,
anabhijñā hyahaṃ devi tvayaiva kathitaṃ purā.
14. sa tvayā uktaḥ patiḥ devi yadā iccheyam
tadā varau gṛhṇīyām iti tat tena
tathā iti uktam mahātmanā anabhijñā
hi aham devi tvayā eva kathitam purā
14. devi sa patiḥ tvayā yadā iccheyam tadā
varau gṛhṇīyām iti uktaḥ tat tena
mahātmanā tathā iti uktam hi devi
aham anabhijñā tvayā eva purā kathitam
14. O queen, you (Kaikeyi) told that husband (Dasaratha), 'When I desire, I shall accept two boons.' That was then affirmed with 'So be it' by that great soul (Dasaratha). Indeed, O queen, I (Manthara) was unaware (of the significance); it was you yourself who explained it to me earlier.
तौ वरौ याच भर्तारं भरतस्याभिषेचनम् ।
प्रव्राजनं च रामस्य त्वं वर्षाणि चतुर्दश ॥१५॥
15. tau varau yāca bhartāraṃ bharatasyābhiṣecanam ,
pravrājanaṃ ca rāmasya tvaṃ varṣāṇi caturdaśa.
15. tau varau yāca bhartāram bharatasya abhiṣecanam
pravrājanam ca rāmasya tvam varṣāṇi caturdaśa
15. tvam bhartāram tau varau yāca bharatasya
abhiṣecanam ca rāmasya caturdaśa varṣāṇi pravrājanam
15. You (Kaikeyi) should ask your husband for those two boons: the consecration (abhiṣecanam) of Bharata (as king), and the exile (pravrājanm) of Rama for fourteen years.
क्रोधागारं प्रविश्याद्य क्रुद्धेवाश्वपतेः सुते ।
शेष्वानन्तर्हितायां त्वं भूमौ मलिनवासिनी ।
मा स्मैनं प्रत्युदीक्षेथा मा चैनमभिभाषथाः ॥१६॥
16. krodhāgāraṃ praviśyādya kruddhevāśvapateḥ sute ,
śeṣvānantarhitāyāṃ tvaṃ bhūmau malinavāsinī ,
mā smainaṃ pratyudīkṣethā mā cainamabhibhāṣathāḥ.
16. krodhāgāram praviśya adya kruddhā iva
aśvapateḥ sute śeṣva anantarhitāyām tvam
bhūmau malinavāsinī mā sma enam
prati-ud-īkṣethāḥ mā ca enam abhibhāṣathāḥ
16. aśvapateḥ sute adya krodhāgāram praviśya
kruddhā iva tvam malinavāsinī
anantarhitāyām bhūmau śeṣva enam mā sma
prati-ud-īkṣethāḥ ca enam mā abhibhāṣathāḥ
16. O daughter of Aśvapati (Kaikeyi), entering the anger-chamber today, as if enraged, you yourself, clad in dirty garments, should lie down on the bare (anantarhitāyām) ground. Do not look at him, and do not speak to him.
दयिता त्वं सदा भर्तुरत्र मे नास्ति संशयः ।
त्वत्कृते च महाराजो विशेदपि हुताशनम् ॥१७॥
17. dayitā tvaṃ sadā bharturatra me nāsti saṃśayaḥ ,
tvatkṛte ca mahārājo viśedapi hutāśanam.
17. dayitā tvam sadā bhartuḥ atra me na asti saṃśayaḥ
tvatkṛte ca mahārājaḥ viśet api hutāśanam
17. tvam sadā bhartuḥ dayitā atra me saṃśayaḥ na
asti ca mahārājaḥ tvatkṛte api hutāśanam viśet
17. You are always dear to your husband; I have no doubt about this. And for your sake, the great king would even enter the fire (hutāśanam).
न त्वां क्रोधयितुं शक्तो न क्रुद्धां प्रत्युदीक्षितुम् ।
तव प्रियार्थं राजा हि प्राणानपि परित्यजेत् ॥१८॥
18. na tvāṃ krodhayituṃ śakto na kruddhāṃ pratyudīkṣitum ,
tava priyārthaṃ rājā hi prāṇānapi parityajet.
18. na tvām krodhayitum śaktaḥ na kruddhām pratyudīkṣitum
tava priyārtham rājā hi prāṇān api parityajet
18. rājā tvām krodhayitum na śaktaḥ,
kruddhām na pratyudīkṣitum [śaktaḥ].
hi [saḥ] tava priyārtham prāṇān api parityajet.
18. He is not capable of making you angry, nor can he bear to look upon you when you are in a rage. Indeed, the king would even sacrifice his own life for your beloved sake.
न ह्यतिक्रमितुं शक्तस्तव वाक्यं महीपतिः ।
मन्दस्वभावे बुध्यस्व सौभाग्यबलमात्मनः ॥१९॥
19. na hyatikramituṃ śaktastava vākyaṃ mahīpatiḥ ,
mandasvabhāve budhyasva saubhāgyabalamātmanaḥ.
19. na hi atikramitum śaktaḥ tava vākyam mahīpatiḥ
mandasvabhāve budhyasva saubhāgyabalam ātmanaḥ
19. hi mahīpatiḥ tava vākyam atikramitum na śaktaḥ.
mandasvabhāve,
ātmanaḥ saubhāgyabalam budhyasva.
19. Indeed, the king is unable to transgress your word. O dull-witted one, realize the power of your own good fortune (saubhāgya).
मणिमुक्तासुवर्णानि रत्नानि विविधानि च ।
दद्याद्दशरथो राजा मा स्म तेषु मनः कृथाः ॥२०॥
20. maṇimuktāsuvarṇāni ratnāni vividhāni ca ,
dadyāddaśaratho rājā mā sma teṣu manaḥ kṛthāḥ.
20. maṇimuktāsuvarṇāni ratnāni vividhāni ca dadyāt
daśarathaḥ rājā mā sma teṣu manaḥ kṛthāḥ
20. rājā daśarathaḥ maṇimuktāsuvarṇāni vividhāni ca ratnāni dadyāt.
teṣu manaḥ mā sma kṛthāḥ.
20. King Daśaratha would offer jewels, pearls, gold, and various other precious gems. Do not, however, set your heart on those things.
यौ तौ देवासुरे युद्धे वरौ दशरथो ऽददात् ।
तौ स्मारय महाभागे सो ऽर्थो मा त्वामतिक्रमेत् ॥२१॥
21. yau tau devāsure yuddhe varau daśaratho'dadāt ,
tau smāraya mahābhāge so'rtho mā tvāmatikramet.
21. yau tau devāsure yuddhe varau daśarathaḥ adadāt
tau smāraya mahābhāge saḥ arthaḥ mā tvām atikramet
21. mahābhāge,
yau tau varau daśarathaḥ devāsure yuddhe adadāt,
tau smāraya.
saḥ arthaḥ tvām mā atikramet.
21. O highly revered lady (mahābhāge), remind him of those two boons which King Dasharatha granted during the war between the gods and demons. May that objective (artha) not escape you.
यदा तु ते वरं दद्यात् स्वयमुत्थाप्य राघवः ।
व्यवस्थाप्य महाराजं त्वमिमं वृणुया वरम् ॥२२॥
22. yadā tu te varaṃ dadyāt svayamutthāpya rāghavaḥ ,
vyavasthāpya mahārājaṃ tvamimaṃ vṛṇuyā varam.
22. yadā tu te varam dadyāt svayam utthāpya rāghavaḥ
vyavasthāpya mahārājam tvam imam vṛṇuyā varam
22. yadā rāghavaḥ svayam utthāpya te varam dadyāt tu,
tvam mahārājam vyavasthāpya imam varam vṛṇuyā
22. But when Rāghava himself, having uplifted you, grants you a boon, then you should choose this very boon: to establish a great king.
रामं प्रव्राजयारण्ये नव वर्षाणि पञ्च च ।
भरतः क्रियतां राजा पृथिव्यां पार्थिवर्षभः ॥२३॥
23. rāmaṃ pravrājayāraṇye nava varṣāṇi pañca ca ,
bharataḥ kriyatāṃ rājā pṛthivyāṃ pārthivarṣabhaḥ.
23. rāmam pravrājaya araṇye nava varṣāṇi pañca ca
bharataḥ kriyatām rājā pṛthivyām pārthivarṣabhaḥ
23. (tvam) rāmam nava ca pañca varṣāṇi araṇye pravrājaya.
pārthivarṣabhaḥ bharataḥ pṛthivyām rājā kriyatām.
23. Send Rāma into exile in the forest for nine and five years. Let Bharata, the best of rulers, be made king on the earth.
एवं प्रव्राजितश्चैव रामो ऽरामो भविष्यति ।
भरतश्च हतामित्रस्तव राजा भविष्यति ॥२४॥
24. evaṃ pravrājitaścaiva rāmo'rāmo bhaviṣyati ,
bharataśca hatāmitrastava rājā bhaviṣyati.
24. evam pravrājitaḥ ca eva rāmaḥ arāmaḥ bhaviṣyati
bharataḥ ca hatāmitraḥ tava rājā bhaviṣyati
24. evam pravrājitaḥ rāmaḥ ca eva arāmaḥ bhaviṣyati.
ca hatāmitraḥ bharataḥ tava rājā bhaviṣyati.
24. Thus, Rāma, having been exiled, will indeed become joyless. And Bharata, with his enemies slain, will be your king.
येन कालेन रामश्च वनात् प्रत्यागमिष्यति ।
तेन कालेन पुत्रस्ते कृतमूलो भविष्यति ।
संगृहीतमनुष्यश्च सुहृद्भिः सार्धमात्मवान् ॥२५॥
25. yena kālena rāmaśca vanāt pratyāgamiṣyati ,
tena kālena putraste kṛtamūlo bhaviṣyati ,
saṃgṛhītamanuṣyaśca suhṛdbhiḥ sārdhamātmavān.
25. yena kālena rāmaḥ ca vanāt
pratyāgamiṣyati tena kālena putraḥ te
kṛtamūlaḥ bhaviṣyati saṃgṛhītamanuṣyaḥ
ca suhṛdbhiḥ sārdham ātmavān
25. yena kālena rāmaḥ ca vanāt pratyāgamiṣyati,
tena kālena te putraḥ kṛtamūlaḥ saṃgṛhītamanuṣyaḥ ca suhṛdbhiḥ sārdham ātmavān bhaviṣyati.
25. By the time Rāma returns from the forest, your son will by then be firmly established. And he will have gathered supporters and be resolute, along with his friends.
प्राप्तकालं तु ते मन्ये राजानं वीतसाध्वसा ।
रामाभिषेकसंकल्पान्निगृह्य विनिवर्तय ॥२६॥
26. prāptakālaṃ tu te manye rājānaṃ vītasādhvasā ,
rāmābhiṣekasaṃkalpānnigṛhya vinivartaya.
26. prāptakālam tu te manye rājānam vītasādhvasā
| rāmābhiṣekasaṅkalpāt nigṛhya vinivartaya
26. vītasādhvasā te prāptakālam tu manye rājānam
rāmābhiṣekasaṅkalpāt nigṛhya vinivartaya
26. O fearless one, I consider your counsel opportune. Restrain the king from his resolve concerning Rama's coronation and make him abandon it.
अनर्थमर्थरूपेण ग्राहिता सा ततस्तया ।
हृष्टा प्रतीता कैकेयी मन्थरामिदमब्रवीत् ॥२७॥
27. anarthamartharūpeṇa grāhitā sā tatastayā ,
hṛṣṭā pratītā kaikeyī mantharāmidamabravīt.
27. anartham artharūpeṇa grāhitā sā tataḥ tayā |
hṛṣṭā pratītā kaikeyī mantharām idam abravīt
27. tataḥ tayā anartham artharūpeṇa grāhitā sā
kaikeyī hṛṣṭā pratītā mantharām idam abravīt
27. Being thus persuaded by her (Manthara) that a calamity was in fact a benefit, Kaikeyi, joyful and convinced, then said this to Manthara.
कुब्जे त्वां नाभिजानामि श्रेष्ठां श्रेष्ठाभिधायिनीम् ।
पृथिव्यामसि कुब्जानामुत्तमा बुद्धिनिश्चये ॥२८॥
28. kubje tvāṃ nābhijānāmi śreṣṭhāṃ śreṣṭhābhidhāyinīm ,
pṛthivyāmasi kubjānāmuttamā buddhiniścaye.
28. kubje tvām na abhijānāmi śreṣṭhām śreṣṭhābhidhāyinīm
| pṛthivyām asi kubjānām uttamā buddhiniścaye
28. kubje,
tvām śreṣṭhām śreṣṭhābhidhāyinīm na abhijānāmi.
pṛthivyām buddhiniścaye kubjānām uttamā asi.
28. O hunchback, I did not know you to be so excellent, one who offers such superb advice. Indeed, on earth, you are the best among hunchbacks in terms of intellectual conviction.
त्वमेव तु ममार्थेषु नित्ययुक्ता हितैषिणी ।
नाहं समवबुध्येयं कुब्जे राज्ञश्चिकीर्षितम् ॥२९॥
29. tvameva tu mamārtheṣu nityayuktā hitaiṣiṇī ,
nāhaṃ samavabudhyeyaṃ kubje rājñaścikīrṣitam.
29. tvam eva tu mama artheṣu nityayuktā hitaiṣiṇī |
na aham samavabudhyeyam kubje rājñaḥ cikīrṣitam
29. kubje,
tvam eva tu mama artheṣu nityayuktā hitaiṣiṇī.
aham rājñaḥ cikīrṣitam na samavabudhyeyam.
29. Indeed, you alone are always diligently concerned with my interests and are my well-wisher. O hunchback, I would not have understood the king's intention (without your insight).
सन्ति दुःसंस्थिताः कुब्जा वक्राः परमपापिकाः ।
त्वं पद्ममिव वातेन संनता प्रियदर्शना ॥३०॥
30. santi duḥsaṃsthitāḥ kubjā vakrāḥ paramapāpikāḥ ,
tvaṃ padmamiva vātena saṃnatā priyadarśanā.
30. santi duḥsaṃsthitāḥ kubjāḥ vakrāḥ paramapāpikāḥ
tvam padmam iva vātena saṃnatā priyadarśanā
30. duḥsaṃsthitāḥ kubjāḥ vakrāḥ paramapāpikāḥ santi
tvam vātena padmam iva saṃnatā priyadarśanā
30. There are many ill-formed, hunchbacked, crooked, and exceedingly sinful women, but you, bent gracefully like a lotus by the wind, are delightful to behold.
उरस्ते ऽभिनिविष्टं वै यावत् स्कन्धात् समुन्नतम् ।
अधस्ताच्चोदरं शान्तं सुनाभमिव लज्जितम् ॥३१॥
31. uraste'bhiniviṣṭaṃ vai yāvat skandhāt samunnatam ,
adhastāccodaraṃ śāntaṃ sunābhamiva lajjitam.
31. uras te abhiniviṣṭam vai yāvat skandhāt samunnatam
adhastāt ca udaram śāntam sunābham iva lajjitam
31. te uras abhiniviṣṭam vai yāvat skandhāt samunnatam
ca adhastāt udaram śāntam sunābham iva lajjitam
31. Your chest is indeed prominent and elevated up to the shoulders. And below, your belly is smooth and graceful, possessing a beautiful navel, as if shy.
जघनं तव निर्घुष्टं रशनादामशोभितम् ।
जङ्घे भृशमुपन्यस्ते पादौ चाप्यायताव् उभौ ॥३२॥
32. jaghanaṃ tava nirghuṣṭaṃ raśanādāmaśobhitam ,
jaṅghe bhṛśamupanyaste pādau cāpyāyatāv ubhau.
32. jaghanam tava nirghuṣṭam raśanādāmaśobhitam
jaṅghe bhṛśam upanyaste pādau ca āpyāyatāu ubhau
32. tava jaghanam nirghuṣṭam raśanādāmaśobhitam
jaṅghe bhṛśam upanyaste ca ubhau pādau āpyāyatāu
32. Your hips are full and rounded, adorned by a charming girdle. Your two shanks are beautifully set, and both your feet are plump and well-developed.
त्वमायताभ्यां सक्थिभ्यां मन्थरे क्षौमवासिनि ।
अग्रतो मम गच्छन्ती राजहंसीव राजसे ॥३३॥
33. tvamāyatābhyāṃ sakthibhyāṃ manthare kṣaumavāsini ,
agrato mama gacchantī rājahaṃsīva rājase.
33. tvam āyatābhyām sakthibhyām manthare kṣaumavāsini
agrataḥ mama gacchantī rājahaṃsī iva rājase
33. manthare kṣaumavāsini tvam āyatābhyām sakthibhyām
mama agrataḥ gacchantī rājahaṃsī iva rājase
33. O slow-moving one (mantharā), clad in silken garments, you, with your long thighs, shine like a royal swan as you walk before me.
तवेदं स्थगु यद्दीर्घं रथघोणमिवायतम् ।
मतयः क्षत्रविद्याश्च मायाश्चात्र वसन्ति ते ॥३४॥
34. tavedaṃ sthagu yaddīrghaṃ rathaghoṇamivāyatam ,
matayaḥ kṣatravidyāśca māyāścātra vasanti te.
34. tava idam sthagu yat dīrgham rathaghoṇam iva āyatam
matayaḥ kṣatravidyāḥ ca māyāḥ ca atra vasanti te
34. idam tava sthagu yat dīrgham rathaghoṇam iva āyatam,
atra te matayaḥ kṣatravidyāḥ ca māyāḥ ca vasanti
34. This hump of yours, which is long and extended like the front of a chariot, is where your astute thoughts, your strategic skills (kṣatravidyā), and your cunning deceptions (māyā) reside.
अत्र ते प्रतिमोक्ष्यामि मालां कुब्जे हिरण्मयीम् ।
अभिषिक्ते च भरते राघवे च वनं गते ॥३५॥
35. atra te pratimokṣyāmi mālāṃ kubje hiraṇmayīm ,
abhiṣikte ca bharate rāghave ca vanaṃ gate.
35. atra te pratimokṣyāmi mālām kubje hiraṇmayīm
abhiṣikte ca bharate rāghave ca vanam gate
35. kubje,
atra te hiraṇmayīm mālām pratimokṣyāmi,
ca bharate abhiṣikte ca rāghave vanam gate
35. O hunchback (kubjā), here I shall adorn you with a golden necklace (mālā) when Bharata is consecrated and Rāghava (Rāma) has departed to the forest.
जात्येन च सुवर्णेन सुनिष्टप्तेन सुन्दरि ।
लब्धार्था च प्रतीता च लेपयिष्यामि ते स्थगु ॥३६॥
36. jātyena ca suvarṇena suniṣṭaptena sundari ,
labdhārthā ca pratītā ca lepayiṣyāmi te sthagu.
36. jātyena ca suvarṇena suniṣṭaptena sundari
labdhārthā ca pratītā ca lepayiṣyāmi te sthagu
36. sundari labdhārthā ca pratītā ca,
te sthagu jātyena ca suvarṇena suniṣṭaptena lepayiṣyāmi
36. O beautiful one (sundarī), when you have achieved your purpose and are content, I will adorn your hump (sthagu) with pure, well-refined gold.
मुखे च तिलकं चित्रं जातरूपमयं शुभम् ।
कारयिष्यामि ते कुब्जे शुभान्याभरणानि च ॥३७॥
37. mukhe ca tilakaṃ citraṃ jātarūpamayaṃ śubham ,
kārayiṣyāmi te kubje śubhānyābharaṇāni ca.
37. mukhe ca tilakam citram jātarūpamayam śubham
kārayiṣyāmi te kubje śubhāni ābharaṇāni ca
37. kubje,
mukhe te citram śubham jātarūpamayam tilakam ca kārayiṣyāmi,
śubhāni ābharaṇāni ca
37. And, O hunchback (kubjā), I will arrange for a beautiful, auspicious golden mark (tilaka) to be made on your face, and also beautiful ornaments for you.
परिधाय शुभे वस्त्रे देवदेव चरिष्यसि ।
चन्द्रमाह्वयमानेन मुखेनाप्रतिमानना ।
गमिष्यसि गतिं मुख्यां गर्वयन्ती द्विषज्जनम् ॥३८॥
38. paridhāya śubhe vastre devadeva cariṣyasi ,
candramāhvayamānena mukhenāpratimānanā ,
gamiṣyasi gatiṃ mukhyāṃ garvayantī dviṣajjanam.
38. paridhāya śubhe vastre devadeva
cariṣyasi candram āhvayamānena
mukhena apratimānanā gamiṣyasi
gatim mukhyām garvayantī dviṣaj-janam
38. devadeva śubhe vastre paridhāya
apratimānanā candram āhvayamānena
mukhena cariṣyasi mukhyām gatim
gamiṣyasi dviṣaj-janam garvayantī
38. Having adorned yourself with auspicious garments, O god of gods, you, who are incomparable, will move about with a face that rivals the moon in beauty. You will attain a supreme state, displaying your triumph before your enemies.
तवापि कुब्जाः कुब्जायाः सर्वाभरणभूषिताः ।
पादौ परिचरिष्यन्ति यथैव त्वं सदा मम ॥३९॥
39. tavāpi kubjāḥ kubjāyāḥ sarvābharaṇabhūṣitāḥ ,
pādau paricariṣyanti yathaiva tvaṃ sadā mama.
39. tava api kubjāḥ kubjāyāḥ sarvābharaṇa-bhūṣitāḥ
pādau paricariṣyanti yathā eva tvam sadā mama
39. kubjāyāḥ api sarvābharaṇa-bhūṣitāḥ kubjāḥ tava
pādau paricariṣyanti yathā eva tvam sadā mama
39. Even the hunchbacks belonging to that hunchback (Manthara), adorned with all ornaments, will attend to your feet, just as you always attended to mine.
इति प्रशस्यमाना सा कैकेयीमिदमब्रवीत् ।
शयानां शयने शुभ्रे वेद्यामग्निशिखामिव ॥४०॥
40. iti praśasyamānā sā kaikeyīmidamabravīt ,
śayānāṃ śayane śubhre vedyāmagniśikhāmiva.
40. iti praśasyamānā sā kaikeyīm idam abravīt
śayānām śayane śubhre vedyām agni-śikhām iva
40. iti praśasyamānā sā śubhre śayane śayānām
vedyām agni-śikhām iva kaikeyīm idam abravīt
40. She, thus praised (for her advice/actions), spoke this to Kaikeyī, who lay on a pure white bed like a flame of fire upon an altar.
गतोदके सेतुबन्धो न कल्याणि विधीयते ।
उत्तिष्ठ कुरु कल्याणं राजानमनुदर्शय ॥४१॥
41. gatodake setubandho na kalyāṇi vidhīyate ,
uttiṣṭha kuru kalyāṇaṃ rājānamanudarśaya.
41. gata-udake setu-bandhaḥ na kalyāṇi vidhīyate
uttiṣṭha kuru kalyāṇam rājānam anudarśaya
41. kalyāṇi gata-udake setu-bandhaḥ na vidhīyate
uttiṣṭha kalyāṇam kuru rājānam anudarśaya
41. O beautiful one, building a dam when the water has already gone is of no use. Arise, do what is auspicious, and present yourself before the king!
तथा प्रोत्साहिता देवी गत्वा मन्थरया सह ।
क्रोधागारं विशालाक्षी सौभाग्यमदगर्विता ॥४२॥
42. tathā protsāhitā devī gatvā mantharayā saha ,
krodhāgāraṃ viśālākṣī saubhāgyamadagarvitā.
42. tathā protsāhitā devī gatvā mantharayā saha
krodhāgāram viśālākṣī saubhāgyamada-garvitā
42. tathā protsāhitā saubhāgyamada-garvitā
viśālākṣī devī mantharayā saha krodhāgāram gatvā
42. Thus instigated, the wide-eyed queen, intoxicated with the pride of her good fortune, went with Mantharā to the anger-chamber.
अनेकशतसाहस्रं मुक्ताहारं वराङ्गना ।
अवमुच्य वरार्हाणि शुभान्याभरणानि च ॥४३॥
43. anekaśatasāhasraṃ muktāhāraṃ varāṅganā ,
avamucya varārhāṇi śubhānyābharaṇāni ca.
43. anekaśatasāhasram muktāhāram varāṅganā
avamucya varārhāṇi śubhāni ābharaṇāni ca
43. varāṅganā anekaśatasāhasram muktāhāram
ca varārhāṇi śubhāni ābharaṇāni avamucya
43. That beautiful woman, having removed her many pearl necklaces worth hundreds of thousands, and other excellent, auspicious ornaments...
ततो हेमोपमा तत्र कुब्जा वाक्यं वशं गता ।
संविश्य भूमौ कैकेयी मन्थरामिदमब्रवीत् ॥४४॥
44. tato hemopamā tatra kubjā vākyaṃ vaśaṃ gatā ,
saṃviśya bhūmau kaikeyī mantharāmidamabravīt.
44. tataḥ hemopamā tatra kubjā vākyam vaśam gatā
saṃviśya bhūmau kaikeyī mantharām idam abravīt
44. tataḥ tatra kubjā vākyam vaśam gatā hemopamā
kaikeyī bhūmau saṃviśya mantharām idam abravīt
44. Then, Kaikeyī, whose complexion was like gold, having come under the sway of the hunchback's words, sat on the ground there and said this to Mantharā.
इह वा मां मृतां कुब्जे नृपायावेदयिष्यसि ।
वनं तु राघवे प्राप्ते भरतः प्राप्स्यति क्षितिम् ॥४५॥
45. iha vā māṃ mṛtāṃ kubje nṛpāyāvedayiṣyasi ,
vanaṃ tu rāghave prāpte bharataḥ prāpsyati kṣitim.
45. iha vā mām mṛtām kubje nṛpāya āvedayiṣyasi vanam
tu rāghave prāpte bharataḥ prāpsyati kṣitim
45. kubje iha vā mām mṛtām nṛpāya āvedayiṣyasi tu
rāghave vanam prāpte bharataḥ kṣitim prāpsyati
45. O hunchback, you will announce me dead here to the king, or else, when Rāghava reaches the forest, Bharata will obtain the kingdom.
अथैतदुक्त्वा वचनं सुदारुणं निधाय सर्वाभरणानि भामिनी ।
असंवृतामास्तरणेन मेदिनीं तदाधिशिश्ये पतितेव किन्नरी ॥४६॥
46. athaitaduktvā vacanaṃ sudāruṇaṃ nidhāya sarvābharaṇāni bhāminī ,
asaṃvṛtāmāstaraṇena medinīṃ tadādhiśiśye patiteva kinnarī.
46. atha etat uktvā vacanam sudāruṇam
nidhāya sarvābharaṇāni bhāminī
asaṃvṛtām āstaraṇena medinīm
tadā adhiśiśye patitā iva kinnarī
46. atha bhāminī etat sudāruṇam
vacanam uktvā sarvābharaṇāni nidhāya
āstaraṇena asaṃvṛtām medinīm
tadā patitā kinnarī iva adhiśiśye
46. After speaking these exceedingly harsh words and removing all her ornaments, the beautiful Kaikeyi then lay down on the ground, uncovered by any bedspread, like a fallen Kinnari.
उदीर्णसंरम्भतमोवृतानना तथावमुक्तोत्तममाल्यभूषणा ।
नरेन्द्रपत्नी विमना बभूव सा तमोवृता द्यौरिव मग्नतारका ॥४७॥
47. udīrṇasaṃrambhatamovṛtānanā tathāvamuktottamamālyabhūṣaṇā ,
narendrapatnī vimanā babhūva sā tamovṛtā dyauriva magnatārakā.
47. udīrṇasaṃrambhatamovṛtānanā tathā
avamuktauttamamālyabhūṣaṇā
narendrapatnī vimanāḥ babhūva sā
tamovṛtā dyauḥ iva magnatārakā
47. udīrṇasaṃrambhatamovṛtānanā tathā
avamuktauttamamālyabhūṣaṇā sā
narendrapatnī tamovṛtā magnatārakā
dyauḥ iva vimanāḥ babhūva
47. With her face veiled by the gloom of intense fury, and having cast off her finest garlands and ornaments, that queen became dejected, just like the sky covered in darkness with its stars obscured.

Links to all chapters:

bāla kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76

ayodhyā kāṇḍa (current book)

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 (current chapter) Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111

araṇya kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71

kiṣkindhā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

sundara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

yuddha kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116

uttara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100