Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

वाल्मीकि-रामायणम्       vālmīki-rāmāyaṇam - book-4, chapter-23

Use the following checkboxes to set the display options for this chapter (You can also control the display of each verse separately):
what would you like to see in each verse:
ततः समुपजिघ्रन्ती कपिराजस्य तन्मुखम् ।
पतिं लोकाच्च्युतं तारा मृतं वचनमब्रवीत् ॥१॥
1. tataḥ samupajighrantī kapirājasya tanmukham ,
patiṃ lokāccyutaṃ tārā mṛtaṃ vacanamabravīt.
1. tataḥ samupajighrantī kapirājasya tat mukham
patiṃ lokāt cyutaṃ tārā mṛtaṃ vacanam abravīt
1. tataḥ tārā kapirājasya tat mukham samupajighrantī
lokāt cyutaṃ mṛtaṃ patiṃ vacanam abravīt
1. Then, Tara, smelling and kissing the face of that monkey king, spoke these words to her deceased husband, who had fallen from his earthly realm.
शेषे त्वं विषमे दुःखमकृत्वा वचनं मम ।
उपलोपचिते वीर सुदुःखे वसुधातले ॥२॥
2. śeṣe tvaṃ viṣame duḥkhamakṛtvā vacanaṃ mama ,
upalopacite vīra suduḥkhe vasudhātale.
2. śeṣe tvam viṣame duḥkham akṛtvā vacanam
mama upalopacite vīra suduḥkhe vasudhātale
2. vīra tvam mama vacanam akṛtvā viṣame suduḥkhe
upalopacite vasudhātale duḥkham śeṣe
2. O hero, you lie miserably in this dangerous and very painful place, on the ground covered with stones, without heeding my command.
मत्तः प्रियतरा नूनं वानरेन्द्र मही तव ।
शेषे हि तां परिष्वज्य मां च न प्रतिभाषसे ॥३॥
3. mattaḥ priyatarā nūnaṃ vānarendra mahī tava ,
śeṣe hi tāṃ pariṣvajya māṃ ca na pratibhāṣase.
3. mattaḥ priyatarā nūnam vānarendra mahī tava
śeṣe hi tām pariṣvajya mām ca na pratibhāṣase
3. vānanendra nūnam mattaḥ tava mahī priyatarā
hi tām pariṣvajya śeṣe ca mām na pratibhāṣase
3. O lord of monkeys, surely the earth is dearer to you than I am. Indeed, you lie embracing her, and you do not speak to me.
सुग्रीव एव विक्रान्तो वीर साहसिक प्रिय ।
ऋक्षवानरमुख्यास्त्वां बलिनं पर्युपासते ॥४॥
4. sugrīva eva vikrānto vīra sāhasika priya ,
ṛkṣavānaramukhyāstvāṃ balinaṃ paryupāsate.
4. sugrīvaḥ eva vikrāntaḥ vīra sāhasika priya
ṛkṣavānarāmukhyāḥ tvām balinam paryupāsate
4. vīra sāhasika priya sugrīvaḥ eva vikrāntaḥ
ṛkṣavānarāmukhyāḥ balinam tvām paryupāsate
4. O courageous and beloved adventurous hero, Sugrīva alone is truly valorous. The chiefs of bears and monkeys attend upon you, the mighty one.
एषां विलपितं कृच्छ्रमङ्गदस्य च शोचतः ।
मम चेमां गिरं श्रुत्वा किं त्वं न प्रतिबुध्यसे ॥५॥
5. eṣāṃ vilapitaṃ kṛcchramaṅgadasya ca śocataḥ ,
mama cemāṃ giraṃ śrutvā kiṃ tvaṃ na pratibudhyase.
5. eṣām vilapitam kṛcchram aṅgadasya ca śocataḥ mama
ca imām giram śrutvā kim tvam na pratibudhyase
5. eṣām kṛcchram vilapitam ca śocataḥ aṅgadasya ca
mama imām giram śrutvā tvam kim na pratibudhyase
5. Why do you not awaken, having heard the piteous lamentation of these (bears and monkeys), and of Angada who is grieving, as well as these words of mine?
इदं तच्छूरशयनं यत्र शेषे हतो युधि ।
शायिता निहता यत्र त्वयैव रिपवः पुरा ॥६॥
6. idaṃ tacchūraśayanaṃ yatra śeṣe hato yudhi ,
śāyitā nihatā yatra tvayaiva ripavaḥ purā.
6. idam tat śūraśayanam yatra śeṣe hataḥ yudhi
śāyitāḥ nihatāḥ yatra tvayā eva ripavaḥ purā
6. idam tat śūraśayanam yatra hataḥ yudhi śeṣe
yatra tvayā eva purā ripavaḥ śāyitāḥ nihatāḥ
6. This is that warrior's deathbed where you lie slain in battle. It is the very place where your enemies were previously laid low and killed by you.
विशुद्धसत्त्वाभिजन प्रिययुद्ध मम प्रिय ।
मामनाथां विहायैकां गतस्त्वमसि मानद ॥७॥
7. viśuddhasattvābhijana priyayuddha mama priya ,
māmanāthāṃ vihāyaikāṃ gatastvamasi mānada.
7. viśuddhasattvābhijana priyayuddha mama priya
mām anāthām vihāya ekām gataḥ tvam asi mānada
7. viśuddhasattvābhijana priyayuddha mama priya
mānada tvam mām anāthām ekām vihāya gataḥ asi
7. O my beloved, of pure nature (sattva) and noble lineage, O lover of battle, O bestower of honor, you have gone, leaving me, helpless and alone.
शूराय न प्रदातव्या कन्या खलु विपश्चिता ।
शूरभार्यां हतां पश्य सद्यो मां विधवां कृताम् ॥८॥
8. śūrāya na pradātavyā kanyā khalu vipaścitā ,
śūrabhāryāṃ hatāṃ paśya sadyo māṃ vidhavāṃ kṛtām.
8. śūrāya na pradātavyā kanyā khalu vipaścitā
śūrabhar(y)ām hatām paśya sadyaḥ mām vidhavām kṛtām
8. khalu vipaścitā kanyā śūrāya na pradātavyā paśya
śūrabhar(y)ām hatām sadyaḥ mām vidhavām kṛtām
8. Indeed, a wise person should not give their daughter to a warrior. See me, a warrior's wife, immediately widowed and rendered as if slain myself.
अवभग्नश्च मे मानो भग्ना मे शाश्वती गतिः ।
अगाधे च निमग्नास्मि विपुले शोकसागरे ॥९॥
9. avabhagnaśca me māno bhagnā me śāśvatī gatiḥ ,
agādhe ca nimagnāsmi vipule śokasāgare.
9. avabhagnaḥ ca me mānaḥ bhagnā me śāśvatī
gatiḥ agādhe ca nimagnā asmi vipule śokasāgare
9. me mānaḥ ca avabhagnaḥ me śāśvatī gatiḥ bhagnā
ca agādhe vipule śokasāgare nimagnā asmi
9. My pride (māna) is completely shattered, and my eternal refuge is broken. I am plunged into a vast and unfathomable ocean of sorrow.
अश्मसारमयं नूनमिदं मे हृदयं दृढम् ।
भर्तारं निहतं दृष्ट्वा यन्नाद्य शतधा गतम् ॥१०॥
10. aśmasāramayaṃ nūnamidaṃ me hṛdayaṃ dṛḍham ,
bhartāraṃ nihataṃ dṛṣṭvā yannādya śatadhā gatam.
10. aśmasāramayam nūnam idam me hṛdayam dṛḍham
bhartāram nihatam dṛṣṭvā yat na adya śatadhā gatam
10. nūnam idam me hṛdayam aśmasāramayam dṛḍham yat
nihatam bhartāram dṛṣṭvā adya śatadhā na gatam
10. Surely, this heart of mine is made of iron and is so firm, that even after seeing my husband killed, it has not yet burst into a hundred pieces.
सुहृच्चैव हि भर्ता च प्रकृत्या च मम प्रियः ।
आहवे च पराक्रान्तः शूरः पञ्चत्वमागतः ॥११॥
11. suhṛccaiva hi bhartā ca prakṛtyā ca mama priyaḥ ,
āhave ca parākrāntaḥ śūraḥ pañcatvamāgataḥ.
11. suhṛt ca eva hi bhartā ca prakṛtyā ca mama priyaḥ
āhave ca parākrāntaḥ śūraḥ pañcatvam āgataḥ
11. hi mama suhṛt ca eva bhartā ca prakṛtyā ca priyaḥ
āhave ca parākrāntaḥ śūraḥ pañcatvam āgataḥ
11. He was indeed my friend and husband, naturally dear to me. And in battle, he was valiant and a hero, who has now met his end.
पतिहीना तु या नारी कामं भवतु पुत्रिणी ।
धनधान्यैः सुपूर्णापि विधवेत्युच्यते बुधैः ॥१२॥
12. patihīnā tu yā nārī kāmaṃ bhavatu putriṇī ,
dhanadhānyaiḥ supūrṇāpi vidhavetyucyate budhaiḥ.
12. patihīnā tu yā nārī kāmam bhavatu putriṇī
dhanadhānyaiḥ supūrṇā api vidhavā iti ucyate budhaiḥ
12. tu yā nārī patihīnā kāmam putriṇī bhavatu
dhanadhānyaiḥ supūrṇā api budhaiḥ vidhavā iti ucyate
12. A woman who is without a husband, even if she has sons and is richly endowed with wealth and grain, is nevertheless called a widow by the wise.
स्वगात्रप्रभवे वीर शेषे रुधिरमण्डले ।
कृमिरागपरिस्तोमे त्वमेवं शयने यथा ॥१३॥
13. svagātraprabhave vīra śeṣe rudhiramaṇḍale ,
kṛmirāgaparistome tvamevaṃ śayane yathā.
13. svagātraprabhave vīra śeṣe rudhiramaṇḍale
kṛmirāgaparistome tvam evam śayane yathā
13. vīra tvam evam yathā śayane svagātraprabhave
śeṣe rudhiramaṇḍale kṛmirāgaparistome
13. O hero, you lie thus, as if in a bed, in this remaining pool of blood that arose from your own body, a covering reddened as if by worms.
रेणुशोणितसंवीतं गात्रं तव समन्ततः ।
परिरब्धुं न शक्नोमि भुजाभ्यां प्लवगर्षभ ॥१४॥
14. reṇuśoṇitasaṃvītaṃ gātraṃ tava samantataḥ ,
parirabdhuṃ na śaknomi bhujābhyāṃ plavagarṣabha.
14. reṇuśoṇitasaṃvītam gātram tava samantataḥ
parirabdhum na śaknomi bhujābhyām plavagarṣabha
14. plavagarṣabha tava reṇuśoṇitasaṃvītam samantataḥ
gātram bhujābhyām parirabdhum na śaknomi
14. O chief of monkeys, I cannot embrace your body, which is entirely covered in dust and blood, with my arms.
कृतकृत्यो ऽद्य सुग्रीवो वैरे ऽस्मिन्नतिदारुणे ।
यस्य रामविमुक्तेन हृतमेकेषुणा भयम् ॥१५॥
15. kṛtakṛtyo'dya sugrīvo vaire'sminnatidāruṇe ,
yasya rāmavimuktena hṛtamekeṣuṇā bhayam.
15. kṛtakṛtyaḥ adya sugrīvaḥ vaire asmin atidāruṇe
yasya rāmavimuktena hṛtam ekeṣuṇā bhayam
15. adya sugrīvaḥ asmin atidāruṇe vaire kṛtakṛtyaḥ
yasya bhayam rāmavimuktena ekeṣuṇā hṛtam
15. Today, Sugrīva has achieved his purpose in this exceedingly fierce rivalry. His fear was removed by a single arrow discharged by Rāma.
शरेण हृदि लग्नेन गात्रसंस्पर्शने तव ।
वार्यामि त्वां निरीक्षन्ती त्वयि पञ्चत्वमागते ॥१६॥
16. śareṇa hṛdi lagnena gātrasaṃsparśane tava ,
vāryāmi tvāṃ nirīkṣantī tvayi pañcatvamāgate.
16. śareṇa hṛdi lagnena gātrasaṃsparśane tava
vāryāmi tvām nirīkṣantī tvayi pañcatvam āgate
16. śareṇa hṛdi lagnena tvayi pañcatvam āgate,
tvām nirīkṣantī,
tava gātrasaṃsparśane vāryāmi
16. With the arrow lodged in your heart, as you lie in the state of death (pañcatva), I, looking upon you, restrain myself from touching your body.
उद्बबर्ह शरं नीलस्तस्य गात्रगतं तदा ।
गिरिगह्वरसंलीनं दीप्तमाशीविषं यथा ॥१७॥
17. udbabarha śaraṃ nīlastasya gātragataṃ tadā ,
girigahvarasaṃlīnaṃ dīptamāśīviṣaṃ yathā.
17. udbabarha śaram nīlaḥ tasya gātragatam tadā
girigahvarasaṃlīnam dīptam āśīviṣam yathā
17. tadā nīlaḥ tasya gātragatam śaram udbabarha,
yathā girigahvarasaṃlīnam dīptam āśīviṣam
17. Then Nīla pulled out that arrow, which was lodged in Vāli's body, just as one might pull out a fiery poisonous snake (āśīviṣa) hidden within a mountain cave.
तस्य निष्कृष्यमाणस्य बाणस्य च बभौ द्युतिः ।
अस्तमस्तकसंरुद्धो रश्मिर्दिनकरादिव ॥१८॥
18. tasya niṣkṛṣyamāṇasya bāṇasya ca babhau dyutiḥ ,
astamastakasaṃruddho raśmirdinakarādiva.
18. tasya niṣkṛṣyamāṇasya bāṇasya ca babhau dyutiḥ
astamastakasaṃruddhaḥ raśmiḥ dinakarāt iva
18. tasya bāṇasya niṣkṛṣyamāṇasya dyutiḥ ca babhau
astamastakasaṃruddhaḥ dinakarāt raśmiḥ iva
18. The radiance of the arrow, as it was being extracted from him, shone like a ray of sunlight obstructed by the summit of the western mountain.
पेतुः क्षतजधारास्तु व्रणेभ्यस्तस्य सर्वशः ।
ताम्रगैरिकसंपृक्ता धारा इव धराधरात् ॥१९॥
19. petuḥ kṣatajadhārāstu vraṇebhyastasya sarvaśaḥ ,
tāmragairikasaṃpṛktā dhārā iva dharādharāt.
19. petuḥ kṣatajadhārāḥ tu vraṇebhyaḥ tasya sarvaśaḥ
tāmragairikasaṃpṛktāḥ dhārāḥ iva dharādharāt
19. tasya vraṇebhyaḥ sarvaśaḥ kṣatajadhārāḥ tu petuḥ
tāmragairikasaṃpṛktāḥ dhārāḥ iva dharādharāt
19. Indeed, streams of blood fell from his wounds everywhere, like streams mixed with red ochre falling from a mountain.
अवकीर्णं विमार्जन्ती भर्तारं रणरेणुना ।
अस्रैर्नयनजैः शूरं सिषेचास्त्रसमाहतम् ॥२०॥
20. avakīrṇaṃ vimārjantī bhartāraṃ raṇareṇunā ,
asrairnayanajaiḥ śūraṃ siṣecāstrasamāhatam.
20. avakīrṇam vimārjantī bhartāram raṇareṇunā
asraiḥ nayanajaiḥ śūram siṣeca astrasamāhatam
20. vimārjantī raṇareṇunā avakīrṇam bhartāram
nayanajaiḥ asraiḥ śūram astrasamāhatam siṣeca
20. Wiping off the battle dust that covered her husband, the hero who was struck by weapons, she moistened him with tears born from her eyes.
रुधिरोक्षितसर्वाङ्गं दृष्ट्वा विनिहतं पतिम् ।
उवाच तारा पिङ्गाक्षं पुत्रमङ्गदमङ्गना ॥२१॥
21. rudhirokṣitasarvāṅgaṃ dṛṣṭvā vinihataṃ patim ,
uvāca tārā piṅgākṣaṃ putramaṅgadamaṅganā.
21. rudhiroktasarvāṅgam dṛṣṭvā vinihatam patim
uvāca tārā piṅgākṣam putram aṅgadam aṅganā
21. aṅganā tārā rudhiroktasarvāṅgam vinihatam
patim dṛṣṭvā piṅgākṣam putram aṅgadam uvāca
21. Having seen her slain husband, whose entire body was drenched in blood, the lady Tārā spoke to her tawny-eyed son, Aṅgada.
अवस्थां पश्चिमां पश्य पितुः पुत्र सुदारुणाम् ।
संप्रसक्तस्य वैरस्य गतो ऽन्तः पापकर्मणा ॥२२॥
22. avasthāṃ paścimāṃ paśya pituḥ putra sudāruṇām ,
saṃprasaktasya vairasya gato'ntaḥ pāpakarmaṇā.
22. avasthām paścimām paśya pituḥ putra sudāruṇām
saṃprasaktasya vairasya gataḥ antaḥ pāpakarmaṇā
22. putra pituḥ sudāruṇām paścimām avasthām paśya
pāpakarmaṇā saṃprasaktasya vairasya antaḥ gataḥ
22. Son, behold your father's dreadful final condition. The deeply ingrained enmity, brought about by sinful actions, has reached its end.
बालसूर्योदयतनुं प्रयान्तं यमसादनम् ।
अभिवादय राजानं पितरं पुत्र मानदम् ॥२३॥
23. bālasūryodayatanuṃ prayāntaṃ yamasādanam ,
abhivādaya rājānaṃ pitaraṃ putra mānadam.
23. bālasūryodayatanum prayāntam yamasādanam
abhivādaya rājānam pitaram putra mānadam
23. putra bālasūryodayatanum yamasādanam
prayāntam mānadam pitaram rājānam abhivādaya
23. Son, salute your father, the honorable king, whose body resembles the rising sun, as he departs to the abode of Yama.
एवमुक्तः समुत्थाय जग्राह चरणौ पितुः ।
भुजाभ्यां पीनवृताभ्यामङ्गदो ऽहमिति ब्रुवन् ॥२४॥
24. evamuktaḥ samutthāya jagrāha caraṇau pituḥ ,
bhujābhyāṃ pīnavṛtābhyāmaṅgado'hamiti bruvan.
24. evamuktaḥ samutthāya jagrāha caraṇau pituḥ
bhujābhyām pīnavṛtābhyām aṅgadaḥ aham iti bruvan
24. evam uktaḥ (saḥ) samutthāya aṅgadaḥ aham iti bruvan
pīnavṛtābhyām bhujābhyām pituḥ caraṇau jagrāha
24. Thus addressed, he rose up and grasped his father's feet with his strong, thick arms, saying, 'I am Angada'.
अभिवादयमानं त्वामङ्गदं त्वं यथापुरा ।
दीर्घायुर्भव पुत्रेति किमर्थं नाभिभाषसे ॥२५॥
25. abhivādayamānaṃ tvāmaṅgadaṃ tvaṃ yathāpurā ,
dīrghāyurbhava putreti kimarthaṃ nābhibhāṣase.
25. abhivādayamānam tvām aṅgadam tvam yathāpurā
dīrghāyuḥ bhava putra iti kimartham na abhibhāṣase
25. tvam yathāpurā tvām abhivādayamānam aṅgadam putra
dīrghāyuḥ bhava iti kimartham na abhibhāṣase
25. Why do you not address Angada, who is saluting you, and say 'Be long-lived, O son,' as you did formerly?
अहं पुत्रसहाया त्वामुपासे गतचेतनम् ।
सिंहेन निहतं सद्यो गौः सवत्सेव गोवृषम् ॥२६॥
26. ahaṃ putrasahāyā tvāmupāse gatacetanam ,
siṃhena nihataṃ sadyo gauḥ savatseva govṛṣam.
26. aham putrasahāyā tvām upāse gatacetanam
siṃhena nihatam sadyaḥ gauḥ savatsā iva govṛṣam
26. aham putrasahāyā gatacetanam tvām upāse
savatsā gauḥ iva siṃhena nihatam govṛṣam sadyaḥ
26. I, accompanied by my son, attend to you who are lifeless, just as a cow with her calf would immediately approach a bull instantly slain by a lion.
इष्ट्वा संग्रामयज्ञेन नानाप्रहरणाम्भसा ।
अस्मिन्नवभृथे स्नातः कथं पत्न्या मया विना ॥२७॥
27. iṣṭvā saṃgrāmayajñena nānāpraharaṇāmbhasā ,
asminnavabhṛthe snātaḥ kathaṃ patnyā mayā vinā.
27. iṣṭvā saṅgrāmayajñena nānāpraharaṇāmbhasā
asmin avabhṛthe snātaḥ katham patnyā mayā vinā
27. nānāpraharaṇāmbhasā saṅgrāmayajñena iṣṭvā,
asmin avabhṛthe snātaḥ (tvam),
mayā patnyā vinā katham (asi)?
27. Having concluded the war-ritual (yajña) with the ablution-waters of various weapons, how can you undergo this final purification bath (avabhṛtha) without me, your wife?
या दत्ता देवराजेन तव तुष्टेन संयुगे ।
शातकुम्भमयीं मालां तां ते पश्यामि नेह किम् ॥२८॥
28. yā dattā devarājena tava tuṣṭena saṃyuge ,
śātakumbhamayīṃ mālāṃ tāṃ te paśyāmi neha kim.
28. yā dattā devarājena tava tuṣṭena saṃyuge
śātakumbhamayīm mālām tām te paśyāmi na iha kim
28. devraājena tuṣṭena saṃyuge tava yā śātakumbhamayīm mālām dattā,
tāṃ te iha na paśyāmi kim?
28. Why do I not see here that golden garland of yours which was given to you by the delighted king of gods (Indra) in battle?
राजश्रीर्न जहाति त्वां गतासुमपि मानद ।
सूर्यस्यावर्तमानस्य शैलराजमिव प्रभा ॥२९॥
29. rājaśrīrna jahāti tvāṃ gatāsumapi mānada ,
sūryasyāvartamānasya śailarājamiva prabhā.
29. rājaśrīḥ na jahāti tvām gataasum api mānada
sūryasya āvartamānasya śailarājam iva prabhā
29. mānada! rājaśrīḥ tvām gataasum api na jahāti prabhā āvartamānasya sūryasya śailarājam iva (na jahāti).
29. O giver of honor, royal glory does not abandon you, even though you are lifeless, just as the radiance of the setting sun does not abandon the king of mountains.
न मे वचः पथ्यमिदं त्वया कृतं न चास्मि शक्ता हि निवारणे तव ।
हता सपुत्रास्मि हतेन संयुगे सह त्वया श्रीर्विजहाति मामिह ॥३०॥
30. na me vacaḥ pathyamidaṃ tvayā kṛtaṃ na cāsmi śaktā hi nivāraṇe tava ,
hatā saputrāsmi hatena saṃyuge saha tvayā śrīrvijahāti māmiha.
30. na me vacaḥ pathyam idam tvayā kṛtam
na ca asmi śaktā hi nivāraṇe tava
hatā saputrā asmi hatena saṃyuge
saha tvayā śrīḥ vijahāti mām iha
30. tvayā idam me pathyam vacaḥ na kṛtam
ca tava nivāraṇe śaktā hi na asmi
saṃyuge hatena saputrā hatā asmi
saha tvayā śrīḥ mām iha vijahāti
30. This wholesome advice of mine was not heeded by you. Indeed, I was not able to prevent your actions. I am now ruined, along with my sons, by the one who was killed in battle. Now, along with you, all prosperity (śrī) abandons me here.

Links to all chapters:

bāla kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76

ayodhyā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111

araṇya kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71

kiṣkindhā kāṇḍa (current book)

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 (current chapter) Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

sundara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

yuddha kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116

uttara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100