Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

वाल्मीकि-रामायणम्       vālmīki-rāmāyaṇam - book-3, chapter-69

Use the following checkboxes to set the display options for this chapter (You can also control the display of each verse separately):
what would you like to see in each verse:
निदर्शयित्वा रामाय सीतायाः प्रतिपादने ।
वाक्यमन्वर्थमर्थज्ञः कबन्धः पुनरब्रवीत् ॥१॥
1. nidarśayitvā rāmāya sītāyāḥ pratipādane ,
vākyamanvarthamarthajñaḥ kabandhaḥ punarabravīt.
1. nidarśayitvā rāmāya sītāyāḥ pratipādane | vākyam
anvartham arthajñaḥ kabandhaḥ punaḥ abravīt
1. arthajñaḥ kabandhaḥ rāmāya sītāyāḥ pratipādane
nidarśayitvā punaḥ anvartham vākyam abravīt
1. Kabandha, who was insightful (artha-jña), after explaining to Rama the means for Sita's recovery, spoke again with pertinent words.
एष राम शिवः पन्था यत्रैते पुष्पिता द्रुमाः ।
प्रतीचीं दिशमाश्रित्य प्रकाशन्ते मनोरमाः ॥२॥
2. eṣa rāma śivaḥ panthā yatraite puṣpitā drumāḥ ,
pratīcīṃ diśamāśritya prakāśante manoramāḥ.
2. eṣa rāma śivaḥ panthā yatra ete puṣpitā drumāḥ
pratīcīm diśam āśritya prakāśante manoramāḥ
2. rāma eṣaḥ śivaḥ panthā (asti) yatra pratīcīm diśam
āśritya ete manoramāḥ puṣpitāḥ drumāḥ prakāśante
2. O Rama, this is the auspicious path where these charming, blooming trees, facing the western direction, are visible.
जम्बूप्रियालपनसाः प्लक्षन्यग्रोधतिन्दुकाः ।
अश्वत्थाः कर्णिकाराश्च चूताश्चान्ये च पादपाः ॥३॥
3. jambūpriyālapanasāḥ plakṣanyagrodhatindukāḥ ,
aśvatthāḥ karṇikārāśca cūtāścānye ca pādapāḥ.
3. jambūpriyālapanasāḥ plakṣanyagrodhatindukāḥ
aśvatthāḥ karṇikārāḥ ca cūtāḥ ca anye ca pādapāḥ
3. jambūpriyālapanasāḥ plakṣanyagrodhatindukāḥ
aśvatthāḥ karṇikārāḥ ca cūtāḥ ca anye ca pādapāḥ
3. Jamun, piyāla, and jackfruit trees; plakṣa, banyan, and tinduka trees; sacred fig trees, karṇikāra trees, mango trees, and other trees (are there).
तानारुह्याथ वा भूमौ पातयित्वा च तान्बलात् ।
फलान्यमृतकल्पानि भक्षयन्तौ गमिष्यथः ॥४॥
4. tānāruhyātha vā bhūmau pātayitvā ca tānbalāt ,
phalānyamṛtakalpāni bhakṣayantau gamiṣyathaḥ.
4. tān āruhya atha vā bhūmau pātayitvā ca tān balāt
| phalāni amṛtakalpāni bhakṣayantau gamiṣyathaḥ
4. atha vā tān āruhya bhūmau tān balāt pātayitvā ca
amṛtakalpāni phalāni bhakṣayantau gamiṣyathaḥ
4. Climbing them, or forcefully felling them to the ground, and eating fruits comparable to nectar, you two will go forth.
चङ्क्रमन्तौ वरान्देशाञ् शैलाच्छैलं वनाद्वनम् ।
ततः पुष्करिणीं वीरौ पम्पां नाम गमिष्यथः ॥५॥
5. caṅkramantau varāndeśāñ śailācchailaṃ vanādvanam ,
tataḥ puṣkariṇīṃ vīrau pampāṃ nāma gamiṣyathaḥ.
5. caṅkramantau varān deśān | śailāt śailam vanāt vanam
| tataḥ puṣkariṇīm vīrau pampām nāma gamiṣyathaḥ
5. vīrau varān deśān caṅkramantau śailāt śailam vanāt
vanam tataḥ pampām nāma puṣkariṇīm gamiṣyathaḥ
5. Wandering through excellent regions, from mountain to mountain, from forest to forest, you two heroes will then reach a lotus pond named Pampā.
अशर्करामविभ्रंशां समतीर्थमशैवलाम् ।
राम संजातवालूकां कमलोत्पलशोभिताम् ॥६॥
6. aśarkarāmavibhraṃśāṃ samatīrthamaśaivalām ,
rāma saṃjātavālūkāṃ kamalotpalaśobhitām.
6. aśarkarām avibhraṃśām samatīrthām aśaivalām
| rāma saṃjātavālūkām kamala utpala śobhitām
6. rāma aśarkarām avibhraṃśām samatīrthām
aśaivalām saṃjātavālūkām kamala utpala śobhitām
6. O Rāma, (a pond) without gravel, without decay, with even banks, without moss, where sand has naturally formed, and adorned with lotuses and water lilies.
तत्र हंसाः प्लवाः क्रौञ्चाः कुरराश्चैव राघव ।
वल्गुस्वरा निकूजन्ति पम्पासलिलगोचराः ॥७॥
7. tatra haṃsāḥ plavāḥ krauñcāḥ kurarāścaiva rāghava ,
valgusvarā nikūjanti pampāsalilagocarāḥ.
7. tatra haṃsāḥ plavāḥ krauñcāḥ kurarāḥ ca eva
rāghava valgusvarāḥ nikūjanti pampāsalilagocarāḥ
7. rāghava tatra haṃsāḥ plavāḥ krauñcāḥ kurarāḥ ca
eva valgusvarāḥ pampāsalilagocarāḥ nikūjanti
7. O Raghava, there, swans, ducks, cranes, and curlews with sweet voices sing beautifully as they move about in the waters of Pampa.
नोद्विजन्ते नरान्दृष्ट्वा वधस्याकोविदाः शुभाः ।
घृतपिण्डोपमान् स्थूलांस्तान्द्विजान्भक्षयिष्यथः ॥८॥
8. nodvijante narāndṛṣṭvā vadhasyākovidāḥ śubhāḥ ,
ghṛtapiṇḍopamān sthūlāṃstāndvijānbhakṣayiṣyathaḥ.
8. na udvijante narān dṛṣṭvā vadhasya akovidāḥ śubhāḥ
ghṛtapiṇḍopamān sthūlān tān dvijān bhakṣayiṣyathaḥ
8. śubhāḥ akovidāḥ vadhasya narān dṛṣṭvā na udvijante
tān sthūlān ghṛtapiṇḍopamān dvijān bhakṣayiṣyathaḥ
8. These beautiful birds, unaware of killing, are not alarmed by seeing humans. You two will eat those plump birds (dvija), which resemble lumps of ghee.
रोहितान् वक्रतुण्डांश्च नलमीनांश्च राघव ।
पम्पायामिषुभिर्मत्स्यांस्तत्र राम वरान् हतान् ॥९॥
9. rohitān vakratuṇḍāṃśca nalamīnāṃśca rāghava ,
pampāyāmiṣubhirmatsyāṃstatra rāma varān hatān.
9. rohitān vakratuṇḍān ca nalamīnān ca rāghava
pampāyām iṣubhiḥ matsyān tatra rāma varān hatān
9. rāghava rāma tatra pampāyām iṣubhiḥ hatān varān
matsyān rohitān vakratuṇḍān ca nalamīnān ca
9. O Raghava, O Rama, there in Pampa, you will find excellent fish slain by arrows – rohita, crooked-mouthed, and reed fish.
निस्त्वक्पक्षानयस्तप्तानकृशानेककण्टकान् ।
तव भक्त्या समायुक्तो लक्ष्मणः संप्रदास्यति ॥१०॥
10. nistvakpakṣānayastaptānakṛśānekakaṇṭakān ,
tava bhaktyā samāyukto lakṣmaṇaḥ saṃpradāsyati.
10. nistvakpakṣān ayastaptān akṛśān ekakaṇṭakān
tava bhaktyā samāyuktaḥ lakṣmaṇaḥ saṃpradāsyati
10. tava bhaktyā samāyuktaḥ lakṣmaṇaḥ nistvakpakṣān
ayastaptān akṛśān ekakaṇṭakān saṃpradāsyati
10. Lakshmana, filled with devotion (bhakti) for you, will present those fish, skinned and finless, roasted on an iron spit, plump, and having only one bone.
भृशं ते खादतो मत्स्यान्पम्पायाः पुष्पसंचये ।
पद्मगन्धि शिवं वारि सुखशीतमनामयम् ॥११॥
11. bhṛśaṃ te khādato matsyānpampāyāḥ puṣpasaṃcaye ,
padmagandhi śivaṃ vāri sukhaśītamanāmayam.
11. bhṛśam te khādataḥ matsyān pampāyāḥ puṣpasaṃcaye
| padmagandhi śivam vāri sukhaśītam anāmayam
11. te pampāyāḥ puṣpasaṃcaye bhṛśam matsyān khādataḥ [santi]
[tatra] padmagandhi śivam sukhaśītam anāmayam vāri [asti]
11. For you, there will be the intense sight of creatures eating fish amidst the flower-laden banks of Pampa. Its water is lotus-fragrant, pure, pleasantly cool, and wholesome.
उद्धृत्य स तदाक्लिष्टं रूप्यस्फटिकसंनिभम् ।
अथ पुष्करपर्णेन लक्ष्मणः पाययिष्यति ॥१२॥
12. uddhṛtya sa tadākliṣṭaṃ rūpyasphaṭikasaṃnibham ,
atha puṣkaraparṇena lakṣmaṇaḥ pāyayiṣyati.
12. uddhṛtya sa tadā akliṣṭam rūpyasphaṭikasaṃnibham
| atha puṣkaraparṇena lakṣmaṇaḥ pāyayisyati
12. sa lakṣmaṇaḥ tadā rūpyasphaṭikasaṃnibham akliṣṭam
[vāri] uddhṛtya atha puṣkaraparṇena [tvām] pāyayisyati
12. Having then drawn out that clear water, which resembles silver and crystal, Lakṣmaṇa will thereupon give [you] to drink with a lotus leaf.
स्थूलान् गिरिगुहाशय्यान् वराहान् वनचारिणः ।
अपां लोभादुपावृत्तान् वृषभानिव नर्दतः ।
रूपान्वितांश्च पम्पायां द्रक्ष्यसि त्वं नरोत्तम ॥१३॥
13. sthūlān giriguhāśayyān varāhān vanacāriṇaḥ ,
apāṃ lobhādupāvṛttān vṛṣabhāniva nardataḥ ,
rūpānvitāṃśca pampāyāṃ drakṣyasi tvaṃ narottama.
13. sthūlān giriguhāśayyān varāhān
vanacāriṇaḥ | apām lobhāt upāvṛttān
vṛṣabhān iva nardataḥ | rūpānvitān
ca pampāyām drakṣyasi tvam narottama
13. narottama tvam pampāyām sthūlān
giriguhāśayyān vanacāriṇaḥ apām lobhāt
upāvṛttān vṛṣabhān iva nardataḥ varāhān
drakṣyasi ca rūpānvitān [api drakṣyasi]
13. O best of men, you will see in Pampa stout wild boars, accustomed to lying in mountain caves and roaming the forest, which return [to the water] out of a desire for water and roar like bulls. You will also see other creatures endowed with beautiful forms.
सायाह्ने विचरन् राम विटपी माल्यधारिणः ।
शीतोदकं च पम्पायां दृष्ट्वा शोकं विहास्यसि ॥१४॥
14. sāyāhne vicaran rāma viṭapī mālyadhāriṇaḥ ,
śītodakaṃ ca pampāyāṃ dṛṣṭvā śokaṃ vihāsyasi.
14. sāyāhne vicaran rāma viṭapī mālyadhāriṇaḥ |
śītodakam ca pampāyām dṛṣṭvā śokam vihāsyasi
14. rāma sāyāhne vicaran pampāyām mālyadhāriṇaḥ
viṭapī ca śītodakam dṛṣṭvā śokam vihāsyasi
14. O Rama, in the evening, as you wander, having seen the garland-bearing trees and the cool water in Pampa, you will cast away your sorrow.
सुमनोभिश्चितांस्तत्र तिलकान्नक्तमालकान् ।
उत्पलानि च फुल्लानि पङ्कजानि च राघव ॥१५॥
15. sumanobhiścitāṃstatra tilakānnaktamālakān ,
utpalāni ca phullāni paṅkajāni ca rāghava.
15. sumanobhiḥ citān tatra tilakān naktamālakān
utpalāni ca phullāni paṅkajāni ca rāghava
15. rāghava tatra sumanobhiḥ citān tilakān naktamālakān
ca phullāni utpalāni ca paṅkajāni (āsan)
15. O Raghava, there were Tilaka and Naktamalaka flowers, strewn with fragrant blossoms, along with blooming blue and pink lotuses.
न तानि कश्चिन्माल्यानि तत्रारोपयिता नरः ।
मतङ्गशिष्यास्तत्रासन्नृषयः सुसमाहितः ॥१६॥
16. na tāni kaścinmālyāni tatrāropayitā naraḥ ,
mataṅgaśiṣyāstatrāsannṛṣayaḥ susamāhitaḥ.
16. na tāni kaścit mālyāni tatra āropayitā naraḥ
matangaśiṣyāḥ tatra āsan ṛṣayaḥ susamāhitaḥ
16. kaścit naraḥ tāni mālyāni tatra na āropayitā (āsīt).
tatra matangaśiṣyāḥ ṛṣayaḥ susamāhitaḥ āsan.
16. No man had placed those garlands there. The sages, disciples of Matanga, were present there, profoundly concentrated.
तेषां भाराभितप्तानां वन्यमाहरतां गुरोः ।
ये प्रपेतुर्महीं तूर्णं शरीरात् स्वेदबिन्दवः ॥१७॥
17. teṣāṃ bhārābhitaptānāṃ vanyamāharatāṃ guroḥ ,
ye prapeturmahīṃ tūrṇaṃ śarīrāt svedabindavaḥ.
17. teṣām bhārābhitaptānām vanyam āharatām guroḥ
ye prapetuḥ mahīm tūrṇam śarīrāt svedabindavaḥ
17. guroḥ vanyam āharatām bhārābhitaptānām teṣām śarīrāt ye svedabindavaḥ tūrṇam mahīm prapetuḥ (te.
.
.
)
17. Of those disciples who were exhausted from the burden of gathering forest produce for their guru, the drops of sweat that quickly fell from their bodies to the ground -
तानि माल्यानि जातानि मुनीनां तपसा तदा ।
स्वेदबिन्दुसमुत्थानि न विनश्यन्ति राघव ॥१८॥
18. tāni mālyāni jātāni munīnāṃ tapasā tadā ,
svedabindusamutthāni na vinaśyanti rāghava.
18. tāni mālyāni jātāni munīnām tapasā tadā
svedabindusamutthāni na vinaśyanti rāghava
18. rāghava tadā munīnām tapasā svedabindusamutthāni
tāni mālyāni jātāni na vinaśyanti
18. O Raghava, those garlands, which originated then from the drops of sweat of those sages through their spiritual discipline (tapas), do not perish.
तेषामद्यापि तत्रैव दृश्यते परिचारिणी ।
श्रमणी शबरी नाम काकुत्स्थ चिरजीविनी ॥१९॥
19. teṣāmadyāpi tatraiva dṛśyate paricāriṇī ,
śramaṇī śabarī nāma kākutstha cirajīvinī.
19. teṣām adya api tatra eva dṛśyate paricāriṇī
śramaṇī śabarī nāma kākutstha cirajīvinī
19. kākutstha teṣām adya api tatra eva cirajīvinī
paricāriṇī śramaṇī śabarī nāma dṛśyate
19. O Kakutstha, even today, their long-lived female attendant (paricāriṇī), the ascetic (śramaṇī) named Shabari, is seen right there.
त्वां तु धर्मे स्थिता नित्यं सर्वभूतनमस्कृतम् ।
दृष्ट्वा देवोपमं राम स्वर्गलोकं गमिष्यति ॥२०॥
20. tvāṃ tu dharme sthitā nityaṃ sarvabhūtanamaskṛtam ,
dṛṣṭvā devopamaṃ rāma svargalokaṃ gamiṣyati.
20. tvām tu dharme sthitā nityam sarvabhūtanamaskṛtam
dṛṣṭvā devopamam rāma svargalokam gamiṣyati
20. rāma tvām devopamam sarvabhūtanamaskṛtam dṛṣṭvā tu
dharme nityam sthitā (sā) svargalokam gamiṣyati
20. O Rama, she, who is always steadfast in her virtuous principles (dharma) and revered by all beings, will attain the celestial world after seeing you, who are like a god.
ततस्तद् राम पम्पायास्तीरमाश्रित्य पश्चिमम् ।
आश्रमस्थानमतुलं गुह्यं काकुत्स्थ पश्यसि ॥२१॥
21. tatastad rāma pampāyāstīramāśritya paścimam ,
āśramasthānamatulaṃ guhyaṃ kākutstha paśyasi.
21. tataḥ tat rāma pampāyāḥ tīram āśritya paścimam
āśramasthānam atulam guhyam kākutstha paśyasi
21. rāma kākutstha tataḥ paścimam pampāyāḥ tīram
āśritya tat atulam guhyam āśramasthānam paśyasi
21. Thereafter, O Rama, O Kakutstha, having approached the western bank of Lake Pampa, you will behold that unequalled and secluded hermitage site (āśramasthāna).
न तत्राक्रमितुं नागाः शक्नुवन्ति तमाश्रमम् ।
ऋषेस्तस्य मतङ्गस्य विधानात्तच्च काननम् ॥२२॥
22. na tatrākramituṃ nāgāḥ śaknuvanti tamāśramam ,
ṛṣestasya mataṅgasya vidhānāttacca kānanam.
22. na tatra ākramitum nāgāḥ śaknuvanti tam āśramam
ṛṣeḥ tasya matangasya vidhānāt tat ca kānam
22. tatra nāgāḥ tam āśramam ākramitum na śaknuvanti ca ṛṣeḥ
tasya matangasya vidhānāt tat kānam (api tathā eva asti)
22. There, serpents are unable to enter that hermitage. And that forest (kānana) too is thus (inaccessible) by the ordinance (vidhāna) of that sage Matanga.
तस्मिन्नन्दनसंकाशे देवारण्योपमे वने ।
नानाविहगसंकीर्णे रंस्यसे राम निर्वृतः ॥२३॥
23. tasminnandanasaṃkāśe devāraṇyopame vane ,
nānāvihagasaṃkīrṇe raṃsyase rāma nirvṛtaḥ.
23. tasmin nandanasaṃkāśe devāraṇyopame vane
nānāvihagasaṃkīrṇe raṃsyase rāma nirvṛtaḥ
23. rāma tasmin nandanasaṃkāśe devāraṇyopame
nānāvihagasaṃkīrṇe vane nirvṛtaḥ raṃsyase
23. O Rama, in that forest, which resembles the Nandana garden and is comparable to a divine forest, teeming with various birds, you will enjoy yourself, content.
ऋष्यमूकस्तु पम्पायाः पुरस्तात् पुष्पितद्रुमः ।
सुदुःखारोहणो नाम शिशुनागाभिरक्षितः ।
उदारो ब्रह्मणा चैव पूर्वकाले विनिर्मितः ॥२४॥
24. ṛṣyamūkastu pampāyāḥ purastāt puṣpitadrumaḥ ,
suduḥkhārohaṇo nāma śiśunāgābhirakṣitaḥ ,
udāro brahmaṇā caiva pūrvakāle vinirmitaḥ.
24. ṛṣyamūkaḥ tu pampāyāḥ purastāt
puṣpitadrumaḥ suduḥkhārohaṇaḥ nāma
śiśunāgābhirakṣitaḥ udāraḥ
brahmaṇā ca eva pūrvakāle vinirmitaḥ
24. tu pampāyāḥ purastāt puṣpitadrumaḥ
ṛṣyamūkaḥ suduḥkhārohaṇaḥ nāma
śiśunāgābhirakṣitaḥ udāraḥ ca
eva brahmaṇā pūrvakāle vinirmitaḥ
24. However, to the east of Pampa (Lake), stands Rishyamuka, a mountain with blossoming trees. It is known by the name 'Suduḥkhārohaṇa' (Very Difficult to Ascend) and is guarded by young Nāgas. Indeed, it was magnificently created by Brahma (brahman) in ancient times.
शयानः पुरुषो राम तस्य शैलस्य मूर्धनि ।
यत् स्वप्ने लभते वित्तं तत् प्रबुद्धो ऽधिगच्छति ॥२५॥
25. śayānaḥ puruṣo rāma tasya śailasya mūrdhani ,
yat svapne labhate vittaṃ tat prabuddho'dhigacchati.
25. śayānaḥ puruṣaḥ rāma tasya śailasya mūrdhani yat
svapne labhate vittam tat prabuddhaḥ adhigacchati
25. rāma tasya śailasya mūrdhani śayānaḥ puruṣaḥ yat
vittam svapne labhate tat prabuddhaḥ adhigacchati
25. O Rama, any person (puruṣa) who lies down on the summit of that mountain attains in their waking state whatever wealth they may acquire in a dream.
न त्वेनं विषमाचारः पापकर्माधिरोहति ।
तत्रैव प्रहरन्त्येनं सुप्तमादाय राक्षसाः ॥२६॥
26. na tvenaṃ viṣamācāraḥ pāpakarmādhirohati ,
tatraiva praharantyenaṃ suptamādāya rākṣasāḥ.
26. na tu enam viṣamācāraḥ pāpakarmā adhirohati
tatra eva praharanti enam suptam ādāya rākṣasāḥ
26. tu viṣamācāraḥ pāpakarmā enam na adhirohati
tatra eva rākṣasāḥ suptam enam ādāya praharanti
26. However, a person of unrighteous conduct (viṣamācāra) and evil deeds (karma) does not ascend this (mountain). Indeed, right there, Rākṣasas seize him while he is sleeping and strike him.
ततो ऽपि शिशुनागानामाक्रन्दः श्रूयते महान् ।
क्रीडतां राम पम्पायां मतङ्गारण्यवासिनाम् ॥२७॥
27. tato'pi śiśunāgānāmākrandaḥ śrūyate mahān ,
krīḍatāṃ rāma pampāyāṃ mataṅgāraṇyavāsinām.
27. tataḥ api śiśunāgānām ākrandaḥ śrūyate mahān
krīḍatām rāma pampāyām mataṅgāraṇyavāsinām
27. rāma tataḥ api pampāyām mataṅgāraṇyavāsinām
krīḍatām śiśunāgānām mahān ākrandaḥ śrūyate
27. O Rama, from that very place, a great cry is heard from young elephants playing in Lake Pampa, those who reside in the Matanga forest.
सिक्ता रुधिरधाराभिः संहत्य परमद्विपाः ।
प्रचरन्ति पृथक्कीर्णा मेघवर्णास्तरस्विनः ॥२८॥
28. siktā rudhiradhārābhiḥ saṃhatya paramadvipāḥ ,
pracaranti pṛthakkīrṇā meghavarṇāstarasvinaḥ.
28. siktāḥ rudhiradhārābhiḥ saṃhatya paramadvipāḥ
pracaranti pṛthakkīrṇāḥ meghavarṇāḥ tarasvinaḥ
28. paramadvipāḥ meghavarṇāḥ tarasvinaḥ rudhiradhārābhiḥ
siktāḥ saṃhatya pṛthakkīrṇāḥ pracaranti
28. The mighty, cloud-colored, powerful elephants, drenched with streams of blood from battle, now roam about, scattered separately.
ते तत्र पीत्वा पानीयं विमलं शीतमव्ययम् ।
निवृत्ताः संविगाहन्ते वनानि वनगोचराः ॥२९॥
29. te tatra pītvā pānīyaṃ vimalaṃ śītamavyayam ,
nivṛttāḥ saṃvigāhante vanāni vanagocarāḥ.
29. te tatra pītvā pānīyam vimalam śītam avyayam
nivṛttāḥ saṃvigāhante vanāni vanagocarāḥ
29. te vanagocarāḥ tatra vimalam śītam avyayam
pānīyam pītvā nivṛttāḥ vanāni saṃvigāhante
29. Those forest-dwellers, having drunk pure, cool, and inexhaustible water there, turn back and enter the forests.
राम तस्य तु शैलस्य महती शोभते गुहा ।
शिलापिधाना काकुत्स्थ दुःखं चास्याः प्रवेशनम् ॥३०॥
30. rāma tasya tu śailasya mahatī śobhate guhā ,
śilāpidhānā kākutstha duḥkhaṃ cāsyāḥ praveśanam.
30. rāma tasya tu śailasya mahatī śobhate guhā
śilāpidhānā kākutstha duḥkham ca asyāḥ praveśanam
30. rāma kākutstha tasya śailasya mahatī guhā tu
śobhate asyāḥ śilāpidhānā ca praveśanam duḥkham
30. O Rama, O Kakutstha, a magnificent cave of that mountain is truly splendid. It is concealed by a stone, and its entrance is difficult.
तस्या गुहायाः प्राग्द्वारे महाञ् शीतोदको ह्रदः ।
बहुमूलफलो रम्यो नानानगसमावृतः ॥३१॥
31. tasyā guhāyāḥ prāgdvāre mahāñ śītodako hradaḥ ,
bahumūlaphalo ramyo nānānagasamāvṛtaḥ.
31. tasyāḥ guhāyāḥ prāgdvāre mahān śītodakaḥ
hradaḥ bahumūlaphalaḥ ramyaḥ nānānagasamāvṛtaḥ
31. tasyāḥ guhāyāḥ prāgdvāre mahān śītodakaḥ
hradaḥ bahumūlaphalaḥ ramyaḥ nānānagasamāvṛtaḥ
31. At the eastern entrance of that cave, there is a large, cold-water lake. It is delightful, rich in many roots and fruits, and surrounded by various trees.
तस्यां वसति सुग्रीवश्चतुर्भिः सह वानरैः ।
कदा चिच्छिखरे तस्य पर्वतस्यावतिष्ठते ॥३२॥
32. tasyāṃ vasati sugrīvaścaturbhiḥ saha vānaraiḥ ,
kadā cicchikhare tasya parvatasyāvatiṣṭhate.
32. tasyām vasati sugrīvaḥ caturbhiḥ saha vānaraiḥ
kadā cit śikhare tasya parvatasya avatiṣṭhate
32. sugrīvaḥ tasyām caturbhiḥ vānaraiḥ saha vasati
kadā cit tasya parvatasya śikhare avatiṣṭhate
32. Sugriva lives there (in that cave) with four monkeys. Sometimes he (Sugriva) stays on the peak of that mountain.
कबन्धस्त्वनुशास्यैवं ताव् उभौ रामलक्ष्मणौ ।
स्रग्वी भास्करवर्णाभः खे व्यरोचत वीर्यवान् ॥३३॥
33. kabandhastvanuśāsyaivaṃ tāv ubhau rāmalakṣmaṇau ,
sragvī bhāskaravarṇābhaḥ khe vyarocata vīryavān.
33. kabandhaḥ tu anuśāsya evam tau ubhau rāmalakṣmaṇau
sragvī bhāskaravarṇābhaḥ khe vyarocata vīryavān
33. kabandhaḥ tu evam tau ubhau rāmalakṣmaṇau anuśāsya
sragvī bhāskaravarṇābhaḥ vīryavān khe vyarocata
33. Having thus instructed both Rama and Lakshmana, Kabandha, who was garlanded, shining with the color of the sun, and powerful, ascended and shone brightly in the sky.
तं तु खस्थं महाभागं कबन्धं रामलक्ष्मणौ ।
प्रस्थितौ त्वं व्रजस्वेति वाक्यमूचतुरन्तिकात् ॥३४॥
34. taṃ tu khasthaṃ mahābhāgaṃ kabandhaṃ rāmalakṣmaṇau ,
prasthitau tvaṃ vrajasveti vākyamūcaturantikāt.
34. tam tu khastam mahābhāgam kabandham rāmalakṣmaṇau
prasthitau tvam vrajasva iti vākyam ūcatuḥ antikāt
34. prasthitau rāmalakṣmaṇau tu antikāt tam khastam
mahābhāgam kabandham "tvam vrajasva" iti vākyam ūcatuḥ
34. Then, from nearby, Rama and Lakshmana, having set out (on their journey), spoke this statement to the glorious Kabandha, who was now established in the sky: "You should go forth!"
गम्यतां कार्यसिद्ध्यर्थमिति तावब्रवीच्च सः ।
सुप्रीतौ तावनुज्ञाप्य कबन्धः प्रस्थितस्तदा ॥३५॥
35. gamyatāṃ kāryasiddhyarthamiti tāvabravīcca saḥ ,
suprītau tāvanujñāpya kabandhaḥ prasthitastadā.
35. gamyatām kāryasiddhyartham iti tau abravīt ca saḥ
suprītau tau anujñāpya kabandhaḥ prasthitaḥ tadā
35. saḥ ca tau abravīt iti kāryasiddhyartham gamyatām.
tadā kabandhaḥ suprītau tau anujñāpya prasthitaḥ
35. And he (Kabandha) said to them, "Go forth for the accomplishment of your purpose." Then, having received permission from those two (Rama and Lakshmana), who were greatly pleased, Kabandha departed.
स तत् कबन्धः प्रतिपद्य रूपं वृतः श्रिया भास्करतुल्यदेहः ।
निदर्शयन् राममवेक्ष्य खस्थः सख्यं कुरुष्वेति तदाभ्युवाच ॥३६॥
36. sa tat kabandhaḥ pratipadya rūpaṃ vṛtaḥ śriyā bhāskaratulyadehaḥ ,
nidarśayan rāmamavekṣya khasthaḥ sakhyaṃ kuruṣveti tadābhyuvāca.
36. saḥ tat kabandhaḥ pratipadya rūpam
vṛtaḥ śriyā bhāskaratulyadehaḥ
nidarśayan rāmam avekṣya khasthaḥ
sakhyam kuruṣva iti tadā abhyuvāca
36. tadā saḥ kabandhaḥ rūpam pratipadya
śriyā vṛtaḥ bhāskaratulyadehaḥ
khasthaḥ rāmam avekṣya nidarśayan
iti abhyuvāca sakhyam kuruṣva
36. Kabandha then regained his form, endowed with splendor and a body like the sun, and, standing in the sky, he looked at Rama and said, "Make friendship (sakhya) with Sugriva!"

Links to all chapters:

bāla kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76

ayodhyā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111

araṇya kāṇḍa (current book)

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 (current chapter) Chapter 70 Chapter 71

kiṣkindhā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

sundara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

yuddha kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116

uttara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100