Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

वाल्मीकि-रामायणम्       vālmīki-rāmāyaṇam - book-5, chapter-13

Use the following checkboxes to set the display options for this chapter (You can also control the display of each verse separately):
what would you like to see in each verse:
स वीक्षमाणस्तत्रस्थो मार्गमाणश्च मैथिलीम् ।
अवेक्षमाणश्च महीं सर्वां तामन्ववैक्षत ॥१॥
1. sa vīkṣamāṇastatrastho mārgamāṇaśca maithilīm ,
avekṣamāṇaśca mahīṃ sarvāṃ tāmanvavaikṣata.
1. sa vīkṣamāṇaḥ tatra sthaḥ mārgamāṇaḥ ca maithilīm
avekṣamāṇaḥ ca mahīm sarvām tām anvavaikṣata
1. Tatra sthaḥ saḥ,
vīkṣamāṇaḥ ca maithilīm mārgamāṇaḥ,
ca avekṣamāṇaḥ tām sarvām mahīm anvavaikṣata.
1. Standing there, he surveyed the entire land (or area) thoroughly while searching for Maithilī (Sītā) and observing everything.
Go to verse view
सन्तान कलताभिश्च पादपैरुपशोभिताम् ।
दिव्यगन्धरसोपेतां सर्वतः समलंकृताम् ॥२॥
2. santāna kalatābhiśca pādapairupaśobhitām ,
divyagandharasopetāṃ sarvataḥ samalaṃkṛtām.
2. santānakalatābhiḥ ca pādapaiḥ upaśobhitām
divyagandharasopetām sarvataḥ samalaṅkṛtām
2. santānakalatābhiḥ ca pādapaiḥ upaśobhitām
divyagandharasopetām sarvataḥ samalaṅkṛtām
2. Adorned with its abundant offspring and families, as well as with trees, it was endowed with divine fragrance and taste, and was completely embellished from all sides.
Go to verse view
तां स नन्दनसंकाशां मृगपक्षिभिरावृताम् ।
हर्म्यप्रासादसंबाधां कोकिलाकुलनिःस्वनाम् ॥३॥
3. tāṃ sa nandanasaṃkāśāṃ mṛgapakṣibhirāvṛtām ,
harmyaprāsādasaṃbādhāṃ kokilākulaniḥsvanām.
3. tām saḥ nandanasamkāśām mṛgapakṣibhiḥ āvṛtām
harmyaprāsādasaṃbādhām kokilākulaniḥsvanām
3. saḥ tām nandanasamkāśām mṛgapakṣibhiḥ āvṛtām
harmyaprāsādasaṃbādhām kokilākulaniḥsvanām
3. He saw that (place), which resembled Nandanavana (Indra's celestial garden), teeming with deer and birds, crowded with mansions and palaces, and filled with the sounds of excited cuckoos.
Go to verse view
काञ्चनोत्पलपद्माभिर्वापीभिरुपशोभिताम् ।
बह्वासनकुथोपेतां बहुभूमिगृहायुताम् ॥४॥
4. kāñcanotpalapadmābhirvāpībhirupaśobhitām ,
bahvāsanakuthopetāṃ bahubhūmigṛhāyutām.
4. kāñcanotpalapadmābhiḥ vāpībhiḥ upaśobhitām
bahvāsanakuthopetām bahubhūmigṛhāyutām
4. kāñcanotpalapadmābhiḥ vāpībhiḥ upaśobhitām
bahvāsanakuthopetām bahubhūmigṛhāyutām
4. Adorned with pools rich in golden water lilies and lotuses, it was provided with many seats and coverings, and contained numerous underground chambers.
Go to verse view
सर्वर्तुकुसुमै रम्यैः फलवद्भिश्च पादपैः ।
पुष्पितानामशोकानां श्रिया सूर्योदयप्रभाम् ॥५॥
5. sarvartukusumai ramyaiḥ phalavadbhiśca pādapaiḥ ,
puṣpitānāmaśokānāṃ śriyā sūryodayaprabhām.
5. sarvartukusumaiḥ ramyaiḥ phalavadbhiḥ ca pādapaiḥ
puṣpitānām aśokānām śriyā sūryodayaprabhām
5. sarvartukusumaiḥ ramyaiḥ phalavadbhiḥ ca pādapaiḥ
puṣpitānām aśokānām śriyā sūryodayaprabhām
5. Adorned with lovely flowers of all seasons and fruit-bearing trees, it had the splendor of blooming aśoka trees, radiant like the glow of sunrise.
Go to verse view
प्रदीप्तामिव तत्रस्थो मारुतिः समुदैक्षत ।
निष्पत्रशाखां विहगैः क्रियमाणामिवासकृत् ।
विनिष्पतद्भिः शतशश्चित्रैः पुष्पावतंसकैः ॥६॥
6. pradīptāmiva tatrastho mārutiḥ samudaikṣata ,
niṣpatraśākhāṃ vihagaiḥ kriyamāṇāmivāsakṛt ,
viniṣpatadbhiḥ śataśaścitraiḥ puṣpāvataṃsakaiḥ.
6. pradīptām iva tatra-sthaḥ mārutiḥ
samudaikṣata niṣpatra-śākhām vihagaiḥ
kriyamāṇām iva asakṛt viniṣpatadbhiḥ
śataśaḥ citraiḥ puṣpāvataṃsakaiḥ
6. tatra-sthaḥ mārutiḥ pradīptām iva
vihagaiḥ asakṛt niṣpatra-śākhām
kriyamāṇām iva śataśaḥ citraiḥ viniṣpatadbhiḥ
puṣpāvataṃsakaiḥ samudaikṣata
6. Standing there, Hanumān (māruti) gazed upon it as if ablaze, its branches appearing repeatedly stripped bare by birds, as it were, due to hundreds of colorful flower clusters constantly falling.
Go to verse view
आमूलपुष्पनिचितैरशोकैः शोकनाशनैः ।
पुष्पभारातिभारैश्च स्पृशद्भिरिव मेदिनीम् ॥७॥
7. āmūlapuṣpanicitairaśokaiḥ śokanāśanaiḥ ,
puṣpabhārātibhāraiśca spṛśadbhiriva medinīm.
7. āmūla-puṣpa-nicitaiḥ aśokaiḥ śoka-nāśanaiḥ
puṣpa-bhāra-atibhāraiḥ ca spṛśadbhiḥ iva medinīm
7. āmūla-puṣpa-nicitaiḥ śoka-nāśanaiḥ
puṣpa-bhāra-atibhāraiḥ ca medinīm iva spṛśadbhiḥ aśokaiḥ
7. By Aśoka trees, covered with flowers from their very roots, dispelling sorrow, and with such an excessive burden of blossoms that they seemed to touch the earth.
Go to verse view
कर्णिकारैः कुसुमितैः किंशुकैश्च सुपुष्पितैः ।
स देशः प्रभया तेषां प्रदीप्त इव सर्वतः ॥८॥
8. karṇikāraiḥ kusumitaiḥ kiṃśukaiśca supuṣpitaiḥ ,
sa deśaḥ prabhayā teṣāṃ pradīpta iva sarvataḥ.
8. karṇikāraiḥ kusumitaiḥ kiṃśukaiḥ ca supuṣpitaiḥ
saḥ deśaḥ prabhayā teṣām pradīptaḥ iva sarvataḥ
8. kusumitaiḥ karṇikāraiḥ ca supuṣpitaiḥ kiṃśukaiḥ
teṣām prabhayā saḥ deśaḥ sarvataḥ pradīptaḥ iva
8. With flowering Karṇikāra trees and profusely blooming Kiṃśuka trees, that place appeared as if ablaze everywhere with their radiance.
Go to verse view
पुंनागाः सप्तपर्णाश्च चम्पकोद्दालकास्तथा ।
विवृद्धमूला बहवः शोभन्ते स्म सुपुष्पिताः ॥९॥
9. puṃnāgāḥ saptaparṇāśca campakoddālakāstathā ,
vivṛddhamūlā bahavaḥ śobhante sma supuṣpitāḥ.
9. punnāgāḥ saptaparṇāḥ ca campaka-uddālakāḥ tathā
vivṛddha-mūlāḥ bahavaḥ śobhante sma supuṣpitāḥ
9. bahavaḥ vivṛddha-mūlāḥ supuṣpitāḥ punnāgāḥ ca
saptaparṇāḥ tathā campaka-uddālakāḥ śobhante sma
9. Many Punnāga, Saptaparṇa, Campaka, and Uddālaka trees, with their well-developed roots, shone brightly, profusely blooming.
Go to verse view
शातकुम्भनिभाः के चित् के चिदग्निशिखोपमाः ।
नीलाञ्जननिभाः के चित्तत्राशोकाः सहस्रशः ॥१०॥
10. śātakumbhanibhāḥ ke cit ke cidagniśikhopamāḥ ,
nīlāñjananibhāḥ ke cittatrāśokāḥ sahasraśaḥ.
10. śātakuṃbhanibhāḥ ke cit ke cit agniśikhopamāḥ
nīlāñjananibhāḥ ke cit tatra aśokāḥ sahasraśaḥ
10. tatra aśokāḥ sahasraśaḥ ke cit śātakuṃbhanibhāḥ
ke cit agniśikhopamāḥ ke cit nīlāñjananibhāḥ
10. Some (aśoka trees) shone like refined gold, some resembled flames of fire, and others were like blue collyrium; there were thousands of aśoka trees.
Go to verse view
नन्दनं विविधोद्यानं चित्रं चैत्ररथं यथा ।
अतिवृत्तमिवाचिन्त्यं दिव्यं रम्यं श्रिया वृतम् ॥११॥
11. nandanaṃ vividhodyānaṃ citraṃ caitrarathaṃ yathā ,
ativṛttamivācintyaṃ divyaṃ ramyaṃ śriyā vṛtam.
11. nandanam vividhodyānam citram caitraratham yathā
ativṛttam iva acintyam divyam ramyam śriyā vṛtam
11. nandanam vividhodyānam citram caitraratham yathā
ativṛttam iva acintyam divyam ramyam śriyā vṛtam
11. This garden was like the Nandana (nandana) garden, a beautiful collection of various parks, similar to the Caitraratha (caitraratha) garden, appearing inconceivable, as if surpassing all others, divine, delightful, and endowed with great splendor.
Go to verse view
द्वितीयमिव चाकाशं पुष्पज्योतिर्गणायुतम् ।
पुष्परत्नशतैश्चित्रं पञ्चमं सागरं यथा ॥१२॥
12. dvitīyamiva cākāśaṃ puṣpajyotirgaṇāyutam ,
puṣparatnaśataiścitraṃ pañcamaṃ sāgaraṃ yathā.
12. dvitīyam iva ca ākāśam puṣpajyotirgaṇāyutam
puṣparatnaśataiḥ citram pañcamam sāgaram yathā
12. ca dvitīyam ākāśam iva puṣpajyotirgaṇāyutam
puṣparatnaśataiḥ citram pañcamam sāgaram yathā
12. And it was like a second firmament (ākāśa), filled with hosts of glowing flower-like constellations, adorned wonderfully with hundreds of flower-gems, and like a fifth ocean.
Go to verse view
सर्वर्तुपुष्पैर्निचितं पादपैर्मधुगन्धिभिः ।
नानानिनादैरुद्यानं रम्यं मृगगणैर्द्विजैः ॥१३॥
13. sarvartupuṣpairnicitaṃ pādapairmadhugandhibhiḥ ,
nānāninādairudyānaṃ ramyaṃ mṛgagaṇairdvijaiḥ.
13. sarvartupuṣpaiḥ nicitam pādapaiḥ madhugandhibhiḥ
nānāninādaiḥ udyānam ramyam mṛgagaṇaiḥ dvijaiḥ
13. ramyam udyānam nicitam sarvartupuṣpaiḥ madhugandhibhiḥ
pādapaiḥ nānāninādaiḥ mṛgagaṇaiḥ dvijaiḥ
13. The delightful garden was densely covered with flowers of all seasons and by honey-fragrant trees. It resonated with various sounds from herds of deer and birds (dvijaiḥ).
Go to verse view
अनेकगन्धप्रवहं पुण्यगन्धं मनोरमम् ।
शैलेन्द्रमिव गन्धाढ्यं द्वितीयं गन्धमादनम् ॥१४॥
14. anekagandhapravahaṃ puṇyagandhaṃ manoramam ,
śailendramiva gandhāḍhyaṃ dvitīyaṃ gandhamādanam.
14. aneka-gandha-pravaham puṇya-gandham manoramam
śailendram iva gandha-āḍhyam dvitīyam gandhamādanam
14. aneka-gandha-pravaham puṇya-gandham manoramam
gandha-āḍhyam śailendram iva dvitīyam gandhamādanam
14. Carrying many fragrances, possessing auspicious scents, and charming; it was like a mighty mountain (śailendra) rich in perfumes, indeed a second Gandhamādana (gandhamādana).
Go to verse view
अशोकवनिकायां तु तस्यां वानरपुंगवः ।
स ददर्शाविदूरस्थं चैत्यप्रासादमूर्जितम् ॥१५॥
15. aśokavanikāyāṃ tu tasyāṃ vānarapuṃgavaḥ ,
sa dadarśāvidūrasthaṃ caityaprāsādamūrjitam.
15. aśokavanikāyām tu tasyām vānara-puṅgavaḥ sa
dadarśa avidūra-stham caitya-prāsādam ūrjitam
15. tasyām aśokavanikāyām tu saḥ vānara-puṅgavaḥ
avidūra-stham ūrjitam caitya-prāsādam dadarśa
15. But in that Ashoka grove (aśokavanikā), the foremost of monkeys (vānarapuṅgava) saw, not far away, a magnificent temple-palace (caityaprāsāda).
Go to verse view
मध्ये स्तम्भसहस्रेण स्थितं कैलासपाण्डुरम् ।
प्रवालकृतसोपानं तप्तकाञ्चनवेदिकम् ॥१६॥
16. madhye stambhasahasreṇa sthitaṃ kailāsapāṇḍuram ,
pravālakṛtasopānaṃ taptakāñcanavedikam.
16. madhye stambha-sahasreṇa sthitam kailāsa-pāṇḍuram
pravāla-kṛta-sopānam tapta-kāñcana-vedikam
16. madhye stambha-sahasreṇa sthitam kailāsa-pāṇḍuram
pravāla-kṛta-sopānam tapta-kāñcana-vedikam
16. It was situated in the center, supported by a thousand pillars, white like Mount Kailasa (kailāsa), with steps made of coral and a platform of molten gold.
Go to verse view
मुष्णन्तमिव चक्षूंषि द्योतमानमिव श्रिया ।
विमलं प्रांशुभावत्वादुल्लिखन्तमिवाम्बरम् ॥१७॥
17. muṣṇantamiva cakṣūṃṣi dyotamānamiva śriyā ,
vimalaṃ prāṃśubhāvatvādullikhantamivāmbaram.
17. muṣṇantam iva cakṣūṃṣi dyotamānam iva śriyā
vimalam prāṃśu-bhāvatvāt ullikhantam iva ambaram
17. vimalam cakṣūṃṣi muṣṇantam iva śriyā dyotamānam
iva prāṃśu-bhāvatvāt ambaram ullikhantam iva
17. It seemed to steal (the gaze of) eyes and gleam with splendor (śrī); pure, and because of its great height, it seemed to scrape the sky.
Go to verse view
ततो मलिनसंवीतां राक्षसीभिः समावृताम् ।
उपवासकृशां दीनां निःश्वसान्तीं पुनः पुनः ।
ददर्श शुक्लपक्षादौ चन्द्ररेखामिवामलाम् ॥१८॥
18. tato malinasaṃvītāṃ rākṣasībhiḥ samāvṛtām ,
upavāsakṛśāṃ dīnāṃ niḥśvasāntīṃ punaḥ punaḥ ,
dadarśa śuklapakṣādau candrarekhāmivāmalām.
18. tataḥ malinasaṃvītām rākṣasībhiḥ
samāvṛtām upavāsakṛśām dīnām
niḥśvasāntīm punaḥ punaḥ dadarśa
śuklapakṣādau candra-rekhām iva amalām
18. tataḥ dadarśa malinasaṃvītām rākṣasībhiḥ samāvṛtām upavāsakṛśām dīnām niḥśvasāntīm punaḥ punaḥ,
śuklapakṣādau amalām candra-rekhām iva
18. Then he saw her, dressed in soiled garments, surrounded by female demons, emaciated from fasting, miserable, and sighing again and again, like a spotless crescent moon at the beginning of the bright fortnight.
Go to verse view
मन्दप्रख्यायमानेन रूपेण रुचिरप्रभाम् ।
पिनद्धां धूमजालेन शिखामिव विभावसोः ॥१९॥
19. mandaprakhyāyamānena rūpeṇa ruciraprabhām ,
pinaddhāṃ dhūmajālena śikhāmiva vibhāvasoḥ.
19. mandaprakhyāyamānena rūpeṇa ruciraprabhām
pinaddhām dhūmajālena śikhām iva vibhāvasoḥ
19. ruciraprabhām mandaprakhyāyamānena rūpeṇa pinaddhām dhūmajālena,
vibhāvasoḥ śikhām iva
19. She had a beautiful radiance with a dimly visible form, enveloped by a mass of smoke, like a flame of fire.
Go to verse view
पीतेनैकेन संवीतां क्लिष्टेनोत्तमवाससा ।
सपङ्कामनलंकारां विपद्मामिव पद्मिनीम् ॥२०॥
20. pītenaikena saṃvītāṃ kliṣṭenottamavāsasā ,
sapaṅkāmanalaṃkārāṃ vipadmāmiva padminīm.
20. pītena ekena saṃvītām kliṣṭena uttamavāsasā
sapaṅkām analaṅkārām vipadmām iva padminīm
20. saṃvītām pītena ekena kliṣṭena uttamavāsasā,
sapaṅkām analaṅkārām,
padminīm vipadmām iva
20. She was covered by a single, worn-out, once-fine yellow garment, stained with mud, and without ornaments, like a lotus plant deprived of its lotus flowers.
Go to verse view
व्रीडितां दुःखसंतप्तां परिम्लानां तपस्विनीम् ।
ग्रहेणाङ्गारकेणैव पीडितामिव रोहिणीम् ॥२१॥
21. vrīḍitāṃ duḥkhasaṃtaptāṃ parimlānāṃ tapasvinīm ,
graheṇāṅgārakeṇaiva pīḍitāmiva rohiṇīm.
21. vrīḍitām duḥkhasaṃtaptām parimlānām tapasvinīm
graheṇa aṅgārakeṇa eva pīḍitām iva rohiṇīm
21. vrīḍitām duḥkhasaṃtaptām parimlānām tapasvinīm,
rohiṇīm pīḍitām iva graheṇa aṅgārakeṇa eva
21. She was ashamed, tormented by sorrow, greatly withered, a suffering ascetic woman, like Rohiṇī tormented by the planet Mars (Aṅgāraka).
Go to verse view
अश्रुपूर्णमुखीं दीनां कृशामननशेन च ।
शोकध्यानपरां दीनां नित्यं दुःखपरायणाम् ॥२२॥
22. aśrupūrṇamukhīṃ dīnāṃ kṛśāmananaśena ca ,
śokadhyānaparāṃ dīnāṃ nityaṃ duḥkhaparāyaṇām.
22. aśrupūrṇamukhīm dīnām kṛśām anaśanena ca
śokadhyānaparām dīnām nityam duḥkhaparāyaṇām
22. aśrupūrṇamukhīm dīnām,
anaśanena kṛśām ca,
śokadhyānaparām dīnām,
nityam duḥkhaparāyaṇām
22. Her face was filled with tears, she was miserable and emaciated from not eating. Absorbed in sorrowful contemplation, constantly sad and dedicated to suffering.
Go to verse view
प्रियं जनमपश्यन्तीं पश्यन्तीं राक्षसीगणम् ।
स्वगणेन मृगीं हीनां श्वगणाभिवृतामिव ॥२३॥
23. priyaṃ janamapaśyantīṃ paśyantīṃ rākṣasīgaṇam ,
svagaṇena mṛgīṃ hīnāṃ śvagaṇābhivṛtāmiva.
23. priyam janam apaśyantīm paśyantīm rākṣasīgaṇam
svagaṇena mṛgīm hīnām śvaghaṇābhivṛtām iva
23. priyam janam apaśyantīm,
rākṣasīgaṇam paśyantīm,
svagaṇena hīnām mṛgīm śvaghaṇābhivṛtām iva (sā āsīt)
23. Not seeing her loved ones, but instead seeing only the host of female demons, she was like a doe separated from its own herd and surrounded by a pack of dogs.
Go to verse view
नीलनागाभया वेण्या जघनं गतयैकया ।
सुखार्हां दुःखसंतप्तां व्यसनानामकोदिवाम् ॥२४॥
24. nīlanāgābhayā veṇyā jaghanaṃ gatayaikayā ,
sukhārhāṃ duḥkhasaṃtaptāṃ vyasanānāmakodivām.
24. nīlanāgābhayā veṇyā jaghanam gatayā ekayā
sukhārhām duḥkhasaṃtaptām vyasanānām akodivām
24. ekayā nīlanāgābhāyā veṇyā jaghanam gatayā (sā āsīt),
sukhārhām,
duḥkhasaṃtaptām,
vyasanānām akodivām (ca)
24. With a single braid, dark like a serpent, which reached down to her hips, she who deserved happiness was tormented by sorrow and constantly afflicted by misfortunes.
Go to verse view
तां समीक्ष्य विशालाक्षीमधिकं मलिनां कृशाम् ।
तर्कयामास सीतेति कारणैरुपपादिभिः ॥२५॥
25. tāṃ samīkṣya viśālākṣīmadhikaṃ malināṃ kṛśām ,
tarkayāmāsa sīteti kāraṇairupapādibhiḥ.
25. tām samīkṣya viśālākṣīm adhikam malinām kṛśām
tarkayāmāsa sītā iti kāraṇaiḥ upapādibhiḥ
25. (Hanumān) tām viśālākṣīm adhikam malinām kṛśām samīkṣya,
upapādibhiḥ kāraṇaiḥ,
sītā iti tarkayāmāsa
25. Observing her, the wide-eyed one, greatly soiled and emaciated, he inferred, "This is Sītā," based on convincing reasons.
Go to verse view
ह्रियमाणा तदा तेन रक्षसा कामरूपिणा ।
यथारूपा हि दृष्टा वै तथारूपेयमङ्गना ॥२६॥
26. hriyamāṇā tadā tena rakṣasā kāmarūpiṇā ,
yathārūpā hi dṛṣṭā vai tathārūpeyamaṅganā.
26. hriyamāṇā tadā tena rakṣasā kāmarūpiṇā
yathārūpā hi dṛṣṭā vai tathārūpā iyam aṅganā
26. iyam aṅganā tadā tena kāmarūpiṇā rakṣasā
hriyamāṇā yathārūpā hi dṛṣṭā vai tathārūpā
26. Indeed, this lady, abducted at that time by that shape-shifting demon, was seen exactly as she appeared.
Go to verse view
पूर्णचन्द्राननां सुभ्रूं चारुवृत्तपयोधराम् ।
कुर्वन्तीं प्रभया देवीं सर्वा वितिमिरा दिशः ॥२७॥
27. pūrṇacandrānanāṃ subhrūṃ cāruvṛttapayodharām ,
kurvantīṃ prabhayā devīṃ sarvā vitimirā diśaḥ.
27. pūrṇacandrānanām subhrūm cāruvṛttapayodharām
kurvantīm prabhayā devīm sarvā vitimirā diśaḥ
27. devīm pūrṇacandrānanām subhrūm cāruvṛttapayodharām
kurvantīm prabhayā sarvā diśaḥ vitimirā
27. A divine lady with a face like the full moon, beautiful eyebrows, and lovely rounded breasts, whose radiance dispelled the darkness from all directions.
Go to verse view
तां नीलकेशीं बिम्बौष्ठीं सुमध्यां सुप्रतिष्ठिताम् ।
सीतां पद्मपलाशाक्षीं मन्मथस्य रतिं यथा ॥२८॥
28. tāṃ nīlakeśīṃ bimbauṣṭhīṃ sumadhyāṃ supratiṣṭhitām ,
sītāṃ padmapalāśākṣīṃ manmathasya ratiṃ yathā.
28. tām nīlakeśīm bimbauṣṭhīm sumadhyām supratiṣṭhitām
sītām padmapalāśākṣīm manmathasya ratim yathā
28. tām sītām nīlakeśīm bimbauṣṭhīm sumadhyām
supratiṣṭhitām padmapalāśākṣīm manmathasya ratim yathā
28. Sita, with her dark hair, lips like bimba fruit, a beautiful waist, well-proportioned form, and eyes like lotus petals, was like Rati, the consort of the god of love (manmatha).
Go to verse view
इष्टां सर्वस्य जगतः पूर्णचन्द्रप्रभामिव ।
भूमौ सुतनुमासीनां नियतामिव तापसीम् ॥२९॥
29. iṣṭāṃ sarvasya jagataḥ pūrṇacandraprabhāmiva ,
bhūmau sutanumāsīnāṃ niyatāmiva tāpasīm.
29. iṣṭām sarvasya jagataḥ pūrṇacandraprabhām
iva bhūmau sutanum āsīnām niyatām iva tāpasīm
29. sarvasya jagataḥ iṣṭām pūrṇacandraprabhām
iva bhūmau sutanum āsīnām niyatām tāpasīm iva
29. Beloved by the entire world, like the radiance of the full moon, she was sitting on the ground, with her beautiful body, like a restrained female ascetic (tapas).
Go to verse view
निःश्वासबहुलां भीरुं भुजगेन्द्रवधूमिव ।
शोकजालेन महता विततेन न राजतीम् ॥३०॥
30. niḥśvāsabahulāṃ bhīruṃ bhujagendravadhūmiva ,
śokajālena mahatā vitatena na rājatīm.
30. niḥśvāsabahulām bhīrum bhujagendravadhūm
iva śokajālena mahatā vitatena na rājatīm
30. niḥśvāsabahulām bhīrum bhujagendravadhūm
iva mahatā vitatena śokajālena na rājatīm
30. She was filled with many sighs, fearful, like the wife of the king of serpents. She did not shine, enveloped by a great, widespread net of grief.
Go to verse view
संसक्तां धूमजालेन शिखामिव विभावसोः ।
तां स्मृतीमिव संदिग्धामृद्धिं निपतितामिव ॥३१॥
31. saṃsaktāṃ dhūmajālena śikhāmiva vibhāvasoḥ ,
tāṃ smṛtīmiva saṃdigdhāmṛddhiṃ nipatitāmiva.
31. saṃsaktām dhūmajālena śikhām iva vibhāvasoḥ
tām smṛtīm iva saṃdigdhām ṛddhim nipatitām iva
31. dhūmajālena saṃsaktām vibhāvasoḥ śikhām iva
tām saṃdigdhām smṛtīm iva nipatitām ṛddhim iva
31. Enveloped by a mass of smoke, she was like a flame of fire. She resembled a doubtful memory, or prosperity that had fallen.
Go to verse view
विहतामिव च श्रद्धामाशां प्रतिहतामिव ।
सोपसर्गां यथा सिद्धिं बुद्धिं सकलुषामिव ॥३२॥
32. vihatāmiva ca śraddhāmāśāṃ pratihatāmiva ,
sopasargāṃ yathā siddhiṃ buddhiṃ sakaluṣāmiva.
32. vihatām iva ca śraddhām āśām pratihatām iva
sopasargām yathā siddhim buddhim sakaluṣām iva
32. ca vihatām śraddhām iva pratihatām āśām iva
yathā sopasargām siddhim sakaluṣām buddhim iva
32. And like faith (śraddhā) that is crushed, or hope that is thwarted. Just as accomplishment (siddhi) afflicted with obstacles, or intellect (buddhi) that is stained.
Go to verse view
अभूतेनापवादेन कीर्तिं निपतितामिव ।
रामोपरोधव्यथितां रक्षोहरणकर्शिताम् ॥३३॥
33. abhūtenāpavādena kīrtiṃ nipatitāmiva ,
rāmoparodhavyathitāṃ rakṣoharaṇakarśitām.
33. abhūtena apavādena kīrtim nipatitām iva
rāmoparodhavyathitām rakṣoharaṇakarśitām
33. abhūtena apavādena nipatitām kīrtim iva
rāmoparodhavyathitām rakṣoharaṇakarśitām
33. Like fame that has fallen due to an unfounded calumny. She was distressed by Rāma's constraint and emaciated by the abduction by the demons (rakṣas).
Go to verse view
अबलां मृगशावाक्षीं वीक्षमाणां ततस्ततः ।
बाष्पाम्बुप्रतिपूर्णेन कृष्णवक्त्राक्षिपक्ष्मणा ।
वदनेनाप्रसन्नेन निःश्वसन्तीं पुनः पुनः ॥३४॥
34. abalāṃ mṛgaśāvākṣīṃ vīkṣamāṇāṃ tatastataḥ ,
bāṣpāmbupratipūrṇena kṛṣṇavaktrākṣipakṣmaṇā ,
vadanenāprasannena niḥśvasantīṃ punaḥ punaḥ.
34. abalām mṛgaśāvākṣīm vīkṣamāṇām
tataḥ tataḥ bāṣpāmbūpratipūrṇena
kṛṣṇavaktrakṣipakṣmaṇā vadanena
aprasannena niḥśvasantīm punaḥ punaḥ
34. abalām mṛgaśāvākṣīm tataḥ tataḥ
vīkṣamāṇām bāṣpāmbūpratipūrṇena
kṛṣṇavaktrakṣipakṣmaṇā aprasannena
vadanena punaḥ punaḥ niḥśvasantīm
34. He saw a helpless woman with fawn-like eyes, gazing around, sighing repeatedly with an unhappy face, whose features - face, eyes, and eyelashes - were darkened and completely full of tears.
Go to verse view
मलपङ्कधरां दीनां मण्डनार्हाममण्डिताम् ।
प्रभां नक्षत्रराजस्य कालमेघैरिवावृताम् ॥३५॥
35. malapaṅkadharāṃ dīnāṃ maṇḍanārhāmamaṇḍitām ,
prabhāṃ nakṣatrarājasya kālameghairivāvṛtām.
35. malapaṅkadharām dīnām maṇḍanārhām amaṇḍitām
prabhām nakṣatrarājasya kālameghaiḥ iva āvṛtām
35. malapaṅkadharām dīnām maṇḍanārhām amaṇḍitām
nakṣatrarājasya kālameghaiḥ iva āvṛtām prabhām
35. She was bearing dirt and grime, distressed, deserving of adornment yet unadorned, like the radiance of the moon (nakṣatrarāja) veiled by dark clouds.
Go to verse view
तस्य संदिदिहे बुद्धिर्मुहुः सीतां निरीक्ष्य तु ।
आम्नायानामयोगेन विद्यां प्रशिथिलामिव ॥३६॥
36. tasya saṃdidihe buddhirmuhuḥ sītāṃ nirīkṣya tu ,
āmnāyānāmayogena vidyāṃ praśithilāmiva.
36. tasya saṃdidihe buddhiḥ muhuḥ sītām nirīkṣya
tu āmnāyānām ayogena vidyām praśithilām iva
36. muhuḥ sītām nirīkṣya tu tasya buddhiḥ saṃdidihe
āmnāyānām ayogena praśithilām vidyām iva
36. As he repeatedly observed Sītā, his mind became uncertain, like knowledge (vidyā) that has become neglected through the disuse of sacred texts (āmnāya).
Go to verse view
दुःखेन बुबुधे सीतां हनुमाननलंकृताम् ।
संस्कारेण यथाहीनां वाचमर्थान्तरं गताम् ॥३७॥
37. duḥkhena bubudhe sītāṃ hanumānanalaṃkṛtām ,
saṃskāreṇa yathāhīnāṃ vācamarthāntaraṃ gatām.
37. duḥkhena bubudhe sītām hanumān analaṅkṛtām
saṃskāreṇa yathā hīnām vācam arthāntaram gatām
37. hanumān analaṅkṛtām sītām duḥkhena bubudhe
yathā saṃskāreṇa hīnām arthāntaram gatām vācam
37. Hanuman recognized the unadorned Sītā with great difficulty, just as one would recognize a statement that, lacking proper grammatical refinement (saṃskāra), has conveyed a distorted meaning.
Go to verse view
तां समीक्ष्य विशालाक्षीं राजपुत्रीमनिन्दिताम् ।
तर्कयामास सीतेति कारणैरुपपादयन् ॥३८॥
38. tāṃ samīkṣya viśālākṣīṃ rājaputrīmaninditām ,
tarkayāmāsa sīteti kāraṇairupapādayan.
38. tām samīkṣya viśālākṣīm rājaputrīm aninditām
tarkayāmāsa sītā iti kāraṇaiḥ upapādayan
38. upapādayan kāraṇaiḥ tām viśālākṣīm aninditām
rājaputrīm samīkṣya sītā iti tarkayāmāsa
38. Supporting his conclusion with evidence, he inferred, upon seeing that wide-eyed, faultless princess, "This is Sītā."
Go to verse view
वैदेह्या यानि चाङ्गेषु तदा रामो ऽन्वकीर्तयत् ।
तान्याभरणजालानि गात्रशोभीन्यलक्षयत् ॥३९॥
39. vaidehyā yāni cāṅgeṣu tadā rāmo'nvakīrtayat ,
tānyābharaṇajālāni gātraśobhīnyalakṣayat.
39. vaidehyā yāni ca aṅgeṣu tadā rāmaḥ anvakīrtayat
tāni ābharaṇajālāni gātraśobhīni alakṣayat
39. tadā rāmaḥ vaidehyā aṅgeṣu yāni anvakīrtayat
tāni gātraśobhīni ābharaṇajālāni ca alakṣayat
39. He (Hanumān) observed those very collections of ornaments adorning her body, which Rāma had previously described as belonging to (Vaidehī) Sītā.
Go to verse view
सुकृतौ कर्णवेष्टौ च श्वदंष्ट्रौ च सुसंस्थितौ ।
मणिविद्रुमचित्राणि हस्तेष्वाभरणानि च ॥४०॥
40. sukṛtau karṇaveṣṭau ca śvadaṃṣṭrau ca susaṃsthitau ,
maṇividrumacitrāṇi hasteṣvābharaṇāni ca.
40. sukṛtau karṇaveṣṭau ca śvadaṃṣṭrau ca susaṃsthitau
maṇividrumacitrāṇi hasteṣu ābharaṇāni ca
40. sukṛtau karṇaveṣṭau ca susaṃsthitau śvadaṃṣṭrau
ca hasteṣu maṇividrumacitrāṇi ābharaṇāni ca
40. He observed the two skillfully crafted earrings and the two well-fitted "dog-tusk" ornaments, as well as various ornaments on her hands, beautifully adorned with gems and coral.
Go to verse view
श्यामानि चिरयुक्तत्वात्तथा संस्थानवन्ति च ।
तान्येवैतानि मन्ये ऽहं यानि रामो ऽव्नकीर्तयत् ॥४१॥
41. śyāmāni cirayuktatvāttathā saṃsthānavanti ca ,
tānyevaitāni manye'haṃ yāni rāmo'vnakīrtayat.
41. śyāmāni cirayuktatvāt tathā saṃsthānavanti ca
tāni eva etāni manye aham yāni rāmaḥ anvakīrtayat
41. cirayuktatvāt śyāmāni tathā ca saṃsthānavanti
aham manye etāni tāni eva yāni rāmaḥ anvakīrtayat
41. These (ornaments) are darkened because they have been worn for a long time, yet they retain their original form. I believe these are indeed the very same ones that Rāma had described.
Go to verse view
तत्र यान्यवहीनानि तान्यहं नोपलक्षये ।
यान्यस्या नावहीनानि तानीमानि न संशयः ॥४२॥
42. tatra yānyavahīnāni tānyahaṃ nopalakṣaye ,
yānyasyā nāvahīnāni tānīmāni na saṃśayaḥ.
42. tatra yāni avahīnāni tāni aham na upalakṣaye
yāni asyāḥ na avahīnāni tāni imāni na saṃśayaḥ
42. aham tatra yāni avahīnāni tāni na upalakṣaye
asyāḥ yāni na avahīnāni imāni tāni na saṃśayaḥ
42. Among the items that had fallen [to the ground], I did not identify them [as hers]. But these [items I see here], which have not merely fallen off her [by accident], are undoubtedly hers.
Go to verse view
पीतं कनकपट्टाभं स्रस्तं तद्वसनं शुभम् ।
उत्तरीयं नगासक्तं तदा दृष्टं प्लवंगमैः ॥४३॥
43. pītaṃ kanakapaṭṭābhaṃ srastaṃ tadvasanaṃ śubham ,
uttarīyaṃ nagāsaktaṃ tadā dṛṣṭaṃ plavaṃgamaiḥ.
43. pītam kanakapaṭṭābham srastam tat vasanam śubham
uttarīyam nagaāsaktam tadā dṛṣṭam plavaṅgamaiḥ
43. plavaṅgamaiḥ tadā tat śubham pītam kanakapaṭṭābham
srastam nagaāsaktam uttarīyam vasanam dṛṣṭam
43. That beautiful upper garment, yellow and shining like a golden cloth, which had slipped down and become attached to a tree, was then seen by the monkeys.
Go to verse view
भूषणानि च मुख्यानि दृष्टानि धरणीतले ।
अनयैवापविद्धानि स्वनवन्ति महान्ति च ॥४४॥
44. bhūṣaṇāni ca mukhyāni dṛṣṭāni dharaṇītale ,
anayaivāpaviddhāni svanavanti mahānti ca.
44. bhūṣaṇāni ca mukhyāni dṛṣṭāni dharaṇītale
anayā eva apaviddhāni svanavanti mahānti ca
44. mukhyāni mahānti svanavanti ca bhūṣaṇāni
anayā eva apaviddhāni dharaṇītale dṛṣṭāni ca
44. And major ornaments, large and making a sound [as they fell], were seen on the ground, having indeed been thrown down by her.
Go to verse view
इदं चिरगृहीतत्वाद्वसनं क्लिष्टवत्तरम् ।
तथा हि नूनं तद्वर्णं तथा श्रीमद् यथेतरत् ॥४५॥
45. idaṃ ciragṛhītatvādvasanaṃ kliṣṭavattaram ,
tathā hi nūnaṃ tadvarṇaṃ tathā śrīmad yathetarat.
45. idam ciragṛhītatvāt vasanam kliṣṭavattaram tathā
hi nūnam tatvarṇam tathā śrīmat yathā itarat
45. idam vasanam ciragṛhītatvāt kliṣṭavattaram hi
tathā nūnam tatvarṇam tathā śrīmat yathā itarat
45. This garment is more worn out because it has been worn for a long time. For indeed, its color and splendor are surely similar to the other one.
Go to verse view
इयं कनकवर्णाङ्गी रामस्य महिषी प्रिया ।
प्रनष्टापि सती यस्य मनसो न प्रणश्यति ॥४६॥
46. iyaṃ kanakavarṇāṅgī rāmasya mahiṣī priyā ,
pranaṣṭāpi satī yasya manaso na praṇaśyati.
46. iyam kanakavarṇāṅgī rāmasya mahiṣī priyā
pranaṣṭā api satī yasya manasaḥ na praṇaśyati
46. iyam kanakavarṇāṅgī priyā mahiṣī rāmasya
pranaṣṭā api satī yasya manasaḥ na praṇaśyati
46. She, whose body is golden-hued, the beloved queen of Rama, although physically lost, does not disappear from his mind.
Go to verse view
इयं सा यत् कृते रामश्चतुर्भिः परितप्यते ।
कारुण्येनानृशंस्येन शोकेन मदनेन च ॥४७॥
47. iyaṃ sā yat kṛte rāmaścaturbhiḥ paritapyate ,
kāruṇyenānṛśaṃsyena śokena madanena ca.
47. iyam sā yat kṛte rāmaḥ caturbhiḥ paritapyate
kāruṇyena ānṛśaṃsyena śokena madanena ca
47. iyam sā yat kṛte rāmaḥ caturbhiḥ kāruṇyena
ānṛśaṃsyena śokena madanena ca paritapyate
47. This is she, because of whom Rama suffers greatly, tormented by four emotions: compassion, kindness, sorrow, and desire.
Go to verse view
स्त्री प्रनष्टेति कारुण्यादाश्रितेत्यानृशंस्यतः ।
पत्नी नष्टेति शोकेन प्रियेति मदनेन च ॥४८॥
48. strī pranaṣṭeti kāruṇyādāśritetyānṛśaṃsyataḥ ,
patnī naṣṭeti śokena priyeti madanena ca.
48. strī pranaṣṭā iti kāruṇyāt āśritā iti ānṛśaṃsyataḥ
patnī naṣṭā iti śokena priyā iti madanena ca
48. strī pranaṣṭā iti kāruṇyāt āśritā iti ānṛśaṃsyataḥ
patnī naṣṭā iti śokena priyā iti madanena ca
48. He is moved by compassion thinking, "A woman is lost"; by kindness, remembering, "She took refuge with me"; by sorrow, lamenting, "My wife is lost"; and by desire, thinking of her as "My beloved."
Go to verse view
अस्या देव्या यथा रूपमङ्गप्रत्यङ्गसौष्ठवम् ।
रामस्य च यथारूपं तस्येयमसितेक्षणा ॥४९॥
49. asyā devyā yathā rūpamaṅgapratyaṅgasauṣṭhavam ,
rāmasya ca yathārūpaṃ tasyeyamasitekṣaṇā.
49. asyāḥ devyāḥ yathā rūpam aṅgapratyaṅgasauṣṭhavam
rāmasya ca yathā rūpam tasya iyam asitekṣaṇā
49. yathā asyāḥ devyāḥ rūpam aṅgapratyaṅgasauṣṭhavam ca yathā rāmasya rūpam,
iyam asitekṣaṇā tasya
49. Just as the beauty and the perfect symmetry of every limb of this goddess are, and just as Rama's form is, so this dark-eyed one is truly his match.
Go to verse view
अस्या देव्या मनस्तस्मिंस्तस्य चास्यां प्रतिष्ठितम् ।
तेनेयं स च धर्मात्मा मुहूर्तमपि जीवति ॥५०॥
50. asyā devyā manastasmiṃstasya cāsyāṃ pratiṣṭhitam ,
teneyaṃ sa ca dharmātmā muhūrtamapi jīvati.
50. asyāḥ devyāḥ manaḥ tasmin tasya ca asyām pratiṣṭhitam
tena iyam saḥ ca dharmātmā muhūrtam api jīvati
50. asyāḥ devyāḥ manaḥ tasmin tasya ca asyām pratiṣṭhitam
tena iyam saḥ ca dharmātmā muhūrtam api jīvati
50. The mind of this goddess (Sita) is fixed on him (Rama), and his (Rama's) mind is established in her. It is by this (mutual devotion) that she and that righteous soul (dharmaatma) are able to live even for a single moment.
Go to verse view
दुष्करं कुरुते रामो य इमां मत्तकाशिनीम् ।
सीतां विना महाबाहुर्मुहूर्तमपि जीवति ॥५१॥
51. duṣkaraṃ kurute rāmo ya imāṃ mattakāśinīm ,
sītāṃ vinā mahābāhurmuhūrtamapi jīvati.
51. duṣkaram kurute rāmaḥ yaḥ imām mattakāśinīm
sītām vinā mahābāhuḥ muhūrtam api jīvati
51. duṣkaram kurute rāmaḥ yaḥ imām mattakāśinīm
sītām vinā mahābāhuḥ muhūrtam api jīvati
51. Rama performs a difficult feat, for he, the mighty-armed one, lives even for a moment without this enchanting Sita.
Go to verse view
एवं सीतां तदा दृष्ट्वा हृष्टः पवनसंभवः ।
जगाम मनसा रामं प्रशशंस च तं प्रभुम् ॥५२॥
52. evaṃ sītāṃ tadā dṛṣṭvā hṛṣṭaḥ pavanasaṃbhavaḥ ,
jagāma manasā rāmaṃ praśaśaṃsa ca taṃ prabhum.
52. evam sītām tadā dṛṣṭvā hṛṣṭaḥ pavanasambhavaḥ
jagāma manasā rāmam praśasaṃsa ca tam prabhum
52. evam tadā sītām dṛṣṭvā hṛṣṭaḥ pavanasambhavaḥ
manasā rāmam jagāma ca tam prabhum praśasaṃsa
52. Having thus seen Sita, the delighted son of the wind (Hanuman) mentally turned to Rama and praised that lord.
Go to verse view
Previous Chapter Next Chapter

Links to all chapters:

bāla kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76

ayodhyā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111

araṇya kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71

kiṣkindhā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

sundara kāṇḍa (current book)

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 (current chapter) Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

yuddha kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116

uttara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100