Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

वाल्मीकि-रामायणम्       vālmīki-rāmāyaṇam - book-2, chapter-16

Use the following checkboxes to set the display options for this chapter (You can also control the display of each verse separately):
what would you like to see in each verse:
स ददर्शासने रामो निषण्णं पितरं शुभे ।
कैकेयीसहितं दीनं मुखेन परिशुष्यता ॥१॥
1. sa dadarśāsane rāmo niṣaṇṇaṃ pitaraṃ śubhe ,
kaikeyīsahitaṃ dīnaṃ mukhena pariśuṣyatā.
1. sa dadarśa āsane rāmaḥ niṣaṇṇam pitaram śubhe
kaikeyīsahitam dīnam mukhena pariśuṣyatā
1. sa rāmaḥ शुभे āsane niṣaṇṇam kaikeyīsahitam
dīnam mukhena pariśuṣyatā pitaram dadarśa
1. Rāma saw his father, who was seated on an auspicious seat and accompanied by Kaikeyī, looking miserable with a withered face.
स पितुश्चरणौ पूर्वमभिवाद्य विनीतवत् ।
ततो ववन्दे चरणौ कैकेय्याः सुसमाहितः ॥२॥
2. sa pituścaraṇau pūrvamabhivādya vinītavat ,
tato vavande caraṇau kaikeyyāḥ susamāhitaḥ.
2. saḥ pituḥ caraṇau pūrvam abhivādya vinītavat
| tataḥ vavande caraṇau kaikeyyāḥ susamāhitaḥ
2. saḥ pūrvam pituḥ caraṇau vinītavat abhivādya
tataḥ susamāhitaḥ kaikeyyāḥ caraṇau vavande
2. First, he humbly saluted his father's feet, and then, being very composed, he saluted Kaikeyī's feet.
रामेत्युक्त्वा च वचनं वाष्पपर्याकुलेक्षणः ।
शशाक नृपतिर्दीनो नेक्षितुं नाभिभाषितुम् ॥३॥
3. rāmetyuktvā ca vacanaṃ vāṣpaparyākulekṣaṇaḥ ,
śaśāka nṛpatirdīno nekṣituṃ nābhibhāṣitum.
3. rāma iti uktvā ca vacanam vāṣpaparyākulekṣaṇaḥ |
śaśāka nṛpatiḥ dīnaḥ na īkṣitum na abhibhāṣitum
3. vāṣpaparyākulekṣaṇaḥ dīnaḥ nṛpatiḥ rāma iti
vacanam uktvā ca na īkṣitum na abhibhāṣitum śaśāka
3. And having uttered the word 'Rama', the distressed king, with eyes agitated by tears, was unable either to look (at him) or to speak (to him).
तदपूर्वं नरपतेर्दृष्ट्वा रूपं भयावहम् ।
रामो ऽपि भयमापन्नः पदा स्पृष्ट्वेव पन्नगम् ॥४॥
4. tadapūrvaṃ narapaterdṛṣṭvā rūpaṃ bhayāvaham ,
rāmo'pi bhayamāpannaḥ padā spṛṣṭveva pannagam.
4. tat apūrvam narapateḥ dṛṣṭvā rūpam bhayāvaham |
rāmaḥ api bhayam āpannaḥ padā spṛṣṭvā iva pannagam
4. narapateḥ tat apūrvam bhayāvaham rūpam dṛṣṭvā
rāmaḥ api padā pannagam spṛṣṭvā iva bhayam āpannaḥ
4. Having seen that unprecedented and terrifying appearance of the king, Rama also became afraid, as if one had accidentally stepped on a serpent.
इन्द्रियैरप्रहृष्टैस्तं शोकसंतापकर्शितम् ।
निःश्वसन्तं महाराजं व्यथिताकुलचेतसं ॥५॥
5. indriyairaprahṛṣṭaistaṃ śokasaṃtāpakarśitam ,
niḥśvasantaṃ mahārājaṃ vyathitākulacetasaṃ.
5. indriyaiḥ aprahṛṣṭaiḥ tam śokasaṃtāpakarśitam
| niḥśvasantam mahārājam vyathitākulacetasam
5. tam mahārājam indriyaiḥ aprahṛṣṭaiḥ
śokasaṃtāpakarśitam niḥśvasantam vyathitākulacetasam
5. With senses ungladdened, emaciated by grief and agony, sighing heavily, and with an agitated and troubled mind – (thus was) that great king.
ऊर्मि मालिनमक्षोभ्यं क्षुभ्यन्तमिव सागरम् ।
उपप्लुतमिवादित्यमुक्तानृतमृषिं यथा ॥६॥
6. ūrmi mālinamakṣobhyaṃ kṣubhyantamiva sāgaram ,
upaplutamivādityamuktānṛtamṛṣiṃ yathā.
6. ūrmi mālinam akṣobhyam kṣubhyantam iva sāgaram
upaplutam iva ādityam uktānṛtam ṛṣim yathā
6. saḥ ūrmi mālinam akṣobhyam sāgaram iva kṣubhyantam,
ādityam iva upaplutam,
uktānṛtam ṛṣim ca yathā
6. He was like an ocean, though usually unagitated (akṣobhya), now appearing disturbed, with its garland of waves; like the sun (āditya) during an eclipse; or like a sage (ṛṣi) to whom a falsehood (anṛta) has been spoken.
अचिन्त्यकल्पं हि पितुस्तं शोकमुपधारयन् ।
बभूव संरब्धतरः समुद्र इव पर्वणि ॥७॥
7. acintyakalpaṃ hi pitustaṃ śokamupadhārayan ,
babhūva saṃrabdhataraḥ samudra iva parvaṇi.
7. acintyakalpam hi pituḥ tam śokam upadhārayan
babhūva saṃrabdhataraḥ samudraḥ iva parvaṇi
7. hi saḥ pituḥ tam acintyakalpam śokam upadhārayan
parvaṇi samudraḥ iva saṃrabdhataraḥ babhūva
7. Indeed, perceiving that almost unimaginable grief of his father, he became even more agitated, like the ocean at the time of the full or new moon.
चिन्तयामास च तदा रामः पितृहिते रतः ।
किंस्विदद्यैव नृपतिर्न मां प्रत्यभिनन्दति ॥८॥
8. cintayāmāsa ca tadā rāmaḥ pitṛhite rataḥ ,
kiṃsvidadyaiva nṛpatirna māṃ pratyabhinandati.
8. cintayāmāsa ca tadā rāmaḥ pitṛhite rataḥ kim
svit adya eva nṛpatiḥ na mām pratyabhinandati
8. ca tadā pitṛhite rataḥ rāmaḥ cintayāmāsa.
svit kim nṛpatiḥ adya eva mām na pratyabhinandati?
8. And then Rama, devoted to his father's welfare, wondered, 'Why indeed today does the king not greet me with his usual warmth/approval?'
अन्यदा मां पिता दृष्ट्वा कुपितो ऽपि प्रसीदति ।
तस्य मामद्य संप्रेक्ष्य किमायासः प्रवर्तते ॥९॥
9. anyadā māṃ pitā dṛṣṭvā kupito'pi prasīdati ,
tasya māmadya saṃprekṣya kimāyāsaḥ pravartate.
9. anyadā mām pitā dṛṣṭvā kupitaḥ api prasīdati
tasya mām adya samprekṣya kim āyāsaḥ pravartate
9. anyadā pitā mām dṛṣṭvā kupitaḥ api prasīdati.
adya tasya mām samprekṣya kim āyāsaḥ pravartate?
9. On other occasions, even when angry, my father becomes pleased upon seeing me. So today, after seeing me, what kind of distress arises in him?
स दीन इव शोकार्तो विषण्णवदनद्युतिः ।
कैकेयीमभिवाद्यैव रामो वचनमब्रवीत् ॥१०॥
10. sa dīna iva śokārto viṣaṇṇavadanadyutiḥ ,
kaikeyīmabhivādyaiva rāmo vacanamabravīt.
10. saḥ dīnaḥ iva śokārtaḥ viṣaṇṇa-vadana-dyutiḥ
kaikeyīm abhivādya eva rāmaḥ vacanam abravīt
10. rāmaḥ saḥ dīnaḥ iva śokārtaḥ viṣaṇṇa-vadana-dyutiḥ
kaikeyīm abhivādya eva vacanam abravīt
10. Appearing miserable and afflicted by sorrow, with a dejected facial glow, Rāma spoke these words immediately after saluting Kaikeyī.
कच्चिन्मया नापराद्धमज्ञानाद् येन मे पिता ।
कुपितस्तन्ममाचक्ष्व त्वं चैवैनं प्रसादय ॥११॥
11. kaccinmayā nāparāddhamajñānād yena me pitā ,
kupitastanmamācakṣva tvaṃ caivainaṃ prasādaya.
11. kaccit mayā na aparāddham ajñānāt yena me pitā
kupitaḥ tat mama ācakṣva tvam ca eva enam prasādaya
11. (tvam) tat mama ācakṣva ca (tvam) enam eva prasādaya
kaccit mayā ajñānāt na aparāddham yena me pitā kupitaḥ
11. I hope I have not committed any offense due to ignorance, because of which my father is angry. Please tell me what it is, and you yourself appease him.
विवर्णवदनो दीनो न हि मामभिभाषते ।
शारीरो मानसो वापि कच्चिदेनं न बाधते ।
संतापो वाभितापो वा दुर्लभं हि सदा सुखम् ॥१२॥
12. vivarṇavadano dīno na hi māmabhibhāṣate ,
śārīro mānaso vāpi kaccidenaṃ na bādhate ,
saṃtāpo vābhitāpo vā durlabhaṃ hi sadā sukham.
12. vivarṇa-vadanaḥ dīnaḥ na hi mām
abhibhāṣate śārīraḥ mānasaḥ vā api
kaccit enam na bādhate saṃtāpaḥ vā
abhitāpaḥ vā durlabham hi sadā sukham
12. saḥ vivarṇa-vadanaḥ dīnaḥ hi mām na abhibhāṣate.
kaccit śārīraḥ vā mānasaḥ api (rogaḥ) enam na bādhate? vā saṃtāpaḥ vā abhitāpaḥ (enam na bādhate)? hi sukham sadā durlabham.
12. With a pale and dejected face, he indeed does not speak to me. I hope no physical or mental affliction troubles him, nor any internal distress or external torment? For happiness is indeed always rare to find.
कच्चिन्न किं चिद्भरते कुमारे प्रियदर्शने ।
शत्रुघ्ने वा महासत्त्वे मातॄणां वा ममाशुभम् ॥१३॥
13. kaccinna kiṃ cidbharate kumāre priyadarśane ,
śatrughne vā mahāsattve mātṝṇāṃ vā mamāśubham.
13. kaccit na kim cit bharate kumāre priyadarśane
śatrughne vā mahā-sattve mātṝṇām vā mama aśubham
13. kaccit kim cit aśubham na bharate kumāre priyadarśane
vā mahā-sattve śatrughne? vā mātṝṇām vā mama (aśubham)?
13. I hope there is no misfortune concerning Prince Bharata, the handsome one, or the great-souled Shatrughna? Or any ill-omen for my mothers or for me?
अतोषयन्महाराजमकुर्वन् वा पितुर्वचः ।
मुहूर्तमपि नेच्छेयं जीवितुं कुपिते नृपे ॥१४॥
14. atoṣayanmahārājamakurvan vā piturvacaḥ ,
muhūrtamapi neccheyaṃ jīvituṃ kupite nṛpe.
14. atoṣayan mahārājam akurvan vā pituḥ vacaḥ
muhūrtam api na iccheyam jīvitum kupite nṛpe
14. aham mahārājam atoṣayan vā pituḥ vacaḥ akurvan
nṛpe kupite muhūrtam api jīvitum na iccheyam
14. I would not wish to live even for a moment if I were to displease the great king or fail to obey my father's word, especially with the king being angry.
यतोमूलं नरः पश्येत् प्रादुर्भावमिहात्मनः ।
कथं तस्मिन्न वर्तेत प्रत्यक्षे सति दैवते ॥१५॥
15. yatomūlaṃ naraḥ paśyet prādurbhāvamihātmanaḥ ,
kathaṃ tasminna varteta pratyakṣe sati daivate.
15. yataḥ mūlam naraḥ paśyet prādurbhāvam iha ātmanaḥ
katham tasmin na varteta pratyakṣe sati daivate
15. naraḥ yataḥ mūlam iha ātmanaḥ prādurbhāvam paśyet
tasmin pratyakṣe daivate sati katham na varteta
15. How can a person fail to act (respectfully) towards that manifest deity, from whom they perceive the origin of their own self (ātman) in this world?
कच्चित्ते परुषं किं चिदभिमानात् पिता मम ।
उक्तो भवत्या कोपेन यत्रास्य लुलितं मनः ॥१६॥
16. kaccitte paruṣaṃ kiṃ cidabhimānāt pitā mama ,
ukto bhavatyā kopena yatrāsya lulitaṃ manaḥ.
16. kaccit te paruṣam kim cit abhimānāt pitā mama
uktaḥ bhavatyā kopena yatra asya lulitam manaḥ
16. kaccit te mama pitā bhavatyā abhimānāt kopena
kimcit paruṣam uktaḥ yatra asya manaḥ lulitam
16. I hope that my father was not spoken to harshly by you, due to pride or anger, which has caused his mind to be disturbed.
एतदाचक्ष्व मे देवि तत्त्वेन परिपृच्छतः ।
किंनिमित्तमपूर्वो ऽयं विकारो मनुजाधिपे ॥१७॥
17. etadācakṣva me devi tattvena paripṛcchataḥ ,
kiṃnimittamapūrvo'yaṃ vikāro manujādhipe.
17. etat ācakṣva me devi tattvena paripṛcchataḥ
kiṃnimittam apūrvaḥ ayam vikāraḥ manujādhipe
17. devi me tattvena paripṛcchataḥ etat ācakṣva
manujādhipe ayam apūrvaḥ vikāraḥ kim nimittam
17. O Lady, tell me this truly, as I inquire thoroughly: what is the cause of this unprecedented disturbance (vikāra) in the king?
अहं हि वचनाद् राज्ञः पतेयमपि पावके ।
भक्षयेयं विषं तीक्ष्णं मज्जेयमपि चार्णवे ।
नियुक्तो गुरुणा पित्रा नृपेण च हितेन च ॥१८॥
18. ahaṃ hi vacanād rājñaḥ pateyamapi pāvake ,
bhakṣayeyaṃ viṣaṃ tīkṣṇaṃ majjeyamapi cārṇave ,
niyukto guruṇā pitrā nṛpeṇa ca hitena ca.
18. ahaṃ hi vacanāt rājñaḥ pateyam api
pāvake | bhakṣayeyaṃ viṣam tīkṣṇam
majjeyam api ca arṇave | niyuktaḥ
guruṇā pitrā nṛpeṇa ca hitena ca
18. ahaṃ hi rājñaḥ vacanāt pāvake api
pateyam tīkṣṇam viṣam bhakṣayeyam
arṇave ca api majjeyam guruṇā
pitrā ca hitena nṛpeṇa ca niyuktaḥ
18. Indeed, by the command of the king, I would even fall into fire, consume potent poison, and plunge into the ocean; for I am enjoined by my preceptor (guru), my father, and the benevolent king.
तद्ब्रूहि वचनं देवि राज्ञो यदभिकाङ्क्षितम् ।
करिष्ये प्रतिजाने च रामो द्विर्नाभिभाषते ॥१९॥
19. tadbrūhi vacanaṃ devi rājño yadabhikāṅkṣitam ,
kariṣye pratijāne ca rāmo dvirnābhibhāṣate.
19. tat brūhi vacanam devi rājñaḥ yat abhikāṅkṣitam
| kariṣye pratijāne ca rāmaḥ dviḥ na abhibhāṣate
19. devi,
tat vacanam brūhi,
yat rājñaḥ abhikāṅkṣitam kariṣye ca pratijāne rāmaḥ dviḥ na abhibhāṣate
19. Therefore, O goddess (devi), tell me that command of the king which is desired. I will fulfill it, and I make this solemn promise; Rama does not speak twice (meaning his word is absolute).
तमार्जवसमायुक्तमनार्या सत्यवादिनम् ।
उवाच रामं कैकेयी वचनं भृशदारुणम् ॥२०॥
20. tamārjavasamāyuktamanāryā satyavādinam ,
uvāca rāmaṃ kaikeyī vacanaṃ bhṛśadāruṇam.
20. tam ārjavasamāyuktam anāryā satyavādinam
| uvāca rāmam kaikeyī vacanam bhṛśadāruṇam
20. anāryā kaikeyī ārjavasamāyuktam satyavādinam
tam rāmam bhṛśadāruṇam vacanam uvāca
20. The ignoble (anāryā) Kaikeyī spoke extremely harsh words to Rama, who was endowed with sincerity and spoke only the truth.
पुरा देवासुरे युद्धे पित्रा ते मम राघव ।
रक्षितेन वरौ दत्तौ सशल्येन महारणे ॥२१॥
21. purā devāsure yuddhe pitrā te mama rāghava ,
rakṣitena varau dattau saśalyena mahāraṇe.
21. purā devāsure yuddhe pitrā te mama rāghava
| rakṣitena varau dattau saśalyena mahāraṇe
21. rāghava,
purā devāsure mahāraṇe yuddhe,
saśalyena te pitrā mama rakṣitena varau dattau
21. O Raghava, long ago, in the great war between the gods and asuras (devasura), your father, having been wounded (saśalyena) and protected by me, granted me two boons.
तत्र मे याचितो राजा भरतस्याभिषेचनम् ।
गमनं दण्डकारण्ये तव चाद्यैव राघव ॥२२॥
22. tatra me yācito rājā bharatasyābhiṣecanam ,
gamanaṃ daṇḍakāraṇye tava cādyaiva rāghava.
22. tatra me yācitaḥ rājā bharatasya abhiṣecanam
gamanam daṇḍakāraṇye tava ca adya eva rāghava
22. rāghava tatra me rājā yācitaḥ bharatasya
abhiṣecanam ca tava daṇḍakāraṇye gamanam adya eva
22. O Rāghava, at that time, I requested from the king Bharata's anointment and your immediate departure to the Daṇḍaka forest.
यदि सत्यप्रतिज्ञं त्वं पितरं कर्तुमिच्छसि ।
आत्मानं च नररेष्ठ मम वाक्यमिदं शृणु ॥२३॥
23. yadi satyapratijñaṃ tvaṃ pitaraṃ kartumicchasi ,
ātmānaṃ ca narareṣṭha mama vākyamidaṃ śṛṇu.
23. yadi satyapratijñam tvam pitaram kartum icchasi
ātmānam ca naraśreṣṭha mama vākyam idam śṛṇu
23. naraśreṣṭha yadi tvam pitaram satyapratijñam ca
ātmānam kartum icchasi mama idam vākyam śṛṇu
23. O best among men, if you wish to make your father true to his vow, and yourself (ātman) also, then listen to these words of mine.
स निदेशे पितुस्तिष्ठ यथा तेन प्रतिश्रुतम् ।
त्वयारण्यं प्रवेष्टव्यं नव वर्षाणि पञ्च च ॥२४॥
24. sa nideśe pitustiṣṭha yathā tena pratiśrutam ,
tvayāraṇyaṃ praveṣṭavyaṃ nava varṣāṇi pañca ca.
24. saḥ nideśe pituḥ tiṣṭha yathā tena pratiśrutam
tvayā araṇyam praveṣṭavyam nava varṣāṇi pañca ca
24. saḥ pituḥ nideśe tiṣṭha yathā tena pratiśrutam
ca tvayā araṇyam nava pañca varṣāṇi praveṣṭavyam
24. You must abide by your father's command, just as it was promised by him. You are to enter the forest for nine and five years.
सप्त सप्त च वर्षाणि दण्डकारण्यमाश्रितः ।
अभिषेकमिमं त्यक्त्वा जटाचीरधरो वस ॥२५॥
25. sapta sapta ca varṣāṇi daṇḍakāraṇyamāśritaḥ ,
abhiṣekamimaṃ tyaktvā jaṭācīradharo vasa.
25. sapta sapta ca varṣāṇi daṇḍakāraṇyam āśritaḥ
abhiṣekam imam tyaktvā jaṭācīradharaḥ vasa
25. imam abhiṣekam tyaktvā ca jaṭācīradharaḥ
sapta sapta varṣāṇi daṇḍakāraṇyam āśritaḥ vasa
25. Abandoning this coronation and wearing matted hair and bark garments, you must reside for seven and seven years in the Daṇḍaka forest.
भरतः कोसलपुरे प्रशास्तु वसुधामिमाम् ।
नानारत्नसमाकीर्णां सवाजिरथकुञ्जराम् ॥२६॥
26. bharataḥ kosalapure praśāstu vasudhāmimām ,
nānāratnasamākīrṇāṃ savājirathakuñjarām.
26. bharataḥ kosalapure praśāstu vasudhām imām
nānāratnasamākīrṇām savājirathakuñjarām
26. bharataḥ kosalapure imām nānāratnasamākīrṇām
savājirathakuñjarām vasudhām praśāstu
26. Let Bharata rule this earth from the city of Kosala, an earth replete with various jewels, horses, chariots, and elephants.
तदप्रियममित्रघ्नो वचनं मरणोपमम् ।
श्रुत्वा न विव्यथे रामः कैकेयीं चेदमब्रवीत् ॥२७॥
27. tadapriyamamitraghno vacanaṃ maraṇopamam ,
śrutvā na vivyathe rāmaḥ kaikeyīṃ cedamabravīt.
27. tat apriyam amitraghnaḥ vacanam maraṇopamam
śrutvā na vivyathe rāmaḥ kaikeyīm ca idam abravīt
27. amitraghnaḥ rāmaḥ tat apriyam maraṇopamam vacanam
śrutvā na vivyathe ca idam kaikeyīm abravīt
27. The foe-slayer (amitraghna) Rama, having heard that disagreeable word which was akin to death, was not distressed and spoke this to Kaikeyi.
एवमस्तु गमिष्यामि वनं वस्तुमहं त्वतः ।
जटाचीरधरो राज्ञः प्रतिज्ञामनुपालयन् ॥२८॥
28. evamastu gamiṣyāmi vanaṃ vastumahaṃ tvataḥ ,
jaṭācīradharo rājñaḥ pratijñāmanupālayan.
28. evam astu gamiṣyāmi vanam vastum aham tvataḥ
jaṭācīradharaḥ rājñaḥ pratijñām anupālayan
28. evam astu aham tvataḥ jaṭācīradharaḥ rājñaḥ
pratijñām anupālayan vanam vastum gamiṣyāmi
28. So be it. I will go to the forest to reside, as you wish, wearing matted hair and bark clothes, upholding the king's vow.
इदं तु ज्ञातुमिच्छामि किमर्थं मां महीपतिः ।
नाभिनन्दति दुर्धर्षो यथापुरमरिंदमः ॥२९॥
29. idaṃ tu jñātumicchāmi kimarthaṃ māṃ mahīpatiḥ ,
nābhinandati durdharṣo yathāpuramariṃdamaḥ.
29. idam tu jñātum icchāmi kim artham mām mahīpatiḥ
na abhinandati durdharṣaḥ yathāpuram arindamaḥ
29. tu aham idam jñātum icchāmi durdharṣaḥ arindamaḥ
mahīpatiḥ mām yathāpuram kim artham na abhinandati
29. However, I wish to know this: why does the unconquerable lord of the earth (mahīpati), the vanquisher of foes (arindama), not greet me as he did before?
मन्युर्न च त्वया कार्यो देवि ब्रूहि तवाग्रतः ।
यास्यामि भव सुप्रीता वनं चीरजटाधरः ॥३०॥
30. manyurna ca tvayā kāryo devi brūhi tavāgrataḥ ,
yāsyāmi bhava suprītā vanaṃ cīrajaṭādharaḥ.
30. manyuḥ na ca tvayā kāryaḥ devi brūhi tava agrataḥ
yāsyāmi bhava suprītā vanam cīra-jaṭā-dharaḥ
30. O Goddess, you should not be angry. Speak your command before me. I will go to the forest, wearing bark and matted locks, and in doing so, you will be greatly pleased.
हितेन गुरुणा पित्रा कृतज्ञेन नृपेण च ।
नियुज्यमानो विश्रब्धं किं न कुर्यादहं प्रियम् ॥३१॥
31. hitena guruṇā pitrā kṛtajñena nṛpeṇa ca ,
niyujyamāno viśrabdhaṃ kiṃ na kuryādahaṃ priyam.
31. hitena guruṇā pitrā kṛtajñena nṛpeṇa ca
niyujyamānaḥ viśrabdham kim na kuryāt aham priyam
31. When commanded by a benevolent teacher (guru), a father, or a grateful king, what dear duty would I not confidently perform?
अलीकं मानसं त्वेकं हृदयं दहतीव मे ।
स्वयं यन्नाह मां राजा भरतस्याभिषेचनम् ॥३२॥
32. alīkaṃ mānasaṃ tvekaṃ hṛdayaṃ dahatīva me ,
svayaṃ yannāha māṃ rājā bharatasyābhiṣecanam.
32. alīkam mānasam tu ekam hṛdayam dahati iva me
svayam yat na āha mām rājā bharatasya abhiṣecanam
32. Indeed, one mental falsehood alone burns my heart, namely, that the king himself did not tell me about Bharata's coronation.
अहं हि सीतां राज्यं च प्राणानिष्टान्धनानि च ।
हृष्टो भ्रात्रे स्वयं दद्यां भरतायाप्रचोदितः ॥३३॥
33. ahaṃ hi sītāṃ rājyaṃ ca prāṇāniṣṭāndhanāni ca ,
hṛṣṭo bhrātre svayaṃ dadyāṃ bharatāyāpracoditaḥ.
33. aham hi sītām rājyam ca prāṇān iṣṭān dhanāni ca
hṛṣṭaḥ bhrātre svayam dadyām bharatāya apracoditaḥ
33. Indeed, I would gladly give Sītā, the kingdom, my cherished life, and my riches to my brother Bharata of my own accord, without being prompted.
किं पुनर्मनुजेन्द्रेण स्वयं पित्रा प्रचोदितः ।
तव च प्रियकामार्थं प्रतिज्ञामनुपालयन् ॥३४॥
34. kiṃ punarmanujendreṇa svayaṃ pitrā pracoditaḥ ,
tava ca priyakāmārthaṃ pratijñāmanupālayan.
34. kim punaḥ manujendreṇa svayam pitrā pracoditaḥ
tava ca priyakāmārtham pratijñām anupālayan
34. kim punaḥ svayam manujendreṇa pitrā pracoditaḥ
ca tava priyakāmārtham pratijñām anupālayan
34. What more (can be said)? He (Rama), impelled by his own father, the king, is fulfilling the promise for the sake of your desire.
तदाश्वासय हीमं त्वं किं न्विदं यन्महीपतिः ।
वसुधासक्तनयनो मन्दमश्रूणि मुञ्चति ॥३५॥
35. tadāśvāsaya hīmaṃ tvaṃ kiṃ nvidaṃ yanmahīpatiḥ ,
vasudhāsaktanayano mandamaśrūṇi muñcati.
35. tat āśvāsaya hi imam tvam kim nu idam yat
mahīpatiḥ vasudhāsaktanayanaḥ mandam aśrūṇi muñcati
35. tat tvam hi imam āśvāsaya kim nu idam yat
mahīpatiḥ vasudhāsaktanayanaḥ mandam aśrūṇi muñcati
35. Therefore, you must indeed console him. What is this, that the king, with his eyes fixed on the ground, slowly sheds tears?
गच्छन्तु चैवानयितुं दूताः शीघ्रजवैर्हयैः ।
भरतं मातुलकुलादद्यैव नृपशासनात् ॥३६॥
36. gacchantu caivānayituṃ dūtāḥ śīghrajavairhayaiḥ ,
bharataṃ mātulakulādadyaiva nṛpaśāsanāt.
36. gacchantu ca eva ānayitum dūtāḥ śīghrajavaiḥ
hayaiḥ bharatam mātulakulāt adya eva nṛpaśāsanāt
36. ca eva dūtāḥ śīghrajavaiḥ hayaiḥ gacchantu
ānayitum bharatam mātulakulāt nṛpaśāsanāt adya eva
36. And indeed, let messengers go immediately on swift horses to bring Bharata from his maternal uncle's family, by the king's command, today itself.
दण्डकारण्यमेषो ऽहमितो गच्छामि सत्वरः ।
अविचार्य पितुर्वाक्यं समावस्तुं चतुर्दश ॥३७॥
37. daṇḍakāraṇyameṣo'hamito gacchāmi satvaraḥ ,
avicārya piturvākyaṃ samāvastuṃ caturdaśa.
37. daṇḍakāraṇyam eṣaḥ aham itaḥ gacchāmi satvaraḥ
avicārya pituḥ vākyam samāḥ vastum caturdaśa
37. eṣaḥ aham satvaraḥ itaḥ daṇḍakāraṇyam gacchāmi
avicārya pituḥ vākyam caturdaśa samāḥ vastum
37. I, this very one, swiftly go from here to the Dandakaranya forest, without questioning my father's command, to reside for fourteen years.
सा हृष्टा तस्य तद्वाक्यं श्रुत्वा रामस्य कैकयी ।
प्रस्थानं श्रद्दधाना हि त्वरयामास राघवम् ॥३८॥
38. sā hṛṣṭā tasya tadvākyaṃ śrutvā rāmasya kaikayī ,
prasthānaṃ śraddadhānā hi tvarayāmāsa rāghavam.
38. sā hṛṣṭā tasya tat vākyam śrutvā rāmasya kaikeyī
prasthānam śraddadhānā hi tvarayāmāsa rāghavam
38. sā kaikeyī tasya rāmasya tat vākyam śrutvā hṛṣṭā
hi prasthānam śraddadhānā rāghavam tvarayāmāsa
38. Delighted, Kaikeyī, having heard those words of Rama and truly believing in his departure, hastened Rama (Rāghava).
एवं भवतु यास्यन्ति दूताः शीघ्रजवैर्हयैः ।
भरतं मातुलकुलादुपावर्तयितुं नराः ॥३९॥
39. evaṃ bhavatu yāsyanti dūtāḥ śīghrajavairhayaiḥ ,
bharataṃ mātulakulādupāvartayituṃ narāḥ.
39. evam bhavatu yāsyanti dūtāḥ śīghra-javaiḥ hayaiḥ
bharatam mātula-kulāt upāvartayitum narāḥ
39. evam bhavatu narāḥ dūtāḥ śīghra-javaiḥ hayaiḥ
mātula-kulāt bharatam upāvartayitum yāsyanti
39. Let it be so. Men, as messengers, will go with swift horses to bring Bharata back from his maternal uncle's family.
तव त्वहं क्षमं मन्ये नोत्सुकस्य विलम्बनम् ।
राम तस्मादितः शीघ्रं वनं त्वं गन्तुमर्हसि ॥४०॥
40. tava tvahaṃ kṣamaṃ manye notsukasya vilambanam ,
rāma tasmāditaḥ śīghraṃ vanaṃ tvaṃ gantumarhasi.
40. tava tu aham kṣamam manye na utsukasya vilambanam
rāma tasmāt itaḥ śīghram vanam tvam gantum arhasi
40. rāma tu aham tava utsukasya vilambanam kṣamam na
manye tasmāt tvam itaḥ śīghram vanam gantum arhasi
40. O Rama, I do not consider a delay suitable for an eager person like you. Therefore, you should go to the forest quickly from here.
व्रीडान्वितः स्वयं यच्च नृपस्त्वां नाभिभाषते ।
नैतत् किं चिन्नरश्रेष्ठ मन्युरेषो ऽपनीयताम् ॥४१॥
41. vrīḍānvitaḥ svayaṃ yacca nṛpastvāṃ nābhibhāṣate ,
naitat kiṃ cinnaraśreṣṭha manyureṣo'panīyatām.
41. vrīḍā-anvitaḥ svayam yat ca nṛpaḥ tvām na abhibhāṣate
na etat kim cit nara-śreṣṭha manyuḥ eṣaḥ apanīyatām
41. yat ca nṛpaḥ svayam vrīḍā-anvitaḥ tvām na abhibhāṣate etat kim cit na,
nara-śreṣṭha,
eṣaḥ manyuḥ apanīyatām
41. And regarding the king himself, who, filled with shame, does not speak to you - this is not significant, O best of men. Let this anger (manyu) be cast aside.
यावत्त्वं न वनं यातः पुरादस्मादभित्वरन् ।
पिता तावन्न ते राम स्नास्यते भोक्ष्यते ऽपि वा ॥४२॥
42. yāvattvaṃ na vanaṃ yātaḥ purādasmādabhitvaran ,
pitā tāvanna te rāma snāsyate bhokṣyate'pi vā.
42. yāvat tvam na vanam yātaḥ purāt asmāt abhitvaran
pitā tāvat na te rāma snāsyate bhokṣyate api vā
42. rāma yāvat tvam asmāt purāt abhitvaran vanam na
yātaḥ tāvat te pitā na snāsyate api vā bhokṣyate
42. O Rāma, as long as you do not depart quickly for the forest from this city, your father will neither bathe nor eat.
धिक्कष्टमिति निःश्वस्य राजा शोकपरिप्लुतः ।
मूर्छितो न्यपतत्तस्मिन्पर्यङ्के हेमभूषिते ॥४३॥
43. dhikkaṣṭamiti niḥśvasya rājā śokapariplutaḥ ,
mūrchito nyapatattasminparyaṅke hemabhūṣite.
43. dhik kaṣṭam iti niḥśvasya rājā śokapariplutaḥ
mūrcchitaḥ nyapatat tasmin paryaṅke hemabhūṣite
43. rājā dhik kaṣṭam iti niḥśvasya śokapariplutaḥ
mūrcchitaḥ tasmin hemabhūṣite paryaṅke nyapatat
43. "Alas, what a misery!" thus sighing, the king, overwhelmed by sorrow, fainted and fell onto that gold-adorned couch.
रामो ऽप्युत्थाप्य राजानं कैकेय्याभिप्रचोदितः ।
कशयेवाहतो वाजी वनं गन्तुं कृतत्वरः ॥४४॥
44. rāmo'pyutthāpya rājānaṃ kaikeyyābhipracoditaḥ ,
kaśayevāhato vājī vanaṃ gantuṃ kṛtatvaraḥ.
44. rāmaḥ api utthāpya rājānam kaikeyīyā abhipracoditaḥ
kaśayā iva āhataḥ vājī vanam gantum kṛtatvaraḥ
44. rāmaḥ api rājānam utthāpya kaikeyīyā abhipracoditaḥ,
kaśayā āhataḥ vājī iva,
vanam gantum kṛtatvaraḥ
44. Rāma, too, having raised the king, and urged by Kaikeyī, hastened to go to the forest, like a horse struck by a whip.
तदप्रियमनार्याया वचनं दारुणोदरम् ।
श्रुत्वा गतव्यथो रामः कैकेयीं वाक्यमब्रवीत् ॥४५॥
45. tadapriyamanāryāyā vacanaṃ dāruṇodaram ,
śrutvā gatavyatho rāmaḥ kaikeyīṃ vākyamabravīt.
45. tat apriyam anāryāyāḥ vacanam dāruṇodaram śrutvā
gatavyathaḥ rāmaḥ kaikeyīm vākyam abravīt
45. rāmaḥ anāryāyāḥ tat apriyam dāruṇodaram vacanam śrutvā,
gatavyathaḥ,
kaikeyīm vākyam abravīt
45. Having heard that unpleasant and cruel speech of the ignoble woman, Rāma, his distress gone, spoke these words to Kaikeyī.
नाहमर्थपरो देवि लोकमावस्तुमुत्सहे ।
विद्धि मामृषिभिस्तुल्यं केवलं धर्ममास्थितम् ॥४६॥
46. nāhamarthaparo devi lokamāvastumutsahe ,
viddhi māmṛṣibhistulyaṃ kevalaṃ dharmamāsthitam.
46. na aham artha-paraḥ devi lokam āvastum utsahe
viddhi mām ṛṣibhiḥ tulyam kevalam dharmam āsthitam
46. devi aham artha-paraḥ na lokam āvastum utsahe mām
ṛṣibhiḥ tulyam kevalam dharmam āsthitam viddhi
46. O goddess, I am not concerned with worldly gains, nor do I wish to reside in the world [in that manner]. Know me to be like the sages, solely devoted to natural law (dharma).
यदत्रभवतः किं चिच्छक्यं कर्तुं प्रियं मया ।
प्राणानपि परित्यज्य सर्वथा कृतमेव तत् ॥४७॥
47. yadatrabhavataḥ kiṃ cicchakyaṃ kartuṃ priyaṃ mayā ,
prāṇānapi parityajya sarvathā kṛtameva tat.
47. yat atra-bhavataḥ kiṃcit śakyam kartum priyam
mayā prāṇān api parityajya sarvathā kṛtam eva tat
47. atra-bhavataḥ yat kiṃcit priyam mayā kartum śakyam
prāṇān api parityajya sarvathā kṛtam eva tat
47. Whatever might be pleasing to your honor, that I am able to do – even abandoning my very life – that will certainly be accomplished by me in every way.
न ह्यतो धर्मचरणं किं चिदस्ति महत्तरम् ।
यथा पितरि शुश्रूषा तस्य वा वचनक्रिया ॥४८॥
48. na hyato dharmacaraṇaṃ kiṃ cidasti mahattaram ,
yathā pitari śuśrūṣā tasya vā vacanakriyā.
48. na hi ataḥ dharma-caraṇam kiṃcit asti mahattaram
yathā pitari śuśrūṣā tasya vā vacana-kriyā
48. hi ataḥ kiṃcit mahattaram dharma-caraṇam na
asti yathā pitari śuśrūṣā vā tasya vacana-kriyā
48. Indeed, there is no greater observance of natural law (dharma) than this, just as [there is no greater dharma than] service to one's father or the fulfillment of his command.
अनुक्तो ऽप्यत्रभवता भवत्या वचनादहम् ।
वने वत्स्यामि विजने वर्षाणीह चतुर्दश ॥४९॥
49. anukto'pyatrabhavatā bhavatyā vacanādaham ,
vane vatsyāmi vijane varṣāṇīha caturdaśa.
49. anuktaḥ api atra-bhavatā bhavatyāḥ vacanāt aham
vane vatsyāmi vijane varṣāṇi iha caturdaśa
49. aham atra-bhavatā anuktaḥ api bhavatyāḥ vacanāt
iha vijane vane caturdaśa varṣāṇi vatsyāmi
49. Even unbidden by your revered husband, I shall dwell in this desolate forest for fourteen years, here, at your word.
न नूनं मयि कैकेयि किं चिदाशंससे गुणम् ।
यद् राजानमवोचस्त्वं ममेश्वरतरा सती ॥५०॥
50. na nūnaṃ mayi kaikeyi kiṃ cidāśaṃsase guṇam ,
yad rājānamavocastvaṃ mameśvaratarā satī.
50. na nūnam mayi kaikeyi kim cit āśaṃsase guṇam
yat rājānam avocaḥ tvam mama īśvaratarā satī
50. kaikeyi mayi na nūnam kim cit guṇam āśaṃsase
yat tvam mama īśvaratarā satī rājānam avocaḥ
50. O Kaikeyī, surely you do not perceive any virtue in me, considering that you, being more dominant than I, addressed the king in such a way.
यावन्मातरमापृच्छे सीतां चानुनयाम्यहम् ।
ततो ऽद्यैव गमिष्यामि दण्डकानां महद्वनम् ॥५१॥
51. yāvanmātaramāpṛcche sītāṃ cānunayāmyaham ,
tato'dyaiva gamiṣyāmi daṇḍakānāṃ mahadvanam.
51. yāvat mātaram āpṛcche sītām ca anunuyāmi aham
tataḥ adya eva gamiṣyāmi daṇḍakānām mahat vanam
51. aham yāvat mātaram āpṛcche ca sītām anunuyāmi
tataḥ adya eva daṇḍakānām mahat vanam gamiṣyāmi
51. As soon as I take leave of my mother and persuade Sītā, I shall depart this very day for the great Daṇḍaka forest.
भरतः पालयेद् राज्यं शुश्रूषेच्च पितुर्यथा ।
तथा भवत्या कर्तव्यं स हि धर्मः सनातनः ॥५२॥
52. bharataḥ pālayed rājyaṃ śuśrūṣecca pituryathā ,
tathā bhavatyā kartavyaṃ sa hi dharmaḥ sanātanaḥ.
52. bharataḥ pālayet rājyam śuśrūṣeta ca pituḥ yathā
tathā bhavatyā kartavyam saḥ hi dharmaḥ sanātanaḥ
52. bharataḥ rājyam pālayet ca yathā pituḥ śuśrūṣeta
tathā bhavatyā kartavyam hi saḥ sanātanaḥ dharmaḥ
52. Bharata should rule the kingdom and serve his father as is proper. In the same way, you too must fulfill your duty; for that, indeed, is the eternal (sanātana) natural law (dharma).
स रामस्य वचः श्रुत्वा भृशं दुःखहतः पिता ।
शोकादशक्नुवन्बाष्पं प्ररुरोद महास्वनम् ॥५३॥
53. sa rāmasya vacaḥ śrutvā bhṛśaṃ duḥkhahataḥ pitā ,
śokādaśaknuvanbāṣpaṃ praruroda mahāsvanam.
53. saḥ rāmasya vacaḥ śrutvā bhṛśam duḥkhahataḥ pitā
śokāt aśaknuvan bāṣpam praruroda mahāsvanam
53. saḥ pitā rāmasya vacaḥ śrutvā bhṛśam duḥkhahataḥ
śokāt bāṣpam aśaknuvan mahāsvanam praruroda
53. Having heard Rāma's words, the father, intensely afflicted by sorrow (duḥkha), was so overwhelmed that he could not restrain his tears and wailed with a great sound.
वन्दित्वा चरणौ रामो विसंज्ञस्य पितुस्तदा ।
कैकेय्याश्चाप्यनार्याया निष्पपात महाद्युतिः ॥५४॥
54. vanditvā caraṇau rāmo visaṃjñasya pitustadā ,
kaikeyyāścāpyanāryāyā niṣpapāta mahādyutiḥ.
54. vanditvā caraṇau rāmaḥ visaṃjñasya pituḥ tadā |
kaikeyyāḥ ca api anāryāyāḥ niṣpapāta mahādyutiḥ
54. tadā mahādyutiḥ rāmaḥ visaṃjñasya pituḥ ca
anāryāyāḥ kaikeyyāḥ api caraṇau vanditvā niṣpapāta
54. Then, the greatly splendid Rama, having bowed at the feet of his unconscious father and of the ignoble Kaikeyi, exited.
स रामः पितरं कृत्वा कैकेयीं च प्रदक्षिणम् ।
निष्क्रम्यान्तःपुरात्तस्मात् स्वं ददर्श सुहृज्जनम् ॥५५॥
55. sa rāmaḥ pitaraṃ kṛtvā kaikeyīṃ ca pradakṣiṇam ,
niṣkramyāntaḥpurāttasmāt svaṃ dadarśa suhṛjjanam.
55. saḥ rāmaḥ pitaraṃ kṛtvā kaikeyīṃ ca pradakṣiṇam |
niṣkramya antaḥpurāt tasmāt svaṃ dadarśa suhṛt-janam
55. saḥ rāmaḥ pitaraṃ ca kaikeyīṃ pradakṣiṇam kṛtvā
tasmāt antaḥpurāt niṣkramya svaṃ suhṛt-janam dadarśa
55. That Rama, having performed circumambulation (pradakṣiṇam) of his father and Kaikeyi, exited from those inner chambers and saw his friends and kinsfolk.
तं बाष्पपरिपूर्णाक्षः पृष्ठतो ऽनुजगाम ह ।
लक्ष्मणः परमक्रुद्धः सुमित्रानन्दवर्धनः ॥५६॥
56. taṃ bāṣpaparipūrṇākṣaḥ pṛṣṭhato'nujagāma ha ,
lakṣmaṇaḥ paramakruddhaḥ sumitrānandavardhanaḥ.
56. taṃ bāṣpa-paripūrṇa-akṣaḥ pṛṣṭhataḥ anujagāma ha |
lakṣmaṇaḥ parama-kruddhaḥ sumitrā-ānanda-vardhanaḥ
56. bāṣpa-paripūrṇa-akṣaḥ parama-kruddhaḥ
sumitrā-ānanda-vardhanaḥ lakṣmaṇaḥ ha pṛṣṭhataḥ taṃ anujagāma
56. His eyes full of tears, Lakshmana, who was extremely enraged and who increased Sumitra's joy, indeed followed him from behind.
आभिषेचनिकं भाण्डं कृत्वा रामः प्रदक्षिणम् ।
शनैर्जगाम सापेक्षो दृष्टिं तत्राविचालयन् ॥५७॥
57. ābhiṣecanikaṃ bhāṇḍaṃ kṛtvā rāmaḥ pradakṣiṇam ,
śanairjagāma sāpekṣo dṛṣṭiṃ tatrāvicālayan.
57. ābhiṣecanikaṃ bhāṇḍaṃ kṛtvā rāmaḥ pradakṣiṇam |
śanaiḥ jagāma sa-apekṣaḥ dṛṣṭiṃ tatra avicālayan
57. rāmaḥ ābhiṣecanikaṃ bhāṇḍaṃ pradakṣiṇam kṛtvā
sa-apekṣaḥ tatra dṛṣṭiṃ avicālayan śanaiḥ jagāma
57. Having circumambulated the vessels (bhāṇḍa) meant for the coronation, Rama slowly proceeded, his gaze fixed there, not shifting it.
न चास्य महतीं लक्ष्मीं राज्यनाशो ऽपकर्षति ।
लोककान्तस्य कान्तत्वं शीतरश्मेरिव क्षपा ॥५८॥
58. na cāsya mahatīṃ lakṣmīṃ rājyanāśo'pakarṣati ,
lokakāntasya kāntatvaṃ śītaraśmeriva kṣapā.
58. na ca asya mahatīm lakṣmīm rājyanāśaḥ apakarṣati
lokakāntasya kāntatvam śītarāśmeḥ iva kṣapā
58. rājyanāśaḥ asya mahatīm lakṣmīm na ca apakarṣati,
lokakāntasya śītarāśmeḥ kāntatvam kṣapā iva.
58. The loss of his kingdom does not diminish his great fortune (lakṣmī), just as night does not diminish the loveliness of the moon, which is beloved by all people.
न वनं गन्तुकामस्य त्यजतश्च वसुंधराम् ।
सर्वलोकातिगस्येव लक्ष्यते चित्तविक्रिया ॥५९॥
59. na vanaṃ gantukāmasya tyajataśca vasuṃdharām ,
sarvalokātigasyeva lakṣyate cittavikriyā.
59. na vanam gantukāmasya tyajataḥ ca vasundharām
sarvalokātigasya iva lakṣyate cittavikriyā
59. vanam gantumkāmasya vasundharām tyajataḥ ca asya cittavikriyā sarvalokātigasya iva na lakṣyate.
59. No mental agitation (cittavikriyā) is observed in him, who desires to go to the forest and is abandoning his kingdom, just as it is not seen in one who has transcended all worldly attachments.
धारयन्मनसा दुःखमिन्द्रियाणि निगृह्य च ।
प्रविवेशात्मवान् वेश्म मातुरप्रियशंसिवान् ॥६०॥
60. dhārayanmanasā duḥkhamindriyāṇi nigṛhya ca ,
praviveśātmavān veśma māturapriyaśaṃsivān.
60. dhārayan manasā duḥkham indriyāṇi nigṛhya ca
praviveśa ātmavān veśma mātuḥ apriyaśaṃsivān
60. manasā duḥkham dhārayan ca indriyāṇi nigṛhya,
apriyaśaṃsivān ātmavān mātuḥ veśma praviveśa.
60. Bearing his sorrow mentally and restraining his senses, the self-possessed (ātmavān) man entered his mother's dwelling, having to deliver unpleasant news.
प्रविश्य वेश्मातिभृशं मुदान्वितं समीक्ष्य तां चार्थविपत्तिमागताम् ।
न चैव रामो ऽत्र जगाम विक्रियां सुहृज्जनस्यात्मविपत्तिशङ्कया ॥६१॥
61. praviśya veśmātibhṛśaṃ mudānvitaṃ samīkṣya tāṃ cārthavipattimāgatām ,
na caiva rāmo'tra jagāma vikriyāṃ suhṛjjanasyātmavipattiśaṅkayā.
61. praviśya veśma atibhṛśam mudānvitaṃ
samīkṣya tām ca arthavipattim āgatām
na ca eva rāmaḥ atra jagāma vikriyām
suhṛjjanasya ātmavipattiśaṅkayā
61. atibhṛśam mudānvitaṃ veśma praviśya,
tām āgatām ca arthavipattim samīkṣya,
rāmaḥ atra vikriyām na ca eva jagāma,
suhṛjjanasya ātmavipattiśaṅkayā.
61. Upon entering the dwelling, which was filled with exceeding joy, and observing the calamity that had arrived, Rama showed no agitation (vikriyā), fearing misfortune (vipatti) for his loved ones.

Links to all chapters:

bāla kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76

ayodhyā kāṇḍa (current book)

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 (current chapter) Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111

araṇya kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71

kiṣkindhā kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

sundara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66

yuddha kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116

uttara kāṇḍa

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100