Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

कुलार्णव-तन्त्रम्       kulārṇava-tantram - chapter-2

Use the following checkboxes to set the display options for this chapter (You can also control the display of each verse separately):
what would you like to see in each verse:
which language(s) would you like to see in the translations:
कुलेश श्रोतुमिच्चामि सर्वजीवदयानिधे ।
कुलधर्मस्त्वया देव सूचितो न प्रकाशितः ॥१॥
1. kuleśa śrotumiccāmi sarvajīvadayānidhe ,
kuladharmastvayā deva sūcito na prakāśitaḥ.
1. kuleśa śrotum icchāmi sarvajīvadayānidhe
kuladharmaḥ tvayā deva sūcitaḥ na prakāśitaḥ
1. kuleśa sarvajīvadayānidhe deva tvayā
kuladharmaḥ sūcitaḥ na prakāśitaḥ śrotum icchāmi
1. O lord of the kula, ocean of compassion for all living beings, O divine lord, you have hinted at the kuladharma (path of kula) but not fully revealed it. I wish to hear it.
Go to verse view
तस्य धर्मस्य माहात्म्यं सर्वधर्मोत्तमस्य च ।
ऊद्र्ध्वाम्नायस्य माहात्म्यं तन्मतं वद मे प्रभो ।
वद मे परमेशान यदि तेऽस्ति कृपा मयि ॥२॥
2. tasya dharmasya māhātmyaṁ sarvadharmottamasya ca ,
ūdrdhvāmnāyasya māhātmyaṁ tanmataṁ vada me prabho ,
vada me parameśāna yadi te'sti kṛpā mayi.
2. tasya dharmasya māhātmyaṃ
sarvadharmottamasya ca ūrdhvāmnāyasya māhātmyaṃ
tat mataṃ vada me prabho vada me
parameśāna yadi te asti kṛpā mayi
2. prabho parameśāna yadi mayi te kṛpā
asti (tarhi) sarvadharmottamasya tasya
dharmasya māhātmyaṃ ūrdhvāmnāyasya
māhātmyaṃ ca tat mataṃ me vada me vada
2. O lord, supreme ruler, if you have compassion for me, please tell me the greatness of that path, which is superior to all paths, and the greatness of the ūrdhvāmnāya (highest tradition), along with its doctrine. Tell me!
Go to verse view
शृणु देवि प्रवक्ष्यामि यन्मां त्वं परिपृच्चसि ।
तस्य श्रवणमात्रेण योगिनीनां प्रियो भवेत् ॥३॥
3. śṛṇu devi pravakṣyāmi yanmāṁ tvaṁ paripṛccasi ,
tasya śravaṇamātreṇa yoginīnāṁ priyo bhavet.
3. śṛṇu devi pravakṣyāmi yat mām tvaṃ paripṛcchasi
tasya śravaṇamātreṇa yoginīnām priyaḥ bhavet
3. devi śṛṇu yat tvaṃ māṃ paripṛcchasi (tat) pravakṣyāmi
tasya śravaṇamātreṇa (naraḥ) yoginīnāṃ priyaḥ bhavet
3. Listen, O goddess, I shall explain what you ask me. Merely by hearing it, one becomes dear to the yoginīs.
Go to verse view
ब्रह्माविष्णुगुहादीनां न मया कथितं पुरा ।
कथयामि तव स्नेहात् शृणुष्वैकाग्रमानसा ॥४॥
4. brahmāviṣṇuguhādīnāṁ na mayā kathitaṁ purā ,
kathayāmi tava snehāt śṛṇuṣvaikāgramānasā.
4. brahmaviṣṇuguhādīnām na mayā kathitam purā
kathayāmi tava snehāt śṛṇuṣva ekāgramānasā
4. purā mayā brahmaviṣṇuguhādīnām na kathitam
tava snehāt kathayāmi ekāgramānasā śṛṇuṣva
4. In the past, I did not speak of this even to Brahmā, Viṣṇu, Guha (Kārttikeya), and the other gods. Out of affection for you, I am telling you; listen with an attentive mind.
Go to verse view
पारम्पर्य्यक्रमायातं पञ्चवक्त्रेषु संस्थितम् ।
अकथ्यं परमार्थेन तथापि कथयामि ते ॥५॥
5. pāramparyyakramāyātaṁ pañcavaktreṣu saṁsthitam ,
akathyaṁ paramārthena tathāpi kathayāmi te.
5. pāramparyakramāyātam pañcavaktreṣu saṃsthitam
akathyam paramārthena tathā api kathayāmi te
5. pāramparyakramāyātam pañcavaktreṣu saṃsthitam
paramārthena akathyam tathā api te kathayāmi
5. Passed down through lineage and residing within my five faces, it is ultimately indescribable. Nevertheless, I shall tell it to you.
Go to verse view
त्वयापि गोपितव्यं हि न देयं यस्य कस्यचित् ।
देयं भक्ताय शिष्याय अन्यथा पतनं भवेत् ॥६॥
6. tvayāpi gopitavyaṁ hi na deyaṁ yasya kasyacit ,
deyaṁ bhaktāya śiṣyāya anyathā patanaṁ bhavet.
6. tvayā api gopitavyam hi na deyam yasya kasyacit
deyam bhaktāya śiṣyāya anyathā patanam bhavet
6. tvayā api hi gopitavyam yasya kasyacit na deyam
bhaktāya śiṣyāya deyam anyathā patanam bhavet
6. You too must keep it secret, and it should not be given to just anyone. It should only be imparted to a devoted disciple; otherwise, downfall will occur.
Go to verse view
सर्वेभ्यश्चोत्तमा वेदा वेदेभ्यो वैष्णवं परम् ।
वैष्णवादुत्तमं शैवं शैवाद्दक्षिणमुत्तमम् ॥७॥
7. sarvebhyaścottamā vedā vedebhyo vaiṣṇavaṁ param ,
vaiṣṇavāduttamaṁ śaivaṁ śaivāddakṣiṇamuttamam.
7. sarvebhyaḥ ca uttamāḥ vedāḥ vedebhyaḥ vaiṣṇavam param
vaiṣṇavāt uttamam śaivam śaivāt dakṣiṇam uttamam
7. sarvebhyaḥ vedāḥ uttamāḥ vedebhyaḥ vaiṣṇavam param
vaiṣṇavāt śaivam uttamam śaivāt dakṣiṇam uttamam
7. The Vedas are superior to all scriptures, the Vaiṣṇava tradition is higher than the Vedas, the Śaiva tradition is superior to the Vaiṣṇava, and the Dakṣiṇa path is superior to the Śaiva.
Go to verse view
दक्षिणादुत्तमं वामं वामात् सिद्धान्तमुत्तमम् ।
सिद्धान्तादुत्तमं कौलं कौलात् परतरं न हि ॥८॥
8. dakṣiṇāduttamaṁ vāmaṁ vāmāt siddhāntamuttamam ,
siddhāntāduttamaṁ kaulaṁ kaulāt parataraṁ na hi.
8. dakṣiṇāt uttamam vāmam vāmāt siddhāntam uttamam
siddhāntāt uttamam kaulam kaulāt parataram na hi
8. dakṣiṇāt vāmam uttamam vāmāt siddhāntam uttamam
siddhāntāt kaulam uttamam kaulāt parataram na hi
8. The Vāma path is superior to Dakṣiṇa, Siddhānta is superior to Vāma, Kaula is superior to Siddhānta, and there is nothing higher than Kaula.
Go to verse view
गुह्याद् गुह्यतरं देवि सारात् सारं परात् परम् ।
साक्षात् शिवप्रदं देवि कर्णाकणीगतं कुलम् ॥९॥
9. guhyād guhyataraṁ devi sārāt sāraṁ parāt param ,
sākṣāt śivapradaṁ devi karṇākaṇīgataṁ kulam.
9. guhyāt guhyataram devi sārāt sāram parāt param
sākṣāt śivapradam devi karṇākaṇīgatam kulam
9. devi kulam guhyāt guhyataram sārāt sāram parāt
param sākṣāt śivapradam karṇākaṇīgatam (asti)
9. O goddess, the Kaula path is more secret than the most secret, the essence of essences, higher than the highest, leading directly to Śiva, and transmitted strictly by ear to ear (whispered from teacher to disciple).
Go to verse view
मथित्वा ज्ञानदण्डेन वेदागममहार्णवम् ।
सारज्ञेन मया देवि कुलधर्मः समुद्धृतः ॥१०॥
10. mathitvā jñānadaṇḍena vedāgamamahārṇavam ,
sārajñena mayā devi kuladharmaḥ samuddhṛtaḥ.
10. mathitvā jñānadaṇḍena vedāgamamahārṇavam
sārajñena mayā devi kuladharmaḥ samuddhṛtaḥ
10. devi jñānadaṇḍena vedāgamamahārṇavam mathitvā
sārajñena mayā kuladharmaḥ samuddhṛtaḥ
10. O goddess, churning the great ocean of Vedas and Āgamas with the churning rod of wisdom, I, who know the essence, have extracted this path of kula.
Go to verse view
एकतः सकला धर्मा यज्ञतीर्थव्रतादयः ।
एकतः कुलधर्मश्च तत्र कौलोऽधिकः प्रिये ॥११॥
11. ekataḥ sakalā dharmā yajñatīrthavratādayaḥ ,
ekataḥ kuladharmaśca tatra kaulo'dhikaḥ priye.
11. ekataḥ sakalāḥ dharmāḥ yajñatīrthavratādayaḥ
ekataḥ kuladharmaḥ ca tatra kaulaḥ adhikaḥ priye
11. priye ekataḥ yajñatīrthavratādayaḥ sakalāḥ
dharmāḥ ekataḥ kuladharmaḥ ca tatra kaulaḥ adhikaḥ
11. O beloved, on one side are all other spiritual practices, such as Vedic rituals, sacred pilgrimages, and vows, and on the other side is the path of kula; between them, the Kaula path is vastly superior.
Go to verse view
प्रविशन्ति यथा नद्यः समुद्रम् ऋजुवक्रगाः ।
तथैव विविधा धर्माः प्रविष्टाः कुलमेव हि ॥१२॥
12. praviśanti yathā nadyaḥ samudram ṛjuvakragāḥ ,
tathaiva vividhā dharmāḥ praviṣṭāḥ kulameva hi.
12. praviśanti yathā nadyaḥ samudram ṛjuvokragāḥ
tathā eva vividhāḥ dharmāḥ praviṣṭāḥ kulam eva hi
12. yathā ṛjuvokragāḥ nadyaḥ samudram praviśanti
tathā eva vividhāḥ dharmāḥ kulam eva praviṣṭāḥ hi
12. Just as rivers flowing straight or winding enter the ocean, so too all the diverse religious paths enter into the Kaula path alone.
Go to verse view
यथा हस्तिपदे लीनं सर्वप्राणीपदं भवेत् ।
दर्शनानि च सर्वाणि कुल एव तथा प्रिये ॥१३॥
13. yathā hastipade līnaṁ sarvaprāṇīpadaṁ bhavet ,
darśanāni ca sarvāṇi kula eva tathā priye.
13. yathā hastipade līnam sarvaprāṇipadam bhavet
darśanāni ca sarvāṇi kule eva tathā priye
13. priye yathā sarvaprāṇipadam hastipade līnam bhavet
tathā sarvāṇi darśanāni ca kule eva (līnāni bhavanti)
13. O beloved, just as the footprints of all living beings are contained within the footprint of an elephant, so too are all philosophical systems contained within Kaula.
Go to verse view
यदा जाम्बुनदानाञ्च सदृशं लौहमस्ति चेत् ।
तदा च कुलधर्मेण समयोऽन्यः समो भवेत् ॥१४॥
14. yadā jāmbunadānāñca sadṛśaṁ lauhamasti cet ,
tadā ca kuladharmeṇa samayo'nyaḥ samo bhavet.
14. yadā jāmbūnadānām ca sadṛśam lauham asti cet
tadā ca kuladharmeṇa samayaḥ anyaḥ samaḥ bhavet
14. yadā jāmbūnadānām ca lauham sadṛśam asti cet
tadā kuladharmeṇa anyaḥ samayaḥ samaḥ bhavet
14. Only when iron becomes equal to gold can any other spiritual tradition become equal to the path of kula.
Go to verse view
यथामरतरङ्गिण्या न समाः सकलापगाः ।
तथैव समयाः सर्वे कुलधर्मेण नो समाः ॥१५॥
15. yathāmarataraṅgiṇyā na samāḥ sakalāpagāḥ ,
tathaiva samayāḥ sarve kuladharmeṇa no samāḥ.
15. yathā amarataraṅgiṇyā na samāḥ sakalāpagāḥ
tathā eva samayāḥ sarve kuladharmeṇa no samāḥ
15. yathā sakalāpagāḥ amarataraṅgiṇyā samāḥ na (bhavanti)
tathā eva sarve samayāḥ kuladharmeṇa no samāḥ (bhavanti)
15. Just as all rivers are not equal to the celestial river (Gaṅgā), even so no other spiritual teachings are equal to the path of kula.
Go to verse view
मेरुसर्षपयोर्यद्वत् सूर्यखद्योतयोर्यथा ।
तथान्यसमयस्यापि कुलस्य महदन्तरम् ॥१६॥
16. merusarṣapayoryadvat sūryakhadyotayoryathā ,
tathānyasamayasyāpi kulasya mahadantaram.
16. merusarṣapayor yadvat sūryakhadyotayor yathā
tathā anyasamayasya api kulasya mahat antaram
16. yathā merusarṣapayoḥ yadvat sūryakhadyotayoḥ
tathā anyasamayasya api kulasya mahat antaram
16. Just as there is a vast difference between Mount Meru and a mustard seed, or between the sun and a firefly, so too there is a great difference between any other tradition and the Kula tradition.
Go to verse view
अस्ति चेत्त्वत्समा नारी मत्समः पुरुषोऽस्ति चेत् ।
कुलेन समधर्मस्तु तथापि न कदाचन ॥१७॥
17. asti cettvatsamā nārī matsamaḥ puruṣo'sti cet ,
kulena samadharmastu tathāpi na kadācana.
17. asti cet tvatsamā nārī matsamaḥ puruṣaḥ asti
cet kulena samadharmaḥ tu tathā api na kadācana
17. tvatsamā nārī asti cet matsamaḥ puruṣaḥ asti cet
tathā api kulena samadharmaḥ tu kadācana na (asti)
17. Even if there were a woman equal to you, O Goddess, and a man equal to me, still there could never be any path equal to Kula.
Go to verse view
कुलधर्मं हि मोहेन योऽन्यधर्मेण दुर्मतिः ।
बद्धः संसारपाशेन सोऽन्त्यजानां प्रियो भवेत् ॥१८॥
18. kuladharmaṁ hi mohena yo'nyadharmeṇa durmatiḥ ,
baddhaḥ saṁsārapāśena so'ntyajānāṁ priyo bhavet.
18. kuladharmam hi mohena yaḥ anyadharmeṇa durmatiḥ
baddhaḥ saṃsārapāśena saḥ antyajānām priyaḥ bhavet
18. yaḥ durmatiḥ mohena kuladharmam anyadharmeṇa (tulayati)
saḥ saṃsārapāśena baddhaḥ antyajānām priyaḥ bhavet
18. That foolish person who out of delusion equates the Kula path with any other path, bound fast by the cords of worldly existence, becomes a companion of outcastes.
Go to verse view
यो वा कुलाधिकं धर्ममज्ञानाद्वदति प्रिये ।
ब्रह्महत्याधिकं पापं स प्राप्नोति न संशयः ॥१९॥
19. yo vā kulādhikaṁ dharmamajñānādvadati priye ,
brahmahatyādhikaṁ pāpaṁ sa prāpnoti na saṁśayaḥ.
19. yaḥ vā kulādhikam dharmam ajñānāt vadati priye
brahmahatyādhikam pāpam saḥ prāpnoti na saṃśayaḥ
19. priye yaḥ vā ajñānāt kulādhikam dharmam vadati
saḥ brahmahatyādhikam pāpam prāpnoti saṃśayaḥ na
19. O my beloved, whoever out of ignorance claims that there is a path superior to Kula incurs a sin greater than killing a brahmin - of this there is no doubt.
Go to verse view
कुलधर्मप्रवहणं समारुह्य नरोत्तमः ।
स्वर्गादि द्वीपान्तरं गत्वा मोक्षरत्नं समश्नुते ॥२०॥
20. kuladharmapravahaṇaṁ samāruhya narottamaḥ ,
svargādi dvīpāntaraṁ gatvā mokṣaratnaṁ samaśnute.
20. kuladharmapravahaṇam samāruhya narottamaḥ
svargādi dvīpāntaram gatvā mokṣaratnam samaśnute
20. narottamaḥ kuladharmapravahaṇam samāruhya
svargādi dvīpāntaram gatvā mokṣaratnam samaśnute
20. Boarding the ship of the Kula path, the best of men travels to realms such as heaven and attains the precious jewel of liberation.
Go to verse view
दर्शनेषु च सर्वेषु चिराभ्यासेन मानवाः ।
मोक्षं लभन्ते कौले तु सद्य एव न संशयः ॥२१॥
21. darśaneṣu ca sarveṣu cirābhyāsena mānavāḥ ,
mokṣaṁ labhante kaule tu sadya eva na saṁśayaḥ.
21. darśaneṣu ca sarveṣu cirābhyāsena mānavāḥ
mokṣam labhante kaule tu sadyaḥ eva na saṃśayaḥ
21. sarveṣu darśaneṣu ca mānavāḥ cirābhyāsena mokṣam
labhante kaule tu sadyaḥ eva (labhante) saṃśayaḥ na
21. In all other philosophical systems, human beings attain liberation only through long and prolonged practice; but in the Kaula tradition, they attain it instantly - of this there is no doubt.
Go to verse view
बहुनात्र किमुक्तेन शृणु मत्प्राणवल्लभे ।
न कौलसमधर्मोऽस्ति त्वां शपे कुलनायिके ॥२२॥
22. bahunātra kimuktena śṛṇu matprāṇavallabhe ,
na kaulasamadharmo'sti tvāṁ śape kulanāyike.
22. bahunā atra kim uktena śṛṇu matprāṇavallabhe
na kaulasamadharmaḥ asti tvām śape kulanāyike
22. matprāṇavallabhe kulanāyike atra bahunā uktena
kim śṛṇu kaulasamadharmaḥ na asti tvām śape
22. O dearer to me than life, O mistress of Kula, what is the use of saying more here? Listen: there is no path equal to Kaula; I swear this to you!
Go to verse view
योगी चेन्नैव भोगी स्याद्भोगी चेन्नैव योगवित् ।
भोगयोगात्मकं कौलं तस्मात् सर्वाधिकं प्रिये ॥२३॥
23. yogī cennaiva bhogī syādbhogī cennaiva yogavit ,
bhogayogātmakaṁ kaulaṁ tasmāt sarvādhikaṁ priye.
23. yogī cet na eva bhogī syāt bhogī cet na eva yogavit
bhogayogātmakam kaulam tasmāt sarvādhikam priye
23. priye yogī cet bhogī na eva syāt bhogī cet yogavit na
eva (syāt) kaulam bhogayogātmakam tasmāt sarvādhikam
23. O beloved, if one is a yogi, he cannot enjoy worldly pleasures; if one enjoys worldly pleasures, he does not know yoga. The Kaula path, however, embodies both enjoyment and yoga; therefore, it is superior to all.
Go to verse view
भोगो योगायते साक्षात् पातकं सुकृतायते ।
मोक्षायते च संसारः कुलधर्मे कुलेश्वरि ॥२४॥
24. bhogo yogāyate sākṣāt pātakaṁ sukṛtāyate ,
mokṣāyate ca saṁsāraḥ kuladharme kuleśvari.
24. bhogaḥ yogāyate sākṣāt pātakam sukṛtāyate
mokṣāyate ca saṃsāraḥ kuladharme kuleśvari
24. kuleśvari kuladharme bhogaḥ sākṣāt yogāyate
pātakam sukṛtāyate saṃsāraḥ ca mokṣāyate
24. O sovereign goddess of Kula, in the path of Kula, sensory enjoyment directly becomes yoga, sin becomes merit, and worldly existence itself becomes liberation.
Go to verse view
ब्रह्मेन्द्राच्युतरुद्रादिदेवतामुनिपुङ्गवाः ।
कुलधर्मपरा देवि मानुषेषु च का कथा ॥२५॥
25. brahmendrācyutarudrādidevatāmunipuṅgavāḥ ,
kuladharmaparā devi mānuṣeṣu ca kā kathā.
25. brahmendrācyutarudrādidevatāmunipuṅgavāḥ
kuladharmaparāḥ devi mānuṣeṣu ca kā kathā
25. devi brahmendrācyutarudrādidevatāmunipuṅgavāḥ
kuladharmaparāḥ (santi) mānuṣeṣu ca kā kathā
25. O Goddess, Brahmā, Indra, Acyuta (Viṣṇu), Rudra, and other exalted deities and great sages are devoted to the path of Kula; what then need be said of ordinary human beings?
Go to verse view
विहाय सर्वधर्मांश्च नानागुरुमतानि च ।
कुलमेव विजानीयाद्यदीच्चेत् सिद्धिमात्मनः ॥२६॥
26. vihāya sarvadharmāṁśca nānāgurumatāni ca ,
kulameva vijānīyādyadīccet siddhimātmanaḥ.
26. vihāya sarvadharmān ca nānāgurumatāni ca
kulam eva vijānīyāt yadīcchet siddhim ātmanaḥ
26. ātmanaḥ siddhim icchet yadi sarvadharmān ca
nānāgurumatāni ca vihāya kulam eva vijānīyāt
26. If one desires self-realization and spiritual perfection, one should abandon all other paths and the various doctrines of gurus, and devote oneself solely to Kula.
Go to verse view
पूर्वजन्मकृताभ्यासात् कुलज्ञानं प्रकाशते ।
स्वप्नोत्थित प्रत्ययवदुपदेशादिकं विना ॥२७॥
27. pūrvajanmakṛtābhyāsāt kulajñānaṁ prakāśate ,
svapnotthita pratyayavadupadeśādikaṁ vinā.
27. pūrvajanmakṛtābhyāsāt kulajñānam prakāśate
svapnotthitapratyayavat upadeśādikam vinā
27. pūrvajanmakṛtābhyāsāt svapnotthitapratyayavat
upadeśādikam vinā kulajñānam prakāśate
27. Knowledge of Kula dawns spontaneously through practice performed in previous lives, like an awareness arising upon waking from a dream, even without formal instruction or initiation.
Go to verse view
जन्मान्तरसहस्रेषु या बुद्धिवीहिता नृणाम् ।
तामेव लभते जन्तुरुपदेशो निरर्थकः ॥२८॥
28. janmāntarasahasreṣu yā buddhivīhitā nṛṇām ,
tāmeva labhate janturupadeśo nirarthakaḥ.
28. janmāntarasahasreṣu yā buddhivīhitā nṛṇām
tām eva labhate jantuḥ upadeśaḥ nirarthakaḥ
28. nṛṇām janmāntarasahasreṣu yā buddhivīhitā
jantuḥ tām eva labhate upadeśaḥ nirarthakaḥ
28. Whatever understanding or inclination a living being has cultivated across thousands of past lives, that alone does it attain; external instruction without that inner impression is useless.
Go to verse view
शैववैष्णवदौर्गार्कगाणपत्येन्दुसम्भवैः ।
मन्त्रैवीशुद्धचित्तस्य कुलज्ञानं प्रकाशते ॥२९॥
29. śaivavaiṣṇavadaurgārkagāṇapatyendusambhavaiḥ ,
mantraivīśuddhacittasya kulajñānaṁ prakāśate.
29. śaivavaiṣṇavadaurgārkagāṇapatyendusambhavaiḥ
mantraiḥ viśuddhacittasya kulajñānam prakāśate
29. śaivavaiṣṇavadaurgārkagāṇapatyendusambhavaiḥ
mantraiḥ viśuddhacittasya kulajñānam prakāśate
29. In one whose mind has been thoroughly purified by mantras originating from the traditions of Śiva, Viṣṇu, Durgā, Sūrya, Gaṇeśa, and the Moon, knowledge of Kula shines forth.
Go to verse view
सर्वधर्माश्च देवेशि पुनरावर्त्तकाः स्मृताः ।
कुलधर्मस्थिता ये च ते सर्वेऽप्यनिवर्त्तकाः ॥३०॥
30. sarvadharmāśca deveśi punarāvarttakāḥ smṛtāḥ ,
kuladharmasthitā ye ca te sarve'pyanivarttakāḥ.
30. sarvadharmāḥ ca deveśi punarāvartakāḥ smṛtāḥ
kuladharmasthitāḥ ye ca te sarve api anivartakāḥ
30. deveśi sarvadharmāḥ ca punarāvartakāḥ smṛtāḥ ye
ca kuladharmasthitāḥ te sarve api anivartakāḥ
30. O ruler of the gods, all other paths are said to lead back to rebirth, whereas all those who remain established in the Kula path never return to worldly existence.
Go to verse view
पुराकृततपोदानयज्ञतीर्थजपव्रतैः ।
क्षीणांहसां नृणां देवि कुलज्ञानं प्रकाशते ॥३१॥
31. purākṛtatapodānayajñatīrthajapavrataiḥ ,
kṣīṇāṁhasāṁ nṛṇāṁ devi kulajñānaṁ prakāśate.
31. purākṛtatapodānayajñatīrthajapavrataiḥ
kṣīṇāṃhasām nṛṇām devi kulajñānam prakāśate
31. devi purākṛtatapodānayajñatīrthajapavrataiḥ
kṣīṇāṃhasām nṛṇām kulajñānam prakāśate
31. O Goddess, knowledge of Kula manifests in those human beings whose sins have been eradicated by austerity, charity, Vedic rituals, pilgrimage, mantra recitation, and vows performed in former lives.
Go to verse view
त्वमहं देवि कल्याणि यस्य तुष्टावुभावपि ।
देवतागुरुभक्त्या च कुलज्ञानं प्रकाशते ॥३२॥
32. tvamahaṁ devi kalyāṇi yasya tuṣṭāvubhāvapi ,
devatāgurubhaktyā ca kulajñānaṁ prakāśate.
32. tvam aham devi kalyāṇi yasya tuṣṭau ubhau api
devatā-guru-bhaktyā ca kula-jñānam prakāśate
32. devi kalyāṇi tvam aham ubhau api yasya tuṣṭau
devatā-guru-bhaktyā ca kulajñānaṃ prakāśate
32. O auspicious goddess, when both you and I are pleased with someone, and through devotion to the deities and the teacher, the knowledge of the kula (the sacred tradition) shines forth.
Go to verse view
शुद्धचित्तस्य शान्तस्य कमीणो गुरुसेविनः ।
अतिभक्तस्य गुह्यस्य कुलज्ञानं प्रकाशते ॥३३॥
33. śuddhacittasya śāntasya kamīṇo gurusevinaḥ ,
atibhaktasya guhyasya kulajñānaṁ prakāśate.
33. śuddha-cittasya śāntasya karmiṇaḥ guru-sevinaḥ
ati-bhaktasya guhyasya kula-jñānam prakāśate
33. śuddhacittasya śāntasya karmiṇaḥ gurusevinaḥ
atibhaktasya guhyasya kulajñānaṃ prakāśate
33. To one whose mind is pure, who is peaceful, active in righteous duty, devoted to serving the teacher, deeply faithful, and discreet, the knowledge of the kula shines forth.
Go to verse view
श्रीगुरौ कुलशास्त्रेषु कौलिकेषु कुलाश्रये ।
यस्य भक्तिर्दृढा तस्य कुलज्ञानं प्रकाशते ॥३४॥
34. śrīgurau kulaśāstreṣu kaulikeṣu kulāśraye ,
yasya bhaktirdṛḍhā tasya kulajñānaṁ prakāśate.
34. śrī-gurau kula-śāstreṣu kaulikeṣu kula-āśraye
yasya bhaktiḥ dṛḍhā tasya kula-jñānam prakāśate
34. yasya śrīgurau kulaśāstreṣu kaulikeṣu kulāśraye
dṛḍhā bhaktiḥ tasya kulajñānaṃ prakāśate
34. Knowledge of the kula shines forth for the person whose devotion is steadfast toward the revered teacher, the scriptures of the kula, the kaula practitioners, and the sanctuary of the kula.
Go to verse view
श्रद्धा विनयहर्षाद्यैः सदाचारदृढव्रतैः ।
गुर्वाज्ञापालकैर्धर्मैः कुलज्ञानमवाप्यते ॥३५॥
35. śraddhā vinayaharṣādyaiḥ sadācāradṛḍhavrataiḥ ,
gurvājñāpālakairdharmaiḥ kulajñānamavāpyate.
35. śraddhā vinaya-harṣa-ādyaiḥ sat-ācāra-dṛḍha-vrataiḥ
guru-ājñā-pālakaiḥ dharmaiḥ kula-jñānam avāpyate
35. śraddhā-vinaya-harṣa-ādyaiḥ sadācāra-dṛḍha-vrataiḥ
guru-ājñā-pālakaiḥ dharmaiḥ kulajñānam avāpyate
35. Knowledge of the kula is attained through practices characterized by faith, humility, joy, and the like, by firm vows of noble conduct, and by righteous deeds that obey the command of the teacher.
Go to verse view
अनर्हे कुलविज्ञानं न तिष्ठति कदाचन ।
तस्मात् परीक्ष्य वक्तव्यं कुलज्ञानं मयोदितम् ॥३६॥
36. anarhe kulavijñānaṁ na tiṣṭhati kadācana ,
tasmāt parīkṣya vaktavyaṁ kulajñānaṁ mayoditam.
36. anarhe kula-vijñānam na tiṣṭhati kadācana tasmāt
parīkṣya vaktavyam kula-jñānam mayā uditam
36. anarhe kulavijñānaṃ kadācana na tiṣṭhati tasmāt
mayā uditaṃ kulajñānaṃ parīkṣya vaktavyam
36. Sacred wisdom of the kula never abides in an unworthy person. Therefore, only after testing the seeker should this knowledge of the kula declared by me be taught.
Go to verse view
न ब्रूयात् कुलधर्मं तमयोग्ये कुलशासनम् ।
आज्ञाभङ्गञ्च यः कुर्याद्देवताशापमाप्नुयात् ॥३७॥
37. na brūyāt kuladharmaṁ tamayogye kulaśāsanam ,
ājñābhaṅgañca yaḥ kuryāddevatāśāpamāpnuyāt.
37. na brūyāt kula-dharmam tam ayogye kula-śāsanam
ājñā-bhaṅgam ca yaḥ kuryāt devatā-śāpam āpnuyāt
37. ayogye tam kuladharmaṃ kulaśāsanaṃ na brūyāt yaḥ
ca ājñābhaṅgaṃ kuryāt saḥ devatāśāpam āpnuyāt
37. One should not speak that sacred path or doctrine of the kula to an unfit person. Whoever disobeys this injunction will incur the curse of the deities.
Go to verse view
आराध्य समयाचारं कुलज्ञानं वदेद्यदि ।
स गुरुश्चापि शिष्यश्च योगिनीनां भवेत् पशुः ॥३८॥
38. ārādhya samayācāraṁ kulajñānaṁ vadedyadi ,
sa guruścāpi śiṣyaśca yoginīnāṁ bhavet paśuḥ.
38. ārādhya samaya-ācāram kula-jñānam vadet yadi saḥ
guruḥ ca api śiṣyaḥ ca yoginīnām bhavet paśuḥ
38. samayācāram ārādhya yadi kulajñānaṃ vadet saḥ
guruḥ śiṣyaḥ ca api yoginīnām paśuḥ bhavet
38. If a teacher reveals the knowledge of the kula after properly honoring the traditional code of conduct, both that teacher and the disciple become as offered sacrificial victims to the yoginīs (if revealed improperly or without authorization).
Go to verse view
बोधयित्वा गुरुः शिष्यं कुलज्ञानं प्रकाशयेत् ।
लभेते तावुभौ साक्षाद्योगिनीवीरमेलनम् ॥३९॥
39. bodhayitvā guruḥ śiṣyaṁ kulajñānaṁ prakāśayet ,
labhete tāvubhau sākṣādyoginīvīramelanam.
39. bodhayitvā guruḥ śiṣyam kula-jñānam prakāśayet
labhete tau ubhau sākṣāt yoginī-vīra-melanam
39. guruḥ śiṣyaṃ bodhayitvā kulajñānaṃ prakāśayet
tau ubhau sākṣāt yoginīvīramelanaṃ labhete
39. Having properly instructed the disciple, the teacher should reveal the knowledge of the kula. Both of them directly attain communion with the yoginīs and vīras (spiritual heroes).
Go to verse view
अनायासेन संसारसागरं यस्तितीर्षति ।
कुलधर्ममिमं ज्ञात्वा मुच्यते नात्र संशयः ॥४०॥
40. anāyāsena saṁsārasāgaraṁ yastitīrṣati ,
kuladharmamimaṁ jñātvā mucyate nātra saṁśayaḥ.
40. anāyāsena saṃsāra-sāgaram yaḥ titīrṣati
kula-dharmam imam jñātvā mucyate na atra saṃśayaḥ
40. yaḥ saṃsārasāgaraṃ anāyāsena titīrṣati saḥ imam
kuladharmaṃ jñātvā mucyate atra saṃśayaḥ na
40. Whoever desires to cross the ocean of worldly existence effortlessly is liberated upon knowing this path of the kula; of this there is no doubt.
Go to verse view
कुलधर्ममहामार्गगन्ता मुक्तिपुरीं व्रजेत् ।
अचिरान्नात्र सन्देहस्तस्मात् कौलं समाश्रयेत् ॥४१॥
41. kuladharmamahāmārgagantā muktipurīṁ vrajet ,
acirānnātra sandehastasmāt kaulaṁ samāśrayet.
41. kula-dharma-mahā-mārga-gantā mukti-purīm vrajet
acirāt na atra sandehaḥ tasmāt kaulam samāśrayet
41. kuladharmamahāmārgagantā acirāt muktipurīṃ
vrajet atra sandehaḥ na tasmāt kaulaṃ samāśrayet
41. One who travels on the great highway of the kula path goes swiftly to the city of liberation; there is no doubt about this. Therefore, one should take full refuge in the kaula tradition.
Go to verse view
कुलशास्त्रमनादृत्य पशुशास्त्राणि योऽभ्यसेत् ।
स्वगृहे पायसं त्यक्त्वा भिक्षामटति पार्वति ॥४२॥
42. kulaśāstramanādṛtya paśuśāstrāṇi yo'bhyaset ,
svagṛhe pāyasaṁ tyaktvā bhikṣāmaṭati pārvati.
42. kula-śāstram anādṛtya paśu-śāstrāṇi yaḥ abhyaset
sva-gṛhe pāyasam tyaktvā bhikṣām aṭati pārvati
42. pārvati yaḥ kulaśāstram anādṛtya paśuśāstrāṇi
abhyaset saḥ svagṛhe pāyasaṃ tyaktvā bhikṣām aṭati
42. O Pārvatī, whoever disregards the scripture of the kula and studies the teachings of uninitiated bound souls abandons sweet rice pudding in his own home and wanders about begging for alms.
Go to verse view
विहाय कुलधर्म यः परधर्मपरो भवेत् ।
करस्थं रत्नमुत्सृज्य दूरस्थं काचमीहते ॥४३॥
43. vihāya kuladharma yaḥ paradharmaparo bhavet ,
karasthaṁ ratnamutsṛjya dūrasthaṁ kācamīhate.
43. vihāya kula-dharmam yaḥ para-dharma-paraḥ bhavet
kara-stham ratnam utsṛjya dūra-stham kācam īhate
43. yaḥ kuladharmaṃ vihāya paradharmaparaḥ bhavet saḥ
karasthaṃ ratnam utsṛjya dūrasthaṃ kācam īhate
43. Whoever abandons the path of the kula and becomes devoted to another's path throws away a precious jewel in his own hand and longs for distant glass.
Go to verse view
संत्यज्य कुलमन्त्राणि पशुमन्त्राणि यो जपेत् ।
स धान्यराशिमुत्सृज्य पांसुराशिं जिघृक्षति ॥४४॥
44. saṁtyajya kulamantrāṇi paśumantrāṇi yo japet ,
sa dhānyarāśimutsṛjya pāṁsurāśiṁ jighṛkṣati.
44. saṃtyajya kula-mantrāṇi paśu-mantrāṇi yaḥ japet
saḥ dhānya-rāśim utsṛjya pāṃsu-rāśim jighṛkṣati
44. yaḥ kulamantrāṇi saṃtyajya paśumantrāṇi japet
saḥ dhānyarāśim utsṛjya pāṃsurāśiṃ jighṛkṣati
44. Whoever discards the mantras of the kula and recites the mantras of uninitiated bound souls throws away a pile of grain and desires to grasp a pile of dust.
Go to verse view
कुलान्वयं समुत्सृज्य योऽन्यमन्वयमीक्षते ।
तडागादिव तृष्णार्त्तो मृगतृष्णां प्रधावति ॥४५॥
45. kulānvayaṁ samutsṛjya yo'nyamanvayamīkṣate ,
taḍāgādiva tṛṣṇārtto mṛgatṛṣṇāṁ pradhāvati.
45. kula-anvayam samutsṛjya yaḥ anyam anvayam īkṣate
taḍāgāt iva tṛṣṇa-ārtaḥ mṛga-tṛṣṇām pradhāvati
45. yaḥ kulānvayaṃ samutsṛjya anyam anvayam īkṣate
saḥ tṛṣṇārtaḥ taḍāgāt iva mṛgatṛṣṇāṃ pradhāvati
45. Whoever abandons the spiritual lineage of the kula and seeks another lineage, tormented by thirst, runs away from a lake toward a mirage.
Go to verse view
यथेन्द्राजालजा मायाः क्षणमेव सुखावहाः ।
श्रीकौलादन्यसमयास्तादृशाः कुलनायिके ॥४६॥
46. yathendrājālajā māyāḥ kṣaṇameva sukhāvahāḥ ,
śrīkaulādanyasamayāstādṛśāḥ kulanāyike.
46. yathā indrajāla-jāḥ māyāḥ kṣaṇam eva sukha-āvahāḥ
śrī-kaulāt anya-samayāḥ tādṛśāḥ kula-nāyike
46. kulanāyike yathā indrajālajāḥ māyāḥ kṣaṇam
eva sukhāvahāḥ śrīkaulāt anyasamayāḥ tādṛśāḥ
46. O mistress of the kula, just as magical illusions born of jugglery bring pleasure for only a fleeting moment, so too are all other doctrines when compared to the glorious kaula path.
Go to verse view
कुलधर्ममजानन् यः संसारान्मोक्षमिच्चति ।
पारावारमपारं स पाणिभ्यां तर्त्तुमिच्चति ॥४७॥
47. kuladharmamajānan yaḥ saṁsārānmokṣamiccati ,
pārāvāramapāraṁ sa pāṇibhyāṁ tarttumiccati.
47. kula-dharmam ajānan yaḥ saṃsārāt mokṣam icchati
pārāvāram apāram saḥ pāṇibhyām tartum icchati
47. yaḥ kuladharmaṃ ajānan saṃsārāt mokṣam icchati
saḥ apāraṃ pārāvāraṃ pāṇibhyām tartum icchati
47. Whoever, without knowing the path of the kula, desires liberation from worldly existence is trying to swim across the shoreless ocean with his bare hands.
Go to verse view
यो वान्यदर्शनेभ्यश्च भुक्तिं मुक्तिञ्च काङ्क्षति ।
स्वप्नलब्धधनेनैव धनवान् स भवेत्तदा ॥४८॥
48. yo vānyadarśanebhyaśca bhuktiṁ muktiñca kāṅkṣati ,
svapnalabdhadhanenaiva dhanavān sa bhavettadā.
48. yaḥ vā anyadarśanebhyaḥ ca bhuktiṃ muktiṃ ca kāṅkṣati
svapnalabdhadhanena eva dhanavān saḥ bhavet tadā
48. yaḥ vā anyadarśanebhyaḥ ca bhuktiṃ muktiṃ ca kāṅkṣati
saḥ tadā svapnalabdhadhanena eva dhanavān bhavet
48. Whoever seeks enjoyment and liberation through other philosophical systems will become rich only as someone who gains wealth in a dream.
Go to verse view
शुक्तौ रजतविभ्रान्तिर्यथा जायेत पार्वति ।
तथान्यसमयेभ्यश्च भुक्तिर्मुक्तिः प्रकाशते ॥४९॥
49. śuktau rajatavibhrāntiryathā jāyeta pārvati ,
tathānyasamayebhyaśca bhuktirmuktiḥ prakāśate.
49. śuktau rajatavibhrāntiḥ yathā jāyeta pārvati
tathā anyasamayebhyaḥ ca bhuktiḥ muktiḥ prakāśate
49. pārvati yathā śuktau rajatavibhrāntiḥ jāyeta
tathā anyasamayebhyaḥ ca bhuktiḥ muktiḥ prakāśate
49. O Pārvatī, just as a delusion of silver appears in mother-of-pearl, so enjoyment and liberation falsely appear in other doctrines.
Go to verse view
सर्वकर्मविहीनोऽपि वर्णाश्रमविवजीतः ।
कुलनिष्ठः कुलेशानि भुक्तिमुक्त्योः स भाजनम् ॥५०॥
50. sarvakarmavihīno'pi varṇāśramavivajītaḥ ,
kulaniṣṭhaḥ kuleśāni bhuktimuktyoḥ sa bhājanam.
50. sarvakarmavihīnaḥ api varṇāśramavivarjitaḥ
kulaniṣṭhaḥ kuleśāni bhuktimuktyoḥ saḥ bhājanam
50. kuleśāni sarvakarmavihīnaḥ api varṇāśramavivarjitaḥ
kulaniṣṭhaḥ saḥ bhuktimuktyoḥ bhājanam
50. O queen of the kula path, even if a person is devoid of all rituals and stands outside the rules of social class and stage of life (varṇāśrama), if he is firm in the kula tradition, he becomes worthy of both enjoyment and liberation.
Go to verse view
कुलज्ञानविहीनोऽपि कुलभक्त्याश्रयो भवेत् ।
सोऽपि सद्गतिमाप्नोति किमुतास्य परायणः ॥५१॥
51. kulajñānavihīno'pi kulabhaktyāśrayo bhavet ,
so'pi sadgatimāpnoti kimutāsya parāyaṇaḥ.
51. kulajñānavihīnaḥ api kulabhaktyāśrayaḥ bhavet
saḥ api sadgatim āpnoti kim uta asya parāyaṇaḥ
51. kulajñānavihīnaḥ api kulabhaktyāśrayaḥ bhavet
saḥ api sadgatim āpnoti kim uta asya parāyaṇaḥ
51. Even one who lacks knowledge of the kula teachings, if he takes refuge in devotion to the kula path, attains the good destination (liberation). How much more so then for one who is entirely devoted to it!
Go to verse view
कुलधर्मो हतो हन्ति रक्षितो रक्षति प्रिये ।
पूजितः पूजयत्याशु तस्मात्तं न परित्यजेत् ॥५२॥
52. kuladharmo hato hanti rakṣito rakṣati priye ,
pūjitaḥ pūjayatyāśu tasmāttaṁ na parityajet.
52. kuladharmaḥ hataḥ hanti rakṣitaḥ rakṣati priye
pūjitaḥ pūjayati āśu tasmāt tam na parityajet
52. priye hataḥ kuladharmaḥ hanti rakṣitaḥ rakṣati
pūjitaḥ āśu pūjayati tasmāt tam na parityajet
52. O beloved, the sacred kula path, when violated, destroys; when protected, it protects; and when honored, it quickly honors (its follower). Therefore, one should never abandon it.
Go to verse view
निन्दन्तु बान्धवाः सर्वे त्यजन्तु स्त्रीसुतादायः ।
जना हसन्तु मां दृष्ट्वा राजानो दण्डयन्तु वा ॥५३॥
53. nindantu bāndhavāḥ sarve tyajantu strīsutādāyaḥ ,
janā hasantu māṁ dṛṣṭvā rājāno daṇḍayantu vā.
53. nindantu bāndhavāḥ sarve tyajantu strīsutādayaḥ
janāḥ hasantu mām dṛṣṭvā rājānaḥ daṇḍayantu vā
53. sarve bāndhavāḥ nindantu strīsutādayaḥ tyajantu
janāḥ mām dṛṣṭvā hasantu rājānaḥ vā daṇḍayantu
53. Let all my relatives criticize me; let my wife, sons, and others desert me; let people laugh upon seeing me; or let kings punish me -
Go to verse view
सेवे सेवे पुनःसेवे त्वामेव परदेवते ।
त्वद्धर्म नैव मुञ्चामि मनोवाक्कायकर्मभिः ॥५४॥
54. seve seve punaḥseve tvāmeva paradevate ,
tvaddharma naiva muñcāmi manovākkāyakarmabhiḥ.
54. seve seve punaḥ seve tvām eva paradevate
tvaddharmam na eva muñcāmi manovākkāyakarmabhiḥ
54. paradevate tvām eva seve seve punaḥ seve
manovākkāyakarmabhiḥ tvaddharmam na eva muñcāmi
54. (yet) O supreme deity, I serve, serve, and repeatedly serve only you! I will never abandon your path with mind, speech, body, or actions.
Go to verse view
एवमापद्गतस्यापि यस्य भक्तिः सुनिश्चला ।
स तु सम्पूज्यते देवैरमुत्र स शिवो भवेत् ॥५५॥
55. evamāpadgatasyāpi yasya bhaktiḥ suniścalā ,
sa tu sampūjyate devairamutra sa śivo bhavet.
55. evam āpadgatasya api yasya bhaktiḥ suniścalā
saḥ tu sampūjyate devaiḥ amutra saḥ śivaḥ bhavet
55. evam āpadgatasya api yasya bhaktiḥ suniścalā
saḥ tu devaiḥ sampūjyate amutra saḥ śivaḥ bhavet
55. The person whose devotion remains completely unwavering even when fallen into such adversity is revered by the gods, and in the next world he becomes Śiva himself.
Go to verse view
रोगदारिद्र्यदुःखाद्यैः पीडितोऽप्यनिशं शिवे ।
यस्त्वामुपास्ते भक्त्या स नरः सद्गतिमाप्नुयात् ॥५६॥
56. rogadāridryaduḥkhādyaiḥ pīḍito'pyaniśaṁ śive ,
yastvāmupāste bhaktyā sa naraḥ sadgatimāpnuyāt.
56. rogadāridryaduḥkhādyaiḥ pīḍitaḥ api aniśam śive
yaḥ tvām upāste bhaktyā saḥ naraḥ sadgatim āpnuyāt
56. śive rogadāridryaduḥkhādyaiḥ pīḍitaḥ api yaḥ naraḥ
aniśam bhaktyā tvām upāste saḥ sadgatim āpnuyāt
56. O Śivā, even if a person is constantly afflicted by diseases, poverty, and sufferings, if he worships you with devotion, he will attain the supreme state.
Go to verse view
जनाः स्तुवन्तु निन्दन्तु लक्ष्मीर्गच्चतु तिष्ठतु ।
मृतिरद्य युगान्ते वा कुलं नैव परित्यजेत् ॥५७॥
57. janāḥ stuvantu nindantu lakṣmīrgaccatu tiṣṭhatu ,
mṛtiradya yugānte vā kulaṁ naiva parityajet.
57. janāḥ stuvantu nindantu lakṣmīḥ gacchatu tiṣṭhatu
mṛtiḥ adya yugānte vā kulam na eva parityajet
57. janāḥ stuvantu nindantu lakṣmīḥ gacchatu tiṣṭhatu
mṛtiḥ adya yugānte vā (bhavatu) kulam na eva parityajet
57. Let people praise or criticize; let wealth leave or stay; let death come today or at the end of an eon; one should never abandon the kula path.
Go to verse view
नापि लोभान्न च क्रोधान्न द्वेषान्न च मत्सरात् ।
न कामन्न भयाद्वापि कुलधर्मं परित्यजेत् ॥५८॥
58. nāpi lobhānna ca krodhānna dveṣānna ca matsarāt ,
na kāmanna bhayādvāpi kuladharmaṁ parityajet.
58. na api lobhāt na ca krodhāt na dveṣāt na ca matsarāt
na kāmāt na bhayāt vā api kuladharmam parityajet
58. lobhāt na krodhāt ca na dveṣāt na matsarāt ca na
kāmāt na bhayāt vā api na kuladharmam parityajet
58. Neither out of greed, nor anger, nor hatred, nor envy, nor desire, nor fear should one ever abandon the sacred kula path.
Go to verse view
यो जन्तुर्नार्चयेत्त्वान्तु कुलधर्मसमाश्रितः ।
क्लिश्यते जातमात्रेण भूतारिणात्मशत्रुणा ॥५९॥
59. yo janturnārcayettvāntu kuladharmasamāśritaḥ ,
kliśyate jātamātreṇa bhūtāriṇātmaśatruṇā.
59. yaḥ jantuḥ na arcayet tvām tu kuladharmasamāśritaḥ
kliśyate jātamātreṇa bhūtāriṇā ātmaśatruṇā
59. kuladharmasamāśritaḥ yaḥ jantuḥ tvām tu na arcayet
saḥ ātmaśatruṇā bhūtāriṇā jātamātreṇa kliśyate
59. Any creature who resorts to the kula path but does not worship you suffers from the moment of birth through his own self-created enemy, which is an enemy to all beings.
Go to verse view
पुलाका इव धान्येषु पतंगा इव जन्तुषु ।
बुद्बुदा इव तोयेषु ये कौलविमुखा हि ते ॥६०॥
60. pulākā iva dhānyeṣu pataṁgā iva jantuṣu ,
budbudā iva toyeṣu ye kaulavimukhā hi te.
60. pulākāḥ iva dhānyeṣu pataṅgāḥ iva jantuṣu
budbudāḥ iva toyeṣu ye kaulavimukhāḥ hi te
60. ye kaulavimukhāḥ te hi dhānyeṣu pulākāḥ iva
jantuṣu pataṅgāḥ iva toyeṣu budbudāḥ iva
60. Those who turn away from the Kaula path are like empty chaff among grains, like moths among living creatures, and like ephemeral bubbles upon the water.
Go to verse view
तरवोऽपि हि जीवन्ति जीवन्ति मृगपक्षिणः ।
स जीवति मनो यस्य कुलधर्मे व्यवस्थितम् ॥६१॥
61. taravo'pi hi jīvanti jīvanti mṛgapakṣiṇaḥ ,
sa jīvati mano yasya kuladharme vyavasthitam.
61. taravaḥ api hi jīvanti jīvanti mṛgapakṣiṇaḥ
saḥ jīvati manaḥ yasya kuladharme vyavasthitam
61. taravaḥ api hi jīvanti mṛgapakṣiṇaḥ jīvanti
saḥ jīvati yasya manaḥ kuladharme vyavasthitam
61. Even trees live, and beasts and birds live; but he truly lives whose mind is firmly established in the sacred kula path.
Go to verse view
कुलधर्मविहीनस्य दिनान्यायान्ति यान्ति च ।
स लोहकारभस्रेवश्वसन्नपि न जीवति ॥६२॥
62. kuladharmavihīnasya dinānyāyānti yānti ca ,
sa lohakārabhasrevaśvasannapi na jīvati.
62. kuladharmavihīnasya dināni āyānti yānti ca
saḥ lohakārabhastrā iva śvasan api na jīvati
62. kuladharmavihīnasya dināni āyānti yānti ca
saḥ lohakārabhastrā iva śvasan api na jīvati
62. For a person devoid of the kula path, days come and go; though he breathes like a blacksmith's bellows, he does not truly live.
Go to verse view
गच्चतस्तिष्ठतो वापि जाग्रतः स्वपतोऽपि वा ।
कुलेश्वरि कुलाज्ञस्य तत् पशोरिव जीवितम् ॥६३॥
63. gaccatastiṣṭhato vāpi jāgrataḥ svapato'pi vā ,
kuleśvari kulājñasya tat paśoriva jīvitam.
63. gacchataḥ tiṣṭhataḥ vā api jāgrataḥ svapataḥ api
vā kuleśvari kulājñasya tat paśoḥ iva jīvitam
63. kuleśvari gacchataḥ tiṣṭhataḥ vā api jāgrataḥ
svapataḥ api vā kulājñasya tat jīvitam paśoḥ iva
63. O ruler of the kula, whether walking or standing, awake or sleeping, the life of one who is ignorant of the kula tradition is just like that of an animal.
Go to verse view
विद्वानपि च मूर्खोऽसौ धामीको वाप्यधामीकः ।
व्रतस्थोऽप्यव्रतस्थो वा यः कौलविमुखो जनः ॥६४॥
64. vidvānapi ca mūrkho'sau dhāmīko vāpyadhāmīkaḥ ,
vratastho'pyavratastho vā yaḥ kaulavimukho janaḥ.
64. vidvān api ca mūrkhaḥ asau dhārmikaḥ vā api adhārmikaḥ
vratasthaḥ api avratasthaḥ vā yaḥ kaulavimukhaḥ janaḥ
64. yaḥ janaḥ kaulavimukhaḥ asau vidvān api mūrkhaḥ ca
dhārmikaḥ vā api adhārmikaḥ vratasthaḥ api avratasthaḥ vā
64. Any person who turns away from the Kaula path is a fool, whether he is learned or unlearned, righteous or unrighteous, and whether he observes vows or not.
Go to verse view
जातास्त एव जगति जन्तवः साधु जीविनः ।
कुलधर्मपरा देवि शेषाश्च द्वारगर्दभाः ॥६५॥
65. jātāsta eva jagati jantavaḥ sādhu jīvinaḥ ,
kuladharmaparā devi śeṣāśca dvāragardabhāḥ.
65. jātāḥ te eva jagati jantavaḥ sādhu jīvinaḥ
kuladharmaparāḥ devi śeṣāḥ ca dvāragardabhāḥ
65. devi te eva jantavaḥ jagati jātāḥ sādhu jīvinaḥ
(ye) kuladharmaparāḥ śeṣāḥ ca dvāragardabhāḥ
65. O goddess, only those beings born in this world are truly living well who are devoted to the path of Kula; all the rest are merely donkeys at the gate.
Go to verse view
स पुमानुच्यते सद्भिः कुलधर्मपरायणः ।
अपरस्तु परं सत्यमस्थिकूटत्वचावृतः ॥६६॥
66. sa pumānucyate sadbhiḥ kuladharmaparāyaṇaḥ ,
aparastu paraṁ satyamasthikūṭatvacāvṛtaḥ.
66. saḥ pumān ucyate sadbhiḥ kuladharmaparāyaṇaḥ
aparaḥ tu param satyam asthikūṭatvacāvṛtaḥ
66. kuladharmaparāyaṇaḥ saḥ pumān sadbhiḥ pumān
ucyate aparaḥ tu param satyam asthikūṭatvacāvṛtaḥ
66. Only a man who is devoted to the path of Kula is called a true man by the wise. Anyone else, in ultimate truth, is merely a heap of bones covered in skin.
Go to verse view
चतुर्वेदी कुलाज्ञानी श्वपचादधमः प्रिये ।
श्वपचोऽपि कुलज्ञानी ब्राह्मणादतिरिच्यते ॥६७॥
67. caturvedī kulājñānī śvapacādadhamaḥ priye ,
śvapaco'pi kulajñānī brāhmaṇādatiricyate.
67. caturvedī kulājñānī śvapacāt adhamaḥ priye
śvapacaḥ api kulajñānī brāhmaṇāt atiricyate
67. priye caturvedī kulājñānī śvapacāt adhamaḥ
kulajñānī śvapacaḥ api brāhmaṇāt atiricyate
67. O dear one, a scholar of the four Vedas who lacks the knowledge of Kula is lower than an outcast. But even an outcast who possesses the knowledge of Kula is far superior to a brahmin.
Go to verse view
गुरुकारुण्ययुक्तस्तु दीक्षानिर्धूतपातकः ।
कुलपूजारतो देवि सोऽयं कौलो न चेतरेः ॥६८॥
68. gurukāruṇyayuktastu dīkṣānirdhūtapātakaḥ ,
kulapūjārato devi so'yaṁ kaulo na cetareḥ.
68. gurukāruṇyayuktaḥ tu dīkṣānirdhūtapātakaḥ
kulapūjārataḥ devi saḥ ayam kaulaḥ na ca itaraḥ
68. devi saḥ ayam gurukāruṇyayuktaḥ dīkṣānirdhūtapātakaḥ
kulapūjārataḥ tu kaulaḥ (asti) itaraḥ ca na
68. O goddess, only he who is endowed with the grace of the guru, whose sins are washed away by initiation, and who is engaged in the worship of Kula, is a true Kaula - no one else.
Go to verse view
यः कौलिकः कुलज्ञानं न पश्यति न विन्दति ।
न पूजयति धिक् तस्य तत् काकस्येव जीवितम् ॥६९॥
69. yaḥ kaulikaḥ kulajñānaṁ na paśyati na vindati ,
na pūjayati dhik tasya tat kākasyeva jīvitam.
69. yaḥ kaulikaḥ kulajñānam na paśyati na vindati
na pūjayati dhik tasya tat kākasya iva jīvitam
69. yaḥ kaulikaḥ kulajñānam na paśyati na vindati
na pūjayati tasya tat kākasya iva jīvitam dhik
69. Shame on the life of that practitioner who, calling himself a Kaula, does not behold, attain, or honor the gyāna (knowledge) of Kula; his life is no better than that of a crow.
Go to verse view
ते धन्याः पुण्यकर्माणस्ते सन्तस्ते च योगिनः ।
येषां भाग्यवशाद्देवि कुलज्ञानं प्रकाशते ॥७०॥
70. te dhanyāḥ puṇyakarmāṇaste santaste ca yoginaḥ ,
yeṣāṁ bhāgyavaśāddevi kulajñānaṁ prakāśate.
70. te dhanyāḥ puṇyakarmāṇaḥ te santaḥ te ca yoginaḥ
yeṣām bhāgyavaśāt devi kulajñānam prakāśate
70. devi yeṣām bhāgyavaśāt kulajñānam prakāśate te
dhanyāḥ te puṇyakarmāṇaḥ te santaḥ te ca yoginaḥ
70. O goddess, blessed are they, virtuous are their deeds, saintly are they, and true yogis are they in whose hearts the gyāna (knowledge) of Kula shines forth through good fortune.
Go to verse view
ते वन्द्यास्ते महात्मानः कृतार्थस्ते नरोत्तमाः ।
येषामुत्पद्यते चित्ते कुलज्ञानं मयोदितम् ॥७१॥
71. te vandyāste mahātmānaḥ kṛtārthaste narottamāḥ ,
yeṣāmutpadyate citte kulajñānaṁ mayoditam.
71. te vandyāḥ te mahātmānaḥ kṛtārthāḥ te narottamāḥ
yeṣām utpadyate citte kulajñānam mayā uditam
71. yeṣām citte mayā uditam kulajñānam utpadyate te
vandyāḥ te mahātmānaḥ te kṛtārthāḥ narottamāḥ
71. Those in whose minds arises the gyāna (knowledge) of Kula revealed by me are worthy of worship, noble souls, fulfilled, and the best among men.
Go to verse view
सर्वप्रकाशगमनं सर्वतीर्थावगाहनम् ।
यत् सर्वयज्ञाचरणं कुलधर्मप्रवेशनम् ॥७२॥
72. sarvaprakāśagamanaṁ sarvatīrthāvagāhanam ,
yat sarvayajñācaraṇaṁ kuladharmapraveśanam.
72. sarvaprakāśagamanam sarvatīrthāvagāhanam
yat sarvayajñācaraṇam kuladharmapraveśanam
72. yat kuladharmapraveśanam (tat) sarvaprakāśagamanam
sarvatīrthāvagāhanam sarvayajñācaraṇam (bhavati)
72. Entering into the path of Kula encompasses journeying toward all light, bathing in all sacred waters, and performing all yagyas (Vedic rituals).
Go to verse view
प्रविशन्ति कुलं धर्म ये वै सुकृतिनो नराः ।
ते पुनर्जननीगर्भ न विशन्ति कदाचन ॥७३॥
73. praviśanti kulaṁ dharma ye vai sukṛtino narāḥ ,
te punarjananīgarbha na viśanti kadācana.
73. praviśanti kuladharmam ye vai sukṛtinaḥ narāḥ
te punaḥ jananīgarbham na viśanti kadācana
73. ye vai sukṛtinaḥ narāḥ kuladharmam praviśanti
te punaḥ kadācana jananīgarbham na viśanti
73. Those virtuous people who enter upon the path of Kula never enter a mother's womb again.
Go to verse view
प्रसङ्गेनापि यः कश्चित् कुलं कुलमितीरयेत् ।
कुल तत् पावनं देवि भवति त्वदनुग्रहात् ।
कुलज्ञानस्य कुलेशानि नान्यधर्मैः प्रयोजनम् ॥७४॥
74. prasaṅgenāpi yaḥ kaścit kulaṁ kulamitīrayet ,
kula tat pāvanaṁ devi bhavati tvadanugrahāt ,
kulajñānasya kuleśāni nānyadharmaiḥ prayojanam.
74. prasaṅgena api yaḥ kaścit kulam kulam
iti īrayet kulam tat pāvanam devi
bhavati tvadanugrahāt kulajñānasya
kuleśāni na anyadharmaiḥ prayojanam
74. devi yaḥ kaścit prasaṅgena api kulam
kulam iti īrayet tat kulam
tvadanugrahāt pāvanam bhavati kuleśāni
kulajñānasya anyadharmaiḥ prayojanam na
74. O goddess, if someone even casually utters Kula, Kula, that lineage becomes purified through your grace. O mistress of Kula, for one who possesses the gyāna (knowledge) of Kula, there is no need for any other spiritual paths.
Go to verse view
कुलेशि कुलनिष्ठानां कौलिकानां महात्मनाम् ।
ददामि परमं ज्ञानं चान्तकाले न संशयः ॥७५॥
75. kuleśi kulaniṣṭhānāṁ kaulikānāṁ mahātmanām ,
dadāmi paramaṁ jñānaṁ cāntakāle na saṁśayaḥ.
75. kuleśi kulaniṣṭhānām kaulikānām mahātmanām
dadāmi paramam jñānam ca antakāle na saṃśayaḥ
75. kuleśi (ahaṃ) kulaniṣṭhānām mahātmanām kaulikānām
antakāle paramam jñānam dadāmi ca saṃśayaḥ na (asti)
75. O ruler of Kula, at the end of life I bestow supreme gyāna (knowledge) upon the noble practitioners who are devoted to Kula, without a doubt.
Go to verse view
चिरायासाल्पफलदं काङ्क्षते समयं जनाः ।
सुखेन सर्वफलदं कुलं कोऽपि त्यजत्यहो ॥७६॥
76. cirāyāsālpaphaladaṁ kāṅkṣate samayaṁ janāḥ ,
sukhena sarvaphaladaṁ kulaṁ ko'pi tyajatyaho.
76. cirāyāsālpaphaladam kāṅkṣate samayam janāḥ
sukhena sarvaphaladam kulam kaḥ api tyajati aho
76. janāḥ cirāyāsālpaphaladam samayam kāṅkṣate (tu)
sukhena sarvaphaladam kulam kaḥ api tyajati aho
76. Alas, people long for traditional doctrines that yield small fruit after long toil, yet someone abandons the path of Kula which easily bestows all fruits!
Go to verse view
कुलज्ञो हि च सर्वज्ञो वेदशास्त्रोज्झितोऽपि वा ।
वेदशास्त्रागमज्ञोऽपि कुलाज्ञस्त्वज्ञ एव हि ॥७७॥
77. kulajño hi ca sarvajño vedaśāstrojjhito'pi vā ,
vedaśāstrāgamajño'pi kulājñastvajña eva hi.
77. kulajñaḥ hi ca sarvajñaḥ vedaśāstrojjhitaḥ api vā
vedaśāstrāgamajñaḥ api kulājñaḥ tu ajñaḥ eva hi
77. vedaśāstrojjhitaḥ api vā kulajñaḥ hi ca sarvajñaḥ
(bhavati) vedaśāstrāgamajñaḥ api kulājñaḥ tu ajñaḥ eva hi
77. One who knows Kula is all-knowing, even if devoid of knowledge of the Vedas and scriptures. But one who is ignorant of Kula, even if versed in the Vedas, scriptures, and Agamas, is indeed truly ignorant.
Go to verse view
जानन्ति कुलमाहात्म्यं त्वद्भक्ता एव नापरे ।
चकोरा एव जानन्ति नान्ये चन्द्रगतां रुचिम् ॥७८॥
78. jānanti kulamāhātmyaṁ tvadbhaktā eva nāpare ,
cakorā eva jānanti nānye candragatāṁ rucim.
78. jānanti kulamāhātmyam tvadbhaktāḥ eva na apare
cakorāḥ eva jānanti na anye candragatām rucim
78. tvadbhaktāḥ eva kulamāhātmyam jānanti apare na
cakorāḥ eva candragatām rucim jānanti anye na
78. Only your devotees comprehend the greatness of Kula, no one else - just as only the cakora birds appreciate the splendor of the moon, and no others.
Go to verse view
कुलज्ञा एव तुष्यन्ति श्रुत्वा कुलकथां प्रिये ।
स्वल्पा नद्यो विवर्द्धन्ते ज्योत्स्नया किं समुद्रवत् ॥७९॥
79. kulajñā eva tuṣyanti śrutvā kulakathāṁ priye ,
svalpā nadyo vivarddhante jyotsnayā kiṁ samudravat.
79. kulajñāḥ eva tuṣyanti śrutvā kulakathām priye
svalpāḥ nadyaḥ vivardhante jyotsnayā kim samudravat
79. priye kulajñāḥ eva kulakathām śrutvā tuṣyanti
svalpāḥ nadyaḥ jyotsnayā vivardhante kim samudravat
79. O dear one, only those who know Kula rejoice upon hearing discourse on Kula. Do small rivers swell with the moonlight, as the ocean does?
Go to verse view
नान्यधर्ममवेक्षन्ते कौलिकाः सारवेदिनः ।
भृङ्गाः पुष्पान्तरं लुब्धा मन्दारामोदसेविनः ॥८०॥
80. nānyadharmamavekṣante kaulikāḥ sāravedinaḥ ,
bhṛṅgāḥ puṣpāntaraṁ lubdhā mandārāmodasevinaḥ.
80. na anyadharmam avekṣante kaulikāḥ sāravedinaḥ
bhṛṅgāḥ puṣpāntaram lubdhāḥ mandārāmodasevinaḥ
80. sāravedinaḥ kaulikāḥ anyadharmam na avekṣante,
mandārāmodasevinaḥ bhṛṅgāḥ puṣpāntaram lubdhāḥ (na bhavanti).
80. Kaulas who know the true essence do not pay attention to any other path, just as bees that enjoy the fragrance of the mandāra flower do not covet any other flower.
Go to verse view
मानयन्ते हि सारज्ञाः कुलधर्म न चेतरे ।
शिवः शिरसि धत्तेऽब्जं सैंहिकेया गिलत्यहो ॥८१॥
81. mānayante hi sārajñāḥ kuladharma na cetare ,
śivaḥ śirasi dhatte'bjaṁ saiṁhikeyā gilatyaho.
81. mānayante hi sārajñāḥ kuladharmam na ca itare
śivaḥ śirasi dhatte abjam saiṃhikeyaḥ gilati aho
81. sārajñāḥ hi kuladharmam mānayante,
itare ca na; śivaḥ śirasi abjam dhatte,
saiṃhikeyaḥ gilati,
aho.
81. Those who know the essence respect the Kaula path, but others do not. Lord Śiva wears the moon on his head, while Rāhu swallows it!
Go to verse view
अभिज्ञा एव जानन्ति नाभिज्ञाः कुलर्दशनम् ।
जलमिश्रपयःपानं बकः किं वेत्ति हंसवत् ॥८२॥
82. abhijñā eva jānanti nābhijñāḥ kulardaśanam ,
jalamiśrapayaḥpānaṁ bakaḥ kiṁ vetti haṁsavat.
82. abhijñāḥ eva jānanti na anabhijñāḥ kuladarśanam
jalamiśrapayaḥpānam bakaḥ kim vetti haṃsavat
82. abhijñāḥ eva kuladarśanam jānanti,
anabhijñāḥ na; bakaḥ haṃsavat jalamiśrapayaḥpānam kim vetti?
82. Only those who are knowledgeable truly understand the Kaula vision, not the ignorant. How could a heron know how to separate and drink milk mixed with water like a swan?
Go to verse view
शिवशक्तिमयो लोको लोके कौलं प्रतिष्ठितम् ।
तस्मात् सर्वाधिकं कौलं सर्वसाधारणं कथम् ॥८३॥
83. śivaśaktimayo loko loke kaulaṁ pratiṣṭhitam ,
tasmāt sarvādhikaṁ kaulaṁ sarvasādhāraṇaṁ katham.
83. śivaśaktimayaḥ lokaḥ loke kaulam pratiṣṭhitam
tasmāt sarvādhikam kaulam sarvasādhāraṇam katham
83. lokaḥ śivaśaktimayaḥ,
kaulam loke pratiṣṭhitam; tasmāt kaulam sarvādhikam,
sarvasādhāraṇam katham?
83. The entire universe consists of Śiva and Śakti, and the Kaula path is established within this world. Therefore, the Kaula path is superior to all, so how could it be common to everyone?
Go to verse view
षड्दर्शनानि मेऽङ्गानि पादो कुक्षिः करौ शिरः ।
तेषु भेदन्तु यः कुर्यान्ममाङ्गं च्चेदयेत्तु सः ॥८४॥
84. ṣaḍdarśanāni me'ṅgāni pādo kukṣiḥ karau śiraḥ ,
teṣu bhedantu yaḥ kuryānmamāṅgaṁ ccedayettu saḥ.
84. ṣaḍdarśanāni me aṅgāni pādau kukṣiḥ karau śiraḥ teṣu
bhedam tu yaḥ kuryāt mama aṅgam chedayet tu saḥ
84. ṣaḍdarśanāni me aṅgāni - pādau kukṣiḥ karau śiraḥ; yaḥ tu teṣu bhedam kuryāt,
saḥ tu mama aṅgam chedayet.
84. The six systems of philosophy are my limbs - my feet, abdomen, hands, and head. Whoever creates division among them cuts off my own body parts.
Go to verse view
एतान्येव कुलस्यापि षडङ्गानि भवन्ति हि ।
तस्माद्वेदात्मकं शास्त्रं विद्धि कौलात्मकं प्रिये ॥८५॥
85. etānyeva kulasyāpi ṣaḍaṅgāni bhavanti hi ,
tasmādvedātmakaṁ śāstraṁ viddhi kaulātmakaṁ priye.
85. etāni eva kulasya api ṣaḍaṅgāni bhavanti hi tasmāt
vedātmakam śāstram viddhi kaulātmakam priye
85. etāni eva kulasya api ṣaḍaṅgāni bhavanti hi; tasmāt,
priye,
vedātmakam śāstram kaulātmakam viddhi.
85. Indeed, these six systems are also the six limbs of the Kaula path. Therefore, O beloved, know that the scripture whose soul is the Veda is identical with the Kaula tradition.
Go to verse view
दर्शनेष्वखिलेष्वेव फलदं चैकदैवतम् ।
भुक्तिमुक्तिप्रदं नृणां कुलेऽस्मिन् दैवतं प्रिये ॥८६॥
86. darśaneṣvakhileṣveva phaladaṁ caikadaivatam ,
bhuktimuktipradaṁ nṛṇāṁ kule'smin daivataṁ priye.
86. darśaneṣu akhileṣu eva phaladam ca ekadaivatam
bhuktimuktipradam nṛṇām kule asmin daivatam priye
86. akhileṣu eva darśaneṣu eka-daivatam ca phaladam,
(kintu) priye,
asmin kule daivatam nṛṇām bhukti-mukti-pradam.
86. In all the systems of philosophy, the single deity bestows fruit; but in this Kaula tradition, O beloved, the deity bestows both worldly enjoyment and liberation to human beings.
Go to verse view
लोकधर्मविरुद्धञ्च सिद्धयोगीश्वरि प्रिये ।
कुलं प्रमाणतां याति प्रत्यक्षफलदं यतः ॥८७॥
87. lokadharmaviruddhañca siddhayogīśvari priye ,
kulaṁ pramāṇatāṁ yāti pratyakṣaphaladaṁ yataḥ.
87. lokadharmaviruddham ca siddhayogīśvari priye
kulam pramāṇatām yāti pratyakṣaphaladam yataḥ
87. siddhayogīśvari priye,
lokadharmaviruddham ca kulaṃ pramāṇatām yāti,
yataḥ pratyakṣaphaladam (bhavati).
87. O beloved ruler of the perfected yoginīs, even though the Kaula path may seem contrary to worldly conventions, it attains authority because it yields direct, observable results.
Go to verse view
प्रत्यक्षञ्च प्रमाणाय सर्वेषां प्राणिनां प्रिये ।
उपलब्धिबलात्तस्य हताः सर्वे कुताकीकाः ॥८८॥
88. pratyakṣañca pramāṇāya sarveṣāṁ prāṇināṁ priye ,
upalabdhibalāttasya hatāḥ sarve kutākīkāḥ.
88. pratyakṣam ca pramāṇāya sarveṣām prāṇinām priye
uplabdhibalāt tasya hatāḥ sarve kutārkikāḥ
88. priye,
pratyakṣam ca sarveṣām prāṇinām pramāṇāya (bhavati); tasya uplabdhibalāt sarve kutārkikāḥ hatāḥ.
88. O beloved, direct perception is valid proof for all living beings; by the force of its direct experience, all fallacious reasoners are defeated.
Go to verse view
परोक्षं को नु जानीते कस्य किं वा भविष्यति ।
यद्वा प्रत्यक्षफलदं तदेवोत्तमदर्शनम् ॥८९॥
89. parokṣaṁ ko nu jānīte kasya kiṁ vā bhaviṣyati ,
yadvā pratyakṣaphaladaṁ tadevottamadarśanam.
89. parokṣam kaḥ nu jānīte kasya kim vā bhaviṣyati
yadvā pratyakṣaphaladam tat eva uttamadarśanam
89. parokṣam kaḥ nu jānīte,
kasya vā kim bhaviṣyati? yadvā pratyakṣaphaladam,
tat eva uttamadarśanam.
89. Who truly knows what is unperceived, or what will happen to whom in the future? Therefore, whatever yields direct results is indeed the highest philosophical view.
Go to verse view
कुलधर्ममिमं ज्ञात्वा मुच्यन्ते सर्वमानवाः ।
इति मत्वा महेशानि मया कौलं विगहीतम् ॥९०॥
90. kuladharmamimaṁ jñātvā mucyante sarvamānavāḥ ,
iti matvā maheśāni mayā kaulaṁ vigahītam.
90. kuladharmam imam jñātvā mucyante sarvamānavāḥ
iti matvā maheśāni mayā kaulam vigarhitam
90. maheśāni,
imam kuladharmam jñātvā sarvamānavāḥ mucyante iti matvā mayā kaulam vigarhitam.
90. O supreme goddess, thinking that all human beings would be liberated simply by knowing this Kaula path, I concealed it under censure.
Go to verse view
त्वत्कारुण्यविहीनानां कुलज्ञानविरोधिनाम् ।
पशुनामनभिज्ञानां कुलधर्मो विगहीतः ॥९१॥
91. tvatkāruṇyavihīnānāṁ kulajñānavirodhinām ,
paśunāmanabhijñānāṁ kuladharmo vigahītaḥ.
91. tvatkāruṇyavihīnānām kulajñānavirodhinām
paśūnām anabhijñānām kuladharmaḥ vigarhitaḥ
91. tvatkāruṇyavihīnānām kulajñānavirodhinām anabhijñānām paśūnām (kṛte) kuladharmaḥ vigarhitaḥ.
91. The Kaula path is condemned for the sake of the ignorant, bound souls who are devoid of your grace and opposed to the knowledge of Kula.
Go to verse view
यस्य जन्मान्तरे पापकर्मबन्धोऽधिको भवेत् ।
न तस्य गुरुकारुण्यं कुलज्ञानञ्च जायते ॥९२॥
92. yasya janmāntare pāpakarmabandho'dhiko bhavet ,
na tasya gurukāruṇyaṁ kulajñānañca jāyate.
92. yasya janmāntare pāpakarmabandhaḥ adhikaḥ bhavet
na tasya gurukāruṇyam kulajñānam ca jāyate
92. yasya janmāntare pāpakarmabandhaḥ adhikaḥ bhavet,
tasya gurukāruṇyam kulajñānam ca na jāyate.
92. One who has a heavy bondage of sinful actions from previous births attains neither the grace of the guru nor the knowledge of Kula.
Go to verse view
यथान्धो नैव पश्यन्ति सूर्य सर्वप्रकाशकम् ।
तथा कुलं न जानन्ति तव मयाविमोहिताः ॥९३॥
93. yathāndho naiva paśyanti sūrya sarvaprakāśakam ,
tathā kulaṁ na jānanti tava mayāvimohitāḥ.
93. yathā andhaḥ na eva paśyati sūryam sarvaprakāśakam
tathā kulam na jānanti tava māyāvimohitāḥ
93. yathā andhaḥ sarvaprakāśakam sūryam na eva paśyati,
tathā tava māyāvimohitāḥ kulam na jānanti.
93. Just as a blind person cannot see the sun that illuminates everything, so too those who are deluded by your illusion (māyā) do not perceive the Kaula path.
Go to verse view
शैववैष्णवसौरादि दर्शनान्यपि भक्तितः ।
भजन्ते मानवा नित्यं वृथायासफलानि च ॥९४॥
94. śaivavaiṣṇavasaurādi darśanānyapi bhaktitaḥ ,
bhajante mānavā nityaṁ vṛthāyāsaphalāni ca.
94. śaivavaiṣṇavasaurādi darśanāni api bhaktitaḥ
bhajante mānavāḥ nityam vṛthāyāsaphalāni ca
94. mānavāḥ bhaktitaḥ nityam śaiva-vaiṣṇava-saurādi darśanāni api bhajante,
(tāni) vṛthāyāsaphalāni ca (bhavanti).
94. With devotion, people constantly follow other systems of belief such as Śaivism, Vaiṣṇavism, and Saurism, yet their efforts yield fruits of futile exertion alone.
Go to verse view
वेदशास्त्रागमैः प्रोक्तं भोगमोक्षैकसाधनम् ।
मूढा निन्दन्ति हा हन्त मत्प्रियं तव दर्शनम् ॥९५॥
95. vedaśāstrāgamaiḥ proktaṁ bhogamokṣaikasādhanam ,
mūḍhā nindanti hā hanta matpriyaṁ tava darśanam.
95. vedaśāstrāgamaiḥ proktam bhogamokṣaikasādhanam
mūḍhāḥ nindanti hā hanta matpriyam tava darśanam
95. hā hanta,
mūḍhāḥ vedaśāstrāgamaiḥ proktam bhogamokṣaikasādhanam matpriyam tava darśanam nindanti.
95. Alas, what a tragedy! Fools criticize your philosophy, which is beloved to me and declared by the Vedas, scriptures, and Āgamas as the sole means to attain both worldly enjoyment and liberation.
Go to verse view
भ्रामिता हि मया देवि पशवः शास्त्रकोटिषु ।
कुलधर्म न जानन्ति वृथा ज्ञानाभिमानिनः ॥९६॥
96. bhrāmitā hi mayā devi paśavaḥ śāstrakoṭiṣu ,
kuladharma na jānanti vṛthā jñānābhimāninaḥ.
96. bhrāmitāḥ hi mayā devi paśavaḥ śāstrakoṭiṣu
kuladharmaṃ na jānanti vṛthā jñānābhimāninaḥ
96. devi mayā paśavaḥ śāstrakoṭiṣu bhrāmitāḥ hi
vṛthā jñānābhimāninaḥ kuladharmaṃ na jānanti
96. O goddess, the bound souls (paśus) have indeed been misled by me through millions of scriptures. Vainly proud of their knowledge, they do not know the path of Kula (kuladharma).
Go to verse view
पशुशास्त्राणि सर्वाणि मयैव कथितानि हि ।
मूर्त्त्यन्तरन्तु गत्वैव मोहनाय दुरात्मनाम् ॥९७॥
97. paśuśāstrāṇi sarvāṇi mayaiva kathitāni hi ,
mūrttyantarantu gatvaiva mohanāya durātmanām.
97. paśuśāstrāṇi sarvāṇi mayā eva kathitāni hi
mūrtyantaram tu gatvā eva mohanāya durātmanām
97. sarvāṇi paśuśāstrāṇi mūrtyantaraṃ gatvā eva
durātmanām mohanāya mayā eva kathitāni hi
97. All the scriptures intended for bound souls were spoken by me alone, assuming another form, in order to delude evil-minded persons.
Go to verse view
महापापवशान्नृणां तेषु वाञ्चाभिजायते ।
तेषाञ्च सदागतिर्नास्ति कल्पकोटिशतैरपि ॥९८॥
98. mahāpāpavaśānnṛṇāṁ teṣu vāñcābhijāyate ,
teṣāñca sadāgatirnāsti kalpakoṭiśatairapi.
98. mahāpāpavaśāt nṛṇām teṣu vāñchā abhijāyate
teṣām ca sadāgatiḥ na asti kalpakoṭiśataiḥ api
98. mahāpāpavaśāt nṛṇām teṣu vāñchā abhijāyate
teṣām kalpakoṭiśataiḥ api sadāgatiḥ na asti
98. On account of great sins, people develop a desire for those (inferior scriptures). Even in hundreds of millions of kalpas, there is no liberation or high destination for them.
Go to verse view
प्रेर्यमाणोऽपि पापात्मा कुले नैव प्रवर्त्तते ।
वार्यमाणोऽपि पुण्यात्मा कुलमेवाभिलम्वते ॥९९॥
99. preryamāṇo'pi pāpātmā kule naiva pravarttate ,
vāryamāṇo'pi puṇyātmā kulamevābhilamvate.
99. preryamāṇaḥ api pāpātmā kule na eva pravartate
vāryamāṇaḥ api puṇyātmā kulam eva abhilambate
99. pāpātmā preryamāṇaḥ api kule na eva pravartate
puṇyātmā vāryamāṇaḥ api kulam eva abhilambate
99. A sinful person does not engage in the path of Kula even when urged to do so, whereas a virtuous soul clings to Kula even when restrained from it.
Go to verse view
कुलधर्मेण देवत्वं देवाः सम्प्रतिपेदिरे ।
मुनियोगीश्वराद्याश्च सुसिद्धिं परमां गताः ॥१००॥
100. kuladharmeṇa devatvaṁ devāḥ sampratipedire ,
muniyogīśvarādyāśca susiddhiṁ paramāṁ gatāḥ.
100. kuladharmeṇa devatvam devāḥ sampratipedire
muniyogīśvarādyāḥ ca susiddhim paramām gatāḥ
100. devāḥ kuladharmeṇa devatvam sampratipedire
muniyogīśvarādyāḥ ca paramām susiddhim gatāḥ
100. The gods attained divinity through the path of Kula, and the seers, lords of yogis, and others achieved the supreme perfection through it.
Go to verse view
पशुव्रतादिनिरताः सुलभा दाम्भिका भुवि ।
ये कौलमेव सेवन्ते ते महान्तोऽति दुर्लभाः ॥१०१॥
101. paśuvratādiniratāḥ sulabhā dāmbhikā bhuvi ,
ye kaulameva sevante te mahānto'ti durlabhāḥ.
101. paśuvratādiniratāḥ sulabhāḥ dāmbhikāḥ bhuvi ye
kaulam eva sevante te mahāntaḥ ati durlabhāḥ
101. bhuvi paśuvratādiniratāḥ dāmbhikāḥ sulabhāḥ ye
kaulam eva sevante te mahāntaḥ ati durlabhāḥ
101. Hypocrites devoted to lower vows and rituals are easily found on earth; but those great souls who practice the Kaula path are exceedingly rare.
Go to verse view
मानवा बहवः सन्ति मिथ्यातत्त्वार्थवेदिनः ।
दुर्लभोऽयं महेशानि कुलतत्त्वविशारदः ॥१०२॥
102. mānavā bahavaḥ santi mithyātattvārthavedinaḥ ,
durlabho'yaṁ maheśāni kulatattvaviśāradaḥ.
102. mānavāḥ bahavaḥ santi mithyātattvārthavedinaḥ
durlabhaḥ ayam maheśāni kulatattvaviśāradaḥ
102. maheśāni mithyātattvārthavedinaḥ bahavaḥ
mānavāḥ santi ayam kulatattvaviśāradaḥ durlabhaḥ
102. O sovereign goddess, there are many people who know only false interpretations of reality; rare indeed is a person who is adept in the essential truth of Kula.
Go to verse view
यथा रोगातुराः केचिन्मानवाः कुलनायिके ।
दिव्यौषधं न सेवन्ते महाव्याधिविनाशनम् ॥१०३॥
103. yathā rogāturāḥ kecinmānavāḥ kulanāyike ,
divyauṣadhaṁ na sevante mahāvyādhivināśanam.
103. yathā rogāturāḥ kecit mānavāḥ kulanāyike
divyauṣadham na sevante mahāvyādhivināśanam
103. kulanāyike yathā kecit rogāturāḥ mānavāḥ
mahāvyādhivināśanam divyauṣadham na sevante
103. O ruler of Kula, just as some sick people do not take the divine remedy that destroys severe diseases,
Go to verse view
तद्व्याधिवर्द्धनापथ्यं कुर्वन्ति हि कुभेषजम् ।
तथैव जन्ममरणकृतं सांसारिकीं क्रियाम् ॥१०४॥
104. tadvyādhivarddhanāpathyaṁ kurvanti hi kubheṣajam ,
tathaiva janmamaraṇakṛtaṁ sāṁsārikīṁ kriyām.
104. tat vyādhivardhanāpathyam kurvanti hi kubheṣajam
tathā eva janmamaraṇakṛtām sāṃsārikīm kriyām
104. (yathā te) vyādhivardhanam apathyam kubheṣajam hi kurvanti
tathā eva (mānavāḥ) janmamaraṇakṛtām sāṃsārikīm kriyām
104. (and instead) consume harmful bad medicine that worsens their affliction, so also (ignorant people continually practice) worldly rites that cause repeated birth and death,
Go to verse view
समाचरन्ति सततं त्वत्कारुण्यविवजीताः ।
न भजन्ते कुलं धर्म भववन्धविमोचनम् ॥१०५॥
105. samācaranti satataṁ tvatkāruṇyavivajītāḥ ,
na bhajante kulaṁ dharma bhavavandhavimocanam.
105. samācaranti satatam tvatkāruṇyavivarjitāḥ na
bhajante kuladharmaṃ bhavabandhavimocanam
105. tvatkāruṇyavivarjitāḥ satatam (sāṃsārikīm kriyām)
samācaranti bhavabandhavimocanam kuladharmaṃ na bhajante
105. deprived of your grace, they constantly engage in (worldly rituals) and do not follow the path of Kula, which liberates one from the bonds of worldly existence.
Go to verse view
यथा चारण्यजातांस्तु मरीचादीन् वणिग्जनान् ।
मोहतो मानवाः प्रीत्या याचन्ते कुलनायिके ॥१०६॥
106. yathā cāraṇyajātāṁstu marīcādīn vaṇigjanān ,
mohato mānavāḥ prītyā yācante kulanāyike.
106. yathā ca āraṇyajātān tu marīcādīn vaṇigjanān
mohataḥ mānavāḥ prītyā yācante kulanāyike
106. kulanāyike yathā ca mānavāḥ mohataḥ vaṇigjanān
āraṇyajātān marīcādīn prītyā yācante
106. O ruler of Kula, just as foolish people out of delusion eagerly ask merchants for wild black pepper and other common forest items,
Go to verse view
अनर्घ्याणि च रत्नानि न याचन्ते हि केचन ।
तथैव पशुशास्त्राणि कर्मपाशफलानि च ॥१०७॥
107. anarghyāṇi ca ratnāni na yācante hi kecana ,
tathaiva paśuśāstrāṇi karmapāśaphalāni ca.
107. anarghyāṇi ca ratnāni na yācante hi kecana
tathā eva paśuśāstrāṇi karmapāśaphalāni ca
107. kecana anarghyāṇi ratnāni na yācante hi tathā
eva (mūrkhāḥ) paśuśāstrāṇi karmapāśaphalāni ca
107. while no one asks for priceless gems, in the very same way (foolish people seek) inferior scriptures bound to karmic consequences,
Go to verse view
इति पृच्चन्ति मूर्खास्ते तव मायाविमोहिता ।
कुलधर्म न पृच्चन्ति भुक्तिमुक्तिफलप्रदम् ॥१०८॥
108. iti pṛccanti mūrkhāste tava māyāvimohitā ,
kuladharma na pṛccanti bhuktimuktiphalapradam.
108. iti pṛcchanti mūrkhāḥ te tava māyāvimohitāḥ
kuladharmaṃ na pṛcchanti bhuktimuktiphalapradam
108. tava māyāvimohitāḥ te mūrkhāḥ iti pṛcchanti
bhuktimuktiphalapradam kuladharmaṃ na pṛcchanti
108. Deluded by your illusion, those fools inquire about such things, but they do not ask about the path of Kula, which bestows both worldly enjoyment and liberation.
Go to verse view
कस्तूरीं कर्दमधिया कर्पूरं लवणेच्चया ।
शार्करं शकराभ्रान्त्या मणिं काचमनीषया ॥१०९॥
109. kastūrīṁ kardamadhiyā karpūraṁ lavaṇeccayā ,
śārkaraṁ śakarābhrāntyā maṇiṁ kācamanīṣayā.
109. kastūrīm kardamadhiyā karpūram lavaṇecchayā
śārkaram śarkarābhrāntyā maṇim kācamanīṣayā
109. kardamadhiyā kastūrīm lavaṇecchayā karpūram
śarkarābhrāntyā śārkaram kācamanīṣayā maṇim
109. Mistaking musk for mud, seeking camphor when wanting salt, mistaking refined sugar for gravel, and thinking a gem is merely glass,
Go to verse view
यथादृष्टं न मन्यन्ते करस्थमपि पामराः ।
तथा कौलं न जानन्ति त्वत्प्रसादविवजीताः ॥११०॥
110. yathādṛṣṭaṁ na manyante karasthamapi pāmarāḥ ,
tathā kaulaṁ na jānanti tvatprasādavivajītāḥ.
110. yathādṛṣṭam na manyante karastham api pāmarāḥ
tathā kaulam na jānanti tvatprasādavivarjitāḥ
110. yathā pāmarāḥ karastham api yathādṛṣṭam na manyante
tathā tvatprasādavivarjitāḥ kaulam na jānanti
110. just as vile fools do not recognize the value of what is right in their hand as it actually is, so also those who are deprived of your grace do not know the Kaula path.
Go to verse view
अहो मोहस्य माहात्म्यं त्वन्मायाजनितस्य च ।
किमज्ञानपि देवेशि मोहयेदमरानपि ॥१११॥
111. aho mohasya māhātmyaṁ tvanmāyājanitasya ca ,
kimajñānapi deveśi mohayedamarānapi.
111. aho mohasya māhātmyam tvatmāyājanitasya ca
kim ajñān api deveśi mohayet amarān api
111. deveśi aho tvatmāyājanitasya mohasya
māhātmyam ca kim ajñān api amarān api mohayet
111. Ah, how great is the power of delusion born of your illusion, O sovereign of the gods! Why speak of the ignorant? It deludes even the immortals!
Go to verse view
पेयं मद्यं पलं खाद्यं समालोक्य प्रियामुखम् ।
इत्येवाचरणं जाप्यं परिप्राप्यं परम्रपदम् ॥११२॥
112. peyaṁ madyaṁ palaṁ khādyaṁ samālokya priyāmukham ,
ityevācaraṇaṁ jāpyaṁ pariprāpyaṁ paramrapadam.
112. peyam madyam palam khādyam samālokya priyāmukham
iti eva ācaraṇam jāpyam pariprāpyam paramapadam
112. madyam peyam palam khādyam priyāmukham samālokya
iti eva ācaraṇam jāpyam paramapadam pariprāpyam
112. Wine is to be drunk, meat is to be eaten, and the face of the beloved is to be gazed upon - such indeed is the practice, the recitation, and the way to attain the supreme state.
Go to verse view
गुरुकारुण्यसंलभ्यमीदृशं कुलदर्शनम् ।
त्वद्भक्ता एव जानन्ति नेतरे भुक्तिमुक्तिदम् ॥११३॥
113. gurukāruṇyasaṁlabhyamīdṛśaṁ kuladarśanam ,
tvadbhaktā eva jānanti netare bhuktimuktidam.
113. guru-kāruṇya-saṃlabhyam īdṛśam kula-darśanam
tvad-bhaktāḥ eva jānanti na itare bhukti-mukti-dam
113. guru-kāruṇya-saṃlabhyam bhukti-mukti-dam īdṛśam
kula-darśanam tvad-bhaktāḥ eva jānanti itare na
113. Only your devotees know such vision of the Kaula path, which bestows both worldly enjoyment and liberation, and is obtainable through the compassion of the guru - others do not know it.
Go to verse view
गुरूपदेशरहिता महान्त इति केचन ।
मोहयन्ति जनान् सर्वान् स्वयं पूर्वविमोहिताः ॥११४॥
114. gurūpadeśarahitā mahānta iti kecana ,
mohayanti janān sarvān svayaṁ pūrvavimohitāḥ.
114. guru-upadeśa-rahitāḥ mahāntaḥ iti kecana
mohayanti janān sarvān svayam pūrva-vimohitāḥ
114. guru-upadeśa-rahitāḥ kecana svayam pūrva-vimohitāḥ
mahāntaḥ iti sarvān janān mohayanti
114. Lacking the teachings of a guru, some who claim to be great men - contextually themselves already bound in delusion - delude all the people.
Go to verse view
दुराचारपराः केचिद्वाचयन्ति च पामराः ।
कथंभूतो भवेत् स्वामी सेवकाः स्युस्तथाविधाः ॥११५॥
115. durācāraparāḥ kecidvācayanti ca pāmarāḥ ,
kathaṁbhūto bhavet svāmī sevakāḥ syustathāvidhāḥ.
115. durācāra-parāḥ kecit vācayanti ca pāmarāḥ
kathaṃbhūtaḥ bhavet svāmī sevakāḥ syuḥ tathāvidhāḥ
115. kecit durācāra-parāḥ pāmarāḥ ca vācayanti svāmī
kathaṃbhūtaḥ bhavet sevakāḥ tathāvidhāḥ syuḥ
115. Some wicked and foolish men recite texts, but whatever the master is like, such will his followers be.
Go to verse view
बहवः कौलिकं धर्म मिथ्याज्ञानविडम्बकाः ।
स्वबुध्द्या कल्पयन्तीत्थं पारम्पर्यविवजीताः ॥११६॥
116. bahavaḥ kaulikaṁ dharma mithyājñānaviḍambakāḥ ,
svabudhdyā kalpayantītthaṁ pāramparyavivajītāḥ.
116. bahavaḥ kaulikam dharmam mithyā-jñāna-viḍambakāḥ
sva-buddhyā kalpayanti ittham pāramparya-vivarjitāḥ
116. mithyā-jñāna-viḍambakāḥ pāramparya-vivarjitāḥ bahavaḥ
sva-buddhyā ittham kaulikam dharmam kalpayanti
116. Many hypocrites of false knowledge, devoid of lineage tradition, fabricate the Kaula path in this manner according to their own whim.
Go to verse view
मद्यपानेन मनुजो यदि सिद्धं लभेत वै ।
मद्यपानरताः सर्वे सिद्धिं गच्चन्तु पामराः ॥११७॥
117. madyapānena manujo yadi siddhaṁ labheta vai ,
madyapānaratāḥ sarve siddhiṁ gaccantu pāmarāḥ.
117. madya-pānena manujaḥ yadi siddhim labheta vai
madya-pāna-ratāḥ sarve siddhim gacchantu pāmarāḥ
117. yadi madya-pānena manujaḥ siddhim labheta vai tat
sarve madya-pāna-ratāḥ pāmarāḥ siddhim gacchantu
117. If a person could indeed attain spiritual power (siddhi) merely by drinking wine, then all the wretches addicted to drinking wine would attain perfection.
Go to verse view
मांसभक्षणमात्रेण यदि पुण्या गतिर्भवेत् ।
लोके मासाशिनः सर्वे पुण्यभाजो भवन्ति हि ॥११८॥
118. māṁsabhakṣaṇamātreṇa yadi puṇyā gatirbhavet ,
loke māsāśinaḥ sarve puṇyabhājo bhavanti hi.
118. māṃsa-bhakṣaṇa-mātreṇa yadi puṇyā gatiḥ bhavet
loke māṃsa-āśinaḥ sarve puṇya-bhājaḥ bhavanti hi
118. yadi māṃsa-bhakṣaṇa-mātreṇa puṇyā gatiḥ bhavet
hi loke sarve māṃsa-āśinaḥ puṇya-bhājaḥ bhavanti
118. If a virtuous state were reached merely by eating meat, then indeed all meat-eaters in the world would partake of spiritual merit (puṇya).
Go to verse view
शक्तिसम्भोगमात्रेण यदि मोक्षो भवेत वै ।
सर्वेऽपि जन्तवो लोके मुक्ताः स्युः स्त्रीनिषेवनात् ॥११९॥
119. śaktisambhogamātreṇa yadi mokṣo bhaveta vai ,
sarve'pi jantavo loke muktāḥ syuḥ strīniṣevanāt.
119. śakti-sambhoga-mātreṇa yadi mokṣaḥ bhavet vai
sarve api jantavaḥ loke muktāḥ syuḥ strī-niṣevanāt
119. yadi śakti-sambhoga-mātreṇa mokṣaḥ bhavet vai tat
strī-niṣevanāt loke sarve api jantavaḥ muktāḥ syuḥ
119. If liberation (mokṣa) were achieved merely through union with a female consort, then all living beings in the world would be liberated through enjoying women.
Go to verse view
कुलमार्गो महादेवि न मया निन्दितः क्वचित् ।
आचाररहिता येऽत्र निन्दितास्ते न चेतरे ॥१२०॥
120. kulamārgo mahādevi na mayā ninditaḥ kvacit ,
ācārarahitā ye'tra ninditāste na cetare.
120. kula-mārgaḥ mahādevi na mayā ninditaḥ kvacit
ācāra-rahitāḥ ye atra ninditāḥ te na ca itare
120. mahādevi mayā kula-mārgaḥ kvacit na ninditaḥ
atra ye ācāra-rahitāḥ te ninditāḥ itare ca na
120. O Great Goddess, I have never condemned the Kaula path. Those here who are devoid of proper conduct are condemned, not the others.
Go to verse view
अन्यथा कौलिके धर्मे आचारः कथितो मया ।
विचरन्त्यन्था देवि मूढाः पण्डितमानिनः ॥१२१॥
121. anyathā kaulike dharme ācāraḥ kathito mayā ,
vicarantyanthā devi mūḍhāḥ paṇḍitamāninaḥ.
121. anyathā kaulike dharme ācāraḥ kathitaḥ mayā
vicaranti anyathā devi mūḍhāḥ paṇḍita-māninaḥ
121. kaulike dharme mayā anyathā ācāraḥ kathitaḥ
devi paṇḍita-māninaḥ mūḍhāḥ anyathā vicaranti
121. O Goddess, I have declared proper conduct differently in the Kaula path, but fools who fancy themselves wise act otherwise.
Go to verse view
कृपाणधारागमनात् व्याघ्रकण्ठावलम्बनात् ।
भुजङ्गधारणान्नूनमशक्यं कुलवर्त्तनम् ॥१२२॥
122. kṛpāṇadhārāgamanāt vyāghrakaṇṭhāvalambanāt ,
bhujaṅgadhāraṇānnūnamaśakyaṁ kulavarttanam.
122. kṛpāṇa-dhārā-gamanāt vyāghra-kaṇṭha-avalambanāt
bhujaṅga-dhāraṇāt nūnam aśakyam kula-vartanam
122. kula-vartanam kṛpāṇa-dhārā-gamanāt
vyāghra-kaṇṭha-avalambanāt bhujaṅga-dhāraṇāt nūnam aśakyam
122. Living according to the Kaula discipline is truly harder than walking on the edge of a sword, clinging to a tiger's neck, or holding a venomous serpent.
Go to verse view
वृथा पानन्तु देवेशि सुरापानं तदुच्यते ।
तत्महापातकं ज्ञेयं वेदादिषु निरूपितम् ॥१२३॥
123. vṛthā pānantu deveśi surāpānaṁ taducyate ,
tatmahāpātakaṁ jñeyaṁ vedādiṣu nirūpitam.
123. vṛthā pānam tu deveśi surā-pānam tat ucyate
tat mahā-pātakam jñeyam vedādiṣu nirūpitam
123. deveśi vṛthā pānam tu surā-pānam ucyate
tat mahā-pātakam jñeyam vedādiṣu nirūpitam
123. O Queen of the gods, drinking liquor in vain is called mere liquor-drinking; that should be known as a great sin, as defined in the Vedas and other scriptures.
Go to verse view
अनाघ्रेयमनालोक्यमस्पृश्यञ्चाप्यपेयकम् ।
मद्यं मंसं पशूनान्तु कौलिकानां महाफलम् ॥१२४॥
124. anāghreyamanālokyamaspṛśyañcāpyapeyakam ,
madyaṁ maṁsaṁ paśūnāntu kaulikānāṁ mahāphalam.
124. anāghreyam anālokyam aspṛśyam ca api apeyakam
madyam māṃsam paśūnām tu kaulikānām mahā-phalam
124. paśūnām tu madyam māṃsam anāghreyam anālokyam
aspṛśyam apeyakam ca api kaulikānām mahā-phalam
124. For uninitiated worldly persons (paśus), wine and meat are not to be smelled, not to be looked at, not to be touched, and not to be drunk; but for true Kaulas, they yield great fruit.
Go to verse view
अमेध्यानि द्विजातीनां मद्यान्येकादशैव तु ।
द्वादशन्तु महामद्यं सर्वेषामुत्तमोत्तमम् ॥१२५॥
125. amedhyāni dvijātīnāṁ madyānyekādaśaiva tu ,
dvādaśantu mahāmadyaṁ sarveṣāmuttamottamam.
125. amedhyāni dvijātīnām madyāni ekādaśa eva tu
dvādaśam tu mahā-madyam sarveṣām uttamottamam
125. dvijātīnām ekādaśa madyāni eva tu amedhyāni
dvādaśam tu mahā-madyam sarveṣām uttamottamam
125. For brahmins and other twice-born classes, eleven kinds of intoxicating liquor are impure; but the twelfth, the great liquor, is the highest of all for everyone.
Go to verse view
सुरा वै मलमन्नानां पाप्मा तु मलमुच्यते ।
तस्माद्ब्राह्मणराजन्यौ वैश्य न सुरां पिबेत् ॥१२६॥
126. surā vai malamannānāṁ pāpmā tu malamucyate ,
tasmādbrāhmaṇarājanyau vaiśya na surāṁ pibet.
126. surā vai malam annānām pāpmā tu malam ucyate
tasmāt brāhmaṇa-rājanyau vaiśyaḥ na surām pibet
126. surā vai annānām malam pāpmā tu malam ucyate
tasmāt brāhmaṇa-rājanyau vaiśyaḥ na surām pibet
126. Liquor is indeed the impurity of grain-foods, and sin is called impurity; therefore, a brahmin, a kshatriya, or a vaishya should not drink liquor.
Go to verse view
सुरादर्शनमात्रेण कुर्यात् सूर्यावलोकनम् ।
तत्समाघ्राणमात्रेण प्राणायामत्रयं चरेत् ॥१२७॥
127. surādarśanamātreṇa kuryāt sūryāvalokanam ,
tatsamāghrāṇamātreṇa prāṇāyāmatrayaṁ caret.
127. surā-darśana-mātreṇa kuryāt sūrya-avalokanam
tat-samāghrāṇa-mātreṇa prāṇāyāma-trayam caret
127. surā-darśana-mātreṇa sūrya-avalokanam kuryāt
tat-samāghrāṇa-mātreṇa prāṇāyāma-trayam caret
127. Merely upon seeing liquor, one should look at the sun; merely upon smelling it, one should perform three breath-control (prāṇāyāma) exercises.
Go to verse view
आजानुभ्यां भवेन्मग्नो जले चोपवसेदहः ।
ऊद्र्ध्व नाभेस्त्रिरात्रन्तु मद्यस्य स्पर्शने विधिः ॥१२८॥
128. ājānubhyāṁ bhavenmagno jale copavasedahaḥ ,
ūdrdhva nābhestrirātrantu madyasya sparśane vidhiḥ.
128. ājānubhyām bhavet magnaḥ jale ca upavaset ahaḥ
ūrdhvam nābheḥ trirātram tu madyasya sparśane vidhiḥ
128. jale ājānubhyām magnaḥ bhavet ahaḥ ca upavaset
nābheḥ ūrdhvam tu madyasya sparśane trirātram vidhiḥ
128. If liquor touches someone up to the knees, he should immerse himself in water and fast for a day; if it touches him above the navel, the rule prescribes a fast of three nights.
Go to verse view
सुरापाने कामकृते ज्वलन्तीं तां विनिक्षिपेत् ।
मुखे तया विनिर्दग्धे ततः शुद्धिमवाप्नुयात् ॥१२९॥
129. surāpāne kāmakṛte jvalantīṁ tāṁ vinikṣipet ,
mukhe tayā vinirdagdhe tataḥ śuddhimavāpnuyāt.
129. surāpāne kāmakṛte jvalantīm tām vinikṣipet
mukhe tayā vinirdagdhe tataḥ śuddhim avāpnuyāt
129. kāmakṛte surāpāne tām jvalantīm mukhe vinikṣipet
tayā vinirdagdhe tataḥ śuddhim avāpnuyāt
129. If wine is drunk intentionally, one should pour that scalding liquor into the mouth; once the mouth is completely burnt by it, one attains purification.
Go to verse view
मद्यस्पर्शादिदोषस्य प्रायश्चित्तविधिः स्मृतः ।
अविधानेन यो हन्यादात्मार्थं प्राणिनः प्रिये ॥१३०॥
130. madyasparśādidoṣasya prāyaścittavidhiḥ smṛtaḥ ,
avidhānena yo hanyādātmārthaṁ prāṇinaḥ priye.
130. madyasparśādi-doṣasya prāyaścitta-vidhiḥ smṛtaḥ
avidhānena yaḥ hanyāt ātmārtham prāṇinaḥ priye
130. priye madyasparśādi-doṣasya prāyaścitta-vidhiḥ
smṛtaḥ yaḥ ātmārtham avidhānena prāṇinaḥ hanyāt
130. O my beloved, this is recorded as the rule of expiation for the fault of touching wine and similar impurities; but whoever slaughters living beings unlawfully for his own self's sake,
Go to verse view
निवसेन्नरके घोरे दिनानि पशुरोमभिः ।
स मृतोऽपि दुराचारस्तिर्र्यग्योनिषु जायते ॥१३१॥
131. nivasennarake ghore dināni paśuromabhiḥ ,
sa mṛto'pi durācārastirryagyoniṣu jāyate.
131. nivaset narake ghore dināni paśu-romabhiḥ
saḥ mṛtaḥ api durācāraḥ tiryag-yoniṣu jāyate
131. saḥ durācāraḥ paśu-romabhiḥ (sammita) dināni ghore
narake nivaset mṛtaḥ api tiryag-yoniṣu jāyate
131. (that) wicked person shall dwell in terrible hell for as many days as there are hairs on the animal's body, and even after death, he will be reborn in animal wombs.
Go to verse view
अनुमन्ता विश्वसिता निहन्ता क्रयविक्रयी ।
संस्कर्ता चोपहर्त्ता च खादिताऽष्टौ च घातकाः ॥१३२॥
132. anumantā viśvasitā nihantā krayavikrayī ,
saṁskartā copaharttā ca khāditā'ṣṭau ca ghātakāḥ.
132. anumantā viśasitā nihantā kraya-vikrayī saṃskartā
ca upahartā ca khāditā aṣṭau ca ghātakāḥ
132. anumantā viśasitā nihantā kraya-vikrayī saṃskartā
ca upahartā ca khāditā ca aṣṭau ghātakāḥ
132. The one who approves, the one who slaughters, the actual killer, the buyer and seller, the one who cooks, the one who serves, and the consumer - these eight are considered killers.
Go to verse view
धनैवीक्रयिको हन्ति खादिता चोपभोगतः ।
घातको वध बन्धाभ्यां इत्येष त्रिविधो वधः ॥१३३॥
133. dhanaivīkrayiko hanti khāditā copabhogataḥ ,
ghātako vadha bandhābhyāṁ ityeṣa trividho vadhaḥ.
133. dhanaiḥ vikrayikaḥ hanti khāditā ca upabhogataḥ
ghātakaḥ vadha-bandhābhyām iti eṣaḥ trividhaḥ vadhaḥ
133. vikrayikaḥ dhanaiḥ hanti khāditā ca upabhogataḥ
ghātakaḥ vadha-bandhābhyām iti eṣaḥ trividhaḥ vadhaḥ
133. The seller slays through wealth, the eater kills through consumption, and the slayer kills through binding and striking. Thus slaughter is threefold.
Go to verse view
मांससन्दर्शनं कृत्वा सुरादर्शनवच्चरेत् ।
तस्मादविधिना मांसं मद्यं न सेवते क्वचित् ॥१३४॥
134. māṁsasandarśanaṁ kṛtvā surādarśanavaccaret ,
tasmādavidhinā māṁsaṁ madyaṁ na sevate kvacit.
134. māṃsa-sandarśanam kṛtvā surā-darśanavat caret
tasmāt avidhānena māṃsam madyam na sevate kvacit
134. māṃsa-sandarśanam kṛtvā surā-darśanavat caret
tasmāt avidhānena māṃsam madyam kvacit na sevate
134. Upon seeing meat, one should act as if seeing wine. Therefore, one must never consume meat or wine unlawfully.
Go to verse view
विधिना सेव्यते देवि तरसा त्वं प्रसीदसि ।
नाशयत्यपरिज्ञानात् सत्यमेव वरानने ॥१३५॥
135. vidhinā sevyate devi tarasā tvaṁ prasīdasi ,
nāśayatyaparijñānāt satyameva varānane.
135. vidhinā sevyate devi tarasā tvam prasīdasi
nāśayati aparijñānāt satyam eva varānane
135. devi varānane vidhinā sevyate (cet) tvam tarasā
prasīdasi aparijñānāt nāśayati (tat) satyam eva
135. O Goddess, O beautiful-faced one, if it is consumed according to prescribed rules, you are quickly pleased; but if done out of ignorance, it brings destruction - this is the absolute truth.
Go to verse view
तृणं वाप्यविधानेन चेदयेन्न कदाचन ।
विधिना गां द्विजं वापि हत्या पापैर्न लिप्यते ॥१३६॥
136. tṛṇaṁ vāpyavidhānena cedayenna kadācana ,
vidhinā gāṁ dvijaṁ vāpi hatyā pāpairna lipyate.
136. tṛṇam vā api avidhānena chedayet na kadācana
vidhinā gām dvijam vā api hatyā pāpaiḥ na lipyate
136. avidhānena tṛṇam vā api kadācana na chedayet
vidhinā gām dvijam vā api hatyā pāpaiḥ na lipyate
136. One should never cut even a blade of grass unlawfully; yet, if done in accordance with sacred rules, even killing a cow or a brahmin does not smear one with sins.
Go to verse view
बहुनात्र किमुक्तेन सारमेकं शृणु प्रिये ।
जीवन्मुक्तिसुखोपायं कुलशास्त्रेषु गोपितम् ॥१३७॥
137. bahunātra kimuktena sāramekaṁ śṛṇu priye ,
jīvanmuktisukhopāyaṁ kulaśāstreṣu gopitam.
137. bahunā atra kim uktena sāram ekam śṛṇu priye
jīvanmukti-sukha-upāyam kula-śāstreṣu gopitam
137. priye atra bahunā uktena kim ekam sāram śṛṇu
kula-śāstreṣu gopitam jīvanmukti-sukha-upāyam
137. O beloved, what is the point of saying much here? Listen to the single essence, the secret method leading to the bliss of living liberation, hidden within the Kula scriptures.
Go to verse view
यन्मुमुक्षोः फलं देवि कनकस्येव सौरभम् ।
कुलज्ञेऽप्यूर्ध्वविख्याते ज्ञानं तत्तदनुत्तमम् ॥१३८॥
138. yanmumukṣoḥ phalaṁ devi kanakasyeva saurabham ,
kulajñe'pyūrdhvavikhyāte jñānaṁ tattadanuttamam.
138. yat mumukṣoḥ phalam devi kanakasya iva saurabham
kulajñe api ūrdhva-vikhyāte jñānam tat tat anuttamam
138. devi kanakasya saurabham iva mumukṣoḥ yat phalam
ūrdhva-vikhyāte kulajñe api tat tat anuttamam jñānam
138. O Goddess, just as fragrance in gold is extremely rare, so is that supreme knowledge among those renowned as knowers of Kula, yielding the ultimate fruit for one who seeks liberation.
Go to verse view
कुलशास्त्राणि सर्वाणि मयैवोक्तानि पार्वति ।
प्रमाणानि न सन्देहो न हन्तव्यानि हेतुभिः ॥१३९॥
139. kulaśāstrāṇi sarvāṇi mayaivoktāni pārvati ,
pramāṇāni na sandeho na hantavyāni hetubhiḥ.
139. kula-śāstrāṇi sarvāṇi mayā eva uktāni pārvati
pramāṇāni na sandehaḥ na hantavyāni hetubhiḥ
139. pārvati sarvāṇi kula-śāstrāṇi mayā eva uktāni
pramāṇāni sandehaḥ na hetubhiḥ na hantavyāni
139. O Pārvatī, all the Kula scriptures were spoken by me alone; they are authoritative without a doubt and should not be undermined by sophistry.
Go to verse view
देवताभ्यः पितृभ्यश्च मधु वाता ऋतायते ।
स्वादिष्ठया मदिष्ठया क्षीरं सपीर्मधूदकम् ॥१४०॥
140. devatābhyaḥ pitṛbhyaśca madhu vātā ṛtāyate ,
svādiṣṭhayā madiṣṭhayā kṣīraṁ sapīrmadhūdakam.
140. devatābhyaḥ pitṛbhyaḥ ca madhu vātāḥ ṛtāyate
svādiṣṭhayā madiṣṭhayā kṣīram sarpiḥ madhu-udakam
140. devatābhyaḥ pitṛbhyaḥ ca madhu vātāḥ ṛtāyate
svādiṣṭhayā madiṣṭhayā kṣīram sarpiḥ madhu-udakam
140. For the gods and ancestors, Vedic mantras such as 'sweet blow the winds' and 'with the sweetest, most exhilarating stream', along with milk, ghee, honey, and water (are prescribed offerings).
Go to verse view
हिरण्यपावाः खादिश्च अबध्नन् पुरुषं पशुम् ।
दीक्षामुपेयादित्याद्याः प्रमाणं श्रुतयः प्रिये ॥१४१॥
141. hiraṇyapāvāḥ khādiśca abadhnan puruṣaṁ paśum ,
dīkṣāmupeyādityādyāḥ pramāṇaṁ śrutayaḥ priye.
141. hiraṇyapāvāḥ khādiḥ ca abadhnan puruṣam paśum
dīkṣām upeyāt ity-ādyāḥ pramāṇam śrutayaḥ priye
141. priye hiraṇyapāvāḥ khādiḥ ca puruṣam paśum
abadhnan dīkṣām upeyāt iti-ādyāḥ śrutayaḥ pramāṇam
141. O beloved, Vedic scriptures such as 'purified by gold', 'the ring', 'they bound the sacrificial victim', and 'one should undergo initiation' serve as valid authority.
Go to verse view
इत्येतत् कथितं किञ्चित् कुलमाहात्म्यमम्बिके ।
समासेन कुलशानि किं भूयः श्रोतुमिच्चसि ॥१४२॥
142. ityetat kathitaṁ kiñcit kulamāhātmyamambike ,
samāsena kulaśāni kiṁ bhūyaḥ śrotumiccasi.
142. iti etat kathitam kiñcit kula-māhātmyam ambike
samāsena kuleśāni kim bhūyaḥ śrotum icchasi
142. ambike kuleśāni iti etat kula-māhātmyam samāsena
kiñcit kathitam bhūyaḥ kim śrotum icchasi
142. O Mother, O ruler of the Kula path, thus has a brief summary of the glory of Kula been related to you. What more do you wish to hear?
Go to verse view
Previous Chapter Next Chapter

Links to all chapters:

Chapter 1 Chapter 2 (current chapter) Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17