Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

बृहत्-पाराशर-होरा-शास्त्रम्       bṛhat-pārāśara-horā-śāstram - chapter-36

Use the following checkboxes to set the display options for this chapter (You can also control the display of each verse separately):
what would you like to see in each verse:
लग्ने शुभयुते योगः शुभः पापयुतेऽशुभः ।
व्ययस्वगैः शुभैः पापैः क्रमाद्योगौ शुभाऽशुभौ ॥१॥
1. lagne śubhayute yogaḥ śubhaḥ pāpayute'śubhaḥ .
vyayasvagaiḥ śubhaiḥ pāpaiḥ kramādyogau śubhā'śubhau.
1. lagne śubhayute yogaḥ śubhaḥ pāpayute aśubhaḥ
vyayasvagaiḥ śubhaiḥ pāpaiḥ kramāt yogau śubha aśubhau
1. If the ascendant (lagna) is conjoined with benefics, the resulting planetary combination (yoga) is auspicious; if it is conjoined with malefics, the yoga is inauspicious. Similarly, if benefics are in the 2nd or 12th house, the yoga is auspicious; if malefics are in the 2nd or 12th house, the yoga is inauspicious, in that order.
शुभयोगोद्भवो वाग्मी रूपशीलगुणवन्वितः ।
पापयोगोद्भवः कामी पापकर्मा परार्थयुक् ॥२॥
2. śubhayogodbhavo vāgmī rūpaśīlaguṇavanvitaḥ .
pāpayogodbhavaḥ kāmī pāpakarmā parārthayuk.
2. śubhayoga udbhavaḥ vāgmī rūpaśīlaguṇavanvitaḥ
pāpayoga udbhavaḥ kāmī pāpakarmā parārthayuk
2. A person born from an auspicious planetary combination (yoga) is eloquent and endowed with beauty, good character, and virtues. Conversely, one born from an inauspicious planetary combination (yoga) is lustful, performs sinful acts (karma), and may be associated with or covet others' wealth.
केन्द्रे देवगुरौ लग्नाच्चन्द्राद्वा शुभदृग्युते ।
नीचास्तारिगृहैर्हीने योगोऽयं गजकेसरी ॥३॥
3. kendre devagurau lagnāccandrādvā śubhadṛgyute .
nīcāstārigṛhairhīne yogo'yaṃ gajakesarī.
3. kendre devagurau lagnāt candrāt vā śubhadṛgyute
nīcāstarigṛhaiḥ hīne yogaḥ ayaṃ gajakesarī
3. When Jupiter (Devaguru) is situated in a Kendra (angular house, 1st, 4th, 7th, or 10th) from either the ascendant (lagna) or the Moon, and is conjoined with or aspected by benefics, and is not in its sign of debilitation, combust, or in an enemy's house, this planetary combination (yoga) is known as Gajakesari.
गजकेसरीसञ्जातस्तेजस्वी धनवान् भवेत् ।
मेधावी गुणसम्पन्नो राजप्रियकरो नरः ॥४॥
4. gajakesarīsañjātastejasvī dhanavān bhavet .
medhāvī guṇasampanno rājapriyakaro naraḥ.
4. gajakesarīsañjātaḥ tejasvī dhanavān bhavet
medhāvī guṇasampannaḥ rājapriyakaraḥ naraḥ
4. A person born under the Gajakesari planetary combination (yoga) is brilliant, becomes wealthy, is intelligent, endowed with good qualities, and is cherished by rulers or authorities.
दशमेऽङ्गात्तथा चन्द्रात् केवलैश्च शुभैर्युते ।
स योगोऽमलकीत्र्त्याख्यः कीर्तिराचन्द्रतारकी ॥५॥
5. daśame'ṅgāttathā candrāt kevalaiśca śubhairyute .
sa yogo'malakītrtyākhyaḥ kīrtirācandratārakī.
5. daśame aṅgāt tathā candrāt kevalaiḥ ca śubhaiḥ yute
sa yogaḥ amalākīrti ākhyaḥ kīrtiḥ ācandratārakī
5. When the 10th house, counted from either the ascendant (anga) or the Moon, is conjoined or aspected *only* by benefics, that planetary combination (yoga) is called Amalakirti, and it bestows fame that endures as long as the Moon and stars exist.
राजपूज्ये महाभोगी दाता बन्धुजनप्रियः ।
परोपकारी धर्मात्मा गुणढ्योऽमलकीर्तिजः ॥६॥
6. rājapūjye mahābhogī dātā bandhujanapriyaḥ .
paropakārī dharmātmā guṇaḍhyo'malakīrtijaḥ.
6. rājapūjye mahābhogī dātā bandhujanapriyaḥ para
upakārī dharma ātmā guṇāḍhyaḥ amalakīrtijaḥ
6. Honored by kings, a great enjoyer of pleasures, generous, dear to relatives, a benefactor of others, righteous-souled (dharmātman), endowed with many virtues, and possessing spotless fame.
सप्तमे चाऽष्टमे शुद्धे शुभग्रहयुतेऽथवा ।
केन्द्रेषु शुभयुक्तेषु योगः पर्वतसंज्ञकः ॥७॥
7. saptame cā'ṣṭame śuddhe śubhagrahayute'thavā .
kendreṣu śubhayukteṣu yogaḥ parvatasaṃjñakaḥ.
7. saptame ca aṣṭame śuddhe śubhagraha-yute atha
vā kendreṣu śubhayukteṣu yogaḥ parvatasaṃjñakaḥ
7. If the seventh and eighth houses are pure or conjoined with benefic planets, or if the angular houses are conjoined with benefic planets, then this combination is known as Parvata Yoga.
भाग्यवान् पर्वतोत्पन्नः वाग्मी दाता च शास्त्रवित् ।
हास्यप्रियो यशस्वी च तेजस्वी पुरनायकः ॥८॥
8. bhāgyavān parvatotpannaḥ vāgmī dātā ca śāstravit .
hāsyapriyo yaśasvī ca tejasvī puranāyakaḥ.
8. bhāgyavān parvata utpannaḥ vāgmī dātā ca śāstravit
hāsyapriyaḥ yaśasvī ca tejasvī puranāyakaḥ
8. A person born with Parvata Yoga is fortunate, an eloquent speaker, generous, a knower of scriptures, fond of humor, famous, radiant, and a leader of his community.
सुखेशेज्यौ मिथः केन्द्रगतौ बलिनि लग्नपे ।
काहलो वा स्वभोच्चस्थे सुखेशे कर्मपान्विते ॥९॥
9. sukheśejyau mithaḥ kendragatau balini lagnape .
kāhalo vā svabhoccasthe sukheśe karmapānvite.
9. sukheśa ijyau mithaḥ kendragatau balini lagnape
kāhalaḥ vā svabha uccasthe sukheśe karmapa anvite
9. Kāhala Yoga occurs if the lord of the 4th house and Jupiter are mutually situated in angular houses while the ascendant lord is strong; or, if the lord of the 4th house is in its own sign or exalted and conjoined with the lord of the 10th house.
ओजस्वी साहसी धूर्तश्चतुरङ्गबलान्वितः ।
यत्किञ्चिद् ग्रामनाथश्च काहले जायते नरः ॥१०॥
10. ojasvī sāhasī dhūrtaścaturaṅgabalānvitaḥ .
yatkiñcid grāmanāthaśca kāhale jāyate naraḥ.
10. ojasvī sāhasī dhūrtaḥ caturaṅgabalānvitaḥ
yatkiñcit grāmanāthaḥ ca kāhale jāyate naraḥ
10. A person born with Kāhala Yoga is energetic, courageous, shrewd, possesses the strength of a four-fold army (implying great power), and becomes at least a village chief.
लग्नेशे तुङ्गगे केन्द्रे गुरुदृष्टे तु चामरः ।
शुभद्वये विलग्ने वा नवमे दशमे मदे ॥११॥
11. lagneśe tuṅgage kendre gurudṛṣṭe tu cāmaraḥ .
śubhadvaye vilagne vā navame daśame made.
11. lagna-īśe tuṅgage kendre guru-dṛṣṭe tu cāmaraḥ
| śubha-dvaye vilagne vā navame daśame made
11. When the lord of the ascendant (lagna) is exalted (tuṅga), located in a quadrant (kendra) house, and aspected by Jupiter (guru), the Chāmara Yoga is formed. Alternatively, this yoga is formed when two benefics are in the ascendant (lagna), or in the ninth, tenth, or seventh house.
राजा वा राजपुज्यो वा चिरजीवी च पण्डितः ।
वाग्मी सर्वकलाविद् वा चामरे जायते जनः ॥१२॥
12. rājā vā rājapujyo vā cirajīvī ca paṇḍitaḥ .
vāgmī sarvakalāvid vā cāmare jāyate janaḥ.
12. rājā vā rāja-pujyaḥ vā cira-jīvī ca paṇḍitaḥ
| vāgmī sarva-kalā-vit vā cāmare jāyate janaḥ
12. A person born with Chāmara Yoga (cāmara) becomes a king, or one respected by kings, long-lived, and learned. They are also eloquent, or skilled in all arts.
सवले लग्नपे पुत्रषष्ठपौ केन्द्रगौ मिथः ।
शंखो वा लग्नकर्मेशौ चरे बलिनि भाग्यपे ॥१३॥
13. savale lagnape putraṣaṣṭhapau kendragau mithaḥ .
śaṃkho vā lagnakarmeśau care balini bhāgyape.
13. sabale lagna-pe putra-ṣaṣṭha-pau kendra-gau mithaḥ
| śaṅkhaḥ vā lagna-karma-īśau care balini bhāgya-pe
13. Śaṅkha Yoga is formed when the lord of the ascendant (lagna) is strong, and the lords of the fifth (putra) and sixth (ṣaṣṭha) houses are both situated in quadrant (kendra) houses. Alternatively, it is formed when the lords of the ascendant and tenth (karma) houses are in cardinal (cara) signs, and the lord of the ninth (bhāgya) house is strong.
धनस्त्रीपुत्रसंयुक्तो दयालुः पुण्यवान् सुधीः ।
पुण्यकर्मा चिरञ्जीवी शंखयोगोद्भवो नरः ॥१४॥
14. dhanastrīputrasaṃyukto dayāluḥ puṇyavān sudhīḥ .
puṇyakarmā cirañjīvī śaṃkhayogodbhavo naraḥ.
14. dhana-strī-putra-saṃyuktaḥ dayāluḥ puṇyavān su-dhīḥ
| puṇya-karmā cirañjīvī śaṅkha-yoga-udbhavaḥ naraḥ
14. A person born with Śaṅkha Yoga (śaṅkhayoga) is endowed with wealth, a wife, and children. They are compassionate, virtuous, intelligent, perform meritorious actions (puṇya-karma), and are long-lived.
सबले भाग्यपे भेरी खगैः स्वान्त्योदयास्तगैः ।
सबले भाग्यपे वाऽसौ केन्द्रे शुक्रेज्यलग्नपैः ॥१५॥
15. sabale bhāgyape bherī khagaiḥ svāntyodayāstagaiḥ .
sabale bhāgyape vā'sau kendre śukrejyalagnapaiḥ.
15. sabale bhāgyape bherī khagaiḥ sva-antya-udaya-asta-gaiḥ
| sabale bhāgyape vā asau kendre śukra-ijya-lagna-paiḥ
15. Bherī Yoga is formed when the lord of the ninth (bhāgya) house is strong, and all planets (khaga) are situated in the second (sva), twelfth (antya), first (udaya/lagna), and seventh (asta) houses. Alternatively, this yoga is formed when the lord of the ninth (bhāgya) house is strong and positioned in a quadrant (kendra) house, along with Venus (śukra), Jupiter (ijya), and the lord of the ascendant (lagna-pa).
धनस्त्रीपुत्रसंयुक्तो भूपः कीर्तिगुणान्वितः ।
आचारवान् सुखी भोगी भेरीयोगे जनो भवेत् ॥१६॥
16. dhanastrīputrasaṃyukto bhūpaḥ kīrtiguṇānvitaḥ .
ācāravān sukhī bhogī bherīyoge jano bhavet.
16. dhana-strī-putra-saṃyuktaḥ bhūpaḥ kīrti-guṇa-anvitaḥ
ācāravān sukhī bhogī bherī-yoge janaḥ bhavet
16. A person born in the Bherī Yoga becomes endowed with wealth, a wife, and sons. Such a person is a king, possesses fame and good qualities, is righteous, happy, and enjoys worldly pleasures.
सबले लग्नपे खेटाः केन्द्रे कोणे स्वभोच्चगाः ।
मृगङ्गयोगो जातोऽत्र भूपो वा तत्समः सुखी ॥१७॥
17. sabale lagnape kheṭāḥ kendre koṇe svabhoccagāḥ .
mṛgaṅgayogo jāto'tra bhūpo vā tatsamaḥ sukhī.
17. sabale lagna-pe kheṭāḥ kendre koṇe sva-bha-ucca-gāḥ
mṛgāṅga-yogaḥ jātaḥ atra bhūpaḥ vā tat-samaḥ sukhī
17. When the lord of the ascendant (lagna) is strong, and planets are situated in quadrant (kendra) or trine (koṇa) houses, in their own signs or signs of exaltation, then a Mṛgāṅga Yoga is formed. A person born in this (yoga) becomes a king or one equal to a king, and is happy.
कीमेशे कर्मगे तुङ्गे कर्मेशे भाग्यपान्विते ।
योगः श्रीनाथसंज्ञोऽत्र जातः शुक्रसमो नृपः ॥१८॥
18. kīmeśe karmage tuṅge karmeśe bhāgyapānvite .
yogaḥ śrīnāthasaṃjño'tra jātaḥ śukrasamo nṛpaḥ.
18. kīmeśe karma-ge tuṅge karma-īśe bhāgya-pa-anvite
yogaḥ śrī-nātha-saṃjñaḥ atra jātaḥ śukra-samaḥ nṛpaḥ
18. When the lord of Kīma (likely the 10th house lord) is in the 10th house and exalted, and the lord of the 10th house is conjoined with the lord of the 9th house, then a Yoga named Śrīnātha (yoga) is formed. A person born in this (yoga) becomes a king, equal to Venus in prosperity and enjoyment.
कर्मेशे सुतगे केन्द्रे बुधेऽर्के सबले स्वभे ।
चन्द्रात् कोणे गुरौ ज्ञे वा कुजे लाभे च शारदः ॥१९॥
19. karmeśe sutage kendre budhe'rke sabale svabhe .
candrāt koṇe gurau jñe vā kuje lābhe ca śāradaḥ.
19. karma-īśe suta-ge kendre budhe arke sabale sva-bhe
candrāt koṇe gurau jñe vā kuje lābhe ca śāradaḥ
19. Śārada Yoga forms when the lord of the 10th house is in the 5th house and simultaneously in a quadrant (kendra), and Mercury and the Sun are strong in their own signs. Furthermore, either Jupiter or Mercury must be in a trine (koṇa) from the Moon, or Mars must be in the 11th house (lābha).
धनस्त्रीपुत्रसंयुक्तः सुखी विद्वान् नृपप्रियः ।
तपस्वी धर्मसंयुक्तः शारदे जायते जनः ॥२०॥
20. dhanastrīputrasaṃyuktaḥ sukhī vidvān nṛpapriyaḥ .
tapasvī dharmasaṃyuktaḥ śārade jāyate janaḥ.
20. dhana-strī-putra-saṃyuktaḥ sukhī vidvān nṛpa-priyaḥ
tapasvī dharma-saṃyuktaḥ śārade jāyate janaḥ
20. A person born in the Śārada Yoga becomes endowed with wealth, a wife, and sons. Such a person is happy, learned, dear to the king, an ascetic (tapasvī), and righteous (dharma-saṃyuktaḥ).
धर्मलग्नगते सौम्ये पञ्चमे सदसद्युते ।
पापे च चतुरस्रस्थे योगोऽयं मत्स्यसंज्ञकः ॥२१॥
21. dharmalagnagate saumye pañcame sadasadyute .
pāpe ca caturasrasthe yogo'yaṃ matsyasaṃjñakaḥ.
21. dharma-lagna-gate saumye pañcame sat-asat-yute
pāpe ca caturasra-sthe yogaḥ ayam matsya-saṃjñakaḥ
21. When benefic planets are located in the ninth house (dharma) and the first house, the fifth house is associated with both benefic and malefic planets, and malefic planets are situated in the angular houses, this astrological combination is known as Matsya Yoga.
कालज्ञः करुणामूर्तिर्गुणधीबलरूपवान् ।
यशोविद्यातपस्वी च मत्स्ययोगे हि जायते ॥२२॥
22. kālajñaḥ karuṇāmūrtirguṇadhībalarūpavān .
yaśovidyātapasvī ca matsyayoge hi jāyate.
22. kālajñaḥ karuṇā-mūrtiḥ guṇa-dhī-bala-rūpa-vān
yaśaḥ-vidyā-tapasvī ca matsya-yoge hi jāyate
22. One born under Matsya Yoga is indeed knowledgeable about time, an embodiment of compassion, endowed with virtues, intelligence, strength, and beauty, and is famous, learned, and ascetic (tapasvī).
पुत्रारिमदगाः सौम्याः स्वभोच्चसुहृदंशगाः ।
त्रिलाभोदयगाः पापाः कूर्मयोगः स्वभोच्चगाः ॥२३॥
23. putrārimadagāḥ saumyāḥ svabhoccasuhṛdaṃśagāḥ .
trilābhodayagāḥ pāpāḥ kūrmayogaḥ svabhoccagāḥ.
23. putra-ari-mada-gāḥ saumyāḥ sva-bha-ucca-suhṛt-aṃśa-gāḥ
tri-lābha-udaya-gāḥ pāpāḥ kūrma-yogaḥ sva-bha-ucca-gāḥ
23. When benefic planets are situated in the fifth, sixth, and seventh houses, and are in their own sign, exaltation sign, or a friendly divisional sign (amśa), and malefic planets are situated in the third, eleventh, and first houses, being also in their own sign or exaltation sign, this combination is called Kurma Yoga.
कूर्मयोगे जनो भूपो धीरो धर्मगुणान्वितः ।
कीर्तिमानुपकारी च सुखी मानवनायकः ॥२४॥
24. kūrmayoge jano bhūpo dhīro dharmaguṇānvitaḥ .
kīrtimānupakārī ca sukhī mānavanāyakaḥ.
24. kūrma-yoge janaḥ bhūpaḥ dhīraḥ dharma-guṇa-anvitaḥ
kīrti-mān upakārī ca sukhī mānava-nāyakaḥ
24. A person born with Kurma Yoga becomes a king, is courageous, endowed with virtuous qualities (dharma-guṇa), famous, helpful, happy, and a leader of humanity.
भाग्येशे धनभावास्थे धनेशे भाग्यभावगे ।
लग्नेशे केन्द्रकोणस्थे खड्गयोगः स कथ्यते ॥२५॥
25. bhāgyeśe dhanabhāvāsthe dhaneśe bhāgyabhāvage .
lagneśe kendrakoṇasthe khaḍgayogaḥ sa kathyate.
25. bhāgya-īśe dhana-bhāva-asthe dhana-īśe bhāgya-bhāva-ge
lagna-īśe kendra-koṇa-asthe khaḍga-yogaḥ saḥ kathyate
25. When the lord of the ninth house is situated in the second house (dhana-bhāva), the lord of the second house is situated in the ninth house (bhāgya-bhāva), and the lord of the ascendant is located in a quadrant or trine house, that combination is called Khadga Yoga.
खड्गयोगे समुत्पन्नो धनभाग्यसुखान्वितः ।
शास्त्रज्ञो बुद्धिवीर्याढ्यः कृतज्ञः कुशलो नरः ॥२६॥
26. khaḍgayoge samutpanno dhanabhāgyasukhānvitaḥ .
śāstrajño buddhivīryāḍhyaḥ kṛtajñaḥ kuśalo naraḥ.
26. khaḍgayoge samutpannaḥ dhanabhāgyasukhānvitaḥ
śāstrajñaḥ buddhivīryāḍhyaḥ kṛtajñaḥ kuśalaḥ naraḥ
26. A person born in the khaḍga yoga (planetary combination) is endowed with wealth, good fortune, and happiness; they are a knower of scriptures (śāstra), rich in intellect and valor, grateful, and skillful.
केन्द्रे मूलत्रिकोणस्ते भाग्येशे वा स्वभोच्चगे ।
लग्नाधिपे बलाढ्ये च लक्ष्मीयोगः प्रकीर्त्यते ॥२७॥
27. kendre mūlatrikoṇaste bhāgyeśe vā svabhoccage .
lagnādhipe balāḍhye ca lakṣmīyogaḥ prakīrtyate.
27. kendre mūlatrikoṇasthe bhāgyeśe vā svabhoccage
lagnādhipe balāḍhye ca lakṣmīyogaḥ prakīrtyate
27. Lakṣmīyoga (an auspicious planetary combination) is declared when the lord of the 9th house (the house of fortune) is situated in a Kendra (angular house - 1st, 4th, 7th, 10th) or in a mūlatrikoṇa (trine house - 1st, 5th, 9th), or is in its own sign or exalted, and the ascendant lord is strong.
सुरूपो गुणवान् भूपो बहुपुत्रधनान्वितः ।
यशस्वी धर्मसम्पन्नो लक्ष्मीयोगे जनो भवेत् ॥२८॥
28. surūpo guṇavān bhūpo bahuputradhanānvitaḥ .
yaśasvī dharmasampanno lakṣmīyoge jano bhavet.
28. surūpaḥ guṇavān bhūpaḥ bahuputradhanānvitaḥ
yaśasvī dharmasampannaḥ lakṣmīyoge janaḥ bhavet
28. A person born in a lakṣmīyoga (auspicious planetary combination) becomes handsome, virtuous, a king or like a king, endowed with many sons and wealth, famous, and rich in natural law (dharma).
लग्ने स्थिरे भृगौ केन्द्रे चन्द्रकोणे शभान्विते ।
मानस्थानगते सौरे योगोऽयं कुसुमाभिधः ॥२९॥
29. lagne sthire bhṛgau kendre candrakoṇe śabhānvite .
mānasthānagate saure yogo'yaṃ kusumābhidhaḥ.
29. lagne sthire bhṛgau kendre candrakone śubhānvite
mānasthānagate saure yogaḥ ayam kusumābhidaḥ
29. This planetary combination (yoga) is called Kusuma when the ascendant (lagna) is a fixed sign, Venus (bhṛgu) is in an angular house (kendra), the Moon is in a trine house (koṇa) conjoined with benefic planets, and Saturn (sauri) is in a house of honor.
भूपो वा भूपतुल्यो वा दता भोगी सुखी जनः ।
कुलमुख्यो गुणी विद्वान् जायते कुसुमाह्वये ॥३०॥
30. bhūpo vā bhūpatulyo vā datā bhogī sukhī janaḥ .
kulamukhyo guṇī vidvān jāyate kusumāhvaye.
30. bhūpaḥ vā bhūpatulyaḥ vā dātā bhogī sukhī janaḥ
kulamukhyaḥ guṇī vidvān jāyate kusumāhvaye
30. A person born in the Kusuma (yoga) combination becomes a king or equal to a king, a generous giver, an enjoyer of pleasures, happy, the chief of his family, virtuous, and learned.
द्वितीये पञ्चमे जीवे बुधशुक्रयुतेक्षिते ।
क्षत्रे तयोर्वा सम्प्रप्ते योगः स च कलानिधिः ॥३१॥
31. dvitīye pañcame jīve budhaśukrayutekṣite .
kṣatre tayorvā samprapte yogaḥ sa ca kalānidhiḥ.
31. dvitīye pañcame jīve budhaśukrayutekṣite kṣatre
tayoḥ vā samprāpte yogaḥ sa ca kalānidhiḥ
31. When Jupiter is located in the second or fifth house, and is either conjoined with or aspected by Mercury and Venus; or alternatively, when Jupiter occupies a sign (kṣatra) ruled by Mercury or Venus, that planetary combination (yoga) is known as Kalānidhi (yoga).
कलानिधिसमुत्पन्नो गुणवान् भूपवन्दितः ।
रोगहीनः सुखी जातो धनविद्यासमन्वितः ॥३२॥
32. kalānidhisamutpanno guṇavān bhūpavanditaḥ .
rogahīnaḥ sukhī jāto dhanavidyāsamanvitaḥ.
32. kalānidhisamutpannaḥ guṇavān bhūpavanditaḥ
rogahīnaḥ sukhī jātaḥ dhanavidyāsamanvitaḥ
32. A person born under the Kalānidhi (yoga) is endowed with good qualities, respected by rulers, free from illness, happy, and possesses wealth and knowledge.
लग्नेशतद्गतर्क्षेशतद्गतर्क्षेशतदंशपाः ।
केन्द्रे कोणे स्वतुङ्गे वा योगः कल्पद्रुमो मतः ॥३३॥
33. lagneśatadgatarkṣeśatadgatarkṣeśatadaṃśapāḥ .
kendre koṇe svatuṅge vā yogaḥ kalpadrumo mataḥ.
33. lagneśatadgataṛkṣeśatadgataṛkṣeśatadaṃśapāḥ
kendre koṇe svatuṅge vā yogaḥ kalpadrumaḥ mataḥ
33. When the lord of the ascendant, the lord of the sign occupied by the ascendant lord, the lord of the sign occupied by that (second) lord, and the lord of the navamsha occupied by that (third) lord - these planetary rulers are located in an angular (kendra) house, a trine (kona) house, or in their own exaltation sign, this planetary combination (yoga) is considered Kalpadruma (yoga).
सर्वैश्वर्ययुतो भूपो धर्मात्मा बलसंयुतः ।
युद्धप्रियो दयालुश्च पारिजाते नरो भवेत् ॥३४॥
34. sarvaiśvaryayuto bhūpo dharmātmā balasaṃyutaḥ .
yuddhapriyo dayāluśca pārijāte naro bhavet.
34. sarvaiśvaryayutaḥ bhūpaḥ dharmātmā balasaṃyutaḥ
yuddhapriyaḥ dayāluḥ ca pārijāte naraḥ bhavet
34. A person born in Pārijāta (yoga) becomes endowed with all prosperity, a ruler, righteous (dharmātmā), full of strength, fond of battle, and compassionate.
स्वान्त्याष्टस्थैर्द्वितीयेशाद् हरियोगः शुभग्रहैः ।
कामेशाद् बन्धुधर्माष्टस्थितैः सौम्यैर्हराभिधः ॥३५॥
35. svāntyāṣṭasthairdvitīyeśād hariyogaḥ śubhagrahaiḥ .
kāmeśād bandhudharmāṣṭasthitaiḥ saumyairharābhidhaḥ.
35. svāntyāṣṭasthair dvitīyeśāt hariyogaḥ śubhagraaiḥ
kāmeśāt bandhudharmāṣṭasthitaiḥ saumyaiḥ harābhidhaḥ
35. Hari (yoga) occurs when auspicious planets are located in the twelfth or eighth house from the lord of the second house. Hara (yoga) is named when benefic planets are situated in the fourth, ninth (dharma), or eighth house from the lord of the seventh house.
लग्नेशाद् बन्धुकर्मायस्थितैर्ब्रह्माह्वयः स्मृतः ।
एषु जातः सुखी विद्वान् धनपुत्रादिसंयुतः ॥३६॥
36. lagneśād bandhukarmāyasthitairbrahmāhvayaḥ smṛtaḥ .
eṣu jātaḥ sukhī vidvān dhanaputrādisaṃyutaḥ.
36. lagneśāt bandhukarmāyastitaiḥ brahmāhvayaḥ smṛtaḥ
eṣu jātaḥ sukhī vidvān dhanaputrādisaṃyutaḥ
36. When planets are positioned in the fourth, tenth, and eleventh houses from the lord of the Ascendant, this combination is called the Brahma (yoga). A person born with this (yoga) is happy, learned, and endowed with wealth, children, and other such blessings.
लग्नान्मदाष्टगैः सौम्यैः पापदृग्योगवर्जितैः ।
योगो लग्नाधियोगोऽस्मिन् महात्मा शास्त्रवित् सुखी ॥३७॥
37. lagnānmadāṣṭagaiḥ saumyaiḥ pāpadṛgyogavarjitaiḥ .
yogo lagnādhiyogo'smin mahātmā śāstravit sukhī.
37. lagnāt madāṣṭagaiḥ saumyaiḥ pāpadṛgyogavarjitaiḥ
yogaḥ lagnādhiyogaḥ asmin mahātman śāstravit sukhī
37. When benefics are positioned in the seventh and eighth houses from the Ascendant, and are free from malefic aspects or conjunctions, this combination is called Lagna Adhiyoga (yoga). A person born with this (yoga) becomes a great soul (mahātman), well-versed in sacred texts, and happy.
लग्नपे पारिजातस्थे सुखी वर्गोत्तमे ह्यरुक् ।
गोपुरे धनधान्याढ्या भूपः सिंहासने स्थिते ॥३८॥
38. lagnape pārijātasthe sukhī vargottame hyaruk .
gopure dhanadhānyāḍhyā bhūpaḥ siṃhāsane sthite.
38. lagnape pārijātaste sukhī vargottame hi aruk
gopure dhanadhānyāḍhyā bhūpaḥ siṃhāsane sthite
38. When the lord of the Ascendant is in Parijatāṃśa, the person is happy. If the lord is in Vargottamāṃśa, they are certainly free from illness. If in Gopurāṃśa, they are prosperous with wealth and grains. If in Siṃhāsanāṃśa, the person becomes a ruler.
विद्वान् पारावते श्रीमान् देवलोके सवाहनः ।
ऐरावतस्थिते जातो विख्यातो भूपवन्दितः ॥३९॥
39. vidvān pārāvate śrīmān devaloke savāhanaḥ .
airāvatasthite jāto vikhyāto bhūpavanditaḥ.
39. vidvān pārāvate śrīmān devaloke savāhanaḥ
airāvatasthite jātaḥ vikhyātaḥ bhūpavanditaḥ
39. If the lord of the Ascendant is in Parāvatāṃśa, the person is learned and prosperous. If in Devalokāṃśa, they are endowed with conveyances. When born with the lord in Airāvatāṃśa, the individual becomes renowned and honored by rulers.

Links to all chapters:

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 (current chapter) Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97