Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

बृहत्-पाराशर-होरा-शास्त्रम्       bṛhat-pārāśara-horā-śāstram - chapter-30

Use the following checkboxes to set the display options for this chapter (You can also control the display of each verse separately):
what would you like to see in each verse:
अथोपपदमाश्रित्य कथयामि फलं द्विज ।
युच्छुभत्वे भवेन्नृणां पुत्रदारादिजं सुखम् ॥१॥
1. athopapadamāśritya kathayāmi phalaṃ dvija .
yucchubhatve bhavennṛṇāṃ putradārādijaṃ sukham.
1. atha upapadam āśritya kathayāmi phalam dvija yat
śubhatve bhavet nṛṇām putra-dāra-ādi-jam sukham
1. Now, O Brahmin, I shall explain the results based on the Upapada. If it is auspicious, it brings happiness to people, specifically happiness derived from children, spouse, and the like.
तनुभावपदं विप्र प्रधानं पदमुच्यते ।
तनोरनुचराद्यत् स्यादुपारूढं तदुच्यते ॥२॥
2. tanubhāvapadaṃ vipra pradhānaṃ padamucyate .
tanoranucarādyat syādupārūḍhaṃ taducyate.
2. tanu-bhāva-padam vipra pradhānam padam ucyate
tanoḥ anucarāt yat syāt upārūḍham tat ucyate
2. O Brahmin, the Aruḍha pada of the first house (Lagna-pada) is considered the principal pada. Whatever is derived from the house following the ascendant (i.e., the 12th house, for Upapada calculation), that is referred to as Upārūḍha.
तदेवोपपदं नाम तथा गौणपदं स्मृतम् ।
शुभखेटगृहे तस्मिन् शुभग्रहयुतेक्षिते ॥३॥
3. tadevopapadaṃ nāma tathā gauṇapadaṃ smṛtam .
śubhakheṭagṛhe tasmin śubhagrahayutekṣite.
3. tat eva upapadam nāma tathā gauṇa-padam smṛtam
śubha-kheṭa-gṛhe tasmin śubha-graha-yuta-īkṣite
3. That very thing is named Upapada, and it is also known as the secondary pada. When that (Upapada) is in a house owned by an auspicious planet, or conjoined with or aspected by auspicious planets...
पुत्रदारसुखं पूर्णं जायते द्विजसत्तम ।
पापग्रहयुते तत्र पापभे पापवीक्षिते ॥४॥
4. putradārasukhaṃ pūrṇaṃ jāyate dvijasattama .
pāpagrahayute tatra pāpabhe pāpavīkṣite.
4. putradārasukham pūrṇam jāyate dvijasattama
pāpagraha-yute tatra pāpabhe pāpavīkṣite
4. O best among twice-born ones (dvija), complete happiness regarding sons and wife (putradārasukham) arises. However, if the relevant astrological indicator is conjoined with malefic planets (pāpagraha), located in a malefic sign, and aspected by malefic planets (pāpagraha), then this happiness will not fully manifest.
प्रव्राजको भवेज्जतो दारहीनोऽथ वा नरः ।
शुभदृग्योगतो नैव योगोऽयं दारनाशकः ॥५॥
5. pravrājako bhavejjato dārahīno'tha vā naraḥ .
śubhadṛgyogato naiva yogo'yaṃ dāranāśakaḥ.
5. pravrājakaḥ bhavet jātaḥ dārahīnaḥ atha vā naraḥ
śubhadṛgyogataḥ na eva yogaḥ ayam dāranāśakaḥ
5. Such a native (jāta) becomes a renunciant (pravrājaka) or a wifeless man (dārahīna). However, this combination (yoga) will certainly not lead to the destruction of the wife (dāranāśaka) if there is an aspect or conjunction (yoga) by benefic planets (śubha).
रविर्नैवात्र पापः स्यात् स्वोच्चमित्रस्वभस्थितः ।
नीचशत्रुगृहस्थश्चेत्तदाऽसौ पाप एव हि ॥६॥
6. ravirnaivātra pāpaḥ syāt svoccamitrasvabhasthitaḥ .
nīcaśatrugṛhasthaścettadā'sau pāpa eva hi.
6. raviḥ na eva atra pāpaḥ syāt svoccāmitrasvabhasthitaḥ
nīcaśatrugṛhasthaḥ cet tadā asau pāpaḥ eva hi
6. The Sun (ravi) is certainly not considered malefic (pāpa) in this context if it is situated in its own exaltation sign, a friendly sign, or its own sign. However, if it is situated in a debilitation sign or an enemy's sign, then it is indeed considered malefic (pāpa).
शुभग्रहाणां दृष्टिश्चेदुपारूढाद् द्वितीयके ।
शुभर्क्षे शुभयुक्ते च पूर्वोक्तं हि फलं स्मृतम् ॥७॥
7. śubhagrahāṇāṃ dṛṣṭiścedupārūḍhād dvitīyake .
śubharkṣe śubhayukte ca pūrvoktaṃ hi phalaṃ smṛtam.
7. śubhagraḥāṇām dṛṣṭiḥ cet upārūḍhāt dvitīyake
śubharḳe śubhayukte ca pūrvoktam hi phalam smṛtam
7. If the second house from the Upapada (Upārūḍha Lagna) is aspected (dṛṣṭi) by benefic planets (śubhagraha), and that house is in an auspicious sign or conjoined with benefic planets (śubha), then the aforementioned positive result (phala) of complete happiness is indeed declared.
उपारूढाद् द्वितीयं च नीचांशे नीचखेटयुक् ।
क्रूरग्रहसमायुक्तं जातको दारहा भवेत् ॥८॥
8. upārūḍhād dvitīyaṃ ca nīcāṃśe nīcakheṭayuk .
krūragrahasamāyuktaṃ jātako dārahā bhavet.
8. upārūḍhāt dvitīyam ca nīcāṃśe nīcakheṭayuk
krūragrahasamāyuktam jātakaḥ dārahā bhavet
8. If the second house from the Upapada (Upārūḍha Lagna) is in a debilitated (nīca) sub-division (aṃśa), conjoined with planets in debilitation (nīcakheṭa), and further associated with cruel (malefic) planets (krūragraha), then the native (jātaka) will experience loss of wife (dārahā).
स्वोच्चांशे स्वोच्चसंस्थे वा तुङ्गदृष्टिवशात् तथा ।
भवन्ति बहवो दारा रूपलक्षणसंयुताः ॥९॥
9. svoccāṃśe svoccasaṃsthe vā tuṅgadṛṣṭivaśāt tathā .
bhavanti bahavo dārā rūpalakṣaṇasaṃyutāḥ.
9. svoccāṃśe svoccasaṃsthe vā tuṅgadṛṣṭivaśāt
tathā bhavanti bahavaḥ dārāḥ rūpalakṣaṇasaṃyutāḥ
9. When (the lord of the seventh house) is in its own exaltation sign or its own exaltation navāṃśa, or if it receives an exalted aspect, then a person will have many wives endowed with beauty and auspicious characteristics.
उपारूढे द्वितीये वा मिथुने संस्थिते सति ।
तत्र जातनरो विप्र बहुदारयुतो भवेत् ॥१०॥
10. upārūḍhe dvitīye vā mithune saṃsthite sati .
tatra jātanaro vipra bahudārayuto bhavet.
10. upārūḍhe dvitīye vā mithune saṃsthite sati
tatra jātanaraḥ vipra bahudārayutaḥ bhavet
10. O Brahmin (vipra), if the Upapada (upārūḍha) is in the second house, or if it is situated in the sign of Gemini, then a person born with such a configuration will have many wives.
उपारूढे द्वितीयेऽपि स्वस्वामिग्रहसंयुते ।
स्वर्क्षगे तत्पतौ वापि यत्र कुत्रापि भूसुर ॥११॥
11. upārūḍhe dvitīye'pi svasvāmigrahasaṃyute .
svarkṣage tatpatau vāpi yatra kutrāpi bhūsura.
11. upārūḍhe dvitīye api svasvāmimigrahasaṃyute
svarkṣage tatpatau vā api yatra kutrāpi bhūsura
11. O Brahmin (bhūsura), even if the Upapada (upārūḍha) is in the second house and conjoined with its own lord (of the Upapada), or if that lord is situated in its own sign, wherever it may be...
यस्य जन्मनि योगोऽयं स नरो द्विजसत्तम ।
उत्तरायुषि निर्दारो भवत्येव न संशयः ॥१२॥
12. yasya janmani yogo'yaṃ sa naro dvijasattama .
uttarāyuṣi nirdāro bhavatyeva na saṃśayaḥ.
12. yasya janmani yogaḥ ayam saḥ naraḥ dvijasattama
uttarāyuṣi nirdāraḥ bhavati eva na saṃśayaḥ
12. O best among Brahmins (dvijasattama), a person whose birth chart has this (yogic) combination will certainly be without wives in the latter part of his life; there is no doubt about it.
स्वराशौ संस्थितेऽप्येवं नित्याख्ये दारकारके ।
उत्तरायुषि निर्दारो भवत्येव न संशयः ॥१३॥
13. svarāśau saṃsthite'pyevaṃ nityākhye dārakārake .
uttarāyuṣi nirdāro bhavatyeva na saṃśayaḥ.
13. svarāśau saṃsthite api evam nityākhye dārakārake
uttarāyuṣi nirdāraḥ bhavati eva na saṃśayaḥ
13. Similarly, if the permanent significator of wives (dārakāraka), known as Nitya, is situated in its own sign, then that person will certainly be without wives in the latter part of his life; there is no doubt about it.
उपारूढपतिः स्वोच्चे स्थिरस्त्रीकारकोऽथ वा ।
सुकुलाद् दारलाभः स्यान्नीचस्थे तु विपर्ययात् ॥१४॥
14. upārūḍhapatiḥ svocce sthirastrīkārako'tha vā .
sukulād dāralābhaḥ syānnīcasthe tu viparyayāt.
14. upārūḍhapatiḥ svocce sthirastrīkārakaḥ atha vā
sukulāt dāralābhaḥ syāt nīcasthite tu viparyayāt
14. If the lord of the Upapada Lagna (UL) is in its exaltation, or if the significator for a stable wife (Venus) is exalted, then a wife will be obtained from a good family. However, if it is debilitated, the opposite will occur.
उपारूढे द्वितीये वा शुभसम्बधतो द्विज ।
जातस्य सुन्दरी भार्या भव्या रूपगुणान्विता ॥१५॥
15. upārūḍhe dvitīye vā śubhasambadhato dvija .
jātasya sundarī bhāryā bhavyā rūpaguṇānvitā.
15. upārūḍhe dvitīye vā śubhasambandhataḥ dvija
jātasya sundarī bhāryā bhavyā rūpaguṇānvitā
15. O brahmin, if there is an auspicious connection (of benefics) with the Upapada Lagna (UL) or its second house, then the native will have a beautiful, lovely wife endowed with good looks and qualities.
उपारूढाद् द्वितीये च शनिराहू स्थितौ यदि ।
उपवादात् स्त्रियस्त्यागो नाशो वा जायते द्विज ॥१६॥
16. upārūḍhād dvitīye ca śanirāhū sthitau yadi .
upavādāt striyastyāgo nāśo vā jāyate dvija.
16. upārūḍhāt dvitīye ca śani-rāhū sthitau yadi
upavādāt striyāḥ tyāgaḥ nāśaḥ vā jāyate dvija
16. O brahmin, if Saturn and Rahu are situated in the second house from the Upapada Lagna (UL), then there will be abandonment (divorce) or loss (death) of the wife due to scandal.
उपारूढे द्वितीये वा शिखिशुक्रौ यदा स्थितौ ।
रक्तप्रदररोगार्ता जायते तस्य भामिनी ॥१७॥
17. upārūḍhe dvitīye vā śikhiśukrau yadā sthitau .
raktapradararogārtā jāyate tasya bhāminī.
17. upārūḍhe dvitīye vā śikhī-śukrau yadā sthitau
raktapradararogā-ārtā jāyate tasya bhāminī
17. When Ketu and Venus are situated in the Upapada Lagna (UL) or in the second house from it, then his wife will be afflicted by the disease of excessive bleeding (menorrhagia or leucorrhoea).
बुधकेतू स्थितौ तत्र तदाऽस्थिस्रावसंयुता ।
तत्रस्थाः शनिराह्वर्कास्तदाऽस्थिज्वरसंयुता ॥१८॥
18. budhaketū sthitau tatra tadā'sthisrāvasaṃyutā .
tatrasthāḥ śanirāhvarkāstadā'sthijvarasaṃyutā.
18. budha-ketū sthitau tatra tadā asthisrāvasaṃyutā
tatra-sthāḥ śani-rāhu-arkāḥ tadā asthijvarasaṃyutā
18. If Mercury and Ketu are situated in the Upapada Lagna (UL) or in the second house from it, then (the wife) will be associated with a disease involving bone marrow discharge. If Saturn, Rahu, and the Sun are situated there, then (the wife) will be associated with bone fever.
स्थूलाङ्गी बुधराहूभ्यां तत्रस्थाभ्यां द्विजोत्तम ।
बुधक्षेत्रे कुजार्की चेन्नसिकारोगसंयुता ॥१९॥
19. sthūlāṅgī budharāhūbhyāṃ tatrasthābhyāṃ dvijottama .
budhakṣetre kujārkī cennasikārogasaṃyutā.
19. sthūlāṅgī budharāhūbhyām tatrasthābhyām dvijottama
budhakṣetre kujārkī cet nasikārogasaṃyutā
19. O best among the twice-born (dvijottama), if Mercury and Rāhu are situated in a sign ruled by Mercury, and Mars and the Sun are also present in that same Mercury-ruled sign, then the person will have a stout body and be afflicted with nose diseases.
कुजक्षेत्रेऽप्येवमेव फलं ज्ञेयं द्विजोत्तम ।
बृहस्पतिशनी तत्र कर्णनेत्ररुजान्विता ॥२०॥
20. kujakṣetre'pyevameva phalaṃ jñeyaṃ dvijottama .
bṛhaspatiśanī tatra karṇanetrarujānvitā.
20. kujakṣetre api evam eva phalam jñeyam dvijottama
bṛhaspatiśanī tatra karṇanetrarujānvitā
20. O best among the twice-born (dvijottama), a similar result should be understood even for a sign ruled by Mars. If Jupiter and Saturn are situated there (in Mars' sign), the individual will be afflicted with diseases of the ear and eye.
तत्रान्यगेहगौ विप्र बुद्धभौमौ स्थितौ यदा ।
यदा स्वर्भानुदेवेज्यौ भार्या दन्तरुजान्विता ॥२१॥
21. tatrānyagehagau vipra buddhabhaumau sthitau yadā .
yadā svarbhānudevejyau bhāryā dantarujānvitā.
21. tatra anyagehagau vipra budhabhaumau sthitau yadā
yadā svarbhānudevejyau bhāryā dantarujānvitā
21. O Brahmin (vipra), when Mercury and Mars are situated in that house (sign) which belongs to another planet, and when Rāhu and Jupiter are also present, then the wife will be afflicted with tooth diseases.
शनिराहू शनिक्षेत्रे पङ्गुर्वातरुजान्विता ।
शुभदृग्योगतो नेति फलं ज्ञेयं विपश्चिता ॥२२॥
22. śanirāhū śanikṣetre paṅgurvātarujānvitā .
śubhadṛgyogato neti phalaṃ jñeyaṃ vipaścitā.
22. śanirāhū śanikṣetre paṅguḥ vātarujānvitā
śubhadṛgyogataḥ na iti phalam jñeyam vipaścitā
22. When Saturn and Rāhu are in Saturn's sign, the individual becomes lame and afflicted with diseases caused by wind (vāta). However, a wise astrologer (vipaścitā) should understand that this outcome does not occur if there is an aspect or conjunction from benefic planets.
लग्नात् पदादुपारूढाद् यो राशिः सप्तमो द्विज ।
तस्मात् तत्स्वामिनः खेटात् तदंशाच्च द्विजोत्तम ॥२३॥
23. lagnāt padādupārūḍhād yo rāśiḥ saptamo dvija .
tasmāt tatsvāminaḥ kheṭāt tadaṃśācca dvijottama.
23. lagnāt padāt upārūḍhāt yaḥ rāśiḥ saptamaḥ dvija
tasmāt tatsvāminaḥ kheṭāt tadaṃśāt ca dvijottama
23. O twice-born (dvija), consider the sign that is the seventh from the Ascendant (lagna), or from the Pada, or from the Upapada. O best among the twice-born (dvijottama), one should also examine that seventh sign itself, its planetary lord, and its Navāṃśa (aṃśa) position.
एवमेव फलं ज्ञेयमित्याहुर्नारदादयः ।
उक्तेभ्यो नवमे विप्र शनिचन्द्रबुधा यदि ॥२४॥
24. evameva phalaṃ jñeyamityāhurnāradādayaḥ .
uktebhyo navame vipra śanicandrabudhā yadi.
24. evam eva phalam jñeyam iti āhuḥ nārada-ādayaḥ
uktebhyaḥ navame vipra śani-candra-budhā yadi
24. Nārada and others state that the outcome should be understood in this very way. O Brahmin, this applies if Saturn, the Moon, and Mercury are situated in the ninth house from the one previously mentioned (for offspring).
अपुत्रता तथाऽर्केज्यराहुभिर्बहुपुत्रता ।
चन्द्रेणैकसुतस्तत्र मिश्रैः पुत्रो विलम्बतः ॥२५॥
25. aputratā tathā'rkejyarāhubhirbahuputratā .
candreṇaikasutastatra miśraiḥ putro vilambataḥ.
25. aputratā tathā arka-ijya-rāhubhiḥ bahu-putratā
candreṇa eka-sutaḥ tatra miśraiḥ putraḥ vilambataḥ
25. Childlessness results (from the planets mentioned in the previous verse). Similarly, if the Sun, Jupiter, and Rāhu are present, there will be many children. If the Moon is present, there will be one son. When there are mixed planets, a son will be born with delay.
रवीय्जराहुयोगेन पुत्रो वीर्यप्रतापवान् ।
प्रचण्डविजयी विप्र रिपुनिग्रहकारकः ॥२६॥
26. ravīyjarāhuyogena putro vīryapratāpavān .
pracaṇḍavijayī vipra ripunigrahakārakaḥ.
26. ravi-ijya-rāhu-yogena putraḥ vīrya-pratāpavān
pracaṇḍa-vijayī vipra ripu-nigraha-kārakaḥ
26. O Brahmin, by the combination of the Sun, Jupiter, and Rāhu (in the ninth house), a son will be born who is endowed with valor and prowess, fiercely victorious, and a subjugator of enemies.
उक्तस्थाने कुजार्किभ्यां पुत्रहीनः प्रजायते ।
दत्त पुत्रयुतो वापि सहोत्थसुतवान् भवेत् ॥२७॥
27. uktasthāne kujārkibhyāṃ putrahīnaḥ prajāyate .
datta putrayuto vāpi sahotthasutavān bhavet.
27. ukta-sthāne kuja-arkibhyām putra-hīnaḥ prajāyate
datta-putra-yutaḥ vā api saha-uttha-sutavān bhavet
27. If Mars and Saturn are in the aforementioned house, a person is born without children. Or, he may have an adopted son (dattaputra), or a foster son/step-son (sahotthasuta).
तत्रस्थे विषमे राशौ बहुपुत्र्युतो नरः ।
स्वल्पापत्यः समे राशौ जायते द्विजसत्तम 1 ॥२८॥
28. tatrasthe viṣame rāśau bahuputryuto naraḥ .
svalpāpatyaḥ same rāśau jāyate dvijasattama 1.
28. tatra-sthe viṣame rāśau bahu-putrī-yutaḥ naraḥ
su-alpa-apatyaḥ same rāśau jāyate dvija-sattama
28. O best among Brahmins, if a planet is situated in an odd sign in that house, the native will have many daughters. If it is in an even sign, he will have few children.
सिंहे चोपपदे विप्र निशानाथयुतेक्षिते ।
अल्पप्रजोऽथ कन्यायां जातः कन्याप्रजो भवेत् ॥२९॥
29. siṃhe copapade vipra niśānāthayutekṣite .
alpaprajo'tha kanyāyāṃ jātaḥ kanyāprajo bhavet.
29. siṃhe ca upapade vipra niśānāthayutekṣite
alpaprajaḥ atha kanyāyām jātaḥ kanyāprajaḥ bhavet
29. O Brahmin, if the upapada [lagna] is in Leo and is conjoined with or aspected by the Moon, the native will have few children. If [the upapada lagna is] in Virgo, the native will have female children.
सुतभावनवांशाच्च स्थिरसन्ततिकारकात् ।
एवं त्रिशांशकुण्डल्यामपि योगं विचिन्तयेत् ॥३०॥
30. sutabhāvanavāṃśācca sthirasantatikārakāt .
evaṃ triśāṃśakuṇḍalyāmapi yogaṃ vicintayet.
30. sutabhāvanavāṃśāt ca sthirasantatikārakāt
evam triśāṃśakuṇḍalyām api yogam vicintayet
30. One should similarly analyze these astrological combinations (yoga) for progeny in the Triśāṃśa chart as well, considering the Navamsha position of the fifth house and the significator of stable progeny.
शनिराहू त्रिलाभस्थौ पदाद् भ्रातुर्विनाशकौ ।
ज्येष्ठस्यैकादशे तत्र कनिष्ठस्य तृतीयके ॥३१॥
31. śanirāhū trilābhasthau padād bhrāturvināśakau .
jyeṣṭhasyaikādaśe tatra kaniṣṭhasya tṛtīyake.
31. śani rāhū trilābhasthau padāt bhrātuḥ vināśakau
jyeṣṭhasya ekādaśe tatra kaniṣṭhasya tṛtīyake
31. If Saturn and Rahu are situated in the third and eleventh houses counted from the "pada" [lagna], they cause the destruction of brothers. The eleventh house is considered for the eldest brother, and the third house for the youngest.
दैतेज्ये तत्र गर्भस्य नाशो व्यवहितस्य च ।
लग्ने वापि पदे रन्ध्रे दैत्याचार्ययुतेक्षिते ॥३२॥
32. daitejye tatra garbhasya nāśo vyavahitasya ca .
lagne vāpi pade randhre daityācāryayutekṣite.
32. daitejye tatra garbhasya nāśaḥ vyavahitasya ca
lagne vā api pade randhre daityācāryayutekṣite
32. There will be destruction of the fetus and interrupted pregnancies if Venus (daitejya) is in an inauspicious condition. Specifically, this occurs if the ascendant, or the "pada" (lagna), or the eighth house is conjoined with or aspected by Venus (daityācārya).
तथैव फलमित्याहुर्निर्विशंकं मुनीश्चराः ।
तृतीयलाभयोर्विप्र चन्द्रेज्यबुधमङ्गलाः ॥३३॥
33. tathaiva phalamityāhurnirviśaṃkaṃ munīścarāḥ .
tṛtīyalābhayorvipra candrejyabudhamaṅgalāḥ.
33. tathā eva phalam iti āhuḥ nirviśaṃkam munīśvarāḥ
tṛtīyalābhayoḥ vipra candra ijya budha maṅgalāḥ
33. Thus, the great sages declare this outcome without doubt. O Brahmin, [if] the Moon, Jupiter, Mercury, and Mars [are] in the third and eleventh houses...
बहवो भ्रातरस्तस्य बलवन्तः प्रतापिनः ।
शन्यारसंयुते दृष्टे तृतीयैकादशे द्विज ॥३४॥
34. bahavo bhrātarastasya balavantaḥ pratāpinaḥ .
śanyārasaṃyute dṛṣṭe tṛtīyaikādaśe dvija.
34. bahavaḥ bhrātaraḥ tasya balavantaḥ pratāpinaḥ
śani-āra-saṃyute dṛṣṭe tṛtīya-ekādaśe dvija
34. O twice-born (dvija), when his third or eleventh house is conjoined with and aspected by Saturn (śani) and Mars (āra), he will have many strong and valorous brothers.
कनिष्ठज्येष्ठयोर्नाशो दिवज्ञेयो द्विजसत्तम ।
शनिरेको यदा विप्र लाभगो वा तृतीयगः ॥३५॥
35. kaniṣṭhajyeṣṭhayornāśo divajñeyo dvijasattama .
śanireko yadā vipra lābhago vā tṛtīyagaḥ.
35. kaniṣṭha-jyeṣṭhayoḥ nāśaḥ divajñeyaḥ dvija-sattama
śaniḥ ekaḥ yadā vipra lābha-gaḥ vā tṛtīya-gaḥ
35. O best among the twice-born (dvijasattama), the destruction of younger and elder siblings should be understood. O Brahmin (vipra), this occurs when Saturn (śani) alone is situated in the house of gain (eleventh house) or in the third house.
तदा स्वमात्रशेषः स्यादन्ये नश्यन्ति सोदराः ।
तृतीये लाभगे केतौ बहुलं भगिनीसुखम् ॥३६॥
36. tadā svamātraśeṣaḥ syādanye naśyanti sodarāḥ .
tṛtīye lābhage ketau bahulaṃ bhaginīsukham.
36. tadā sva-mātra-śeṣaḥ syāt anye naśyanti sa-udaraḥ
tṛtīye lābha-ge ketau bahulam bhaginī-sukham
36. Then only he himself remains, and his other siblings (sodara) perish. When Ketu is in the third house or in the house of gain (eleventh house), there is abundant happiness from sisters.
आरूढात् षष्ठभावस्थे पापाख्ये शुभवर्जिते ।
शुभसम्बन्धरहिते चौरो भवति जातकः ॥३७॥
37. ārūḍhāt ṣaṣṭhabhāvasthe pāpākhye śubhavarjite .
śubhasambandharahite cauro bhavati jātakaḥ.
37. ārūḍhāt ṣaṣṭha-bhāva-sthe pāpa-ākhye śubha-varjite
śubha-sambandha-rahite cauraḥ bhavati jātakaḥ
37. When the sixth house from the Ārūḍha Lagna is occupied by a malefic (pāpa) planet, and is devoid of benefic (śubha) planets and benefic (śubha) associations, the native (jātaka) becomes a thief.
सप्तमे द्वादशे स्थाने सैहिकेययुतेक्षिते ।
ज्ञानवांश्च भवेद् बालो बहुभाग्ययुतो द्विज ॥३८॥
38. saptame dvādaśe sthāne saihikeyayutekṣite .
jñānavāṃśca bhaved bālo bahubhāgyayuto dvija.
38. saptame dvādaśe sthāne saiṃhikeya-yuta-īkṣite
jñānavān ca bhavet bālaḥ bahu-bhāgya-yutaḥ dvija
38. O twice-born (dvija), when the seventh or twelfth house is conjoined with and aspected by Rāhu (Saiṃhikeya), the native (bāla) becomes knowledgeable and endowed with much fortune.
आरूढे संस्थिते सौम्ये सर्वदेशाधिपो भवेत् ।
सर्वज्ञस्तत्र देवेज्ये कविर्वादी च भार्गवे ॥३९॥
39. ārūḍhe saṃsthite saumye sarvadeśādhipo bhavet .
sarvajñastatra devejye kavirvādī ca bhārgave.
39. ārūḍhe saṃsthite saumye sarvadeśādhipaḥ bhavet
sarvajñaḥ tatra devejye kaviḥ vādī ca bhārgave
39. If a beneficent planet is situated in the Ārūḍha lagna, the person becomes the ruler of all lands. If Jupiter (devejya) is in that position, the person becomes omniscient. And if Venus (Bhārgava) is there, the person becomes a poet and an orator.
उपारूढात् पदाद् वापि धनस्थे शुभखेचरे ।
सर्वद्रव्याधिपो धीमाञ्जायते द्विजसत्तम ॥४०॥
40. upārūḍhāt padād vāpi dhanasthe śubhakhecare .
sarvadravyādhipo dhīmāñjāyate dvijasattama.
40. upārūḍhāt padāt vā api dhanasthe śubhakhecare
sarvadravyādhipaḥ dhīmān jāyate dvijasattama
40. O best among the twice-born (dvijasattama), if a beneficent planet is situated in the second house from the Upārūḍha or the Ārūḍha lagna, the person becomes intelligent and the lord of all wealth.
उपारूढाद्धनाधीशे द्वितियभवनस्थिते ।
पापखेचरसंयुक्ते चौरो भवति निश्चितम् ॥४१॥
41. upārūḍhāddhanādhīśe dvitiyabhavanasthite .
pāpakhecarasaṃyukte cauro bhavati niścitam.
41. upārūḍhāt dhanaadhīśe dvitīyabhavanasthite
pāpakhecarasaṃyukte cauraḥ bhavati niścitam
41. If the lord of the second house from the Upārūḍha lagna is situated in the second house (from the Upārūḍha) and conjoined with a malefic planet, the person certainly becomes a thief.
तत्सप्तमगृहाधीशाद् राहौ धनगते द्विज ।
दंष्ट्रावान् जायते बालः स्तब्धवाक् केतुखेचरे ॥४२॥
42. tatsaptamagṛhādhīśād rāhau dhanagate dvija .
daṃṣṭrāvān jāyate bālaḥ stabdhavāk ketukhecare.
42. tat saptamagṛha adhīśāt rāhau dhanagate dvija
daṃṣṭrāvān jāyate bālaḥ stabdhavāk ketukhecare
42. O twice-born (dvija), if Rahu is in the second house (from the Upārūḍha) and is influenced by the lord of the seventh house from that (Upārūḍha's second) house, the child is born with prominent teeth. If Ketu is in the second house, the child becomes speechless.
शनैश्चरे कुरूपः स्यात्सप्तमेशाद् द्वितीयगे ।
मिश्रग्रहसमायुक्ते फलं मिश्रं समादिशेत् ॥४३॥
43. śanaiścare kurūpaḥ syātsaptameśād dvitīyage .
miśragrahasamāyukte phalaṃ miśraṃ samādiśet.
43. śanaiścare kurūpaḥ syāt saptameśāt dvitīyage
miśragrahasamāyukte phalam miśram samādiśet
43. If Saturn (Śanaiścara) is situated in the second house (from the Upārūḍha), the person will be deformed. If the lord of the seventh house (saptameśa) is in the second house and conjoined with mixed planets (benefics and malefics), one should declare the results as mixed.

Links to all chapters:

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 (current chapter) Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97