Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

मार्कण्डेय-पुराणम्       mārkaṇḍeya-purāṇam - chapter-75

Use the following checkboxes to set the display options for this chapter (You can also control the display of each verse separately):
what would you like to see in each verse:
मार्कण्डेय उवाच ।
पञ्चमोऽपि मनुर्ब्रह्मन् रैवतो नाम विश्रुतः ।
तस्योत्पत्तिं विस्तरशः शृणुष्व कथयामि ते ॥१॥
1. mārkaṇḍeya uvāca .
pañcamo'pi manurbrahman raivato nāma viśrutaḥ .
tasyotpattiṃ vistaraśaḥ śṛṇuṣva kathayāmi te.
1. mārkaṇḍeya uvāca pañcamaḥ api manuḥ brahman raivataḥ nāma
viśrutaḥ tasya utpattim vistaraśaḥ śṛṇuṣva kathayāmi te
1. Mārkaṇḍeya said: O Brāhmaṇa, the fifth Manu, known by the name Raivata, also existed. Listen, I will tell you his origin in detail.
ऋषिरासीन्महाभाग ऋतवागिति विश्रुतः ।
तस्यापुत्रस्य पुत्रोऽभूद्रेवत्यन्ते महात्मनः ॥२॥
2. ṛṣirāsīnmahābhāga ṛtavāgiti viśrutaḥ .
tasyāputrasya putro'bhūdrevatyante mahātmanaḥ.
2. ṛṣiḥ āsīt mahābhāga ṛtavāk iti viśrutaḥ tasya
aputrasya putraḥ abhūt revatī ante mahātmanaḥ
2. There was a revered sage, renowned as Ṛtavāk. To that great-souled (mahātman) sage, who was childless, a son was born at the end of (the age of) Revati.
स तस्य विधिवच्चक्रे जातकर्मादिकाः क्रियाः ।
तथोपनयनादींश्च स चाशीलोऽभवन्मुने ॥३॥
3. sa tasya vidhivaccakre jātakarmādikāḥ kriyāḥ .
tathopanayanādīṃśca sa cāśīlo'bhavanmune.
3. sa tasya vidhivat cakre jātakarmādikāḥ kriyāḥ
tathā upanayana ādīn ca sa ca aśīlaḥ abhavat mune
3. He (Ṛtavāk) duly performed for that son the rituals such as the birth ceremony (jātakarma) and similarly those beginning with the sacred thread ceremony (upanayana). And, O sage (muni), he (the son) became a virtuous person.
यतः प्रभृति जातोऽसौ ततः प्रभृति सोऽप्यृषिः ।
दीर्घरोगपरामर्शमवाप मुनिपुङ्गवः ॥४॥
4. yataḥ prabhṛti jāto'sau tataḥ prabhṛti so'pyṛṣiḥ .
dīrgharogaparāmarśamavāpa munipuṅgavaḥ.
4. yataḥ prabhṛti jātaḥ asau tataḥ prabhṛti saḥ
api ṛṣiḥ dīrgharogaparāmarśam avāpa munipuṅgavaḥ
4. From the time he (the son) was born, from that time on, the sage (muni), his father Ṛtavāk, who was a foremost among sages (munipuṅgava), also contracted a prolonged illness.
माता तस्य परामार्ति कुष्ठरोगादिपीडिता ।
जगाम स पिता चास्य चिन्तयामास दुः खितः ॥५॥
5. mātā tasya parāmārti kuṣṭharogādipīḍitā .
jagāma sa pitā cāsya cintayāmāsa duḥ khitaḥ.
5. mātā tasya parām ārtiṃ kuṣṭharogādipīḍitā
jagāma saḥ pitā ca asya cintayāmāsa duḥkhitaḥ
5. His mother, afflicted by leprosy and other diseases, fell into extreme distress. And his father, saddened, worried.
किमेतदिति सोऽप्यस्य पुत्रोऽप्यत्यन्तदुर्मतिः ।
जग्राह भार्यामन्यस्य मुनिपुत्रस्य संमुखीम् ॥६॥
6. kimetaditi so'pyasya putro'pyatyantadurmatiḥ .
jagrāha bhāryāmanyasya muniputrasya saṃmukhīm.
6. kim etat iti saḥ api asya putraḥ api atyantadurmatiḥ
jagrāha bhāryām anyasya muniputrasya sammukhīm
6. "What is this?" (thought the father). His son, who was also extremely wicked, seized the wife of another sage's son.
ततो विषण्णमनसा ऋतवागिदमुक्तवान् ।
अपुत्रता मनुष्याणां श्रेयसे न कुपुत्रता ॥७॥
7. tato viṣaṇṇamanasā ṛtavāgidamuktavān .
aputratā manuṣyāṇāṃ śreyase na kuputratā.
7. tataḥ viṣaṇṇamanasā ṛtavāk idam uktavān
aputratā manuṣyāṇām śreyase na kuputratā
7. Then, with a dejected mind, a truth-speaker said this: "Childlessness is for the welfare of humans, not having a bad son."
कुपुत्रो हृदयायासं सर्वदा कुरुते पितुः ।
मातुश्च स्वर्गसंस्थांश्च स्वपितॄन् पातयत्यधः ॥८॥
8. kuputro hṛdayāyāsaṃ sarvadā kurute pituḥ .
mātuśca svargasaṃsthāṃśca svapitṝn pātayatyadhaḥ.
8. kuputraḥ hṛdayāyāsam sarvadā kurute pituḥ mātuḥ
ca svargasaṃsthān ca svapitṝn pātayati adhaḥ
8. A bad son always causes heartache to his father and mother, and throws his own ancestors, who reside in heaven, downwards.
सुहृदां नोपकाराय पितॄणाञ्च न तृप्तये ।
पित्रोर्दुः खाय धिग् जन्म तस्य दुष्कृतकर्मणः ॥९॥
9. suhṛdāṃ nopakārāya pitṝṇāñca na tṛptaye .
pitrorduḥ khāya dhig janma tasya duṣkṛtakarmaṇaḥ.
9. suhṛdām na upakārāya pitṝṇām ca na tṛptaye
pitroḥ duḥkhāya dhik janma tasya duṣkṛtakarmaṇaḥ
9. Shame on the birth of a person whose actions (karma) are evil, bringing no benefit to friends, no satisfaction to ancestors, and only distress to parents.
धन्यास्ते तनया येषां सर्वलोकाभिसंमताः ।
परोपकारिणः शान्ताः साधुकर्मण्यनुव्रताः ॥१०॥
10. dhanyāste tanayā yeṣāṃ sarvalokābhisaṃmatāḥ .
paropakāriṇaḥ śāntāḥ sādhukarmaṇyanuvratāḥ.
10. dhanyāḥ te tanayāḥ yeṣām sarvalokābhisaṃmatāḥ
paropakāriṇaḥ śāntāḥ sādhukarmaṇi anuvratāḥ
10. Blessed are those children who are respected by all people, who are benevolent, peaceful, and dedicated to good actions (karma).
अनिर्वृतं तथा मन्दं परलोकपराङ्मुखम् ।
नरकाय न सद्गत्यै कुपुत्रालम्बि जन्मनः ॥११॥
11. anirvṛtaṃ tathā mandaṃ paralokaparāṅmukham .
narakāya na sadgatyai kuputrālambi janmanaḥ.
11. anirvṛtam tathā mandam paralokaparāṅmukham
narakāya na sadgattyai kuputrālambi janmanaḥ
11. A birth that is unfulfilled, wretched, and averse to the afterlife, dependent on a bad son, is for hell, not for a good destination.
करोति सुहृदां दैन्यमहितानां तथा मुदम् ।
अकाले च जरां पित्रोः कुपुत्रः कुरुते ध्रुवम् ॥१२॥
12. karoti suhṛdāṃ dainyamahitānāṃ tathā mudam .
akāle ca jarāṃ pitroḥ kuputraḥ kurute dhruvam.
12. karoti suhṛdām dainyam ahitānām tathā mudam
akāle ca jarām pitroḥ kuputraḥ kurute dhruvam
12. A bad son surely brings wretchedness to friends and, similarly, joy to enemies. He also certainly causes premature old age to his parents.
मार्कण्डेय उवाच ।
एवं सोऽत्यन्तदुष्टस्य पुत्रस्य चरितैर्मुनिः ।
दह्यमानमनोवृत्तिर्वृत्तं गर्गमपृच्छत ॥१३॥
13. mārkaṇḍeya uvāca .
evaṃ so'tyantaduṣṭasya putrasya caritairmuniḥ .
dahyamānamanovṛttirvṛttaṃ gargamapṛcchata.
13. mārkaṇḍeya uvāca evam saḥ atyantaduṣṭasya putrasya
caritaiḥ muniḥ dahyamānamanovṛttiḥ vṛttam gargam apṛcchata
13. Markandeya said: Thus, the sage, whose mind was burning with anguish due to the actions of his extremely wicked son, questioned Garga about the situation.
ऋतवागुवाच ।
सुव्रतेन पुरा वेदा गृहीता विधिवन्मया ।
समप्य वेदान् विधिवत् कृतो दारपरिग्रहः ॥१४॥
14. ṛtavāguvāca .
suvratena purā vedā gṛhītā vidhivanmayā .
samapya vedān vidhivat kṛto dāraparigrahaḥ.
14. ṛtavāk uvāca suvratena purā vedāḥ gṛhītāḥ vidhivat
mayā samapya vedān vidhivat kṛtaḥ dāraparigrahaḥ
14. Ṛtavāk said: "In the past, I properly learned the Vedas with strict discipline (suvrata). After properly completing my Vedic studies, I entered into marriage (dāraparigraha)."
सदारेण क्रियाः कार्याः श्रौताः स्मार्ता वषट्क्रियाः ।
न मे न्यूनाः कृताः काश्चिद्यावदद्य महामुने ॥१५॥
15. sadāreṇa kriyāḥ kāryāḥ śrautāḥ smārtā vaṣaṭkriyāḥ .
na me nyūnāḥ kṛtāḥ kāścidyāvadadya mahāmune.
15. sadāreṇa kriyāḥ kāryāḥ śrautāḥ smārtāḥ vaṣaṭkriyāḥ
na me nyūnāḥ kṛtāḥ kāścit yāvat adya mahāmune
15. O great sage, with my wife, I performed all Vedic (śrauta), traditional (smārta), and sacrificial (vaṣaṭkriyā) rituals. Not a single one was left incomplete by me until today.
गर्भाधानविधानेन न काममनुरुध्यता ।
पुत्रार्थं जनितश्चायं पुन्नाम्नो बिभ्यता मुने ॥१६॥
16. garbhādhānavidhānena na kāmamanurudhyatā .
putrārthaṃ janitaścāyaṃ punnāmno bibhyatā mune.
16. garbhādhānavidhānena na kāmam anurudhyatā
putrārtham janitaḥ ca ayam punnāmnaḥ bibhyatā mune
16. O sage, this son was conceived through the ritual of conception (garbhādhānavidhāna), not out of desire (kāma), but for the purpose of having a son, specifically by one who fears the hell called Put.
सोऽयं किमात्मदोषेण मम दोषण वा मुने ।
अस्मद्दुः खवहो जातो दौः शील्याद् बन्धुशोकदः ॥१७॥
17. so'yaṃ kimātmadoṣeṇa mama doṣaṇa vā mune .
asmadduḥ khavaho jāto dauḥ śīlyād bandhuśokadaḥ.
17. saḥ ayam kim ātma-doṣeṇa mama doṣeṇa vā mune
asmadduḥkhavahaḥ jātaḥ dauḥśīlyāt bandhuśokadaḥ
17. O sage, is it due to his own fault or my fault that this one has become a cause of our suffering, inflicting sorrow upon his relatives because of his misconduct?
रेवत्यन्ते मुनिश्रेष्ठ जातोऽयं तनयस्तव ।
तेन दुः खाय ते दुष्टे काले यस्मादजायत ॥१८॥
18. revatyante muniśreṣṭha jāto'yaṃ tanayastava .
tena duḥ khāya te duṣṭe kāle yasmādajāyata.
18. revatyante muniśreṣṭha jātaḥ ayam tanayaḥ tava
tena duḥkhāya te duṣṭe kāle yasmāt ajāyata
18. O best of sages, this son of yours was born at the end of the Revatī constellation. Because he was born at such an inauspicious time, he will cause you sorrow.
न तेऽपचारो नैवास्य मातुर्नायं कुलस्य ते ।
तस्य दौः शील्यहेतुस्तु रेवत्यन्तमुपागतम् ॥१९॥
19. na te'pacāro naivāsya māturnāyaṃ kulasya te .
tasya dauḥ śīlyahetustu revatyantamupāgatam.
19. na te apacāraḥ na eva asya mātuḥ na ayam kulasya
te tasya dauḥśīlyahetuḥ tu revatyantam upāgatam
19. The fault is neither yours, nor his mother's, nor that of your family. But the reason for his misconduct lies in his birth at the end of the Revatī constellation.
ऋतवागुवाच ।
यस्मान्ममैकपुत्रस्य रेवत्यन्तसमुद्भवम् ।
दौः शील्यमेतत् सा तस्मात् पततामाशु रेवती ॥२०॥
20. ṛtavāguvāca .
yasmānmamaikaputrasya revatyantasamudbhavam .
dauḥ śīlyametat sā tasmāt patatāmāśu revatī.
20. ṛtavāk uvāca yasmāt mama ekaputrasya revatyantasamudbhavam
dauḥśīlyam etat sā tasmāt patatām āśu revatī
20. Ṛtavāk said: "Because of this misconduct of my only son, which arose at the end of Revatī, therefore let that Revatī (constellation) fall quickly!"
मार्कण्डेय उवाच ।
तेनैवं व्याहृते शापे रेवत्यृक्षं पपात ह ।
पश्यतः सर्वलोकस्य विस्मयाविष्टचेतसः ॥२१॥
21. mārkaṇḍeya uvāca .
tenaivaṃ vyāhṛte śāpe revatyṛkṣaṃ papāta ha .
paśyataḥ sarvalokasya vismayāviṣṭacetasaḥ.
21. mārkaṇḍeyaḥ uvāca tena evam vyāhṛte śāpe revatī ṛkṣam
papāta ha paśyataḥ sarvalokasya vismayāviṣṭacetasaḥ
21. Mārkaṇḍeya said: When he had thus uttered the curse, the constellation Revati indeed fell, while all the people, their minds filled with wonder, looked on.
रेवत्यृक्षञ्च पतितं कुमुदाद्रौ समन्ततः ।
भावयामास सहसा वनकन्दरनिर्झरम् ॥२२॥
22. revatyṛkṣañca patitaṃ kumudādrau samantataḥ .
bhāvayāmāsa sahasā vanakandaranirjharam.
22. revatī ṛkṣam ca patitam kumudādrau samantataḥ
bhāvayāmāsa sahasā vanakandaranirjharam
22. And the constellation Revati, having fallen all around on Mount Kumuda, suddenly gave rise to a forest replete with caves and waterfalls.
कुमुदाद्रिश्च तत्पातात् ख्यातो रैवतकोऽभवत् ।
अतीव रम्यः सर्वस्यां पृथिव्यां पृथिवीधरः ॥२३॥
23. kumudādriśca tatpātāt khyāto raivatako'bhavat .
atīva ramyaḥ sarvasyāṃ pṛthivyāṃ pṛthivīdharaḥ.
23. kumudādriḥ ca tat pātāt khyātaḥ raivatakaḥ abhavat
atīva ramyaḥ sarvasyām pṛthivyām pṛthivīdharaḥ
23. And Mount Kumuda, due to the constellation's fall, became renowned as Raivataka, an exceedingly delightful mountain (pṛthivīdharaḥ) across the entire earth.
तस्यर्क्षस्य तु या कान्तिर्जाता पङ्कजिनी सरः ।
ततो जज्ञे तदा कन्या रूपेणातीव शोभना ॥२४॥
24. tasyarkṣasya tu yā kāntirjātā paṅkajinī saraḥ .
tato jajñe tadā kanyā rūpeṇātīva śobhanā.
24. tasya ṛkṣasya tu yā kāntiḥ jātā paṅkajinī saraḥ
tataḥ jajñe tadā kanyā rūpeṇa atīva śobhanā
24. And the splendor of that constellation indeed became a lotus lake. Then, from that lake, a maiden of exceedingly beautiful form was born.
रेवतीकान्तिसम्भूतां तां दृष्ट्वा प्रमुचो मुनिः ।
तस्या नाम चकारेत्थं रेवती नाम भागुरे ॥२५॥
25. revatīkāntisambhūtāṃ tāṃ dṛṣṭvā pramuco muniḥ .
tasyā nāma cakāretthaṃ revatī nāma bhāgure.
25. revatīkāntisambhūtām tām dṛṣṭvā pramucaḥ muniḥ
tasyāḥ nāma cakāra ittham revatī nāma bhāgure
25. O Bhāguri, when the sage Pramuca saw her, born from the splendor of Revati, he thus named her Revati.
पोषयामास चैवैतां स्वाश्रमाभ्याससम्भवाम् ।
प्रमुचः स महाभागस्तस्मिन्नेव महाचले ॥२६॥
26. poṣayāmāsa caivaitāṃ svāśramābhyāsasambhavām .
pramucaḥ sa mahābhāgastasminneva mahācale.
26. poṣayāmāsa ca eva etām svāśramābhyāsasambhāvām
pramucaḥ saḥ mahābhāgaḥ tasmin eva mahācale
26. And indeed, that illustrious sage Pramuca raised her, who had originated in the vicinity of his own hermitage (āśrama), on that very great mountain.
तान्तु यौवनिनीं दृष्ट्वा कान्यकां रूपशालिनीम् ।
स मुनिश्चिन्तमामास कोऽस्या भर्ता भवेदिति ॥२७॥
27. tāntu yauvaninīṃ dṛṣṭvā kānyakāṃ rūpaśālinīm .
sa muniścintamāmāsa ko'syā bhartā bhavediti.
27. tām tu yauvaninīm dṛṣṭvā kanyakām rūpaśālinīm
saḥ muniḥ cintayāmāsa kaḥ asyāḥ bhartā bhavet iti
27. However, when that sage saw her, a youthful maiden endowed with beauty, he began to think: 'Who should be her husband?'
एवं चिन्तयतस्तस्य ययौ कालो महान् मुने ।
न चाससाद सदृशं वरं तस्या महामुनिः ॥२८॥
28. evaṃ cintayatastasya yayau kālo mahān mune .
na cāsasāda sadṛśaṃ varaṃ tasyā mahāmuniḥ.
28. evam cintayataḥ tasya yayau kālaḥ mahān mune
na ca asasāda sadṛśam varam tasyāḥ mahāmuniḥ
28. O sage (muni), as he pondered in this way, a long time passed. The great sage did not find a suitable husband for her.
ततस्तस्या वरं प्रष्टुमग्निं स प्रमुचो मुनिः ।
विवेश वह्निशालां वै प्रष्टारं प्राह हव्यभुक् ॥२९॥
29. tatastasyā varaṃ praṣṭumagniṃ sa pramuco muniḥ .
viveśa vahniśālāṃ vai praṣṭāraṃ prāha havyabhuk.
29. tataḥ tasyāḥ varam praṣṭum agnim saḥ pramucaḥ muniḥ
viveśa vahniśālām vai praṣṭāram prāha havyabhuk
29. Then, that sage, who performed oblations, entered the fire-chamber to ask Agni for a boon for her. Indeed, the fire-god spoke to the inquirer.
महाबलो महावीर्यः प्रियवाग् धर्मवत्सलः ।
दुर्गमो नाम भविता भर्ता ह्यस्य महीपतिः ॥३०॥
30. mahābalo mahāvīryaḥ priyavāg dharmavatsalaḥ .
durgamo nāma bhavitā bhartā hyasya mahīpatiḥ.
30. mahābalaḥ mahāvīryaḥ priyavāk dharmavatsalaḥ
durgamaḥ nāma bhavitā bhartā hi asya mahīpatiḥ
30. A mighty, very valorous, sweet-spoken king, affectionate towards natural law (dharma), named Durgama, will indeed be her husband.
मार्कण्डेय उवाच ।
अनन्तरञ्च मृगयाप्रसङ्गेनागतो मुने ।
तस्याश्रमपदं धीमान् दुर्गमः स नराधिपः ॥३१॥
31. mārkaṇḍeya uvāca .
anantarañca mṛgayāprasaṅgenāgato mune .
tasyāśramapadaṃ dhīmān durgamaḥ sa narādhipaḥ.
31. mārkaṇḍeyaḥ uvāca anantaram ca mṛgayāprasaṅgena āgataḥ
mune tasyāḥ āśramapadam dhīmān durgamaḥ saḥ narādhipaḥ
31. Markandeya said: "And afterwards, O sage, that intelligent King Durgama arrived at her hermitage due to a hunting expedition."
प्रियव्रतान्वयभवो महाबलपराक्रमः ।
पुत्रो विक्रमशीलस्य कालिन्दीजठरोद्भवः ॥३२॥
32. priyavratānvayabhavo mahābalaparākramaḥ .
putro vikramaśīlasya kālindījaṭharodbhavaḥ.
32. priyavratānvayabhavaḥ mahābalaparākramaḥ
putraḥ vikramaśīlasya kālindījatharodbhavaḥ
32. He was born in the lineage of Priyavrata, possessed of great strength and valor, the son of Vikramaśīla, and born from Kalindi's womb.
स प्रविश्याश्रमपदं तां तन्वीं जगतीपतिः ।
अपश्यमानस्तमृषिं प्रियेत्यामन्त्र्य पृष्टवान् ॥३३॥
33. sa praviśyāśramapadaṃ tāṃ tanvīṃ jagatīpatiḥ .
apaśyamānastamṛṣiṃ priyetyāmantrya pṛṣṭavān.
33. sa praviśya āśramapadam tām tanvīm jagatīpatiḥ
apaśyamānaḥ tam ṛṣim priye iti āmantrya pṛṣṭavān
33. The lord of the earth (jagatīpatiḥ), having entered the hermitage, and not seeing that sage, addressed that slender woman (tanvīm) as "O dear one!" and then asked.
राजोवाच ।
क्व गतो भगवानस्मादाश्रमान्मुनिपुङ्गवः ।
तं प्रणेतुमिहेच्छामि तत् त्वं प्रब्रूहि शोभने ॥३४॥
34. rājovāca .
kva gato bhagavānasmādāśramānmunipuṅgavaḥ .
taṃ praṇetumihecchāmi tat tvaṃ prabrūhi śobhane.
34. rājā uvāca kva gataḥ bhagavān asmāt āśramāt munipuṅgavaḥ
tam praṇetum iha icchāmi tat tvam prabrūhi śobhane
34. The king said, "Where has the venerable (bhagavān) foremost among sages (munipuṅgavaḥ) gone from this hermitage? I wish to pay homage to him here. Please tell me that, O beautiful one!"
मार्कण्डेय उवाच ।
अग्निसालां गतो विप्रस्तच्छ्रुत्वा तस्य भाषितम् ।
प्रियेत्यामन्त्रणञ्चैव निश्चक्राम त्वरान्वितः ॥३५॥
35. mārkaṇḍeya uvāca .
agnisālāṃ gato viprastacchrutvā tasya bhāṣitam .
priyetyāmantraṇañcaiva niścakrāma tvarānvitaḥ.
35. mārkaṇḍeyaḥ uvāca agnisālām gataḥ vipraḥ tat śrutvā tasya
bhāṣitam priye iti āmantraṇam ca eva niścakrāma tvarānvitaḥ
35. Markaṇḍeya said, "The brahmin (vipraḥ) had gone to the fire-hall. Having heard his words and also the address 'O dear one!' (priye iti), he (the sage) departed in a hurry."
स ददर्श महात्मानं राजानं दुर्गमं मुनिः ।
नरेन्द्रचिह्नसहितं प्रश्रयावनतं पुरः ॥३६॥
36. sa dadarśa mahātmānaṃ rājānaṃ durgamaṃ muniḥ .
narendracihnasahitaṃ praśrayāvanataṃ puraḥ.
36. sa dadarśa mahātmānam rājānam durgamam muniḥ
narendracihnasahitam praśrayāvanatam puraḥ
36. The sage (muniḥ) saw the great-souled king, who was formidable and possessed royal insignia, humbly bowing before him.
तस्मिन् दृष्टे ततः शिष्यमुवाच स तु गौतमम् ।
गौतमानीयतां शीघ्रमर्घोऽस्य जगतीपतेः ॥३७॥
37. tasmin dṛṣṭe tataḥ śiṣyamuvāca sa tu gautamam .
gautamānīyatāṃ śīghramargho'sya jagatīpateḥ.
37. tasmin dṛṣṭe tataḥ śiṣyam uvāca saḥ tu gautamam
gautama ānīyatām śīghram arghaḥ asya jagatīpateḥ
37. Upon seeing him, he then said to his disciple Gautama, 'O Gautama, quickly bring the respectful offering (argha) for this lord of the earth.'
एकस्तावदयं
भूपश्चिरकालादुपागतः ॥३८॥
38. ekastāvadayaṃ
bhūpaścirakālādupāgataḥ.
38. ekaḥ tāvat ayam bhūpaḥ
cirakālāt upāgataḥ
38. Indeed, this king has arrived after a long time.
मार्कण्डेय उवाच ।
ततः स चिन्तयामास राजा जामातृकारणम् ।
विवेद च न तन्मौनी जगृहेर्ऽघञ्च तं नृपः ॥३९॥
39. mārkaṇḍeya uvāca .
tataḥ sa cintayāmāsa rājā jāmātṛkāraṇam .
viveda ca na tanmaunī jagṛher'ghañca taṃ nṛpaḥ.
39. mārkaṇḍeya uvāca tataḥ saḥ cintayāmāsa rājā jāmātṛkāraṇam
vivēda ca na tat maunī jagṛhe argham ca tam nṛpaḥ
39. Mārkaṇḍeya said: Then the king pondered the reason for his status as son-in-law (jāmātṛ). However, the silent one (maunī) did not know that, and the king (nṛpaḥ) accepted that offering (argha).
तमासनगतं विप्रो गृहीतार्घं महामुनिः ।
स्वागतं प्राह राजेन्द्रमपि ते कुशलं गृहे ॥४०॥
40. tamāsanagataṃ vipro gṛhītārghaṃ mahāmuniḥ .
svāgataṃ prāha rājendramapi te kuśalaṃ gṛhe.
40. tam āsanagatam vipraḥ gṛhītārgham mahāmuniḥ
svāgatam prāha rājendram api te kuśalam gṛhe
40. The great sage (mahāmuni), the Brahmin, then addressed that king of kings (rājendra), who was seated and had accepted the offering (argha), saying, 'Welcome! Is all well in your household?'
कोषे बलेऽथ मित्रेषु भृत्यामात्ये नरेश्वर ।
तथात्मनि महाबाहो यत्र सर्वं प्रतिष्ठितम् ॥४१॥
41. koṣe bale'tha mitreṣu bhṛtyāmātye nareśvara .
tathātmani mahābāho yatra sarvaṃ pratiṣṭhitam.
41. koṣe bale atha mitreṣu bhṛtyāmātye nareśvara
tathā ātmani mahābāho yatra sarvam pratiṣṭhitam
41. O lord of men, O mighty-armed one, everything is established in the treasury, in the army, among friends, in servants, and in ministers. Similarly, all things are also established in the self (ātman).
पत्नी च ते कुशलिनी यत एवानुतिष्ठति ।
पृच्छाम्यस्यास्ततो नाहं कुशलिन्योऽपरास्तव ॥४२॥
42. patnī ca te kuśalinī yata evānutiṣṭhati .
pṛcchāmyasyāstato nāhaṃ kuśalinyo'parāstava.
42. patnī ca te kuśalinī yataḥ eva anutiṣṭhati pṛcchāmi
asyāḥ tataḥ na aham kuśalinyaḥ aparāḥ tava
42. And your wife is certainly well, since she resides [with you]. Therefore, I do not inquire about the well-being of your other wives.
राजोवाच ।
त्वत्प्रसादादकुशलं न क्वचिन्मम सुव्रत ।
जातकौतूहलश्चास्मि मम भार्यात्र का मुने ॥४३॥
43. rājovāca .
tvatprasādādakuśalaṃ na kvacinmama suvrata .
jātakautūhalaścāsmi mama bhāryātra kā mune.
43. rājan uvāca tvatprasādāt akuśalam na kvacit mama
suvrata jātakautūhalaḥ ca asmi mama bhāryā atra kā mune
43. The king said: 'O virtuous one, by your grace, I have no misfortune anywhere. I am also curious, O sage: who among these [women] is my wife?'
ऋषिरुवाच ।
रेवती सुमहाभागा त्रैलोक्यस्यापि सुन्दरी ।
तव भर्या वरारोहा तां त्वं राजन्न वेत्सि किम् ॥४४॥
44. ṛṣiruvāca .
revatī sumahābhāgā trailokyasyāpi sundarī .
tava bharyā varārohā tāṃ tvaṃ rājanna vetsi kim.
44. ṛṣiḥ uvāca revatī sumahābhāgā trailokyasya api sundarī
tava bhāryā varārohā tām tvam rājan na vetsi kim
44. The sage said: 'Revati, your wife, who is exceedingly fortunate and beautiful even in all three worlds, and possesses excellent hips - O king, do you not know her?'
राजोवाच ।
सुभद्रां शान्ततनयां कावेरीतनयां विभो ।
सुराष्ट्रजां सुजाताञ्च कदम्बाञ्च वरूथजाम् ॥४५॥
45. rājovāca .
subhadrāṃ śāntatanayāṃ kāverītanayāṃ vibho .
surāṣṭrajāṃ sujātāñca kadambāñca varūthajām.
45. rājaḥ uvāca subhadrām śāntatanayām kāverītanayām
vibho surāṣṭrajām sujātām ca kadambām ca varūthajām
45. The King said: 'O Lord, [I know] Subhadrā, Śāntatanayā (daughter of Śānta), Kāverītanayā (daughter of Kāverī), Surāṣṭrajā (born in Surāṣṭra), Sujātā, Kadambā, and Varūthajā (born from Varūtha).'
विपाठां नन्दिनीञ्चैव वेद्मि भार्यां गृहे द्विज ।
तिष्ठन्ति मे न भगवन् रेवतीं वेद्मि कान्वियम् ॥४६॥
46. vipāṭhāṃ nandinīñcaiva vedmi bhāryāṃ gṛhe dvija .
tiṣṭhanti me na bhagavan revatīṃ vedmi kānviyam.
46. vipāṭhām nandinīm ca eva vedmi bhāryām gṛhe dvija
tiṣṭhanti me na bhagavan revatīm vedmi kā nu iyam
46. The King said: 'O twice-born (dvija), I indeed know Vipāṭhā and Nandīnī as wives in my home. But, O Lord, Revatī is not among those who belong to me. Who, then, is this [woman]?'
ऋषिरुवाच ।
प्रियेति साम्प्रतं येयं त्वयोक्ता वरवर्णिनी ।
किं विस्मृतन्ते भूपाल श्लाघ्येयं गृहिणी तव ॥४७॥
47. ṛṣiruvāca .
priyeti sāmprataṃ yeyaṃ tvayoktā varavarṇinī .
kiṃ vismṛtante bhūpāla ślāghyeyaṃ gṛhiṇī tava.
47. ṛṣiḥ uvāca priyā iti sāmpratam yā iyam tvayā uktā
varavarṇinī kim vismṛtam te bhūpāla ślāghyā iyam gṛhiṇī tava
47. The sage said: 'O King (bhūpāla), has this praiseworthy wife of yours, this beautiful lady whom you just now called “dear one,” been forgotten by you?'
राजोवाच ।
सत्यमुक्तं मया किन्तु भावो दुष्टो न मे मुने ।
नात्र कोपं भवान् कर्तुमर्हत्यस्मासु याचितः ॥४८॥
48. rājovāca .
satyamuktaṃ mayā kintu bhāvo duṣṭo na me mune .
nātra kopaṃ bhavān kartumarhatyasmāsu yācitaḥ.
48. rājaḥ uvāca satyam uktam mayā kintu bhāvaḥ duṣṭaḥ na me
mune na atra kopam bhavān kartum arhati asmāsu yācitaḥ
48. The King said: 'O sage (mune), what I said is true, but my intention (bhāva) is not malicious. You, having been entreated [by me], ought not to become angry with us in this matter.'
ऋषिरुवाच ।
तत्त्वं ब्रवीषि भूपाल न भावस्तव दूषितः ।
व्याजहार भवानेतद्वह्निना नृप चोदितः ॥४९॥
49. ṛṣiruvāca .
tattvaṃ bravīṣi bhūpāla na bhāvastava dūṣitaḥ .
vyājahāra bhavānetadvahninā nṛpa coditaḥ.
49. ṛṣiḥ uvāca .
tattvam bravīṣi bhūpāla na bhāvaḥ tava dūṣitaḥ .
vyājahāra bhavān etat vahninā nṛpa coditaḥ
49. The sage said, 'O King, you speak the truth; your sentiment is not corrupted. You have said this, O King, because you were prompted by the fire god.'
मया पृष्टो हुतवहः कोऽस्या भर्तेति पार्थिव ।
भविता तेन चाप्युक्तो भवानेवाद्य वै वरः ॥५०॥
50. mayā pṛṣṭo hutavahaḥ ko'syā bharteti pārthiva .
bhavitā tena cāpyukto bhavānevādya vai varaḥ.
50. mayā pṛṣṭaḥ hutavahaḥ kaḥ asyā bhartā iti pārthiva .
bhavitā tena ca api uktaḥ bhavān eva adya vai varaḥ
50. The fire god (hutavaha) was asked by me, 'O King (pārthiva), who is her husband?' And by him it was said, 'You yourself are indeed the worthy groom today.'
तद्गृह्यतां मया दत्ता तुभ्यं कन्या नराधिप ।
प्रियेत्यामन्त्रिता चेयं विचारं कुरुषे कथम् ॥५१॥
51. tadgṛhyatāṃ mayā dattā tubhyaṃ kanyā narādhipa .
priyetyāmantritā ceyaṃ vicāraṃ kuruṣe katham.
51. tat gṛhyatām mayā dattā tubhyam kanyā narādhipa .
priyā iti āmantritā ca iyam vicāram kuruṣe katham
51. Therefore, O King (narādhipa), let this maiden (kanyā), given by me to you, be accepted. And how is it that you deliberate regarding this one, who has been addressed as 'dear one'?
मार्कण्डेय उवाच ।
ततोऽसावभवन्मौनी तेनोक्तः पृथिवीपतिः ।
ऋषिस्तथोद्यतः कर्तुं तस्या वैवाहिकं विधिम् ॥५२॥
52. mārkaṇḍeya uvāca .
tato'sāvabhavanmaunī tenoktaḥ pṛthivīpatiḥ .
ṛṣistathodyataḥ kartuṃ tasyā vaivāhikaṃ vidhim.
52. mārkaṇḍeyaḥ uvāca .
tataḥ asau abhavat maunī tena uktaḥ pṛthivīpatiḥ .
ṛṣiḥ tathā udyataḥ kartum tasyāḥ vaivāhikam vidhim
52. Mārkaṇḍeya said: Then that lord of the earth (pṛthivīpati), having been spoken to by him (the sage), became silent. And the sage then prepared to perform her wedding ritual.
तमुद्यतं सा पितरं विवाहाय महामुने ।
उवाच कन्या यत्किञ्चित् प्रश्रयावनतानना ॥५३॥
53. tamudyataṃ sā pitaraṃ vivāhāya mahāmune .
uvāca kanyā yatkiñcit praśrayāvanatānanā.
53. tam udyatam sā pitaram vivāhāya mahāmune
uvāca kanyā yatkiñcit praśrayāvanatānanā
53. O great sage, with her face bowed down in humility, the maiden said a few words to her father who was preparing for her marriage.
यदि मे प्रीतिमांस्तात प्रिसादं कर्तुमर्हसि ।
रेवत्यृक्षे विवाहं मे तत्करोतु प्रसादितः ॥५४॥
54. yadi me prītimāṃstāta prisādaṃ kartumarhasi .
revatyṛkṣe vivāhaṃ me tatkarotu prasāditaḥ.
54. yadi me prītimān tāta prasādam kartum arhasi
revatī ṛkṣe vivāham me tat karotu prasāditaḥ
54. Father, if you have affection for me, please grant this favor: let my marriage take place under the Revati (nakṣatra) constellation. May you do so, being pleased.
ऋषिरुवाच ।
रेवत्यृक्षं न वै भद्रे चन्द्रयोगि व्यवस्थितम् ।
अन्यानि सन्ति ऋक्षाणि सुभ्रु वैवाहिकानि ते ॥५५॥
55. ṛṣiruvāca .
revatyṛkṣaṃ na vai bhadre candrayogi vyavasthitam .
anyāni santi ṛkṣāṇi subhru vaivāhikāni te.
55. ṛṣiḥ uvāca revatī ṛkṣam na vai bhadre candrayogi
vyavasthitam anyāni santi ṛkṣāṇi subhru vaivāhikāni te
55. The sage said, 'O dear one, the Revati constellation is certainly not appropriate for a moon conjunction (for marriage). O beautiful-browed maiden, there are other constellations suitable for your marriage.'
कन्योवाच ।
तात तेन विना कालो विफलः प्रतिभाति मे ।
विवाहो विफले काले मद्विधायाः कथं भवेत् ॥५६॥
56. kanyovāca .
tāta tena vinā kālo viphalaḥ pratibhāti me .
vivāho viphale kāle madvidhāyāḥ kathaṃ bhavet.
56. kanyā uvāca tāta tena vinā kālaḥ viphalaḥ pratibhāti
me vivāhaḥ viphale kāle mat vidhāyāḥ katham bhavet
56. The maiden said, 'Father, without that (Revati constellation), the timing (for marriage) seems inauspicious to me. How can the marriage of someone like me take place at an unfavorable time?'
ऋषिरुवाच ।
ऋतवागिति विख्यातस्तपस्वी रेवतीं प्रति ।
चकार कोपं क्रुद्धेन तेनर्क्षं विनिपातितम् ॥५७॥
57. ṛṣiruvāca .
ṛtavāgiti vikhyātastapasvī revatīṃ prati .
cakāra kopaṃ kruddhena tenarkṣaṃ vinipātitam.
57. ṛṣiḥ uvāca | ṛtavāk iti vikhyātaḥ tapasvī revatīm
prati | cakāra kopam kruddhena tena ṛkṣam vinipātitam
57. The sage said: The renowned ascetic (tapasvī) Ṛtavāk became angry at Revatī. By him, in his anger, the constellation was caused to fall.
मया चास्मै प्रतिज्ञाता भर्येति मदिरेक्षणा ।
न चेच्छसि विवाहं त्वं सङ्कटं नः समागतम् ॥५८॥
58. mayā cāsmai pratijñātā bharyeti madirekṣaṇā .
na cecchasi vivāhaṃ tvaṃ saṅkaṭaṃ naḥ samāgatam.
58. mayā ca asmai pratijñātā bhāryā iti madirekṣaṇā |
na cet icchasi vivāham tvam saṅkaṭam naḥ samāgatam
58. The sage said: O woman with intoxicating eyes (madirekṣaṇā), I promised you to him as a wife. If you do not desire this marriage, then a great difficulty (saṅkaṭa) has come upon us.
कन्योवाच ।
ऋतवाक् स मुनिस्तात किमेवं तप्तवांस्तपः ।
न त्वया मम तातेन ब्रह्मबन्धोः सुतास्मि किम् ॥५९॥
59. kanyovāca .
ṛtavāk sa munistāta kimevaṃ taptavāṃstapaḥ .
na tvayā mama tātena brahmabandhoḥ sutāsmi kim.
59. kanyā uvāca | ṛtavāk sa muniḥ tāta kim evam taptavān
tapaḥ | na tvayā mama tātena brahmabandhoḥ sutā asmi kim
59. The daughter said: "O father, why did that sage Ṛtavāk perform such austerities (tapas)? Am I not your daughter, my father? Or am I the daughter of a nominal brahmin (brahmabandhu)?"
ऋषिरुवाच ।
ब्रह्मबन्धोः सुता न त्वं बाले नैव तपस्विनः ।
सुता त्वं मम यो देवान् कर्तुमन्यान् समुत्सहे ॥६०॥
60. ṛṣiruvāca .
brahmabandhoḥ sutā na tvaṃ bāle naiva tapasvinaḥ .
sutā tvaṃ mama yo devān kartumanyān samutsahe.
60. ṛṣiḥ uvāca | brahmabandhoḥ sutā na tvam bāle na eva
tapasvinaḥ | sutā tvam mama yaḥ devān kartum anyān samutsahe
60. The sage said: "O child, you are not the daughter of a nominal brahmin (brahmabandhu), nor indeed of merely an ascetic (tapasvin). You are my daughter, I who am capable of creating other gods."
कन्योवाच ।
तपस्वी यदि मे तातस्तत्किमृक्षमिदं दिवि ।
समारोप्य विवाहो मे तदृक्षे क्रियते न तु ॥६१॥
61. kanyovāca .
tapasvī yadi me tātastatkimṛkṣamidaṃ divi .
samāropya vivāho me tadṛkṣe kriyate na tu.
61. kanyā uvāca tapasvī yadi me tātaḥ tat kim ṛkṣam idam
divi samāropya vivāhaḥ me tat ṛkṣe kriyate na tu
61. The girl said, "If my father is an ascetic (tapasvī), then what is this constellation (ṛkṣa) in the sky? My marriage is being performed by associating it with that constellation, and not otherwise."
ऋषिरुवाच ।
एवं भवतु भद्रन्ते भद्रे प्रीतिमती भव ।
आरोपयामीन्दुमार्गे रेवत्यृक्षं कृते तव ॥६२॥
62. ṛṣiruvāca .
evaṃ bhavatu bhadrante bhadre prītimatī bhava .
āropayāmīndumārge revatyṛkṣaṃ kṛte tava.
62. ṛṣiḥ uvāca evam bhavatu bhadram te bhadre prītimatī
bhava āropayāmi indumārge revati ṛkṣam kṛte tava
62. The sage (ṛṣi) said, "So be it! May there be welfare for you, O auspicious one! Be joyful. I will place the Revati constellation (ṛkṣa) on the moon's path for your sake."
मार्कण्डेय उवाच ।
ततस्तपः प्रभावेण रेवत्यृक्षं महामुनिः ।
यथापूर्वन्तथा चक्रे सोमयोगि द्विजोत्तम ॥६३॥
63. mārkaṇḍeya uvāca .
tatastapaḥ prabhāveṇa revatyṛkṣaṃ mahāmuniḥ .
yathāpūrvantathā cakre somayogi dvijottama.
63. mārkaṇḍeyaḥ uvāca tataḥ tapaḥ prabhāveṇa revati ṛkṣam
mahāmuniḥ yathāpūrvam tathā cakre somayogi dvijottama
63. Mārkaṇḍeya said, "Then, the great sage (mahāmuni), by the power of his asceticism (tapas), made the Revati constellation (ṛkṣa) as it was before, placing it in conjunction with the Moon (Soma), O best among twice-born ones (dvijottama)."
विवाहञ्चैव दुहितुर्विधिवद् मन्त्रयोगिनम् ।
निष्पाद्य प्रीतिमान् भूयो जामातारमथाब्रवीत् ॥६४॥
64. vivāhañcaiva duhiturvidhivad mantrayoginam .
niṣpādya prītimān bhūyo jāmātāramathābravīt.
64. vivāham ca eva duhituḥ vidhivat mantrayoginam
niṣpādya prītimān bhūyaḥ jāmātāram atha abravīt
64. And having duly performed his daughter's marriage (vivāha) with the mantra-proficient (mantrayogin) groom according to sacred rites, he, being pleased, then spoke further to his son-in-law (jāmātā).
औद्वाहिकन्ते भूपाल कथ्यतां किं ददाम्यहम् ।
दुर्लभ्यमपि दास्यामि ममाप्रतिहतन्तपः ॥६५॥
65. audvāhikante bhūpāla kathyatāṃ kiṃ dadāmyaham .
durlabhyamapi dāsyāmi mamāpratihatantapaḥ.
65. audvāhikam te bhūpāla kathyatām kim dadāmi aham
durlabham api dāsyāmi mama apratihatam tapaḥ
65. O King, tell me what I should give you for your wedding. I will give even that which is hard to obtain, for my ascetic power (tapas) is irresistible.
राजोवाच ।
मनोः स्वयम्भुवस्याहमुत्पन्नः सन्ततौ मुने ।
मन्वन्तराधिपं पुत्रं त्वत्प्रसादाद् वृणोम्यहम् ॥६६॥
66. rājovāca .
manoḥ svayambhuvasyāhamutpannaḥ santatau mune .
manvantarādhipaṃ putraṃ tvatprasādād vṛṇomyaham.
66. rājā uvāca manoḥ svayambhuvasya aham utpannaḥ santatau
mune manvantarādhipam putram tvatprasādāt vṛṇomi aham
66. The King said: 'O sage, I am born in the lineage of Svayambhu Manu. By your grace, I desire a son who will be the ruler of a Manvantara.'
ऋषिरुवाच ।
भविष्यत्येष ते कामो मनुस्त्वत्तनयो महीम् ।
सकलां भोक्ष्यते भूप धर्मविच्च भविष्यति ॥६७॥
67. ṛṣiruvāca .
bhaviṣyatyeṣa te kāmo manustvattanayo mahīm .
sakalāṃ bhokṣyate bhūpa dharmavicca bhaviṣyati.
67. ṛṣiḥ uvāca bhaviṣyati eṣaḥ te kāmaḥ manuḥ tvattanayaḥ
mahīm sakalām bhokṣyate bhūpa dharmavit ca bhaviṣyati
67. The Sage said: 'O King, this desire of yours will be fulfilled. Your son, Manu, will rule the entire earth, and he will also be a knower of (natural law) dharma.'
मार्कण्डेय उवाच ।
तामादाय ततो भूपः स्वमेव नगरं ययौ ।
तस्मादजायत सुतो रेवत्या रैवतो मनुः ॥६८॥
68. mārkaṇḍeya uvāca .
tāmādāya tato bhūpaḥ svameva nagaraṃ yayau .
tasmādajāyata suto revatyā raivato manuḥ.
68. mārkaṇḍeyaḥ uvāca tām ādāya tataḥ bhūpaḥ svam eva nagaram
yayau tasmāt ajāyata sutaḥ revatyāḥ raivataḥ manuḥ
68. Mārkaṇḍeya said: Then, having received that (boon), the king went to his own city. From him, through Revatī, a son named Manu Raivata was born.
समेतः सकलैर्धर्मैर्मानवैरपराजितः ।
विज्ञाताखिलशास्त्रार्थो वेदविद्यार्थशास्त्रवित् ॥६९॥
69. sametaḥ sakalairdharmairmānavairaparājitaḥ .
vijñātākhilaśāstrārtho vedavidyārthaśāstravit.
69. sametaḥ sakalaiḥ dharmaiḥ mānavaiḥ aparājitaḥ
vijñātākhilaśāstrārthaḥ vedavidyārthaśāstravit
69. He was endowed with all intrinsic natures (dharma), unconquered by men, and thoroughly understood the meaning of all scriptures and the Vedic sciences.
तस्य मन्वन्तरे देवान् मुनिदेवेन्द्रपार्थिवान् ।
कथ्यमानान् मया ब्रह्मन् निबोध सुसमाहितः ॥७०॥
70. tasya manvantare devān munidevendrapārthivān .
kathyamānān mayā brahman nibodha susamāhitaḥ.
70. tasya manvantare devān munidevendraparthivān
kathyāmānān mayā brahman nibodha susamāhitaḥ
70. O dvija (dvija), listen attentively (susamāhitaḥ) to the gods, sages, Indras, and kings of his manvantara (manvantara), who are now being narrated by me.
सुमेधसस्तत्र देवास्तथा भूपतयो द्विज ।
वैकुण्ठश्चामिताभश्च चतुर्दश चतुर्दश ॥७१॥
71. sumedhasastatra devāstathā bhūpatayo dvija .
vaikuṇṭhaścāmitābhaśca caturdaśa caturdaśa.
71. sumedhasas tatra devāḥ tathā bhūpatayaḥ dvija
vaikuṇṭhāḥ ca amitābhāḥ ca caturdaśa caturdaśa
71. O dvija (dvija), in that (manvantara) were the Sumedhasas gods, and also kings. The Vaikuṇṭhas and Amitābhas were each fourteen.
तेषां देवगणानान्तु चतुर्णामपि चेश्चरः ।
नाम्ना विभुरभूदिन्द्रः शतयज्ञोपलक्षकः ॥७२॥
72. teṣāṃ devagaṇānāntu caturṇāmapi ceścaraḥ .
nāmnā vibhurabhūdindraḥ śatayajñopalakṣakaḥ.
72. teṣām devagaṇānām tu caturṇām api ca īśvaraḥ
nāmnā vibhuḥ abhūt indraḥ śatayajñopalakṣakaḥ
72. And the lord (īśvara) of those four groups of deities was Vibhu by name, who became Indra (indra), identified by a hundred ritual Vedic rituals (yajña).
हिरण्यलोमा वेदश्रीरूर्ध्वबाहुस्तथापरः ।
वेदबाहुः सुधामा च पर्जन्यश्च महामुनिः ॥७३॥
73. hiraṇyalomā vedaśrīrūrdhvabāhustathāparaḥ .
vedabāhuḥ sudhāmā ca parjanyaśca mahāmuniḥ.
73. Hiraṇyalomā Vedaśrīḥ Ūrdhvabāhuḥ tathā aparaḥ
Vedabāhuḥ Sudhāmā ca Parjanyaḥ ca mahāmuniḥ
73. Hiraṇyalomā, Vedaśrī, Ūrdhvabāhu, and another, Vedabāhu, Sudhāmā, and Parjanya, the great sage.
वसिष्ठश्च महाभागो वेदवेदान्तपारगः ।
एते सप्तर्षयश्चासन् रैवतस्यान्तरे मनोः ॥७४॥
74. vasiṣṭhaśca mahābhāgo vedavedāntapāragaḥ .
ete saptarṣayaścāsan raivatasyāntare manoḥ.
74. Vasiṣṭhaḥ ca mahābhāgaḥ vedavedāntapāragaḥ ete
saptarṣayaḥ ca āsan Raivatasya antare manoḥ
74. And Vasiṣṭha, the illustrious one who had mastered the Vedas and Vedāntas, was among them. These seven sages (saptarṣayaḥ) existed during the interval of Raivata Manu.
बलबन्धुर्महावीर्यः सुयष्टव्यस्तथापरः ।
सत्यकाद्यास्तथैवासन् रैवतस्य मनोः सुताः ॥७५॥
75. balabandhurmahāvīryaḥ suyaṣṭavyastathāparaḥ .
satyakādyāstathaivāsan raivatasya manoḥ sutāḥ.
75. Balabandhuḥ mahāvīryaḥ suyaṣṭavyaḥ tathā aparaḥ
Satyakādyāḥ tathā eva āsan Raivatasya manoḥ sutāḥ
75. Balabandhu, Mahāvīrya, Suyaṣṭavya, and another (Apara), along with Satyaka and others, were the sons of Raivata Manu.
रैवतान्तास्तु मनवः कथिता ये मया तव ।
स्वायम्भुवाश्रया ह्येते स्वारोचिषमृते मनुम् ॥७६॥
76. raivatāntāstu manavaḥ kathitā ye mayā tava .
svāyambhuvāśrayā hyete svārociṣamṛte manum.
76. Raivatāntāḥ tu manavaḥ kathitāḥ ye mayā tava
Svāyambhuvāśrayāḥ hi ete Svārociṣam ṛte manum
76. The Manus, up to and including Raivata, whom I have narrated to you, these indeed have their foundation in Svāyambhuva, with the exception of Svārociṣa Manu.
य एषां शृणुयान्नित्यं पठेदाख्यानमुत्तमम् ।
विमुक्तः सर्वपापेभ्यो लोकं प्राप्नोत्यभीप्सितम् ॥७७॥
77. ya eṣāṃ śṛṇuyānnityaṃ paṭhedākhyānamuttamam .
vimuktaḥ sarvapāpebhyo lokaṃ prāpnotyabhīpsitam.
77. yaḥ eṣām śṛṇuyāt nityam paṭhet ākhyānam uttamam
vimuktaḥ sarvapāpebhyaḥ lokam prāpnoti abhīpsitam
77. Whoever regularly listens to or reads this excellent narration (ākhyāna) will be freed from all sins and attain the desired world.

Links to all chapters:

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 (current chapter) Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116 Chapter 117 Chapter 118 Chapter 119 Chapter 120 Chapter 121 Chapter 122 Chapter 123 Chapter 124 Chapter 125 Chapter 126 Chapter 127 Chapter 128 Chapter 129 Chapter 130 Chapter 131 Chapter 132 Chapter 133 Chapter 134