Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

मार्कण्डेय-पुराणम्       mārkaṇḍeya-purāṇam - chapter-74

Use the following checkboxes to set the display options for this chapter (You can also control the display of each verse separately):
what would you like to see in each verse:
मार्कण्डेय उवाच ।
राजाभूद् विख्यातः स्वराष्ट्रो नाम वीर्यवान् ।
अनेकयज्ञकृत् प्राज्ञः संग्रामेष्वपराजितः ॥१॥
1. mārkaṇḍeya uvāca .
rājābhūd vikhyātaḥ svarāṣṭro nāma vīryavān .
anekayajñakṛt prājñaḥ saṃgrāmeṣvaparājitaḥ.
1. mārkaṇḍeyaḥ uvāca rājā abhūt vikhyātaḥ svarāṣṭraḥ nāma
vīryavān anekayajñakṛt prājñaḥ saṃgrāmeṣu aparājitaḥ
1. mārkaṇḍeyaḥ uvāca svarāṣṭraḥ nāma vikhyātaḥ vīryavān
anekayajñakṛt prājñaḥ saṃgrāmeṣu aparājitaḥ rājā abhūt
1. Mārkaṇḍeya said: There was a king, renowned and valiant, named Svarāṣṭra. He was a performer of many Vedic rituals (yajña), wise, and unconquered in battles.
तस्यायुः सुमहत्प्रादात् मन्त्रिणाराधितो रविः ।
पत्नीनाञ्च शतन्तस्य धन्यानामभवद् द्विज ॥२॥
2. tasyāyuḥ sumahatprādāt mantriṇārādhito raviḥ .
patnīnāñca śatantasya dhanyānāmabhavad dvija.
2. tasya āyuḥ sumahat prādāt mantriṇā ārādhitaḥ raviḥ
patnīnām ca śatam tasya dhanyānām abhavat dvija
2. The Sun god, propitiated by his minister, granted him a very long life. And, O Brahmin (dvija), he also had a hundred fortunate wives.
तस्य दीर्घायुषः पत्न्यो नातिदीर्घायुषो मुने ।
कालेन जग्मुर्निधनं भृत्यमन्त्रिजनास्तथा ॥३॥
3. tasya dīrghāyuṣaḥ patnyo nātidīrghāyuṣo mune .
kālena jagmurnidhanaṃ bhṛtyamantrijanāstathā.
3. tasya dīrghāyuṣaḥ patnyaḥ na atidīrghāyuṣaḥ mune
kālena jagmuḥ nidhanam bhṛtyamantrijanāḥ tathā
3. O sage (mune), though he himself had a long life, his wives did not have very long lives. In time, they, along with his servants and ministers, similarly met their demise.
स भार्याभिस्तथायुक्तो भृत्यैश्च सहजन्मभिः ।
उद्विग्नचेताः संप्राप वीर्यहानिमहर्निशम् ॥४॥
4. sa bhāryābhistathāyukto bhṛtyaiśca sahajanmabhiḥ .
udvignacetāḥ saṃprāpa vīryahānimaharniśam.
4. saḥ bhāryābhiḥ tathā āyuktaḥ bhṛtyaiḥ ca sahajanmabhiḥ
udvignacetāḥ saṃprāpa vīryahānim aharniśam
4. He, having been associated with his wives, servants, and blood relatives, became distressed in mind and suffered a constant loss of vital energy.
तं वीर्यहीनं निभृतैर्भृत्यैस्त्यक्तं सुदुः खितम् ।
अनन्तरो विमर्दाख्यो राज्याच्च्यावितवांस्तदा ॥५॥
5. taṃ vīryahīnaṃ nibhṛtairbhṛtyaistyaktaṃ suduḥ khitam .
anantaro vimardākhyo rājyāccyāvitavāṃstadā.
5. tam vīryahīnam nibhṛtaiḥ bhṛtyaiḥ tyaktam sudurkhitam
anantaraḥ vimardākhyaḥ rājyāt cyāvitavān tadā
5. Then, his immediate successor, named Vimarda, deposed him - who was by then devoid of vital energy, secretly abandoned by his servants, and greatly distressed - from his kingdom.
राज्याच्च्युतः सोऽपि वनं गत्वा निर्विण्णमानसः ।
तपस्तेपे महाभागे वितस्तापुलिने स्थितः ॥६॥
6. rājyāccyutaḥ so'pi vanaṃ gatvā nirviṇṇamānasaḥ .
tapastepe mahābhāge vitastāpuline sthitaḥ.
6. rājyāt cyutaḥ saḥ api vanaṃ gatvā nirviṇṇamānasaḥ
tapaḥ tepe mahābhāge vitastāpuline sthitaḥ
6. O highly fortunate one, deprived of his kingdom, he, too, went to the forest with a dejected mind. There, he performed severe austerity (tapas), residing on the sandbanks of the Vitastā river.
ग्रीष्मे पञ्चतमा भूत्वा वर्षास्वभ्रावकाशिकः ।
जलशायी च शिशिरे निराहारो यतव्रतः ॥७॥
7. grīṣme pañcatamā bhūtvā varṣāsvabhrāvakāśikaḥ .
jalaśāyī ca śiśire nirāhāro yatavrataḥ.
7. grīṣme pañcatapāḥ bhūtvā varṣāsu abhrāvakāśikaḥ
jalaśāyī ca śiśire nirāhāraḥ yatavrataḥ
7. In summer, he performed the austerity (tapas) of five fires; in the rainy season, he remained in the open air under the clouds; and in winter, he slept in water, fasting and maintaining strict vows.
ततस्तपस्यतस्तस्य प्रावृट्काले महाप्लवः ।
बभूवानुदिनं मेघैर्वर्षद्भिरनुसन्ततम् ॥८॥
8. tatastapasyatastasya prāvṛṭkāle mahāplavaḥ .
babhūvānudinaṃ meghairvarṣadbhiranusantatam.
8. tataḥ tapasyataḥ tasya prāvṛṭkāle mahāplavaḥ
babhūva anudinaṃ meghaiḥ varṣadbhiḥ anusantatam
8. Then, while he was engaged in his austerity (tapas), a great flood occurred during the rainy season, as clouds incessantly rained day after day.
न दिग्विज्ञायते पूर्वा दक्षिणा वा न पश्चिमा ।
नोत्तरा तमसा सर्वमनुलिप्तमिवाभवत् ॥९॥
9. na digvijñāyate pūrvā dakṣiṇā vā na paścimā .
nottarā tamasā sarvamanuliptamivābhavat.
9. na dik vijñāyate pūrvā dakṣiṇā vā na paścimā
na uttarā tamasā sarvam anuliptam iva abhavat
9. Neither the eastern, southern, nor western direction, nor the northern, could be discerned. Everything seemed to be smeared by darkness.
ततोऽतिपूरेण नृपः स नद्याः प्रेरितस्तटम् ।
प्रार्थयन्नापि नावाप ह्रियमाणो महीपतिः ॥१०॥
10. tato'tipūreṇa nṛpaḥ sa nadyāḥ preritastaṭam .
prārthayannāpi nāvāpa hriyamāṇo mahīpatiḥ.
10. tataḥ atipūreṇa nṛpaḥ saḥ nadyāḥ preritaḥ taṭam
prārthayan api na avāpa hriyamāṇaḥ mahīpatiḥ
10. Then, that king, being swept away by the river's massive flood, was driven towards the bank but, despite his desire, could not reach it, as he was being carried away.
अथ दूरे जलौघेन ह्रियमाणो महीपतिः ।
आससाद जले रौहीं स पुच्छे जगृहे च ताम् ॥११॥
11. atha dūre jalaughena hriyamāṇo mahīpatiḥ .
āsasāda jale rauhīṃ sa pucche jagṛhe ca tām.
11. atha dūre jalaughena hriyamāṇaḥ mahīpatiḥ
āsasāda jale rauhīm saḥ pucce jagṛhe ca tām
11. Then, the king, being swept far away by the current, encountered a female deer in the water and seized her by the tail.
तेन प्लवेन स ययावूह्यमानो महीतले ।
इतश्चेतश्चान्धकारे आससाद तटन्ततः ॥१२॥
12. tena plavena sa yayāvūhyamāno mahītale .
itaścetaścāndhakāre āsasāda taṭantataḥ.
12. tena plavena saḥ yayau ūhyamāṇaḥ mahītale itaḥ
ca itaḥ ca andhakāre āsasāda taṭam antataḥ
12. Carried along on the earth's surface by that (deer-like) float, he drifted hither and thither in the darkness until he finally reached a bank.
विस्तारि पङ्कमत्यर्थं दुस्तरं स नृपस्तरन् ।
तथैव कृष्यमाणोऽन्यद्रम्यं वनमवाप सः ॥१३॥
13. vistāri paṅkamatyarthaṃ dustaraṃ sa nṛpastaran .
tathaiva kṛṣyamāṇo'nyadramyaṃ vanamavāpa saḥ.
13. vistāri paṅkam atyartham dustaram saḥ nṛpaḥ taran
tathā eva kṛṣyamāṇaḥ anyat ramyam vanam avāpa saḥ
13. That king, as he crossed the vast, exceedingly difficult-to-traverse mud, was still being dragged along, and in this manner, he reached another beautiful forest.
तत्रान्धकारे सा रौही चकर्ष वसुधाधिपम् ।
पुच्छे लग्नं महाभागं कृशं धमनिसन्ततौ ॥१४॥
14. tatrāndhakāre sā rauhī cakarṣa vasudhādhipam .
pucche lagnaṃ mahābhāgaṃ kṛśaṃ dhamanisantatau.
14. tatra andhakāre sā rauhī cakarṣa vasudhādhipam
pucce lagnam mahābhāgam kṛśam dhamanisantatau
14. There in the darkness, Rauhī pulled the lord of the earth, that noble one, who was clinging to her tail, emaciated and with a prominent network of veins.
तस्याश्च स्पर्शसंभूतामवापमुदमुत्तमाम् ।
सोऽन्धकारे भ्रमन् भूयो मदनाकृष्टमानसः ॥१५॥
15. tasyāśca sparśasaṃbhūtāmavāpamudamuttamām .
so'ndhakāre bhraman bhūyo madanākṛṣṭamānasaḥ.
15. tasyāḥ ca sparśasaṃbhūtām avāpa mudam uttamām
saḥ andhakāre bhraman bhūyaḥ madanākṛṣṭamānasaḥ
15. And from her touch, he attained the highest joy. While he wandered again in the darkness, his mind was captivated by desire (madana).
विज्ञाय सानुरागं तं पृष्ठस्पर्शनतत्परम् ।
नरेन्द्रं तद्वनस्यान्तः सा मृगी तमुवाच ह ॥१६॥
16. vijñāya sānurāgaṃ taṃ pṛṣṭhasparśanatatparam .
narendraṃ tadvanasyāntaḥ sā mṛgī tamuvāca ha.
16. vijñāya sānurāgam tam pṛṣṭhasparśanatatparam
narendram tadvanasya antaḥ sā mṛgī tam uvāca ha
16. Recognizing him, the king (narendra), as affectionate and eager to touch her back, the deer (mṛgī) spoke to him inside that forest.
किं पृष्ठं वेपथुमता करेण स्पृशसे मम ।
अन्यथैवास्य कार्यस्य सञ्जाता नृपते गतिः ॥१७॥
17. kiṃ pṛṣṭhaṃ vepathumatā kareṇa spṛśase mama .
anyathaivāsya kāryasya sañjātā nṛpate gatiḥ.
17. kim pṛṣṭham vepathumatā kareṇa spṛśase mama
anyathā eva asya kāryasya sañjātā nṛpate gatiḥ
17. Why do you touch my back with a trembling hand? O King (nṛpate), the course of this matter has surely turned out quite differently.
नास्थाने वो मनो यातं नागम्याहं तवेश्वर ।
किन्तु त्वत्सङ्गमे विघ्नमेष लोलः करोति मे ॥१८॥
18. nāsthāne vo mano yātaṃ nāgamyāhaṃ taveśvara .
kintu tvatsaṅgame vighnameṣa lolaḥ karoti me.
18. na asthāne vaḥ manaḥ yātam na agamyā aham tava īśvara
kintu tvat-saṅgame vighnam eṣaḥ lolaḥ karoti me
18. O Lord, your mind has not gone to an improper place, nor am I forbidden to you. But this restless one causes an obstacle to my union with you.
मार्कण्डेय उवाच ।
इति श्रुत्वा वचस्तस्या मृग्याश्च जगतीपतिः ।
जातकौतूहलो रौहीमिदं वचनमब्रवीत् ॥१९॥
19. mārkaṇḍeya uvāca .
iti śrutvā vacastasyā mṛgyāśca jagatīpatiḥ .
jātakautūhalo rauhīmidaṃ vacanamabravīt.
19. mārkaṇḍeyaḥ uvāca iti śrutvā vacaḥ tasyāḥ mṛgyāḥ ca
jagatīpatiḥ jātakautūhalaḥ rauhīm idam vacanam abravīt
19. Markandeya said: Having heard these words from that deer, the lord of the earth (the king), whose curiosity had arisen, spoke these words to her.
का त्वं ब्रूहि मृगी वाक्यं कथं मानुषवद्वदेत् ।
कश्चैव लोलो यो विघ्नं त्वत्सङ्गे कुरुते मम ॥२०॥
20. kā tvaṃ brūhi mṛgī vākyaṃ kathaṃ mānuṣavadvadet .
kaścaiva lolo yo vighnaṃ tvatsaṅge kurute mama.
20. kā tvam brūhi mṛgī vākyam katham mānuṣavat vadet
kaḥ ca eva lolaḥ yaḥ vighnam tvat-saṅge kurute mama
20. Who are you? Tell me, O deer, how can you speak like a human? And who is this restless one who creates an obstacle to my union with you?
मृग्युवाच ।
अहन्ते दयिता भूप प्रागासमुत्पलावती ।
भर्या शताग्रमहिषी दुहिता दृढधन्वनः ॥२१॥
21. mṛgyuvāca .
ahante dayitā bhūpa prāgāsamutpalāvatī .
bharyā śatāgramahiṣī duhitā dṛḍhadhanvanaḥ.
21. mṛgī uvāca aham te dayitā bhūpa prāk āsam utpalāvatī
bhāryā śatāgramahiṣī duhitā dṛḍhadhanvanaḥ
21. The deer said: 'O King, I was formerly your beloved wife, Utpalavati, the chief queen among a hundred, the daughter of Dṛḍhadhanvan.'
राजोवाच ।
किन्तु यावत् कृतं कर्म येनेमां योनिमागता ।
पतिव्रता धर्मपरा सा चेत्थं सथमीदृशी ॥२२॥
22. rājovāca .
kintu yāvat kṛtaṃ karma yenemāṃ yonimāgatā .
pativratā dharmaparā sā cetthaṃ sathamīdṛśī.
22. rāja uvāca kintu yāvat kṛtam karma yena imām yonim
āgatā pativratā dharmaparā sā ca ittham satī īdṛśī
22. The king said, "But what action (karma) did she perform by which she attained this current birth? She is devoted to her husband and dedicated to her intrinsic nature (dharma), yet she has become like this."
मृग्युवाच ।
अहं पितृगृहे बाला सखीभिः सहिता वनम् ।
रन्तुं गता ददर्शैकं मृगं मृग्या समागतम् ॥२३॥
23. mṛgyuvāca .
ahaṃ pitṛgṛhe bālā sakhībhiḥ sahitā vanam .
rantuṃ gatā dadarśaikaṃ mṛgaṃ mṛgyā samāgatam.
23. mṛgī uvāca aham pitṛgṛhe bālā sakhībhiḥ sahitā
vanam rantum gatā dadarśa ekam mṛgam mṛgyā samāgatam
23. The doe said, "When I was a young girl in my father's home, I went to the forest with my friends to play. There, I saw a male deer accompanied by a female deer."
ततः समीपवर्तिन्या मया सा ताडिता मृगी ।
मया त्रस्ता गतान्यत्र क्रुद्धः प्राह ततो मृगः ॥२४॥
24. tataḥ samīpavartinyā mayā sā tāḍitā mṛgī .
mayā trastā gatānyatra kruddhaḥ prāha tato mṛgaḥ.
24. tataḥ samīpavartinyā mayā sā tāḍitā mṛgī mayā
trastā gatā anyatra kruddhaḥ prāha tataḥ mṛgaḥ
24. Then, I, standing nearby, struck that doe. Terrified by me, she went elsewhere. Subsequently, the male deer, enraged, spoke.
मूढे किमेवं मत्तासि धिक्ते दौः शील्यमीदृशम् ।
आधानकालो येनायं त्वया मे विफलीकृतः ॥२५॥
25. mūḍhe kimevaṃ mattāsi dhikte dauḥ śīlyamīdṛśam .
ādhānakālo yenāyaṃ tvayā me viphalīkṛtaḥ.
25. mūḍhe kim evam mattā asi dhik te dauḥśīlyam īdṛśam
ādhānakālaḥ yena ayam tvayā me viphalīkṛtaḥ
25. Oh foolish one! Why are you so arrogant? Shame on your such misconduct, by which you have rendered this time of impregnation fruitless for me!
वाचं श्रुत्वा ततस्तस्य मानुषस्येव भाषतः ।
भीता तमब्रुवं कोऽसीत्येतां योनिमुपागतः ॥२६॥
26. vācaṃ śrutvā tatastasya mānuṣasyeva bhāṣataḥ .
bhītā tamabruvaṃ ko'sītyetāṃ yonimupāgataḥ.
26. vācam śrutvā tataḥ tasya mānuṣasya iva bhāṣataḥ
bhītā tam abruvam kaḥ asi iti etām yonim upāgataḥ
26. Then, having heard his voice, which was like that of a human speaking, I, frightened, said to him, "Who are you, who has come into this form (yoni)?"
ततः स प्राह पुत्रोऽहमृषेर्निर्वृतिचक्षुषः ।
सुतपा नाम मृग्यान्तु साभिलाषो मृगोऽभवम् ॥२७॥
27. tataḥ sa prāha putro'hamṛṣernirvṛticakṣuṣaḥ .
sutapā nāma mṛgyāntu sābhilāṣo mṛgo'bhavam.
27. tataḥ saḥ prāha putraḥ aham ṛṣeḥ nirvṛticakṣuṣaḥ
sutapā nāma mṛgyām tu sa-abhilāṣaḥ mṛgaḥ abhavam
27. Then he said, "I am Sutapa by name, the son of a sage (ṛṣi) whose vision is tranquility. However, I became a deer, having developed a desire for a female deer (mṛgī)."
इमाञ्चानुगतः प्रेम्णा वाञ्छितश्चानया वने ।
त्वया वियोजिता दुष्टे तस्माच्छापं ददामि ते ॥२८॥
28. imāñcānugataḥ premṇā vāñchitaścānayā vane .
tvayā viyojitā duṣṭe tasmācchāpaṃ dadāmi te.
28. imām ca anugataḥ premṇā vāñchitaḥ ca anayā vane
tvayā viyojitā duṣṭe tasmāt śāpam dadāmi te
28. I followed her out of love and was desired by her in the forest. O wicked one, you separated her! Therefore, I give this curse to you.
मया चोक्तं तवाज्ञानादपराधः कृतो मुने ।
प्रसादं कुरु शापं मे न भवान् दातुमर्हति ॥२९॥
29. mayā coktaṃ tavājñānādaparādhaḥ kṛto mune .
prasādaṃ kuru śāpaṃ me na bhavān dātumarhati.
29. mayā ca uktam tava ajñānāt aparādhaḥ kṛtaḥ mune
prasādam kuru śāpam me na bhavān dātum arhati
29. And I said: "O sage (muni), an offense was committed by me out of ignorance. Please grant your grace, for you ought not to give a curse to me."
इत्युक्तः प्राह मां सोऽपि मुनिरित्थं महीपते ।
न प्रयच्छामि शापं ते यद्यात्मानं ददासि मे ॥३०॥
30. ityuktaḥ prāha māṃ so'pi muniritthaṃ mahīpate .
na prayacchāmi śāpaṃ te yadyātmānaṃ dadāsi me.
30. iti uktaḥ prāha mām saḥ api muniḥ ittham mahīpate
na prayacchāmi śāpam te yadi ātmānam dadāsi me
30. O king, when I had spoken thus, that sage also said to me in this manner: 'I will not give you a curse if you surrender yourself (ātman) to me.'
मया चोक्तं मृगी नाहं मृगरूपधरा वने ।
लप्स्यसेऽन्यां मृगीन्तावन्मयि भावो निवर्त्यताम् ॥३१॥
31. mayā coktaṃ mṛgī nāhaṃ mṛgarūpadharā vane .
lapsyase'nyāṃ mṛgīntāvanmayi bhāvo nivartyatām.
31. mayā ca uktam mṛgī na aham mṛgarūpadharā vane
lapsyase anyām mṛgīm tāvat mayi bhāvaḥ nivartyatām
31. And I said, 'I am not a doe, though I assume the form of a deer in the forest. You will find another doe, so let your desire for me be withdrawn.'
इत्युक्तः कोपरक्ताक्षः स प्राह स्फुरिताधरः ।
नाहं मृगी त्वयेत्युक्तं मृगी मूढे भविष्यसि ॥३२॥
32. ityuktaḥ koparaktākṣaḥ sa prāha sphuritādharaḥ .
nāhaṃ mṛgī tvayetyuktaṃ mṛgī mūḍhe bhaviṣyasi.
32. iti uktaḥ koparaktākṣaḥ saḥ prāha sphuritādharaḥ
na aham mṛgī tvayā iti uktam mṛgī mūḍhe bhaviṣyasi
32. When told this, he, with eyes reddened by anger and trembling lips, said: 'You said, "I am not a doe," (but now) you, foolish woman, shall become a doe!'
ततो भृशं प्रव्यथिता प्रणम्य मुनिमब्रुवम् ।
स्वरूपस्थमतिक्रुद्धं प्रसीदेति पुनः पुनः ॥३३॥
33. tato bhṛśaṃ pravyathitā praṇamya munimabruvam .
svarūpasthamatikruddhaṃ prasīdeti punaḥ punaḥ.
33. tataḥ bhṛśam pravyathitā praṇamya munim abruvam
svarūpastham atikruddham prasīda iti punaḥ punaḥ
33. Then, greatly distressed, I bowed down and said to the sage, who stood in his own form and was extremely angry, 'Be gracious!' again and again.
बालानभैज्ञा वाक्यानां ततः प्रोक्तमिदं मया ।
पितर्यसति नारीभिर्व्रियते हि पतिः स्वयम् ॥३४॥
34. bālānabhaijñā vākyānāṃ tataḥ proktamidaṃ mayā .
pitaryasati nārībhirvriyate hi patiḥ svayam.
34. bālānabhijñā vākyānām tataḥ proktam idam mayā
pitari asati nārībhiḥ vriyate hi patiḥ svayam
34. Being ignorant of such words, I then said this: 'Indeed, when the father is absent, women choose their husband themselves.'
सति ताते कथञ्चाहं वृणोमि मुनिसत्तम ।
सापराधाथवा पादौ प्रसीदेश नमाम्यहम् ॥३५॥
35. sati tāte kathañcāhaṃ vṛṇomi munisattama .
sāparādhāthavā pādau prasīdeśa namāmyaham.
35. sati tāte katham ca aham vṛṇomi munisattama
sāparādhā athavā pādau prasīda īśa namāmi aham
35. O best of sages, how can I choose (a husband) when my father is present? Or perhaps, I am at fault. O Lord, be gracious! I bow down at your feet.
प्रसीदेति प्रसीदेति प्रणताया महामते ।
इत्थं लालप्यमानायाः स प्राह मुनिपुङ्गवः ॥३६॥
36. prasīdeti prasīdeti praṇatāyā mahāmate .
itthaṃ lālapyamānāyāḥ sa prāha munipuṅgavaḥ.
36. prasīda iti prasīda iti praṇatāyāḥ mahāmate
ittham lālapyamānāyāḥ saḥ prāha munipuṅgavaḥ
36. To her, who was prostrate and thus repeatedly crying out, 'Be gracious! Be gracious! O great-minded one!' that best of sages said.
न भवत्यन्यथा प्रोक्तं मम वाक्यं कदाचन ।
मृगी भविष्यसि मृता वनेऽस्मिन्नेव जन्मनि ॥३७॥
37. na bhavatyanyathā proktaṃ mama vākyaṃ kadācana .
mṛgī bhaviṣyasi mṛtā vane'sminneva janmani.
37. na bhavati anyathā proktam mama vākyam kadācana
mṛgī bhaviṣyasi mṛtā vane asmin eva janmani
37. My word, once spoken, can never be otherwise. Having died, you will become a doe (mṛgī) in this very forest, in this very birth.
मृगत्वे च महाबाहुस्तव गर्भमुपैष्यति ।
लोलो नाम मुनेः पुत्रः सिद्धवीर्यस्य भामिनि ॥३८॥
38. mṛgatve ca mahābāhustava garbhamupaiṣyati .
lolo nāma muneḥ putraḥ siddhavīryasya bhāmini.
38. mṛgatve ca mahābāhuḥ tava garbham upaiṣyati
lolaḥ nāma muneḥ putraḥ siddhavīryasya bhāmini
38. O radiant one, that mighty-armed one will enter your womb as a deer. He will be Lola, the son of the sage whose power is established.
जीतिस्मरा भवित्री त्वं तस्मिन् गर्भमुपागते ।
स्मृतिं प्राप्य तथा वाचं मानुषीमीरयिष्यसि ॥३९॥
39. jītismarā bhavitrī tvaṃ tasmin garbhamupāgate .
smṛtiṃ prāpya tathā vācaṃ mānuṣīmīrayiṣyasi.
39. jātismrā bhavitrī tvam tasmin garbham upāgate
smṛtim prāpya tathā vācam mānuṣīm īrayiṣyasi
39. You will become a knower of past lives (jātismara) when that embryo is conceived. Having regained your memory (smṛti), you will then speak human words.
त्समिन् जाते मृगीत्वात् त्वं विमुक्ता पतिनार्चिता ।
लोकानवाप्स्यसि प्राप्या ये न दुष्कृतकर्मभिः ॥४०॥
40. tsamin jāte mṛgītvāt tvaṃ vimuktā patinārcitā .
lokānavāpsyasi prāpyā ye na duṣkṛtakarmabhiḥ.
40. tasmin jāte mṛgītvāt tvam vimuktā patinā arcitā
lokān avāpsyasi prāpyā ye na duṣkṛtakarmabhiḥ
40. When he is born, you will be freed from your deer form and honored by your husband. Having obtained [merit/knowledge], you will attain realms (loka) that are inaccessible to those who perform evil actions (duṣkṛtakarma).
सोऽपि लोलो महावीर्यः पितृशत्रून् निपात्य वै ।
जित्वा वसुन्दरां कृत्स्त्रां भविष्यति ततो मनुः ॥४१॥
41. so'pi lolo mahāvīryaḥ pitṛśatrūn nipātya vai .
jitvā vasundarāṃ kṛtstrāṃ bhaviṣyati tato manuḥ.
41. saḥ api lolaḥ mahāvīryaḥ pitṛśatrūn nipātya vai
jitvā vasundarām kṛtsnām bhaviṣyati tataḥ manuḥ
41. And that Lola, of great valor, having indeed slain his father's enemies and conquered the entire earth, will then become a Manu.
एवं शापमहं लब्ध्वा मृता तिर्यक्त्वमागता ।
त्वत्संस्पर्शाच्च गर्भोऽसौ संभूतो जठरे मम ॥४२॥
42. evaṃ śāpamahaṃ labdhvā mṛtā tiryaktvamāgatā .
tvatsaṃsparśācca garbho'sau saṃbhūto jaṭhare mama.
42. evam śāpam aham labdhvā mṛtā tiryaktvam āgatā |
tvatsaṃsparśāt ca garbhaḥ asau saṃbhūtaḥ jaṭhare mama
42. Thus, having received a curse, I died and attained an animal form. And due to your touch, this embryo was conceived in my womb.
अतो ब्रवीमि नास्थाने तव यातं मनो मयि ।
न चाप्यगम्या गर्भस्थो लोलो विघ्नं करोत्यसौ ॥४३॥
43. ato bravīmi nāsthāne tava yātaṃ mano mayi .
na cāpyagamyā garbhastho lolo vighnaṃ karotyasau.
43. ataḥ bravīmi na asthāne tava yātam manaḥ mayi | na
ca api agamyā garbhasthaḥ lolaḥ vighnam karoti asau
43. Therefore, I tell you, your mind was not improperly directed towards me. Furthermore, I am not a forbidden woman, and this restless child dwelling in my womb does not create an impediment.
मार्कण्डेय उवाच ।
एवमुक्तस्ततः सोऽपि राजा प्राप्य परां मुदम् ।
पुत्रो ममारीञ्जित्वेति पृथिव्यां भविता मनुः ॥४४॥
44. mārkaṇḍeya uvāca .
evamuktastataḥ so'pi rājā prāpya parāṃ mudam .
putro mamārīñjitveti pṛthivyāṃ bhavitā manuḥ.
44. mārkaṇḍeyaḥ uvāca | evam uktaḥ
tataḥ saḥ api rājā prāpya parām
mudam | putraḥ mama arīn
jitvā iti pṛthivyām bhavitā manuḥ
44. Mārkaṇḍeya said: Thus addressed, that king obtained supreme joy (thinking): "My son, having conquered enemies, will be a Manu on earth."
ततस्तं सुषुवे पुत्रं सा मृगी लक्षणान्वितम् ।
तस्मिन् जाते च भूतानि सर्वाणि प्रययुर्मुदम् ॥४५॥
45. tatastaṃ suṣuve putraṃ sā mṛgī lakṣaṇānvitam .
tasmin jāte ca bhūtāni sarvāṇi prayayurmudam.
45. tataḥ tam suṣuve putram sā mṛgī lakṣaṇānvitam
| tasmin jāte ca bhūtāni sarvāṇi prayayuḥ mudam
45. Then that doe gave birth to him, the son endowed with auspicious marks. And when he was born, all beings experienced joy.
विशेषतश्च राजासौ पुत्रे जाते महाबले ।
सा विमुक्ता मृगी शापात् प्राप लोकाननुत्तमान् ॥४६॥
46. viśeṣataśca rājāsau putre jāte mahābale .
sā vimuktā mṛgī śāpāt prāpa lokānanuttamān.
46. viśeṣataḥ ca rājā asau putre jāte mahābale
sā vimuktā mṛgī śāpāt prāpa lokān anuttamān
46. And particularly, when that extremely powerful son was born, she, the doe, was freed from the curse and attained unsurpassed realms.
ततस्तस्यर्षयः सर्वे समेत्य मुनिसत्तम ।
अवेक्ष्य भाविनीमृद्धिं नाम चक्रुर्महात्मनः ॥४७॥
47. tatastasyarṣayaḥ sarve sametya munisattama .
avekṣya bhāvinīmṛddhiṃ nāma cakrurmahātmanaḥ.
47. tataḥ tasya ṛṣayaḥ sarve sametya munisattama
avekṣya bhāvinīm ṛddhim nāma cakruḥ mahātmanaḥ
47. Then, O best of sages, all the seers, having assembled and observed his future greatness, gave a name to that great-souled one.
तामसीं भजमानायां योनिं मातर्यजायत ।
तमसा चावृते लोके तामसोऽयं भविष्यति ॥४८॥
48. tāmasīṃ bhajamānāyāṃ yoniṃ mātaryajāyata .
tamasā cāvṛte loke tāmaso'yaṃ bhaviṣyati.
48. tāmasīm bhajamānāyām yonim mātari ajāyata
tamasā ca āvṛte loke tāmasaḥ ayam bhaviṣyati
48. He was born when the mother took a Tāmasic (tāmasī) birth-form. And in a world enveloped by darkness (tamas), this one will be Tāmasa.
ततः स तामसस्तेन पित्रा संवर्धितो वने ।
जातबुद्धिरुवाचेदं पितरं मुनिसत्तम ॥४९॥
49. tataḥ sa tāmasastena pitrā saṃvardhito vane .
jātabuddhiruvācedaṃ pitaraṃ munisattama.
49. tataḥ saḥ tāmasaḥ tena pitrā saṃvardhitaḥ vane
jātabuddhiḥ uvāca idam pitaram munisattama
49. Then, O best of sages, that Tamasa, having been raised by that father in the forest and having attained understanding, said this to his father.
कस्त्वं तात कथं वाहं पुत्रो माता च का मम ।
किमर्थमागतश्च त्वमेतत् सत्यं ब्रवीहि मे ॥५०॥
50. kastvaṃ tāta kathaṃ vāhaṃ putro mātā ca kā mama .
kimarthamāgataśca tvametat satyaṃ bravīhi me.
50. kaḥ tvam tāta katham vā aham putraḥ mātā ca kā mama
kim artham āgataḥ ca tvam etat satyam bravīhi me
50. Who are you, dear father? And how am I your son? Who is my mother? And why have you come? Please tell me this truth.
मार्कण्डेय उवाच ।
ततः पिता यथावृत्तं स्वराज्यच्यावनादिकम् ।
तस्याचष्टे महाबहुः पुत्रस्य जगतीपतिः ॥५१॥
51. mārkaṇḍeya uvāca .
tataḥ pitā yathāvṛttaṃ svarājyacyāvanādikam .
tasyācaṣṭe mahābahuḥ putrasya jagatīpatiḥ.
51. mārkaṇḍeyaḥ uvāca tataḥ pitā yathāvṛttam svarājyacyāvanādikam
tasya ācaṣṭe mahābāhuḥ putrasya jagatīpatiḥ
51. Mārkaṇḍeya said: Then the mighty-armed king, the lord of the earth, told his son the entire account of what had happened, beginning with his dethronement from his own kingdom.
श्रुत्वा तत् सकलं सोऽपि समाराध्य च भारस्करम् ।
अवाच दिव्यान्यस्त्राणि ससंहाराण्यशेषतः ॥५२॥
52. śrutvā tat sakalaṃ so'pi samārādhya ca bhāraskaram .
avāca divyānyastrāṇi sasaṃhārāṇyaśeṣataḥ.
52. śrutvā tat sakalam saḥ api samārādhya ca bhāskaram
avāpa divyāni astrāṇi sasaṃhārāṇi aśeṣataḥ
52. Having heard all that, he also worshipped the sun (Bhāskara) and obtained divine weapons completely, along with their methods of destruction or withdrawal.
कृतास्त्रस्तानरीन् जित्वा पितुरानीय चान्तिकम् ।
अनुज्ञातान् मुनोचाथ तेन स्वं धर्ममास्थितः ॥५३॥
53. kṛtāstrastānarīn jitvā piturānīya cāntikam .
anujñātān munocātha tena svaṃ dharmamāsthitaḥ.
53. kṛta astraḥ tān arīn jitvā pituḥ ānīya ca antikam
anujñātān mumoca atha tena svam dharmam āsthitaḥ
53. Having acquired weapons, and having conquered those enemies, he brought them near to his father. Then, having received his father's permission, he released them, thus remaining steadfast in his own duty (dharma).
पितापि तस्य स्वान् लोकांस्तपोयज्ञसमार्जितान् ।
विसृष्टदेहः संप्राप्तो दृष्ट्वा पुत्रमुखं सुखम् ॥५४॥
54. pitāpi tasya svān lokāṃstapoyajñasamārjitān .
visṛṣṭadehaḥ saṃprāpto dṛṣṭvā putramukhaṃ sukham.
54. pitā api tasya svān lokān tapoyajñasamārjitān
visṛṣṭadehaḥ samprāptaḥ dṛṣṭvā putramukham sukham
54. Having seen the happy face of his son, his father, having relinquished his body, also attained his own realms, which he had earned through ascetic practices (tapas) and sacrificial rituals (yajña).
जित्वा समस्तां पृथिवीं तामसाख्यः स पार्थिवः ।
तामसाख्यो मनुरभुत्तस्य मन्वन्तरं शृणु ॥५५॥
55. jitvā samastāṃ pṛthivīṃ tāmasākhyaḥ sa pārthivaḥ .
tāmasākhyo manurabhuttasya manvantaraṃ śṛṇu.
55. jitvā samastām pṛthivīm tāmasa ākhyaḥ saḥ pārthivaḥ
tāmasa ākhyaḥ manuḥ abhūt tasya manvantaram śṛṇu
55. That king named Tamasa, having conquered the entire earth, became Manu (Manu) named Tamasa. Now listen to the account of his Manvantara.
ये देवा यत्पतिर्यश्च देवेन्द्रो ये तथर्षयः ।
ये पुत्राश्च मनोस्तस्य पृथिवीपरिपालकाः ॥५६॥
56. ye devā yatpatiryaśca devendro ye tatharṣayaḥ .
ye putrāśca manostasya pṛthivīparipālakāḥ.
56. ye devāḥ yatpatiḥ yaḥ ca deva indraḥ ye tathā
ṛṣayaḥ ye putrāḥ ca manoḥ tasya pṛthivīparipālakāḥ
56. The gods, whose lord is Devendra, and also the sages, and the sons of that Manu who are the protectors of the earth -
सत्यास्तथान्ये सुधियः सुरूपा हरयस्तथा ।
एते देवगणास्तत्र सप्तविंशतिका मुने ॥५७॥
57. satyāstathānye sudhiyaḥ surūpā harayastathā .
ete devagaṇāstatra saptaviṃśatikā mune.
57. satyāḥ tathā anye sudhiyaḥ surūpāḥ harayaḥ
tathā ete devagaṇāḥ tatra saptaviṃśatikāḥ mune
57. The Satyas, and others, the Sudhis, the Surupas, and the Haris - these are the twenty-seven groups of gods present there, O sage!
महाबलो महावीर्यः शतयज्ञोपलक्षितः ।
शिखिरिन्द्रस्तथा तेषां देवानामभवद्विभुः ॥५८॥
58. mahābalo mahāvīryaḥ śatayajñopalakṣitaḥ .
śikhirindrastathā teṣāṃ devānāmabhavadvibhuḥ.
58. mahābalaḥ mahāvīryaḥ śatayajñopalakṣitaḥ
śikhirindraḥ tathā teṣām devānām abhavat vibhuḥ
58. Śikhirindra, who was very powerful, very valorous, and distinguished by a hundred Vedic rituals (yajña), thus became the lord of those gods.
ज्योतिर्धर्मा पृथुः काव्यश्चैत्रोऽग्निर्वलकस्तथा ।
पीवरश्च तथा ब्रह्मन् सप्त गप्तर्षयोऽभवन् ॥५९॥
59. jyotirdharmā pṛthuḥ kāvyaścaitro'gnirvalakastathā .
pīvaraśca tathā brahman sapta gaptarṣayo'bhavan.
59. jyotirdharmā pṛthuḥ kāvyaḥ caitraḥ agniḥ valakaḥ tathā
pīvaraḥ ca tathā brahman sapta saptarṣayaḥ abhavan
59. O brahmin, Jyotirdharmā, Pṛthu, Kāvya, Caitra, Agni, Valaka, and Pīvara - these seven became the saptarṣis.
नरः क्षान्तिः शान्तदान्तजानुजङ्घादयस्तथा ।
पुत्रास्तु तामसस्यासन् राजानः सुमहाबलाः ॥६०॥
60. naraḥ kṣāntiḥ śāntadāntajānujaṅghādayastathā .
putrāstu tāmasasyāsan rājānaḥ sumahābalāḥ.
60. naraḥ kṣāntiḥ śāntadāntajānujanghādayaḥ tathā
putrāḥ tu tāmasasya āsan rājānaḥ sumahābalāḥ
60. Nara, Kṣānti, Śāntadānta, Jānujaṅgha, and others - these, who were kings of great power, were the sons of Tāmasa.
इत्येतत्तामसं विप्र मन्वन्तरमुदाहृतम् ।
यः पठेत् शृणुयाद्वापि तमसा सन बाध्यते ॥६१॥
61. ityetattāmasaṃ vipra manvantaramudāhṛtam .
yaḥ paṭhet śṛṇuyādvāpi tamasā sana bādhyate.
61. iti etat tāmasam vipra manvantaram udāhṛtam yaḥ
paṭhet śṛṇuyāt vā api tamasā saḥ na bādhyate
61. O brahmin, this Tāmasa Manvantara has thus been described. Whoever reads it or even hears it will not be afflicted by ignorance (tamas).

Links to all chapters:

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 (current chapter) Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116 Chapter 117 Chapter 118 Chapter 119 Chapter 120 Chapter 121 Chapter 122 Chapter 123 Chapter 124 Chapter 125 Chapter 126 Chapter 127 Chapter 128 Chapter 129 Chapter 130 Chapter 131 Chapter 132 Chapter 133 Chapter 134