Skip to content
אתר זה לא תומך בגרסאות ישנות של אינטרנט אקספלורר
מומלץ להשתמש בדפדפן גוגל כרום או פיירפוקס מוזילה
(או באינטרנט אקספלורר / edge עדכני)
Enjoy Learning Sanskrit tips, tools, resources and more...

मार्कण्डेय-पुराणम्       mārkaṇḍeya-purāṇam - chapter-61

Use the following checkboxes to set the display options for this chapter (You can also control the display of each verse separately):
what would you like to see in each verse:
क्रौष्टुकिरुवाच ।
कथितं भवता सम्यग् यत् पृष्टोऽसि महामुने ।
भूसमुद्रादिसंस्थानं प्रमाणानि तथा ग्रहाः ॥१॥
1. krauṣṭukiruvāca .
kathitaṃ bhavatā samyag yat pṛṣṭo'si mahāmune .
bhūsamudrādisaṃsthānaṃ pramāṇāni tathā grahāḥ.
1. krauṣṭukiḥ uvāca kathitam bhavatā samyak yat pṛṣṭaḥ asi
mahāmune bhūsamudrādisaṃsthānam pramāṇāni tathā grahāḥ
1. Krauṣṭuki said: "O great sage, you have thoroughly explained what I asked you: the arrangement of the earth, oceans, and similar entities, their dimensions, and the planets."
तेषाञ्चैव प्रमाणञ्च नक्षत्राणाञ्च संस्थितिः ।
भूरादयस्तथा लोकाः पातालान्यखिलान्यपि ॥२॥
2. teṣāñcaiva pramāṇañca nakṣatrāṇāñca saṃsthitiḥ .
bhūrādayastathā lokāḥ pātālānyakhilānyapi.
2. teṣām ca eva pramāṇam ca nakṣatrāṇām ca saṃsthitiḥ
bhūḥ ādayaḥ tathā lokāḥ pātālāni akhilāni api
2. And indeed, their dimensions, and the arrangement of the constellations, and similarly, the Bhūḥ (earth) and other worlds, as well as all the netherworlds (pātālas).
स्वायम्भुवं तथा ख्यातं मुने मन्वन्तरं मम ।
तदन्तराण्यहं श्रोतुमिच्छे मन्वन्तराणि वै ।
मन्वन्तराधिपान् देवानृषींस्तत्तनयान्नृपान् ॥३॥
3. svāyambhuvaṃ tathā khyātaṃ mune manvantaraṃ mama .
tadantarāṇyahaṃ śrotumicche manvantarāṇi vai .
manvantarādhipān devānṛṣīṃstattanayānnṛpān.
3. svāyambhuvam tathā khyātam mune
manvantaram mama tat antarāṇi aham śrotum
icche manvantarāṇi vai manvantarādhipān
devān ṛṣīn tattanayān nṛpān
3. O sage, the Svāyambhuva manvantara is indeed known to me. I now wish to hear about the subsequent manvantaras, including their presiding deities (devāḥ), sages (ṛṣiḥ), the sons of those sages, and the kings.
मार्कण्डेय उवाच ।
मन्वन्तरं मयाख्यातं तव स्वायम्भुवं च यत् ।
स्वारोचिषाख्यमन्यत् तु शृणु तस्मादनन्तरम् ॥४॥
4. mārkaṇḍeya uvāca .
manvantaraṃ mayākhyātaṃ tava svāyambhuvaṃ ca yat .
svārociṣākhyamanyat tu śṛṇu tasmādanantaram.
4. mārkaṇḍeya uvāca manvantaram mayā ākhyātam tava svāyambhuvaṃ
ca yat svārociṣa ākhyam anyat tu śṛṇu tasmāt anantaram
4. Mārkaṇḍeya said: "I have narrated to you the Svāyambhuva Manvantara. Now, hear about the one called Svārociṣa, which follows immediately after that."
कश्चिद् द्विजातिप्रवरः पुरेऽभूदरुणास्पदे ।
वरुणायास्तटे विप्रो रूपेणात्यश्विनावपि ॥५॥
5. kaścid dvijātipravaraḥ pure'bhūdaruṇāspade .
varuṇāyāstaṭe vipro rūpeṇātyaśvināvapi.
5. kaścid dvijātipravaraḥ pure abhūt aruṇāspade
varuṇāyāḥ taṭe vipraḥ rūpeṇa ati aśvinau api
5. In the city of Aruṇāspada, on the bank of the Varuṇā river, there was a certain excellent brāhmaṇa (dvijāti), who in beauty surpassed even the two Aśvins.
मृदुस्वभावः सद्वृत्तो वेदवेदाङ्गपारगः ।
सदातिथिप्रियो रात्रावागतानां समाश्रयः ॥६॥
6. mṛdusvabhāvaḥ sadvṛtto vedavedāṅgapāragaḥ .
sadātithipriyo rātrāvāgatānāṃ samāśrayaḥ.
6. mṛdusvabhāvaḥ satvṛttaḥ vedavedāṅgapāragaḥ
sadā atithipriyaḥ rātrau āgatānām samāśrayaḥ
6. He possessed a gentle nature and good conduct, having mastered the Vedas and Vedāṅgas. He was always hospitable to guests and provided shelter for those who arrived at night.
तस्य बुद्धिरियं त्वासीदहं पश्ये वसुन्धराम् ।
अतिरम्यवनोद्यानां नानानगरशोभिताम् ॥७॥
7. tasya buddhiriyaṃ tvāsīdahaṃ paśye vasundharām .
atiramyavanodyānāṃ nānānagaraśobhitām.
7. tasya buddhiḥ iyaṃ tu āsīt aham paśye vasundharām
atiramya-vanodyānām nānānagaraśobhitām
7. His intention (buddhi) was this: "I should see the earth, which is adorned with exceedingly beautiful forests and gardens, and graced by many different cities."
अथागतो।
ञतिथिः कश्चित् कदाचित्तस्य वेश्मनि ।
नानौषधिप्रभावज्ञो मन्त्रविद्याविशारदः ॥८॥
8. athāgato.
ñatithiḥ kaścit kadācittasya veśmani .
nānauṣadhiprabhāvajño mantravidyāviśāradaḥ.
8. atha āgataḥ atithiḥ kaścit kadācit tasya veśmani
nānauṣadhiprabhāvajñaḥ mantravidyāviśāradaḥ
8. Then, at some point, a certain guest came to his house, one who was knowledgeable about the effects of various medicines and skilled in the science of sacred incantations (mantra-vidyā).
अभ्यर्थितस्तु तेनासौ श्रद्धापूतेन चेतसा ।
तस्याचख्यौ स देशांश्च रम्याणि नगराणि च ॥९॥
9. abhyarthitastu tenāsau śraddhāpūtena cetasā .
tasyācakhyau sa deśāṃśca ramyāṇi nagarāṇi ca.
9. abhyarthitaḥ tu tena asau śraddhāpūtena cetasā
tasmai ācakhyau saḥ deśān ca ramyāṇi nagarāṇi ca
9. Indeed, being requested by him (the host) with a mind purified by faith (śraddhā), that guest (asau) recounted to him (the host) the beautiful countries and cities.
वनानि नद्यः शैलांश्च पुण्यान्यायतनानि च ।
स ततो विस्मयाविष्टः प्राह तं द्विजसत्तमम् ॥१०॥
10. vanāni nadyaḥ śailāṃśca puṇyānyāyatanāni ca .
sa tato vismayāviṣṭaḥ prāha taṃ dvijasattamam.
10. vanāni nadyaḥ śailān ca puṇyāni āyatanāni ca
saḥ tataḥ vismayāviṣṭaḥ prāha tam dvijasattamam
10. He also recounted forests, rivers, mountains, and sacred shrines. Thereupon, he (the host), filled with wonder, said to that excellent brahmin (dvijasattama).
अनेकदेशदर्शित्वेनातिश्रमसमन्वितः ।
त्वं नातिवृद्धो वयसा नातिवृत्तश्च यौवनात् ।
कथमल्पेन कालेन पृथिवीमटसि द्विज ॥११॥
11. anekadeśadarśitvenātiśramasamanvitaḥ .
tvaṃ nātivṛddho vayasā nātivṛttaśca yauvanāt .
kathamalpena kālena pṛthivīmaṭasi dvija.
11. anekadeśadarśitvena atiśramasamannvitaḥ
tvam na ati vṛddhaḥ vayasā
na ati vṛttaḥ ca yauvanāt katham
alpena kālena pṛthivīm aṭasi dvija
11. Being one who has seen many countries, you must be extremely tired. Yet, you are neither very old nor have you completely passed your youth. How is it then, O brahmin (dvija), that you roam the earth in such a short period of time?
ब्राह्मण उवाच ।
मन्त्रौषधिप्रभावेण विप्राप्रतिहता गतिः ।
योजनानां सहस्रं हि दिनार्धेन व्रजाम्यम् ॥१२॥
12. brāhmaṇa uvāca .
mantrauṣadhiprabhāveṇa viprāpratihatā gatiḥ .
yojanānāṃ sahasraṃ hi dinārdhena vrajāmyam.
12. brāhmaṇa uvāca mantrauṣadhiprabhāveṇa viprāpratihatā
gatiḥ yojanānām sahasram hi dinārdhena vrajāmi aham
12. The brahmin said, "By the power of sacred incantations (mantra) and medicinal herbs (auṣadhi), my movement is unobstructed, as is fitting for a brahmin. Indeed, I can travel a thousand yojanas in half a day."
मार्कण्डेय उवाच ।
ततः स विप्रस्तं भूयः प्रत्युवाचेदमादरात् ।
श्रद्धधानो वचस्तस्य ब्राह्मणस्य विपश्चितः ॥१३॥
13. mārkaṇḍeya uvāca .
tataḥ sa viprastaṃ bhūyaḥ pratyuvācedamādarāt .
śraddhadhāno vacastasya brāhmaṇasya vipaścitaḥ.
13. mārkaṇḍeya uvāca tataḥ saḥ vipraḥ tam bhūyaḥ pratyuvāca
idam ādarāt śraddadhānaḥ vacaḥ tasya brāhmaṇasya vipaścitaḥ
13. Mārkaṇḍeya said: Then that brahmin replied to him again with this, respectfully, having faith (śraddhā) in the words of that wise brahmin.
मम प्रसादं भगवन् कुरु मन्त्रप्रभावजम् ।
द्रष्टुमेतां मम महीमतीवेच्छा प्रवर्तते ॥१४॥
14. mama prasādaṃ bhagavan kuru mantraprabhāvajam .
draṣṭumetāṃ mama mahīmatīvecchā pravartate.
14. mama prasādam bhagavan kuru mantraprabhāvajam
draṣṭum etām mama mahīm atīva icchā pravartate
14. O revered one (bhagavan), please bestow upon me your grace (prasāda), which is born of the power of sacred incantations (mantra). An exceedingly great desire has arisen in me to see this earth of mine.
प्रादात् स ब्राह्मणश्चास्मै पादलेपमुदारधीः ।
अभिमन्त्रयामास दिशं तेनाख्याताञ्च यत्नतः ॥१५॥
15. prādāt sa brāhmaṇaścāsmai pādalepamudāradhīḥ .
abhimantrayāmāsa diśaṃ tenākhyātāñca yatnataḥ.
15. prādāt saḥ brāhmaṇaḥ ca asmai pādalepam udāradhīḥ
abhimantrayāmāsa diśam tena ākhyātām ca yatnataḥ
15. And that noble-minded brahmin gave him a foot-ointment. He also diligently consecrated with a sacred incantation (mantra) the direction indicated by him.
तेनानुलिप्तपादोऽथ स द्विजो द्विजसत्तम ।
हिमवन्तमगाद् द्रष्टुं नानाप्रस्त्रवणान्वितम् ॥१६॥
16. tenānuliptapādo'tha sa dvijo dvijasattama .
himavantamagād draṣṭuṃ nānāprastravaṇānvitam.
16. tena anuliptapādaḥ atha saḥ dvijaḥ dvijasattama
himavantam agāt draṣṭum nānāprasravaṇaanvitam
16. O best of brahmins, that brahmin, whose feet were then anointed by that (medicine), went to the Himalayas to see its many springs and waterfalls.
सहस्रं योजनानां हि दिनार्धेन व्रजामि यत् ।
आयास्यामीति सञ्चिन्त्य तदर्धेनापरेण हि ॥१७॥
17. sahasraṃ yojanānāṃ hi dinārdhena vrajāmi yat .
āyāsyāmīti sañcintya tadardhenāpareṇa hi.
17. sahasram yojanānām hi dinārdhena vrajāmi yat
āyāsyāmi iti sañcintya tat ardhena apareṇa hi
17. Having pondered, 'Since I certainly travel a thousand yojanas in half a day, I will surely return in another half of that time,' (he set out).
सम्प्राप्तो हिमवत्पृष्ठं नातिश्रान्ततनुर्द्विज ।
विचचार ततस्तत्र तुहिनाचलभूतले ॥१८॥
18. samprāpto himavatpṛṣṭhaṃ nātiśrāntatanurdvija .
vicacāra tatastatra tuhinācalabhūtale.
18. samprāptaḥ himavatpṛṣṭham na atiśrāntatanuḥ
dvija vicacāra tataḥ tatra tuhinācalabhūtale
18. O brahmin, having reached the peaks of the Himalayas, his body not excessively tired, he then roamed there on the snowy mountain's ground.
पादाक्रान्तेन तस्याथ तुहिनेन विलीयता ।
प्रक्षालितः पादलेपः परमौषधिसम्भः ॥१९॥
19. pādākrāntena tasyātha tuhinena vilīyatā .
prakṣālitaḥ pādalepaḥ paramauṣadhisambhaḥ.
19. pādākrāntena tasya atha tuhinena vilīyatā
prakṣālitaḥ pādalepaḥ paramauṣadhisambhaḥ
19. Then, by the melting snow trodden by his feet, the ointment on his feet, which had its origin in a supreme medicine, was washed away.
ततो जडगतिः सोऽथ इतश्चेतश्च पर्यटन् ।
ददर्शातिमनोज्ञानि सानूनि हिमभूभृतः ॥२०॥
20. tato jaḍagatiḥ so'tha itaścetaśca paryaṭan .
dadarśātimanojñāni sānūni himabhūbhṛtaḥ.
20. tataḥ jaḍagatiḥ saḥ atha itaḥ ca cetaḥ ca paryaṭan
dadarśa atimanōjñāni sānūni himabhūbhṛtaḥ
20. Then, with a slow gait, he wandered here and there, and beheld the exceedingly charming peaks of the Himalayas.
सिद्धगन्धर्वजुष्टानि किन्नराभिरतानि च ।
क्रीडाविहाररम्याणि देवादीनामितस्ततः ॥२१॥
21. siddhagandharvajuṣṭāni kinnarābhiratāni ca .
krīḍāvihāraramyāṇi devādīnāmitastataḥ.
21. siddhagandharvajuṣṭāni kinnarābhiratāni ca
krīḍāvihāraramyāṇi devādīnām itaḥ tataḥ
21. These peaks were frequented by Siddhas and Gandharvas, delighted in by Kinnaras, and charming for the sports and recreation of gods and other divine beings here and there.
दिव्याप्सरोगणशतैराकीर्णान्यवलोकयन् ।
नातृप्यत द्विजश्रेष्ठः प्रोद्भूतपुलको मुने ॥२२॥
22. divyāpsarogaṇaśatairākīrṇānyavalokayan .
nātṛpyata dvijaśreṣṭhaḥ prodbhūtapulako mune.
22. divyāpsarogaṇaśataiḥ ākīrṇāni avalōkayan na
atṛpyata dvijaśreṣṭhaḥ prōdbhūtapulakaḥ mune
22. O sage, as he beheld those peaks, teeming with hundreds of groups of divine Apsaras, the best of the twice-born (dvijaśreṣṭha), with his hairs standing on end in thrill, was not satisfied.
क्वचित् प्रस्त्रवणाद् भ्रष्टजलपातमनोरमम् ।
प्रनृत्यच्छिखिकेकाभिरन्यतश्च निनादितम् ॥२३॥
23. kvacit prastravaṇād bhraṣṭajalapātamanoramam .
pranṛtyacchikhikekābhiranyataśca nināditam.
23. kvacit prasravaṇāt bhraṣṭajalapātamanōramam
pranṛtyatśikhikekābhiḥ anyataḥ ca nināditam
23. In some places, the peaks were charming with water falling from springs, and in others, they resonated with the calls of dancing peacocks.
दात्यूहकोयष्टिकाद्यैः क्वचिच्चातिमनोहरैः ।
पुंस्कोकिलकलालापैः श्रुतिहारिभिरन्वितम् ॥२४॥
24. dātyūhakoyaṣṭikādyaiḥ kvaciccātimanoharaiḥ .
puṃskokilakalālāpaiḥ śrutihāribhiranvitam.
24. dātyūhakoṣṭikā ādyaiḥ kvacit ca ati-manoharaiḥ
puṃskokila-kalālāpaiḥ śrutihāribhiḥ anvitam
24. Here and there, it was adorned with the highly charming sounds of francolin partridges, junglefowl, and other birds, and accompanied by the melodious, ear-captivating calls of male cuckoos.
प्रफुल्लतरुगन्धेन वासितानिलवीजितम् ।
मुदा युक्तः स ददृशे हिमवन्तं महागिरिम् ॥२५॥
25. praphullatarugandhena vāsitānilavījitam .
mudā yuktaḥ sa dadṛśe himavantaṃ mahāgirim.
25. praphulla-taru-gandhena vāsita-anila-vījitam
mudā yuktaḥ saḥ dadṛśe himavantam mahāgirim
25. He joyfully beheld the great mountain (Himavat), which was fanned by winds fragrant with the scent of blooming trees.
दृष्ट्वा चैतं द्विजसुतो हिमवन्तं महाचलम् ।
श्वो द्रक्ष्यामीति संचिन्त्य मतिञ्चक्रे गृहं प्रति ॥२६॥
26. dṛṣṭvā caitaṃ dvijasuto himavantaṃ mahācalam .
śvo drakṣyāmīti saṃcintya matiñcakre gṛhaṃ prati.
26. dṛṣṭvā ca etam dvija-sutaḥ himavantam mahā-acalam
śvaḥ drakṣyāmi iti saṃcintya matim cakre gṛham prati
26. Having seen this great mountain (Himavat), the Brahmin's son, thinking to himself, 'I will see it tomorrow,' then set his mind (mati) on returning home.
विभ्रष्टपादलेपोऽथ चिरेण जडितक्रमः ।
चिन्तयामास किमिदं मयाज्ञानादनुष्ठितम् ॥२७॥
27. vibhraṣṭapādalepo'tha cireṇa jaḍitakramaḥ .
cintayāmāsa kimidaṃ mayājñānādanuṣṭhitam.
27. vibhraṣṭa-pāda-lepaḥ atha cireṇa jaḍita-kramaḥ
cintayāmāsa kim idam mayā ajñānāt anuṣṭhitam
27. Then, as his foot-ointment had worn off, and his movements became stiff after a long time, he pondered, 'What is this that I have done out of ignorance?'
यदि प्रलेपो नष्टो मे विलीनो हिमवारिणा ।
शैलोऽतिदुर्गमश्चायं दूरञ्चाहमिहागतः ॥२८॥
28. yadi pralepo naṣṭo me vilīno himavāriṇā .
śailo'tidurgamaścāyaṃ dūrañcāhamihāgataḥ.
28. yadi pralepaḥ naṣṭaḥ me vilīnaḥ himavāriṇā śailaḥ
atidurgamaḥ ca ayaṃ dūraṃ ca ahaṃ iha āgataḥ
28. My plaster has been lost, dissolved by snow water. This mountain is exceedingly difficult to traverse, and I have come a long way to get here.
प्रयास्यामि क्रियाहानिमग्निशुश्रूषणादिकम् ।
कथमत्र करिष्यामि सङ्कटं महदागतम् ॥२९॥
29. prayāsyāmi kriyāhānimagniśuśrūṣaṇādikam .
kathamatra kariṣyāmi saṅkaṭaṃ mahadāgatam.
29. prayāsyāmi kriyāhānim agniśuśrūṣaṇādikam
katham atra kariṣyāmi saṅkaṭam mahat āgatam
29. I will have to abandon my ritualistic actions (karma), such as the service to the sacred fire and other rites. How will I perform them here? A great difficulty has arisen.
इदं रम्यमिदं रम्यमित्यस्मिन् वरपर्वते ।
शक्तदृष्टिरहं तृप्तिं न यास्येऽब्दशतैरपि ॥३०॥
30. idaṃ ramyamidaṃ ramyamityasmin varaparvate .
śaktadṛṣṭirahaṃ tṛptiṃ na yāsye'bdaśatairapi.
30. idam ramyam idam ramyam iti asmin varaparvate
śaktadṛṣṭiḥ aham tṛptim na yāsye abdaśataiḥ api
30. On this splendid mountain, constantly thinking 'this is beautiful, this is beautiful,' I, with my gaze entranced, will not attain satisfaction even for hundreds of years.
किन्नराणां कलालापाः समन्ताच्छ्रोत्रहारिणः ।
प्रफुल्लतरुगन्धांश्च घ्राणमत्यन्तमृच्छति ॥३१॥
31. kinnarāṇāṃ kalālāpāḥ samantācchrotrahāriṇaḥ .
praphullatarugandhāṃśca ghrāṇamatyantamṛcchati.
31. kinnarāṇām kalālāpāḥ samantāt śrotrāhāriṇaḥ
praphullatarugandhān ca ghrāṇam atyantam ṛcchati
31. The melodious voices of the Kinnaras, charming to the ear, resound from all directions. And the nose exceedingly experiences the fragrances of blooming trees.
सुखस्पर्शस्तथा वायुः फलानि रसवन्ति च ।
हरन्ति प्रसभं चेतो मनोज्ञानि सरांसि च ॥३२॥
32. sukhasparśastathā vāyuḥ phalāni rasavanti ca .
haranti prasabhaṃ ceto manojñāni sarāṃsi ca.
32. sukhasparśaḥ tathā vāyuḥ phalāni rasavanti ca
haranti prasabham cetaḥ manojñāni sarāṃsi ca
32. The pleasant-touching wind, juicy fruits, and charming lakes forcibly captivate the mind.
एवं गते तु पश्येयं यदि कञ्चित् तपोनिधिम् ।
स ममोपदिशेन्मार्गं गमनाय गृहं प्रति ॥३३॥
33. evaṃ gate tu paśyeyaṃ yadi kañcit taponidhim .
sa mamopadiśenmārgaṃ gamanāya gṛhaṃ prati.
33. evam gate tu paśyeyam yadi kañcid taponidhim
saḥ mama upadiśet mārgam gamanāya gṛham prati
33. If, in this situation, I could see some ascetic (tapas), he would instruct me on the path to return home.
मार्कण्डेय उवाच ।
स एवं चिन्तयन् विप्रो बभ्राम च हिमाचले ।
भ्रष्टपादौषधिबलो वैक्लवं परमं गतः ॥३४॥
34. mārkaṇḍeya uvāca .
sa evaṃ cintayan vipro babhrāma ca himācale .
bhraṣṭapādauṣadhibalo vaiklavaṃ paramaṃ gataḥ.
34. mārkaṇḍeyaḥ uvāca saḥ evam cintayan vipraḥ babhrāma ca
himācale bhraṣṭapādauṣadhibalaḥ vaiklavam paramam gataḥ
34. Markandeya said: Thus contemplating, the Brahmin wandered in the Himalayas. Having lost the strength in his feet and the efficacy of his medicinal herbs, he became extremely distraught.
तं ददर्श भ्रमन्तञ्च मुनिश्रेष्ठं वरूथिनी ।
वराप्सरा महाभागा मौलेया रूपशालिनी ॥३५॥
35. taṃ dadarśa bhramantañca muniśreṣṭhaṃ varūthinī .
varāpsarā mahābhāgā mauleyā rūpaśālinī.
35. tam dadarśa bhramantam ca muniśreṣṭham
varūthinī varāpsarā mahābhāgā mauleyā rūpaśālinī
35. Varuthini, who was the foremost Apsara, highly fortunate, of the Mauleya family, and endowed with great beauty, saw him - the wandering, best of sages.
तस्मिन् दृष्टे ततः साभूद् द्विजवर्ये वरूथिनी ।
मदनाकृष्टहृदया सानुरागा हि तत्क्षणात् ॥३६॥
36. tasmin dṛṣṭe tataḥ sābhūd dvijavarye varūthinī .
madanākṛṣṭahṛdayā sānurāgā hi tatkṣaṇāt.
36. tasmin dṛṣṭe tataḥ sā abhūt dvijavarye varūthinī
madanākṛṣṭahṛdayā sānurāgā hi tatkṣaṇāt
36. When that best among Brahmins was seen, the multitude of women immediately became filled with affection, their hearts captivated by the god of love.
चिन्तयामास को न्वेष रमणीयतमाकृतिः ।
सफलं मे भवेज्जन्म यदि मां नावमन्यते ॥३७॥
37. cintayāmāsa ko nveṣa ramaṇīyatamākṛtiḥ .
saphalaṃ me bhavejjanma yadi māṃ nāvamanyate.
37. cintayāmāsa kaḥ nu eṣaḥ ramaṇīyatamaākṛtiḥ
sa-phalam me bhavet janma yadi mām na avamanyate
37. They thought, "Who is this person of such exquisite form? My life would be fulfilled if he does not disregard me."
अहोऽस्य रूपमाधुर्यमहोऽस्य ललिता गतिः ।
अहो गम्भीरता दृष्टेः कुतोऽस्य सदृशो भुवि ॥३८॥
38. aho'sya rūpamādhuryamaho'sya lalitā gatiḥ .
aho gambhīratā dṛṣṭeḥ kuto'sya sadṛśo bhuvi.
38. aho asya rūpamādhuryam aho asya lalitā gatiḥ
aho gambhīratā dṛṣṭeḥ kutaḥ asya sadṛśaḥ bhuvi
38. Oh, the exquisite beauty of his form! Oh, his graceful movement! Oh, the profound depth of his gaze! Where on earth could his equal be found?
दृष्टा देवास्तथा दैत्याः सिद्धगन्धर्वपन्नगाः ।
कथमेकोऽपि नास्त्यस्य तुल्यरूपो महात्मनः ॥३९॥
39. dṛṣṭā devāstathā daityāḥ siddhagandharvapannagāḥ .
kathameko'pi nāstyasya tulyarūpo mahātmanaḥ.
39. dṛṣṭā devāḥ tathā daityāḥ siddhagandharvapannagāḥ
katham ekaḥ api na asti asya tulyarūpaḥ mahātmanaḥ
39. Gods, demons, Siddhas, Gandharvas, and Pannagas have all been observed. Yet, how is it that not even one among them possesses a form equal to that of this great soul (mahātman)?
यथाहमस्मिन्मय्येष सानुरागस्तथा यदि ।
भवेदत्र मया कार्यस्तत्कृतः पुण्यसञ्चयः ॥४०॥
40. yathāhamasminmayyeṣa sānurāgastathā yadi .
bhavedatra mayā kāryastatkṛtaḥ puṇyasañcayaḥ.
40. yathā aham asmin mayi eṣaḥ sānurāgaḥ tathā yadi
bhavet atra mayā kāryaḥ tatkṛtaḥ puṇyasañcayaḥ
40. Just as I am devoted to him, if he were to show the same affection towards me, then I would consider that a great accumulation of spiritual merit (puṇyasañcaya) had been achieved by me through that.
यद्येष मयि सुस्त्रिग्धां दृष्टिमद्य निपातयेत् ।
कृतपुण्या न मत्तोऽन्या त्रैलोक्ये वनिता ततः ॥४१॥
41. yadyeṣa mayi sustrigdhāṃ dṛṣṭimadya nipātayet .
kṛtapuṇyā na matto'nyā trailokye vanitā tataḥ.
41. yadi eṣaḥ mayi sustrigdhām dṛṣṭim adya nipātayet
kṛtapuṇyā na mattaḥ anyā trailokye vanitā tataḥ
41. If he were to cast a very affectionate glance upon me today, then no other woman (vanitā) in the three worlds (trailokye) would be as blessed (kṛtapuṇyā) as I.
मार्कण्डेय उवाच ।
एवं सञ्चिन्तयन्ती सा दिव्ययोषित् स्मरातुरा ।
आत्मानं दर्शयामास कमनीयतराकृतिम् ॥४२॥
42. mārkaṇḍeya uvāca .
evaṃ sañcintayantī sā divyayoṣit smarāturā .
ātmānaṃ darśayāmāsa kamanīyatarākṛtim.
42. mārkaṇḍeya uvāca evam sañcintayantī sā divyayōṣit
smarāturā ātmānam darśayāmāsa kamanīyatarākṛtim
42. Mārkaṇḍeya said: Thus contemplating, that divine woman, tormented by love (smara), revealed her own (ātman) form, which was even more charming.
तान्तु दृष्ट्वा द्विजसुतश्चारुरूपां वरूथिनीम् ।
सोपचारं समागम्य वाक्यमेतदुवाच ह ॥४३॥
43. tāntu dṛṣṭvā dvijasutaścārurūpāṃ varūthinīm .
sopacāraṃ samāgamya vākyametaduvāca ha.
43. tām tu dṛṣṭvā dvijasutaḥ cārurūpām varūthinīm
sopacāram samāgamya vākyam etad uvāca ha
43. But the son of the Brahmin, having seen that beautiful woman (varūthinī), approached her respectfully and spoke these words.
का त्वं कमलगर्भाभे कस्य किं वानुतिष्ठसि ।
ब्राह्मणोऽहमिहायातो नगरादरुणास्पदात् ॥४४॥
44. kā tvaṃ kamalagarbhābhe kasya kiṃ vānutiṣṭhasi .
brāhmaṇo'hamihāyāto nagarādaruṇāspadāt.
44. kā tvam kamalagarbhābhe kasya kim vā anutiṣṭhasi
brāhmaṇaḥ aham iha āyātaḥ nagarāt aruṇāspadāt
44. Who are you, O lady with a radiance like the heart of a lotus? To whom do you belong, or what are you doing? I am a brahmin who has come here from the city of Aruṇāspada.
पादलेपोऽत्र मे ध्वस्तो विलीनो हिमवारिणा ।
यस्यानुभावादत्राहमागतो मदिरेक्षणे ॥४५॥
45. pādalepo'tra me dhvasto vilīno himavāriṇā .
yasyānubhāvādatrāhamāgato madirekṣaṇe.
45. pādālepaḥ atra me dhvastaḥ vilīnaḥ himavāriṇā
yasya anubhāvāt atra aham āgataḥ madirekṣaṇe
45. My foot-ointment was destroyed here, melted by the snow-water. It is by its magical power (anubhāva), O lady with intoxicating eyes, that I arrived here.
वरूथिन्युवाच ।
मौलेयाहं महाभागा नाम्ना ख्याता वरूथिनी ।
विचरामि सदैवात्र रमणीये महाचले ॥४६॥
46. varūthinyuvāca .
mauleyāhaṃ mahābhāgā nāmnā khyātā varūthinī .
vicarāmi sadaivātra ramaṇīye mahācale.
46. varūthinī uvāca mauleyā aham mahābhāgā nāmnā khyātā
varūthinī vicarāmi sadā eva atra ramaṇīye mahācale
46. Varūthinī said: 'I am Mauleyā, the fortunate one, known by the name Varūthinī. I always wander here on this delightful, great mountain.'
साहं त्वद्दर्शनाद्विप्र कामवक्तव्यताङ्गता ।
प्रशाधि यन्मया कार्यं त्वदधीनास्मि साम्प्रतम् ॥४७॥
47. sāhaṃ tvaddarśanādvipra kāmavaktavyatāṅgatā .
praśādhi yanmayā kāryaṃ tvadadhīnāsmi sāmpratam.
47. sā aham tvat darśanāt vipra kāmavaktavyatām gatā
praśādhi yat mayā kāryam tvat adhīnā asmi sāmpratam
47. O brahmin, upon seeing you, I have become overcome with desire (kāma). Command what I should do; I am now entirely devoted to you.
ब्राह्मण उवाच ।
येनोपायेन गच्छेयं निजगेहं शुचिस्मिते ।
तन्ममाचक्ष्व कल्याणि हानिर्नोऽखिलकर्मणाम् ॥४८॥
48. brāhmaṇa uvāca .
yenopāyena gaccheyaṃ nijagehaṃ śucismite .
tanmamācakṣva kalyāṇi hānirno'khilakarmaṇām.
48. brāhmaṇaḥ uvāca | yena upāyena gaccheyam nijageham śucismite
| tat mama ācakṣva kalyāṇi hāniḥ naḥ akhilakarmaṇām
48. The Brahmin said: "O pure-smiling one, O auspicious lady, please tell me the way by which I can return to my own home, for otherwise, there will be a disruption of all my sacred duties (karma)."
नित्यनैमित्तिकानान्तु महाहानिर्द्विजन्मनः ।
भवत्यतस्त्वं हे भद्रे मामुद्धर हिमालयात् ॥४९॥
49. nityanaimittikānāntu mahāhānirdvijanmanaḥ .
bhavatyatastvaṃ he bhadre māmuddhara himālayāt.
49. nityanaimittikānām tu mahāhāniḥ dvijanmanaḥ |
bhavati ataḥ tvam he bhadre mām uddhara himālayāt
49. But for a Brahmin (dvijanman), there is a great loss of both daily and occasional sacred duties. Therefore, O auspicious lady, please rescue me from the Himalayas.
प्रशस्यते न प्रवासो ब्राह्मणानां कदाचम ।
अपराद्धं न मे भीरु देशदर्शनकौतुकम् ॥५०॥
50. praśasyate na pravāso brāhmaṇānāṃ kadācama .
aparāddhaṃ na me bhīru deśadarśanakautukam.
50. praśasyate na pravāsaḥ brāhmaṇānām kadācana
| aparāddham na me bhīru deśadarśanakautukam
50. Remaining away from home (pravāsa) is never commended for Brahmins. O timid one, this eagerness of mine to see new lands is not an offense on my part.
सतो गृहे द्विजाग्र्यस्य निष्पत्तिः सर्वकर्मणाम् ।
नित्यनैमित्तिकानाञ्च हानिरेवं प्रवासिनः ॥५१॥
51. sato gṛhe dvijāgryasya niṣpattiḥ sarvakarmaṇām .
nityanaimittikānāñca hānirevaṃ pravāsinaḥ.
51. sataḥ gṛhe dvijāgryasya niṣpattiḥ sarvakarmaṇām
| nityanaimittikānām ca hāniḥ evam pravāsinaḥ
51. In the home of a virtuous and foremost Brahmin, all sacred duties (karma) are fulfilled. Similarly, for one dwelling abroad (pravāsin), there is a loss of both daily and occasional duties.
सा त्वं किं बहुनोक्तेन तथा कुरु यशस्विनि ।
यथा नास्तं गेत सूर्ये पश्यामि निजमालयम् ॥५२॥
52. sā tvaṃ kiṃ bahunoktena tathā kuru yaśasvini .
yathā nāstaṃ geta sūrye paśyāmi nijamālayam.
52. sā tvam kim bahunā uktena tathā kuru yaśasvini
yathā na astam geta sūrye paśyāmi nijam ālayam
52. O glorious one, what is the use of saying much? Act in such a way that I do not see my own abode before the sun sets.
वरूथिन्युवाच ।
मैवं ब्रूहि महाभाग मा भूत्स दिवसो मम ।
मां परित्यज्य यत्र त्वं निजगेहमुपैष्यसि ॥५३॥
53. varūthinyuvāca .
maivaṃ brūhi mahābhāga mā bhūtsa divaso mama .
māṃ parityajya yatra tvaṃ nijagehamupaiṣyasi.
53. varūthinī uvāca mā evam brūhi mahābhāga mā bhūt sa
divasaḥ mama mām parityajya yatra tvam nijageham upaiṣyasi
53. Varūthinī spoke: 'O highly fortunate one, do not speak like that! May that day never come for me when you abandon me and go back to your own home.'
अहो रम्यतरः स्वर्गो न यतो द्विजनन्दन ।
अतो वयं परित्यज्य तिष्ठामोऽत्र सुरालयम् ॥५४॥
54. aho ramyataraḥ svargo na yato dvijanandana .
ato vayaṃ parityajya tiṣṭhāmo'tra surālayam.
54. aho ramyataraḥ svargaḥ na yataḥ dvijanandana
ataḥ vayam parityajya tiṣṭhāmaḥ atra surālayam
54. Oh, heaven is exceedingly delightful, O son of a Brahmin (dvijanandana)! One does not return from it. Therefore, we have abandoned [the mortal realm] and reside here in the abode of the gods.
स त्वं सह मया कान्त कान्तेऽत्र तुहिनाचले ।
रममाणो न मर्त्यानां बान्धवानां स्मरिष्यसि ॥५५॥
55. sa tvaṃ saha mayā kānta kānte'tra tuhinācale .
ramamāṇo na martyānāṃ bāndhavānāṃ smariṣyasi.
55. sa tvam saha mayā kānta kānte atra tuhinācale
ramamāṇaḥ na martyānām bāndhavānām smariṣyasi
55. O beloved one, while enjoying yourself here with me on this beautiful snowy mountain, you will not remember your mortal relatives.
स्त्रजो वस्त्राण्यलङ्कारान् भोगभोज्यानुलेपनम् ।
दास्याम्यत्र तथाहन्ते स्मरेण वशगा हृता ॥५६॥
56. strajo vastrāṇyalaṅkārān bhogabhojyānulepanam .
dāsyāmyatra tathāhante smareṇa vaśagā hṛtā.
56. srajaḥ vastrāṇi alaṅkārān bhogabhojyānulepanam
dāsyāmi atra tathā aham te smareṇa vaśagā hṛtā
56. Here I, captivated and subdued by love (smara), will give you garlands, clothes, ornaments, delightful food, and ointments.
वीणावेणुस्वनं गीतं किन्नराणां मनोरमम् ।
अङ्गाह्लादकरो वायुरुष्णान्नमुदकं शुचि ॥५७॥
57. vīṇāveṇusvanaṃ gītaṃ kinnarāṇāṃ manoramam .
aṅgāhlādakaro vāyuruṣṇānnamudakaṃ śuci.
57. vīṇāveṇusvanam gītam kinnarāṇām manoramam
aṅgāhlādakaraḥ vāyuḥ uṣṇānnam udakam śuci
57. There is the delightful sound of lutes and flutes, songs of the Kinnaras, a body-pleasing breeze, warm food, and pure water.
मनोभिलषिता शय्या सुगन्धमनुलेपनम् ।
इहासतो महाभाग गृहे किन्ते निजेऽधिकम् ॥५८॥
58. manobhilaṣitā śayyā sugandhamanulepanam .
ihāsato mahābhāga gṛhe kinte nije'dhikam.
58. manobhilaṣitā śayyā sugandham anulepanam iha
asataḥ mahābhāga gṛhe kim te nije adhikam
58. Here, O greatly fortunate one, for one residing, there is a bed desired by the mind and fragrant ointments. What more could you possibly have in your own home?
इहासतो नैव जरा कदाचित्ते भविष्यति ।
त्रिदशानामियं भूमिर्यौवनोपचयप्रदा ॥५९॥
59. ihāsato naiva jarā kadācitte bhaviṣyati .
tridaśānāmiyaṃ bhūmiryauvanopacayapradā.
59. iha asataḥ na eva jarā kadācit te bhaviṣyati
tridaśānām iyam bhūmiḥ yauvanopacayapradā
59. Here, for one residing, old age will never come to you at any time. This land of the gods is a bestower of increasing youth.
इत्युक्त्वा सानुरागा सा सहसा कमलेक्षणा ।
आलिलिङ्ग प्रसीदेति वदन्ती कलमुन्मनाः ॥६०॥
60. ityuktvā sānurāgā sā sahasā kamalekṣaṇā .
āliliṅga prasīdeti vadantī kalamunmanāḥ.
60. iti uktvā sa-anurāgā sā sahasā kamala-īkṣaṇā
āliliṅga prasīda iti vadantī kalam unmanāḥ
60. Having said this, the lotus-eyed woman, full of love and agitated, suddenly embraced him, speaking softly and saying, "Be pleased!"
ब्राह्मण उवाच ।
मा मां स्प्राक्षीर्व्रजान्यत्र दुष्टे यः सदृशस्तव ।
मयान्यथा याचिता त्वमन्यथैवाप्युपैषि माम् ॥६१॥
61. brāhmaṇa uvāca .
mā māṃ sprākṣīrvrajānyatra duṣṭe yaḥ sadṛśastava .
mayānyathā yācitā tvamanyathaivāpyupaiṣi mām.
61. brāhmaṇaḥ uvāca mā mām sprākṣīḥ vraja anyatra duṣṭe yaḥ sadṛśaḥ
tava mayā anyathā yācitā tvam anyathā eva api upaiṣi mām
61. The Brahmin said, "O wicked one, do not touch me! Go elsewhere, to someone who is like you. I asked you for something specific, but you are approaching me in a completely different manner."
सायं प्रातर्हुतं हव्यं लोकान् यच्छति शाश्वतान् ।
त्रैलोक्यमेतदखिलं मूढे इव्ये प्रतिष्ठितम् ॥६२॥
62. sāyaṃ prātarhutaṃ havyaṃ lokān yacchati śāśvatān .
trailokyametadakhilaṃ mūḍhe ivye pratiṣṭhitam.
62. sāyam prātaḥ hutam havyam lokān yacchati śāśvatān
trailokyam etat akhilam mūḍhe havye pratiṣṭhitam
62. The oblation offered in the evening and morning bestows eternal worlds. O foolish woman, this entire triple world is established in the oblation.
वरूथिन्युवाच ।
किं ते नाहं प्रिया विप्र रमणीयो न किं गिरिः ।
गन्धर्वान् किन्नरादींश्च त्यक्त्वाभीष्टो हि कस्तव ॥६३॥
63. varūthinyuvāca .
kiṃ te nāhaṃ priyā vipra ramaṇīyo na kiṃ giriḥ .
gandharvān kinnarādīṃśca tyaktvābhīṣṭo hi kastava.
63. varūthinī uvāca kim te na aham
priyā vipra ramaṇīyaḥ na kim
giriḥ gandharvān kinnara-ādīn
ca tyaktvā abhīṣṭaḥ hi kaḥ tava
63. Varūthinī said, "O Brahmin, am I not dear to you? Is this mountain not lovely? Indeed, after leaving behind Gandharvas, Kinnaras, and the like, who else could possibly be desired by you?"
निजमालयमप्यस्माद्भवान् यास्यत्यसंशयम् ।
स्वल्पकालं मया सार्धं भुङ्क्षव भोगान् सुदुर्लभान् ॥६४॥
64. nijamālayamapyasmādbhavān yāsyatyasaṃśayam .
svalpakālaṃ mayā sārdhaṃ bhuṅkṣava bhogān sudurlabhān.
64. nijam ālayam api asmāt bhavān yāsyati asaṃśayam
svalpakālam mayā sārdham bhuṅkṣva bhogān sudurlabhān
64. Without a doubt, you will return to your own abode from here. For a short time, enjoy these very difficult to obtain pleasures with me.
ब्राह्मण उवाच ।
अष्टावात्मगुणा ये हि तेषामादौ दया द्विज ।
तां करोषि कथं न त्वं मयि सद्धर्मपालक ॥६६॥
66. brāhmaṇa uvāca .
aṣṭāvātmaguṇā ye hi teṣāmādau dayā dvija .
tāṃ karoṣi kathaṃ na tvaṃ mayi saddharmapālaka.
66. brāhmaṇaḥ uvāca aṣṭau ātmaguṇāḥ ye hi teṣām ādau dayā
dvija tām karoṣi katham na tvam mayi saddharmapālaka
66. The Brahmin said: "O twice-born one (dvija), among the eight qualities of the self (ātman), compassion is indeed the foremost. How is it, O protector of true natural law (dharma), that you do not show that compassion towards me?"
त्वद्विमुक्ता न जीवामि तथा प्रीतिमती त्वयि ।
नैतद्वदाम्यहं मिथ्या प्रसीद कुलनन्दन ॥६७॥
67. tvadvimuktā na jīvāmi tathā prītimatī tvayi .
naitadvadāmyahaṃ mithyā prasīda kulanandana.
67. tvat vimuktā na jīvāmi tathā prītimatī tvayi
na etat vadāmi aham mithyā prasīda kulanandana
67. I cannot live if I am separated from you, and I am truly full of affection for you. I do not say this falsely; be gracious, O delight of the family!
ब्राह्मण उवाच ।
यदि प्रीतिमती सत्यं नोपचाराद्ब्रवीषि माम् ।
तदुपायं समाचक्ष्व येन यामि स्वमालयम् ॥६८॥
68. brāhmaṇa uvāca .
yadi prītimatī satyaṃ nopacārādbravīṣi mām .
tadupāyaṃ samācakṣva yena yāmi svamālayam.
68. brāhmaṇaḥ uvāca yadi prītimatī satyam na upacārāt
bravīṣi mām tat upāyam samācakṣva yena yāmi svam ālayam
68. The Brahmin said: "If you are truly affectionate and not just speaking to me out of mere courtesy, then tell me the means by which I can return to my own abode."
वरूथिन्युवाच ।
निजमालयमप्यस्माद्भवान् यास्यत्यसंशयम् ।
स्वल्पकालं मया सार्धं भुङ्क्ष्व भोगान् सुदुर्लभान् ॥६९॥
69. varūthinyuvāca .
nijamālayamapyasmādbhavān yāsyatyasaṃśayam .
svalpakālaṃ mayā sārdhaṃ bhuṅkṣva bhogān sudurlabhān.
69. varūthinī uvāca nijam ālayam api asmāt bhavān yāsyati
asaṃśayam svalpakālam mayā sārdham bhuṅkṣva bhogān sudurlabhān
69. Varuthini said, "You will surely return to your own dwelling from here. For just a short time, enjoy these extremely rare pleasures with me."
ब्राह्मण उवाच ।
न भोगार्थाय विप्राणां शस्यते हि वरूथिनी ।
इह क्लेशाय विप्राणां चेष्टा प्रेत्याफलप्रदा ॥७०॥
70. brāhmaṇa uvāca .
na bhogārthāya viprāṇāṃ śasyate hi varūthinī .
iha kleśāya viprāṇāṃ ceṣṭā pretyāphalapradā.
70. brāhmaṇaḥ uvāca na bhogārthāya viprāṇām śasyate hi
varūthinī iha kleśāya viprāṇām ceṣṭā pretya aphalapradā
70. The Brahmin said, "O Varuthini, enjoyment is certainly not prescribed for Brahmins. In this life, such endeavors for Brahmins only lead to trouble, and after death, they prove fruitless."
वरूथिन्युवाच ।
सन्त्राणं म्रियमाणाया मम कृत्वा परत्र ते ।
पुण्यस्यैव फलं भावि भोगाश्चान्यत्र जन्मनि ॥७१॥
71. varūthinyuvāca .
santrāṇaṃ mriyamāṇāyā mama kṛtvā paratra te .
puṇyasyaiva phalaṃ bhāvi bhogāścānyatra janmani.
71. varūthinī uvāca santrāṇam mriyamāṇāyāḥ mama kṛtvā paratra
te puṇyasya eva phalam bhāvi bhogāḥ ca anyatra janmani
71. Varuthini said, "By protecting me, who am dying, you will certainly receive the fruit of merit (puṇya) in the next world. As for enjoyments, they will come to you in another birth."
एवं च द्वयमप्यत्र तवोपचयकारणम् ।
प्रत्याख्यानादहं मृत्युं त्वञ्च पापमवाप्स्यसि ॥७२॥
72. evaṃ ca dvayamapyatra tavopacayakāraṇam .
pratyākhyānādahaṃ mṛtyuṃ tvañca pāpamavāpsyasi.
72. evam ca dvayam api atra tava upacayakāraṇam
pratyākhyānāt aham mṛtyum tvam ca pāpam avāpsyasi
72. Therefore, both (my salvation and your future enjoyments) will be a cause for your advancement here. If you reject me, I will die, and you will incur sin.
ब्राह्मण उवाच ।
परस्त्रियं नाभिलषेदित्युचुर्गुरवो मम ।
तेन त्वां नाभिवाञ्छामि कामं विलप शुष्य वा ॥७३॥
73. brāhmaṇa uvāca .
parastriyaṃ nābhilaṣedityucurguravo mama .
tena tvāṃ nābhivāñchāmi kāmaṃ vilapa śuṣya vā.
73. brāhmaṇaḥ uvāca parastriyaṃ na abhilaṣet iti ūcuḥ guravaḥ
mama tena tvām na abhivāñchāmi kāmam vilapa śuṣya vā
73. The Brahmin said: "My teachers (gurus) have taught that one should not desire another man's wife. Therefore, I do not desire you. You may cry or pine away as you wish."
मार्कण्डेय उवाच ।
इत्युक्त्वा स महाभागः स्पृष्ट्वापः प्रयतः शुचिः ।
प्राहेदं प्रणिपत्याग्निं गार्हपत्यमुपांशुना ॥७४॥
74. mārkaṇḍeya uvāca .
ityuktvā sa mahābhāgaḥ spṛṣṭvāpaḥ prayataḥ śuciḥ .
prāhedaṃ praṇipatyāgniṃ gārhapatyamupāṃśunā.
74. mārkaṇḍeyaḥ uvāca iti uktvā saḥ mahābhāgaḥ spṛṣṭvā apaḥ
prayataḥ śuciḥ prāha idam praṇipatya agnim gārhapatyam upāṃśunā
74. Mārkaṇḍeya said: Having thus spoken, that highly blessed one, pure and self-controlled after touching water, bowed down to the Gārhapatya fire and then spoke this (statement) in a low voice.
भगवन् गार्हपत्याग्ने योनिस्त्वं सर्वकर्मणाम् ।
त्वत्त आहवनीयोऽग्निर्दक्षिणाग्निश्च नान्यतः ॥७५॥
75. bhagavan gārhapatyāgne yonistvaṃ sarvakarmaṇām .
tvatta āhavanīyo'gnirdakṣiṇāgniśca nānyataḥ.
75. bhagavan gārhapatya agne yoniḥ tvam sarvakarmaṇām
tvattaḥ āhavanīyaḥ agniḥ dakṣiṇāgniḥ ca na anyataḥ
75. O Revered Gārhapatya fire, you are the source (yoni) of all rituals (karma). From you arise the Āhavanīya fire and the Dakṣiṇāgni fire, and not from any other source.
युष्मदाप्यायनाद् देवा वृष्टिशस्यादिहेतवः ।
भवन्ति शस्यादखिलं जगद्भवति नान्यतः ॥७६॥
76. yuṣmadāpyāyanād devā vṛṣṭiśasyādihetavaḥ .
bhavanti śasyādakhilaṃ jagadbhavati nānyataḥ.
76. yuṣmat āpyāyanāt devāḥ vṛṣṭiśasyādihetavaḥ
bhavanti śasyāt akhilam jagat bhavati na anyataḥ
76. By your nourishment, the gods become the causes of rain, crops, and so forth. From these crops, the entire world exists, and not from any other source.
एवं त्वत्तो भवत्येतद्येन सत्येन वै जगत् ।
तथाहमद्य स्वं गेहं पश्येयं सति भास्करे ॥७७॥
77. evaṃ tvatto bhavatyetadyena satyena vai jagat .
tathāhamadya svaṃ gehaṃ paśyeyaṃ sati bhāskare.
77. evam tvattaḥ bhavati etat yena satyena vai jagat
tathā aham adya svam geham paśyeyam sati bhāskare
77. Just as this entire world indeed comes into being from you by this truth (satya), so may I today see my own home while the sun is still shining.
यथा वै वैदिकं कर्म स्वकाले नोज्झितं मया ।
तेन सत्येन पश्येयं गृहस्थोऽद्य दिवाकरम् ॥७८॥
78. yathā vai vaidikaṃ karma svakāle nojjhitaṃ mayā .
tena satyena paśyeyaṃ gṛhastho'dya divākaram.
78. yathā vai vaidikam karma svakāle na ujjhitam mayā
tena satyena paśyeyam gṛhasthaḥ adya divākaram
78. Just as indeed a Vedic ritual (karma) was never abandoned by me at its proper time, by that truth (satya) may I, as a householder, today see the sun.
यथा च न परद्रव्ये परदारे च मे मतिः ।
कदाचित् साभिलाषाभूत्तथैतत् सिद्धिमेतु मे ॥७९॥
79. yathā ca na paradravye paradāre ca me matiḥ .
kadācit sābhilāṣābhūttathaitat siddhimetu me.
79. yathā ca na paradravye paradāre ca me matiḥ
kadācit sābhilāṣā abhūt tathā etat siddhim etu me
79. And just as my mind (mati) was never desirous of another's property or another's wife, so may this come to fruition for me.

Links to all chapters:

Chapter 1 Chapter 2 Chapter 3 Chapter 4 Chapter 5 Chapter 6 Chapter 7 Chapter 8 Chapter 9 Chapter 10 Chapter 11 Chapter 12 Chapter 13 Chapter 14 Chapter 15 Chapter 16 Chapter 17 Chapter 18 Chapter 19 Chapter 20 Chapter 21 Chapter 22 Chapter 23 Chapter 24 Chapter 25 Chapter 26 Chapter 27 Chapter 28 Chapter 29 Chapter 30 Chapter 31 Chapter 32 Chapter 33 Chapter 34 Chapter 35 Chapter 36 Chapter 37 Chapter 38 Chapter 39 Chapter 40 Chapter 41 Chapter 42 Chapter 43 Chapter 44 Chapter 45 Chapter 46 Chapter 47 Chapter 48 Chapter 49 Chapter 50 Chapter 51 Chapter 52 Chapter 53 Chapter 54 Chapter 55 Chapter 56 Chapter 57 Chapter 58 Chapter 59 Chapter 60 Chapter 61 (current chapter) Chapter 62 Chapter 63 Chapter 64 Chapter 65 Chapter 66 Chapter 67 Chapter 68 Chapter 69 Chapter 70 Chapter 71 Chapter 72 Chapter 73 Chapter 74 Chapter 75 Chapter 76 Chapter 77 Chapter 78 Chapter 79 Chapter 80 Chapter 81 Chapter 82 Chapter 83 Chapter 84 Chapter 85 Chapter 86 Chapter 87 Chapter 88 Chapter 89 Chapter 90 Chapter 91 Chapter 92 Chapter 93 Chapter 94 Chapter 95 Chapter 96 Chapter 97 Chapter 98 Chapter 99 Chapter 100 Chapter 101 Chapter 102 Chapter 103 Chapter 104 Chapter 105 Chapter 106 Chapter 107 Chapter 108 Chapter 109 Chapter 110 Chapter 111 Chapter 112 Chapter 113 Chapter 114 Chapter 115 Chapter 116 Chapter 117 Chapter 118 Chapter 119 Chapter 120 Chapter 121 Chapter 122 Chapter 123 Chapter 124 Chapter 125 Chapter 126 Chapter 127 Chapter 128 Chapter 129 Chapter 130 Chapter 131 Chapter 132 Chapter 133 Chapter 134