Click here to type or paste Sanskrit text
(then click the start button above)


Permitted formats:
1. itrans
2. Unicode Devanagari
3. Standard Roman Transliteration

copy some text from here and paste it on the greenboard:


sarve bhavantu sukhinaH sarve santu niraamayaaH
sarve bhadraaNi pashyantu maa kashchid duHkhabhaag bhavet
shriibhagavaan uvaaca
anaashritaH karmaphalaM kaaryaM karma karoti yaH
sa saMnyaasii ca yogii ca na niragnirna caakriyaH 6-1
yaM saMnyaasam iti praahuryogaM taM viddhi paaNDava
na hyasaMnyastasaMkalpo yogii bhavati kashcana 6-2
aarurukSormuneryogaM karma kaaraNam ucyate
yogaaruuDhasya tasyaiva shamaH kaaraNam ucyate 6-3
yadaa hi nendriyaartheSu na karmasvanuSajjate
sarvasaMkalpasaMnyaasii yogaaruuDhas tadocyate 6-4
uddhared aatmanaatmaanaM naatmaanam avasaadayet
aatmaiva hyaatmano bandhuraatmaiva ripuraatmanaH 6-5
bandhuraatmaatmanas tasya yenaatmaivaatmanaa jitaH
anaatmanas tu shatrutve vartetaatmaiva shatruvat 6-6
jitaatmanaH prashaantasya paramaatmaa samaahitaH
shiitoSNasukhaduHkheSu tathaa maanaavamaanayoH 6-7
j~naanavij~naanatRRiptaatmaa kuuTastho vijitendriyaH
yukta ityucyate yogii samaloSTaashmakaa~ncanaH 6-8
suhRRinmitraaryudaasiinamadhyasthadveSyabandhuSu
saadhuSvapi ca paapeSu samabuddhirvishiSyate 6-9
yogii yu~njiita satatam aatmaanaM rahasi sthitaH
ekaakii yatacittaatmaa niraashiiraparigrahaH 6-10
shucau deshe pratiSThaapya sthiram aasanam aatmanaH
naatyucchhritaM naatiniicaM cailaajinakushottaram 6-11
tatraikaagraM manaH kRRitvaa yatacittendriyakriyaH
upavishyaasane yu~njyaad yogam aatmavishuddhaye 6-12
samaM kaayashirogriivaM dhaarayann acalaM sthiraH
saMprekSya naasikaagraM svaM dishashcaanavalokayan 6-13
prashaantaatmaa vigatabhiirbrahmacaarivrate sthitaH
manaH saMyamya maccitto yukta aasiita matparaH 6-14
yu~njann evaM sadaatmaanaM yogii niyatamaanasaH
shaantiM nirvaaNaparamaaM matsaMsthaam adhigacchhati 6-15
naatyashnatas tu yogo 'sti na caikaantam anashnataH
na caatisvapnashiilasya jaagrato naiva caarjuna 6-16
yuktaahaaravihaarasya yuktaceSTasya karmasu
yuktasvapnaavabodhasya yogo bhavati duHkhahaa 6-17
yadaa viniyataM cittam aatmanyevaavatiSThate
niHspRRihaH sarvakaamebhyo yukta ityucyate tadaa 6-18
yathaa diipo nivaatastho ne~Ngate sopamaa smRRitaa
yogino yatacittasya yu~njato yogam aatmanaH 6-19
yatroparamate cittaM niruddhaM yogasevayaa
yatra caivaatmanaatmaanaM pashyann aatmani tuSyati 6-20
sukham aatyantikaM yat tad buddhigraahyam atiindriyam
vetti yatra na caivaayaM sthitashcalati tattvataH 6-21
yaM labdhvaa caaparaM laabhaM manyate naadhikaM tataH
yasmin sthito na duHkhena guruNaapi vicaalyate 6-22
taM vidyaad duHkhasaMyogaviyogaM yogasaMj~nitam
sa nishcayena yoktavyo yogo 'nirviNNacetasaa 6-23
saMkalpaprabhavaan kaamaaMs tyaktvaa sarvaan asheSataH
manasaivendriyagraamaM viniyamya samantataH 6-24
shanaiH shanairuparamed buddhyaa dhRRitigRRihiitayaa
aatmasaMsthaM manaH kRRitvaa na kiM cid api cintayet 6-25
yato yato nishcarati manashca~ncalam asthiram
tatas tato niyamyaitad aatmanyeva vashaM nayet 6-26
prashaantamanasaM hyenaM yoginaM sukham uttamam
upaiti shaantarajasaM brahmabhuutam akalmaSam 6-27
yu~njann evaM sadaatmaanaM yogii vigatakalmaSaH
sukhena brahmasaMsparsham atyantaM sukham ashnute 6-28
sarvabhuutastham aatmaanaM sarvabhuutaani caatmani
iikSate yogayuktaatmaa sarvatra samadarshanaH 6-29
yo maaM pashyati sarvatra sarvaM ca mayi pashyati
tasyaahaM na praNashyaami sa ca me na praNashyati 6-30
sarvabhuutasthitaM yo maaM bhajatyekatvam aasthitaH
sarvathaa vartamaano 'pi sa yogii mayi vartate 6-31
aatmaupamyena sarvatra samaM pashyati yo 'rjuna
sukhaM vaa yadi vaa duHkhaM sa yogii paramo mataH 6-32
arjuna uvaaca
yo 'yaM yogas tvayaa proktaH saamyena madhusuudana
etasyaahaM na pashyaami ca~ncalatvaat sthitiM sthiraam 6-33
ca~ncalaM hi manaH kRRiSNa pramaathi balavad dRRiDham
tasyaahaM nigrahaM manye vaayoriva suduSkaram 6-34
shriibhagavaan uvaaca
asaMshayaM mahaabaaho mano durnigrahaM calam
abhyaasena tu kaunteya vairaagyeNa ca gRRihyate 6-35
asaMyataatmanaa yogo duSpraapa iti me matiH
vashyaatmanaa tu yatataa shakyo 'vaaptum upaayataH 6-36
arjuna uvaaca 6-37
ayatiH shraddhayopeto yogaac calitamaanasaH
apraapya yogasaMsiddhiM kaaM gatiM kRRiSNa gacchhati 6-37
kaccin nobhayavibhraSTashchhinnaabhram iva nashyati
apratiSTho mahaabaaho vimuuDho brahmaNaH pathi 6-38
etan me saMshayaM kRRiSNa chhettum arhasyasheSataH
tvad anyaH saMshayasyaasya chhettaa na hyupapadyate 6-39
shriibhagavaan uvaaca
paartha naiveha naamutra vinaashas tasya vidyate
na hi kalyaaNakRRit kashcid durgatiM taata gacchhati 6-40
praapya puNyakRRitaallokaan uSitvaa shaashvatiiH samaaH
shuciinaaM shriimataaM gehe yogabhraSTo 'bhijaayate 6-41
atha vaa yoginaam eva kule bhavati dhiimataam
etad dhi durlabhataraM loke janma yad iidRRisham 6-42
tatra taM buddhisaMyogaM labhate paurvadehikam
yatate ca tato bhuuyaH saMsiddhau kurunandana 6-43
puurvaabhyaasena tenaiva hriyate hyavasho 'pi saH
jij~naasurapi yogasya shabdabrahmaativartate 6-44
prayatnaad yatamaanas tu yogii saMshuddhakilbiSaH
anekajanmasaMsiddhas tato yaati paraaM gatim 6-45
tapasvibhyo 'dhiko yogii j~naanibhyo 'pi mato 'dhikaH
karmibhyashcaadhiko yogii tasmaad yogii bhavaarjuna 6-46
yoginaam api sarveSaaM madgatenaantaraatmanaa
shraddhaavaan bhajate yo maaM sa me yuktatamo mataH 6-47
shriibhagavaan uvaaca
mayyaasaktamanaaH paartha yogaM yu~njan madaashrayaH
asaMshayaM samagraM maaM yathaa j~naasyasi tac chhRRiNu 7-1
j~naanaM te 'haM savij~naanam idaM vakSyaamyasheSataH
yaj j~naatvaa neha bhuuyo 'nyaj j~naatavyam avashiSyate 7-2
manuSyaaNaaM sahasreSu kashcid yatati siddhaye
yatataam api siddhaanaaM kashcin maaM vetti tattvataH 7-3
bhuumiraapo 'nalo vaayuH khaM mano buddhireva ca
ahaMkaara itiiyaM me bhinnaa prakRRitiraSTadhaa 7-4
apareyam itas tvanyaaM prakRRitiM viddhi me paraam
jiivabhuutaaM mahaabaaho yayedaM dhaaryate jagat 7-5
etadyoniini bhuutaani sarvaaNiityupadhaaraya
ahaM kRRitsnasya jagataH prabhavaH pralayas tathaa 7-6
mattaH parataraM naanyat kiM cid asti dhanaMjaya
mayi sarvam idaM protaM suutre maNigaNaa iva 7-7
raso 'ham apsu kaunteya prabhaasmi shashisuuryayoH
praNavaH sarvavedeSu shabdaH khe pauruSaM nRRiSu 7-8
puNyo gandhaH pRRithivyaaM ca tejashcaasmi vibhaavasau
jiivanaM sarvabhuuteSu tapashcaasmi tapasviSu 7-9
biijaM maaM sarvabhuutaanaaM viddhi paartha sanaatanam
buddhirbuddhimataam asmi tejas tejasvinaam aham 7-10
balaM balavataaM caahaM kaamaraagavivarjitam
dharmaaviruddho bhuuteSu kaamo 'smi bharatarSabha 7-11
ye caiva saattvikaa bhaavaa raajasaas taamasaashca ye
matta eveti taan viddhi na tvahaM teSu te mayi 7-12
tribhirguNamayairbhaavairebhiH sarvam idaM jagat
mohitaM naabhijaanaati maam ebhyaH param avyayam 7-13
daivii hyeSaa guNamayii mama maayaa duratyayaa
maam eva ye prapadyante maayaam etaaM taranti te 7-14
na maaM duSkRRitino muuDhaaH prapadyante naraadhamaaH
maayayaapahRRitaj~naanaa aasuraM bhaavam aashritaaH 7-15
caturvidhaa bhajante maaM janaaH sukRRitino 'rjuna
aarto jij~naasurarthaarthii j~naanii ca bharatarSabha 7-16
teSaaM j~naanii nityayukta ekabhaktirvishiSyate
priyo hi j~naanino 'tyartham ahaM sa ca mama priyaH 7-17
udaaraaH sarva evaite j~naanii tvaatmaiva me matam
aasthitaH sa hi yuktaatmaa maam evaanuttamaaM gatim 7-18
bahuunaaM janmanaam ante j~naanavaan maaM prapadyate
vaasudevaH sarvam iti sa mahaatmaa sudurlabhaH 7-19
kaamais tais tairhRRitaj~naanaaH prapadyante 'nyadevataaH
taM taM niyamam aasthaaya prakRRityaa niyataaH svayaa 7-20
yo yo yaaM yaaM tanuM bhaktaH shraddhayaarcitum icchhati
tasya tasyaacalaaM shraddhaaM taam eva vidadhaamyaham 7-21
sa tayaa shraddhayaa yuktas tasyaa raadhanam iihate
labhate ca tataH kaamaan mayaiva vihitaan hi taan 7-22
antavat tu phalaM teSaaM tad bhavatyalpamedhasaam
devaan devayajo yaanti madbhaktaa yaanti maam api 7-23
avyaktaM vyaktim aapannaM manyante maam abuddhayaH
paraM bhaavam ajaananto mamaavyayam anuttamam 7-24
naahaM prakaashaH sarvasya yogamaayaasamaavRRitaH
muuDho 'yaM naabhijaanaati loko maam ajam avyayam 7-25
vedaahaM samatiitaani vartamaanaani caarjuna
bhaviSyaaNi ca bhuutaani maaM tu veda na kashcana 7-26
icchhaadveSasamutthena dvaMdvamohena bhaarata
sarvabhuutaani saMmohaM sarge yaanti paraMtapa 7-27
yeSaaM tvantagataM paapaM janaanaaM puNyakarmaNaam
te dvaMdvamohanirmuktaa bhajante maaM dRRiDhavrataaH 7-28
jaraamaraNamokSaaya maam aashritya yatanti ye
te brahma tad viduH kRRitsnam adhyaatmaM karma caakhilam 7-29
saadhibhuutaadhidaivaM maaM saadhiyaj~naM ca ye viduH
prayaaNakaale 'pi ca maaM te viduryuktacetasaH 7-30
arjuna uvaaca
kiM tad brahma kim adhyaatmaM kiM karma puruSottama
adhibhuutaM ca kiM proktam adhidaivaM kim ucyate 8-1
adhiyaj~naH kathaM ko 'tra dehe 'smin madhusuudana
prayaaNakaale ca kathaM j~neyo 'si niyataatmabhiH 8-2
shriibhagavaan uvaaca
akSaraM brahma paramaM svabhaavo 'dhyaatmam ucyate
bhuutabhaavodbhavakaro visargaH karmasaMj~nitaH 8-3
adhibhuutaM kSaro bhaavaH puruSashcaadhidaivatam
adhiyaj~no 'ham evaatra dehe dehabhRRitaaM vara 8-4
antakaale ca maam eva smaran muktvaa kalevaram
yaH prayaati sa madbhaavaM yaati naastyatra saMshayaH 8-5
yaM yaM vaapi smaran bhaavaM tyajatyante kalevaram
taM tam evaiti kaunteya sadaa tadbhaavabhaavitaH 8-6
tasmaat sarveSu kaaleSu maam anusmara yudhya ca
mayyarpitamanobuddhirmaam evaiSyasyasaMshayaH 8-7
abhyaasayogayuktena cetasaa naanyagaaminaa
paramaM puruSaM divyaM yaati paarthaanucintayan 8-8
kaviM puraaNam anushaasitaaram; aNoraNiiyaaMsam anusmared yaH
sarvasya dhaataaram acintyaruupam; aadityavarNaM tamasaH parastaat 8-9
prayaaNakaale manasaacalena; bhaktyaa yukto yogabalena caiva
bhruvormadhye praaNam aaveshya samyak; sa taM paraM puruSam upaiti divyam 8-10
yad akSaraM vedavido vadanti; vishanti yad yatayo viitaraagaaH
yad icchhanto brahmacaryaM caranti; tat te padaM saMgraheNa pravakSye 8-11
sarvadvaaraaNi saMyamya mano hRRidi nirudhya ca
muurdhnyaadhaayaatmanaH praaNam aasthito yogadhaaraNaam 8-12
om ityekaakSaraM brahma vyaaharan maam anusmaran
yaH prayaati tyajan dehaM sa yaati paramaaM gatim 8-13
ananyacetaaH satataM yo maaM smarati nityashaH
tasyaahaM sulabhaH paartha nityayuktasya yoginaH 8-14
maam upetya punarjanma duHkhaalayam ashaashvatam
naapnuvanti mahaatmaanaH saMsiddhiM paramaaM gataaH 8-15
aa brahmabhuvanaallokaaH punaraavartino 'rjuna
maam upetya tu kaunteya punarjanma na vidyate 8-16
sahasrayugaparyantam aharyad brahmaNo viduH
raatriM yugasahasraantaaM te 'horaatravido janaaH 8-17
avyaktaad vyaktayaH sarvaaH prabhavantyaharaagame
raatryaagame praliiyante tatraivaavyaktasaMj~nake 8-18
bhuutagraamaH sa evaayaM bhuutvaa bhuutvaa praliiyate
raatryaagame 'vashaH paartha prabhavatyaharaagame 8-19
paras tasmaat tu bhaavo 'nyo 'vyakto 'vyaktaat sanaatanaH
yaH sa sarveSu bhuuteSu nashyatsu na vinashyati 8-20
avyakto 'kSara ityuktas tam aahuH paramaaM gatim
yaM praapya na nivartante tad dhaama paramaM mama 8-21
puruSaH sa paraH paartha bhaktyaa labhyas tvananyayaa
yasyaantaHsthaani bhuutaani yena sarvam idaM tatam 8-22
yatra kaale tvanaavRRittim aavRRittiM caiva yoginaH
prayaataa yaanti taM kaalaM vakSyaami bharatarSabha 8-23
agnirjyotirahaH shuklaH SaNmaasaa uttaraayaNam
tatra prayaataa gacchhanti brahma brahmavido janaaH 8-24
dhuumo raatris tathaa kRRiSNaH SaNmaasaa dakSiNaayanam
tatra caandramasaM jyotiryogii praapya nivartate 8-25
shuklakRRiSNe gatii hyete jagataH shaashvate mate
ekayaa yaatyanaavRRittim anyayaavartate punaH 8-26
naite sRRitii paartha jaanan yogii muhyati kashcana
tasmaat sarveSu kaaleSu yogayukto bhavaarjuna 8-27
vedeSu yaj~neSu tapaHsu caiva; daaneSu yat puNyaphalaM pradiSTam
atyeti tat sarvam idaM viditvaa; yogii paraM sthaanam upaiti caadyam 8-28 06031001 shriibhagavaan uvaaca
06031001 idaM tu te guhyatamaM pravakSyaamy anasuuyave
06031001 j~naanaM vij~naanasahitaM yaj j~naatvaa mokSyase 'shubhaat
06031002 raajavidyaa raajaguhyaM pavitram idam uttamam
06031002 pratyakSaavagamaM dharmyaM susukhaM kartum avyayam
06031003 ashraddadhaanaaH puruSaa dharmasyaasya paraMtapa
06031003 apraapya maaM nivartante mRRityusaMsaaravartmani
06031004 mayaa tatam idaM sarvaM jagad avyaktamuurtinaa
06031004 matsthaani sarvabhuutaani na caahaM teSv avasthitaH
06031005 na ca matsthaani bhuutaani pashya me yogam aishvaram
06031005 bhuutabhRRin na ca bhuutastho mamaatmaa bhuutabhaavanaH
06031006 yathaakaashasthito nityaM vaayuH sarvatrago mahaan
06031006 tathaa sarvaaNi bhuutaani matsthaaniity upadhaaraya
06031007 sarvabhuutaani kaunteya prakRRitiM yaanti maamikaam
06031007 kalpakSaye punas taani kalpaadau visRRijaamy aham
06031008 prakRRitiM svaam avaSTabhya visRRijaami punaH punaH
06031008 bhuutagraamam imaM kRRitsnam avashaM prakRRiter vashaat
06031009 na ca maaM taani karmaaNi nibadhnanti dhanaMjaya
06031009 udaasiinavad aasiinam asaktaM teSu karmasu
06031010 mayaadhyakSeNa prakRRitiH suuyate sacaraacaram
06031010 hetunaanena kaunteya jagad viparivartate
06031011 avajaananti maaM muuDhaa maanuSiiM tanum aashritam
06031011 paraM bhaavam ajaananto mama bhuutamaheshvaram
06031012 moghaashaa moghakarmaaNo moghaj~naanaa vicetasaH
06031012 raakSasiim aasuriiM caiva prakRRitiM mohiniiM shritaaH
06031013 mahaatmaanas tu maaM paartha daiviiM prakRRitim aashritaaH
06031013 bhajanty ananyamanaso j~naatvaa bhuutaadim avyayam
06031014 satataM kiirtayanto maaM yatantash ca dRRiDhavrataaH
06031014 namasyantash ca maaM bhaktyaa nityayuktaa upaasate
06031015 j~naanayaj~nena caapy anye yajanto maam upaasate
06031015 ekatvena pRRithaktvena bahudhaa vishvatomukham
06031016 ahaM kratur ahaM yaj~naH svadhaaham aham auSadham
06031016 mantro 'ham aham evaajyam aham agnir ahaM hutam
06031017 pitaaham asya jagato maataa dhaataa pitaamahaH
06031017 vedyaM pavitram oMkaara RRik saama yajur eva ca
06031018 gatir bhartaa prabhuH saakSii nivaasaH sharaNaM suhRRit
06031018 prabhavaH pralayaH sthaanaM nidhaanaM biijam avyayam
06031019 tapaamy aham ahaM varSaM nigRRihNaamy utsRRijaami ca
06031019 amRRitaM caiva mRRityush ca sad asac caaham arjuna
06031020 traividyaa maaM somapaaH puutapaapaa; yaj~nair iSTvaa svargatiM praarthayante
06031020 te puNyam aasaadya surendralokam; ashnanti divyaan divi devabhogaan
06031021 te taM bhuktvaa svargalokaM vishaalaM; kSiiNe puNye martyalokaM vishanti
06031021 evaM trayiidharmam anuprapannaa; gataagataM kaamakaamaa labhante
06031022 ananyaash cintayanto maaM ye janaaH paryupaasate
06031022 teSaaM nityaabhiyuktaanaaM yogakSemaM vahaamy aham
06031023 ye 'py anyadevataa bhaktaa yajante shraddhayaanvitaaH
06031023 te 'pi maam eva kaunteya yajanty avidhipuurvakam
06031024 ahaM hi sarvayaj~naanaaM bhoktaa ca prabhur eva ca
06031024 na tu maam abhijaananti tattvenaatash cyavanti te
06031025 yaanti devavrataa devaan pitRRIn yaanti pitRRivrataaH
06031025 bhuutaani yaanti bhuutejyaa yaanti madyaajino 'pi maam
06031026 patraM puSpaM phalaM toyaM yo me bhaktyaa prayacchhati
06031026 tad ahaM bhaktyupahRRitam ashnaami prayataatmanaH
06031027 yat karoSi yad ashnaasi yaj juhoSi dadaasi yat
06031027 yat tapasyasi kaunteya tat kuruSva madarpaNam
06031028 shubhaashubhaphalair evaM mokSyase karmabandhanaiH
06031028 saMnyaasayogayuktaatmaa vimukto maam upaiSyasi
06031029 samo 'haM sarvabhuuteSu na me dveSyo 'sti na priyaH
06031029 ye bhajanti tu maaM bhaktyaa mayi te teSu caapy aham
06031030 api cet suduraacaaro bhajate maam ananyabhaak
06031030 saadhur eva sa mantavyaH samyag vyavasito hi saH
06031031 kSipraM bhavati dharmaatmaa shashvacchhaantiM nigacchhati
06031031 kaunteya pratijaaniihi na me bhaktaH praNashyati
06031032 maaM hi paartha vyapaashritya ye 'pi syuH paapayonayaH
06031032 striyo vaishyaas tathaa shuudraas te 'pi yaanti paraaM gatim
06031033 kiM punar braahmaNaaH puNyaa bhaktaa raajarSayas tathaa
06031033 anityam asukhaM lokam imaM praapya bhajasva maam
06031034 manmanaa bhava madbhakto madyaajii maaM namaskuru
06031034 maam evaiSyasi yuktvaivam aatmaanaM matparaayaNaH


Loading audio...
processing text...